Tuesday, November 9, 2010

రౌడీ అమ్మ గారు - రౌడీ గారి అమ్మ గారు కథా కమామీషు !

ఈ మధ్య ప్రమదావనం మహిళల మీట్ - భాగ్యనగరం లో జరిగిన సందర్భం లో ప్రచురించిన బ్లాగు పరంపరలని చదివాక - అందులో - రౌడీ అమ్మగారు (రౌడీ గారి అమ్మగారు) ఇంటర్వ్యూ చదివాక ఈ టపా రాయాలనిపించింది.

పాపం ఆ అమ్మగారు ఎంత బాధ పడి ఉంటారో అని ! - ఔరా - నా కిదేమి పేరని. !

పోనీ లే - అబ్బాయి ఏమైనా అంత పనికి మాలిన పని ఏమి అయినా చేసాడంటే - అదీ కాదు. ఓ మోస్తరు బ్లాగు తుమపరాల మధ్య - మిధ్యా లోకం లో నివసించే సాదా సీదా (కాకుంటే - వెరైటీ) అమెరికన్ కాకుంటే కంపూటర్ మానవుడు. పాపం పేరు కి రౌడీ తగిలించు కున్నాడు. !

దీని వల్ల తెలియ వచ్చేది ఏమంటే - మిధ్యా లోకం లో కూడా కాస్త సేన్సిబెల్ గా ఉండవలేన్ అని !

ఎంతైనా - ప్రమదావనం వాళ్ళు అలా రౌడీ అమ్మగారని రాయకుండా వుండవలసినది. !
తల్లి హృదయం - ఎక్కడ నోచ్చుకుంటుందో ఎవరికీ ఎరుక? వెంకటేశా- తప్పులు కాయి.

చీర్స్
జిలేబి.

Wednesday, November 3, 2010

వరూధిని డాట్ కాం

ధం దం ధమాక !

నా బ్లాగు పేరుతో- వరూధిని డాట్ కాం అన్న చిత్ర రాజాన్ని ఎవరో తయారు చేస్తునారోచ్!

ఇది జనరిక్ పేరు కాబట్టి - కాపి రైట్ కేసులు వెయ్యలేం ! మరేం చేద్దాం! - పిక్చర్ రిలీజ్ ఐతే - బాగుంటే - వః వః అంటాం !
కాకుంటే - బాక్సు తిరిగి వచ్చేస్తే - కాల గతి లో దాని కథా పరి సమాప్తం !

అయినా ఈ బ్లాగులది మాత్రం ఏమైనా ఎటర్నల్గా ప్రేసేన్సు ఉంటుందంటారా? విష్ణు మాయ జరిగి గూగుల్ వాడు కొట్టు కట్టేస్తే - మన బ్లాగులన్నీ హుష్ కాకి ! దానితో బాటు మనం ఇన్ని సంవత్సరాలుగా గీకిన కాకుంటే 'చెమటోడ్చి' రాసేసుకున్న కథా కమామీషులన్ని బిట్స్ మరియు బైట్స్ గా గాలి లో కలిసి పోవూ మరి?

చీర్స్
జిలేబి.

Sunday, October 31, 2010

అప్పు చెయ్య కుండా పప్పు కూడు ఎలా తిన వచ్చు?

తాత గారి కలం లో ' అప్పు చేసి పప్పు కూడు తినరా ఓ నరుడా- గొప్ప నీతి వాక్యమిదే వినరా పామరుడా అని పాడేసుకున్నారు! రామారావు గారేమో ఆరేసుకోబోయి పారేసు కున్నానని వాపోయారు

ఇంతకీ అప్పు చెయ్యకుండా పప్పు కూడు తినలేమా?

అంటే - ఈ పప్పు కూడు డెఫినిషన్ ఏమిటి ? అప్పుకి డెఫినిషన్ ఏమిటి? ఎందుకీ అప్పు చెయ్యాలి? చేసిన అప్పుని దేనికి ఉపయోగించ కూడదు? ఇట్లాంటి ప్రశ్నలు ఉదయిస్తాయి.

ముప్పూటలా తిండి - పప్పు కూడు అన వచ్చా?

అప్పు చెయ్య కుండా పప్పు కూడు కాదు కదా- మరి సాధారణ కూడు కూడా కష్టమే అనే వాళ్ళు ఉండ వచ్చు.

నిజ జీవితం లో - అప్పు ప్రాధాన్యత ని - మన గవర్నమెంట్లని చూసి నేర్చుకోవాల్సిందే మరి !

అలా ప్రపంచ బాంకులనించి డబ్బు ఎలా ఎ విధం గా సమ కూర్చు కొవచ్చో ప్రతి దేశ ఫైనాన్సు మంత్రీ ఆలోచిస్తూనే ఉంటాడు.

ఏకంగా - అమెరికన్ గవర్నమెంటు - జనాల్ని పోలో మని - క్రెడిట్ కార్డులు తో జీవనం గడపడానికి ప్రోత్సహించేలాంటి పరిస్తుతులలో - జీవిస్తున్న కాలాలివి.

మన దేశం లో చూస్తె- అప్పు పుట్టడం కష్టం. కాకుంటే పుట్టొచ్చు. - అధిక వడ్డీ పై ! మన మైక్రో ఫైనాన్సు లాగన్నమాట !
బంగ్లాదేశంలో క్లిక్ ఐన పధ్ధతి - మన దేశం లో ఓ దశాబ్దం పాటు క్లిక్ ఐన - మైక్రో ఫైనాన్సు ఇవ్వాళ అధోగతి కి కారణం ఏమిటి ?

అప్పు చేసిన మనీ తో - వ్యుత్పత్తి అన్నది కాకుండా - కర్చులకి వెళ్ళడమా?

లేక ఇది మన దేశ పరిస్తితులకి సరి పోని సమీ కరణమా ? కాకుంటే గుడి ని గుడిలోని లింగాన్ని మింగే నాయకుల చలవా ఇది?

చీర్స్ అనలేని
జిలేబి.

Saturday, October 30, 2010

మరణ 'మృదు లాస్యం' !!

"పోస్ట్" తపాల బంట్రోతు కేక

ఒరేయ్ అబ్బాయ్ ఏమి పోస్ట్ వచ్చిందిరా ?

నాన్నోయ్ - ఎవరో బాల్చి తన్నేసారట మరణ టపా! - తెల్ల కార్డు పై నల్ల కొన కార్డు ముక్క

అప్రాచ్యుడా - పారెయ్ పారెయ్ - దాన్ని తీసుకుని ఇంట్లోకి రాకూడదు రా బయటే చించి పదేయాల్సింది

'పేపర్' పేపర్ బాయ్ కేక

ఒరేయ్ అబ్బాయ్ ఆ పేపర్ ఇలా తీసుకురా

నిశ్శబ్దం !

ఏమిట్రా పేపర్ ని అలా చించి పడేస్తున్నావ్ ?

మరే - పేపర్ నిండా మరణ వార్తలే నాన్నగారు ! అందుకేను !

ఓర్నీ నీ తెలివి మండ! ఈ కాలం పిల్లలకి ఎలా బుద్దులు నేర్పడమో తెలియ కుండా పోయే!

అదేమిటి నాన్నగారు - పిల్లకాకి తెలివే తెలివి నిన్ననేగా చెప్పావ్?
ఈ పెద్దవాళ్ళకి తల తిక్క ఎప్పుడు కుదురును ?


చీర్స్
జిలేబి.

Saturday, October 16, 2010

భుజించు - ప్రార్థించు- ప్రేమించు !

ఇది ఏదో జే హో వా వ్యాఖ్యానం అనుకోవద్దండి. !

ఈట్ ప్రే అండ్ లవ్ - జూలియా రోబెర్ట్స్ చిత్రం పేరు తెలుగులో రాసానంతే! కాకుంటే ఆంగ్లం లో విన సోంపు గా ఉన్నది. తెలుగులో కొంత ఎకసక్కం గా ఉన్నట్టుంది నాకైతే. మీ కేమైనా మంచి పేరు తడితే చెప్ప వచ్చు.

! ఆ పేరుతొ వ్రాయబడ్డ నవల ప్రాతిపదికగా తీయబడ్డ చిత్రం !

ఇటలీ ఇండోనేసియా ఇండియా - ఈ మూడు దేశాల సంస్కృతి సమ్మేళనం గా - వైవిధ్యమైన చిత్రం.

వీలయితే - కాకుంటే వీలు చేసుకుని చూడగలిగితే చూడండి !

చీర్స్
జిలేబి.

Monday, October 4, 2010

షష్టి పూర్తి ఐతే చాలా ? తాతగారి కి శతాభిషేకం అవ్వాలి కదా?

మారుతీయం గారి సమస్యకి షష్టి పూర్తి చదివితే నవ్వొచ్చింది.

మా ఇంట్లో తాతగారి కి షష్టి పూర్తి ఐతే అందరం సంతోషపడి - తాతగారి శతాభిషేకం ఇంకా ఘనం గా జరపాలని - ఆ పై ఆయన ఇంకా వంద సంవత్సరాల పై బడి మాతో ఉండాలని చాలా చాలా అభిప్రాలయాలని ఆశలని తెలియబరచాం.
ఆ పాటి ఆశ, మా ఈ 'తాత' గారి సమస్య కి కూడ మేం పెట్టుకోవాలి కదా మరి?

కనీసం శతాభిషేకం అయినా కావాల్సిందే.

కాకుంటే - రెండు జమానాల జనానికి నౌకరి కల్పించిన మా తాత గారు - మరో ఒక జమానా కైనా కనీసం నౌకరి పోషించవలె కదా మరి?

కాకుంటే మా కోర్టులు వట్టి పోవూ? అక్కడ పని చేసే వాళ్ళ గతి ఏమి గాను?

పేపర్ల వేల కొద్దిగా తీర్పులు రాయ వలసిన మా జడ్జీల నౌకరి ఏమి గాను?

వారి టైపిస్ట్ ల ఉద్యోగాలు ఏమి గాను?

వారి పెళ్ళాం పిల్లల జీవిత బాగోగులని కోరి - మా తాత గారి శతాభిషేకం కనీసం గా వించ వలసినది గా
అందిరికి విజ్ఞప్తి!

పుర జనులార - ఈ దేశం లో ఆల్రెడీ నిరుద్యోగం ఎక్కువగా ఉన్నది. ఇంకా నిరుద్యోగాన్ని పెంచకండి! (నిరుద్యోగి గా ఉంటె పర్లేదు- ఉద్యోగి గా ఉండే వాడు నిరుద్యోగి ఐతే - అదీ కోర్టు వాళ్ళు నిరుద్యోగులైతే - మీ మా జన జీవనానికి కీడే గా ని మేలు గాదని నా ప్రగాఢ విశ్వాసం! - దార్న పోయే వాణ్ని పిలిచి చంకన వేసుకున్న సామెత ఉండనే ఉన్నది. వాళ్ళ మానాన వాళ్ళు - ఎవరికీ అర్థం కాని గీతాల్ని రాతల్ని రాసుకుంటూ - వారి లోకం లో వాళ్ళు ఉన్నారు. వాళ్ళని డిస్టర్బ్ మనం చెయ్య కూడ దండోయి ! )

చీర్స్
జిలేబి.

Friday, September 24, 2010

అస్సాం రోజులు - జ్ఞాపకాలు

మధ్య తరగతి తెలుగు అమ్మాయికి గాని అబ్బాయికి గాని ఆంద్ర దేశం దాటితే అంతా విచిత్రం గానే ఉంటుంది. అట్లాంటిది ఏకం గా మూడు వేల కిలో మీటర్ దూరం లో అస్సాం వెళ్ళ వలసి వస్తే ఎలా ఉంటుంది? అదీను అస్సలు హిందీ రాకపోతే అసలు నువ్వు నార్త్ లో జీవితపు బండి నడప లేవు అని ఎవరైనా ఇంకా బెదర గోడ్తే మన ధైర్యం అంతా హుష్ కాకి అయి పోతుంది!

అట్లాంటిది ఓ మోస్తరు హిందీ కూడా అంతగా చలామణి కాని దేశం కాని దేశం లాంటి అస్సాం లో అదీ పీక్ భజరంగ్ భళి ఆపరేషన్ పిరియడ్ లో కాలు పెట్టడం జరిగింది.

వెళ్ళడం ఏప్రిల్ నెల లో . సూర్యోదయం పొద్దు ఐదు గంటలకు పై చూసే అలవాటున్న 'సో కాల్డ్ మద్రాసీ' లకు (సౌత్ వాళ్ళంతా నార్త్ వాలాకి మద్రాసీ లే - మన రామా రావు గారు వచ్చాకే - ఓహో - ఆంధ్ర దేశం ఒకటి ఉన్నదని వాళ్లకి తెలిసి వచ్చిందంటే అతిశయోక్తి గాదు ! ) అక్కడ సూర్యోదయమ్ మూడు మూడున్నర గంటల మధ్య చూడడం ఒక లాంటి 'భయాన్ని' కలిగించడం సర్వ సాధారణం !

నాకైతే అంత పొద్దే సూర్యోదయం చూడడం భయాన్నే కలిగించింది ( అప్పటి వాతావరణం - ఆ నలభై ఎనిమిది గంటల రైలు లేటు తో రైలు గువాహతి చేరడం దానికి కారణమై ఉండ వచ్చానుకుంటా) వార్నీ ప్రపంచానికి ఏదో అయ్యిందన్న మాటే - సూర్యుడు ఇంత పొద్దునే ఊడి పడ్డా డంటే అనుకున్న!

(ఇది మన telugu యోగి sarma గారి బ్లాగులు చదివి అలా కిటికీ నించి చూస్తె మామూలుగా ఎగిరే పక్షి కూడా ఏదో అవాంతరం ముంచుకొచ్చే పరిస్తితులలో ఉందేమో అన్నటు వంటి సందేహం కలగడం లాంటి దన్న మాట !)

ఆ తరువాతే తెల్సి వచ్చింది - కాకుంటే అర్థం అయింది మన 'కాల గీత' మధ్య భారత దేశం లో వెళ్ళడం వల్ల నార్త్ ఈస్ట్ కి ఓ కనీసం ఒకటిన్నర గంటల వ్యత్యాసం ఉండవచ్చు అన్న విషయం !

అట్లాగే చలికాలం లో సాయంత్రం నాలుగు గంటలకే నక్షాత్రాలు ఆకాశం లో కనిపిస్తే మరో వింత ! (భయం కొద్ది పోయి వింత ప్రవేసిన్చందన్నమాట ఆ ఆరు నెలల కాల వ్యవధి లో )

ఇక భోజన విషయానికి వస్తే - అన్నం, కాసిన్ని పచ్చి మిరపకాయ లు , అంత ఉప్పు , ఒక చేప బస్ ఫుల్ మీల్స్ అయినట్టే!

ఇట్లా చెప్పుకుంటూ పోతూంటే జ్ఞాపకాలు పొర్లుతూ వస్తాయి. రాయడానికి ఓపిక తెచ్చుకోవలంతే!

ఈ టపా రాయడానికి కారణం యధేచ్చ గా ఇంటర్నెట్ లో అస్సామీ ఇంటర్నెట్ రేడియో తటస్త పడటం! ఆ అస్సామీ పాటలు వింటుంటే - యాద్గారే రావడం ! (ఆ పై శర్మ గారి బ్లాగు చదవడం - భయ భ్రాన్తులకి లోనవడం - అది వేరే విషయం అనుకోండి!!- )

చీర్స్
జిలేబి.

Thursday, September 23, 2010

ఆ (సైన్స్) చంద్ర 'తారా' ర్కం !

అసైన్స్ గురించి రాస్తారు
జ్యోతిష్యం గురించి అ సైన్స్ గా రాస్తారు
బ్లాగులలో తారా జువ్వలా కామెంటు తారు
తర్కం సూటి ఘాటు ! కొందరు 'డు' కలిపి 'తారడు' అన్నారు
వెరసి
ఆ (సైన్స్) 'చంద్ర' తార' తర్కం !

చీర్స్
జిలేబి.

Tuesday, September 21, 2010

శంభో హర హర - మార్కెట్ హో 'జయ జయ'

ఇండియా స్టాక్ మార్కెట్ జయహో జయహో అంటోంది!
ఆసియా లో ఇండియా తలమానికం
జై భారత్ - జై నిఫ్టీ -జై బీ ఎస్ ఈ

అంతా బాగుంది గాని - నా దో సందేహం ( సందేహం మొదలు పుట్టి మీరు ఆ తరువాయి పుట్టారనకండి) -
ఇందు లో ఏదన్న తిరకాసు ఉన్నదా? ఎవరైనా కొత్త 'మెహతా ' హ్యాండ్ ఏమైనా ఉన్నదా?
విష్ణు మాయ లోగుట్టు పెరుమాళ్ళకె ఎరుక !
ఎప్పుడు తెలియ వలసి వస్తే అప్పుడే జనములకి మాయ విసదీకరించును !

చీర్స్
జిలేబి.

Saturday, September 18, 2010

యోగః 'చిట్టా' వృద్ధి అభివృద్ధి కారకః!

పతంజలి యోగ సూత్రం - యోగః చిత్త వృద్ధి నిరోధః!
ఈ జమానా లో - యోగ అన్న పదం ఎంచక్కా చిట్టా వృద్ధి కారకః!
అంటే - యోగా పేరుతో ఎలాంటి జిమ్మిక్కులు చెయ్య వచ్చో విదేశాల్లోని యోగా కంపెనీ ల నించి నేర్చుకోవచ్చు. ఈ ప్రతిభ లో - మన వాళ్ళు ఓ మోస్తరు వెనుక బడ్డ వారే !
దేనికైనా యోగా టైటిల్ ముందో వెనుకో చేర్చడం - బ్రాండ్ వేల్యూ ని పెంపొందించే సులభ సూత్రం !
మన దేశం లో కూడా ఈ యోగా కొత్త పుంతలు తొక్కుతోంది - కాకుంటే హై ఎండ్ సొసైటీ లో

యోగా పేరుతో బ్రాండింగ్ ఎలా చెయ్య వచ్చో అలాగే - దాని నిర్మలమైన ఉపయోగాన్ని కూడా పొందితే - ఈ కాలం లో ఒక విధం గా యోగ ని సాధించినట్టే!

చీర్స్
జిలేబి.

Thursday, September 16, 2010

ఇండియన్ స్టాక్ మార్కెట్ - ఎ గతి?

నదీనాం సాగారో గచ్చసి అన్నది సుభాషితం.

ఈ స్టాక్ మార్కెట్ లకి సాగరం ఎక్కడ ఉన్నదన్నది నా పెద్ద సందేహం!

ఏదో కొంపలు మునిగి పోయేటట్టు - విపరతీం గా అమ్మేసుకుని అమ్మోయ్ మేమంతా నష్ట పోయామోచ్ అని తల మీద గుడ్దేసుకుని ప్రభుత్వాలని గెంజి , బతిమాలి కాకుంటే - మా కు ఆత్మా హత్యలే శరణ్యం అని బెదిరించి డబ్బులు - ప్రజల పన్నుల డబ్బులు లాగేసుకుని - మళ్ళీ జూమ్మని తెగ స్టాక్ లు కొనుక్కుంటూ వోయ్ ఇండియా ఆసియా లో తలమానికంగా వెలుగొంద బోతూందని స్టేట్మెంట్లు ఇచ్చేయ్యడం - !

విష్ణు మాయ కాకుంటే - ప్రతి కొన్ని సంవత్సరాలకి ఇది జరగడం - ఆ తరువాయి అంతా మరిచి పోయి - వోయ్ మంచి రోజులు వచ్చేసాయ్ అని చంకలు గుద్దేసుకుని సంతోష పడి పోవడం - కాదండీ మరి ? - ఈ గతి కి సముద్రం ఎక్కడ ఉన్నది?

