Monday, January 9, 2017

ఏనుగు - కోతి - రాత్రి - పగలు !


ఏనుగు- కోతి -రాత్రి పగలు
 
నిశిరాత్రి చందురుడు మత్తు గా
చూస్తోంటే మత్తేభం జోగుతోంది.
 
కొమ్మ పైన కోతి లబక్కున గెంతి
ఏనుగు ని పిలిచింది రా ఆడుకుందా మంటూ !
 
మత్తేభం జోగింది.
ఆ జోగులో కోతి ఆడుకుంటూ
పొద్దు పొడిచే టప్పటి కి జోగింది .
 
సూరీడు పైకొచ్చేడు !
 
కోతి చెట్టు కొమ్మన వెళ్లి పడుకుంది .
 
మత్తేభం నిద్దుర మత్తు వీడి
మత్తు గా తూగుతున్న కోతిని రావే ఆడుకుందా మంది.
 
మత్తులో కుదరదంటే ,
తొండం తో ఒక్కటిచ్చి
కోతి ని లాగి దాంతో ఆటాడే సుకుంది !
 
చీర్స్
శుభోదయం !
 
జిలేబి
 

5 comments:

  1. మత్తేభము జోగుట గని
    హత్తెరి మర్కటము బిల్చె నాడుకొనంగా
    మత్తేభము తొండముతో
    మొత్తి బిలిచె కోతి జోగ మోదంబలరన్ .

    ఏముందబ్బా యిందున?
    సామజమును బోలు నే యసామాన్యునితో
    గేమాడెనొ నే కోతో
    నా మనసుకు కొంచ మేని యవగత మవలా .

    ReplyDelete
  2. జాగిలి గోనుమో జిలేబీ
    సాగిలి మ్రొక్కెద, దయగని
    బాగుగ అర్ధమగు రీతి జెప్పవమ్మ
    దాగిలిబూచు లాడకుండ ...
    :)

    ReplyDelete

  3. ధన్యవాదాలండీ కామింటి నందులకు.

    జెన్ కోవెన్లకి ఎవరికి వారే భాష్యం చెప్పుకోవాలి‌.

    మీకేమనిపిస్తే అది మీరు చెప్పవచ్చు

    ప్రయత్నించండి


    చీర్స్
    జిలేబి

    ReplyDelete
  4. జిలేబీ తీర్థ స్వామిని వారి నూతన న్యాయము
    ’మత్తేభ మర్కట న్యాయము’
    ఈ నుడి కారము వలన మనము గ్రహించవలసినదేమనగా
    ‘జిల పుట్టినప్పుడే గోకవలెను. వేళ తప్పిన బుఱ్ఱ పగులును’.

    ’తమకు తోచిన భాష్యం రోెకలి చుట్టిన మస్తిష్కం‘
    కనుక, స్వామినివారే అనుగ్రహ భాషణమిచ్చి ఈ పాంథుని మదిలో జ్ఞానదివ్వెలను వెలగించగలరు.

    ReplyDelete
  5. చలికోర్వలేను రమ్మని
    చెలి పుడమి బిలువ కవోష్ణ శ్రీకరములతో
    వలపు పరిష్వంగ సుఖము
    వెలయించగ నినుడు భువికి విజయము చేసెన్ .

    సుజన సృజన బ్లాగు నిజ శుభాకాంక్షలు
    బ్లాగు వీక్షకులకు పాఠకులకు
    మహిత పర్వ మందు మకర సంక్రమణ వి
    శేష కాల మందు శ్రీలు గలుగ .

    ReplyDelete