కి ప దొ న = ROFL అనబడు ఒక జిలేబి O = BR² సమీకరణం కథ

కి ప దొ న అని మన అప్పారావు శాస్త్రీ గారు ఒక సమీకరణాన్ని నా బ్లాగులో కామెంటు కింద పెట్టి మెజీషియన్ మన పట్టాభిరాం గారి లాగ హుష్ కాకీ ఐ పోయారు.
ఏమండీ అప్పా రావు శాస్త్రీ గారు, శాస్త్రీ గారు, కి ప దొ న అనగా ఏమి అంటే ఆయన జవాబిస్తే ఒట్టు.
ఈ మధ్యలో John గారు వచ్చి , కి ప దొ న = ROFL అని మరో సమీకరణం కామేంటి ఆయన కూడా గాయబ్ అయి పోయారు.
ఇలా ప్రతి ఒక్కరు వచ్చి వారికి తోచిన సమీకరణాన్ని రాసి వెళ్లి పొతే, నేనేమి చేతును నారాయణా అని కుయ్యో మొర్రో అంటే, అసలు కామేన్టిన వాళ్ళు తిరిగి వచ్చి మనం కామెంటినామే , జిలేబి గారి కి ఏమైనా సందేహములు ఉన్నాయా, వాటిని తీర్చవలసిన భాద్యత మన మీద ఉంది కదా ? అని ఆలోచిన్చనే లేదు సుమీ !
ధడాలుమని, మరో బ్లాగరు శ్రీ మాన్, పురాణ పండ ఫణి గారు, (మంచి కాలం వీరు పేరు పీ క్యూబ్ అని పెట్టుకోక నాకు ఒక సమీకరణం తగ్గించారు !) , నా మీద దయతలచి, జిలేబి గారు ,

ROFL = Rolling on Floor Laughing అని మరో సమీకరణం వదిలి గయ్యబ్ హోగయేరు !

ఇక ఇన్ని సమీకరణం లు మనలని కొంగ ఫ్యుజి చెయ్య కూడదు సుమా అని నేను చాలా సీరియస్ గా ఆలోచించి,
కి ప దొ న అనగా, కింద పడి దొర్లి నవ్వడం అన్న అర్థం వచ్చేలా అర్థం చేసేసుకున్నాను.
హమ్మయ్య ఇప్పడు నేను కూడా మరో సమీకరణం రాసేసాను.

కింద = Below
పడి = Fall
దొర్లి = round round round
నవ్వు = Laugh

so, BF R*R*R L = ROFL

Cancelling both sides R,F,L we derive,

BR*R = O

So, O = BR Square!

వావ్ నేను Einstein అయి పోయానోఅచ్ !

ఇప్పడు నేను కూడా ఎవరైనా కామేంటి వెళ్లి పొతే , వాళ్ళ టపా లో వెళ్లి ఓ = బీ ఆర్ పవర్ రెండు అని ఒక సమీకరణం రాసేయ వచ్చు!


ఎయిన్ స్టెయిన్ అయిన
జిలేబి
O = BR² ! (ఓ ఈజీ క్వల్టు బీ ఆర్ స్కోయారు)

ముత్తాత మధుశాల - మనవడి 'మధు బాల' - బచ్చనైశ్వర్యం!

ముత్తాత మధుశాల - మనవడి 'మధు బాల' -  బచ్చనైశ్వర్యం!


నాడు


హరివంశ రాయ్ బచ్చన్ గమ్మత్తైన


మధుశాల తో హిందీ లోకాన్ని ఉర్రూత లూగించాడు


నేడు


ఐశ్వర్య రాయ్ బచ్చన్ రేపటి


మధు బాల తో బాలీవుడ్ ని ఉర్రూత లూగిస్తోంది !


ఇది బచ్చనైశ్వర్యం! హరివంశ రాయం !


ఐశ్వర్యా అభిషేక ప్రోక్తం


శుభాకాంక్షలతో ,


జిలేబి.

బ్లాగాయణం లో జిలేబీల వేట !

బ్లాగాయణం లో జిలేబీల వేట - మచ్చుకి కొన్ని జిలేబీలు

తెలుగు భాషను మరవకండి. తెలుగు భాషను ప్రేమించండి. తెలుగు వారిగా జీవించండి
పద్యము తెలుగుల విద్యగు!
హృద్యము చదువరుల కెన్న,
నింపగు వినగా !
పద్యము కవితల కాద్యము!
సద్యశమును కల్గజేయు చక్కగ కవికిన్!

సర్వేజనాః సుఖినోభవంతు

చిన్ని కృష్ణుడు లోకాన్ని యశోదకి చూపినట్టు నా మనసుకి నచ్చింది చూపడానికి

తెలుగు సాహితీ సుధా కథా వేదిక

సిసలైన సాహీతీ భోజనం

పదములు తామే పెదవులు కాగ....గుండియలే అందియలై మ్రోగ

కొబ్బరాకు నీడలో చల చల్లగా

శరణం పండిత మానసాపహరణం
శశ్వద్యశఃకారణం సరసానందద వాగ్విలాస చరణం, శబ్దార్థ సంపూరణం
 చరదత్యద్భుత సత్కవీశ్వరగణం సాలంబనం
‘శంకరా భరణం’ నిత్యమహం స్మరామి
విలసద్ వాగ్దివ్య సింహాసనం

నీ పదమును పూజింప ఒక పూవునైనా చాలు..వనమాలీ.. వనజవనమాలి

గీతలతో అందమైన రాతలు

...బాలాకుమారినంట, చాలా సుకుమారినంట !

రోజూ వారీ యాంత్రిక జీవనం లో ఎదురయ్యే అనుభవాలు,అనుభూతులూ, ఆలోచనలు, పరిశీలనలకూ కొద్దిగా కల్పన తాళింపు చేర్చి..


వినీల గగనపు వేదికపై నే పాడిన జీవనగీతం

Postings by Zilebi- When its Hot its Really కూల్!


జిలేబి.

చీర్స్

తిరపతయ్య - ఢిల్లీ చలో ! చలో ఢిల్లీ !

ఇవ్వాళ ఏమి సుదినము !