చీర్స్
జిలేబి.

Saturday, September 11, 2010

మాడెర్న్ గణేశ - లేజీ గణేశా-!!


మౌసే జీవనం ఈ 'ఈ ' మానవునికి'-

లాప్ టాప్ - వెబ్ - ఆహారం 'ఈ ' మానవునికి-

'ఈ ' మానవుని లేజీ లైఫ్ కి గణేశా కూడా

లాప్ టాప్ తో లేజీ గా ఇవ్వాళ

గణపతి బొప్పా మోరియా అంటుంటే -

'దైవం' మానుష రూపేణా - అన్నది 'ఊర్ధ్వ మూలం అథః శాఖం అయినట్టుంది!


గణేశ చతుర్థి శుభాకాంక్షలతో !


'బి' లేజీ -

జిలేబి.

Tuesday, September 7, 2010

స్టార్ బక్స్ & 'బక్స్'వంతుడు - బ్రాండ్ లోకం

స్టార్ బక్స్ వాడు బ్రాండ్ పేరుతో కాఫీ ని - డాలర్ ల లో అమ్ముతాడు. బ్రాండింగ్ లోకం లో అన్నిటికి డిమాండ్ ఉంది. బ్రాండ్ బాగా చేస్తే - మన భాజా బజంత్రీలు బ్రహ్మాండం గా వెలుగు తాయి. మన ఐపిఎల్ లాగ అన్న మాట.
'కాసే దాన్ కడవులప్పా అన్నాడు ఒక తమిళ కవి. డబ్బుకు లోకం దాసోహం అని వాపోయాడు తెలుగు కవి.

మొత్తం మీద మన భగవంతుడు కూడా - 'బక్స్' వంతుడు అయిపోయే! బ్రాండింగ్ లోకం లో మా తిరుపతి కొండ దేవర ని కూడా పోటీ కి నిలబెట్టి - వాడి లడ్డూలకి కూడా బ్రాండింగ్ పెట్టి - మా దేవరలు - వెంకన్నని ' బక్స్' వంతుడు గా మార్చే స్తున్నారు.

ఓ దేవర- నీవు కుబేరునికి బకాయి పడ్డావు. నీ పాటి మానవులం మేము- నీ బుద్ధీ మాకే వచ్చే. నీ క్రెడిట్ తో మా పబ్బం గడుపుకోటానికి నిన్ను బక్స్ వంతుడు గ చెలామణి చెయ్యడం తప్పలే ! కాబట్టి- విన్నపాలు విన వలెను వింత వింతలూ - మాత్రమె కాదు - నీవు నేర్పిన విద్యయే నీరజాక్షా ! - అని నీ 'పద' కమలం లో ఈ 'బ్లాగు ' బాక్సు ' సమర్పితం !

చీర్స్
జిలేబి.

Monday, September 6, 2010

కృష్ణా - 'బాగా' నే 'బారో'

అప్పు చేసి పప్పు కూడు చిత్రం చూసాక - కృష్ణా నీవే బేగనే బారో అన్న కన్నడ పద జాలానికి నవ్వొచ్చింది. కృష్ణా బాగా నే బారో అన్నట్టుందే ఇది అని!

అయినా ప్రస్తుత జమానాలో - క్రెడిట్ లేనిదే దునియా లేదన్నుట్టుంది! ప్రతి ఒక్కటి క్రెడిట్ లో కొనాల్సొచ్చే రోజులు అయి పోయేయీ!

కాబట్టి - ఎట్లాగు క్రెడిట్ తప్పదు - సో బేగనే బాగా బారో చేసి - పప్పు కూడు తినవలె ! ఇది విస్సన్న చెప్పిన వేదం ఈ కాలానికి !( ఈ బ్లాగు మాత్రం ఏమి క్రెడిట్ మీద కాదూ రాస్తున్నది ? బ్లాగర్ వాడు స్పేస్ అరువిస్తే - అందులో మన రాతలు తెల్ల వారుతున్నాయి గదా! - అంతా అమెరికా వాడి మాయ ! )

చీర్స్
జిలేబి.

Monday, August 23, 2010

వాక్కు- మనస్సు- మేధస్సు - కర్మణ్యం

కర్మణ్యం అన్న పదం ఉన్నదా నాకైతే తెలియదు.
కర్మణ్యే వాధి కారస్తే మా ఫలేషు కదాచన అన్న భగవద్గీతా వాక్కును అను సరించి పై పదం వాడడం జరిగినది.

మనస్సుకి, వాక్కుకి, మేధస్సు కి సంబంధం ఏమిటి?

మనో వాక్కాయ కర్మ ణే అన్న పద పల్లవిలో - ఈ మూడింటి ని కలిపి - ఒకే మార్గం లో ఉపయోగించాలని పెద్దల ఉవాచ.

ఈ సమీకరణం లో మేధస్సు ఉపయోగం ఉందా? లేక హృదయం ఈ మూడింటిని సందిస్తుందా ?

చీర్స్
జిలేబి.

Friday, August 20, 2010

చింతన - చైతన్యం - సృష్టి

ఒక ఆలోచన స్రవంతి ఐ మేధస్సుని మదించి
చైతన్యాన్ని కలుగ జేస్తే
ఆ చైతన్యం ఉత్తేజాన్ని పుంజుకుని కార్య సాధనలో
సఫలీకృతమై తే -
అందులోనించి ఉద్భవం - సృష్టి

ఆ సృష్టి కాలం పరిమితం - దాని వైశాల్యం పరిమితం
కాని దాన్ని సృష్టించిన చైతన్యం, ఆలోచన అపరిమితం

సృష్టి కి మూలకారణం చైతన్యం, ఆ చైతన్యానికి మూల కారణం ఆలోచన ఐతే
మరి ఆ ఆలోచనకి మూల కారణం ఏమిటి ?


చీర్స్
జిలేబి.

Thursday, August 19, 2010

సత్యానికి చోటు దొరకలే నా దేశంలో

దేశం లో సత్యానికి కూడా బెయిలు దొరక లే
సత్యం దూరమయి పోయే దేశంలో
అయినా సత్యానికి బెయిలు దొరకలే

సత్యమేవ జయతే అనే దేశం
తెల్ల బట్టలు ధరించే నాయకులూ -
కాషాయం ధరించే స్వాములు
ఏక పత్నివ్రతం పాటించే భర్తలు , భార్యలు
అమ్మా నాన్నల మాటలు జవదాటని పిల్లలు
దేశం బానే ఉంది- ఈ విషయాలలో -

అయినా - ఈ సత్యానికి మాత్రం ఎందుకో అంత వెరపు మనకి?
సత్యాన్ని ఎందుకిలా బందీ చేసేసాం మనం?
అబ్బే - హరివిల్లు మనకు నచ్చదా ?
ఏమో ప్రిజం లో నించే మనం జీవితాని సాగించాల?

చీర్స్
జిలేబి.

Monday, August 16, 2010

జ్యోతిష్యం ఒక కళ

కళ అంటే మనసుకి విశ్రాంతి ని కలుగ జేసేది. మానసోల్లాసం మానసిక వికాసం. మనసు ఆరాటం తీర్చేది. కాస్త శాంతి, కాస్త ఊరట, కూసింత ఓదార్పు - దానికి పెద్ద లక్ష్యాలంటూ ఉంటె - మానవ సేవయే .

ఏమండి మా అమ్మాయీ వివాహం ఎప్పుడో కాస్తా చూసి చెబ్తుదురూ అంటే - దానికే మున్దమ్మ చూసేద్దాం అని ఊరట ఇచ్చే జ్యోతిష్యులు తరుచు కనబడుతూనే ఉంటారు. కొద్ది పాటి జ్యోతిష్య జ్ఞానం ఉన్న ఎ వ్యక్తీ ఐన కూడా ఈ ఊరట ఓ తల్లి కి ఇవ్వ గలడు - ఆ ఊరట - అమ్మాయి పెళ్లి అవుతుందో లేదో గాని కొన్ని మార్లు విజయం - ఆ సమయానికి ఆ తల్లి ఆరాటం సద్దుమనుగుతుంది.

ఏమండి - మా నాన్న గారు - ఆరోగ్యం బావోలేదు. కాస్త చూడండి జాతకం - ఏమయ్యా డాక్టర్ గారి దగ్గిరికి వెళ్ళ లేదా? వెళ్ళా నండి - అయినా

డాక్టర్ చెప్ప లేడా ?

వెస్ట్రన్ వరల్డ్ లో సైకాల జిస్ట్ మాటలతో ఒదార్పునివ్వడానికి నివ్వడానికి ప్రయత్నిస్తాడు.



మన దేశం లో పెద్దలు కర్మ సిద్ధాంతం తో ఓదార్పు ఇవ్వడానికి ప్రయత్నిస్తాడు.


జ్యోతిష్కుడు తాను నేర్చిన విద్య తో జనానికి ఏదైనా ఉపయోగం ఇవ్వగల డెమో నని చూస్తాడు.

సైకా ల జిస్ట్ ఫెయిల్ అవుతాడు. మన దేశం లో పెద్దలు ఫెయిల్ అవుతారు. జ్యోతిష్కుడు కూడా ఫెయిల్ అవుతాడు. ఎందుకంటే సక్సెస్ ఫైలూర్ డెఫినిషన్ మనం ఆపాదించుకున్న వి.

కే విశ్వనాథ్ శుభ ప్రదం పిక్చర్ తీస్తాడు - జనాలకి ఓ పాటి వినోదాన్ని కలిగిస్తుందేమో చూద్దామని . ప్రజలకి నచ్చదు పిక్చర్ ఫ్లాప్. ఉద్దేశం మంచిది. ప్రయత్నం కూడా పూర్ణత్వం తో చేసినది. కాని ఫలితం శూన్యం. దీన్ని ఫైలూర్ అంటామా? అసఫలం ఇది ఇరవై ఒకటవ శతాబ్దపు పిక్చర్ కానే కాదు. కాక పోవచ్చు. ఇరవై రెండో శతాబ్దపు పిక్చర్ ఈ తరం లో తీస్తే - దాన్ని ఆస్వాదన ఈ తరం వాళ్ళ కి కుదురు తూందా?


ప్రతి ఒక్క వ్యక్తీs తనదైన పరిధిలో - ఈ జీవిత నౌక ని సాగిస్తూ దానితో బాటు మరి కొందరికి సహాయం చేద్దామనే చూస్తాడు.



ఆ ప్రయత్నం లో - కళ ఒక ప్రక్రియ . ఉద్దేశం మంచిదే. సదుద్దేశం. దాని ప్రయత్నం కొన్ని మార్లు సఫలం మరి కొన్ని మార్లు అసఫలం - కాకుంటే - జనాల భాషలో దైవ నిర్ణయం.

చీర్స్

జిలేబి.

Saturday, August 14, 2010

జ్యోతిష్యం ఒక సైన్సు - మేథమేటిక్స్ కూడాను

సైన్సు అన్న పదం ఇరవై శతాబ్దం లో కాకుంటే పంతొమ్మిదవ శతాబ్దం లో వచ్చిన పదం.
అంతకు మునుపు ఫిలోసోఫి అనే వాళ్ళు.

ఉదాహరణకి - న్యూటన్ పుస్తకం పేరు ప్రిన్సిపెల్స్ అఫ్ నేచురల్ ఫిలోసఫి.

ఫిలోసఫి అర్థం తీసుకుంటే- అది లవ్ ఫర్ సం థింగ్. ఈ అర్థం లో తీసుకుంటే జ్యోతిష్యం ఒక ఫిలోసఫి. సైన్సు. దీన్ని చదివిన వాళ్ళు, చదవడానికి ఉత్సుకత చూపే వాళ్ళు ఓ పాటి జిజ్ఞాస తో - దాని మీద "వ్యామోహం" తో కాకుంటే- సందేహం తో ప్రారంభించి ఓ లాంటి పరిణితి వచ్చిన తరువాయీ దాని వెనుక ఉన్న నిగూఢ అర్థాలని వెలికి తీయడం లో తమ ఇంట్యూషన్ ని వాడడం గమనించ వచ్చు.

ఎన్నో మార్లు- జ్యోతిష్యం బాగా తెలిసిన వాళ్ళు - వాళ్ళకే సందేహం వస్తే- జవాబు వెంటనే చెప్పక , కొంత సమయం తీసుకుని వారి కాన్షేన్స్ అనుమతిస్తే - కొన్ని ప్రశ్నలకి సమాధానం చెప్పడం చాలా సర్వ సాధారణం గా గమనించ వచ్చు.

అంటే ఈ జ్యోతిష్యం దాని గణాంక పరిధిని దాటి - తార్కికానికి ఆవల - "దృష్టి" ని సారించి అంటే
డిఫరెంట్ డిమెన్ షన్ లో వెళ్లి కొన్నిటికి సమాధానం చెబుతుంది.

సైన్సు పోకడ ని గమనిస్తే - ఈ కాలపు రెండు శతాబ్దాలలో - చాలా మార్పులతో వేగం గా పరిణితి చెందుతూ వస్తోంది. తాము గ్రహాలని చెప్పిన నేప్తూన్ ఇప్పుడు గ్రహం కాదని అంగీకరించడం దాక అంటే వారి "జ్ఞానం' పెరిగే కొద్దీ మన "విజ్ఞానం" కూడా పెరుగుతోందని అనుకోవచ్చు. (కాకుంటే - "అజ్ఞానం" తరుగుతోందని అని కూడా అనుకోవచ్చు)

కొన్ని శుష్క వాదనలతో సూర్యుడు గ్రహమా అని జ్యోతిష్యం ని ప్రశ్నించే "హేతవాదులని" మనం చూడడం కద్దు.
జ్యోతిష్యం డెవలప్ అయిన కాలానికి వాళ్ళు - దాన్ని గ్రహం గా సంబోధించ వచ్చు అనుకోవచ్చు గదా? మనం విజ్ఞానవంతులం అట్లా ఆన్కుంటే మన హేతువాదానికి ధోకా వస్తుంది కాబట్టి మనం ప్రస్నిన్చాల్సిందే !

క్వాంటం ఫిజిక్స్ పరిణితి చూస్తె- నాటి క్వాంటం మెకానిక్స్ మోడల్ నించి మొదలయ్యి - పుఉడు క్వాంటం ఫిసిక్స్ మరియు ఆధ్యాత్మికం దాక దాని ప్రతిపాదనలు వ్యాపించి ఉన్నది. దీనికి మూల కారణం దాని మీద - ఆ సబ్జెక్ట్ మీద పరిశోధనలు మిక్కిలి గా జరగడమే కారణం. క్వాంటం ఫిసిక్స్ మొదలైన కాలానికి అది సో కాల్డ్ సుడో సైన్సు. ఆ కాలం లో దాన్ని మనసార సమర్థించిన వాళ్ళు చాల కొద్ది మంది మాత్రమె.

ఈ నేపధ్యం లో జ్యోతిష్యం తానున్న ఇప్పటి దయనీమయిన పరిస్తి తి నించి బయట పడాలంటే - దాని పూర్వ వైభవం దానికి రావాలంటే - దాని మీద విలక్షణమైన , విశిష్టమైన , నిశితమైన పరిశోధనలు జరగాలి. అప్పుడే దాని వికాసం మనం చూడవచ్చు.

చిన్న ఉదాహరణ - జ్యోతిష్యం లో ని గళ్ళు సూర్యుని నించి మొదల్లయీ శని గ్రహం దాక ఇప్పడు సైన్సు చెప్పే ఆర్డర్ లో నే ఉండటం కాకతాళీయమ, లేక - మేధస్సు పరిణితి యా? అంటే- జ్యోతిష్యానికంటూ - ఒక నియమం, గణితం ఉన్నది. ఆ గణితం ఒక పార్టు. దాని వెనుక దాని అనాలిసిస్ మరో పార్టు. దాని అన్వయం మరో పార్టు.

మరో ఉదాహరణ- స్టాక్ మార్కెట్ లో " Derivatives" "futures and options" ఎ ఉద్దేశం లేక ఎ మోడల్ తో future ని "predict" చేస్తూన్నారు? బ్లాక్ షోలే మోడల్ అనండి, వేరే మోడల్ అనండి, కాకుంటి probability theory అనండి - దానికంటూ ఒక అర్థం వాళ్ళు చెప్పుకున్నారు. ఓ మోడల్ కాకుంటే "predictability" ఆపాదించుకున్నారు.

అట్లాగే జ్యోతిష్యానికి కూడా ఒక వ్యాఖ్యానం ఉంది కదా? ఈ జ్యోతిష్యం సైన్సు గా విలక్షణం గా పరిణితి చెందాల వద్దా అన్నది మానవ మేధస్సు మీద ఆధార పడి ఉన్నది. ఎ కొద్దిపాటి తెలుగు యోగి శర్మ లాంటి వాళ్ళు మాత్రం దీన్ని సీరియస్ గా తీసుకొని పరిశోధనలు చెయ్యడమో మాత్రం సరిపోదు. ఇది ఒక యజ్ఞం కాకుంటే ట్రెండ్ కావాలి.

అప్పుడే ఈ సైన్సు కాకుంటే ఫిలాసఫీ కూడా పరిణితి చెంది మన మేధస్సు కి దీటు గా వెలుగొందుతుంది. అప్పుడే దాని వికాసం. కాని ఇందులో ఓ తిరకాసు ఉంది. ఏమిటంటే - ఇందులో ఎలాంటి ధనలాభాలు లేవు.

సో, ఎంతమంది దీనికి టేకర్స్ ఉంటారు? చాల తక్కువ మంది మాత్రమె. అదే దీని ప్రస్తుత పరిస్తితి కి కారణం కూడాను. ఆ కాలం లో రాజులు పోషించారు. ఈ విజ్ఞానం వికసించింది.

ఈ కాలం లో మన గవర్న మెంట్లు వెన్నెముక లేని గవర్న మెంట్లు. వాటికి దీన్ని పోషించే కాకుంటే వికసింప చేసే ఆసక్తి ఉన్నదా అన్నది సందేహమే. అదే ఈ విజ్ఞాన్ని అమెరిక వాడు కొద్ది పాటి పరిశోధనలతో - పేటెంట్ చేసాడంటే - వెంటనే - బాస్మతి మాది అన్నట్టు కేసు వెయ్యడానికి వేనుకయ్యం మనం !

కా బట్టి వేచి చూడాల్సిందే !

కాకుంటే- ప్రశ్నా శాస్త్రం క్రింద ఈ ప్రశ్నా వేస్తాను - సమాధానం చెప్పగలిగే వాళ్ళు - ( ఈ టపా పోస్ట్ చెయ్యబడ్డ సమయమో- లేక మీరు ఈ టపాని చదివిన సమయో - కాకుంటే - మీరే ఓ ప్రస్నా సమయాన్ని ఎంచుకోనో, ప్లేస్ ఇండియా అనుకుని) భాష్యం చెప్పగలరేమో చూస్తాం- ప్రశ్న - "జ్యోతిష్యం మరింత పరిణితి చెండుతుందా ? అవదా?"

చీర్స్
జిలేబి.

Thursday, August 12, 2010

జ్యోతిష్యం ఒక నమ్మక వాహిని

నమ్మకం అన్నదానికి అర్థం - తర్కికానికి ఆవల ఒక దాన్ని విశ్వసించడం అనుకో వచ్చు.

