Monday, December 28, 2009

Sunday, December 27, 2009

లంగా రవిక కోక

తే నా లంగా అని తెలంగాణా లాగేసు కుంటే
కోక నాది అని కోన సీమ కోరితే
రవిక నాదని రాయలసీమ రాద్ధాంతం చేస్తే-
తెలుగు తల్లి నగ్న నాదం బిక్కు మొహం పెట్టి చూస్తోంటే-
సందులో సడేమియా అని మా తాత గారి సూదిలో దారం
"జ్యోతి" లా ప్రజ్వరిల్లుతూంటే-
ఆంద్ర దేశమా - ఇది కలికాలం సుమా!
నీ కేట్లాంటి కష్టాలు వచ్చేయి తెలుగు తల్లీ
ఓపిక పట్టు- కష్టాలు తొలగి పోయే రోజులు వస్తాయని

జిలేబి.

Saturday, December 19, 2009

మా పూరిల్లు మార్పులు చేర్పులు

అభివృద్ధి అన్నది ఎట్లా వస్తుంది? ఉన్నదానిని పడగొడితే దాని స్థానం లో పెద్ద భవంతి ని కట్టొచ్చు. ఉదాహరణకి మా ఇల్లు చాల పాత ఇల్లు. దీన్ని అప్పుడప్పుడు చిన్న చిన్న సర్దుబాట్లతో ఇంకా ఓ నలభై లేక యాభై సంవత్సరాలు లాగించ వచ్చు. కాకపొతే ఖర్చులు అప్పుడప్పుడు చేస్తూ ఉండాలి - సంవత్సరానికో మారు జై తెలంగాణా అన్నట్టు. కాకుంటే ప్రతి ఐదు సంవత్సరాలకో మారు ఎన్నికలన్నట్టు. దానికి విరుద్ధం గా మన్నికగా మా ఇల్లు గట్టి గా ఇంకో వంద సంవత్సరాలు నిలబడాలంటే ఇంటిని నేల మట్టం చేసి కొత్త గా కడితే (మేస్త్రి లు కరెక్ట్ గా కడితే- సున్నం సిమెంటు మన్నికవైతే లాంటి నిబంధనలకి లోబడి) సాధించవచ్చు.

కాబట్టి ఇప్పుడు మన రాష్ట్రం లో ఉన్న ప్రస్తుత పరిస్థితి మా పూర్ ఇల్లు లానే ఉంది. దీనికి సమాధానం కొత్త ఇల్లా లేక సర్దుబాట్లతో ఇంటిని రిపైర్ చెయ్యడమా లాంటిది.

జిలేబి ఇంత సింపుల్ కాదు ఈ విషయం అంటారా- మా ఇంట్లో అమ్మదే పై చేయి. ఆమె ఎట్లా చెబితే అలానే నడుచు కోవాలి. మా అయ్య కి బొక్కసం నింపడం ఎట్లా గో తెలుసు కాని ఇంటిని నిలబెట్టడం విషయం లో పరిజ్ఞానం తక్కువ. కాకుంటే మా అయ్య వీధి లోని రామయ్యలన్దరితోనూ కూర్చొని గంటల తరబడి హరిత సమస్యల గురించి, ప్రపంచదేశాల సమస్యల గురించి అనర్గళం గా సంభాషించ గలడు- అంత మాత్రమే మా అయ్య సత్తా.

చీర్స్
జిలేబి.

నగరం లో సర్కస్!

ఫ్లైట్ నుంచి దిగబడి హమ్మయ్య మా భారత భూమి పై కాలు మోపాను అని సంతోషం పడి పోవడం ప్రతి భారత ప్రవాసి కి ఓ పిచ్చి ఆనందం ! ఆ ఆనందం ఓ రెండు మూడు రోజులలో హుష్ కాకి ఐపోయి "మా దేశం లో ఇట్లా - ఇక్కడ ఇట్లాంటి కంపరిసన్ కి దిగి పోవడం సర్వ సాధారణం!

అట్లాంటి బడుగు మధ్యతరగతి భారత ప్రవాసి మహానగర సందర్శనార్థం బయలు దేరడమునను ఆ హా మా దేశం ఏమి ఉన్నతి చెందింది- "ఇండియా షైనింగ్ " అంటే ఇదే కామోసు అన్న అధ్బుతమైన ఆలోచనతో సరే ఈ ఊరి బస్సు కూడా ఎక్కి చూసేద్దాం అన్న ఆలోచనకి వచ్చి బస్సు ఎక్కడమున్ను ఆ పై బస్సులో ఒఊపిరి ఆడక ( ఆ పాటి ఓ రోజుకే అల ముహం వేలాడ దీసుకుంటే ఎలా మరి- ఇదే దేశం లో ఈ కార్యక్రమం రోజువారి జరుగుతోందే మరి?) ఎందుకొచ్చిన నగర సందర్శనం రా బాబు అనుకోవడమూ కద్దు!

కాని ఈ మారు గమనించిన దానిలో విశేషం బెట్టి దంటే- నగరం లో దుకానులు కలర్ ఫుల్ గా ఐయిపోయీయి! బస్సులు ట్రాఫ్ఫిక్ అట్లాగే మరీ ఎక్కువై పోయేయి. అంటే దరిమిలా దేశానికి ఎ ఇన్ఫ్రా స్త్రక్తుర్ అన్నది ఎట్లా వస్తుందో తెలియకుండా పోయింది.

బస్సులలో చెవులకి ఎఅర్ ఫోన్ లు ఉన్నాయి. చేతుల్లో ఐపాడ్ ఉన్నాయి. జనాల చేతుల్లో తినడానికి జుంక్ ఫుడ్ బోల్డంత ఉంది. కాని రోజువారి ప్రయాణం లో పదనిసలు ఎప్పుడు సరిగమలు పాదతాయో ?


ఇది ఎ ఒక్క మహానగర దుర్భాగ్యం మాత్రం కాదనుకుంటా? అన్ని మహా నగరాల పరిస్థితి ఇంచు మించు ఇట్లా గే ఉన్నది. జనత సౌకర్యం గా పయనం చెయ్యలేక ప్రైవేటు వాహనాలు రోడ్ల పై ఎక్కువై అవి ఇంటి వటుడింతై అన్నట్టు గా ఇటు రోడ్ ని అటు ఫుట్ పాత్ లని అధిగమిస్తూ సర్కస్ చేస్తూ పోతూంటే- ఓ భారత దేశమా - ప్రగతి కి నిర్వచనం ఎక్కడ ఉన్నది?

జన ప్రభంజనం లో మహా ప్రవాహ వాహినిలో కొట్టుకు పోతున్న దేశమా - కాస్త నిలిచి జనాలకి ఎట్లాంటి సౌకర్యం ఇవ్వాలని అనుకుంటున్నావో ఓ మారు ఆలోచించు అని అనుకోకుండా మానుకోడు సామాన్య మానవుడు!

అయినా దేశం ఇట్లాంటి సమస్యల ప్రవాహాన్ని పట్టించుకోదు! పట్టించు కావలసినవి చాల ఉన్నాయి- ఉదాహరణకి రాష్ట్ర విభజన లాంటి నిఖార్సైన విషయాలు!

మీరేమంటారు? తెలుసు లెండి సామాన్య మానవులం మరి- ఇట్లాంటి విషయాలు పట్టించుకుంటే- మన ఆరోగ్యం దెబ్బతింటుంది. కాబట్టి చూసీ చూడకుండా వెళ్లి పోవడం మన ఆరోగ్యానికి క్షేమ కరం!

జిలేబి.

Friday, December 18, 2009

"వరదరాజ గుడి- భూమాత బడి "

చిత్తూరు నీవా నది తీర ప్రాంతంలో విరాజిల్లిన గుడి శ్రీ వరదరాజస్వామి గుడి. ఈ గుడి కి వెళ్ళడానికి నీవా నదిని దాటి వెళ్ళాలి. పూర్వ కాలం లో నది నీళ్ళతో నిండి ఉంటె నదిని దాటి ఈ గుడికి వెళ్ళడం ఒక పెద్ద విషయం. ఆ తరువాయి దేశానికి స్వాతంత్రం వచ్చింది. దేశానికి స్వాతంత్రం వస్తే చిత్తూరు నీవా నదికి నీళ్ళు పోయేయి. నీవా నది లో చిత్తూరు లో కాలుష్యం అన్ని నదుల్లా దీనికి పట్టింది. కాలుష్యం తో బాటు చిత్తూరు నాయుడు గారి "సురాపానం" (అదేనండి మదిరం- లికర్ అంటారు అట ఆంగ్లం లో ఐతే) కార్ఖానా "పుణ్యమా" అని నదిలో "సురాపానం" కాలువై ప్రవహించింది. ఆ కాలంలో దగ్గిరి వీధిలోని నీళ్ళు "మత్తు" గా గమ్మత్తు గా పసుపు కలర్ తో జనాలకి ఓ కిక్ ఇచ్చింది! నది బెడ్ చేరబడింది - ఆ మధ్యలో ఈ నాయుడు గారు సాయిబాబా గారి నీటి పధకానికి కొట్లిచ్చారని వినికిడి. పర్సనల్ కాలుష్య నివారణార్థం కామోసు అనుకున్నాను ! ఈ నది కాలువని - సురా కాలువ సువాసలని భరించలేక చాలామంది ఈ గుడి కి వెళ్ళడం మానుకున్నారు కూడా. ఆ పై ఆ గుడి దొంగల బడి అయ్యింది. అప్పుడప్పుడు మంచి ఎండలో ధైర్యం చేసి ఆ కాలపు కుర్రాళ్ళు క్రికెట్ ఆడేవాళ్ళు ! ఆ తరువాయి ఎవరో పుణ్యమా అని మళ్ళీ గుడి లో దీపం కొన్ని రోజులు వెలిగింది.

ఇవన్ని ఎందుకు చెప్పుకొస్తున్నాను అంటే- ఈ పై కహానికి కోపెన్ హగెన్ సభలకి సామరస్యం ఉంది కాబట్టి. భూప్రపంచాల కాలుష్యం నివారించడానికి ౧౯౨ దేశాలు సమావేశమై తమకు తామే పాడుచేసుకున్న గుడిని మళ్ళీ నిలబెట్ట తామోచ్ అని వాక్రుచ్చి హాట్ తోపిక్ తో కిందా మీదా పడుతున్నాయి- మా నాయుడు గారు సాయిబాబా గారి నీటి పథకానికి డబ్బిచ్చినట్టు గా ( ఆ మాత్రమైన ఇచ్చాడు గా అన్నది మరో వాదన - అదీ ఇవ్వకుంటే ఏమయి ఉండేది చిత్తూరోల్ల నీటి కష్టాలు ?)

నదులకి నీళ్ళు లేవు. జనాలకి నదులే ఇల్లులు కట్టుకోదాని స్థలాలు అయి పోయేయి.
నదులలో నీళ్ళు లేవు. నది మట్టి ఇల్లులు కట్టుకోడానికి రాష్ట్రేతర రావాన అయి పోతోంది
నదీనాం సాగారో గచ్చతి అన్నది ఆ నాటి వాక్కు!
నదీనాం రియల్ ఎస్టేట్ ఏజెంట్ పాకెట్ మనీ గాచ్చాసి అన్నది నేటి వాక్కు
నదీనాం న ప్రవహంతి - నదీనాం న జీవసి అన్నది రేపటి వాక్కు !

అంతా విష్ణు మాయ కలికాలం ప్రభావం ! మాయ తేరా దిగితే - మనిషి ఆకస హర్మ్యాల నుండి భూమ్మి మీద కి రావటం - ఓ త్సునామి క్షణం అంత సేపు !

జిలేబి.

Saturday, December 12, 2009

మొర మొరాలు బొరుగులు కూనలమ్మ పదాలు

చిత్తూరులో ఓ ముసల్మాను - పతాను బొరుగులు అమ్మే వాడు. "మొర మోరా" అన్నది అతని కేక !

మొదట్లో సైకిల్ లో వచ్చేవాడాయన - ఆ పై ఓ ఓల్డ్ టీవీఎస్ ఫిఫ్టీ లో వచ్చి బొరుగులు అమ్మేవాడు.
అతని కంఠం వీధి చివర్లో అరిస్తే ఆ వీధి మొనలో వినబడేది ! ఈ మానవుడి గురించి చిత్తూరబ్బాయీ ఒకతను సుమన్ కుమార్ అనే అతను, తన కథలో ఓ క్యారెక్టర్ గా కూడా చిత్రించిడం జరిగింది.

ఇప్పుడు ఈ మొర మొర ప్రసక్తి ఎందుకు అంటే -

ఈ రెండు రోజులలో ఆంద్ర రాజ్యం లో "మొర మొర" లు ఎక్కువై పోయేయి. అంటే బొరుగులన్న మాట . గాలి ఎటు వీస్తే బొరుగులు ఆ వైపు ఎగిరి పోతాయి. ఇప్పడు ఆంధ్ర దేశం లో ఏ బొరుగులు ఎక్కడ తేలతాయో కూడా తెలియడం లేదు.

ఈ "తెలుగు జాతి మనది, నిండుగ వెలుగు జాతి మనది" అన్న పాట ఎంతదాకా సరి అన్నది తెలియడం లేదు!

దేశ విభజన , రాజ్యాల విభజన రాష్ట్రాల విభజన - "విభజించు పాలించు" అన్న సూత్ర మునకు కట్టు బడి ఉన్నామా లేక ఇంకా భారతీయులు గా ఉన్నామా ?

అంతా చిదంబర చిద్వాలాసం అనుకోవాలా లేక ఇది మూక సైకాలజీ మీద "మాతా హరి" రాజకీయ నాటక రచనా పరిహాసమా?

అవురా నలుగురు నవ్వి పో దురు గాని నాకేటి సిగ్గు? కూనలమ్మ పదాలే రాజ్య భవితవ్యం!

రాష్ట్రమంతివర్గం చేవ లేకుండా సత్తా లేకుండా ఉంటే - రాజన్నవాడు నిఖార్సుగా ఉండక పొతే - ఆ దేశ రాజ్య పరిస్థితి నడి సముద్రం లో నావ!

దాని దిక్కు కి సూచికా లేదు- దాని మనుగడకి భరోసా నూ లేదు. !

అంతా విష్ణు మాయ కాకుంటే మరే మంటారు?

చీర్స్
జిలేబి.

Wednesday, November 25, 2009

ఇండియన్ స్టాక్ మార్కెట్

ఈ మధ్య ఇండియన్ స్టాక్ మార్కెట్ చాలా గొప్పగా నింగి వైపు దూసుకెడుతోంది! ఆ మధ్య క్రితం సంవత్సరం ప్రపంచ మార్కెట్లంతా ఇక ఉంటామా లేక ఊగిపోతామా అన్న స్థితి లో డిసెంబర్ నెలలో ఉండింది. ఒక్క సంవత్సరం తరువాయీ ఇప్పుడు నింగి వైపు జూమ్!! ఈ జూమ్ ఎంతదాకా కొనసాగొచ్చు? ఈ మధ్య జూలై 2010 లో మళ్ళీ సెన్సెక్స్ 21000 మార్క్ దాటుతుందని ఓ ప్రవచనం!