ఏమి సుదినము !

మా తిరపతయ్య ఢిల్లీ చలో

 ప్రయాణం మొదలెట్టిన సుదినం !

చాలా కాలమునకు మా తిరపతయ్య కి

దేవీ దర్శనం దక్కిన సుదినము !

దేవేరి ఏమి చెప్పెనో ?

తిరపతయ్య ఏమి చేయునో ?

పంచు లచ్చీ చిలక జోస్యం చెప్పుమా ?

మా వెంకన్న బోడి గుండు సంఘం వాళ్ళు

తిరపతయ్య కి ఏమి సత్కారం చేతురో ?

అయ్యా త్వరగా సమాచారములు చెప్పుడీ ,

మా తిరపతయ్య కి జేజేలు చెప్పుడీ !

చీర్స్
జిలేబి.

తిరపతయ్య ఎవరు ? ఆతని కథా కమామీషు ఏమిటి ? సస్పెన్స్ సుమా !

జిలేబి ఫేమస్ ఈక్వేషన్ - O = BR² - నోబెల్ బహుమతి గ్రహీత

జిలేబి ఫేమస్ ఈక్వేషన్ - O = BR² - నోబెల్ బహుమతి గ్రహీత

కి ప దొ న అని మన అప్పారావు శాస్త్రీ గారు ఒక సమీకరణాన్ని నా బ్లాగులో కామెంటు కింద పెట్టి మెజీషియన్ మన పట్టాభిరాం గారి లాగ హుష్ కాకీ ఐ పోయారు.

ఏమండీ అప్పా రావు శాస్త్రీ గారు, శాస్త్రీ గారు, కి ప దొ న అనగా ఏమి అంటే ఆయన జవాబిస్తే ఒట్టు.

ఈ మధ్యలో John గారు వచ్చి , కి ప దొ న = ROFL అని మరో సమీకరణం కామేంటి ఆయన కూడా గాయబ్ అయి పోయారు.

ఇలా ప్రతి ఒక్కరు వచ్చి వారికి తోచిన సమీకరణాన్ని రాసి వెళ్లి పొతే, నేనేమి చేతును నారాయణా అని కుయ్యో మొర్రో అంటే, అసలు కామేన్టిన వాళ్ళు తిరిగి వచ్చి మనం కామెంటినామే , జిలేబి గారి కి ఏమైనా సందేహములు ఉన్నాయా, వాటిని తీర్చవలసిన భాద్యత మన మీద ఉంది కదా ? అని ఆలోచిన్చనే లేదు సుమీ !

ధడాలుమని, మరో బ్లాగరు శ్రీ మాన్, పురాణ పండ ఫణి గారు, (మంచి కాలం వీరు పేరు పీ క్యూబ్ అని పెట్టుకోక నాకు ఒక సమీకరణం తగ్గించారు !) , నా మీద దయతలచి, జిలేబి గారు ,

ROFL = Rolling on Floor Laughing అని మరో సమీకరణం వదిలి గయ్యబ్ హోగయేరు !

ఇక ఇన్ని సమీకరణం లు మనలని కొంగ ఫ్యుజి చెయ్య కూడదు సుమా అని నేను చాలా సీరియస్ గా ఆలోచించి,

కి ప దొ న అనగా, కింద పడి దొర్లి నవ్వడం అన్న అర్థం వచ్చేలా అర్థం చేసేసుకున్నాను.

హమ్మయ్య ఇప్పడు నేను కూడా మరో సమీకరణం రాసేసాను.

కింద = Below

పడి =  Fall

దొర్లి = round round round

నవ్వు = Laugh

so, BF R*R*R L = ROFL

Cancelling both sides R,F,L we derive,

BR*R = O

So, O = BR Square!

వావ్ నేను Einstein అయి పోయానోఅచ్ !

ఇప్పడు నేను కూడా ఎవరైనా కామేంటి వెళ్లి పొతే , వాళ్ళ టపా లో వెళ్లి ఓ = బీ ఆర్ పవర్ రెండు అని ఒక సమీకరణం రాసేయ వచ్చు!

ఎయిన్ స్టెయిన్ అయిన
జిలేబి
O = BR² ! (ఓ ఈజీ క్వల్టు బీ ఆర్ స్కోయారు)
(కి ప దొ న = ROFL అనబడు ఒక జిలేబి O = BR² నోబెల్ సమీకరణం కథ సమాప్తము)

జిలేబి కి పెళ్ళి కళ వచ్చేసిందోచ్!

జిలేబి కి పెళ్ళి కళ వచ్చేసిందోచ్!

అప్పుతచ్చు. ఈ మధ్య చాలా అప్పు తచ్చు లు వచ్చేస్తున్నాయి. ఆ మధ్య భారారె గారికి ఏప్రిల్ ఒకటో తారీఖు లోగా సంక్రాంతి కి కొత్త గా ఓ ఫన్ ఆర్ట్ విత్ జేకె రాస్తానని చెప్పాను. ఏప్రిల్ లో సంక్రాంతి ఏమిటి మీకెమైనా మతి పోయిందా జిలేబి,  లేక రమ్ము ఎక్కువ తాగారా అని చీవాట్లేసారు ఆ మహానుభావుడు.

అరే చాలా అప్పుతచ్చు లు జరుగుతున్నాయే సుమా అని సరే అప్పుతచ్చు మీదే ఒక టపా రాద్దామని నిదురలోకి జారుకుంటే, పిల్లి కలలో కొచ్చేసింది.

పెళ్లి కళ అన్నానా ? అప్పు తచ్చు.

పిల్లి కల (లోకి) వచ్చెసింది. అదీ విషయం.

పిల్లి ఈ వైపు నించి ఆ వైపు వెళితే శాస్త్రం చెబుతారు.

ఇలా పిల్లి కలలో వచ్చిన ఏమి అగును ? జీడిపప్పు ఉప్మా తినే యోగం కలుగునా ?