ఈ డెఫినిషన్ కింద ఆలోచిస్తే - జ్యోతిష్యం నమ్మే కొద్దీ దాని ప్రభావం మన జీవితాలలో పెరగడం దీన్ని నమ్మే వాళ్ళలో చాల మంది గమనించడం జరగడం సర్వ సాధారణం. - ఇందులో తల మునకలైన వాళ్లకి - ప్రతి విషయం జ్యోతిష్యం అలా చెప్పినందు వాళ్ళ ఇలా జరగడం అయ్యిందన్న మాట అని సరిపెట్టుకోవడం కాకుంటే దానికి పరిష్కారం చూడాలనుకోవడం లాంటి మరిన్ని "బై ప్రొడుక్ట్స్ " కింద వెళ్ళిపోవడం గమనించ వచ్చు.

సో, దీన్ని పాటిస్తే - ఓ మోస్తరు - అందులో నే మన జీవితం నిబిడీ కృతం అయినట్టు అని పిస్తుంది. ఉదాహరణకి ప్రతి పనిని మంచి గంటలో నే చెయ్యాలనుకుని - రాహు కాలం అనో కాకుంటే యమ గండం అనో - ఏదో ఒక గుళిక అనో ఎన్నో సార్లు చెయ్యాల్సిన మంచి పని ని కూడా వాయిదా పద్దతుల మీద సాగించే సాదా సీదా జనసాంద్రత మనం గమనించ వచ్చు.

సో, ఒక నమ్మకం మరో నమ్మకానికి - ఆ పై అది మరో నమ్మకానికి - ఇలా విచక్షణా రహితం గా - ఓ లాంటి పరమ పద సోపానం లో పామునోట పడ్డట్టు ఈ ఊబిలో చిక్కు పోతూ - మానవుని కర్మ సిద్ధాంతాన్ని - మరిచి పోయే తంటగా ఈ "కిక్కు" ఇవ్వ గలడం ఈ జ్యోతిష్యం యొక్క వీక్నేస్స్ అని చెప్పుకోవచ్చు కూడా.

వాహిని - ఒక ప్రవాహం. అందులో కొట్టుకుపోవచ్చు. ఈతాడ వచ్చు. జలకాలా వాడచ్చు. ఎంత కావాలంటే అన్ని నీళ్ళు ఉపయోగించ వచ్చు. కొంత ఆలోచిస్తే - ఈ జ్యోతిష్యం కూడా ఒక నమ్మక వాహిని అనిపిస్తుంది నాకైతే. దాన్ని ఎలా ఉపయోగించు కుంటామో దాన్ని బట్టి- మన ఇచ్ఛా శక్తి కూడా అభివృద్ధి చెందడానికి దోహద కారిగా నా కాకుంటే - మన మూఢ నమ్మకాలకి సోపానం గానా- అన్న దాని బట్టి ఈ శాస్త్రం ఉపయోగం అనిపిస్తుంది.

మరో విధం గా ఆలోచిస్తే- దీన్ని గురించి - ఈ శాస్త్రం గురించి తెలియని వాళ్లకి - "Ignorance is Bliss"!

చీర్స్
జిలేబి.

Wednesday, August 11, 2010

జ్యోతిష్యం నమ్మకమా లేక సాయిన్సా లేక కళా?

నమ్మకం
సాయిన్సు
కళ
ఈ మూడు మూడు విధాలు
నమ్మితే సాయిన్సు అక్కరలే
సాయిన్సు అనుకుంటే - నమ్మకాల పని లేదు
కళ - మనోల్లాసం
ఇంతకీ ఈ అంతు పట్టని జ్యోతిష్యం లెక్కల గారిడీయా లేక సాయిన్సా లేక కళా లేక నమ్మకమా?
చేసుకున్న వారికి చేసుకున్నన్త !
నమ్మకం ఉంటె ఫలితం !
శాంతి అన్నిటికి ఉండనే ఉంది !
ఉపశాంతి కూడా ఉంది !
కిటుకు ఎక్కడ ఉంది?
మన ఆలోచనా విధానం లో నా?
కర్మ సిద్ధాంతం లో నా?

లేక - ఈ మధ్య బడా బడా దేశాలు - చేసే తుక్కు టమారం చెత్త చెదారం డంప్ చేస్తున్నట్టు
పాతకాలం లో అర కోర - లెక్కల జ్యోతిష్యం - మన దేశం లో ఇంకా అలాగే నిలిచి పోయిందా?

ఉదాహరణకి హోమిఒపతి - జర్మనీ దేశం లో - తూ తూ మంత్రం గా ఉంది- మన దేశం లో - ఓ గొప్ప వైద్య విధానం గా వెలుగొందు తోంది. హోమిఒపతి తాను పుట్టిన దేశం లో చచ్చింది. మన దేశం లో బతికి ఉంది.

ఈలాగే - ఈ జ్యోతిష్యం కూడా బతుకుతోందా కాలం తీరి - దాని కథా కమామీషు ఎవరికీ అర్థం కాక ఏదో నేనూ జాదూగర్ లా ఉన్న అన్నట్టు పడి ఉందా మన దేశం లో?

చీర్స్
జిలేబి.

Tuesday, August 10, 2010

బలపం పట్ట కుండానే భామ ఒళ్ళో వాలు తారా ?

అదేదో పాత పాట లా - బలపం పట్టి భామ ఒళ్ళో - అ ఆ ఇ ఈ నేర్చుకున్న అన్నట్టు - మన చిరంజీవి గారు - ఈ మధ్య బలపం పట్టకుండానే - భామ వళ్ళో అంటే - కాంగిరేసు వళ్ళో - వాల తారేమో అని జన సందోహం సందేహం !

ఈ నేపధ్యం లో - జీవి గారి వ్రాక్కులు - నర్మ గర్భం గా ఉంటున్నాయీ కూడా!

ఎ పొట్టలో ఎ వోట్లు ఉన్నాయో ఎవరికీ ఎరుక ఎంకటేసా ? ఆ మధ్య అన్న గారు తిరుపతి కొండ కాలి బాటన ఎక్కితే - అయి - మా ఆదికేశవుల తరువాయి - మా చిరు ఎ - మా కొండ దేవరని కొలుచు నన్నారు మా ఊరోళ్ళు !

ఇప్పుడు- అడక్కుండానే - రోశయ్య గారు - చిరుగారి సహాయం మాకి సమ్మతం అంటారు !

చిరు గాలి - ప్రభంజనం గా మారుతుందేమో గాని నాకైతే తెలియదు గాని - ఈ మా చిరుగారు - ఈ రాజకీయ ఎత్తుల తో పై ఎత్తులతో - హాం ఫట్ అని గాయబ్ అవకుండా ఉంటారో లేదో వేచి చూడ వలసిందే !

అయినా భామ వొళ్ళు - ఎవరికి చేదు ? మా జగన్మోహనుడు - కూడా దానికే కదా పోటీ పడుతూంట?

చీర్స్
జిలేబి.

Monday, August 9, 2010

భగవంతుడు ఉన్నాడా?

చాల పాత ప్రశ్న భగవంతుడు ఉన్నాడా?
సరికొత్త జవాబు - ప్రతి మనిషి తన జీవితం లో వెతుక్కోవాలని చూడడం ఈ ప్రశ్న మహాత్మ్యం!
మానవ పుట్టుక నించి నేటిదాకా - ఇంకా చెప్పా లంటే - భవిష్యత్తు లో కూడా ఈ ప్రశ్న ఎవెర్ తాజా ప్రశ్నే!
కలడు కలమ్డనేవాడు కలడో లేదో అన్న సందేహం ఉత్పన్నమవుతూనే ఉంటుంది.
ప్రతి మానవుడు తన పరిధిలో నించి దీనికి సమాధానం ఇస్తాడు.
ప్రతి సమాధానం ఈ ప్రశ్న కి ఖచ్చిత మైన సమాధానం లా అనిపించిడం ఈ ప్రశ్న గొప్పతనం
అందుకని ఈ ప్రశ్న చాలా నిగూడమైన ప్రశ్న గూడ కాదు!
ఉన్నాడా లేదా?
అంతే!
ఆ పాటి దానికి ఎందుకీ కాలాల తరబడి నడుస్తూన్న సమాధాన పరంపరలు ?
అక్కడే కిటుకు ఉన్నట్టుంది
సమాధానం తెలిసిన వాడు - దాన్ని విసదీకరించలేక పోవడం - కాకుంటే దానికి నిర్వచనం - ఖచ్చితమైన నిర్వచనం ఇవ్వలేక పోవడం- బహుసా నిర్వచనానికి అది ఆవల ఉండడం హేతువేమో? - ఈ ప్రశ్న గొప్ప తనం !
సో , ఈ సమీకరణం లో - ఉన్నాడని నిరూపించలేక పోవడం - లేదని నిరూపించ లేక పోవడం - సమీకరణం యొక్క లిమిటేషన్ కూడా కావచ్చు. !
చూద్దాం - భవిష్యత్తులో - సైన్సు ఎలాంటి కదం తోక్కుతుందో- ఈ సమీకరణానికి ఎలాంటి జవాబు ఇస్తుందో?

చీర్స్
జిలేబి.

Friday, August 6, 2010

సనాతన ధర్మ ఉద్దీపకుడు క్రీస్తు ప్రభువు

ఈ మధ్య మా బాబాయి అబ్బాయి స్కూల్లో "బ్రిటిష్ వాళ్ళు ఇండియా కి రాకుండా ఉంటె ప్రస్తుతం మన భారత దేశం ఎట్లా ఉండేది ?" అన్న దాని మీద వక్తృత్వ పోటి పెట్టటం - ఆ టాపిక్ పై ఆలోచిస్తే - బ్రిటిష్ వాడు రాకుండా ఉంటె భారత దేశం లో హిందూ ధర్మ నిలిచి ఉండేదా అని సందేహం కలిగింది.

ఎందు కంటే పక్క దేశాలైన మలేసియా ఇండోనేసియా లాంటి దేశాల్ని చూస్తె - బ్రిటిష్ వాడి రాక మునుపు దేశం ఇస్లాం వైపు మొగ్గు వేస్తూన్నట్టు గా కనిపిస్తుంది. ముసల్మాను రాజుల దండ యాత్రలు - ఆ పై మన దక్షిణ భారత దేశం లో కూడా శ్రీ కృష్ణ దేవరాయల సంతతి తిరోగతి - సుల్తానుల ప్రాబల్యం ఎక్కువవుతున్న కాలం లో - ఆ సమయం లో బ్రిటిష్, వాడు ఇండియా కి రావడం = వాడి తో బాటు వాడి సంస్కృతి, మతం - ఇండియా కి రావడం - ఓ లాంటి చెక్ పాయింట్ అయ్యింది - ఇస్లాం ఇంకా తీక్షణం భారత దేశం లో ప్రాబల్యం కాకుండా ఉండడానికి - వీడే రాకుండా ఉంటె - సుల్తానుల ప్రాబల్యం తో భారత దేశం - ఓ మోస్తరు ప్రస్తుతం ఇస్లామిక్ దేశం గా ప్రస్తుతం ఉండేదేమో? -

ఇది ఊహా చిత్రం కాబట్టి - వాదనలకి చాల తావుంది ఈ చిత్రం లో - మీ అభిప్రాయలు - భిన్న అభిప్రాయాలు - కచ్చితం గా ఈ విషయం పై ఉంటాయీ.

గీత లో శ్రీ కృష్ణ భగవానుడు - యదా యదాహి ధర్మ స్య గ్లానిర్భవతి భారతా- తానూ మళ్ళీ మళ్ళీ వస్తానంటాడు. అంటే బ్రిటిష్ వాడి రాక దీన్ని సూచిస్తుందా? - క్రీస్తు మతం - ఇండియా కి రావడం - దీన్ని సూచిస్తుందా? -

ఆలోచనలకి మంచి పదును పెట్టె విషయం ఇది. అఆలోచించి చూడండి- భారతం - సంగమం - వివిధ మతాల సమ్మేళనం - ఆ నాటి భుద్దుడి సమయం నించి చూస్తె భౌద్ధం , జైనం, ఇస్లాం - ఈ నాటి బాబాలు , స్వాములు - గురువులు యోగుల దాక భారత దేశం లో మతం మీద జరిగినంత వెరైటీ ఎక్స్ పెరి మెంట్స్ ఇంకా ఎ దేశంలో కూడా జరిగి ఉండదు. -

ఈ లాంటి సంక్లిష్ట వాతావరణం లో సనాతన ధర్మ పద్దతి - ఇంకా కోన సాగుతూనే ఉంది- కారణం ఏమంటారు? -

మనిషి ప్రగతి కి - ఆధ్యాత్మిక శిఖరాని అతను అందుకోవ డానికి - ఎలాంటి నిర్భందాలు లేకుండా- వ్యక్తీ స్వేఛ్చ తో - భగవంతున్ని అనంతం తో నిలబెట్టి - నీకంటూ ఓపిక , ఇచ్ఛా ఉంటె- ఆ సర్వాంతర్యామి ని - రాయి లో నించి అనంతం దాక ప్రత్యక్షం చేసుకో - అన్న ఉదాత్త వేదాన్ని అతని ముందు ఉంచుతుంది.

సో, మొహమ్మదు , క్రీస్తు కూడా - ఇందులో ఓ భాగం గా ఇమడ గలగడం - ఆ సనాత న ధర్మ వైశాల్యాన్ని చూపెడుతూంది. మీరేమంటారు?

చీర్స్
జిలేబి.

Thursday, July 29, 2010

బందీ ఐన భగవంతుడు

ఆ పై వాడు ఈ ప్రపంచాన్ని సృష్టించినాడు
ఈ మన వాడు ఆ ప్రపంచం నాది అన్నాడు
నేను సర్వాంతర్యామిని అని చెప్పక చెప్పాడు ఆ పైవాడు
ఛత్- జానతా నై అని రాయిలో ఆ పైవాన్ని బందీ చేసాడు మన వాడు

పోనీ లే ఈ రాయిలోనే సెటిల్ అయిపోదామనుకున్నాడు ఆ పైవాడు
ఉండనివ్వలె మన వాడు-
ఊరూరా తిప్పి - ఊరేగించి బిజినెస్ చేసాడు మనవాడు
విష్ణు మాయ అనుకున్నాడు ఆ పై వాడు
నా హం కర్తా కర్తా హరిహి అని 'నీటి' వాక్యాలు రాసాడు మన వాడు!
యద్దామ పరమం మమ ?

చీర్స్
జిలేబి.

Saturday, July 3, 2010

వెంకన్నాస్ గోల్డ్ - గోల్మాల్ గోవిందా !

కొన్ని నెలల క్రితం - వెంకన్నాస్ గోల్డ్ గురించి రాసాను. మళ్ళీ ఇప్పుడు - రాయల వారి బంగారం గురించి - మా కొండ దేవర - తిరపతి వెంక టేశ్వర స్వామీ వారి ఆభరణాల గురించి వార్త !
ఐదు వందల సంవత్సరాల తరువాయి - రాయల కాలం నాటి కాళహస్తి గోపురం ధమాల్
ఐదు వందల సంవత్సరాల తరువాయి - రాయల బంగారు ఆభరణాల కానుకలు - గోవిందా గోవిందా -

వీటి గురించి చదువుతూంటే - మన జీవిత కాలం లో - డబ్బులకోసం, పదవులకోసం, కీర్తి కండూతి కోసం మనం చేసే కార్యాలన్నీ బేవార్సు - సుద్ధ పనికి మాలిన పనుల లాగ అనిపిస్తోంది. బాల్చీ తన్నేసాక - మనం కూడా బెట్టిన ధనం ఎ ఉండేలు దెబ్బకో హుష్ కాకి!

మా స్వామీ వారికే ఈ తిప్పలు తప్పనప్పుడు- నర మానవులం - మనం ఎ పాటి వాళ్ళం!

స్వామీ ఏడు కొండలవాడా - వెంకట రమణా - కుబేరుని కి నువ్వు పడ్డ బకాయి ఎప్పటికి తీరే టట్లులేదు.

ఈ బకాయి తీరనంతవరుకు నీవు - మా జిల్లాలోనే వుండవలె !

ఈ బకాయి తీర కుండా- మా దేశం వాళ్ళు - ఈ నగల్ని - ఆభారణాలని గాయబ్ చేస్తూ- నువ్వు మా జిల్లా లో నే - సదా నెలకొని ఉండేలా - చేస్తున్నందులకు - ఈ "గాయబ్" మేజిసియన్ లకి సలాములర్పిస్తూ-

కొండకచో - కొండ దేవర ఆశీస్సులు అందరికి దివ్యం గా వుండాలని కోరుకుంటూ-

చీర్స్
జిలేబి.

Wednesday, June 30, 2010

జ్యోతిష్యం ఎంత వరకు ఉపయోగం?

ఈ మధ్య తెలుగు యోగి శర్మ గారు వరుసగా జ్యోతిష్యం గురించి బ్లాగ్ ఆర్టికల్స్ రాస్తున్నారు. అది చదివిన తరువాయీ ఈ శీర్షిక - జ్యోతిష్యం గురించి ఆలోచిస్తుంటే - అసలు అంతా ఆల్రెడీ నిర్ణయించ బడి ఉంటె మన కర్మలు ఆల్రెడీ డిసైడ్ అయి పోయి ఉంటె- ఇక మానవ మాత్రులం మనం ఎందుకు కష్టించాలి? మనం ఎందుకు ప్రయత్నించాలి అన్న సందేహం రాక మానదు. ఈ ఒక్క లాజిక్ చాలు జ్యోతిష్యాన్ని తీసి పారేయడానికి. కాని దీనికి కారణం చెబ్తారు- జ్యోతిష్యులు- అంటే- మీ జాతకం లో - మీరు కష్టించి పైకి వస్తారని ఉంది కాబట్టి- మీ ఆలోచన ఆ పరిధి లోకి వెళ్లి మీరు అభివృద్ధి లోకి వస్తున్నారానో కాకుంటే- అధోగతి పాలవు తున్నారానో - దీనికి సమాధానం చెప్పుకొస్తారు.

సో, ఈ నేపధ్యం లో ఈ సబ్జెక్టు ఎల్లప్పుడూ వివాదాస్పదమే. కర్మ సిద్ధాంతం, మానవుని సంకల్పం, దైవ నిర్ణయం, ఇట్లా వేరు వేరు సిద్ధాంతాలు - కలగలపుగా ఉన్న మన దేశం లో - ఈ సిద్ధాంతాలు - ఒక దాని మీద ఒకటి పోటి గా మానవ మేధస్సుకి దాటీ గా - ఓ లాంటి చాలెంజ్ లేవదీస్తాయి - మనిషి మేధస్సుకి పరీక్ష పెడతాయి కూడా- వాదం, ప్రతి వాదం తార్కిక చింతన, ధ్యానం, నిర్వకల్పం, శరణాగతి, ఇట్లాంటి వేర్వేరు సిద్ధాంతాలతో - ఓ పాటి విలక్షణం గా ఉన్న భారత సంస్కృతి - ఓ విభిన్న ప్రకృతిని ప్రతిపాదిస్తున్దనడం లో సందేహం లేదు. ఎవరి ఆలోచన పరిధికి ఏది అందుతుందో అక్కడినుంచి వాళ్ళు - ఆ పై గతి కి ప్రయాణం సాగించ డానికి దోహద కారి అనిపిస్తోంది కూడా ఈ భారత చింతనా స్రవంతి !

చీర్స్
జిలేబి.