ఈ లాంటి స్థితిలో ఈ బ్లాగు రాయడం ఎందుకంటే , ఇది నిజంగా ఈలా నింగి వైపు రియల్ గా వెళ్తుందా అన్న ప్రశ్న ఉదయిచడం ! మీరేమంటారు?

చీర్స్
జిలేబి.

Saturday, November 21, 2009

ఇచ్ఛా మరణం vs ఆత్మహత్య

ఈ మధ్య ఈ ప్రశ్న ఉదయించింది. మహానుభావులు ఇచ్ఛా మరణం పొందుతారంటారు - ఉదాహరణకి కపాల మోక్షం ద్వారా ప్రాణాన్ని త్యజించడం లేక సజీవ సమాధి కావడం లాంటివి. జ్ఞాని ఐన మహానుభావులు ఈ లాంటి మరణం తో ఈ లోకాన్ని విడిచి పెట్టడానికి ఆత్మ హత్య కి సాదృశ్యం ఉన్నదా అన్నదే నా సందేహం. సామాన్య మానవుడు తాళలేని కష్టాలతో ఇక ఈ జీవితం తాను భరించడం లేడనుకుని ఆత్మ హత్య కి పాల్పడడం లేకుంటే ఆత్మ హత్యే సమస్యకి పరిష్కారం అన్న ఆలోచనతో జీవితాన్ని ముగించడం జరుగుతుంది. ఇదే మహానుభావులు శాస్త్రాలు "ఆత్మ హత్య మహా పాతకం" అంటారు! మరి నా కర్థం కాని విషయం ప్రాణాన్ని కపాలం ద్వారానో లేక సజీవ సమాధి ద్వారానో త్యజించడం ఆత్మ హత్య కాదా? తార్కికానికి అందని ఈ విషయం ! బ్లాగు రీడర్లు దీన్ని గురించి అభిప్రాయం తెలుప గలరు. ఇది పెద్ద మనుషుల ఫార్సు ఆలోచనలా ఉన్నది నాకైతే- అంటే పెద్దవాళ్ళు చేస్తే ఓ న్యాయం చిన్నవాళ్ళు చేస్తే మరో న్యాయం లాంటిది?

జిలేబి.

Wednesday, November 18, 2009

పంచేంద్రియాలకి ఆవల!

ప్రణవ్ మిస్త్రీ అన్న అబ్బాయి పంచేంద్రియాలకి ఆవల ఆరో ఇంద్రియాన్ని గురించిన ఈ పదిహేను నిముషాల టాక్ వీలు చేసుకుని చూడండి! అవకాశం కలిసివస్తే భారతీయులు ఎట్లాంటి ఇన్నో వేషన్ చేయగలరో అన్నదానికి ఇది నిదర్శనం

http://www.ted.com/talks/pranav_mistry_the_thrilling_potential_of_sixthsense_technology.html

చీర్స్
జిలేబి.

Wednesday, November 4, 2009

మదర్ మీరా - శ్రీమతి కమలా రెడ్డి ఒక పరిచయం


పుట్టినది చండేపల్లె నల్గొండ జిల్లా ఆంధ్ర దేశం
ప్రస్తుత నివాసం జర్మనీ దేశం
గృహస్తాశ్రమం !
పూర్వశ్రామం లో కమలా రెడ్డి గారు
ఇదీ చిన్ని పరిచయం వీరి గురించి.
ఛీర్స్
జిలేబి.

Sunday, November 1, 2009

శ్రీ ఏక్ హార్ట్ టొల్లె ఒక పరిచయం


శ్రీ ఏక్ హార్ట్ టొల్లె ఒక పరిచయం
పుట్టినది జర్మనీ దేశం
చదివినది లండన్ మహానగరం కేంబ్రిడ్జీ
నివాసం కెనడ దేశం లో!
ఒకానొక దినాన "అంతర్ముఖ పరివర్తన" ఆయన జీవితంలో మలుపు
అది ధ్రుఢమై అంతర్ముఖ ప్రయాణం
ఆపై పుస్తకాలతో "ప్రస్తుతాన్ని" గురించి వివరణలు!
ఇవీ ఆయన గమమించిన సత్యాలు ఆయన ఉపన్యాస దీటి కి సోపానాలు

ఛీర్స్
జిలేబి.

శ్రీ "మూజి" ఒక పరిచయం

శ్రీ మూజి
సత్సంగ్ విత్ మూజి !
అన్తోనీ పాల్ యంగ్
జమైకా దేశం పుట్టిన గడ్డ
ప్రస్తుతం నివాసం లండన్ మహా నగరం
పూర్వశ్రామం లో స్ట్రీట్ పైంటర్ , ఆర్టిస్ట్ , వృత్తి రీత్యా "అధ్యాపకుడు
తన నిరంతరాన్వేషణలో "పాపాజి" శిష్యరికం
రమణ మహర్షి వారసత్వ తాత్విక ఆలోచన దృక్పధం!
ప్రపంచ విస్తృత పర్యటనలలో "సత్సంగ్ విత్ మూజి" అన్న
టాపిక్ ఆయన "తాత్విక ఆలోచనలకి " వేదిక!

ఛీర్స్
జిలేబి.

Saturday, October 31, 2009

శ్రీ చారిజి ఒక పరిచయం



నా గురు దేవులు పుస్తక విరచిత
శ్రీ చారిజి గారు
పూర్వాశ్రమం లో కార్పోరేట్ ఎగ్జిక్యూటివ్
తన గురుదేవుల సహజ మార్గ రాజయోగ పధ్ధతి ని
ప్రపంచానికి తెలిపిన వారు
కర్మ యోగి
రాజ యోగ పధ్ధతి గురించి ధ్యాన పధ్ధతి గురించి అనర్గళంగా
జన బాహుళ్యానికి అర్థమయ్యేలా విసదీకరించినవారు !
నివాసం మద్రాసు (చెన్నై) మహానగరం
తనదైన 'ఆంగ్ల భాషా' పాటవం ఆయన అనర్గళ ఉపన్యాస ఝరి!

ఛీర్స్
జిలేబి.

Friday, October 30, 2009

శ్రీ "M" ఒక పరిచయం

శ్రీ "M" ఒక పరిచయం!
పేరు ముంతాజ్ ఆలి !
మలయాళీ జన్మ ప్రదేశ రీత్యా
ముసల్మాను జన్మ రీత్యా
ప్రస్తుత వాసం ఆంధ్ర దేశం!
పూర్వాశ్రమం లో జర్నలిస్ట్ వృత్తి రీత్యా
ముంబై రామకృష్ణ సంస్థలో ఒకప్పుడు దీక్ష పొందిన వారు
వేదాంత సారాన్ని సులభంగా అనర్గళంగా విసదీకరించ గలిగిన వారు
"నీ లోని అంతర్యామిని దర్శించు" అన్న మతాతీత "నిర్మత" సంస్కృతి వారిది
మనీషి
మదనపల్లె ప్రస్తుత వాసం
ఆయన పేరులోనే "M" కాదు ఆయన ప్రవృత్తి లో కూడాను!
సూర్యునికి పరిచయం అవసరం లేదు.
అయినా సూర్యుని గురించి చెప్పకుండా ఉండలేము!
ఈ పరిచయమూ ఆ కోవకే చెందినది -

ఛీర్స్
జిలేబి.

Wednesday, October 28, 2009

జాలం - కూడలి- హారం

జారువాలు బ్లాగు రుచులతో
లంబోదర విరచిత వ్యాస భారతం దీటుగా
బ్లాగ్ రచయితల కూడలి హారం జాలం
దిన దిన ప్రవర్ధమానం గా వర్ధిల్లాలి అన్న
ఆశయాలతో ఈ బ్లాగు ల పేర్లతో
అల్లిన పద ప్రబన్దం
ఈ టపా తో పరిసమాప్తి!
మళ్ళీ సమయం వచినప్పుడు
మరో మారు ఈ ప్రహేళిక పునః ఆరంభం !!

ఛీర్స్
జిలేబి.

Monday, October 26, 2009

నెమలి కన్ను

నెమలి కన్నులు చూడ చక్కన
' నెమలి కన్ను ' చదువ చంపకమాల
నెమలి కి అందం కన్నులు చందం నడకలు
' నెమలి కన్ను ' కి అందం విలక్షణం
చందం పుస్తక పరిచయం!
ఛీర్స్
జిలేబి.

మనస్వి

ఆమె మనస్వి
తను తాపసి
నాతి చరామి అన్నాడు అతడు
అర్ధాంగిని అన్నదావిడ
ఈ సమీకరణంలో
కలసి ఉంటే కలదు సుఖము
లేకుంటే కలదు కష్టాలు కన్నీళ్ళు
మనస్వి తాపసి ని తపస్వి చెయ్యగలిగితే
తాపసి మనస్వి ని మమేకం చేసుకోగలిగితే
ఆ జీవనం సహజీవనం !

ఛీర్స్
జిలేబి.

Sunday, October 25, 2009

కూడలి !

కూ
ప్పు
లింకులు
వెరసి
కూడలి
మా కూడలి

ఛీర్స్
జిలేబి.

Saturday, October 24, 2009

పరిమళం

గుభాళింపు
తాజాదనం
కనులకి ఆహ్లాదం
'పరిమళం'
శత 'పుష్ప' హృదయం !

ప్రఫుల్ల
మధుర
భావ వీచికల పరిమళం
పరిపూర్ణం , బ్లాగోన్నతం!

శుభాకాంక్షలతో
జిలేబి

Friday, October 23, 2009

రవిగారూ!

రవి
విహారి అవిశ్రాంత చరి
గాడాన్ధకార ప్రపంచానికి దివిటి !
రూఢిగా రవి లేనిదే భువి లేదు!
రవి ప్రజ్వలనం భువి నిర్మూలనం!

UNO దిన సందర్భం గా అన్ని దేశాల Environmental Improvement Plans సఫలీకృతం కావాలని ఆసిస్తూ
ఛీర్స్
జిలేబి.


హారం హా, రమ్ !

మ్మ్
రమ్
హారమ్
ఆంద్ర పాఠక ప్రజానీకానికి
హా, రమ్ మా హారమ్!
ఆహార్యం ఆంద్ర బ్లాగ్ లోకానికి
మహా ఆరామం బ్లాగ్ రీడర్లకి

ఛీర్స్
జిలేబి.

Thursday, October 22, 2009

జ్యోతి

యత్ర సూర్యో న ప్రకాశయంతి
అని వేద వాక్కు!
జ్యోతి ప్రజ్వలనం ఆ వేద వాక్కు ప్రతిధ్వని!
ఆ దివ్య జ్యోతి అఖండం అపూర్వం!
యో మాం పశ్యతి సర్వత్ర సర్వంచ మయాం పశ్యతి
అన్న గీతాచార్యుని ఉపదేశం
ఈ హృదయ జ్యోతి ని సాక్షాత్కారం చేసుకోవడానికి
సర్వదా సమాలోచనల రాచ మార్గం!
నా హం కర్తా కర్తా హరిః!

ఛీర్స్
జిలేబి

కొత్త పాళీ

కొత్త ఒక వింత పాత ఒక రోత
పాళీ ఏదైనా దాని సత్తా వ్రాసే 'కొత్త' దనాన్ని బట్టి
పాళీ వెనుక ఉన్నమెదడు బట్టి!
ఈ కొత్త పాళీ బ్లాగుల సముదాయం
దిన దిన అభివ్రిద్ది
తెలుగు రచయితా రచయిత్రులకు చేయూత!
కవులకి కవయిత్రులకి కాదేది 'కావ్యార్హం!'
'బ్లాగ్వేదిక' అందరికి 'భారతి' ఆశీర్వచనం!

ఛీర్స్
జిలేబి.

Wednesday, October 21, 2009

సిరా కదంబం

పూర్వం సిరా బుడ్డి ఉండేది(ఉండేదట!)
సిరా అద్దితే కలం కావ్యాన్ని పలికించేది
ఆ తరువాత సిరా కలం లో కలయికై
దారావాహిని అయ్యింది !
మరి ఈ ఇరవై ఒక్క శతాబ్దంలో?
కంప్యూటర్ రాత రసవత్తర బ్లాగోదయం గా
భాసిస్తోంది!
సో నేటి కదంబం సి రా (కంప్యూటర్ రాత!)

ఛీర్స్
జిలేబి.

Tuesday, October 20, 2009

మోహన మీ ప్రకృతి

తిమిర సంద్రాల
కృతి కర్తా స్వప్నమీ
ప్రకృతి
మీ (నా) ప్రకృతి
వ్య అందాల
రిత వయ్యారాల
మోహన మహోత్తున్గాల
ప్రకృతి-
మోహన మీ ప్రకృతి !

ఛీర్స్
జిలేబి

Monday, October 19, 2009

అమ్మ ఒడి

అమ్మ ఒడి ఒక బడి
అమ్మ చెంత నిశ్చింత
అమ్మ మా అమ్మ ముగ్గురమ్మల అమ్మ
సరస్వతి లక్ష్మి పార్వతి ల సంగమం మా అమ్మ
అనురాగ రాగాల పల్లకి లో జీవితం లో మరపురాని
దినాలని మదిలో నిలపి
'అమ్మాయీ' నాదైన ఈ వారసత్వం
నీ ద్వారా ఇంకా నీ వారసత్వానికి ప్రాసాదించు!
అన్న ఆశీస్సులతో ఆశీర్వదించే అమ్మ ఒడి ఒక గుడి
సదా సిద్చిర్భవతు సర్వానాం !
జిలేబి.

Sunday, October 18, 2009

హరి సేవ

సేవ అన్నా సర్వీసు అన్నా మనకి చాల ఇష్టం
వాలంటరీ సర్వీసు స్వచ్ఛంద సేవ సంస్థల హృదయం
అది హరి సేవ అన్నా జన సేవ అన్నా
ముఖ్యమైనది హృదయం ద్వారా పని చెయ్యడం
హరి సేవలో, జన సేవలో తరించే ప్రజా లోకానికి
ఇవ్వాళ ప్రపంచ పేదరికాన్ని పోగొట్టాలన్న
అంతర్జాతీయ దినోత్సవనాన్ని గుర్తు చేస్తూ

మీ
జిలేబి.

Saturday, October 17, 2009

లీలా + మోహనం!

భామ సత్య సారథి కే రథ సారథి గా నిలచిన వేళ
'సారథి' శౌర్యం నరకాసురనుని వధించిన వేళ
చూపులలో వయ్యారాలు మాత్రమే గాదు స్త్రీ శక్తీ అనిపించిన వేళ
భామా సమేత కృష్ణుడే శక్తీ స్వరూపుడు అని నిరూపించిన వేళ
ఆ వేళ ఈ వేళ - దీపాల మేళ !
ఆ 'లీలా మొహనుల' కు నమస్సులతో !

అందరికి శుభాకాంక్షలతో!
'సత్పుర' వాసిని
జిలేబి.

హృదయ స్పందనల చిరు సవ్వడి

ఎవ్వరూ లేనప్పుడు కిటికీ దేన్ని చూస్తుంది?
ఎవ్వరూ భాజాయించనప్పుడు ధమరుకం ఏ నాదాన్ని వినిపిస్తుంది?
ఎవ్వరూ విననప్పుడు మురళీ ఏ గానాన్ని ఆలపిస్తుంది?
ఎవ్వరూ చూడనప్పుడు కళ్లు వేటిని చూస్తాయి?
హృదయ కవాటాలని తెరచి వినగలిగితే ....
స్పందనల చిరు సవ్వడి వీటన్నిటికి అతీతంగా
ఉన్న ఆ ఆంతర్యామిని సాక్షాత్కరిస్తుందా?
ఆనందో బ్రహ్మ!

