Sunday, January 14, 2018

సంక్రాంతి శుభాకాంక్షల తో !



 
బ్లాగ్ వీక్షకుల కందరి కీ
 
సంక్రాంతి శుభాకాంక్షలు !
 
మైలవరపు వారి సంక్రాంతి వర్ణన
 
కొక్కొరోకో యను కోడికూతకు లేచి
నిత్యకృత్యమ్ముల నెఱపి యంత ,
క్రొత్త బట్టలు గట్టి కూరిమి బెద్దల
పాదమ్ములకు మ్రొక్కి పాలు త్రాగి ,
గోమాత నుదుటను కుంకుమదీర్చియు
భోగిమంటను జేరి మోదమంది ,
ముంగిట దీర్చిన రంగవల్లిక జూచి
పులకించి , నెమ్మది పొంగి , మురిసి ,
హరిలొ రంగా యను నాలాపనము విని
పరుగెత్తుకొని వచ్చి పలకరించి ,
గంగిరెద్దులవాని గమనించి పాతదౌ
పట్టుచీరనొకటి వానికిచ్చి ,
బుడబుక్కమని చేతిమునివ్రేళ్లతో డప్పు
వాయించు వానికి బట్టలిచ్చి ,
వంటింటి ఘుమఘుమల్ వడ్డింపగా దిని
మేలు మా యమ్మంచు మెచ్చి మెచ్చి ,

నవ్వు పువ్వుల రువ్వి యానందమంది ,
దాన ధర్మమ్ములొనరించి ధన్యత గొన ,
పదుగురొకచోట జేరుట పండుగ యగు !
తెలుగు లోగిళ్ల కొంగ్రొత్త వెలుగులమరు !! 

               శ్రీ  మైలవరపు మురళీకృష్ణ వెంకటగిరి

9 comments:



  1. అంబ నడపు మంగళమున్!
    అంభోభృత్పథ విహారి యానందంబున్
    దంబర! అందరికి మజ క
    దంబింపన్ వేళ వచ్చె దవథువు తొలుగన్!


    అందరికి
    " సమ " క్రాంతి శుభాకాంక్షలతో
    జిలేబి

    ReplyDelete
  2. మైలవరపు మురళీ కృ
    ష్ణాలాపిత పద్య రవము చాలా ఘనమై
    కాలానుగుణము చాలక
    లీలగ నలనాటి వేడ్క లీనుచు నుండెన్ .

    ReplyDelete

  3. ఇంత అమోఘంగా చంపకమాల రాయటమంటే రాజారావు గారికే చెల్లును !

    అదురహో !

    చంపకమాల వృత్తము

    అనఘులు శర్మగార్కి , మహితాత్ములు శ్యామల రావుగార్కి , కం
    ద నుత జిలేబి గార్కి , విబుధాంబర వీథి విహారి విన్న కో
    టి నరసరాయ మిత్రులకు , డిగ్గున వచ్చి మనోజ్ఞ గీతముల్
    వినిచెడు బండిరావులకు , వేడుక గూర్చెడి వైవియారుకున్ .....

    ReplyDelete
    Replies
    1. వారి పద్యమాల నిరాడంబరంగా, అందంగా చాలా బావుందండి. ఎప్పటిలాగే ఆలస్యంగా అందరికి పండుగ శుభాకాంక్షలు.

      Delete
    2. అన్యగామి గారూ ,
      దన్యవాదాలు మరియు నమస్సులు .

      Delete


  4. మరియు తక్కిన బ్లాగు సంబంధ హితుల
    కందరకు - వినమ్ర తర ప్రగాఢ హార్ది
    క గతి - సంక్రాంతి శుభాకాంక్షలు తెలిపెద ,
    ఆయురారోగ్యములు పొంది యలరు కొఱకు ."


    శ్రీలక్కాకుల రాజారావు గారు

    ReplyDelete
  5. జిలేబిగారు! మీకు, మీకుటుంబానికి మకరసంక్రాంతి శుభకామనలు !

    ReplyDelete
    Replies


    1. లలితమ్మాయ్ !

      శుభాకాంక్షలు మీకున్నూ !

      జిలేబి బామ్మాయ్ :)

      Delete


  6. పాయసమున్ సూత్రికతో
    సాయింపగ గైకొనంగ చక్కని కొమరుల్
    ఆయింతులుబడసిరయా
    వాయించిరి వాద్యములను వర్ధిల వారున్ !

    జిలేబి

    ReplyDelete