Thursday, January 5, 2012

రాదే చెలి నమ్మ రాదే చెలి (సభ్య వివస్త్ర!)

పరికిణీ పరిచితే   
పిట పిట లాడుతోన్దంటారు

సల్వారు సాయిస్తే
సరసాంగి అంటారు

శుభ్రం గా చీర కడితే
సింగారి అంటారు

ప్యాంటూ షర్టూ వేస్తే
పైలా పచ్చీసు అంటారు

జీన్సు జమాయిస్తే
జిల్ జిల్ జిలేబి అంటారు

మిడీ వేస్తే
మిటారి అంటారు

షార్టు వేస్తే
షకీలా అంటారు

కోటూ  సూటూ వేస్తే
కోణంగీ అంటారు

వెస్టర్న్ వేస్తే
వగలమారి అంటారు

స్విమ్ సూటు వేస్తే
సిగ్గే లేదంటారు

బురఖా వేస్తే
భావ ప్రాప్తి లేదంటారు

అబ్బ పోనీ
బట్టబయలు అవుతానంటే  
బరి తెగిన్చిన్దంటారు  

నేనేమి చేతురో  నా ముద్దుల దినేశా

రాదే చెలీ నమ్మ రాదే చెలీ
ఈ మగువలెపుడు మగవారిని
నమ్మ రాదే చెలీ!

ఛీ
రాస,
జిలేబి.

25 comments:

  1. మొహం మీద ఈడ్చి కొట్టినట్లు ఉంది. బాగా చెప్పారు.

    ReplyDelete
  2. బురఖా వేసుకున్న స్త్రీ పై రేప్ జరిగినా బురఖా వేసుకోవడం నీదే తప్పు, కాస్త ఒళ్ళు చూపిస్తే రేప్ జరిగేది కాదు కదా అని అంటారు ఈ అభినవ అగ్నిహోత్రావధానులు.

    ReplyDelete
  3. ఉన్న మాటంటే ఉలుకెక్కువంటారు...

    ReplyDelete
  4. అయ్య బాబోయ్.
    చాలా బాగా వ్రాసారు.

    కాని చిన్న పాటి సందేహం అండీ. మగువలెపుడు మగవారిన నమ్మ రాదే అనేశారు -కానీ- పాపం యీ మగువలు సాటి మగువలను నమ్మగలిగే పరిస్థితి ఉందా అని.

    ReplyDelete
  5. "తెలుసుకొనవే యువతీ అలా నడచుకునవే యువతీ"
    బాగుందండీ..

    ReplyDelete
  6. బురఖా కీ భావప్రాప్తికి సంబందం ఏమిటో ?

    ReplyDelete
  7. మగువలు మగవారిని, మగవారు మగువలను నమ్మక పోతే సృష్టి ఆగిపోతుందండీ! మరో మాట చెప్పండి.

    ReplyDelete
  8. భాసి, వరూధిని గారు కూడా మార్తాండవాది అని కన్ఫర్మ్ అయిపోయావా?

    ReplyDelete
  9. పరస్త్రీ లో తల్లిని సోదరిని చూడాలనే వారు పురుషుడి లో రావణాసురుడినే ఎందుకు చూస్తారో?

    ఆడువారి మాటలకు అర్ధాలే వేరులే, అర్ధాలె వేరులే ...... దహా.

    (నేను జంప్)

    ReplyDelete
  10. అసభ్యముగా లేనంతవరకు ఏమి ధరించిన ఎవరు ఏమి అనరు అండి.. అంట మాత్రాన మమ్ములను నమ్మవదు అంటే ఎలా అండి.. దీనికి ఏమి అంటారు --->

    వాళ్ళ అందాన్ని పొగిడితే అబద్దం ఆడుతున్నావని అంటారు

    పొగడక పోతే సౌందర్య ద్రుష్టి లేదంటారు

    - చెప్పిన దానికల్లా ఒప్పుకుంటే డుడూ బసవన్నవని వెక్కిరిస్తారు

    ఒప్పుకోక పోతే అర్థం చేసుకునే మనసు లేదని నిందిస్తారు

    - చక్కగా తయారైతే పూల రంగడని చురకలేస్తారు .

    సింపుల్ గా వుంటే తాతయ్యలా వేస్ట్ అంటారు

    - ఎక్కువగా మాట్లాడితే బోర్ అంటారు మాట్లాడకపోతే ప్రేమ లేదంటారు

    - ముద్దు పెట్టుకుంటే జెంటిల్మెన్ వి కాదంటారు .

    పెట్టుకోక పోతే మగాడివే కాదు పొమ్మంటారు

    - చెయ్యి పట్టుకోబోతే అందు కోసమే కాచుకూర్చున్నవంటారు బుద్దిగా కూర్చుంటే ముద్ద పప్పు అంటారు

    - వేరే ఆడ వాళ్ళ వైపు చూస్తే మగ బుద్ది అంటారు.

    వాళ్ళు వేరే అబ్బాయి ల వైపు చూస్తే క్యాజువల్ లుక్ అంటారు

    ReplyDelete
  11. దినేష్ రెడ్డి అంటే అంత ఇష్టమా జిలేబీ గారూ? ఆయన కూడా నచ్చేశాడా? ముద్దులిచ్చేస్తున్నారు?

    ఇంతకీ పైన తప్పుల మీద తప్పులు చేస్తూ నిచ్చెన ఎక్కిన "పిట్ట" జిలేబీ యేనా?