(దీనికి సమాధానం చెప్పగలవారు నాకు తెలిసి ఒక్కరే ఒక్కరు ఉన్నారు, కాని వారు ఇలాంటి చచ్చు ప్రశ్నలకి ఆస్కారం ఇవ్వరు - కాబట్టి ఏమి చెయ్యలేం. )


జీడిపప్పు యోగం  అంటే జ్ఞాపకం వస్తోంది- నేను నవలలు గట్రా చదివే రోజులలో (అంటే నా చిన్నప్పుడన్నమాట)   ఝాన్సీ రాణీ గారో, కాకుంటే మరొకరో ఎవరో నాకు సరిగ్గ గుర్తు లేదు, వారి నవలల్లొ టిఫిను మాట వస్తే , ప్రతిసారీ జీడిపప్పు ఉప్మాయే టిఫిను అయ్యేది నవల మొత్తం మీద.

ఝాన్సీ అంటే  గుర్తుకొస్తోంది, హిందీ - నవలిక ఝాన్సీ కీ రాణీ లాంటి గొప్ప పుస్తకం వేరొకటి నేను  చదివింది లేదు.

హిందీ  అంటె గుర్తుకొచ్చేది దక్షిణ భారత హిందీ ప్రచార సభ.

మద్రాసు పట్టణం లో ఉండేది మేము చదివే రొజులలో. ఆ తరువాయి, జై ఆంధ్రా సమయం లో హైదరాబదు కి వచ్చిందనుకుంటాను. ఖచ్చితం గా తెలీదు. హైదరాబాదీలు చెప్పాలి.

జై అంధ్రా అంటే గుర్తుకొస్తొంది, జై ఆంధ్రా మూవ్మెంటు. (ఇప్పుడు తే నా లంగా  మూవ్మెంటు అంటున్నారు- ఇది విడదీత, అప్పటిది కలబోత అనుకుంటాను)

జై ఆంధ్రా అంటే, , మా వీధి బడి వద్ద పెట్టిన  వినాయక బొమ్మ జ్ఞాపకం వచ్చెస్తోందండోయ్. అప్పుడు వీధి బడి కాడి వినాయకుని బొమ్మ వద్ద కూర్చుని మేము 'ఉణ్ణావరిదం ' ఉన్నాము జై ఆంధ్రా మూవ్ మెంటు కోసం.

కడుపు మాడబెట్టటానికి అనగా ఉపవాస దీక్ష కు అరవం లో 'ఉణ్ణావరిదం' అన్న పేరు.

ఉపవాసం అంటే, అన్నా హజారే గారు యాద్గారోన్ మే ఆ రహెన్ హై !

యాద్గారే అంటే, చిన్నప్పటి మా పెళ్లి (జిలేబి వెడ్స్ జంబు నాధన్- అని పెద్ద అక్షరాలతో కలర్   చాక్ పీసు తో బ్లాకు బోర్డు మీద అప్పుడు రాసి పెట్టడం కూడా గుర్తుకొస్తోంది సుమా)  గుర్తుకోచ్చేస్తోంది. (మా కాలం నో నియాన్ దీపాల కాలం మరి )

అబ్బో, పెళ్లి అంటే మళ్ళీ జిలేబి కి పెళ్లి కల, పెళ్లి కళ రెండూ వచ్చేస్తూన్నాయి.

హమ్మయ్య, back to square one!

ఇంతకీ నెనక్కడున్నాను ?

అంతా జిలేబి మయం గా ఉందే ఇక్కడ ?


ఇదేమి విష్ణు మాయయో? కలయో నిజమో తెలియని అయోమయములో ?!


చీర్స్
జిలేబి.

పిల్లల్లారా పాపల్లారా టోయ్ టోయ్ టోయ్ టోయ్

పిల్లల్లారా పాపల్లారా టోయ్ టోయ్ టోయ్ టోయ్ భారత జాతి  పౌరుల్లారా టోయ్ టోయ్ టోయ్  టోయ్ - ఆ టోయ్ టోయ్ టోయ్ టోయ్ అన్నది మధ్యలో వచ్చే వయోలిన్ నాదం అనుకుంటాను.

నేడు పిల్లల పర్వ దినం. మా చాచా మావయ్య పుట్టిన దినం.

మా చిన్నప్పుడు బళ్ళో చాక్లెట్లు ఇచ్చే వాళ్ళు. ఇప్పుడూ ఇస్తున్నారనుకుంటాను.

ఒక వ్యక్తి - ఆతను ఒకప్పటి ప్రధాన మంత్రి అన్న మాటని పక్కన బెట్టి,  తన కాలం లో పిల్లల పట్ల చూపిన ప్రేమానురాగాలు , అతన్ని సర్వకాలాలకీ నేరూ మావయ్య ని చేసింది.

ఇప్పటి పిల్లలకి చదువు పరిధి ఎక్కువ. ఆయన సంతతి గురించి వారి రాజ్య భోజ్యం గురించి కొంచం ఎక్కువే తెలిసి ఉంటుందనుకుంటాను. కాబట్టి వారు నెహ్రూ మావయ్య ని ఎలా ఆదరిస్తారో  తెలియదు నాకైతే.  బ్లాగు రచయితలలో ఎవరైనా ఇప్పటి స్కూలు అధ్యాపయకులు తెలియజేయ వచ్చు ఈ విషయాన్ని.

ఆ మాట పక్కన బట్టి, ఒక మావయ్య గా, అవ్యాజ ప్రేమానురాగాల కి ఒక నిదర్సనం గా ప్రతి అబ్బోడికి, అమ్మాయికి మావయ్య ఉండటం పెద్ద విశేషమే.

భారత జాతి పౌరుల్లారా అన్నది అప్పటి పాత పాట. ఇప్పటి మన పిల్లలు ప్రపంచ పౌరులు. పెద్దయ్యాక , ఎవరెవరు ఏ ఏ దేశాల లో సెటిల్ అవుతారో మా ఏడు కొండల ఎంకన్న కే ఎరుక.

వారి జీవితం వసుధైక కుటుంబం . ఆ రాబోయే కాలపు ప్రపంచ పౌరులకు ఇవే పిల్లల పర్వ దినపు శుభాకాంక్షలు.

ప్రేమతో 'పంచు లచ్చి '

జిలేబి.
(ఒకప్పటి 'భావి భారత శాంతి పావురాలు !)