Monday, June 28, 2010

చిత్తూరు కోవా - కేరళ భామ

మన ఊరిగురించి ప్రక్క రాజ్యం వాళ్ళు ఓ ఎపిసోడ్ టీవీ లో చూపితే ఎవరికైనా చూడ బుద్దేస్తోంది. అదీను పొగడ్తల తో కాకుంటే ఓ మోస్తరు మనకు తెలిసిన విషయం గురించి షో పెడితే ఇంకా నచ్చుతుంది. అంతే కాకుండా అది ప్రక్క రాజ్యం గాకుండా ఇంకా కొంత దూరం లో ఉన్న రాజ్యం లో చూపెడితే - ఔరా మన ప్రదేశం గురించి ఇంత ముచ్చట గా చూపెట్టారే అని మరీ మురిసి పోవడం కద్దు. ఆ బాణీ లోనే ఈ కేరళ భామ ఫేవరెట్ ఇండియా షో - కైరలి టీవీ లో ఈ మధ్య చిత్తూరు గురించిన షార్ట్ ఎపిసోడ్ -

http://www.youtube.com/watch?v=RNUqGUAEtUM

లింక్:http://www.youtube.com/watch?v=RNUqGUAEtUM

చీర్స్
జిలేబి.

Sunday, June 20, 2010

కాలం - కలం - కల కలం

కాలం
కలం
సాయం కాలం
కల కలం
కలల కడలి కదలింది
కాలం - కారుణ్యం
కాలమై న కలల కలం
సుఫలాం సస్య శ్యామలాం అన్నది
మరి జీవనం జీవిత గమ్యం అయ్యిందా
కాకపొతే జీవితం జీవనం గమ్యం అయ్యిందా?
తెలుసా మీకేమైనా?

జిలేబి.

Friday, June 11, 2010

హృదయం - మనస్సు

హృదయం - మనస్సు రెండూ ఒకటేనా ? కాకుంటే వేరు వేరా? మీకేమైనా ఈ విషయం గురించి తెలిసి ఉంటె చెప్పగలరు. ఆధ్యాత్మిక పుస్తకాలలో చాల మటుకు ఈ మనస్సు గురుంచిన ప్రస్తావన వస్తూ వుంటుంది. కొన్ని మార్లు హృదయం తో మాట్లాడండి లాంటి పదాలు కూడా చదవడం కద్దు. మీ కేమైనా తెలిసి ఉంటె విశదీకరించగలరు.

చీర్స్
జిలేబి.

Tuesday, June 8, 2010

విన్నూత్న 'వరుడు' - వధువు ఎక్కడ?

పై చిత్రం- పల్లెకు పోదాం అంటున్న ముఖ్య మంత్రి- సిమిలారిటీ ఫోటో- వరుడు- ఆడియో లాంచ్ -

వధువు ఎక్కడ మరి?

చీర్స్
జిలేబి.

Sunday, June 6, 2010

మనః ద్వయం

మాట మౌనం
చేత అచేతనం
స్వరం నిశ్శబ్దం
గమనం అగమ్యం
వీరం నిర్వీర్యం
మనః ద్వయం చంచలం
అచంచలం మహా బాహో -
కిం కర్తవ్యమ్ మమ ?
చీర్స్
జిలేబి.

Saturday, May 29, 2010

గోవిందా గోవిందా గోవిందా

మా తిరుపతిలో జన సందోహం చెప్పలేనంతగా ఉంది.
గోవిందా గోవిందా గోవిందా !
రాజ్యం లో కల్లోలం చెప్పలేనంతగా ఉంది
గోవిందా గోవిందా గోవిందా
గుడి గోపురాలు నేల మట్టం
గోవిందా గోవిందా గోవిందా
కష్టాలు కార్పణ్యాలు కన్నీళ్లు వరదలు వానలు
గోవిందా గోవిందా గోవిందా
రాజ్యం వీర భోజ్యం !

జిలేబి.

Wednesday, May 26, 2010

మనసే ఊయల - కోతి కొమ్మచ్చి

ఊయల జూమ్మని ముందు వెనుక ఊగుతుంటే మనసుకి ఆహ్లాదం.

కోతి కొమ్మచ్చి ఆడుతుంటే పిల్లలకి పరమోత్సాహం

ధ్యాన మార్గం లో మరి మనసుని కోతి తోనూ - అదీ కల్లు తాగిన కోతితోనూ పోల్చి - మానవాధమ - నీ మనసు కోతి - దాన్ని వక్ర మార్గం నుంచి మళ్ళించి ధ్యానం చేయ్యవోయీ అంటారు.

అర్థం కాని విషయం. పిల్లకాయి కోతి కొమ్మచ్చి ఆడితే తాత గారికి పరమ సంతోషం

అదే తాతగారు - గురువుగారు తన మనసుని కోతితో పోలిస్తే పరమ విషాదం !

విష్ణు మాయ కాకుంటే - దేవుడు కోతిని పుట్టిన్చడమేమిటి- ఆ డార్విన్ మహాశయుడు- పోతూ పోతూ - వోయీ నరుడా - నీవు కోతినుంచి పుట్టావోయ్ అని ఓ కేక పెట్టి తానేమో బాల్చి తన్నేసాడు.

డార్విన్ పోయినా మన వాళ్ళు ఇంకా వాణ్ని వదల కుండా - " ఆ కోతి చేష్టలు ఏమిటి వెధవా- సరిగా నడవ లేవూ? అని రంక వెయ్యడమేమిటి

చాదస్తం కాకుంటే - ప్రతి ఒక్క శతాబ్దం లోను ఓ మోస్తరు సో కాల్డ్ గొప్పోల్లు పుట్టి మన ప్రాణాల్ని తోడేసాల అలా కామెంట్లు విసిరి ముసి ముసి నవ్వులతో వెళ్లి పొతే - మనమేమో సుద్ధ వెర్రి వాళ్ళలా, వాళ్ళు చెప్పిన దే వేదం అని గిరి గీసు కోవటం ఏమిటి? కొంత బుర్ర ఉపయోగించాల కాదా?

చీర్స్
జిలేబి.

Monday, May 24, 2010

నేనెందుకు ఆంధ్రా వాలా/ వాలి కాను?

నేనెందుకు ఆంధ్రా వాలా / వాలీ కాను?

ఇట్లాంటి శీర్షిక పెడితే నా బ్లాగు కి ఎక్కువ క్లిక్కులు వస్తాయని ఓ అరవ అమ్మాయి చెప్పడం తో సరే పోనీ ఇట్లాంటి టపా తో పోస్టింగ్స్ చేద్దామనే ప్రయత్నం షురూ చేసి ఈ రెండు వ్యాఖ్యలతో ముగిస్తున్నాను.

ఆలోచించి చూడండి - నేనెందుకు ఆంధ్రా వాలా కాకుంటే - ఆంధ్రా వాలీ కాను? ఈ మధ్య తెలుగు పేపర్లు చదువుతుంటే నిజంగా మనం ఆంధ్రులమేనా అన్న సందేహం రాక మానదు. ఏమంటారు?

చీర్స్
జిలేబి.

Thursday, May 13, 2010

కాంతం కనకం కర్పూరం

కర్పూరం తాను కరిగిపోతూ ప్రపంచానికి వెలుగునిస్తుంది.

కనకం తానూ కరగదు తనని సొంతం చేసుకున్న వాళ్ళని కరిగించదు.

మరిక కాంతం మాట ఏమిటి ?

కాంతం కనకము కర్పూరం కూడాను.

కాంతం కర్పూరం లా తానూ కరిగిపోతుంది.

భామతి కథ చదివారా ఎప్పుడైనా?

కాంతం కర్పూరం అనడానికి భామతి ఉదాహరణ.

కనకం లాంటి "కాన్" తాలు లేక పోలేదు. మన బెనర్జీ లూ - లాగ.

మరి కాంతం లాంటి కాంతం ఉన్నారా?
అబ్బో ఉంటె - మా లా ఉంటారేమో ?

cheers
జిలేబి.

Tuesday, May 11, 2010

ఆది శంకర - గౌతమ బుద్ధ- స్వామీ వివేకానంద - ఆ పై?

శంకరాచార్యుల వారు జీవించినది ఓ ముప్పై సంవత్సరాల కాలం పాటు. గౌతమ బుద్ధుడు జీవించినది ఓ ఎనభై సంవత్సరాల కాలం పాటు. స్వామీ వివేకానంద విషయం తీసుకుంటే ఆయనా నలభై లోపే జీవనం పరిసమాప్తి చెయ్యడం జరిగింది.

వేదముల సూక్ష్మం మరుగుపడి కర్మ కాండలు అధికమై సనాతన ధర్మం అధోగతి పాలవుతున్నప్పుడు బుద్ధుడు దిక్సూచి గా మారి జన జీవనానికి వేదాన్ని దాని సారాంశాన్ని ధ్యాన మార్గం ద్వారా తెలియజేసి ఓ సరికొత్త పంధా కి నాంది వాక్యం పలికాడు.

అలాగే బౌద్ధం క్షీణించి కర్మ కాండల మార్గం లో దిక్కు లేని దిశలో ప్రయాణిస్తున్న సమయం లో ఆది శంకరులవారు సనాతన మతాన్ని ఉద్దీపనం చేసారు.

ఆ పై చరిత్ర పునరావృత్తం అయి సనాతన ధర్మం అడుగున పడి - అసలు సనాతన ధర్మం ఇక నిల దొక్కుగో గలుగుతుందాని సందేహం వచ్చిన సమమయం లో వివేకానందుని వాక్కు ప్రతిధ్వనించింది. భువి పర్వంతం ఓ సరికొత్త నిర్వచనం తో సనాతన ధర్మం కర్మ సిద్ధాంతం వైపు పరుగులు తీసింది.

ఆ పై ఎవరు? - ? ఈ కాలానికి తగినట్టు స్వాములు - బాబాలు ఉన్నారు.
కాకుంటే - ఓ సరి కొత్త దర్శనాన్ని చూప గలిగే ఆ వినూత్న శక్తీ కాకుంటే మానీషి ఎవరు? ఆ మలుపు ఎప్పుడు?

చీర్స్
జిలేబి.

Tuesday, April 20, 2010

కొంప దీసి మీరు తెలుగు వారు కాదు కదా?

కొంప తీయ కుండానే మేము తెలుగు వారమే!
ఈ మధ్య జరుగుతున్న రాజకీయ 'కళేబరాలు' చూస్తూంటే - రాజ్యం లో ని దేశం లో ని పరిస్తితుల్ని గమనిస్తుంటే ఇది తప్పని సరిగా తెలుగు వారి తెగులే అని పించక మానదు! ఆ మాటకి వస్తే కొంప దీయ కుండానే మేము తెల్గు వారమే అని మరీ బల్ల గుద్ది కాకుంటే - మేడ ఎక్కి మా నాయకులు భాజాయిస్తున్నారు.
విష్ణు మాయ కాకుంటే - ఈ వూరికి ఆ వూరు ఎంత దూరం అంటారు? ఆ వూరికి ఈ వూరు ఎంతో ఈ వూరికి ఆ వూరు అంతే దూరం కాదు సుమా!

చీర్స్
జిలేబి

Saturday, April 3, 2010

జమీందారు హై స్కూలు - చిత్తూరు జ్ఞాపకాలు

బంగారుపాళ్యం జమీందారు హై స్కూలు -బీ జెడ్ హై స్కూలు - బోర్డు స్కూలు - లాంటి పేరు ప్రఖ్యాతలతో ఓ వంద సంవత్సరాలు పైగా చిత్తూరు నగరాని కి విద్యా దానం గావించిన మహోన్నత విద్యా పీఠం ఈ జమీందారు హై స్కూలు. స్వాతంత్రం మునుపు బోర్డు స్కూలు గా ఉండేది. అప్పట్లో "ఫారం" చదువులు. ఆ పై జమీందారు హై స్కూలు గా పరిణితి. దగ్గిరలో ఉన్న బంగారుపాళ్యం జమీందారు గారి పుణ్యాన ఈ నగరానికి ఈ స్కూలు ఆ కాలం లో వచ్చింది. అప్పట్లో ఈ స్కూలు ప్రఖ్యాతి రాష్ట్ర మంతటా ప్రబలి ఉండేదని వినికిడి. అంటే బెస్ట్ స్కూల్స్ లో అన్న మాట.

అప్పట్లో స్కూల్స్ తక్కువే కాబట్టి - ఈ స్కూల్కి డిమాండు ఎక్కువే. క్వాలిటీ విషయం లో పై చేయి ఉండడం తో ఇంకా ఎక్కువే అయ్యేది ఈ డిమాండు. అంటే - ఈ విషయం రామా రావు గారు విద్యని ప్రైవేటు గావించడానికి మునుపు అన్న మాట. ఆ పై ప్రైవేటు స్కూల్స్ రావడం - ఈ స్కూలు విద్యా రంగం లో వస్తున్న వేగమైన మార్పులకి అనుగుణం గా తనను తాను మలచుకోక పోవడం కారణం గా ఇప్పుడు ప్రాబల్యం తగ్గి ఓ మోస్తరు స్కూల్ గా మారి పోవడం జరిగిందన్నది సత్య దూరం కాని విషయం.

ఈ స్కూల్ గురించి - ఇందులో చదివిన విద్యార్తులు - విద్యార్థులు - వారు ఈ దేశం లో - విదేశాలలో ఎక్కడెక్కడో ఉండవచ్చు. ప్రతి ఒక్కరికి తమ స్కూల్ - పాత జ్ఞాపకాలు వస్తూనే ఉంటాయి. అట్లాంటి తీపి జ్ఞాపకాలతో ముడి పడి ఉన్న స్కూళ్ళలో పెను మార్పిడి జరిగి - ఆ స్కూలు నామ మార్తకం గా ఉంది అన్నది విన్నప్పుడు కొంత మనసు చివుక్కు మానక మానదు.

ఈ టపా ఎందుకంటే - మన దేశం లో ఇప్పుడు ప్రాథమిక విద్య అన్నది హక్కు కింద మార్చబడడం గుర్తింపు కలిగిన విషయం. ఈ మార్పులతో - ఇట్లాంటి ఎన్నో మరుగున పడ్డ మాణిక్యాలు మళ్ళీ - కొత్త పుంతలు తోక్కుతాయని ఆశిస్తాను.

చీర్స్
జిలేబి.

Wednesday, March 31, 2010

అమ్మాయీ అబ్బాయీ నీ పేరేమిటి?

మీకు బాబు ఇష్టమా లేక పాప అంటే ఇష్టమా అని ఎ ఆడవాళ్ళని అడిగినా వెంటనే బాబు అనో కాకుంటే పాప అనో కాకుంటే ఇద్దరూ అనో - కాకుంటే ఓ బాబు ఓ పాప అనో జవాబు వస్తుంది. అట్లాగే మగవాళ్ళని అడిగితె కూడా ఇట్లాంటి జవాబే ఏదో వస్తుంది.

ఇక్కడ ప్రశ్న ఏమిటంటే - అబ్బాయి అమ్మాయి ఎవరైనా - ఇష్టా ఇష్టాలు ఏదైనా మన మిష్ట పడిన దాన్ని బట్టి బాబో కాకుంటే పాపో పుట్టడం జరుగుతుందని కొందరి ఉవాచ. అంటే యతో మనః తతో మన సంతతి.
మీ పర్సనల్ విషయాలలో ఇలాటివి ఎదుర్కోవడం జరిగిందా? అంటే మీ ఇష్టం అబ్బాయి అయితే - మొదటి సంతతి బాబు పుట్టడం లాంటి జరిగిందా? ( ఉదాహరణకి - మా వారికి బాబు పుట్టడం అన్న కల వచ్చింది. మా బాబు పుట్టే కొన్ని నెలల ముందు- స్కాన్నింగ్ చెయ్యలేదు - తెలుసుకోవాలన్న కోరిక లేక పోవడం తో - కాని వస్తుతః మనలో ఏదో ఓ మూల బాబు పుట్టడం అయితే బాగుణ్ణు అన్న కోరిక ఇలా బాబు పుట్టడంలో ప్రతి ద్వనిస్తుందా ? మీరు ఏమంటారు?

చీర్స్
జిలేబి.

Wednesday, March 24, 2010

జర్మనీ యాత్ర విశేషాలు - త్రిబెర్గ్

కూకూ క్లాక్ - లోపలి భాగం

జర్మనీ ఈ దక్షిణ భాగం లో ఉన్నది బ్లాక్ ఫారెస్ట్ గా ప్రసిద్ధి గాంచిన స్థలం . ఇక్కడ ప్రపంచపు అతి పెద్ద కుకూ గడియారం ఉన్నది. కుకూ గడియారం విశేషం ఏమిటంటే - ప్రతి గంటకి గడియారం నుంచి ఓ కుకూ బయటకి వచ్చి కుకూ కూత తో సమయాన్ని సూచిండడం ! త్రిబెర్గ్ వెళ్ళినప్పుడు తీసిన కొన్ని చిత్రాలు -

Friday, March 19, 2010

మై ఎక్స్ పెరి మెంట్స్ విత్ బెడ్

ఈ టపా టైటిల్ గాంధిజీ గారి మై ఎక్స్ పెరి మెంట్స్ విత్ ట్రూత్ లాగ ఉందేమిటి ఆనిపించ వచ్చు మీకు. పడకకి సత్యానికి మధ్య పొందిక ఏమిటి అన్న సందేహం రావచ్చు మరి కొందరికి.

పడక సత్య దూరం కాదని ఈ మధ్య పడక లో పుణ్యాత్ములు కొందరు నిర్దా రించారు కూడా!

కాబట్టి మై ఎక్స్ పెరి మెంట్స్ విత్ బెడ్ అన్నది ఈ ఇరవై ఒక్క శతాబ్దపు పాపులార్ సబ్జెక్టు.

వాటర్ బెడ్ అన్నది వెస్ట్రన్ వరల్డ్ లో ప్రసిద్ధి. ఈ వాటర్ బెడ్ లో పడుకుని నిద్రించిడం అన్నది ఓ త్రిల్- ఇది రోగ నివారిణి అని కూడా చాల మంది నమ్ముతారు.

ఆ కాలం లో భీష్ముడు అంబుల పడక పై పడుకుని పుణ్య లోకాలకి వెళ్ళ డానికి వేచి ఉన్నాడు.

ఈ కాలం లో స్వామీజీ లు కూడా "అమ్ముల" తో పుణ్య లోకాలగురించి ఎక్స్ పెరి మెంట్స్ ఇన్ బెడ్ చేస్తున్నారు.

చాల మందికి బెడ్ కాఫీ చాల పసందైన విషయం.

మహా విష్ణువు శేష సాయి ఐ పవళించి ఉండడం సదా మనం చూసే ఆయన గారి ఫోసు.

యోగా లో శవాసనం "బెడ్"ల పై చేసే వాళ్ళు ఉన్నారు.

సో , ఇలా రాసు కుంటూ పోతూంటే ఈ బెడ్ మహిమ ఇంతింత కాదయా "విశ్వ దాభి రామా" అని పించక మానదు!

చీర్స్
జిలేబి.