    ReplyDelete
  12. అవున్లెండి.
    ఎవరికి తోచింది వారు అంటారు.
    ఎవరి డిఫెన్స్ వారిది.

    ReplyDelete
  13. @వనజ వనమాలీ, శ్రీ లలిత గారు,

    సరిగ్గా చెప్పారు. ఏమిటో చోద్యం వీరిది, దొంగ గారు దోపిడీ చేస్తున్నారంటే మీరు తాళాలు సరిగా వెయ్యలేదండీ అంటారు.

    పోనీ తాళం వేసామంటే గట్టి తాళం వెయ్య లేదండీ అంటారు!. గట్టి తాళం వేసీ దొంగ పడ్డాదంటే దొంగలు దొర లై పోయారండీ అంటారు.

    ఇంత చెబ్తారే కాని దొంగలు సమాజం లో ఎందుకు వుంటారు అని ఆలోచించరే సుమీ అనుకున్నామంటే , దొంగా పోలీసు ఆట పురాతన మైన ది, ఏమీ చెయ్యలేం అంటారు !

    చీర్స్
    జిలేబి.

    ReplyDelete
  14. @శ్యామలీయం మాష్టారు,

    ఈ మారు పద్యం నించి గద్యం లో పడ్డారు! మా చిన్నప్పటి హిందీ మాష్టారిణి చెప్పేది గుర్తు కోస్తుందండి- సహేలీ 'షార్ప్' నఖః" అని !

    చీర్స్
    జిలేబి.

    ReplyDelete
  15. @రాజి గారు,
    @రావు గారు,

    ఖచ్చితం గా ఇది 'తెలుసు కొనవే యువతీ అండ్ బె కేర్ ఫుల్ అనటం లాంటిది అన్నమాట !

    చీర్స్
    జిలేబి.

    ReplyDelete
  16. బులుసు మాష్టారు,

    మీరు చెప్పిన ఉదాహరణ కి ఎంత ప్రాచీన మైన వారిని తీసు కొచ్చి నారో (రావణా 'సూరుడు' ) దాని ని బట్టి చూస్తేనే ఈ ప్రాబ్లం ఎంత పాత దో తెలుస్తోందండీ! నార చీర కడితే నూ తప్పలేదు కష్టాలు - నారీ నీ వె నా ప్యారీ అని హేరాఫేరీ చేసాడు 'రాబాన్'


    చీర్స్
    జిలేబి.

    ReplyDelete
  17. @తెలుగు పాటలు గారు,

    హమ్మయ్య మొత్తం మీద మొదటి మారు మీకు టపా అర్థమయ్యినందులకి నా కు ఒకే హ్యాపీ గా ఉండండి!

    ఆ పై మీ 'మగ వారి పాట పాత కాలం నించి ఇలా అంటున్నారు గైని, మళ్ళీ సాధించే ఘన కార్యములు వేరు వేరు ! జేకే !

    చీర్స్
    జిలేబి.

    ReplyDelete
  18. ఈ తెలుగు వెబ్ మీడియా పేరు ఏమిటో తెలీదు !

    సో తేవెమీ గారు,

    అయిందండీ మీ కామెంటు వేము స్పాము,
    విడిపించితి దాని బురఖా
    అది అయ్యిన్దండోయ్ కామెంటు తునక !

    ఈ మార్తాండ 'వేదం' ఏమిటో అర్థం కాలేదు కాబట్టి కామెంటు నాస్తి !

    చీర్స్
    జిలేబి.

    ReplyDelete
  19. @భాస్కర్ గారు,

    సూరీడికి, చామంతి కి ఉన్న అనుబంధం అది!

    @కష్టే ఫలే మాష్టారు,

    నమ్మకం వరకు సృష్టి కార్యం నిలప కుండా వుంచటం వరకు నో ప్రాబ్లం అనుకుంటాను మాష్టారు. తంటా ఎక్కడ అంటే , సెంటిమెంటు దెబ్బలతో ! అదన్న మాట నమ్మకానికి , సెంటిమెంటు లకి వ్యత్యాసం!

    చీర్స్
    జిలేబి.

    ReplyDelete
  20. @కిరణ్ కుమార్ గారు,

    పిట్ట ఎగరాలని చూస్తోంది. విలుకాడు వీలు కాదు అంటాడు. ఎం చేద్దామండీ , దినేశుడూ ఒక తల్లి బిడ్డే కదండీ, బామ్మలకి ఎప్పుడు 'మనవాడి' పై ప్రేమలే, నచ్చినా మెచ్చాలని ఉందా ?మెత్త గా మొట్టాలని కూడా వుంటుంది !

    చీర్స్
    జిలేబి.

    ReplyDelete
  21. @మళ్ళీ శ్యామలీయం మాష్టారు,

    డిఫెన్సు, ఫెన్సు ఎన్ని ఉన్నా అఫెన్సు ఎక్కువై పోతే న్యూసెన్సు !

    చీర్స్
    జిలేబి.

    ReplyDelete
  22. హహహ భలే చెప్పారు!

    ReplyDelete
  23. యింతకీ మీ వేష ధారణ చూశాక ఏమంటారో సెలవిచ్చారు కాదు ?

    ReplyDelete
  24. రవి గారు,

    అందులోనే చెప్పా గదండీ ! జిల్ జిల్ జిలేబీ అని !

    చీర్స్
    జిలేబి.

    ReplyDelete