దీపావళి శుభాకాంక్షలతో
జిలేబి.

Friday, October 16, 2009

నవ్వులాట

ఆహా నా నవ్వులాట
ఆహా నా నవ్వులాట
నీకు నాకు నవ్వు అంట తాం తాం తాం
నవ్వు నాలుగివిధాల ఆరోగ్యమంటా
నవ్వితే రత్నాలు రాలుతాయంట
నవ్వే నాకు శోభ యంటా
అందుకే .....
నవ్వో నమః!

ఛీర్స్
జిలేబి.

Thursday, October 15, 2009

ఆంధ్రా 'మృతం'?

ఆంధ్రుల చరితం అతిరస భరితం
ఆంధ్రుల సంస్కృతి అమోఘ కావ్యం
ఆంధ్రుల మేధస్సు వర్ణనాతీతం
ఆంధ్రుల వంటకం షడ్రసో పేతం
ఆంధ్రుల కీర్తి అతిరధ మహారధుల సమ్మేళనం
ఆంధ్రుల కావ్యం కమనీయం
ఆంధ్రుల సౌర్యం అసామాన్యం
మరి ఆంధ్రుల రాజకీయం......??????

ఛీర్స్
జిలేబి

Tuesday, October 13, 2009

ఆలోచనా తరంగాలు

తిరంగం తరంగం లా వయ్యారాలు పోతూంటే
మది మనోల్లాసంగా మురిసిపోతూంటే
పై ఎద పై పై ఎగసి పడుతూంటే
ఆలోచనా తరంగాలు చక్కిలి గింతలు పెడుతూంటే
మనసా ఎందుకే మౌనం

ఛీర్స్
జిలేబి.

Monday, October 12, 2009

భావ నిక్షిప్తం

గుండలోని మాట గొంతుకలో కొట్లాడుతుంటే
మదిలోని సవ్వడి మరువనీయ కుండా ఆరాట పెడ్తూంటే
హృదయం తనని మరవ లేక తానే తనలో మమేకం కాలేక పోతూంటే
భావం ఆర్ణవమై సంధ్యలో కరిగిపోతూ
నాతో చెలిమి చెయ్యమని
నా మనసే భావమై నాలో నిక్షిప్తం!
అంతా గుప్చుప్!

జిలేబి.

Sunday, October 11, 2009

మురళీ గానం

మురళీ గానం
మధురం
తియ్యదనం కలబోసిన దంటా
ఆ కాలం లో నే నుండి ఆ గానాన్ని
ఆలకించి ఉంటే అవునో కాదో చెప్పే దాన్ని
కాని ఆ మురళీ గానం తానెప్పుడు మధురమే
అని నిరుపించుకోవడానికి
ప్రతి కాలం లో ను ఒక్కో మానీషి లో ప్రతిధ్వనిస్తూనే ఉంది
వినడానికి మన చెవులు హృదయ ద్వారాలని తెరిచి వుంచితే!

ఛీర్స్
జిలేబి.

Saturday, October 10, 2009

కలల ప్రపంచం

కలల ప్రపంచం
నీది నాది అన్నా ఈ ప్రపంచం
అందరిది ఈ ప్రపంచం అయినప్పుడు
కలలు కనే నా నేస్తం కలల ప్రపంచం
ఎప్పుడు సాకారం ?

పిన్న పెద్ద అన్నా తమ్ముడు అక్క చెల్లి
బంధుత్వం బాదరాయణం
ఓ అరవై లేక డెబ్భై ఏళ్ళు
జీవితం
పరమం పురుషార్థం
ఆనందో బ్రహ్మ!

ఛీర్స్
జిలేబి.

Wednesday, September 30, 2009

కాదేది కవిత కనర్హం

ఈ మధ్య శ్రీ శ్రీ గారి రచనల్ని తిరగేస్తుంటే వారి కుక్కపిల్ల, సబ్బు బిళ్ళ ,అగ్గి పుల్ల గుర్తు కొచ్చేయి. కాదేది కవిత కనర్హం లా కాదేది బ్లాగ్లోకానికి అనర్హం అన్నా తప్పులేదు లా ఉన్నది. ఈ ఇరవై ఒక్క శతాబ్దం లో బ్లాగులు నాటి పత్రికల్ని తలదన్నెట్టు వేర్వేరు సబ్జెక్టు లతో కొత్త కొత్త హంగులతో వస్తున్నై. ఆ కాలంలో ఎ ఆంద్ర పత్రిక లేక ప్రభ లోనో ఓ చిఇన్ని "మీ ఉత్తరం" లో మన పేరు కనిపిస్తే అదే పదివేలన్న సంతోషం తో మురసి పోయే వారం! ఇక మన కథ అచ్చు ఐతే చెప్పనవసరమే లేదు! కాలరేగారేసుకొని ఓ గడ్డం పెంచేసుకుని గొప్ప కథకులమై పోయేమన్నఆలోచనలో విహంగమై విహరించే వాళ్ళం! మరి ఇప్పుడు ఎవరి కి ఏది తోస్తే వాళ్లు అది వ్యక్తీ కరించవచ్చు! దాన్ని చదివి కామెంటడానికి జనాభా ఖచ్చితంగా ఉంటున్న్దన్న భరోసా ఎల్లప్పుడూ ఉండనే ఉన్నది!
బ్లాగోన్నమః!

ఛీర్స్
జిలేబి.

Tuesday, September 15, 2009

ఓబన్న ఓనమాలు

ఓబన్న గారు అమెరికా దేశాధ్యక్షులు ఈ మధ్య ఓ వారం మునుపు స్కూల్ పిల్లల్ని ఉద్దేశించి వాళ్ళని ఉత్తేజ పరిచేలా వాక్రుచ్చేరు. వారి మాట ప్రకారం గా మనం జీవితం లో ఎట్లాంటి ఉద్యోగం లో కి వెళ్ళాలన్న మంచి చదువు ఉండాలన్నారు. అలా అంటూ అందులో రాజకీయ నాయకునికి ఎలాంటి చదువు కావాలో చెప్పలేదు! దీని ప్రకారం చూస్తే రాజయకీయనికి చదువుకి చుక్కెదురు అమెరికాలో కూడా అనుకోవాలేమో ? ఓబన్న చెప్పిన వేదం ఆంగ్లం లో ఇక్కడ ఇచ్చాను!


"And no matter what you want to do with your life – I guarantee that you’ll need an education to do it. You want to be a doctor, or a teacher, or a police officer? You want to be a nurse or an architect, a lawyer or a member of our military? You’re going to need a good education for every single one of those careers. You can’t drop out of school and just drop into a good job. You’ve got to work for it and train for it and learn for it"

ఛీర్స్
జిలేబి.

Saturday, September 5, 2009

ఎంతెంత దూరం?

చిన్న పిల్లల ఆటలలో ఓ చిన్ని ఆట - కళ్ళకు గంతలు కట్టు కుని "ఎంతెంత దూరం?" అంటూ ముందు వెళ్తున్న చిన్నారి పాపో బాబో అంటుంటే వెనుక వస్తున్నపాప "చాలా చాలా దూరం" అంటూ గెంతుతూ వెళ్ళడం చిన్ని ప్రదేశాలలో గమనించవచ్చు. కాని వాళ్లు ఆటలాడుతున్న ప్రదేశం మాత్రం చిన్ని ప్రదేశమే!

కీర్తి శేషులు శ్రీ వై ఎస్ ఆర్ ఆఖరుగా పలికిన వాక్యం " చిత్తూరికి ఫ్లైట్ ఎంత సేపట్లో వెళుతుంది" అని పైలట్ ని అడిగారని ది హిందూ వారు కోట్ చేసారు.

చిత్తూరు అన్నపదం "సత్పురమ్" అన్న పదం నుంచి వచ్చినట్టుగా నానుడి. కాబట్టి శ్రీ వై ఎస్ ఆర్ గారి ఆఖరి వ్యాఖ్యని "సత్పురమ్ వెళ్లడానికి ఎంతసేపు?" అని అడిగ్నట్టుగా అనుకుంటే జవాబు ఆయన జీవిత ఆఖరి ఘడియలే అని పిస్తుంది. సత్పురమ్ అంటే శ్రీ మన్నారయణుని నివాసం.

శ్రీ వై ఎస్ ఆర్ కుటుంబసభ్యులకి ఒదార్పులతో
జిలేబి.

Saturday, August 29, 2009

అడమానం తాకట్టు ఆమ్యామ్య

ఈ మధ్య పేపర్లు చదువుతూంటే శ్రీ శ్రీ గారిలా ఈ పేపరు తిరగేసినా ఏమున్నది గర్వ కారణం - అడమానం తాకట్టు ఆమ్యామ్య అనాలనిపిస్తుంది.

ఛీర్స్
జిలేబి.

Friday, August 28, 2009

వెంకన్నాస్ గోల్డ్ !

మెకన్నాస్ గోల్డ్ చిత్రంలో పొలోమని గోల్డ్ రష్ కోసం రోగ్ కారెక్టర్లు తో బాటు ఓ ఫాదరీ కూడా ఉంటాడు. ఆయన్ని మీరెందుకు గోల్డ్ కోసం పరుగులాట అంటే ఆ డబ్బులతో పెద్ద చర్చి కట్టిస్తాని చెబ్తాడు జవాబుగా!
ఈ బ్లాగులో కొంత కాలం క్రితం ఏడుకొండలవాడి బంగారం గోవిందా గోవిందా వ్రాసాక ఈ మధ్య పేపర్లో తిరుపతి దేవాలయం పూజార్లు వారు స్వామీ వారి బంగారు నగల్ని అడమానం పెట్టి జీవిత సాగరాన్ని నడపుతున్న వైనం చదివాక నిజం గా చాల బాధ వేసింది. వెంకన్నన్ను నమ్ముకుని రాముల వారిని నమ్ముకుని ఇట్లాంటి పరిస్తుతులలో సాంప్రదాయ బద్ధం గా బ్రతకవలసిన పంతులవారు జీవితాని సాగించడానికి బంగారాన్ని అడమానం పెట్టి నెగ్గుకు రావడం అఆలోచింప దాగిన విషయం. స్వామీ వారి ఆదాయం కోట్లు! వారి పూజారి వారి జీతాలు అంత అంత మాత్రమే! స్వామీ వారి ఆదాయాన్ని కార్పొరేట్ తీరులో గణిస్తూ వారి వద్ద పనిచేసే పూజార్లు వారి జీతాలు ఇంతే ఉంటే ఇక ఇట్లాంటి దురవస్త రాక మానుతుందా అనిపిస్తుంది! వెంకన్న వారు కల్యాణం చేసుకోవడానికి కుబెర్లు వారి దగ్గిరి బకాయి పడ్డా రట ఆ కాలం లో! ఇప్పుడు వారి సేవకులు అడమానం దుకాణానికి బకాయ్! ధర్మో రక్షతి రక్షితః!
ఛీర్స్
జిలేబి.

Saturday, August 22, 2009

సెవెన్ ఇయర్స్ ఇన్ టిబెట్

ఈ మధ్య బ్రాడ్ పిట్ చిత్రం సెవెన్ ఇయర్స్ ఇన్ టిబెట్ చూసాను. ఈ చిత్రం గురించి చెప్పాలనుకుని ఈ టపా. దీంట్లో విశేషం ఏమిటంటే ఈ చిత్రాన్ని డైరెక్ట్ చేసింది ఫ్రెంచ్ డైరెక్టర్. కథ ఒక ఆస్ట్రియన్ జర్మన్ మౌంటైన్ క్లిమ్బెర్ చుట్టూ తిరుగుతుంది. ఈ ఆస్ట్రియన్ తన జీవితంలో చిన్నప్పటి దలైలామా ని కలుసుకోవడం ఈ కథలో ముఖ్య వస్తువు. ఇది నిజంగా జరిగిన కథ అని దాన్ని జర్మన్ రచయితా రాసాడని విన్నాను. ఈ చిత్రాన్ని చిత్రీకరించడానికి భారత ప్రభుత్వం ఇండియా లో చిత్రీకరించడానికి అనుమతి ఇవ్వక పోవడం తో వీళ్ళు ఈ చిత్రాన్ని సెట్స్ వేసి వేరే దేశంలో తీసారు!

ఒక అద్భుత కథా కావ్యం!
చూడ దలిస్తే ఈ క్రింది లింకు ద్వారా చూడొచ్చు.


http://www.veoh.com/search/videos/q/seven+years+in+tibet#watch%3Dv18604085anyWhqSP

ఛీర్స్
జిలేబి.

Sunday, August 16, 2009

అజ్ఞాత టపాలు కామెంట్లు

ఈ మధ్య ఒక బ్లాగోదరుడు/బ్లాగోదరి కమేంట దానికి అందరికి సమాన హక్కులు ఉండాలి అని వాపోయారు! అంటే ప్రతి ఒక్కరు గూగుల్ లాంటి ఐడీ లతో లాగిన్ అయ్యి పోస్ట్ లకి కామెంట్ రాయాలని ఓ మోస్తరు అందరు బ్లాగు దార్లు సెట్టింగ్స్ పెట్టడంతో స్వేచ్ఛా విహన్గాలైన అజ్ఞాతలకి కామెంట్ ఇవ్వడానికి వీలు లేకుండా పోతోందని వారి కంట తడి కాకుంటే కంఠ శోష! ఈ కామెంట్ చదివాక అయ్యో పాపం అని పించింది. ఎందుకంటే మన భారతదేశంలో ప్రతి ఒక్కరి కి తమ అభిప్రాయాలు తెలుపడానికి హక్కులున్నాయీ! మరి ఇలా లాగిన్ అయి కామెంట్ ఇవ్వడమంటే ఆలాంటి స్వేచా కామెంట్ దార్లకి చెయ్యి కట్టేసినట్టే! అంతే గాకుండా ఓ లాంటి అసౌకర్యం కూడా! ఈ విషయం గా కూడలి గాని హారం గాని ఏదైనా ఓ కొత్త టెక్నిక్ కనుక్కుంటే బాగుణ్ణు! ఈ లాంటి వారు ఆ టెక్నిక్ ఉపయోగించి స్వేచ్ఛా కామెంట్ చెయ్య దాని కి సావకాశం కల్పించిన వారవుతారు! అంతే గాకుండా అజ్ఞాతలకి కూడా సులభతరం గా ఉంటుంది!

ఛీర్స్
జిలేబి
స్వేచ్ఛా విహంగం అని ఆ టెక్నిక్ కి పేరు పెట్ట వచ్చని నా అభిప్రాయం! మీరే మంటారు?

Tuesday, August 4, 2009

ఏడు కొండలవాడా వెంకటరమణ బంగారం గోవింద గోవింద?