Thursday, March 18, 2010

అరవం అమ్మాయీ- ఆంధ్రా అబ్బాయీ - ఇడ్లీ సాంబార్

ఈ చిత్తూరు పాత కాలం నాటినుంచి అరవ దేశం లో ఉండటం తో ఇక్కడ అరవం వాళ్ళ ప్రాబల్యం ఎక్కువే అని చెప్పొచ్చు. బోర్డర్ ఏరియా కాబట్టి - ఇప్పటికి అరవం వాసన చిత్తూర్ లో ఎక్కువే ఉంటుందనుకుంటా.
ఓ మోస్తరు అరవై ఎనభై ప్రాంతాలలో ఈ ఊళ్ళో తెలుగు కన్నా అరవం తో నే కాలం గడప వచ్చు. ఇప్పటికి మారి ఉంటుందనుకుంటా.
ఈ అరవం అమ్మాయిలూ స్కూళ్ళల్లో గానివ్వండి - కాలేజీ లలో గానివ్వండి చేసే "కిసిమిసు" (అరవం వాళ్ళు మాట్లాడితే - ఏమంటారు - గులక రాళ్ళ డబ్బా సౌండా?) ఇంతా అంతా కాదు.
అబ్బాయిలని గలాటా చెయ్యడం లో వీళ్ళ చాతుర్యం వేరే వేరు. అప్పటిదాకా మాట్లాడుతున్నఅరవం యాస తెలుగు సడన్ గా అరవం లో కి మారిపోయి గల గల నవ్వు ల పరంపర ఎక్కువవడం - ఈ అబ్బాయిలు బిక్క మొహం వెయ్యడం చాల సాధారణ విషయం! ఆ పై పక్క గ్రామాలలోనించి వచ్చే తెలుగు అమ్మాయిలు(నా లాంటి వేరే ఊళ్లలో నించి వచ్చి చదిన వాళ్ళు ఇంకా చాల తక్కువే ) ఆ కాలం లో తక్కువే కాబట్టి ఈ ఆంధ్రా అబ్బాయిలకి - ఈ పాటి కాలక్షేపం వీళ్ళతోనే సరి పెట్టు కోవలసి వచ్చేది.
ఈ అమ్మాయిలకి తెలుసు - ఇడ్లీ , సాంబార్ లేకుంటే అంత గొప్పదనం దానికి లేదని. అయినా ఇడ్లీ సాంబార్ కాంబినేషన్ అంత గొప్ప కాంబినేషన్ ఇంక వేరే ఎ కాంబినేషన్ లోను లేదు కాబట్టి - ఇడ్లీ లేకుంటే సాంబార్ వేల్యూ తక్కువే కాబట్టి - వీళ్ళ చాతుర్యానికి కొదవే లేకుండా ఉండేది.
ఇంక స్కూల్ అయ్యవార్లకి ఈ అరవం అమ్మాయిలని వాళ్ళ భాష - అంటే తెలుగు ఉచ్చారణ - మీద ఓ పాటి కామెంట్లు విసరడమూ కద్దు.
స్కూళ్ళల్లో అరవం క్లాసులు కూడా ఉండేవి.( ఇప్పుడూ ఉన్నాయా? నాకైతే తెలీదు) - ఈ గల గలా అమ్మాయిలు - ఆ ప్రక్క క్లాస్సుల్లలో "కిసిమిసు" ఈ పక్క క్లాస్సుల్లలో ఆంధ్రా అబ్బాయిలకి జోకులు వేసుకోవడానికి ఫస్ట్ క్లాసు మేటర్.
వీళ్ళ ట్రేడ్ మార్క్ - నెత్తి పై విభూతి బొట్టు- (అరవం వాళ్లకి ఈ భస్మం పెడితే నే పొద్దు పొడిచినట్టు అనుకుంటా) - దానికింద కుంకం బొట్టు - ఇవన్ని ఆ (మా ) కాలపు ముచ్చట్లు !

చీర్స్
జిలేబి.

Wednesday, March 17, 2010

వికృతి - వినా కృతి ?

వికృతి
ఆకృతి
వినా కృతి యా?
వేచి చూడవలసినదే
వికృతి గవాక్షం ఇవ్వాళ తెరుచుకుంది
గవాక్ష వీక్షణం మానవాళికి ఇప్పుడు లభ్యం

శుభాకాంక్షలతో

జిలేబి.

Sunday, March 14, 2010

లేచింది నిద్ర లేచింది మహిళా లోకం

లేచింది నిద్ర లేచింది మహిళా లోకం
దద్దరిల్లింది బ్లాగు ప్రపంచం

ఎపుడో చెప్పెను ఇందిరమ్మ గారు
అపుడే చెప్పెను సోనియా గారు
ఇపుడే చెబుతా ఇనుకో బ్లాగమ్మ
జిలేబి చెప్పిన వేదం కూడా

పల్లెటూళ్ళలో డ్వాక్ర మహిళలు
పట్టణాలలో ఐ టీ గరల్సు
మగదీరులని ఎదిరించారు
కంపిటీ షన్ పెంచారు

చట్ట సభలలో రిజర్వేషన్ కోసం లల్లూ తోనే పోటీ చేసి
ఢిల్లీ సభలోడంకా భజాయించి
మహిళా రిజర్వేషన్ చట్టం తెచ్చారు -

చీర్స్
జిలేబి.

Saturday, March 13, 2010

అపార్ట్మెంట్ కంపార్ట్మెంట్ బతుకులు

జీవన విధాల మార్పిడి , కాల గతిలో మనిషిని కుటుంబాన్ని జాయింట్ ఫ్యామిలీ నుంచి ఏకైక వ్యక్తీ కేంద్రం గా పరుగులు పెడుతున్న నేపధ్యం లో - ఆర్ధిక అభివృద్ధి కుటుంబ వ్యవస్థకి - సామాజిక తోడ్పాటుకి ఏంటి-మేటర్ గా తయారైనట్టు అనిపిస్తుంది. ఆర్ధిక అభివృద్ధి ఓ మోస్తరు ఎక్కువైన దేశాలలో కొద్ది పాటి - గిల్లి కజ్జాలు కూడా భార్యా భర్తల మధ్య మనస్తాపాలకి డివోర్స్ లకి దారి తీస్తూ కుటుంబ వ్యవస్థని దెబ్బతీయటం ఈ ఇరవై ఒక్క శతాబ్దపు పరిణామం. ఈ జాడ్యం భారత దేశానికి కూడా తప్పదన్నట్టు సిటీ లైఫ్ ల లో - కనిపించడం సొసైటీ లో చూడవచ్చు. ఇంకా మధ్య తరగతి కుటుంబాలలో ఎక్కువయ్యే సూచనలూ ఉన్నాయేమో కూడా?

సో, తీవ్ర మైన థింకింగ్ - ఈ ప్రశ్న - ఆర్ధిక అభివృద్ధి కుటుంబ వ్యవస్థ వినాశ కారియా? - మహిళా దినోత్సవాలు వందేళ్ళు అంటూ గొప్పలు చెప్పుకోకుండా - ఈ విషయం గురించి మహిళలు ఆలోచించాలి. ఆర్ధిక అభివృద్ధి ఇరవై ఒక్క శతాబ్దం లో తప్పక మన దేశానికి వస్తోంది. దానితో పాటు జాతి కి విలువైన - దేశపు ఆటపట్టు వైన కుటుంబ వ్యవస్థ చిన్నా భిన్నం గాకుండా కాపాడుకోవడం ఎలాగా? మీరేమంటారు ?

చీర్స్
జిలేబి.

Friday, March 12, 2010

వేకువ వెలుగులు

వేళా వేళా భాస్కరుని రాకతో
కువ కువ మనె కామెంట్లతో
న్నె విషయాలతో
వెరైటీ రచనలతో జా
లు వారు కవితలతో
గుర్తింపు గలిగిన
లుక్ గుడ్ బ్లాగులతో
కూడలీ హారమై న తెలుగు బ్లాగు లోకానికి శుభోదయం!

చీర్స్
జిలేబి.
(టైటిల్ కర్టసీ- భారారే గారి వేకువ వెలుగులు సీరీస్ )

Thursday, March 11, 2010

బిల్లీ శూన్యం - సిల్లీ స్మశానం

ఈ మధ్య భారారే గారి - బ్లాగుల్లో సిల్లి బిల్లి గొడవలు టపాలు చదివాక భలే నవ్వొచ్చింది.

బ్లాగులు ఓ మోస్తరు టైం పాస్ కాలక్షేపం. వీటిల్లో కూడా ఇట్లాంటి హాం ఫట్ ఫైటింగ్ లు - దాడులు - ఐ పి అడ్రస్ ల షెర్లాక్ హోమ్స్ బిజినెస్ లాంటివి జరుగుతుంటాయని - చాల తీక్షణం గా విమర్శలు - గిల్లి కజ్జాలు జరుగు తూన్టాయని చదివాక ఈ టైటిల్ పెట్టి రాయాలని అనిపించింది. స్మశానం లో శవాలు కాల్చబడతాయి కాకుంటే పాతి పెట్ట బడతాయి. బ్లాగుల్లో రాసినవి ఇంట్రెస్ట్ ఉంటె ఎవరైనా చదువుతారు - కాకుంటే మౌస్ స్కిడ్ చేసి క్లోజ్ చేసి మరో బ్లాగు కి వెళ్తారు - సో బ్లాగు లోకం కూడా ఓ లాంటి శ్మశాన వాటికే- ఆ పాటీ దానికి - బిల్లీ శూన్య మంత్రాలలాంటి- ఐ పి అడ్రస్ ల షెర్లాక్ హోమ్స్ అవసరమేనా అన్న సందేహం రాక మానదు! అయినా కాలక్షేపానికి కొందరు శ్మసానాలని కూడా తవ్వే వాళ్ళు ఉండ వచ్చు - ఏమైనా నిధులు గట్రా దొరుకుతా ఏమో అన్న ఆశతో - టుటాం క మెన్ పిరమిడ్ ల తవ్వకాలలా- హరప్పా మొహన్జదారాలల - ఏదైనా విశేషమైన వస్తువు లు బయట పడతాఎమోనని చూద్దాం !

బిల్లీ శూన్యం - బ్లాగ్ మాత్రికుల్లార - మీ సిల్లీ స్మశాన తవ్వకాలని వెంటనే ప్రారంభించండి ! - అల్ ది బెస్ట్ !

చీర్స్
జిలేబి.

Tuesday, March 9, 2010

మా బామ్మకి వందేళ్ళు





ల్లి, కొప్పులో,
హిరణ్మయి నడకలో, కా
ళం పగ పడితే,
వణం కించిత్,
దిక్సూచి కుటుంబానికి,మ
నోహరి మనోహరునికి , వా
త్సల్యమయీ మరు
వం - ఇవ్వాళ
మా బామ్మకి వందేళ్ళు !
మహిళా దినోత్సవ శుభాకాంక్షలతో -
చీర్స్
జిలేబి.

Monday, March 8, 2010

అనంతుని ఆహ్వానం

మతం మాయమై పోయింది
ఆధ్యాత్మికం ఆకాసానికి ఆవల పోయింది
సత్యం సమీర మై సాగి పోయింది
ఇంక మిగిలింది-
అనంతుని ఆహ్వానం
వేచి ఉండడం మన కర్తవ్యం -
రావడం రాకపోవడం
ఆ అనంతుని ఆంతర్యం

చీర్స్
జిలేబి

Saturday, March 6, 2010

శ్రీ కృష్ణ విలాపం - మూడో భాగం

మొదటి భాగం ఇక్కడ

రెండో భాగం ఇక్కడ
.....
శ్రీ కృష్ణుల వారు - కాస్త సమయం తీసుకొని నిద్ర లేచారు. చుట్టూ చూసారు. నిర్మానుష్యం. స్వాములు లేరు. తన పరివారమూ లేరు. ఓ మారు కళ్ళు మూసుకుని ప్రశాంతం గా అవలోకించి - సరే ఫైనల్ గా మళ్ళీ మారు కర్మ భూమి లో - మారు సామాన్య ప్రజానీకాన్ని కదలించి - మీ కష్టాలేమిటి- ఇలా స్వాములోల్లతో ప్రాబ్లెమ్స్ లో ఇరుక్కున్తారేమిటి? అని ప్రక్కన నారదుల వారు ఉంటె మంచిదని వారిని పిలుచుకొని కర్మ భూమి కి వచ్చేరు. కర్మ భూమి లో-

ఓ అమ్మాయీ, వాళ్ళ పేరెంట్స్ ఓ స్వామిజి ని కలవడానికి వెళ్తున్నారు- ఆ అమ్మాయిని నారదులవారు కదలించారు - అమ్మాయీ అమ్మాయీ ఈ స్వామిజి ని ఎందుకు కలవాలని వెళ్తున్నావు?

ఆ అమ్మాయి " ఏమో తెలీదు- మా అమ్మ వెళ్తోంది నేను వెళ్తున్న అన్నది . అమ్మా అమ్మ మీరెందుకు వెళ్తున్నారు? అంటే- అదేమో తెలీదు - మావారు వెళ్తున్నారు - నేను వెళ్తున్నాను అన్నది-

అయ్యా మీరెందుకు వెళ్తున్నారు స్వామీ? అంటే- ఆ భర్త గారు- మా ఆఫీసు లో నాకు ప్రొమోషన్ రాలే- స్వామీ వారి బ్లెస్సింగ్ ఉంటె వస్తుందేమో అన్నఆశ తో వెళ్తున్నా అన్నాడు.

మరో అయ్యని కదలిస్తే - మా ఆవిడ వెళ్తోంది కాబట్టి నేను వెళ్తున్నాను అన్నాడు.

భార్య గారు భార్య గారు - మీరెందు కు వెళ్తున్నారు అంటే- చాల కాలం నించి మాకు పిల్లలు లేరు. స్వామీ "ముద్దు బ్లెస్సింగ్" తో పిల్లల్ని పుట్టిస్తారని విన్నాము - ఆయన బ్లెస్సింగ్ తో పిల్లలు పుట్టాలని - పరవశం తో కనులు మూసుకుంది.

మరో మానవుణ్ణి కదలిస్తే- స్వామీ మా కులం వారు- ఆ పాటి మేము సపోర్ట్ ఇవ్వక పొతే ఎలా? అన్నాడు.

ఓ రాజకీయ నాయకుణ్ణి కదలిస్తే- "స్వామీ మీకు తెలియనిది ఏమి ఉన్నది? ఎక్కడ జన సందోహం ఎక్కువో అక్కడ మేముంటేనే మాకు పరపతి- మా ఇమేజ్ పెరగాలంటే - మేము ఈలాంటి 'సంఘాలని' సమాజలని తప్పక చూసి మా వచ్చే ఎన్నికలకి తయారు గా ఉండాలి అన్నాడు.

ఓ సిని తారని కదలిస్తే- అందం ఒక్కటే కాదు స్వామీ మా ఫీల్డ్ కి కావాల్సింది- కాస్త పరిచయాలు - కూడా- ఇట్లాంటి పరిచయాలు - ఈ లాంటి క్లబ్బుల్లో మాకు చిక్కుతాయి అంది గుంభనగా.

ఓ విదేశీయుణ్ణి అడిగితె- యోగం భోగం ఈ కర్మ భూమిలో దొరుకుతాయి అన్నాడు.

ఓ కాటి కి కాలు చాపుకున్న ముసలి వాణ్ని అడిగితె- "వచ్చే జన్మలో నేను ఎవెర్ యంగ్ గా" ఉండాలని స్వామీ వారి బ్లెస్సింగ్ కోసం వెళ్తున్న అన్నాడు.

ఓ కుర్రకారు- అక్కడ నా వయసు అమ్మాయిలూ ఎక్కువ వస్తారు- కాలేజి తరువాయి ఇక్కడే మా కాజోల్ ని మేము వెతకాలి అన్నాడు.

ఓ సాఫ్ట్వేర్ ఇంజనీర్ - ఆన్ సైట్ రావాలని - బ్లెస్సింగ్ కావాలన్నాడు.

ఓ మీడియా వాణ్ని అడిగితె- స్వామీ మా ప్రజలకి ఇరవై నాలుగు గంట లు మసాల న్యూస్ కావాలి - మేము మసాల న్యూస్ ఇరవై నాలుగు గంట లు ఇవ్వాలంటే - జన సందోహ ప్రదేశాలలో - వెతికి వెతికి మసాల న్యూస్ లు పట్టాలి - దానికి కొంత మార్ఫిసం చెయ్యాలి - అప్పుడే మా ప్రేక్షకులకి నప్పుతాయి - లేకుంటే మా ఛానల్ రేటింగ్ గోవిందా- అంతెందుకు - గోవిందా గోవిందా ఛానల్ చూడండి - స్వామీ వారికే పబ్లిసిటీ కావాల్సి వొచ్చే- ఇరవై నాలుగు గంట లు - అంటూ వాపోయాడు-

ఇవన్నీ వింటూ పోతూంటే - సైలెంట్ గా ఉన్న కృష్ణ స్వామీ వారి కి మళ్ళీ తల తిరిగింది.

ఇందులో ఒక్కరి కి కూడా భక్తీ అన్నది ఉన్నట్టులేదు. యద్భావం తద్భవతి. కోరికలే గుర్రాలు గా నా కర్మ భూమి వాళ్ళు స్వారి చేస్తూన్నారు. చేయి చేయి కలవనిదే తప్పట్టు రాదు. ఈ చేయి కి ఆ చేయి ఆసరా. భగవంతుడు సృష్టి కార్యం కోసం స్త్రీ పురుషున్ని సృష్టించాడు. ఈ మానవులు - తమ కోరికల కోసం - వాటిని ఈదేరడం కోసం - ఈ స్వామిజి ల మీద పడుతున్నారు.

ఇందులో సో కాల్డ్ భగవంతుని గా నా స్థానం ఏమి లేదు - కాకుంటే - శంఖం పూరించి- యదా యదాహి గ్లానిర్భవతి భారతా- అని మరో మారు అవతారం ధరించవచ్చు. అయినా అందు వలన ప్రయోజనం ఉంటుందా? - దీనికి పరిష్కారం ఏమిటి? అన్న ఆలోచనలో పడి -

కృష్ణాజి " హా సత్యా" అన్నారు- ఈ మారు సత్య పక్కనే నిలబడి "స్వామీ " అన్నది.

ఏమి పరిష్కారం? అన్నారు కృష్ణాజి.

"నరకాసుర వధ" స్వామీ అన్నది సత్య- తనకు తెలిసిన సత్యం అదే- మనిషిలోని అసురుడు వెళితేనే - కోరికలు తగ్గిస్తేనే - వీళ్ళ జీవితాలలో - జీవనం. లేకుంటే - యధో కర్మహ తతో ఫలః అన్న అర్థం వచ్చేలా -

చీర్స్
జిలేబి.

శ్రీ కృష్ణ విలాపం - భాగం రెండు

మొదటి భాగం ఇక్కడ-
....
అలా మూర్చ పోయిన కృష్ణ స్వాములు కొంత సేపటి కి తేరుకుని - కనులు తెరిచి చూసారు.

వారి కి కొంత దూరం లో - ఎవెర్ హ్యాప్యానంద, "విష్" ఆనంద , సీనియర్ ఐన భగవానంద అందరు కలిసి చిద్విలాసంగా స్వామీ వారి ని చూపిస్తూ - గోపిలకి - "డిష్" ఆనందా లాగ -
"అమ్మాయిలూ- భగవంతుడనే సా టి లైట్ కి మేము డిష్ లం. మీ టీవీ లో ఆయన పిక్చర్ కనిపించాలంటే - మా లాంటి డిష్ ల అవసరం ఎంతైనా ఉంది. అందుకోసం మా డిష్ లకి ప్రనమిల్లుకోండి అని ఉపన్యాసం దంచేస్తుండగా

కృష్ణ స్వాముల వారి కి ఏమి చెయ్యాలో పాలు పోక సరే పొతే పోనీ వీరి భాదలేమి టో కనుక్కుంటే తాను ఏమైనా హెల్ప్ చెయ్య గలడేమో అని ఆలోచించి -

"ఓ స్వాములార - నేను ద్వాపర యుగం నాటి వాణ్ని. మీ కష్టాలేమి? మీ కేమైనా కష్టాల ? నష్టాల? అని అడిగి తే - స్వాములు నవ్వి - ఒకరి తరువాత ఒకరు గా ఇలా వాక్రుచ్చేరు.