బ్లాగులు వెర్సెస్ దురదగొంటాకు ఒక సమాలోచనా విశ్లేషణ

పాత సామెత ఉండనే ఉంది. ఆకు మీద ముల్లు పడ్డా, ముల్లు మీద ఆకు పడ్డా నష్టం మరి ఆకుకే అని.

ఆ తీరులో , మన బ్లాగులని, బ్లాగరులని గమనిస్తే, ఒక విషయం స్ప్రష్టం గా కానవస్తుంది.

పాపం ఈ అమాయక బ్లాగర్లు (ఈ జిలేబి తో చేర్చి) ఏదో అల్లా టప్పా గా అలా 'నేనెందుకు బ్లాగు మొదలెట్టాను , చదువరులారా నన్ను ఆశీర్వదించు డీ అని వినమ్ర ముగా  పలికి బ్లాగు మొదలెడుతారు.

ఇక అప్పట్నించీ వీరి కనా కష్టాలు మొదలు.

ఓ టపా రాసేక, అమ్మయ్య అని ఊపిరి పీల్చు కునే సమయలోపలె, టపా కి వెల్లువగా వచ్చి కామెంటుల తుంపరలు పడతాయి -  'మీకు బ్లాగ్ లోకమునకు ఇదే, మా సుస్వాగతం', మీరు ఆ డిపార్ట్మెంటు వారా, ఐతే మీరే మా మొదటి ఈ స్టైల్ బ్లాగరు, ఈ బ్లాగ్లోకం మీకు కొంగొత్త ఐడియా లు ఇవ్వు గాక లాంటి ఆశీర్వచనములు కోకొల్లలు గా వీరి కి వస్తుంది.

ఇక చూడండి మజా, - రాసే వాడికి చదువరి  లోకువ చందాన టప టపా తమ జ్ఞానం అంతా బ్లాగ్ రూపేణ బహిష్కారం అవుతుంది. _ ఈ వ్యాక్యం లో ఏదో తప్పుందే, ఏమిటి చెప్మా ?

ఇక అక్కడ్నించీ దురద గొంటాకు ఎఫ్ఫెక్టు మొదలు. మెల్లి గా కామెంటడం  మొదలెడతారు. తమకొచ్చిన కామేన్తులకి  నెనర్లు పలుకుతారు. వేరొకరి టపా కి జేజేలు పలుకుతారు.

ఇంకా కొంచం ముందుకెళ్ళి, అప్పుడప్పుడూ , ఎవరినైనా అలా మరీ తీవ్రం గా గోకేసారనుకొండీ, ఇక ఉన్నది తంటా,  కామెంటుల హోరాహోరి వరల్డ్ వార్ మొదలు.

ఇలా, పాపం అసంస్ప్రుస్య అయిన వాళ్ళు , బ్లాగటం అనే దురద గొంటాకు మీద పడి  ఆ పై, ఆ దురద గొంటాకు ఎఫ్ఫెక్టు కి బలి అయి పోతారు.

దీనికి పరాకాష్ట, వారే దురద గొంటాకు గా రూపాంతరం చెందడ మన్న మాట. !

ఇంతటి తో ఈ దురద గొంటాకు సమాలోచనా విశ్లేషణకి 'కామా పెట్టి, ఈ దురద ఎఫ్ఫెక్టు ఎంత మందికి ఉందొ వేచి చూస్తాను. -

దురదస్య దురదః ,
జిలేబి నామ్యా దురదగొంటాకు హ !

చీర్స్
జిలేబి.

2011 సంవత్సరపు ప్రాంతంలో బ్లాగ్వ్యవసాయం చేసే వారి సామెతలు

బ్లాగ్ రాయటానికి కామెంటు కౌంట్లు పనికి రావు

'తిం కిన ' కొద్దీ టపా, మూడు కొద్దీ కామెంటు

బ్లాగు మీద రాతలు కూటి కైనా పనికి రాదు (ఇది జ్యోతక్క  గారికి వర్తించదు!)

అంతర్జాలం లో పొత్తు లాగ్ అవుట్ తో సరి

టపా కి సైజు , కామెంటు కి నిబద్దత ఉండవలె

రాసిన టపాలన్నీ హిట్లయితే , ఇక రాయడానికి ఏమీ ఉండదు

బ్లాగు కి టెంప్లేటు పుష్టి , టపా కి కంటెంటు పుష్టి

అరవ బ్లాగు లో తెలుగు కామెంటులు పండవు

బులుసు బ్లాగుకు నవ్వులు, భారారే బ్లాగు కి తెక్నీకులు

బ్లాగరు పేరు జిలేబి ఐతే టపా తియ్య నౌనా ?

అన్ని టపాలకి అమెరికా టైము

టపా రాయటానికి శుక్ర వారము, కామెం ట డానికి శనివారము

కామెంటినవాడికి నెనర్లే మిగులును

కామెంట్లతో నిండిన టపా కన్నుల పండువగా ఉండును

టపా లు లేని బ్లాగు, మూత బడ్డ సైటూ పనికి రాదు

కామెంటులు  ఇచ్చు కిక్కు, ఈనాడు తిరగేసి చదివినా రాదు

టపా కి మేటరు సిద్ధము చేసుకుని టపా రాయవలె

మేటరు లేని బ్లాగు,  కామెంటులు లేని టపా ఒక్కటే

టపా కి ఏడు లైన్లు, కామెం ట డానికి నాలుగు లైన్లు

గ్రిప్పు చెదరక టపా రాయ వలె

కంటెంటు ఉన్న టపాకి చదువరి ఎక్కువ

సమయము చూసి టపా పబ్లిషు చేయ్యవలె (దీపావళీయం  లాగా అన్నమాట )

అనానిమస్సు కామెంటు టపాకి చేటు , వివాదభరిత టపా దూషణల కి మూలం

000000000000000000000000000000000000000000

కొంత కాలం మునుపు రాసిన 'బ్లాగ్ వెతలు ' చదవ దలిస్తే ఇక్కడ 'క్లిక్కండి '

000000000000000000000000000000000000000000


చీర్స్ చెబితే జిలేబి
నెనర్లు చెబితే తెలుగు బ్లాగరు

చీర్స్
జిలేబి.