ఇవ్వాళ హిందూ దిన పత్రిక లో ఆంధ్ర ప్రదేశ్ హై కోర్ట్ వారి ఆదేశం - తీ తీ దే వారికి - స్వామీ వారి బంగారం లిస్టు సమర్పించందహోయీ అన్న వార్త చదివాక - అందులోని ముఖ్య అంశం గా ఈ బంగారు నగలు లాకర్ లో సింగెల్ కీ సిస్టం ద్వారా ఉన్నట్టు వినికిడి. అంటే ఆ ఒక వ్యక్తి పరం లో ఉన్న నగలకి గ్యారంటీ ఏమిటన్న ప్రశ్న ఉదయిస్తుంది! సాదా సీదా బ్యాంకు లాకర్ లకే రెండు కీ లతో ఆపరేట్ చేస్తారు ! ఇంక కోటానుకోట్ల విలువ గల స్వామీ బంగారు నగల బాగోతం ఒక్క మనిషి ద్వారా నిర్వహణ అంటే ఇది నిజం గా ఆశ్చర్యం అని పిస్తోంది ఇప్పటిదాకా ఎలాంటి కుంభకోణాలు లేకుంటే ! మనిషన్నాక సందేహం మొదట్లోనే ఉంటుంది కదదండి మరి! అయిన తీ తీ దే వారు ఇన్ని సంవత్సరాల బట్టి ఈ విషయాన్ని ఎలా మేనేజ్ చేస్తున్నారు ? ఈ లాంటి సందేహాలకి తావు ఇవ్వడం సబబేనా? ప్రజల బంగారం (అంతా స్వామీ వారిదే అనుకోండి) ఇట్లా స్వామీ వారికి వారి వారి మొక్కులతో ఇవ్వ బడ్డ బంగారం నిజం గా స్వామీ వారి దగ్గిరే అంటే తీ తీ దే వారి దగ్గిరే ఉందా?????? లేకుంటే ------ అంతా విష్ణు మాయ కాకుంటే కలికాలం మహిమ అనుకోవాలి!

ఈ టపాలు కి ఈ క్రింద ఇవ్వ బడ్డ హిందూ వారి వార్త చదివాక వచ్చిన నా సందేహాలు అప్రతిహమగు గాక!

http://www.hindu.com/2009/08/04/stories/2009080455500100.htm

జిలేబి

Monday, August 3, 2009

హాలికులు కుశలమా?

చిత్తూరు జిల్లా ప్రముఖ రచయితలలో పేరెన్నికగన్న శ్రీ మధురాంతకం రాజారాం గారి గురించి ప్రత్యేకం గా చెప్పవలస్సిన అవసరం ఎప్పుడు ఉందనే చెప్పాలి. ఈ మధ్య పులికంటి వారి జన్మ దిన సందర్భం గా వారి ఫోటో చూసాక మధురాంతకం రాజారాం గారు గుర్తుకి రావటం తో వారి పై చేసిన గూగుల్ సెర్చ్ లో శ్రీ రాజారాం గారి " హాలికులు కుశలమా" కథానిక గుచ్ఛం కంట పడింది. ఈ పుస్తకాన్ని ఈ క్రింది లింక్ ద్వారా పీ డీ ఎఫ్ఫ్ రూపేణడౌన్లోడ్ చేసికొని చదువుకోవచ్చు. వారి పేరిన్నికగన్న ఎన్నో కథలు ఇందులో ఉన్నాయి!
లింక్:
http://www.archive.org/details/halikulukushalam019993mbp

ఛీర్స్
జిలేబి.

Sunday, August 2, 2009

తెలుగు కామెడి - ఆరవ కామెడి

ఆరవ దేశానికి బోర్డర్ లో ఉండటం వల్ల చిత్తూరోల్లకి ఆరవ కామెడి తో మంచి పరిచయం కొంచం ఎక్కువే. నిజం చెప్పాలంటే అరవం వాళ్ల కామెడి ఓ మోస్తరు ఫాస్ట్ కామెడియే. తెలుగు లో అంత ఫాస్ట్ గా కామెడి సఫలం కాదేమో అనిపిస్తుంది. జంధ్యాలగారు కొంత ఈ ఫాస్ట్ కామెడి కి బ్రహ్మానందం గారి తో ప్రయత్నించి చూసారు. కాని అంత క్లిక్ అయినట్టు అనిపించదు. భాష సౌలభ్యం కాదేమో అని కూడా అనిపిస్తుంది.

అరవం భాష సౌలభ్యం అనుకుంట లేకుంటే కామెడి డ్రామాలు తెలుగు కంటే అరవం లో నే ఎక్కువగా రావడం కూడా కావచ్చు. ఉదాహరణకి క్రేజీ మోహన్ , ఎస్.వి. శేకర్ లాంటి కామెడి కింగ్ లు ఆరవ సామ్రాజ్యాన్ని కామెడి ద్రామలతో , పన్ లతో మరీ ఎక్కువగా ప్రాచుర్యం లో ఉంచడం కూడా కారణమై ఉండవచ్చు. మద్రాసు నగరం లో ఈ మధ్య "చాకొలేట్ కృష్ణ" ఆన్నపేరుతొ క్రేజీ మోహన్ సీరియల్ చాల రోజులుగా నడుస్తోంది డ్రామా థియేటర్ ల లో!

జిలేబి.

Monday, July 27, 2009

దక్ష యజ్ఞం చిత్రం గురించి తెలుప గలరా?

ఈ మధ్య దక్ష యజ్ఞం కొన్ని సీన్స్ యు ట్యూబ్ లో చూసాను. అందులో నందీశ్వరుని గా నటించిన నటుడు ఎవరని తెలుసా మీ కెవరికైనా? రేలంగి లా ఉన్నట్టుంది కాని కచ్చితం గా తెలియ లేదు. ఎవరైనా తెలిసి ఉంటే చెప్పా గలరు. లేక వీరు మాధవ పెద్ది సత్యం గారా ?

ఛీర్స్
జిలేబి.

Thursday, July 23, 2009

సంపూర్ణ సూర్య గ్రహణం - సంపూర్ణం !

సంపూర్ణ సూర్య గ్రహణం వస్తోంది వస్తోంది అని ఎదురు చూసిన ఆ గడియలు వచ్చి వెళ్లి పోయాయి. ఈ సంపూర్ణ గ్రహణం మళ్ళీ మరు జన్మలో చూడొచ్చు అని ఆశా పూర్వకం గా అనుకోవచ్చు. అందరూ ఈ జన్మలో ఇదే ఆఖరి సారి ఇది చూడగలగడం అనటం తో బోరు కొట్టి కొత్త విధంగా ఆలోచిస్తే మరుజన్మలో చూడచ్చోచ్ అని సంబర పడి పోయాను. ఈ మాటే మా వాళ్ళతో అంటే నీది మరీ చోద్యమే ! నువ్వు మరు జన్మలో వస్తావని గ్యారంటీ ఏమిటి? వచ్చావే పో లాస్ట్ జన్మలో చూసవన్న గ్య్నాపకం ఉంటుందా అన్నారు! ఇప్పుడు మాత్రం ఉండిందా? మరు జన్మ ఉందనుకుంటే లాస్ట్ జన్మలో కూడా ఇది చూసినట్టే కదా మరి అని వితండవాదం లేవ దీశాను. అంతా విష్ణు మాయ గాకుంటే ప్రతి రోజు సూరీడు పన్నెండు గంటలు కనబడకుండా పోతాడు అదంతా విచిత్రం గా అని పించలేదు - ఓ ఆరు నిముషాలు గాయబ్ అయి పొతే ప్రపంచం ముక్కు మీద నల్ల కళ్ళద్దాలు పెట్టుకుని చూస్తుంది! ఈ పాటి దానికి ఇంత రాద్ధాంతం ఎందుకు చేస్స్తారో మరీ విడ్డూరమే !

ఛీర్స్
జిలేబి.

Sunday, July 19, 2009

వరూధిని మళ్ళీ వచ్చేసిందోచ్!

ఆ మధ్య అస్త్ర సన్యాసం చెయ్యాలనుకుని ఇక బ్లాగకూడదనే నిర్ణయానికి రావడంమున్ను బ్లాగు కి మూత పెట్ట దమ్మున్ను జరిగింది. ఆ తరువాయి ఓన్లీ బ్లాగు రీడింగ్ మాత్రమె. ఓ మూణ్ణెల్ల తరువాయి మళ్ళీ బ్లాగు ఓపెన్ చేద్దామనే ఆలోచనే ఈ బ్లాగు రీ-ఓపెన్ సెరేమోనీ! మళ్ళీ పోస్ట్ చేద్దామనే ఉద్దేశం ! చూద్దాం ఏమి జరుగుతుందో! అంటా విష్ణు మాయయే కదండీ మరీను!

జిలేబి.

Saturday, March 28, 2009

వరూధిని జిలేబి ఒక్కరేనా?

ఈ బ్లాగుల్లో రాస్తున్న వరూధిని & జిలేబి ఒకరే వ్యక్తీనా లేక ఇద్దరనా అన్న సందేహం కొందరు (వరూధిని తో కలిపి) లేవ దీసారు. వరూధిని అన్న పేరుతొ నేను ఈ బ్లాగు మొదలెట్టాను. ఈ పేరెందుకు పెట్టానో నా మొదటి టపా లో తెలిపాను . ఆ పేరుతోనే మరి ఒక బ్లాగోదరి ఉన్నారని వారు కూడా ప్రముఖ బ్లాగు రైటర్ అని తెలిసింది. కొంత మంది జిలేబి పేరు ఏమిటి ఈ విడకి ? - ఈ విడకి జిలేబి లంటే మరీ ఇష్టమా అని కూడా సందేహ పడి పోయారు !

ఇందు మూలకం గా వచ్చిన సందేహాలకి సరి ఐన సమాధానం ఇవ్వ వలసిన భాద్యత నా దని
భావించి దీని మూలకం గా తెలియ జేసు కోవటం ఏమనగా - బ్లాగ్ బాన్ధవులార- నా బ్లాగు పేరు మాత్రమె వరూధిని - నా పేరు జిలేబి. ఈ విషయాన్ని గ్రహించగలరు !

ఈ ఉపోద్ఘాతం తరువాయి అందరికి తెలుగు విరోధినామ సంవత్సరం శుభాకాంక్షలు తెలియ జేసుకుంటూ-
మీ ప్రియమైన- వరూధిని
జిలేబి.

Monday, March 23, 2009

గూగులాయ నమః!

కొత్త ప్రపంచపు సరికొత్త శ్లోకాలు:

గూగుల్ బ్రహ్మ గూగుల్ విష్ణు గూగుల్ దేవో మహేశ్వరః
గూగుల్ సాక్షాత్ "అంతర్జాల బ్రహ్మం" తస్మై శ్రీ గూగుల్ నమః!
యాహూ నమస్త్యుభం వరదే "సెర్చ్" రూపిణీ
సెర్చ్ ఆరంభం కరిష్యామి సిద్ధిర్భవతు మే సదా!

ఛీర్స్
జిలేబి.



Monday, March 16, 2009

పుంగనూరు జవాను కథ

చిత్తూరు జిల్లాలో ఈ పుంగనూరు జవాను అన్న పదం ప్రచారం లో ఉంది. ఈ పుంగనూరు జవాను అన్నది ఎకసక్కం గా ఎవేర్నైన ఉద్దేశించి అనడానికి ఉపయోగించడం ఇక్కడి వాళ్ల విశేషం ! ఎవడైనా "ఒరేయ్ అయ్యగారు ఉన్నారా చూసి రారా" అని పంపిస్తే వాడు చూసి వచ్చేసి "చూసానండి" అంటారు చూడండి అట్లాంటి వాళ్ల గురించి ఈ పదం వాడకం లో ఉంది!

బ్రిటిషు జమాన లో తాసిల్దార్ ఆఫీసు లో ఓ జవాను ఉండేవాడట ! వాడ్ని "ఒరేయ్ జవాను చిత్తూరు వెళ్లి కలెక్టరు గారున్నారా చూసి రారా" అంటే వాడు ఖచ్చితింగా చిత్తూరు వెళ్లి కలెక్టరు ఉన్నారా లేదా అని చూసి ఇంకా ఎట్లాంటి వాకబు చెయ్యకుండా టపీమని తిరిగి వచ్చి ఉన్నారనో లేకుంటే లేరనో చెప్పేవాడు.
"ఒరేయ్ నేను రావచునో లేదో అడిగావారా? " అంటే వాడు తల గోక్కుని "మీరు ఆ విషయం అడగమని చెప్పలేదు కదండీ? " అనే వాడు.
ఈ కథా క్రమం గా ఈ నానుడి ఏర్పడింది. ఇది జాతియమా లేకుంటే నానుడియా యా అన్నది నాకున్న సందేహం ! ఎంతైనా పుంగనూరు చిత్తూరు జిల్లాలో ఉండడం వల్ల ఇది రాయలసీమ మాండలీకం కూడం కాక పోవచ్చు. దీని పరిధి చిత్తూరు జిల్లా వరకే పరిమితి అయి ఉండవచ్చు!

ఛీర్స్
జిలేబి

Saturday, March 14, 2009

నాకు సలహా కావాలి

బ్లాగ్మిత్రబాన్ధవులార -

నా బ్లాగులోని టపాలని నేను PDF లో కి మార్చి ఈ - పుస్తకం గా వెలువరిన్చాలని ( వచ్చిన వ్యాఖ్యలతో సహా) అనుకుంటున్నాను. మీలో ఎవరికైనా ఇది ఎలా చెయ్యడమో తెలిస్తే దయ చేసి తెలియ జేయ్యగలరు. నా PDF దాకుమేంట్ తయారైనప్పుడు సాంకేతిక సహాయం అన్న పెరుకింద మీకు కృతజ్ఞతలు తెలియ జేసుకుంటాను.

ఛీర్స్
జిలేబి.

రాజకీయ వేత్తలు బహు పరాక్ !

రాజకీయ వేత్తలు బీ హోషియార్! మీ సద్యోగాలకి ధోకా వచ్చే కాలం ఉన్నట్టుంది!

మధ్య సినిమా నటీ నటులు ప్రభంజనం లా రాజకీయం లోకి దూసుకు వచ్చేస్తున్నారు!

కనీ వినీ ఎరుగని రీతి లో వీళ్ళు నేనంటే నేనని ముందుకు వచ్చి ఉన్న పార్టీ లోనో లేకుంటే మన చిరంజీవి గారిలా కొత్త పార్టీ తోనో ప్రజావాహిని జన జీవితం లో "కిక్కు" కలిగిస్తున్నారు!

మధ్య నటీమణి నగ్మా ముంబై నాదేనని పై ఎదలపై చెయ్యేసి మరీ ఘంటాపథం గా ఘోషిస్తున్నారు కాంగ్రెస్స్ హెడ్ క్వార్టర్స్ తో!

రాజకీయవేత్తలు మీరెప్పుడైనా ఇలాంటి "కిక్కులు" సినిమా ఫీల్డ్ లో కెళ్ళి దుమారం లా చెయ్య గలిగారా? లేదు. అంటే, దీని వల్ల తెలియ వచ్చే దేమి టంటే రాజకీయం చెయ్యడానికి ఎవ్వరైనా చెయ్య వచ్చు ! అదీ పాపులారిటీ ఉన్న సినీ నటీ నటులకి మరీ తేలిక! జన మహా ప్రభంజనం లో వాళ్ళకి ఎప్పుడు ఆహ్వానమే!