"కృష్ణ- నీవు పురాణ కాలం లో ఉన్నావు- పిల్లన గ్రోవి ఉంటె చాలను కుంటున్నావు - తప్పు నాయన తప్పు - ఈ కాలం భక్తులకి ఇవన్ని పనికి రాని వస్తువులు. ఈ కాలం లో భక్తులకి - బ్లాగులు - అంతర్జాల చమక్కులు -యు ట్యూబ్ బ్రాడ్ కాస్ట్ యువర్ సెల్ఫ్ లు లాంటి వి ఉంటె నే - స్వాముల వారి ని గమనిస్తారు- ఎవరి కి ఎంత మంది ఫాన్స్ అన్నది వీటి మీద ఆధార పడి ఉంటై. నీ టైం లో నువ్వు ఓ పద హారు వేల మంది నే పిల్లన గ్రోవితో ఆకర్షిస్తివి. - నీ పిల్లన గ్రోవితో ఈ కాలం లో ఓ పోరిని కూడా పట్టలేవు నాయన అని భగవానంద చెప్పగా కృష్ణుల వారు ముక్కు మీద వేలు వ్రేసుకుని తన పిల్లన గ్రోవిని ఓ మారు తడిమి చూసుకున్నారు-

"కృష్ణ- నీ కు పిల్లనగ్రోవిని ట్యూన్ చెయ్యడం మాత్రమె తెలుసు - మా ఎవెర్ హ్యాపి ఆనందా స్వామీ వారి కి పిల్లని ఎక్కడ మీటితే మిర్చి ఎఫ్ ఎం లా బాలీవుడ్ స్టైల్ కాకుంటే పాప్ స్టైల్ పలుకుతుందో - ఎక్కడ వేలిని తాకితే - ఎక్కడ తీగలు కదులు తాయో తెలుసు" అని విష్ ఆనందా వారు- గడ్డం తడివారు

"కృష్ణ- విష్ ఆనందా తక్కువేమీ కాదు సుమా - ఆయన ఉత్తరాది వాడు - రెండు వేదాలు ఎక్కువే చదివేడు - అని ఎవెర్ హ్యాప్పీ ఆనందా స్వామీ వారు తనకు తెలియక పోయినా విష్ ఆనందా గారి గురించి పొగి డేడు.

కృష్ణ స్వాముల వారు ఓ మారు బుర్ర గోక్కుని - సరే స్వాములు - ఈ అమ్మాయిల విషయం లో ఏమి ఈ చపలత్వం - ఓ పక్క నా భగవద్గీత ని కాపీ రైట్స్ లేకుండా కాపీ కొడుతూ? అని అడిగిందే తడవు గా

ఎవెర్ హ్యాపి ఆనందా వారు- అమెరికన్ స్టైల్ లో - హేక్ క్రిస్- పురాణ కాలం లో ఎవడో పిచ్చి సన్నాసి ఈ కాషాయ వస్త్రాలని మా యుని ఫోరం గా పెట్టి పోయేడు. అప్పట్నుంచి మాకి ఇదో ట్రేడ్ మార్క్ ఐపాయింది.

ఓ రాజకీయ నాయకుడు పంచ కడతాడు. ఓ మిలిటరీ ఆఫీసర్ యుని ఫోరం వేస్తాడు. ఓ కలక్టరు సూట్ వేస్తాడు. వీళ్ళంతా ఉంటె తమ పెళ్ళాల తో శృంగారం సాగించడానికి - సాంఘిక వ్యస్త ఆస్కారం కలిపించింది - పెళ్లి అన్న పేరుతొ. దాన్ని మీరి ఎంత మంది పొరిగింటి పోరి ల మీద పడటం లేదు? కాదన గలవా? -

సన్నాసి కాషాయ వస్త్రాలు తీస్తే - శరీరం - సంసారి బట్టలూడ దీస్తే - శరీరం - దాని అవసరం దానికి - అంతా - నీ యోగ మాయ విలాసం - కాదంటావా?

పొయ్యే కాలం ఏమిటంటే - మాకి వ్యవస్థ లేదు - శరీరాన్ని సుఖ పరచడానికి - ఈ పిచ్చి మా లోకం మమ్మల్ని వీటి కి అంటరాని వాళ్ళ లా చూస్తోంది. కాదంటావా ? -

అదీ గా క మా వద్ద వచ్చే పోరులంతా - యమ రంజుగా ఉండటం మేము చేసుకున్న పుణ్య ఫలం - ఈ కుళ్ళు బోతూ మా లోకం వాళ్లకి - ఈ పాటి తీరికా లేదు -పెళ్ళాల్ని సుఖ పెట్టడానికి - వీళ్ళంతా మేమేదో ఉద్దరిస్తామని మా దరి కోస్తారు- దరి కొచ్చే సుందరి ని కాదనడానికి మేము ఏమైనా వెర్రి సన్నా సులమా? " అని హింట్ ఇచ్చేడు.

కృష్ణా జీ "హా సత్యా" అని మరో మారు మూర్చ పోయేరు - ఇంకెక్కడి సత్యం- సత్యమేప్పుడో లేచి పోయింది!

చీర్స్
జిలేబి.

Friday, March 5, 2010

శ్రీ కృష్ణ విలాపం

స్వామీ శ్రీ కృష్ణుల వారు చిద్విలాసం గా యమునా తీరే - తన పద హారు వేల మంది గోపికలతో కొలువై ఉండగా ఎవెర్ హ్యాపీ బ్లిస్స్ ఆనందా స్వామిజి గారు - ఉండేలు దెబ్బకి పరారి ఐ వచ్చిన కుందేలు వలె కృష్ణా జీ ముందు ధబీల్మని ప్రత్యక్షమై -

హేక్ కృష్ణ- ఇదేమి నన్నిలా జనాలు వెంట పడి తరిమేలా చేస్తివి? నేనేమి పాపం చేసినాను- నువ్వేమో ముగ్గురు భామల తో చాలక పదహారు వేల మంది గోపికలతో ఉంటె - ఆ హా కృష్ణ విలాసం - అంతా విష్ణు మాయ అని జనాలు పోగిడేరు?
మరి నేను ఒక్కగానొక్క రాగ రంజిత హృదయేశ్వరి తో నా లోకం లో ఉంటె వాడెవడో నీవు శకుని కుటిలత్వాన్ని మాయ బజార్ లో అదేదో దర్పి ణి లో చూపెట్టినట్టు - నన్ను నీ కర్మభూమి లో నీ కర్మ నీదే అన్న రీతిలో నడి రోడ్డులో నిలిపేడు? ఇది ఏమైనా న్యాయమా స్వామీ ? అంటే

క్రిష్ణులవారు తన యోగ నిద్రని కాసేపు పక్కకి పెట్టీ - కళ్ళు మూసుకుని అవలోకించి - భక్తా - ఈ మధ్య నన్ను నీవు మరీ మరీ తలచుకుంటూ ఉంటివి - దేశం లో ఎడా పెడా భగవద్గీతల సభలలో నా గురించి మరీ పొగిడి తివి - ఆ హా నా భక్తుడు ఇంతగా నన్ను పొగిడే గదా అని నేను నిన్ను ఓ క్షణం తలిస్తిని. మరో మారు తలిచేలోపు మా సత్య - స్వామీ భక్తులని మరీ ఎక్కువైగా తలవకండి ప్రాబ్లెం - అని చెప్పడం తో భక్తులని తలిస్తే ఏమి ప్రాబ్లెం అని ఓ క్షణం ఆలోచనలో పడితిని.

ఇంతకీ ఇదన్న మాట సంగతి - మరీ రసగ్నుడవే అని సరే అయినదేమో అయినది ఇక కావాల్సిన కార్య మేదో చూడు అని సలహా ఇచ్చేరు పరమాత్ముల వారు- అంతా విష్ణు మాయే - నా చేతి లో ఏముంది అని కృష్ణు ల వారు ఆ యోగ మాయని ఓ క్షణం తలిచేరు.

ఈ కృష్ణుడు కూడా నన్ను కాల రాసాడే అని ఎవెర్ హ్యాపీ స్వామిజి గారు ఇంకా ఏమి చెయ్యడం - అని స్వామీ వారి మీంచి తన దృష్టిని యమునా పైకి - ఆ పై పదహారు వేల గోపికల పై కి చూపులని సారించేడు. గోపికలలో రాగ రంజితాలు ఆతనికి గోచరించినై.
ఆ హా అర్థమైంది - యోగ మాయ ఉద్దేశం ఇదన్న మాట అని భాష్యం చెప్పుకుని - గోపికలు - మీకు వ్రిందావనం గురించి చెబ్తాను ఇలా రండి అన్నాడు.

అదిగో అప్పుడే మొదలైంది - శ్రీ కృష్ణులవారి "విలాపం" ! ఆ కాలం లో శంకరుడే భోలా శంకరుడని అనుకుంటిని - ఈ కలి యుగం లో నన్నే ఈ మానవుడు - భోల్తా కొట్టిన్చాడే - అని -

వారి విలాపాన్ని విని - కల్కి భాగావాను ల వారు- "వరదా" - నేను నీకు కలి గీత నేర్పిస్తాను ఇలా రా నాయనా అని ' వరదా- భగవంతునికి భక్తునికి అనుసంధాన మైనది అంబికా అగరొత్తులు మాత్రమె కాదు - అంబిక "గరం" ఒత్తులు కూడా అనడంతో-

- కృష్ణుల వారు మూర్చ పోయి "హా సత్యా" - అంటే - హుష్ కాకి- సత్యమే లేచి పోయింది. !

చీర్స్
జిలేబి.

డాకినీ శాకిని బ్లాగిని - హాం ఫట్

ఈ మధ్య నేను మరీ బ్లాగులు ఎక్కువ రాసేస్తున్నని - ఇంటి పని వంట పని గమనించడం లేదని అసలు వీటికన్నిటికి కారణం ఎ భూతమో పిశాచామో జిలేబి ని పట్టి పీడించడమే కారణమని మా ఇంట్లో వారు తీర్మానించేసుకుని ఓ బ్లాగ్వాదిని పిలిపించి మంత్రం వేయించేరు - ఆ బ్లాగ్మంత్రవాది ఇలా మంత్రోచ్చార ణతో మొదలెట్టగానే -
హాం ఫట్
హ్రీం ఫట్
హాం హ్రీం క్రీం
డాకిని
శాకిని
బ్లాగిని
పో పో వదిలిపెట్టు పారిపో -
జిలేబి ని వదిలి పెట్టి పో -
హాం హ్రీం క్రీం - డాకిని బ్లాగిని శాకిని హాం ఫట్ - హ్రీం ఫట్- క్రీం ఫట్
అనటం తరువాయి నేను మూర్చ పోయాను.
మా వాళ్లకి భయమేసి - ఆ బ్లాగ్మంత్ర వాడిని పంపించేసి ఆ పై నన్ను మూర్చ నించి లేపడం తరువాయి వెంటనే నేను ఈ టపాలు వ్రాసే తీరుతానని శపథం పట్టటం తో - ఇదేమి పొయ్యే గాలం రా భగవంతుడా- డోలు పోయి ధమరుకం వచ్చే అని మా వారు తలపట్టుకుని కూర్చూంటే - ఈ టపాలు ముగించెయ్యడం జరిగింది. అయిన కుక్క తోలు వంచడం ఎవరి తరం? - నలుగురు నవ్వి తే నేమి - మా బ్లాగ్ పిచ్చి మాదే - ఎవరి పిచ్చి వారికి ఆనందం కాదా మరి? మా వారు మాత్రం ఆ ఈనాడో లేకుంటే హిందూ నో తలక్రిందుల చదవగా లేనిది మేము బ్లాగ్ వ్రాస్తే వచ్చిందా తంటా- జిందాబాద్ బ్లాగినీ సమాజం -

చీర్స్
జిలేబి.

Thursday, March 4, 2010

శరత్ 'కాలమ్'

రవేగం స్వప్న రాగలీన స ' దృశ్యం '
సజ్ఞ రాగిణి - తస్మా
త్ ప్రియా సమాగమం - బ్లాగ్ 'విహారే'
కానవచ్చు ఆ నె
వంక అంద
మ్
శరత్ 'గాలం'
శరత్ 'కాలమ్'

చీర్స్
జిలేబి.

Wednesday, March 3, 2010

ఉడిపి హోటలు - ఉడాలు టపాలు

ఈ టపాలు రాయడానికి చాలా ఆలోచించి రాద్దామా వద్దా అన్న సందేహం లో పడి సరే రాద్దాం అన్న ఆలోచనతో రాస్తున్నాను. ఎందుకంటే ఇది ప్రస్తుత చిత్తూరు పరిస్తితి ని చిత్రీ కరించదు. ఈ ఉడిపి హోటలు ఓ ముప్పై ఏళ్ళ క్రితం బ్రాహ్మణ వీధిలో ఓ ఇరవై ఏళ్ళ క్రితం జండా మాను వీధిలో ఆ పై బజారు వీధిలో ఉండేది. ఆ పై ఈ హోటలు మూత పడిందో లేదో నాకు తెలీదు. కాని ఈ ఉడిపి హోటల్లు సాంబారు - అదీ తెల్లవారి ఆ హోటల్ కెళ్ళి రెండు ఇడ్లీ ఒక బకెట్ సాంబార్ తో లాగిస్తే దాని మజా వేరు ! ఆ కాలం లో ఆంద్ర పత్రిక ఎర్రయ్య గారి అంగిట్లో - వారి అంగడి దినపత్రికలు- వార పత్రికలూ అలకరించిన ఓ "పత్రికా వనం" అన్నాతక్కువే- అరువుకి చదివి - ఈ హోటల్లో రెండు ఇడ్లీ ఓ బకెట్ సాంబార్ లాగించిన రోజులు - "సాంబార్" జ్ఞాపికలు! అప్పట్లో ముదిగొండ శివ ప్రసాద్ గారి చారిత్రాత్మక సీరియల్లు ఓ త్రిల్ చదవడం. పేపర్ లో సీరియల్ - డైలీ సీరియల్ ఓ రోజు చదవక పొతే అదోలా అయిపోయేది. ఇప్పుడూ తెలుగు పత్రికలూ ఆన్ లైన్ లో చదువు తాము అనుకోండి - అయినా తెల తెల వారి - ఆ పేపర్ వాసనతో - ఆంద్ర పత్రికా కాకుంటే ఆంద్ర ప్రభ చదవడం లాంటి జ్ఞాపకాలు- వాటి తో పాటు - పిచ్చా పాటి- ఇట్లాంటివి - ఈ కాలం లో కొద్ది తక్కు వే అనిపిస్తాయి. తెల తెలవారి హారం - కూడలి లో ముఖం పెట్టేసి బర్రుమని మౌస్ ని సాగాదీయ్యడం వేరే టెక్నిక్ !

ఆంద్ర పత్రికా ఇప్పట్లో లేదు. వాళ్ళ వారపత్రిక కూడా లేదు. కాని జ్ఞాపకాలు మాత్రం ఇంకా ప్రస్ఫుటం గా ఉన్నాయ్. ఈ విషయం గురించి ఆలోచిస్తే - జ్ఞాపకాలు అన్నవి మన మెదడులో ఓ లాంటి "చిప్" లా నిబడీ కృతమై కావాల్సినప్పుడు ఫ్లాష్ లా వచ్చేలా రావడం అన్నది మనిషి జీవితం లో ముఖ్య విషయం లా అనిపిస్తుంది. ఏమంటారు?

చీర్స్
జిలేబి.

Tuesday, March 2, 2010

అదిగో పులి- అల్లదిగో పులి వేచి చూస్తోంది

హైతి చిలి నడిరాత్రి ఉలికి పాటు
గోళం చలి మయం
అదిగో పులి
అల్లదిగో పులి వేచి చూస్తోంది

యూరోపు దేశాల ఊగిసలాట
అమెరికా ఆర్ధిక మాంద్యం
ఆసియా అటో ఇటో తేలని పరిస్తితి
అదిగో పులి
అల్లదిగో పులి వేచి చూస్తోంది

ప్రపంచ దేశాల సంక్షోభం
భూమాత గగ్గోలం
త్సునామీల గందర గోళం
అదిగో పులి
అల్లదిగో పులి వేచి చూస్తోంది

జిలేబి

Saturday, February 27, 2010

అయస్కాంతం -

ఐశ్వర్యం తో వయసు
కనకం తో కాంతం
వెరసి అయస్కాంతం

మమత జుక్ జుక్ రైలు బండి
ప్రణబ్ ఫైనాన్స్
వెరసి 'బంగ్లా' ఖాతం!

సర్దార్జీ - ముఖర్జీ-బెనర్జీ
వెరసి "సోనార్" భారత్
మేరా భారత్ నేటి భాగోతం !

చీర్స్
జిలేబి.

Tuesday, February 16, 2010

జల పుష్పం

నిప్పు వేడి
గాలి వేగం

సూరీడి తాపం
చంద్రిమ చల్లదనం
తారల చమక్కు

మేఘ గర్జన
ఋతువుల రాగం

అన్నీ నేనే అన్నది జల పుష్పం

ప్రాణస్యప్రాణం అంతర్పుష్పం
అదే మంత్ర పుష్పం !

(మంత్ర పుష్పం ఆధారం )

జిలేబి

Thursday, February 11, 2010

సౌగంధికా పరిణయం

ఈ మధ్య భీమాంజనేయ యుద్ధం చిత్రం చూడటం జరిగింది. ఈ చిత్రం లో కథ స్థూలం గా నలకూబరుని సౌదామిని పరిణయం - దాని పర్యవసానం గా భీమాన్జేయుల మద్ద్య యుద్ధం జరగటం లాంటి సంఘటనలతో కథ నడుస్తుంది. సౌగంధిక పుష్పం - కుబేరుని శివార్చన మొదలైన సన్నివేశాలతో సౌగంధిక పుష్పం తీసుకు రావలసిన సౌదామిని నల కుబేరుని ప్రేమలో పడి శివార్చానకి ఆలస్యం గా రావడం అందులోను పూజ అప్పుడు కుబేరుడు ఒక సౌగంధిక పుష్పం తగ్గడం గమనించడం, ఆ పుష్పం సౌదామిని శిరుస్సులో ఉండడం, సౌదామిని ని శపించడం, సౌదామిని భూలోకం లో రావడం లాంటి విచిత్ర సన్నివేశాలతో కథ రమ్యం గా జరుగుతుంది.
ఈ చిత్రం చూస్తున్నప్పుడు వచ్చిన సందేహం ఏమిటంటే - సౌగంధికా పరిణయం అన్న మరో కథ ఉందా? లేక ఈ సౌదామిని నలకుబెరుల కథనే సౌగంధికా పరిణయం అంటారా?
మీ కెవరికైనా తెలిసిన చెప్పగలరు

జిలేబి.

Wednesday, February 3, 2010

ఆలోచనా స్రవంతి

మనసులోని మర్మమెల్ల తెలిసిన వారెవరైనా ఉంటారంటారా? ఎట్లాంటి టైటిల్ బ్లాగ్ లో రాయాలో ఆలోచన లేకుండా మనసులోనించి వచ్చే ఆలోచనలకి అక్షరం రూపం ఇవ్వగలడం సాధ్యమా? అంటే వచ్చే ఆలోచనలని ఏవిధమైనటువంటి నిబంధనలకి కట్టుబాట్లకి తావివ్వకుండా అక్షర రూపం చెయ్యడం అన్నటువంటి సాధనా ప్రక్రియ ఉందంటారా
ఆలోచించి చూస్తే ప్రతి మనిషి అక్షర రూపమివ్వడానికి మునుపు తన ఆలోచనలకి ఓ సామాజిక పరమైన లేకుంటే సిద్దాంతిక పరమైన కట్టుబాట్లని పెట్టుకుంటా డేమో? ఎందుకంటే ఆలోచనలని యదా తధంగా ప్రచురిస్తే అది ఒక ద్రౌపది లాంటి రచన ఐతే దాన్ని విశ్లేషించడానికి లేక విమర్శించ డానికి ఎల్లప్పుడూ జనం ముందు ఉండ వచ్చు. కాకుంటే అది ఒక రామాయణ విష వృక్షం అవ్వచ్చు.