పీ ఎస్: ఈ టపా కి ప్రేరణ భారారే గారి టపా 1920 సంవత్సరపు ప్రాంతం లో వ్యవసాయం చేసే  వారి సామెతలు )

ఆమె గురించి - నాలుగు ముక్కలు

ఆమె గురించి - నాలుగు ముక్కలు

 

ఎందుకు పుట్టిందో తనకే తెలియదు

 

తనని పెంచిన తల్లికి డస్ట్ బిన్ లో దొరికిందట తను

 

ఆ తల్లి హృదయం ఇచ్చి పెంచింది

 

వయసు వచ్చింది

 

సెలయేరు సముద్రాన్ని ఆశించింది

 

పక్షి ఎగిరి పోయింది కువ కువ లాడుతూ

 

తల్లి హృదయం కష్ట పడ్డది

 

ఒక నిట్టూర్పు , ఒక ఆశ్వాసం

 

గప్ చుప్

 

పైర గాలి ఎప్పుడు వస్తోందో మళ్ళీ ?

 

చీర్స్

జిలేబి.

 

 

కాలక్షేపం కి బటాణీలు - టైం పాస్ కి బాతాఖానీ - మా చిత్తూరు అవ్వ కథ

మా స్కూలు ముందు ఓ పెద్దమ్మ - అవ్వ బటాణీలు అమ్మేది. 

తన మనవలు పొలం పనుల్లో కెళ్ళాక  ఆవిడ మా వూరి దగ్గిరున్న గ్రామం నించి వచ్చి బటాణీలు అమ్ముకునేది. వరుమానం ఎంత వచ్చేదో నాకు సందేహమే. ఎందుకంటే ఆవిడ దగ్గిర ఒక చిన్న బుట్ట మాత్రమె ఉండేది. అంత చిన్న బుట్టలోని బటాణీలు ఎంత అమ్ముకుంటే పైసలు వస్తుంది అన్నది ఒక ప్రశ్నే.

అయినా తప్పనిసరిగా   వూళ్ళో వున్న మా బడి కాడికి వచ్చి కూర్చొనేది. మేము ఐదు పైసలకి కాకుంటే ఓ పది పైసలకి బటాణీలు అడిగే వాళ్ళం. అంతకు మించి మా దగ్గిర పైసలు ఎక్కడ ?

ఓపిగ్గా బటాణీలు ఓ చేతిన్నర కాగితం లో పొట్లం ( చక్కటి కోన్ ఆకారం లో ) కట్టి ఇచ్చేది. దాని తో బాటు ఒక బోసి నవ్వు కూడాను.  మా నవ్వూ ఆవిడకి (అప్పట్లో అంటే ఓ నాలుగో క్లాస్సో , ఐదో క్లాసో ఉండవచ్చు అనుకుంటాను ) బోసి నవ్వు లా అని పించేదేమో ? ఎందుకంటే మమ్మల్ని చూస్తె ఆవిడ నవ్వు ఇలా ఖాన్డ్లా నించి కొహిమ  దాక లాగదీసిన భారద్దేశం అయ్యేది.

కొసరు అడిగితె ఆవిడ చెయ్యి ధారాళం. చాల సార్లు అడగకనే కొసరు వేసేది. అడిగామంటే బోసి నవ్వు ఇంకా సాగలాగి అలా పాకిస్తానూ, ఇలా బంగ్లాదేషూ భారద్దేశం లో కలిసి పోయేది.

ఓ వేసవి సెలవుల తరువాత ఈ పెద్దమ్మ కనబడ కుండా పోయింది. మాకు బటాణీలు అమ్మే అవ్వ ఏమైందో తెలియకుండా పోయింది.

ఓ పది రోజుల తరువాత , మా హెడ్ మిస్ట్రేస్సు మమ్మల్ని స్కూలు గ్రౌండ్ లో హాజరు పరిచి "అమ్మలూ , మీరు బటాణీల  అవ్వ దగ్గిర దాచిన పైసలు , అవ్వ మీకందరికీ  పలకా బలపం కొనిబెట్టమని చెప్పి ఇచ్చిపంపించి తాను దేవుడి దగ్గిరకి వేల్లిపోయిన్దర్రా"  అని చెప్పి మౌనం గా ఉండి పోయింది.

ఆ తరువాయి మేమెప్పుడూ మా పెద్దవ్వ  అంత భారద్దేశం నవ్వు చూళ్ళేదు.  మీకెక్కడైనా ఆ బోసి నవ్వు అవ్వ కనిపించిందా ?

జిలేబి.

చేత వెన్న ముద్ద - మాలికా హార కూడలి పూదండ!

చేత బ్లాగు

పెట్టుకుని

ఎవడైనా

పత్రికల లో

ప్రచురణల కోసం

పుస్తక ప్రచురణ కోసం

దేవుర్లాడ తారా ?

మాలికా కూడలీ హారములు

చెంగల్వ పూదండ ఐ

ఉండ

వేరొక ప్రచురణ అవసరమా

చెప్పమ్మా బ్లాగిణీ ?

 చీర్స్

జిలేబి.

పీ.ఎస్: ఇది బులుసు గారి కి వర్తించదు.

హారం లో నాకిష్టమైనది

హారం లో

నాకిష్టమైనవి

 వ్యాఖ్యలు

హా , అవి 

 నాకు రమ్మ్!

అసలు రాతలకన్న

ఈ కొసరు కామెంటులు

కొత్తావకాయ  లా  

నోరూరించే కారమ్ !

మరో పెగ్గుకి పిలుపులు !

రెండో పెగ్గుకి

చీర్స్ చెబుతూ

మీ

జిలేబి.

సందేహం ఏల జిలేబి - వాడు నీవాడే

సందేహం ఏల జిలేబి ?

'some' దేహం కొసం?

'sum' గా దేహాన్ని వదిలిపెట్టు

వాడు నీవాడే

కమల నయనుడు

కరుణార్ద్ర హృదయుడు

య ఏవం వేద !