రెండో పాయింటు దీని వల్లే తెలిసేది ఏమిటంటే రాజకీయ వేత్తలు సినిమా ఫీల్డ్ లో రాణించలేరు కాని సినిమా వాళ్లు రాజకీయమ్లో భేషుగ్గా ఇమిడి పోగలరు!

వాళ్ళకి ఫీల్డ్ అచ్చోచ్చినదని శ్రీ రామారావు గారు ఆల్రెడీ నిరూపించి చూపించారు !

కారణాల రీత్యా రాజకీయ వేత్తలు బహు పరాక్! మీ సదరు ఉద్యోగాలకి మీరు తిలోదకం ఇవ్వడానికి అంత్య కాలం చాల దరిదాపుల్లో నే ఉన్నట్టుంది! సో ప్రస్తుతపు మాంద్యం లో మీ ఉద్యోగాలు హుషు కాకి కాకుండా చూసు కొండి!బహు పరాక్! బహు పరాక్ ! బీ హోషియార్! బీ హోషియార్!

కొసమెరుపు: ఈ టపా ని మా అమ్మాయికి చూపిస్తే "మరీ నీ చోద్యం గాని రాజకీయ వేత్తలు సినిమా లోకి వస్తే సినిమా ఎవరు చూస్తా రే అమ్మా ! అయినా రాజకీయం వాళ్ళని సినిమా వాళ్లు రానిస్తారా అంటా ? ఆ ఫీల్డ్ ఆల్రెడీ "క్లోసేడ్ సర్క్యూట్" కాదే? రాజకీయం వాళ్ల తెలివి ఏంటో మనకి తెలియదటే? సినిమా వాళ్లు మరీ బుర్ర ఉన్న వాళ్లు కాదటే ? " అని సందేహం లేపింది!

ఛీర్స్
జిలేబి!

(ఈ మధ్య నటీమణి నగ్మా ముంబై నాదేనని ఘోషిస్తున్నారు కాంగ్రెస్స్ హెడ్ క్వార్టర్స్ తో అన్న వార్త చదివాక వచ్చిన జ్ఞానోదయం తో !)

Thursday, March 12, 2009

వరూధిని చిత్రంలో శ్రుతిమించిన శృంగారం !

ఇంతకూ మునుపు నా బ్లాగు పేరుతొ సినిమా ఉందండోయ్ అని చెప్పాను. ఈ మధ్య అంతర్జాలం లో ఈ సినిమా పై 1947 వచ్చిన సిని విమర్శ చదివి మరీ ఆశ్చర్య పోయాను! 1947 లోనే ఈ చిత్రానికి ఇంత విమర్శ వచ్చిందంటే ( ఈ సిని విమర్శ లేక సినిమా రివ్యూ రూపవాణి పత్రికనుండి ఫిబ్రవరి 1947 సంచికనుంచి) అయ్యా బాబోయ్ నిజంగా ఆ కాలం లోనే సినిమా వాళ్లు అదీను తెలుగు సినిమా వాళ్లు ముందంజ ఉన్నారా అని ఆశ్చర్యం కలుగక మానదు. - ఈ సినిమా రివ్యూ ఆర్తికేల్ టైటిల్ : వరూధిని చిత్రంలో శ్రుతిమించిన శృంగారం! చదివి చూడండి మీరు ఆశ్చర్య పడక మానరు!
కొసమెరుపు:
అన్నమయ్య కే ద్విపత్ని సమేతం గా ఆసేతుహిమాచలం తన చిత్రం ద్వారా ప్రాచుర్యాన్ని తెచ్చిన మన రాఘవేంద్ర రావు బీ. ఎ. గారికి ఈ వరూధిని ఇంతదాకా తట్టక పోవడానికి కారణం ఏమి ఉంటుంది చెప్మా?

ఛీర్స్
జిలేబి.

లంకె:
1. http://www.cscsarchive.org/MediaArchive/art.nsf/(docid)/4C9F991856F2F392E5256D06003DF1DD

http://www.cscsarchive.org/MediaArchive/art.nsf/94ff8a4a35a9b8876525698d002642a9/4c9f991856f2f392e5256d06003df1dd/$FILE/Te230122.pdf

Wednesday, March 11, 2009

గొల్టి గాడి గోడు - చిత్తూరు గొల్టీలు

ఈ అరవం వాళ్ళకి తెలుగోడిని చూస్తె అదో మజా. ఈ చిత్తూరు వాళ్ళలో చాలా మంది తమిళులు ఉండడం చేత వీళ్ళకి తమిళ నాడు తో బంధుత్వం రీత్యా రాక పోకలు చాలా ఉండటం తో మద్రాసు తెలిసనంతగా హైదరాబాదు గాని మరి ఎ ఇతర ఆంధ్ర దేశంలో ప్రసిద్ధి చెందిన ప్రదేశాలు తెలియక పోవడం అన్నది ఆ కాలం లో మాట. ఇప్పుడు కూడా ఇదేనా అన్నది నాకు తెలియదు. మా మిత్రుడొకడు అరవం వాడు - మాతో బాటే తెలుగు చదివి మా కన్నా తెలుగులో ఎక్కువ మార్కులు తెచ్చుకున్నవాడు - అరవం మాట్లాడం మాత్రమే తెలిసినవాడు - ఎందుకంటే ఈ చిత్తూరు అరవం వాళ్ళకి మాత్రు భాష అరవమైన కూడా ఆంద్ర దేశం లో ఉండటం వల్ల తెలుగు నేర్చుకునేవాళ్ళు కాబట్టి- సరాసరి మూడు నెలలకోసారైన తమిళనాడు కి అంటే దరిదాపుల్లో నున్న కాట్పాడి గాని మద్రాసు గాని వెళ్ళిరావడం అన్నది సర్వ సహజం. వీడు ప్రతి సారి తమిళనాడు కి వెళ్లి బంధు మిత్రులని కలిస్తే వాళ్లు పలకరింపు - "ఎన్నాబ్బ గొల్టి ఎప్పడి ఇరుక్కే " అనటం వీడు మండి పడి "నానోన్నుం గొల్టి ఇల్లే " అని సమజాయింపు చేసుకోవడం సర్వ సాధారణం ! ఈ గొల్టి పదం మరి ఇతర జిల్లాలో వాడతారో లేదో తెలియదు గాని చిత్తూరు జిల్లా వారికి ఈ పదం తో అవినాభావ సంబంధం తప్పక ఉంది. అంతే గాకుండా ఈ గొల్టి పదం ఓ మోస్తరు అయోమయం మనిషి అన్న పదాని కి కొన్ని మార్లు పర్యాయ పదం గా కూడా ఈ అరవం వాళ్లు ఉపయగొంచిడం కద్దు.

"ఎన్నబ్బ గొల్టి కథ అర్థమాచ్చ? "

ఛీర్స్
జిలేబి.

Sunday, March 8, 2009

బ్లాగ్లోకం లో బంగరు పాప

ఈ శీర్షికని సినిమా టైటిల్ క్రింద రిజిస్టర్ చెయ్యాలని నాకో ఆలోచన వచ్చింది. పూర్వాశ్రమం లో ఇట్లాంటి టైటిల్ ఉన్నఓ సినిమా హిట్ అయినట్టు గుర్తు. ఈ మధ్య సినిమా వాళ్లు కూడా తెగ బ్లాగేస్తున్నారని వినికిడి. ఆల్రెడీ వాళ్లు చిన్ని తేరా కి వచ్చేసి బుల్లి తెరలో పని చేసే చిన్ని నటీనటుల్ని తరిమేసి తామే తెర నిండా ఆక్రమించుకుని అన్యాయం చేసేస్తున్నారు ప్రజలకి సినిమా టాకీసు కి వెళ్ళాక పోయిన ఇంటి చిన్ని ఇడియట్ బాక్స్ లో కనబడి భయ పెట్టేస్తూన్నారు. ఇక వీళ్ళు బ్లాగ్లోకం లో వచీస్తే మన లాంటి చిన్ని చితకా ఎక్కడికి పోయేది? అయిన వీళ్ళు ఈ బ్లాగ్లోకం లోకి రారని నాకనిపించిన - కారణం ఇక్కడ పైసలు ఏమి రాలవు కాబట్టి - ఓ వైపు భయం ఉందనే చెప్పాలి. అందుకే ఈ మహిళా దినోత్సవపు వాళ "బ్లాగ్లోకం లో బంగరు పాప " అన్న చిత్ర రాణి నా రాణి అని కంపూటర్ కీ బోర్డు గుద్ది మరీ ఘంటాపథం గా వక్కానిస్తున్నాను. బ్లాగు సోదరీ సోదరులారా నా ఈ రిజిస్ట్రేషన్ కి మీరు మద్దతు ఇవ్వాలని మహిళా దినోత్సవపు నా ఈ కోరికగా తెలియ జేసుకుంటూ



మీ బ్లాగేస్వరి జిలేబి.

Wednesday, March 4, 2009

చెప్పుల బాబాయి - ఫైనాన్స్ గీత

నా చెప్పులు తెగి పోయేయి. మా వీధిలో ఉన్న చెప్పుల బాబాయి ఒక్కడే దిక్కు ఇక నాకు!
ఈ చెప్పుల దుకాణం ఈయన ఎప్పుడు పెట్టేదో నాకు తెలీదు. ఎందుకంటే నేను పుట్టి బుద్ధి వచ్చి నప్పటి నించి ఈ బాబాయి దుకాణం ఉంది కాబట్టి ఈయన మా వాడకందరకి బాబాయ్! ఆ మధ్య మా వీధికో కొత్త ఫ్యామిలీ వచ్చింది. నా చెప్పులు కుట్టుకునేందుకు వీధి చివర్న ఉన్న బాబాయి అంగడికి వెళితే ఆ ఫ్యామిలీ పెద్ద తన చెప్పులు కుట్టించుకుంటూ "ఏమిటోయి చెప్పులు కుట్టేదాని కి 10 రూపాయలు తీసుకుంటావ్ ఎన్ని రోజులకి గ్యారంటీ? అనడమున్ను చెప్పుల బాబాయి సీరియస్ గా ఈ కొత్తాయన వైపు చూడడమున్ను ఆ పై ఈ గీతోపదేశం చెయ్యడమున్ను కనుల ముందు చేవులాస్చర్యంగా సాగి పోవడమున్ను జరిగింది.
"ఏమండి ఓ పది రూపాయలిచ్చి పాత చెప్పుకు గ్యారంటీ అడుగుతారు? ఏమి గ్యారంటీ ఉందని ఈ వీధి మొదట్లో ఉన్న బ్యాంకులో డబ్బులు పెట్టేరు? తెలియకడుగుత మీరు ఆ బాంకులో డబ్బులు పెట్టి ఉంటే దీనికన్నా గ్యారంటీ గా తిరిగి వస్తుందని చెబ్తారా? "

పోనీ మన మున్సిపాలిటీ కోన్సేల్లెర్ మీకీ ఎ సహాయం చేస్తాడని గ్యారంటీ? మీ మంత్రులు మీకే మేలు చేస్తారని గ్యారంటీ కింద వాళ్ళని ఎన్నుకున్నారు? ఆ మాటకీ వస్తే మీ కి ఎ గ్యారంటీ ఉందని దేశం మంత్రులు వరల్డు బాంకులో అప్పు తీసేసుకుంటున్నారు? ఈ లా ఈయన ఉపన్యాసం మొదలెట్టేసరికి ఆ పెద్దాయన కి ఏమి పాలు పోక మనకెందుకులే అని సీరియస్ గా ఓ లూక్కు విసిరి వీసా వీసా వెళ్ళిపోయేరు. నాకైతే నవ్వాగ లేదు. ఏమి బాబాయ్ మరీ అంత సీరియస్ అయి పోయేవ్ అంటే " ఎమున్దమ్మ అంతా ఈ మధ్య గ్యారంటీ లదగతం మొదలెట్టేరు ! అదేదో అమెరికా దేశం లో ఇన్సురన్సు కంపనీలే మునిగి పోతావుంటే నా చెప్పులకి ఆ కుట్టుకి ఈళ్ళు గ్యారంటీ లదిగితే నేనేమి చేసేది! ఈ కుట్టే దారం నాదా ? ఈ సూది నాదా? లేకుంటే ఈ చెయ్యి నాదా? ఈ కన్నూ నాదా? - వీటి కన్ని టికి గ్యారంటీ ఇచ్చేవాడు ఉన్నాడో లేదో ఏమి గ్యారంటీ అంటూ వేదాంతము లోకి దిగి పోయీడు!

ఛీర్స్
జిలేబి.

Tuesday, March 3, 2009

గూగుల్ అయ్యవారు - యాహూ అమ్మవారు

ఈ మధ్య మా అక్కయ్య అబ్బాయి (అదేదో దేశం కాని దేశం లో పని చేస్తున్నాడు - పేరేదో చెప్పాడు కాని నోట్లో తిరుగాడటం లేదు-) ధబీల్మని ఓ రోజు ప్రత్యక్షమై కథా కమామీషు గా ఈ గూగుల్ అయ్యవారు- యాహూ అమ్మవారి గురించి చెప్పాడు.

ఏమిటోయ్ మీ దేశం లో జనాలు ఎట్లా చదువు సాగిస్తున్నారు? అని అడిగితె అదేముంది ఎ ప్రశ్న కైనా గూగుల్ గాని యాహూ చేస్తేగాని సరిపోతుంది - చాంతాడంత ఆన్సర్ రాయవచ్చు అని కొట్టి పారేసాడు.

అదేమిటి విడ్డూరం ఇంక పిల్లకాయాకి ఎలారా విజ్ఞానం వస్తుంది? అని అడిగితె - విజ్ఞానం ఎందుకె పిన్నమ్మ - ఎ చదువైన "ధనం మూలం ఇదం జగత్" కొరకే గదా గూగుల్ అయ్యవారు యాహూ అమ్మవారు ఇంటింటా జ్ఞానాన్ని క్షణాల్లో ఇచీస్తుంటే - జ్ఞానాన్ని సముపార్జించుకుని లేకుంటే మూటకట్టుకుని ఏమి చేస్తాము ? అని శివాజీ బాస్ లెవల్లో అయిన ఈ జ్ఞానం ఇవన్ని మనం పోయేటప్పుడు మనతో బాటు వస్తాయా అని వేదాంతము వేరే చెప్పాడు!

అవురా ఈ జమానా కుర్రాళ్ళు ఏమి ఫాస్ట్ రా బాబోయ్ అని బుగ్గ నొక్కేసుకున్నా! అంటా విష్ణు మాయ గాకుంటే మరేమీ తన్టారూ?

మీ జిలేబి.