ఏమంటారు?

చీర్స్
జిలేబి.

Tuesday, February 2, 2010

నూతన సంవత్సర శుభాకాంక్షలతో

బ్లాగ్ భాన్ధవులకి
నూతన సంవత్సర శుభాకాంక్షలతో

మీ
జిలేబి.

Monday, December 28, 2009

Sunday, December 27, 2009

లంగా రవిక కోక

తే నా లంగా అని తెలంగాణా లాగేసు కుంటే
కోక నాది అని కోన సీమ కోరితే
రవిక నాదని రాయలసీమ రాద్ధాంతం చేస్తే-
తెలుగు తల్లి నగ్న నాదం బిక్కు మొహం పెట్టి చూస్తోంటే-
సందులో సడేమియా అని మా తాత గారి సూదిలో దారం
"జ్యోతి" లా ప్రజ్వరిల్లుతూంటే-
ఆంద్ర దేశమా - ఇది కలికాలం సుమా!
నీ కేట్లాంటి కష్టాలు వచ్చేయి తెలుగు తల్లీ
ఓపిక పట్టు- కష్టాలు తొలగి పోయే రోజులు వస్తాయని

జిలేబి.

Saturday, December 19, 2009

మా పూరిల్లు మార్పులు చేర్పులు

అభివృద్ధి అన్నది ఎట్లా వస్తుంది? ఉన్నదానిని పడగొడితే దాని స్థానం లో పెద్ద భవంతి ని కట్టొచ్చు. ఉదాహరణకి మా ఇల్లు చాల పాత ఇల్లు. దీన్ని అప్పుడప్పుడు చిన్న చిన్న సర్దుబాట్లతో ఇంకా ఓ నలభై లేక యాభై సంవత్సరాలు లాగించ వచ్చు. కాకపొతే ఖర్చులు అప్పుడప్పుడు చేస్తూ ఉండాలి - సంవత్సరానికో మారు జై తెలంగాణా అన్నట్టు. కాకుంటే ప్రతి ఐదు సంవత్సరాలకో మారు ఎన్నికలన్నట్టు. దానికి విరుద్ధం గా మన్నికగా మా ఇల్లు గట్టి గా ఇంకో వంద సంవత్సరాలు నిలబడాలంటే ఇంటిని నేల మట్టం చేసి కొత్త గా కడితే (మేస్త్రి లు కరెక్ట్ గా కడితే- సున్నం సిమెంటు మన్నికవైతే లాంటి నిబంధనలకి లోబడి) సాధించవచ్చు.

కాబట్టి ఇప్పుడు మన రాష్ట్రం లో ఉన్న ప్రస్తుత పరిస్థితి మా పూర్ ఇల్లు లానే ఉంది. దీనికి సమాధానం కొత్త ఇల్లా లేక సర్దుబాట్లతో ఇంటిని రిపైర్ చెయ్యడమా లాంటిది.

జిలేబి ఇంత సింపుల్ కాదు ఈ విషయం అంటారా- మా ఇంట్లో అమ్మదే పై చేయి. ఆమె ఎట్లా చెబితే అలానే నడుచు కోవాలి. మా అయ్య కి బొక్కసం నింపడం ఎట్లా గో తెలుసు కాని ఇంటిని నిలబెట్టడం విషయం లో పరిజ్ఞానం తక్కువ. కాకుంటే మా అయ్య వీధి లోని రామయ్యలన్దరితోనూ కూర్చొని గంటల తరబడి హరిత సమస్యల గురించి, ప్రపంచదేశాల సమస్యల గురించి అనర్గళం గా సంభాషించ గలడు- అంత మాత్రమే మా అయ్య సత్తా.

చీర్స్
జిలేబి.

నగరం లో సర్కస్!

ఫ్లైట్ నుంచి దిగబడి హమ్మయ్య మా భారత భూమి పై కాలు మోపాను అని సంతోషం పడి పోవడం ప్రతి భారత ప్రవాసి కి ఓ పిచ్చి ఆనందం ! ఆ ఆనందం ఓ రెండు మూడు రోజులలో హుష్ కాకి ఐపోయి "మా దేశం లో ఇట్లా - ఇక్కడ ఇట్లాంటి కంపరిసన్ కి దిగి పోవడం సర్వ సాధారణం!

అట్లాంటి బడుగు మధ్యతరగతి భారత ప్రవాసి మహానగర సందర్శనార్థం బయలు దేరడమునను ఆ హా మా దేశం ఏమి ఉన్నతి చెందింది- "ఇండియా షైనింగ్ " అంటే ఇదే కామోసు అన్న అధ్బుతమైన ఆలోచనతో సరే ఈ ఊరి బస్సు కూడా ఎక్కి చూసేద్దాం అన్న ఆలోచనకి వచ్చి బస్సు ఎక్కడమున్ను ఆ పై బస్సులో ఒఊపిరి ఆడక ( ఆ పాటి ఓ రోజుకే అల ముహం వేలాడ దీసుకుంటే ఎలా మరి- ఇదే దేశం లో ఈ కార్యక్రమం రోజువారి జరుగుతోందే మరి?) ఎందుకొచ్చిన నగర సందర్శనం రా బాబు అనుకోవడమూ కద్దు!

కాని ఈ మారు గమనించిన దానిలో విశేషం బెట్టి దంటే- నగరం లో దుకానులు కలర్ ఫుల్ గా ఐయిపోయీయి! బస్సులు ట్రాఫ్ఫిక్ అట్లాగే మరీ ఎక్కువై పోయేయి. అంటే దరిమిలా దేశానికి ఎ ఇన్ఫ్రా స్త్రక్తుర్ అన్నది ఎట్లా వస్తుందో తెలియకుండా పోయింది.

బస్సులలో చెవులకి ఎఅర్ ఫోన్ లు ఉన్నాయి. చేతుల్లో ఐపాడ్ ఉన్నాయి. జనాల చేతుల్లో తినడానికి జుంక్ ఫుడ్ బోల్డంత ఉంది. కాని రోజువారి ప్రయాణం లో పదనిసలు ఎప్పుడు సరిగమలు పాదతాయో ?


ఇది ఎ ఒక్క మహానగర దుర్భాగ్యం మాత్రం కాదనుకుంటా? అన్ని మహా నగరాల పరిస్థితి ఇంచు మించు ఇట్లా గే ఉన్నది. జనత సౌకర్యం గా పయనం చెయ్యలేక ప్రైవేటు వాహనాలు రోడ్ల పై ఎక్కువై అవి ఇంటి వటుడింతై అన్నట్టు గా ఇటు రోడ్ ని అటు ఫుట్ పాత్ లని అధిగమిస్తూ సర్కస్ చేస్తూ పోతూంటే- ఓ భారత దేశమా - ప్రగతి కి నిర్వచనం ఎక్కడ ఉన్నది?

జన ప్రభంజనం లో మహా ప్రవాహ వాహినిలో కొట్టుకు పోతున్న దేశమా - కాస్త నిలిచి జనాలకి ఎట్లాంటి సౌకర్యం ఇవ్వాలని అనుకుంటున్నావో ఓ మారు ఆలోచించు అని అనుకోకుండా మానుకోడు సామాన్య మానవుడు!

అయినా దేశం ఇట్లాంటి సమస్యల ప్రవాహాన్ని పట్టించుకోదు! పట్టించు కావలసినవి చాల ఉన్నాయి- ఉదాహరణకి రాష్ట్ర విభజన లాంటి నిఖార్సైన విషయాలు!

మీరేమంటారు? తెలుసు లెండి సామాన్య మానవులం మరి- ఇట్లాంటి విషయాలు పట్టించుకుంటే- మన ఆరోగ్యం దెబ్బతింటుంది. కాబట్టి చూసీ చూడకుండా వెళ్లి పోవడం మన ఆరోగ్యానికి క్షేమ కరం!

జిలేబి.

Friday, December 18, 2009

"వరదరాజ గుడి- భూమాత బడి "

చిత్తూరు నీవా నది తీర ప్రాంతంలో విరాజిల్లిన గుడి శ్రీ వరదరాజస్వామి గుడి. ఈ గుడి కి వెళ్ళడానికి నీవా నదిని దాటి వెళ్ళాలి. పూర్వ కాలం లో నది నీళ్ళతో నిండి ఉంటె నదిని దాటి ఈ గుడికి వెళ్ళడం ఒక పెద్ద విషయం. ఆ తరువాయి దేశానికి స్వాతంత్రం వచ్చింది. దేశానికి స్వాతంత్రం వస్తే చిత్తూరు నీవా నదికి నీళ్ళు పోయేయి. నీవా నది లో చిత్తూరు లో కాలుష్యం అన్ని నదుల్లా దీనికి పట్టింది. కాలుష్యం తో బాటు చిత్తూరు నాయుడు గారి "సురాపానం" (అదేనండి మదిరం- లికర్ అంటారు అట ఆంగ్లం లో ఐతే) కార్ఖానా "పుణ్యమా" అని నదిలో "సురాపానం" కాలువై ప్రవహించింది. ఆ కాలంలో దగ్గిరి వీధిలోని నీళ్ళు "మత్తు" గా గమ్మత్తు గా పసుపు కలర్ తో జనాలకి ఓ కిక్ ఇచ్చింది! నది బెడ్ చేరబడింది - ఆ మధ్యలో ఈ నాయుడు గారు సాయిబాబా గారి నీటి పధకానికి కొట్లిచ్చారని వినికిడి. పర్సనల్ కాలుష్య నివారణార్థం కామోసు అనుకున్నాను ! ఈ నది కాలువని - సురా కాలువ సువాసలని భరించలేక చాలామంది ఈ గుడి కి వెళ్ళడం మానుకున్నారు కూడా. ఆ పై ఆ గుడి దొంగల బడి అయ్యింది. అప్పుడప్పుడు మంచి ఎండలో ధైర్యం చేసి ఆ కాలపు కుర్రాళ్ళు క్రికెట్ ఆడేవాళ్ళు ! ఆ తరువాయి ఎవరో పుణ్యమా అని మళ్ళీ గుడి లో దీపం కొన్ని రోజులు వెలిగింది.

ఇవన్ని ఎందుకు చెప్పుకొస్తున్నాను అంటే- ఈ పై కహానికి కోపెన్ హగెన్ సభలకి సామరస్యం ఉంది కాబట్టి. భూప్రపంచాల కాలుష్యం నివారించడానికి ౧౯౨ దేశాలు సమావేశమై తమకు తామే పాడుచేసుకున్న గుడిని మళ్ళీ నిలబెట్ట తామోచ్ అని వాక్రుచ్చి హాట్ తోపిక్ తో కిందా మీదా పడుతున్నాయి- మా నాయుడు గారు సాయిబాబా గారి నీటి పథకానికి డబ్బిచ్చినట్టు గా ( ఆ మాత్రమైన ఇచ్చాడు గా అన్నది మరో వాదన - అదీ ఇవ్వకుంటే ఏమయి ఉండేది చిత్తూరోల్ల నీటి కష్టాలు ?)

నదులకి నీళ్ళు లేవు. జనాలకి నదులే ఇల్లులు కట్టుకోదాని స్థలాలు అయి పోయేయి.
నదులలో నీళ్ళు లేవు. నది మట్టి ఇల్లులు కట్టుకోడానికి రాష్ట్రేతర రావాన అయి పోతోంది
నదీనాం సాగారో గచ్చతి అన్నది ఆ నాటి వాక్కు!
నదీనాం రియల్ ఎస్టేట్ ఏజెంట్ పాకెట్ మనీ గాచ్చాసి అన్నది నేటి వాక్కు
నదీనాం న ప్రవహంతి - నదీనాం న జీవసి అన్నది రేపటి వాక్కు !

అంతా విష్ణు మాయ కలికాలం ప్రభావం ! మాయ తేరా దిగితే - మనిషి ఆకస హర్మ్యాల నుండి భూమ్మి మీద కి రావటం - ఓ త్సునామి క్షణం అంత సేపు !

జిలేబి.

Saturday, December 12, 2009

మొర మొరాలు బొరుగులు కూనలమ్మ పదాలు

చిత్తూరులో ఓ ముసల్మాను - పతాను బొరుగులు అమ్మే వాడు. "మొర మోరా" అన్నది అతని కేక !

మొదట్లో సైకిల్ లో వచ్చేవాడాయన - ఆ పై ఓ ఓల్డ్ టీవీఎస్ ఫిఫ్టీ లో వచ్చి బొరుగులు అమ్మేవాడు.
అతని కంఠం వీధి చివర్లో అరిస్తే ఆ వీధి మొనలో వినబడేది ! ఈ మానవుడి గురించి చిత్తూరబ్బాయీ ఒకతను సుమన్ కుమార్ అనే అతను, తన కథలో ఓ క్యారెక్టర్ గా కూడా చిత్రించిడం జరిగింది.

ఇప్పుడు ఈ మొర మొర ప్రసక్తి ఎందుకు అంటే -

ఈ రెండు రోజులలో ఆంద్ర రాజ్యం లో "మొర మొర" లు ఎక్కువై పోయేయి. అంటే బొరుగులన్న మాట . గాలి ఎటు వీస్తే బొరుగులు ఆ వైపు ఎగిరి పోతాయి. ఇప్పడు ఆంధ్ర దేశం లో ఏ బొరుగులు ఎక్కడ తేలతాయో కూడా తెలియడం లేదు.

ఈ "తెలుగు జాతి మనది, నిండుగ వెలుగు జాతి మనది" అన్న పాట ఎంతదాకా సరి అన్నది తెలియడం లేదు!

దేశ విభజన , రాజ్యాల విభజన రాష్ట్రాల విభజన - "విభజించు పాలించు" అన్న సూత్ర మునకు కట్టు బడి ఉన్నామా లేక ఇంకా భారతీయులు గా ఉన్నామా ?

అంతా చిదంబర చిద్వాలాసం అనుకోవాలా లేక ఇది మూక సైకాలజీ మీద "మాతా హరి" రాజకీయ నాటక రచనా పరిహాసమా?

అవురా నలుగురు నవ్వి పో దురు గాని నాకేటి సిగ్గు? కూనలమ్మ పదాలే రాజ్య భవితవ్యం!

రాష్ట్రమంతివర్గం చేవ లేకుండా సత్తా లేకుండా ఉంటే - రాజన్నవాడు నిఖార్సుగా ఉండక పొతే - ఆ దేశ రాజ్య పరిస్థితి నడి సముద్రం లో నావ!

దాని దిక్కు కి సూచికా లేదు- దాని మనుగడకి భరోసా నూ లేదు. !

అంతా విష్ణు మాయ కాకుంటే మరే మంటారు?

చీర్స్
జిలేబి.

Wednesday, November 25, 2009

ఇండియన్ స్టాక్ మార్కెట్

ఈ మధ్య ఇండియన్ స్టాక్ మార్కెట్ చాలా గొప్పగా నింగి వైపు దూసుకెడుతోంది! ఆ మధ్య క్రితం సంవత్సరం ప్రపంచ మార్కెట్లంతా ఇక ఉంటామా లేక ఊగిపోతామా అన్న స్థితి లో డిసెంబర్ నెలలో ఉండింది. ఒక్క సంవత్సరం తరువాయీ ఇప్పుడు నింగి వైపు జూమ్!! ఈ జూమ్ ఎంతదాకా కొనసాగొచ్చు? ఈ మధ్య జూలై 2010 లో మళ్ళీ సెన్సెక్స్ 21000 మార్క్ దాటుతుందని ఓ ప్రవచనం!

ఈ లాంటి స్థితిలో ఈ బ్లాగు రాయడం ఎందుకంటే , ఇది నిజంగా ఈలా నింగి వైపు రియల్ గా వెళ్తుందా అన్న ప్రశ్న ఉదయిచడం ! మీరేమంటారు?

చీర్స్
జిలేబి.

Saturday, November 21, 2009

ఇచ్ఛా మరణం vs ఆత్మహత్య

ఈ మధ్య ఈ ప్రశ్న ఉదయించింది. మహానుభావులు ఇచ్ఛా మరణం పొందుతారంటారు - ఉదాహరణకి కపాల మోక్షం ద్వారా ప్రాణాన్ని త్యజించడం లేక సజీవ సమాధి కావడం లాంటివి. జ్ఞాని ఐన మహానుభావులు ఈ లాంటి మరణం తో ఈ లోకాన్ని విడిచి పెట్టడానికి ఆత్మ హత్య కి సాదృశ్యం ఉన్నదా అన్నదే నా సందేహం. సామాన్య మానవుడు తాళలేని కష్టాలతో ఇక ఈ జీవితం తాను భరించడం లేడనుకుని ఆత్మ హత్య కి పాల్పడడం లేకుంటే ఆత్మ హత్యే సమస్యకి పరిష్కారం అన్న ఆలోచనతో జీవితాన్ని ముగించడం జరుగుతుంది. ఇదే మహానుభావులు శాస్త్రాలు "ఆత్మ హత్య మహా పాతకం" అంటారు! మరి నా కర్థం కాని విషయం ప్రాణాన్ని కపాలం ద్వారానో లేక సజీవ సమాధి ద్వారానో త్యజించడం ఆత్మ హత్య కాదా? తార్కికానికి అందని ఈ విషయం ! బ్లాగు రీడర్లు దీన్ని గురించి అభిప్రాయం తెలుప గలరు. ఇది పెద్ద మనుషుల ఫార్సు ఆలోచనలా ఉన్నది నాకైతే- అంటే పెద్దవాళ్ళు చేస్తే ఓ న్యాయం చిన్నవాళ్ళు చేస్తే మరో న్యాయం లాంటిది?

జిలేబి.

Wednesday, November 18, 2009

పంచేంద్రియాలకి ఆవల!

ప్రణవ్ మిస్త్రీ అన్న అబ్బాయి పంచేంద్రియాలకి ఆవల ఆరో ఇంద్రియాన్ని గురించిన ఈ పదిహేను నిముషాల టాక్ వీలు చేసుకుని చూడండి! అవకాశం కలిసివస్తే భారతీయులు ఎట్లాంటి ఇన్నో వేషన్ చేయగలరో అన్నదానికి ఇది నిదర్శనం

http://www.ted.com/talks/pranav_mistry_the_thrilling_potential_of_sixthsense_technology.html

చీర్స్
జిలేబి.

Wednesday, November 4, 2009

మదర్ మీరా - శ్రీమతి కమలా రెడ్డి ఒక పరిచయం


పుట్టినది చండేపల్లె నల్గొండ జిల్లా ఆంధ్ర దేశం
ప్రస్తుత నివాసం జర్మనీ దేశం
గృహస్తాశ్రమం !
పూర్వశ్రామం లో కమలా రెడ్డి గారు
ఇదీ చిన్ని పరిచయం వీరి గురించి.
ఛీర్స్
జిలేబి.

Sunday, November 1, 2009

శ్రీ ఏక్ హార్ట్ టొల్లె ఒక పరిచయం


శ్రీ ఏక్ హార్ట్ టొల్లె ఒక పరిచయం
పుట్టినది జర్మనీ దేశం
చదివినది లండన్ మహానగరం కేంబ్రిడ్జీ
నివాసం కెనడ దేశం లో!
ఒకానొక దినాన "అంతర్ముఖ పరివర్తన" ఆయన జీవితంలో మలుపు
అది ధ్రుఢమై అంతర్ముఖ ప్రయాణం
ఆపై పుస్తకాలతో "ప్రస్తుతాన్ని" గురించి వివరణలు!
ఇవీ ఆయన గమమించిన సత్యాలు ఆయన ఉపన్యాస దీటి కి సోపానాలు

ఛీర్స్
జిలేబి.