చీర్స్

జిలేబి.

ఇది  దరి చేరిన పుష్పం కి సీక్వెల్

శ్రీ శర్మ గారి - కాలజ్ఞానం - 4- గురించి - నాకు తోచినది

ఆలోచనాతరంగాలు శ్రీ సత్యనరాయణ శర్మ గారి కాలజ్ఞానం నాలుగు వెలువడింది.

దీని గురించి నా వివరణ నాకు తోచినది -

వీరు ధర్మం నిద్ర లేస్తున్దంటారు. కాలజ్ఞానం నాలుగు లో.

కాలజ్ఞానం రెండు లో

విలాసపు మోజులో పడిన ధర్మం

కళ్ళు మూసుకుని ఊరుకుంటుంది

 

అంటారు.

 

ఒక దానికి ఒకటి contradictory గా ఉన్నట్టున్నాయి.

 

కాలజ్ఞానం నాలుగు లో నాకైతే ఎట్లాంటి ప్రత్యేకతలు కనిపించడం లేదు. ముప్పై సంవత్సరాలకొక సారి సామాన్యుడికి బలం వస్తుంది అంటారు . ఒక generation మారడానికి కాలపరిమితి ముప్పై సంవత్సారాలు అందాజగా.  అంతకు మించి ఎట్లాంటి విశేషం వారు సూచిస్తున్నారో తెలియదు.

 

చీర్స్

జిలేబి.

దరి చేరిన పుష్పం

ప్రభూ


నమస్సులకీ


ప్రార్థనలకీ


నమాజులకీ

మౌన ధ్యానాలకీ


నీకూ నాకూ

మధ్య


వేరొక్కరు లేక
 
దరిచేరనీయి

 

నమస్సులతో

జిలేబి.

ఇది సిద్ధార్థుని ఒంటరి పయనం కి సీక్వెల్

గోబీ మంచూరియన్ - అనబడు గ్లోబలైజేషన్

జర్మనీ వాడి వోక్స్ వాగను

జపాను సూషి

ఇటాలియన్ కట్లేరి

చైనా వాడి యూజ్ అండ్ త్రో ప్లేటు

ఇద్దరు ఇండియన్లు

గోబీ మంచూరియన్ సెర్వింగ్

వాచింగ్ కొరియన్ టీవీ

యూసింగ్ అమెరికన్ ఐఫోన్

స్థలం - యుంగ్  ఫ్రౌ కొండలు - స్విజేర్లాండ్

వెరసి

గ్లోబలైజేషన్

ఇవ్వాళ కాదేది కుదరక పోవటం

అయినా ఎందుకో జీవితం లో వెలితి అంటారు

నిజమా ? కలా ?

చీర్స్

జిలేబి.

సిద్ధార్థుని ఒంటరి పయనం

ఆకాశాన

ఒక నక్షత్రం నేల వైపుగా వచ్చింది.

ఓ శుభ నక్షత్రాన ఓ తల్లి ఓ బిడ్డని కన్నది.

ఒక నావ ఈవల తీరాన్ని విడిచింది.

నది వేగం జల వేగం కి ఎదురీతగా

పయనం సాగించడానికి ఆయత్తమైనది

సిద్ధార్థుని ఒంటరి  పయనం మొదలైంది.

చీర్స్

జిలేబి.

ఇది నది దాటిన నావ కి సీక్వెల్

నది దాటిన నావ

ఓ నది ఓ నావ ఓ మనిషి

మనిషి లంగరు తీసాడు

తెడ్డు వేసాడు

 

నావ  నదిని దాటింది.

నావ ని తిరిగి చూడకుండా

సిద్ధార్థుడు వెళ్లి పోయాడు

నావ నవ్వింది తీరం చేరబడి

 నది తన మానాన తాను సాగిపోయింది.

చీర్స్

జిలేబి

ఇది ఐ హేట్ జిలేబి కి సీక్వెల్

ఐ హేట్ జిలేబి

ఒక అవ్వ జిలేబీలు అమ్మేది

ఆ దరిదాపుల్లో ఎగిరే కాకి ఒకటి

అప్పుడప్పుడు జిలేబి వాసనల్ని పసిగట్టేది

కాకి కి అవ్వ వేడైన వడలు వేసిన కథలు తెలుసు  కానీ

జిలేబీలు చుట్టే అవ్వ దగ్గిర నించి జిలేబి లు ఎలా

లాగాలో తెలియలేదు.

అవ్వా అవ్వా, ఐ హేట్ జిలేబీలు అంది కాకి

పోనీలే అమ్మీ, జిలేబి లు వంటికి , పంటికి , కంటికి

మంచిది కాదులే అని ఓ మాంచి వేడైన జిలేబి ని

పక్కన పెట్టి నిద్ర పోయింది అవ్వ .

కాకి వేడైన జిలేబి ని ముక్కున కరుచు కొని పైకేగురుతూ

కావు కావు మన్నది.

ఇంకే ముంది జిలేబి జారి   పడ్డది.

నేనప్పుడే చెప్పాను గా జిలేబి పంటికి మంచిది కాదని అంది

అవ్వ  నిదుర మాని.

నిజం, ఐ హేట్ జిలేబి అంది  కాకి ,

నాట్ బికాస్ ఐ లవ్ వడ, బట్

కాలం మారినా  కథలు మార కూడదు, అందుకని.

కథ కంచికి , మనమింటికి.

చీర్స్

జిలేబి.

పీ ఎస్: ఇది ఫకీరు లడ్డు కి సీక్వెల్

వరూధిని జిలేబి ఒక్కరేనా? - ఒక వివరణ

బ్లాగ్ భాన్దవులారా,

Disclaimer Statement

 

ఈ టపా ఇంతకు మునుపు ఒక సారి ఆల్రెడీ రాసాను  ఈ మారు మళ్ళీ రాస్తున్నాను -

ఏదైనా అపోహలు ఉంటె వాటిని తొలగించడానికి ఈ టపా పునః  టపా కీ కరణం.  దయచేసి గమనించగలరు. 