Thursday, February 26, 2009

అమ్మాయి పెళ్లి

ప్రియమైన చెల్లెలు వరూధిని కి -
అక్కయ్య ఆశీర్వదించి వ్రాయునది. ఉభయ కుశలోపరి.
అమ్మాయి సౌమ్య పెళ్లి విషమై కాబినెట్ మీటింగ్ బామ్మ ఇవ్వాళ పెట్టింది.
మన ఇంటి పెద్ద మంత్రులు ఐన అన్నయ్యలు హాజారైనారు మీటింగుకి. మీ బావగారు నిమిత్త మాత్రులు కాబట్టి బామ్మే మీటింగుని ఖరారు చేసి ఉచిత పీఠాన్ని అలంకరించింది.
మూడోతరం మంత్రులు అంటే చిన్న చితకా కుర్రకారు అందరు క్వాలిటి కంట్రోల్ ప్రోగ్రాం కోసం దేశాల మీద ఉన్నారు కాబట్టి (నిన్నూ చేర్చి) వాళ్ళంతా గైరు హాజారు మీటింగుకి.
దరిమిలా బామ్మ నీ పెళ్లి ఖాతా వెతికి దాని ప్రకారం అమ్మాయి సౌమ్య పెళ్లికి బడ్జెట్ తయారుచేసింది. అందు ప్రకారం పెళ్లి ఖర్చులు వెరసి పది రెట్లు ఎక్కువై పోయినాయి. బడ్జెట్ బ్రతుకులు కాబట్టి బామ్మ బుగ్గ నొక్కేసుకుని బావ గారి వైపు చూసింది - మీ బావగారు ఎలాంటి ఫీలింగు లేకుండా నా వైపు చూడడం నేను ఏమి చెయ్యాలో పాలుపోకుండా మన ఇంటి పెద్ద మంత్రులు వైపు చూడడం వాళ్లు ఏమి చెయ్యాలో తెలియకుండా బామ్మ వైపు చూడడం బామ్మ తీక్షణ ద్రిష్టి తో మమ్మల్ని వీక్షించి "ఒరేయి బడుద్దాయిలు - మీరేమి చేస్తారో నా కవసరం. ఎట్లా చేస్తారో నాకనవసరం. అమ్మాయి పెళ్లి మూడు నెలల్లో ఖరారు అయిపోవాలి " అని అల్టిమేటం జారి చేసింది.
ఈ తంతు తో ఇవ్వాల్టి కాబినెట్ మీటింగ్కి బామ్మ వీడుకోలు చెప్పి అందర్నీ పని మీదికి అంటే అమ్మాయి సౌమ్య పెళ్లి కి పురమయ్యించడం తో నా మనసు కొంత కుదుట పడింది. ఈ మీటింగు తరువాయి మీ బావగారు యథా ప్రకారం దిన పత్రిక పడక కుర్చీలో కూర్చుని తిరగేయ్యటం మొదలెట్టేరు ! ఏమి చేతును నా చిట్టి చెల్లీ?
ఇదీ కథ!
బావగారికి నా నమస్సులు. !
ఇట్లు
నీ పెద్ద అక్కయ్య
భామతి.

Saturday, February 21, 2009

చిత్తూరోళ్ళ కథ-౩

ఈ మూడో ఎపిసోడ్ లో నాకు తెలిసిన చిత్తూరోళ్ళ తెలుగు గురిన్చి రాస్తాను. ఈ చిత్తూరు జిల్లాలో అదీను చిత్తూరులో తెలుగు భాష మీద మక్కువతో తెలుగు ని నేర్చుకుని తెలుగు లో రచనలు చెయ్యగల సత్తా ఉన్న తమిళులు ఉన్నారు. కాని పత్రికా ముఖముగా వీళ్ళు ప్రాముఖ్యులా అన్న విషయం నాకు తెలియదు.
రాయల సీమ రాళ్ళ సీమ లో భాషా ఉద్యమం అంటూ ఎప్పుడైనా జరిగిందా అన్న విషయం నాకు తెలియదు. కాని ప్రముఖులైన మధురాంతకం రాజారాం, కలువకొలను సదానంద, మునిసుందరం, లాంటి ఆ కాలపు రచయితల్ని వదిలి పెడితే ఈ మన ప్రస్తుతపు జమానా లో చిత్తూరు నించి ఎవరయినా వ్రాస్తున్నారా లేక కథా వ్యాసంగం ఎవరైనా చేస్తున్నారా అంటే సందేహమే! దీనికి కారణం ఏమయి ఉండవచ్హన్నది నా చిన్ని బుర్రకి అందని విషయం!
ఈ విషయం గురించి ఎవరికైనా ఇంకా ఎక్కువైన సమాచారం తెలిసి ఉంటే కామెంటగలరు!

21-02-2009 అంతర్జాతీయ మాతృభాషా దినోత్సవం పురస్కరించుకుని శుభాకంక్షలతో

జిలేబి.

PS: ఈ పై టపా బరహ నోటేపాడ్ సహాయం తో రాసినది. బాగుందని ఆశిస్తాను. Its a really good unicode software. Thanks to: http://www.baraha.com

తెలుగు లో ఆఫ్ లైన్ లో టైపు చెయ్యడం ఎలా?

హెల్లో బ్లాగు భాయి బ్లాగు దీదిస్ - ఇవ్వాళ మీ కోసం ఓ మంచి విషయం గురించి చెప్ప దలచుకున్నాను. ఈ బ్లాగులో టైపు చెయ్యడానికి అనువుగా అంటే ఆంగ్లం లో టైపు చేస్తే తెలుగు లో కనబడేట్టు http://www.baraha.com వాళ్లు ఓ ఆఫ్ లైన్ ఎడిటర్ తయారు చేసి ఉన్నారు. ఇందులో చాలా భాషల్లో టైపు చెయ్యొచ్చు ఆంగ్ల భాష మూలంగా. అంతే గాకుండా ఈ బరహపాడ్ అన్ననోటేపాడ్ చాలా సులువుగా టైపు చేసుకోవడానికి ఆన్ లైన్ (ఆంటే వెబ్ కి కనెక్ట్ చెయ్యకుండానే ) లేకుండానే టైపు చేసుకుని జస్ట్ ఓన్లీ పోస్ట్ చేసేటప్పుడు వెబ్ కనెక్ట్ చేసేసుకుంటే చాలన్న మాట! నాకైతే భలే నచ్చింది ఈ మృదు బరాహం! ప్రయత్నించి చూడండి!

బరహ సాఫ్ట్వేర్ దౌన్ లోడ్ చేసుకోవడానికి లంకె: http://www.baraha.com

ఛీర్స్
జిలేబి.

Thursday, February 19, 2009

భాషలో కి పదాలు ఎలా వస్తాయి?

కథన కుతూహలం ! ఈ మధ్య ఓ సందేహం వచ్చింది. ఒక భాషలోకి పదాలు ఎలా వస్తాయీ అని. ఉదాహరణకి తెలుగులో ఇన్ని పదాలు ఉన్నాయి గా ఇవి తెలుగు భాష మాట్లాడేవాల్లలో ఎలా ప్రాచుర్యం లోకి వచ్చి ఉంటాయీ? ఎప్పుడైనా ఆలోచించి చూసారా? నాకైతే చాలా ఆశ్చర్యమే ఈ విషయం పైన!

ఈ మధ్య కొన్ని రోజుల క్రితం అసలు నెనర్లు అన్నది తెలుగు పదమేనా అన్న సందేహం వేలిబుచ్చినప్పుడు చాలా మంది బ్లాగోదరులు మంచి గా వివరణ ఇవ్వడం నాకు చాలా సంతోషాన్ని కలుగ జేసింది.

ఈ మధ్య ప్రింట్ మీడియా లో "సత్యం లెక్కలు" అన్న పదం "గోల్మాల్" అన్న అర్థం లో వాడుకలో వచ్చింది సత్యం ఎపిసోడ్ తరువాయి. సో ఈ పదం ఈలాగే ఉపయోగిస్తుంటే కొన్ని సంవత్సరాల తరువాయి నిఘంటువులలో ఈ పదం కూడా ఎక్కి ఆ తరం వాళ్ళకి ఈ పదం యొక్క అర్థం వివరించ బడ వచ్చునని అనుకుంటా!

ఈ టపా గురించి ఈ సబ్జెక్టు గురించి మీ వ్యాఖ్యలని తెలియ జేయ్యగలరు సుమా! మీరేమంటారు?

మీ బ్లాగేశ్వరి
జిలేబి.

Monday, February 16, 2009

మీ శ్రీవారు ఇంటి పనుల్లో సహాయం చేసేలా చెయ్యడం ఎలా?

ఈ టపా లేడీస్ స్పెషల్. అంటే మగవారు చదవ కూడదని కాదు. (చదివితే వాళ్లు ఈ కిటుకు తెలుస్కుంటే మనకి మేలు లేఅడు కాబట్టి వాళ్లు చదవరని ఆశిస్తాను!)

మీరు కిచెన్ తో తలమునకలయ్యే పనుల్లో బిజి బిజి గా ఉంటే మీ వారు పడక్కుర్చిలో నింపాదిగా కూర్చుని ఏ ఈనాడు పత్రికో లేకుంటే లాప్ టాప్ పెట్టేసుకుని ఈ లాంటి బ్లాగో చదివేస్తుంటే మీకు మరీ చిరాకు ఎక్కువై దమ్మని ఈ గరిటో లేకుంటే ఏ గిన్న్నో కింద గిరాయించి ప్రొటెస్ట్ చేస్తారా? లేక తెక్నికులు ఉపయోగించి మీ వారిని వంట గది లోకి రప్పించి వారిచే మెప్పుగా కార్యసాధన అయ్యేలా చేస్తారా? ఈ రెండు పద్దతిలో నూ ఒక్కో మారు ఒక్కో ఫలితాన్ని సాధించవచ్చు. ఈ మీరు పనిచేస్తుంటే మీ శ్రీ వారు పదక్కూర్చీ సీను మమ్మీ లేజీ బాయ్ కి మధ్య జరిగే తమాషా! లేజీ బాయ్ ని నిద్ర లేపాలంటే గదమాయింపు లేకుంటే బుజ్జాగింపు రెండు అవసరం. ట్రై చేసి చూడండి!

ఛీర్స్
జిలేబి.

Saturday, February 14, 2009

చిన్న జీయర్ - సింగపూరు - గీతా జయంతి


Photo Courtesy: వరూధిని from Singapore through MMS
శ్రీ మాన్ చిన్న జీయర్ గారు ఇవ్వాళ సింగపూరు లో గీతా జయంతి సందర్భం గా "గీతా జయంతి" అని ఎందుకా పేరు వచ్చింది? అసలు గీతా జయంతి అంటే ఏమిటి? అన్నా శీర్షిక పై అనుగ్రహ భాషణం ఇచ్చారు అక్కడ ఉన్న పెరుమాళ్ కోవిల్ లో. ఈ సందర్భం గా ఆయన భాషణం లో గీతా జయంతి గురించిన విశేషాలని ప్రాముఖ్యతని జన బాహుళ్యానికి సులభ రీతిలో అర్థమయ్యే లాగా వివరిస్తూ గీతా ప్రాశస్త్యాన్ని శ్రీ కృష్ణ పరమాత్మ యొక్క గీతా సారాన్ని చక్కటి ఆంగ్ల భాష లో సింగపూరు లోని వివిధ భాషలవారికి అర్థమయ్యేట్టు తన యొక్క పంథాలో విసదీకరించారు. ఈ గీతా జయంతి అని సింగపూరు హిందూ ఎండోమెంటు బోర్డు వాళ్లు జరిపే ౧౨ వ వార్షికోత్సవం లో ఈయన సంభాషణం అందర్నీ చాల ఆకట్టుకుందని అక్కడ వారి అభిప్రాయం వెలిబుచ్చడం స్వామీ వారి దర్శనం చేసుకోవడం వాళ్లు చాల క్రమశిక్షణతో మెలగటం చాల మెప్పైన రీతి గా ఈ కార్యక్రం కొనసాగటం ఆఖరున చిన్న పిల్లకి జీయర్ గారిచే బహుమతి ప్రదానం గావించడం ఈ కార్యక్రమ విశేషాలు. జై శ్రీమన్నారాయణ !
ఛీర్స్
జిలేబి.
Photo & కంటెంట్ Courtesy: వరూధిని from Singapore through MMS

Friday, February 13, 2009

ఇడ్లీ గిడ్లీ - సాంబార్ గీంబార్ అనబడే చిత్తూరోళ్ళ కథ -2

ఇలా సాగే ఈ "గ" కత లో పానకం లో పుల్లలా ఓ విషయం చెప్పవలసే వస్తుంది. అదేమిటంటే చిత్తూరోళ్ళ భాష మీద అరవం భాష ప్రభావం. మనకి ఆంద్ర ప్రదేశ్ అవతరణకి మునుపు ఈ చిత్తూరు పరిసర ప్రాంతాలు గ్రేట్ మద్రాస్ ప్రెసిడెన్సి కింద ఉండేదా అప్పట్లో ఈ చిత్తూరు లో ప్రామినెంట్ భాష అరవమే! అంటే ఇప్పుడు లేనట్టు కాదు. ఇప్పుడు కూడా చిత్తూరులో తెలుగు తెలియకపోయినా పర్లేదు గాని అరవం మాట్లాడితే మీరు లోకల్ దాదా అన్నా అని తెలుసు కోవచ్చని ఈ జిల్లాలో పనిచేసినప్పుడు మా ఫ్రెండ్ ఒకతను చెప్పారు. కాస్త తీరిగ్గా జన భాష ని గమనిస్తే ఇది నిజామేనని అని పించింది. ఈ మధ్య శ్రీమాన్ చిరంజీవి గారు చిత్తూరు జిల్లా రాజకీయ పర్యటనలో చిత్తూరు లో ఏకంగా జనాన్ని అరవం లో సంబోధించారని పత్రికల్లో చదివినప్పుడు ఔరా ఇప్పుడూ చిత్తూరోళ్ళ "గ" భాష గట్లాగే ఉంటుందని వూహించేసుకుని చిత్తూర్లో మా ఫ్రెండ్ ని "ఏమోయ్ బావున్నావా ఏమిటి విశేషాలు " అని కదలిస్తే కథా కమామీషులు "గ" పొర్లి పొంగటంతో ఆ హ్హ ఈ "గ" భాష "గ" భాషయే అని తీర్మానించేసుకున్న!

ఈ టపా కి మొదటి దఫా లో బ్లాగరు మిత్రులు "ఏమిబా మీ ఊరేంది అని అడిగారు. " నాడో డికి " అన్ని ఊర్లు మన్వేగాబ్బ?

ఛీర్స్
జిలేబి.

Thursday, February 12, 2009

ఇడ్లీ గిడ్లీ - సాంబార్ గీంబార్ అనబడే చిత్తూరోళ్ళ కథ

జంబూద్వీపే భరతహ్వర్షే భరతఖండే మేరోహో పర్వతే దక్షినే పార్స్వే ఆంధ్ర రాజ్యాం రాయలసీమే చిత్తూరు జిల్లే ....
హమ్మయ్యా! ప్రవర అయ్యింది కాబట్టి ఇంక కథ చెప్పొచ్హుకుంటా. అయినా చిత్తూరు జిల్లా దాకా వచ్హేసాక చిత్తూరు మాండలీకం గురించి రాయక పొతే ఎలాగంటారూ?
ఈ చిత్తూరు లో వృత్తి రీత్యా ఉన్నప్పుడు చిత్తూరు కి సంబంధించిన స్పెషల్ భాష ని గమనించడం జరిగింది. అదే ఈ తపా శీర్షిక!
అంటే 'గ ' భాష అన్నమాట.