శ్రీ "మూజి" ఒక పరిచయం

శ్రీ మూజి
సత్సంగ్ విత్ మూజి !
అన్తోనీ పాల్ యంగ్
జమైకా దేశం పుట్టిన గడ్డ
ప్రస్తుతం నివాసం లండన్ మహా నగరం
పూర్వశ్రామం లో స్ట్రీట్ పైంటర్ , ఆర్టిస్ట్ , వృత్తి రీత్యా "అధ్యాపకుడు
తన నిరంతరాన్వేషణలో "పాపాజి" శిష్యరికం
రమణ మహర్షి వారసత్వ తాత్విక ఆలోచన దృక్పధం!
ప్రపంచ విస్తృత పర్యటనలలో "సత్సంగ్ విత్ మూజి" అన్న
టాపిక్ ఆయన "తాత్విక ఆలోచనలకి " వేదిక!

ఛీర్స్
జిలేబి.

Saturday, October 31, 2009

శ్రీ చారిజి ఒక పరిచయం



నా గురు దేవులు పుస్తక విరచిత
శ్రీ చారిజి గారు
పూర్వాశ్రమం లో కార్పోరేట్ ఎగ్జిక్యూటివ్
తన గురుదేవుల సహజ మార్గ రాజయోగ పధ్ధతి ని
ప్రపంచానికి తెలిపిన వారు
కర్మ యోగి
రాజ యోగ పధ్ధతి గురించి ధ్యాన పధ్ధతి గురించి అనర్గళంగా
జన బాహుళ్యానికి అర్థమయ్యేలా విసదీకరించినవారు !
నివాసం మద్రాసు (చెన్నై) మహానగరం
తనదైన 'ఆంగ్ల భాషా' పాటవం ఆయన అనర్గళ ఉపన్యాస ఝరి!

ఛీర్స్
జిలేబి.

Friday, October 30, 2009

శ్రీ "M" ఒక పరిచయం

శ్రీ "M" ఒక పరిచయం!
పేరు ముంతాజ్ ఆలి !
మలయాళీ జన్మ ప్రదేశ రీత్యా
ముసల్మాను జన్మ రీత్యా
ప్రస్తుత వాసం ఆంధ్ర దేశం!
పూర్వాశ్రమం లో జర్నలిస్ట్ వృత్తి రీత్యా
ముంబై రామకృష్ణ సంస్థలో ఒకప్పుడు దీక్ష పొందిన వారు
వేదాంత సారాన్ని సులభంగా అనర్గళంగా విసదీకరించ గలిగిన వారు
"నీ లోని అంతర్యామిని దర్శించు" అన్న మతాతీత "నిర్మత" సంస్కృతి వారిది
మనీషి
మదనపల్లె ప్రస్తుత వాసం
ఆయన పేరులోనే "M" కాదు ఆయన ప్రవృత్తి లో కూడాను!
సూర్యునికి పరిచయం అవసరం లేదు.
అయినా సూర్యుని గురించి చెప్పకుండా ఉండలేము!
ఈ పరిచయమూ ఆ కోవకే చెందినది -

ఛీర్స్
జిలేబి.

Wednesday, October 28, 2009

జాలం - కూడలి- హారం

జారువాలు బ్లాగు రుచులతో
లంబోదర విరచిత వ్యాస భారతం దీటుగా
బ్లాగ్ రచయితల కూడలి హారం జాలం
దిన దిన ప్రవర్ధమానం గా వర్ధిల్లాలి అన్న
ఆశయాలతో ఈ బ్లాగు ల పేర్లతో
అల్లిన పద ప్రబన్దం
ఈ టపా తో పరిసమాప్తి!
మళ్ళీ సమయం వచినప్పుడు
మరో మారు ఈ ప్రహేళిక పునః ఆరంభం !!

ఛీర్స్
జిలేబి.

Monday, October 26, 2009

నెమలి కన్ను

నెమలి కన్నులు చూడ చక్కన
' నెమలి కన్ను ' చదువ చంపకమాల
నెమలి కి అందం కన్నులు చందం నడకలు
' నెమలి కన్ను ' కి అందం విలక్షణం
చందం పుస్తక పరిచయం!
ఛీర్స్
జిలేబి.

మనస్వి

ఆమె మనస్వి
తను తాపసి
నాతి చరామి అన్నాడు అతడు
అర్ధాంగిని అన్నదావిడ
ఈ సమీకరణంలో
కలసి ఉంటే కలదు సుఖము
లేకుంటే కలదు కష్టాలు కన్నీళ్ళు
మనస్వి తాపసి ని తపస్వి చెయ్యగలిగితే
తాపసి మనస్వి ని మమేకం చేసుకోగలిగితే
ఆ జీవనం సహజీవనం !

ఛీర్స్
జిలేబి.

Sunday, October 25, 2009

కూడలి !

కూ
ప్పు
లింకులు
వెరసి
కూడలి
మా కూడలి

ఛీర్స్
జిలేబి.

Saturday, October 24, 2009

పరిమళం

గుభాళింపు
తాజాదనం
కనులకి ఆహ్లాదం
'పరిమళం'
శత 'పుష్ప' హృదయం !

ప్రఫుల్ల
మధుర
భావ వీచికల పరిమళం
పరిపూర్ణం , బ్లాగోన్నతం!

శుభాకాంక్షలతో
జిలేబి

Friday, October 23, 2009

రవిగారూ!

రవి
విహారి అవిశ్రాంత చరి
గాడాన్ధకార ప్రపంచానికి దివిటి !
రూఢిగా రవి లేనిదే భువి లేదు!
రవి ప్రజ్వలనం భువి నిర్మూలనం!

UNO దిన సందర్భం గా అన్ని దేశాల Environmental Improvement Plans సఫలీకృతం కావాలని ఆసిస్తూ
ఛీర్స్
జిలేబి.


హారం హా, రమ్ !

మ్మ్
రమ్
హారమ్
ఆంద్ర పాఠక ప్రజానీకానికి
హా, రమ్ మా హారమ్!
ఆహార్యం ఆంద్ర బ్లాగ్ లోకానికి
మహా ఆరామం బ్లాగ్ రీడర్లకి

ఛీర్స్
జిలేబి.

Thursday, October 22, 2009

జ్యోతి

యత్ర సూర్యో న ప్రకాశయంతి
అని వేద వాక్కు!
జ్యోతి ప్రజ్వలనం ఆ వేద వాక్కు ప్రతిధ్వని!
ఆ దివ్య జ్యోతి అఖండం అపూర్వం!
యో మాం పశ్యతి సర్వత్ర సర్వంచ మయాం పశ్యతి
అన్న గీతాచార్యుని ఉపదేశం
ఈ హృదయ జ్యోతి ని సాక్షాత్కారం చేసుకోవడానికి
సర్వదా సమాలోచనల రాచ మార్గం!
నా హం కర్తా కర్తా హరిః!

ఛీర్స్
జిలేబి

కొత్త పాళీ

కొత్త ఒక వింత పాత ఒక రోత
పాళీ ఏదైనా దాని సత్తా వ్రాసే 'కొత్త' దనాన్ని బట్టి
పాళీ వెనుక ఉన్నమెదడు బట్టి!
ఈ కొత్త పాళీ బ్లాగుల సముదాయం
దిన దిన అభివ్రిద్ది
తెలుగు రచయితా రచయిత్రులకు చేయూత!
కవులకి కవయిత్రులకి కాదేది 'కావ్యార్హం!'
'బ్లాగ్వేదిక' అందరికి 'భారతి' ఆశీర్వచనం!

ఛీర్స్
జిలేబి.

Wednesday, October 21, 2009

సిరా కదంబం

పూర్వం సిరా బుడ్డి ఉండేది(ఉండేదట!)
సిరా అద్దితే కలం కావ్యాన్ని పలికించేది
ఆ తరువాత సిరా కలం లో కలయికై
దారావాహిని అయ్యింది !
మరి ఈ ఇరవై ఒక్క శతాబ్దంలో?
కంప్యూటర్ రాత రసవత్తర బ్లాగోదయం గా
భాసిస్తోంది!
సో నేటి కదంబం సి రా (కంప్యూటర్ రాత!)

ఛీర్స్
జిలేబి.

Tuesday, October 20, 2009

మోహన మీ ప్రకృతి

తిమిర సంద్రాల
కృతి కర్తా స్వప్నమీ
ప్రకృతి
మీ (నా) ప్రకృతి
వ్య అందాల
రిత వయ్యారాల
మోహన మహోత్తున్గాల
ప్రకృతి-
మోహన మీ ప్రకృతి !

ఛీర్స్
జిలేబి

Monday, October 19, 2009

అమ్మ ఒడి

అమ్మ ఒడి ఒక బడి
అమ్మ చెంత నిశ్చింత
అమ్మ మా అమ్మ ముగ్గురమ్మల అమ్మ
సరస్వతి లక్ష్మి పార్వతి ల సంగమం మా అమ్మ
అనురాగ రాగాల పల్లకి లో జీవితం లో మరపురాని
దినాలని మదిలో నిలపి
'అమ్మాయీ' నాదైన ఈ వారసత్వం
నీ ద్వారా ఇంకా నీ వారసత్వానికి ప్రాసాదించు!
అన్న ఆశీస్సులతో ఆశీర్వదించే అమ్మ ఒడి ఒక గుడి
సదా సిద్చిర్భవతు సర్వానాం !
జిలేబి.

Sunday, October 18, 2009

హరి సేవ

సేవ అన్నా సర్వీసు అన్నా మనకి చాల ఇష్టం
వాలంటరీ సర్వీసు స్వచ్ఛంద సేవ సంస్థల హృదయం
అది హరి సేవ అన్నా జన సేవ అన్నా
ముఖ్యమైనది హృదయం ద్వారా పని చెయ్యడం
హరి సేవలో, జన సేవలో తరించే ప్రజా లోకానికి
ఇవ్వాళ ప్రపంచ పేదరికాన్ని పోగొట్టాలన్న
అంతర్జాతీయ దినోత్సవనాన్ని గుర్తు చేస్తూ

మీ
జిలేబి.

Saturday, October 17, 2009

లీలా + మోహనం!

భామ సత్య సారథి కే రథ సారథి గా నిలచిన వేళ
'సారథి' శౌర్యం నరకాసురనుని వధించిన వేళ
చూపులలో వయ్యారాలు మాత్రమే గాదు స్త్రీ శక్తీ అనిపించిన వేళ
భామా సమేత కృష్ణుడే శక్తీ స్వరూపుడు అని నిరూపించిన వేళ
ఆ వేళ ఈ వేళ - దీపాల మేళ !
ఆ 'లీలా మొహనుల' కు నమస్సులతో !

అందరికి శుభాకాంక్షలతో!
'సత్పుర' వాసిని
జిలేబి.

హృదయ స్పందనల చిరు సవ్వడి

ఎవ్వరూ లేనప్పుడు కిటికీ దేన్ని చూస్తుంది?
ఎవ్వరూ భాజాయించనప్పుడు ధమరుకం ఏ నాదాన్ని వినిపిస్తుంది?
ఎవ్వరూ విననప్పుడు మురళీ ఏ గానాన్ని ఆలపిస్తుంది?
ఎవ్వరూ చూడనప్పుడు కళ్లు వేటిని చూస్తాయి?
హృదయ కవాటాలని తెరచి వినగలిగితే ....
స్పందనల చిరు సవ్వడి వీటన్నిటికి అతీతంగా
ఉన్న ఆ ఆంతర్యామిని సాక్షాత్కరిస్తుందా?
ఆనందో బ్రహ్మ!

దీపావళి శుభాకాంక్షలతో
జిలేబి.

Friday, October 16, 2009

నవ్వులాట

ఆహా నా నవ్వులాట
ఆహా నా నవ్వులాట
నీకు నాకు నవ్వు అంట తాం తాం తాం
నవ్వు నాలుగివిధాల ఆరోగ్యమంటా
నవ్వితే రత్నాలు రాలుతాయంట
నవ్వే నాకు శోభ యంటా
అందుకే .....
నవ్వో నమః!

ఛీర్స్
జిలేబి.

Thursday, October 15, 2009

ఆంధ్రా 'మృతం'?

ఆంధ్రుల చరితం అతిరస భరితం
ఆంధ్రుల సంస్కృతి అమోఘ కావ్యం
ఆంధ్రుల మేధస్సు వర్ణనాతీతం
ఆంధ్రుల వంటకం షడ్రసో పేతం
ఆంధ్రుల కీర్తి అతిరధ మహారధుల సమ్మేళనం
ఆంధ్రుల కావ్యం కమనీయం
ఆంధ్రుల సౌర్యం అసామాన్యం
మరి ఆంధ్రుల రాజకీయం......??????

ఛీర్స్
జిలేబి

Tuesday, October 13, 2009

ఆలోచనా తరంగాలు

తిరంగం తరంగం లా వయ్యారాలు పోతూంటే
మది మనోల్లాసంగా మురిసిపోతూంటే
పై ఎద పై పై ఎగసి పడుతూంటే
ఆలోచనా తరంగాలు చక్కిలి గింతలు పెడుతూంటే
మనసా ఎందుకే మౌనం

ఛీర్స్
జిలేబి.

Monday, October 12, 2009

భావ నిక్షిప్తం

గుండలోని మాట గొంతుకలో కొట్లాడుతుంటే
మదిలోని సవ్వడి మరువనీయ కుండా ఆరాట పెడ్తూంటే
హృదయం తనని మరవ లేక తానే తనలో మమేకం కాలేక పోతూంటే
భావం ఆర్ణవమై సంధ్యలో కరిగిపోతూ
నాతో చెలిమి చెయ్యమని
నా మనసే భావమై నాలో నిక్షిప్తం!
అంతా గుప్చుప్!

జిలేబి.

Sunday, October 11, 2009

మురళీ గానం

మురళీ గానం
మధురం
తియ్యదనం కలబోసిన దంటా
ఆ కాలం లో నే నుండి ఆ గానాన్ని
ఆలకించి ఉంటే అవునో కాదో చెప్పే దాన్ని
కాని ఆ మురళీ గానం తానెప్పుడు మధురమే
అని నిరుపించుకోవడానికి
ప్రతి కాలం లో ను ఒక్కో మానీషి లో ప్రతిధ్వనిస్తూనే ఉంది
వినడానికి మన చెవులు హృదయ ద్వారాలని తెరిచి వుంచితే!

ఛీర్స్
జిలేబి.

Saturday, October 10, 2009

కలల ప్రపంచం

కలల ప్రపంచం
నీది నాది అన్నా ఈ ప్రపంచం
అందరిది ఈ ప్రపంచం అయినప్పుడు
కలలు కనే నా నేస్తం కలల ప్రపంచం
ఎప్పుడు సాకారం ?

పిన్న పెద్ద అన్నా తమ్ముడు అక్క చెల్లి
బంధుత్వం బాదరాయణం
ఓ అరవై లేక డెబ్భై ఏళ్ళు
జీవితం
పరమం పురుషార్థం
ఆనందో బ్రహ్మ!

ఛీర్స్
జిలేబి.

Wednesday, September 30, 2009

కాదేది కవిత కనర్హం

ఈ మధ్య శ్రీ శ్రీ గారి రచనల్ని తిరగేస్తుంటే వారి కుక్కపిల్ల, సబ్బు బిళ్ళ ,అగ్గి పుల్ల గుర్తు కొచ్చేయి. కాదేది కవిత కనర్హం లా కాదేది బ్లాగ్లోకానికి అనర్హం అన్నా తప్పులేదు లా ఉన్నది. ఈ ఇరవై ఒక్క శతాబ్దం లో బ్లాగులు నాటి పత్రికల్ని తలదన్నెట్టు వేర్వేరు సబ్జెక్టు లతో కొత్త కొత్త హంగులతో వస్తున్నై. ఆ కాలంలో ఎ ఆంద్ర పత్రిక లేక ప్రభ లోనో ఓ చిఇన్ని "మీ ఉత్తరం" లో మన పేరు కనిపిస్తే అదే పదివేలన్న సంతోషం తో మురసి పోయే వారం! ఇక మన కథ అచ్చు ఐతే చెప్పనవసరమే లేదు! కాలరేగారేసుకొని ఓ గడ్డం పెంచేసుకుని గొప్ప కథకులమై పోయేమన్నఆలోచనలో విహంగమై విహరించే వాళ్ళం! మరి ఇప్పుడు ఎవరి కి ఏది తోస్తే వాళ్లు అది వ్యక్తీ కరించవచ్చు! దాన్ని చదివి కామెంటడానికి జనాభా ఖచ్చితంగా ఉంటున్న్దన్న భరోసా ఎల్లప్పుడూ ఉండనే ఉన్నది!
బ్లాగోన్నమః!

ఛీర్స్
జిలేబి.

Tuesday, September 15, 2009

ఓబన్న ఓనమాలు

ఓబన్న గారు అమెరికా దేశాధ్యక్షులు ఈ మధ్య ఓ వారం మునుపు స్కూల్ పిల్లల్ని ఉద్దేశించి వాళ్ళని ఉత్తేజ పరిచేలా వాక్రుచ్చేరు. వారి మాట ప్రకారం గా మనం జీవితం లో ఎట్లాంటి ఉద్యోగం లో కి వెళ్ళాలన్న మంచి చదువు ఉండాలన్నారు. అలా అంటూ అందులో రాజకీయ నాయకునికి ఎలాంటి చదువు కావాలో చెప్పలేదు! దీని ప్రకారం చూస్తే రాజయకీయనికి చదువుకి చుక్కెదురు అమెరికాలో కూడా అనుకోవాలేమో ? ఓబన్న చెప్పిన వేదం ఆంగ్లం లో ఇక్కడ ఇచ్చాను!


"And no matter what you want to do with your life – I guarantee that you’ll need an education to do it. You want to be a doctor, or a teacher, or a police officer? You want to be a nurse or an architect, a lawyer or a member of our military? You’re going to need a good education for every single one of those careers. You can’t drop out of school and just drop into a good job. You’ve got to work for it and train for it and learn for it"

ఛీర్స్
జిలేబి.

Saturday, September 5, 2009

ఎంతెంత దూరం?

చిన్న పిల్లల ఆటలలో ఓ చిన్ని ఆట - కళ్ళకు గంతలు కట్టు కుని "ఎంతెంత దూరం?" అంటూ ముందు వెళ్తున్న చిన్నారి పాపో బాబో అంటుంటే వెనుక వస్తున్నపాప "చాలా చాలా దూరం" అంటూ గెంతుతూ వెళ్ళడం చిన్ని ప్రదేశాలలో గమనించవచ్చు. కాని వాళ్లు ఆటలాడుతున్న ప్రదేశం మాత్రం చిన్ని ప్రదేశమే!

కీర్తి శేషులు శ్రీ వై ఎస్ ఆర్ ఆఖరుగా పలికిన వాక్యం " చిత్తూరికి ఫ్లైట్ ఎంత సేపట్లో వెళుతుంది" అని పైలట్ ని అడిగారని ది హిందూ వారు కోట్ చేసారు.

చిత్తూరు అన్నపదం "సత్పురమ్" అన్న పదం నుంచి వచ్చినట్టుగా నానుడి. కాబట్టి శ్రీ వై ఎస్ ఆర్ గారి ఆఖరి వ్యాఖ్యని "సత్పురమ్ వెళ్లడానికి ఎంతసేపు?" అని అడిగ్నట్టుగా అనుకుంటే జవాబు ఆయన జీవిత ఆఖరి ఘడియలే అని పిస్తుంది. సత్పురమ్ అంటే శ్రీ మన్నారయణుని నివాసం.

శ్రీ వై ఎస్ ఆర్ కుటుంబసభ్యులకి ఒదార్పులతో
జిలేబి.