ఈ బ్లాగుల్లో రాస్తున్న వరూధిని , జిలేబి ఒకరే వ్యక్తీనా లేక ఇద్దరనా అన్న సందేహం కొందరికి వస్తున్నది.

వరూధిని అన్న పేరుతొ నేను ఈ బ్లాగు మొదలెట్టాను. ఈ పేరెందుకు పెట్టానో నా మొదటి టపా లో తెలిపాను .

 ఆ పేరుతోనే మరి ఒక బ్లాగోదరి ఉన్నారని వారు కూడా ప్రముఖ బ్లాగు రైటర్ అని ఆ తరువాయి నాకు తెలిసింది.

కొంత మంది జిలేబి పేరు ఏమిటి ఈ విడకి ? - ఈ విడకి జిలేబి లంటే మరీ ఇష్టమా అని కూడా సందేహ పడి పోయారు

ఇందు మూలకం గా వచ్చిన సందేహాలకి సరి ఐన సమాధానం ఇవ్వ వలసిన భాద్యత నా దని భావించి  దీని మూలకం గా అందరికీ  తెలియ జేసు కోవటం ఏమనగా - బ్లాగ్ బాన్ధవులార- నా బ్లాగు పేరు మాత్రమె వరూధిని - నా పేరు జిలేబి. ఈ విషయాన్ని గ్రహించగలరు !

ఇట్లు

చీర్స్

చెప్పుకుంటూ

మీ వరూధిని, కాని జిలేబి.

మీ వరూధిని కాని జిలేబి.

పీ ఎస్: ఆ వరూధిని గారెవరో వారు కూడా నా లాగ ఒక Disclaimer ఇవ్వగలిగితే బెటరు !

ఫకీరు లడ్డు

ఓ ఫకీరు కి లడ్డు తినాలన్న

కోరిక కలిగింది

మనసు - ఆ హా

ఇంకా జిహ్వ చాపల్యం

వదల్లేదే అంది

బుద్ధి పొతే పోనీలే -

అంతా వాతాపి జీర్ణం

అని కానిన్చేయ్ అంది

ఫకీరు లడ్డు

లాగించి

బ్రేవ్ మన్నాడు

ప్రాణం గాలి లో కలిసి పోయింది

చీర్స్

జిలేబి

దీపావళీయం చదవదలచుకుంటే కింద లింకు నొక్కండి.

ఓ "ఫన్ ఆర్ట్" విత్ జే కే - ముఖాముఖి విత్ బులుసు సుబ్రహ్మణ్యం ! 

గరమ్ నరం బేషరం !

పెళ్ళికి మునుపు

నేను షరం

తను గరమ్

పెళ్ళయ్యాక

నేను గరమ్

తను నరం

పరిష్వంగం లో ఇప్పుడు

ఇద్దరం మమేకం

గరమ్ నరం విడచి బేషరం !

చీర్స్

జిలేబి

దీపావళీయం చదవదలచుకుంటే కింద లింకు నొక్కండి.

ఓ "ఫన్ ఆర్ట్" విత్ జే కే - ముఖాముఖి విత్ బులుసు సుబ్రహ్మణ్యం !

దీపావళీయం - ఓ "ఫన్ ఆర్ట్" విత్ జే కే-బులుసు గారితో బ్లాగ్ముఖీ

బ్లాగ్ లోకానికి దీపావళి శుభాకాంక్షలతో - మీ జిలేబి సమర్పించు

ఓ "ఫన్ ఆర్ట్" విత్ జే కే

బ్లాగ్ముఖి

ముఖాముఖి విత్ బ్లాగర్ 'బులుసు సుబ్రహ్మణ్యం'

(నవ్వితే నవ్వండి - వారి బ్లాగ్)

 

పూర్తి టపా చదవడానికి ఇక్కడ నొక్కండి

స్నిప్పెట్స్ :


మీకు నచ్చిన వంటలు ?

ఆహా! ! ఏమి గుర్తు చేసారండి. వంకాయ పచ్చడి ఉప్పిడి పిండి, పెసరట్టు ఉప్మాకి అల్లం పచ్చడి OK కానీ పుల్ల మజ్జిగ కలిపిన కొబ్బరి పచ్చడి ఓహ్, మరీను !

మీ పెళ్లి కలలు  ?

ఎలా ఐనా నా పెళ్ళికి బంగారు రోలూ, బంగారపు కట్లేసిన పగడపురోకలితో పసుపు దంచాలని కలలు కనేవాణ్ణి...హిహిహి.

 

దీపావళీ శుభాకాంక్షలతో

చీర్స్

జిలేబి.

ఓ "ఫన్ ఆర్ట్" విత్ జే కే - ముఖాముఖి విత్ బులుసు సుబ్రహ్మణ్యం !

బ్లాగ్ లోకానికి దీపావళి శుభాకాంక్షలతో - మీ జిలేబి సమర్పించు

ఓ "ఫన్ ఆర్ట్" విత్ జే కే

బ్లాగ్ముఖి  

ముఖాముఖి విత్ బ్లాగర్ 'బులుసు సుబ్రహ్మణ్యం'

(నవ్వితే నవ్వండి - వారి బ్లాగ్)

నమస్కారంబులు సుబాల సుబ్రహ్మణ్యం గారూ!


హతోస్మి ! నా పేరుకి మరో కలికి తురాయి !

మీ పరిచయం ?

హిహిహి నేనే.
రీజినల్ రీసెర్చి లెబోరేటరీ, జోర్హాట్ లో సైంటిస్ట్ గా పనిచేసాను. ఇప్పుడు 'Retyred'!

మీ పేరు కి మరో కలికి తురాయి అన్నారు ఎందుకు ?

వీరి వీరి గుమ్మడి ప౦డు వీరి పేరేమి ? పేరులో  ఏము౦ది అని తీసిపారే్సేవారు చాలామ౦ది అయితే, పేరులోనే పెన్నిధి ఉ౦ది అని నమ్మేవాళ్ళలో నేనొకడిని. సుబ్రహ్మణ్య౦ అని స రి గ్గా నోరారా ఎవరైనా పిలిస్తే పలకాలని ఒకకోరిక..