హోటెల్ కి వెళితే ఎదో ఇడ్లి ఉందా అని అడగకుండా వీళ్ళు అడిగే తీరు ఎలా అంటారా? - "ఏమిబా ఇడ్లీ గిడ్లీ ఏదైన ఉందా?" అంటారు.

ఆట్లాగే "సాంబార్ గీంబార్" అన్న పదం చాలా తరచుగా వినొచ్హు. నాకు తెలిసనంత వరకు రాయల సీమలో చిత్తూరు లో ఉన్న్న ఈ "గ " భాష చిత్తూరు పరిసర ప్రాంతాలకే పరిమితమనుకుంటా.

ఈ "గ" భాష ఎంత పాపులర్ అంటే ఆస్సాము దేశంలొ పని చెసేటప్పుడు ఓ అస్సామీ కొలీగు - తను బాంక్ లొ చిత్తూరు లొ పని చెసేడటా- నాకున్న చిత్తూరు పరిచయాన్ని తెలుసుకొని "ఏంబా ఇడ్లి గిడ్లీ " అన్నాడు!
వార్నీ ఈ "గ" భాష ఇంత పాపులర్ అన్న మాట అని అప్పుడే తెలిసింది.
ఇంతకీ ఈ టపా గిపా గురించి మీ అభిప్రాయం ఏమిటిబా?

ఛీర్స్
జిలేబి.
http://www.optionsraja.tk

Monday, February 9, 2009

డాట్ టీ కే - ಡಾಟ್ ಟೀ ಕೆ - डाट टी के - டாட் டி கே

ఏమిరా అబ్బాయీ ఏమి సమాచారము అని మా అక్కయ్య అబ్బాయి ని అడిగితే ఈ డాట్ టీ కే వెబ్ సైట్ గురించి చెప్పేడు. మన భారతదేశం లో వెబ్ సైట్ లు కో.ఇన్ అని ఉన్నట్టు డాట్ టీ కే అని వెబ్ సైట్ డొమైన్ రిజిస్ట్రేషన్ ఫ్రీ గా చేసుకోవచ్చు. దీని వల్ల ఉపయోగమేమీ తిరుమలేశా అని అడిగితే వాడన్నాడు మీ వెబ్సైటు టైపు చెయ్యాలంటే
http://www.varudhini.blogspot.com/ అని పెద్దగా టైపు చెయ్యాలి గదా అలా కాకుండా సింపుల్ గా http://www.varudhini.tk/ అని టైపు చేస్తే ఎలా ఉంటుందంటారు? అన్నాడు.

ఈ డాట్ టీ కే గురించి తెలుసు కోవాలంటే ఈ క్రింది లంకె ఉపయోగించి తెలుసుకోవచ్చు.!
ఆ పై ఈ సైట్ రిజిస్ట్రేషన్ పూర్తి గా ఫ్రీ అన్న మాట!
http://freedomains.acsowa.tk


ఛీర్స్
జిలేబి.

Saturday, February 7, 2009

సింహ నృత్యం - చీనా సాంప్రదాయం

ఓ మారు ఓ చినీయుల గ్రామాన్ని ఓ భూతం పట్టు వదలని విక్రమార్కునిలా పట్టేసుకుని జనాల్ని సతాయించిందట. ఆ కాలం లో గ్రామ వాసులంతా దగ్గిరలో ఉన్న అడవి రాజు సింహం గారిని ప్రార్థించి "సింహం దేవరా మా మొర ఆలకించి భూతం గాడి భరతం పట్టించండి అని మొర బెట్టుకుంటే సింహం రాజ వారు హుష్ కాకి అని మనం కాకి ని తరిమే నిమేశంలో భూతం గాడిని గ్రామ పరిసరాల్లో నించి వెడల గొట్టేసారట. అప్పట్నించి సింహం వారు చినీయుల ఫేవరెట్ అయిపోయ్యేరని కథా కమామీషు.


ఆ తరువాయి మరో మారు మరో భూతం ఆ గ్రామస్తుల్ని పట్టేసుకుని సతాయిస్తూంటే మారు గ్రామస్తులు సింహం రాజ వారిని వెతికే ప్రయత్నం చేస్తే సింహం వారు అసలు కనిపించ కుండా పోవడం తో ఏమి చెయ్యాలో అని పాలు పోక ఆలోచనలో పడి ఉంటే అక్కడ ఉన్న కుర్ర కారు "పెద్దలు మేము సింహం వేషం కడతాము మీరు డంకా భాజాయించండి సుమీ " అని ఆలోచన ఇచ్చేరు. ఆలోచనేమో బాగున్నట్టున్దేనని వారు భావించి సింహం వేషం లో కుర్రకారు న్రిత్యం చేసి భాజా లో డంకా లో మ్రోగిస్తే ఆ మోతకి భూతం గారు నిజమ్గా సింహం వచ్చేసిందని భయపడి పోయి పరుగు లంకించు కోవడం తో అప్పట్నించి చెడుని పార ద్రోలదానికి సింహ నృత్యం చెయ్యబడుతుందని - సాంప్రదాయం అయిందని కథా పురాణం.

ఈ కోవలో చినీయుల నూతన సంవత్సరమప్పుడు ఈ సిమ్హ నృత్యం సాంప్రదాయ పద్దతి లో పాతని పార ద్రోలి కొత్తని ఆహ్వానించడం అన్న భావ వీచికగా మొదలయ్యి ఇప్పుడు ఈ సిమ్హ నృత్యం చెసేవాళ్ళు ఒక కళాకారులుగా గుర్తించబడెంతవరకు ప్రాచుర్యంలొ కి వచ్హింది.
ఈ కథా నేపధ్యం లొ ఇక్కడ ఒక అపురూపమైన సిమ్హ నృత్యం ఫోటో ఇచ్హాను. ఇది ఈ సంవత్సరం చినీయుల నూతన సంవత్సరం (ఈ సంవత్సరం వీళ్ళకి "ఎనుబొతు" సంవత్సరం) అప్పుడు శింగపూర్ వ్యాపార దృష్ట్యా వెల్లినప్పుడు తీసిన చిత్రం ! కనులవిందుగా ఉందని భావిస్తాను. ఇదే మొదటి మారు ఇలా కమ్మీల పై ఈ సింహ నృత్యం చూడడం నా వారకైతే. ఈ సింహ వేషధారులు కుర్రకారులు కళా కారులు.

జిలేబి.

Friday, February 6, 2009

బ్లాగ్రాణి + బ్లాగ్రాజా = అంతర్జాల రాజ్యం

సాంబ్రాణి ధూపం కడ్డీ అన్న పదం లా ఉన్నదీ టపాలు శీర్షిక! బ్లాగ్లోకం లో నివసించే, బ్లాగ్మానవులకి ఏదైనా కొత్త పదం పెట్టాలని అనిపించడం తో ఈ శీర్షిక పై ఈ తపాలు!

రాజా రాణీ కథలు మనం చాలా చదివే ఉంటాం. బ్లాగ్లోకం లో కూడా రాజులు రాణులు ఉంటారా? ఉండవచ్చని నా ఊహ. ఈ మధ్య మాంద్యం సమయం లో చాలా మంది అభివ్రిద్ది చెన్దిన దేశాలలో అంతర్జాలానికి అంకితమై పోయి జీవిస్తున్నట్టు భోగట్టా. ఇట్లాంటి సమయం లో ఈ అంతర్జాల రాజ్యానికి ఎవరికీ వారే రాజులు రాణులు గా చలామణి అవుతున్న బ్లాగ్ రాజులు బ్లాగ్ రాణులు తస్మాత్ జాగ్రత్త గా ఉండడానికి ప్రయిత్నించాలి. ఎందుకంటే ఈ బ్లాగించడమన్నది వ్యసనం లా అయితే - ఒక్కో మారు నాకూ అనిపిస్తుంది ఈ బ్లాగడం నిజాంగా అవసరమేనా అని- ఇక నిజా జీవితంలో జీవించడం తగ్గిపోతూ వచ్చి మానవుడు అంతర్జాలం లో కి నెట్టబడి ఓ విధమైన మాయా లోకంలో వేల్లిపోతాడేమో నని కూడా సందేహం వస్తుంది. సో బ్లాగు సోదరీ సోదరులారా ఇది నా స్వంత అభిప్రాయం మాత్రమె. మీరే మంటారో అని కుతూహలం ?

మీ బ్లాగేశ్వరి
జిలేబి.

Tuesday, February 3, 2009

పది మంది గొప్ప వ్యక్తులు ఒక్క చోట - మనోహరం మనమోహనం


సింగపూర్ లో మధ్య ఆవిష్కరించిన "Ten Saints of the World" శిల్పారామం!
భారతీయ ఋషి తిరువల్లవర్ ని ఇక్కడ చూడచ్చు ఈ పదిమంది విశ్వ విఖ్యాత ప్రముఖులలో!
ఛీర్స్
జిలేబి.

Saturday, January 31, 2009

నా బ్లాగు పేరు తో సినిమా కూడా ఉందండోయ్!

బి వి రామానందం & ఆనందా పిక్తర్స్ వారి వరూధిని ప్రకటనా పత్రం!
ఇవ్వాళ కూడలి బ్రౌస్ చేస్తుంటే వరూధిని అన్న పేరుతో సినిమా కూడా ఉన్నట్టు తెలిసింది. తెలిపినవారు నవతరంగం వారు! వారి చలువ చే వరూధిని చిత్రం ఫోటో పెట్టాను ! వీక్షించగలరు!
ఈ చిత్రం గురించి మీ కే మైన విషయాలు తెలిస్తే తెలియ జేయ్యగలరు.
జిలేబి.

Friday, January 30, 2009

బ్లాగ్లోకం లో భామామణి

ఆయ్య బాబోయ్ నేను కొత్త సినిమా టైటిల్ కని పెట్టేసాను. బ్లాగ్లోకం లో భామామణి ఆ సినిమా టైటిల్ పేరు! ఈ మధ్య కొత్త కొత్త పేర్లు కనుక్కోవడం లో నేను మరీ ఎక్స్పెర్ట్ అయిపోయ్యానోచ్ అని నన్ను నేను మరీ పోగిడేసుకున్నా!

ఇంతకీ విషయం ఏమిటంటే శ్రీ తాడేపల్లి లలితా బాలసుబ్రహ్మణ్యం గారు ఈ బ్లాగు కి మునుపు టపాలో ఈ ప్రశ్న వెయ్యడం ఈ టపాకి మేటర్ అయ్యింది. శ్రీ తాడేపల్లి లలితా బాలసుబ్రహ్మణ్యం ( చాల పెద్ద పేరు కాబట్టి సంషిప్తం గా "తాలబాసు" గా పిలుస్తాను వీరిని ) గారు ఈ సందేహం లేవదీసారు!
తాలబాసు వువాచ:
"
అది సరే ! ఏమనుకోవద్దు. ఒక విషయం చెప్పండి. ఇంతకీ మీరు మగ బ్లాగరా ? మహిళా బ్లాగరా ? మీ ప్రవర (profile) లో ఏ వివరాలూ లేవు. అందుకని అడుగుతున్నానంతే !"

ఈ వ్యాఖ్య ని చదివాక ఈ టపా కి ఈ "బ్లాగ్లోకం లో భామామణి " కి అని నామకరణం చేసినాను. ఎందుకంటే వరూధిని అన్న పేరుతొ బ్లాగు స్టార్ట్ చేసిన తరువాయీ సిరిసిరిమువ్వ blaagaru గారు "ఏమనడోయ్ జిలేబి గారు మీరు నాపెరుతో బ్లాగు స్టార్ట్ చేసినారు. నా స్నేహితులు ఈ బ్లాగు నాదేనా అని అడుగుతున్నారు" అన్నారు!
ఇప్పుడేమో "తాలబాసు" గారు మీరు మగ బ్లాగర లేక మహిళా బ్లాగారా అని నిక్కదీసి ప్రశ్న వేస్తున్నారు!
తెలియక అడుగుతాను నేను చేసిన నేరమేమి తిరుమలేశా? అంతా విష్ణు మాయ లా ఉందండోయ్!
ఛీర్స్!
జిలేబి.

Thursday, January 29, 2009

నెనర్లు అస్సలు తెలుగు పదమేనా-2

నెనర్లుకి జేజేలు!
ఈ నెనర్లు అన్న పదం ఇంత వేడి టాపిక్ అని నాకు తెలియదు.
ఆంతే కాక ఇంత విశాల పరిధిలో చర్చించ బడ్డ లేక చర్చించదగ్గ విషయమని ఇప్పుడే తెలిసింది.
బ్లాగరు మిత్రులకు నెనర్లు/ధన్యవాదాలు/కృతజ్ఞతలు /!
నెనర్లు పేరుతో బ్ల్లాగు సెర్చ్ చేస్తే నెనర్లు.బ్లాగ్స్పాట్.కాం అస్సలు ఎవరు ఇంత దాక క్రియేట్ చేయ్యపోవకుండా ఉండిపోవడం ఆశ్చర్యమనిపించింది.
సో- ఈ నెనర్లు కి స్థానం కల్పించదలిచాను. భ్లాగు నెనర్లు పేరుతో ప్రారంభించాను. మిత్రులు గమనించి ప్రొత్సహించగలరు!
లింకు:
http://www.nenarlu.blogspot.com/

జిలేబి.

Monday, January 26, 2009

నెనర్లు అన్నది అసలు తెలుగు పదమేనా?

నాకో సందేహం వచ్చింది. ఈ నెనర్లు అన్నది అసలు తెలుగు పదమేనా అని. ఈ పదాన్ని మొట్ట మొదటి సారి నేను గమనించింది ఈ బ్లాగుల లోకం లోనే. ఇంతకుమునుపు ప్రింట్ మీడియా లోగాని నేను చదవిన తెలుగు పుస్తకాలో గాని ఈ పదాన్ని గమనించడం జరగలేదు. సాధారణంగా ధన్యవాదాలు లేక కృతజ్ఞతలు లాంటి పదాలు చూసాను గాని ఈ నెనర్లు అన్నది చూడటం బ్లాగులోకం లో నే.

ఈ పదమేమన్నా బ్లాగులోళ్ళ చే తెలుగులోకానికి చేర్చబడ్డ కొత్త పదమా? ఎవరైనా సందేహం తీర్చగలరు?

జిలేబి.

Sunday, January 25, 2009

జనార్ధన మహర్షి కొత్త పుస్తకం- గుడి

ఈ జనార్ధన మహర్షి అనబడే కందమూరి జనార్ధన రావు అనబడే మేము అతని కాలేజీ డేస్ లో ధనాధన్ అని పిలవబడే ఆసామి గురించి తీరికున్నప్పుడు రాస్తాను ప్రస్తుతానికి ఈ అబ్బాయి (ఇప్పుడు పెద్దవాడయ్యేడు కాబట్టి అబ్బాయి అని చెప్పకూడదేమో ?) వ్రాసిన "గుడి" పుస్తకం క్రింది స్థలం లో దొరుకుతుంది. ఈ జనార్ధన మహర్షి సినిమా ఫీల్డ్ లో కామెడి ట్రాక్ మూవీస్ లో ప్రసిద్ధులు. తనికెళ్ళ భరణి గోష్టి లో ప్రముఖులు.

గుడి
రచన: జనార్ధన మహర్షి
ప్రతులకు:రచయిత పేర, జి-2, కృష్ణ అపార్ట్మెంట్స్,
ఎల్లారెడ్డి గూడ , హైదరాబాద్- 500 073
pages: 151 Price: Rs.100/-

జిలేబి.

Saturday, January 24, 2009

ఈ మాట-ఎల్లలు లేని ప్రపంచానికి ఎలెక్ట్రానిక్ పత్రిక

ఈమాట తెలుగు పత్రిక చాలా రోజుల తరువాత చదవం జరిగింది. వెబ్ ప్రపంచం లో ఈ http://www.eemaata.com పత్రిక నిజం చెప్పాలంటే ఓ తెలుగు వెలుగు తేజం. చాలా మంచి వ్యాసాలూ కథలు కవితలతో రెండు నెలలకో సారి వెబ్ లో ప్రత్యక్షం అవుతుంది. ఎల్లలు లేని ప్రపంచానికి ఇది ఎలెక్ట్రానిక్ పత్రిక.
సావకాశం గా చదువుకోడానికి వీలుగా ఉన్న పత్రిక. వీలున్నప్పుడు చదవడానికి ప్రయత్నించండి. తెలుగు ని మనసారా ఆస్వాదించండి.

బ్లాగులోకంలో మీ
జిలేబి.

Tuesday, January 20, 2009

ది మాంక్ హూ బాట్ హిస్ బుల్లక్ కార్ట్

ఈ శీర్షికకి ప్రేరణ Robin Sharma పుస్తకం "The Monk Who Sold his ferrari". Bullack Cart కొనకుండా ఎట్లా ఫెర్రరి అమ్మడం? బుల్లక్ కార్ట్ ఎప్పుడో ఒకప్పుడు ఈ మాంక్ కొని అప్పట్నుంచి సాధించిన లేక సేకరించిన ధనం లేకుండా ఈ ఫెర్రరి అమ్మడం సులభం కాదని నా ప్రగాడ విశ్వాసం. ఎందుకంటారా మనిషి జీవనపథం లో ఎప్పుడో ఒకప్పుడు బుల్లక్ కార్ట్ నుంచే జీవితం మొదలెట్టేడు కాబట్టి.

బుల్లక్ కార్ట్ నుండి జీవితం మొదలెట్టి ఈ భూప్రపంచంలో ఈ మానవుడు ఇప్పుడు ఫెర్రరి స్టేజి కి వచ్చినా కూడా ఫెర్రారి ని వదిలి పెట్టనిదే మెంటల్ పీస్ లేకుండా పోవడం ఈ మానవ లోకం చేసుకున్న పుణ్యమో లేక ప్రారబ్ధ కర్మయో ఎవరు చెప్పగలరు? ఎంతైనా ఫెర్రారి కన్నా మెంటల్ పీస్ గొప్పదని మాంక్ గా మారిన ఆ అడ్వకేట్ ఆ కథలో చెప్పడం లో రాబిన్ శర్మ ఇండియన్ ఫిలాసఫీ ని వెస్ట్రన్ వరల్డ్ కి మళ్ళీ తీసుకు వెళ్ళడంలో సఫలీక్రుతులయ్యారని చెప్పవచ్చు.
జిలేబి.

Monday, January 19, 2009

చందమామ 1947 సెప్టెంబర్ నెల సంచిక

మనం చిన్నప్పుడు చదువుకున్న చందమామ అంటే మరీ ఓ లాంటి తీపి అనుభవాల కలయిక. అదీ మన చిన్నప్పటి కన్నా ఇంక ముందు పబ్లిష్ ఐన చందమామ మనకి దొరికితే ఇంక ఆ సంతోషం చెప్పనే అక్కర లేదు ! అట్లాంటి ది ఏకంగా మనకి స్వాతంత్రం వచ్చినప్పటి చందమామ ఇష్యూ ఐతే ఇంక ఆ చందమామ కవర్ పేజి కనీసం చూస్తే అబ్బో ఆ ఆనందం - జీవిత మకరందేమే !

ఈ మధ్య బ్లాగులలో సంచారం చేసినప్పుడు ఈ 1947 సెప్టెంబర్ నెల చందమామ చూడడం తటస్చింది. మీకు ఈ చందమామ కావలున్కుంటే ఈ క్రింది లింకు నుండి (ఇంకా కూడా బోల్డెన్ని పుస్తకాలు ఉన్నవి డౌన్లోడ్ చేసుకుని చదువుకోండి. Its free to download!
http://rare-e-books.blogspot.com/2008/08/chandamama-september-1947.html

జిలేబి.

Saturday, January 17, 2009

శ్రీ మధురాంతకం రాజారాం గారి జ్ఞాపకాలు - ముచ్చటగా మూడో సారి

కడప జిల్లా రాయచోటి లో ఉద్యోగా రీత్యా ఉన్నప్పుడు చిత్తూరు కి ప్రతి శనివారం వెళ్ళాలని ప్రయత్నించడం బ్యాచిలర్ డేస్ లో ఓ పిచ్చి ప్రయత్నం మజా. అప్పట్లో శనివారం ౧/౨ డే ఉద్యోగం అయ్యాక ఓ ఒకటిన్నర మధ్యాహ్నం ప్రాంతం లో చిత్తూరికి వెళ్ళే బస్సుని వదిలేస్తే మళ్ళీ ఎ సాయంత్రం వచ్చే బస్సు కోసం వెయిట్ చెయ్యాల్సి వచ్చేది. అట్లాంటి నిరీక్షణం లో ఎ లారీ వచ్చి ప్యాసింజర్ ని ఎక్కిచ్చుకున్తానంటే వెంటనే ఎక్కేసి హాపీ ఆన్ హాపీ ఆఫ్ లాగా చిత్తూరు చేరేవాళ్ళం.

అట్లాంటి ఓ మధ్యాహ్నపు జర్నీ లో ఓ ఆయిల్ టాంకర్ ఎక్కి చేసిన ప్రయాణం లో ఈ టాంకర్ మధ్యే మార్గం లో బ్రేక్ డవున్ అవడం తో హతోస్మి అనుకుంటూ దగ్గిర వున్న ఎ గ్రామం దాకానో నడిచి వెళ్లి కాస్త టీ నీళ్లు పడేసుకుందామని విచారిస్తే దగ్గర్లో ఉన్న గ్రామం శ్రీ మధురాంతకం రాజారం గారి దామల్చెరువు అవడం జరిగింది. సరే అని ఆయన ఇల్లు కనుక్కొని (గ్రామం లో ఇల్లు కనుక్కోవడం అంత సులభమైన పని వేరే ఏది లేదు!) వెళితే ఆయన ఇంట్లో సావకాశం గా పడక్కుర్చిలో కూర్చిని ఉన్నారు.

అప్పటికే సాయం కాలం అవటంతో పలకరింపులోనే "చాలా పొద్దు పోయి వచ్చారు బాగున్నారా" అని ఉభయ కుశలం విచారించి అలా సంభాషణ పిచ్చాపాటి లోకి దిగింది.

వస్తుతః ఈ సంభాషణం లో ఎట్లాంటి ప్రత్యేకతలు లేవు. ఓ ఇద్దరు మనుషులు కలిస్తే పిచ్చాపాటి చేస్తే అందులో ఎట్లాంటి ప్రత్యేకతలు లేక పోయిన కూడా అందులో ఓ విధమైన వ్యక్తిత్వ ప్రకటన ఉంటుంది. అట్లాంటి దే ఈ సంభాషణం కూడా!

మధురాంతకం లాంటి పెద్దలతో పిచ్చాపాటి కూడా ఓ మరిచి పోలేని అనుభవమే. ఎందుకంటే వారి మాటల్లో నిజ జీవితం ప్రతిఫలిస్తుంది వారు పలికే ప్రతి మాట వెనుక జీవితానుభవం ప్రతిభిమ్భిస్తుంది.

జిలేబి.

సంక్రాంతి శుభాకాంక్షలు

సంక్రాంతి వనం లో క్రాంతి సుమ పథం లో తియ్యగా సాగే సుభ లక్షణ సమీరంలో భాసించాలి మీ జీవతం కాంతులతో సుఖ శాంతులతో ...

జిలేబి.

Sunday, January 11, 2009

నాకు నచ్చిన పద్యం - దాశరథీ శతకం నుంచి

భండన భీముడార్థజన భాందవుడుజ్వల బాణ తూణ కో
దండ కళాప్రచండ భుజ తాండవ కీర్తికిన్ రామమూర్తికిన్
రెండవ సాటి దైవమిక లేదనుచున్ గడ గట్టి భెరికా డాండ
డడాండ డాండ నినదంబు నిండ మత్త
వేదండము నెక్కి చాటెదన్ దాశరథీ కరుణాపయోనిధి!


ఈ పద్యం లో ఉన్న జోష్ రియల్లీ సూపర్బ్. - డాండ డడాండ డాండ అన్న పదమొక్కటే చాలు చేణుక్కు మనడానికి


భావార్థం: ఈ పద్యం శ్రీ రామచంద్రుని గురించి. శ్రీ రాముడు బలంలో భీముడంతటి వారట. ఆర్త జన భాన్దవుడు. ఉజ్వల బాణ తూణ కళా కోదండ ప్రచండులు. అట్లాంటి శ్రీ రామచంద్ర ప్రభువుల భుజ తాండవ కీర్తిని మత్త ఏనుగు నెక్కి డంకా భజాయించి అట్లాంటి స్వామీ కి రెండవ సాటి దైవం ఇక ఎవ్వరు లేదని చాటి చెబ్తారట దాసరథి వారు!

జిలేబి.

Saturday, January 10, 2009

హాస్య దర్బార్ - సత్య ప్రసాద్ అరిపిరాల గారి ఈ బుక్


భేషైన పసందైన హాస్య రస ప్రధానం గా అరిపిరాల సత్య ప్రసాద్ గారు వ్రాసిన హాస్య దర్బార్ ఈ పుస్తకాన్ని ఇక్కడ పొందుపరచిన లింకు ద్వారా డవున్ లోడ్ చేసుకోవచ్చు. ఈ ఈ పుస్తకం పీడీఫ్ ఫార్మేటు లో అందంగా ముద్రించబడి ఉంది.



జిలేబి.

Friday, January 9, 2009

సత్యం రాజు & శివాజీ ది బాస్ ఒకరేనా?

శివాజీ ది బాస్ చిత్ర రాజం లో నల్ల డబ్బుని శ్రీమాన్ రజని కాంత్ గారు డాలర్లు గా కాన్వేర్ట్ చేసి జూమ్మన్ని భారత దేశాన్ని మార్చే ప్రనాలికని ప్రతిపాదించారు. శ్రీ రామచంద్రుడు సత్య వాక్పరిపాలయనే జీవిత ధ్యేయమని తండ్రి దశరథుడు చూపించనా మార్గం లో అడవి కి వెళ్ళారు.

మన కలియుగం లో జామ్బూద్వీపం లో భారత వర్షం లో భారత ఖండంలో ఆంద్ర రాజ్యం లో రాముని పేరుగల రాజు గారు లేని డబ్బుని ఉన్నట్టు గా నిలబెట్టి యాభై వేలమంది యువతకి ఉద్యోగం కల్పించి అరవై ఐదు దేశాల్లో భారతకీర్తిని తెలుగు తేజాన్ని చాటించి విష్ణు మాయ చేసారు.

శ్రీమాన్ శివాజీ ది బాస్ గారి చిత్రరాజం వౌ అంటూ జూమ్మంటూ బాక్సాఫీస్ బద్దలు కొట్టింది- చిత్రం లో శివాజీ గారు చెరసాల కి వెళితే దారిలో కోట్లాది జనం ఆయన కోసం నిరీక్షణ. శ్రీ రామచంద్రుడు సత్య వాక్పరిపలన కోసం అడవి కి వెళితే దేశం ప్రజానీకం కన్నీరు కార్చింది.

ఈ తెలుగు తేజం లేని డబ్బుతో ఒక కార్పొరేట్ సామ్రాజ్యాని ఇరవై సంవత్సరాలు గా నిలబెట్టిన వైనం దీని పర్యవసానం వేచి చూడ వలసినదే మరి.

జిలేబి.

Tuesday, January 6, 2009

కాల వాహిని అలల వాలున సాగి పోవుట సులభ తరమే ....

ఈ మధ్య భూప్రపంచానికి కడు గడ్డు కాలం వచ్చినట్టుంది. క్రితం సంవత్సరం నుంచి అన్నీ ఒక దాన్ని మించి మరో మాంద్యం కబుర్లే - ఎ పత్రిక తిరగేసిన ప్రతి దేశం లోను ఏదో ఒక ప్రాబ్లం కనబడుతూనే ఉంది.
కలి కాలం వైపరీత్యాలు మన మున్న జామానాలోనే అన్ని ప్రాబ్లం రావాలని అంటారా?
అంతా విష్ణు మాయ గాకుంటే మరేమీ చోద్యం అంటారు?

ఎంతైనా కాల వాహిని అలల వాలున సాగి పోవటం సులభ తరమే. కాని ఇప్పుడున్న పరిస్తుతల్లో ఇది కూడా కష్టమే అని పిస్తోంది.
వీటన్నిటికి త్వరలోనే ఓ భంసు తేరా బడి శుభమైన కాలం ఆసంన్మవుతుందని ఆశిద్దాం!

జిలేబి.

Monday, January 5, 2009

ఏమండోయ్ శ్రీమతి గారు

ఏమండోయ్ శ్రీమతి గారు అన్న వాక్యాన్ని కీర్తి శేషులు శ్రీ శోభన్ బాబు గారు తన చిత్రాలలో సొగసుగా పలికినంత ఇంకెవరు చెప్పగలరా అంటే నా వరకైతే మరి ఎ నటుడు ఆ సంపూర్ణత్వాన్ని ఆపాదించలేక పోయాడనే చెప్పొచ్చు.

ఒక్కో నటుడికి(నటి కి) ఓ సొగసైన పద్దతి డైలాగ్ డెలివరీ ఉంటుంది. వీళ్ళని అబ్సర్వ్ చేస్తే దీని మీదే ఓ థీసిస్ రాయొచ్చు !

మీరేమంటారు?

జిలేబి.

Friday, January 2, 2009

సింగపూరు బుద్ధుడు


ఆ మధ్య సింగపూరు వెళ్ళినప్పుడు తీసిన బుద్దుని ఫోటో. ప్రసన్న వదనం ధ్యాయేత్.
జిలేబి.

Thursday, January 1, 2009

నూతన సంవత్సర శుభాకాంక్షలు

దేనికైనా నాకు టైం లేనే లేదండి అనే మనలాంటి ఎందరికో కోసం నూతన సంవత్సరం టైం అంటూ నేనున్నాను ఓ 365 రోజులు తీసుకోవోయీ అంటూ స్నేహ నేస్తం చాపుతూ మనల్ని భవిష్యత్తులోకి రమ్మంటూ ఆహ్వానిస్తోంది.

రండి పాత సంవత్సారానికి బాయ్ బాయ్ చెబ్తూ నూతన సంవత్సరానికి స్వాగతం పలుకుతాం. అంతే కాదు - మంచి విషయాలికి మనకి ఈ నూతన సంవత్సరం లో ఎప్పుడు సమయం ఉందని నిరుపిస్తాం.

జిలేబి.