ఇ౦ట్లో సాధారణ౦గా ఒరేయ్ సుబ్బిగాఅని, ఎప్పుడైనా కొ౦చె౦ ప్రేమగా సుబ్బయ్యా అనో పిలిచేవారు.

ఆనర్సు చివరి స౦వత్సర౦లో ఒక చైనీయుడు ఇ౦గ్లీషులో పి.జి. చెయ్యడానికి వచ్చాడు.వాడు ఇ౦గ్లీషు ప్రొనౌన్సియేషన్ కి నానా త౦టాలు పడే వాడు.మహా దుర్మార్గుడైన మా మిత్రుడొకడు వాడికో సలహా పాడేసాడు. నాపేరు స్పష్ట౦గా పలకగలిగితే ఏ భాషనైనా సరిగ్గా ఉచ్చరి౦చ వచ్చును అని.

ఓ సాయ౦కాలము సమావేశ౦ ఏర్పాటు చేసాడు.వాడు ఉత్సాహ౦గా నా నామస్మరణ మొదలు పెట్టేడు. ’సు’ ని ’శు’ ని ఒకదాని మీద ఒకటి పెట్టి, ’శు’ కి౦ది మెలికని, ’సు’ పైకొమ్ముని ’జు’ తో లాగుతూ కుడికాలుని మడిచి ఎడ౦చేతితో ఒక పెదవిని పైకి లాగుతూ కుడి చేతివేళ్ళతో స్వర పేటిక నొక్కుకు౦టూ ఒక్కమాటుగా నోట్లో౦చి, ముక్కులో౦చి గాలి వదిలాడు.

అస్సా౦లో ఉద్యోగ౦లో ఉన్నప్పుడు నన్ను వివిధ రీతులలో పిలిచేవారు. ఒక మణిపూర్ ఆయన సుభ్ రామ్ అనే వాడు. ఓ బె౦గాలీ బాబు, సుబ్బొరోమొనియామ్ తో మొదలుపెట్టి సుబ్బొరోమ్ కి కత్తిరి౦చేసాడు.

ఇ౦కో కన్నడ సోదరీమణి సుభరమన్య౦ అనేది. బర్ అని, భర్ అని, బొర్ అని ’బ్ర’ ని పెట్టిన పాట్లు ఆహా చెప్పనలవి కాదు. ’హ్మ’ అనే అక్షర౦ నా పేరులో ఉ౦దని నేనే మరచిపోయాను.

చిత్రమైన విషయం ఏమిటంటే సంస్కృతం వచ్చిన త్రిపాఠి లు, చతుర్వేది లు కూడా నా పేరు ముక్కలు చేసేవారు.

బులుసు మాష్టారి అబ్బాయి గా అవతరి౦చి, శ్రీలక్షమ్మగారి భరతగా ఎదిగి, సిరి కా పాపా గా పరిణామ౦ చె౦ది, చివరకు స౦జన తాతగారి లా మిగిలిపోయాను.

ఒక బ్లాగరైతే ఏకం గా నన్ను - "ప్రియమైన సఉబరహమణయమఉ గారికి సాదర ప్రణామములు" అన్నాడు !


 
మీ వయసు ?


చాలా  పురాతనమైన వాడిని.నా వయసు ఇంకా అరవై ఆరే.

 
రిటైర్ అయ్యాక మీరేమి చేస్తున్నారు ?


గత మూడేళ్ళుగా రిటైరయ్యి ఇంట్లో కూర్చున్నప్పటినించీ నేను జ్ఞాని నయిపోతున్నా ఈ మధ్యన తెగ జ్ఞానం సంపాదించేస్తున్నానేమోనని అనుమానం డౌటు కలిగింది. ఎడా పెడా, కుడీ ఎడమా, రెండు చేతుల తోటీ జ్ఞానం అర్జించేస్తున్నానని నమ్మకం కూడా కలిగిపోతోంది.

ఇంత జ్ఞానం ఇల్లా సంపాయించేస్తుంటే బ్రహ్మజ్ఞానిని అయిపోతున్నానేమోనని అనుమానం వచ్చేస్తోంది.

 మొన్నోకల కూడా వచ్చింది. బాసింపట్టు వేసుకొని, కళ్ళు తెరిచి నేను తపస్సు చేసుకుంటున్నాను. రెండు కళ్ళకి ఎదురుగా రెండు టీ.వీ లు, చెరోపక్కా రెండు చెవులకి ఇంకో రెండు టీ.వీ లు (చెవులకి టీవీ లు ఎందుకు? రేడియో చాలదా అని ప్రశ్నలు వేయకండి.నా కల, నా ఇష్టం)


 
మీ శ్రీమతి గురించి .... ?

కొంతమందికి ఊత పదాలుంటాయి. కాని మాఆవిడకి ఊతవాక్యాలే ఉన్నాయి. నో పదమ్సు, ఓన్లీ వాక్యమ్స్ అన్నమాట.

పెళ్ళికి ముందు మాఆవిడ నాఫొటో చూసింది కాని నాకు ఆభాగ్యం కూడా కలుగలేదు.నో పెళ్ళిచూపులు. మారేజి లుక్స్ పెళ్ళిలో తెరతీసిన తర్వాతే నన్నమాట.

“ మీ మొహం, మీకేం తెలుసండి” అని. ఇవి మాఆవిడ నాతో మాట్లాడిన మొదటి మాటలు, ప్రేమ సంభాషణ, తొలి పలుకులు, లవ్ నతింగ్స్, మొహబ్బతికి బాతేం.

“మీర జాల గలడా నాయానతి సతీ ద్రౌపదీ పాక మహిమన్” అని పాడు కుంటూ పొద్దుటి నించి నన్ను తిండి పోతు ని చేసి నీరసం వచ్చేలా చేసిందంటే నమ్మండి !

భరించువాడు భర్త అంటారు. కాబట్టి ఆవిడ ఏమన్నా భరించక తప్పుతుందా. పెళ్ళైన తర్వాత ఆడువారికి జ్ఞానం పెరుగును, మగవారికి తరుగును అని ఓ సన్యాసి నాకు  చెప్పాడు.


 
మీ ఆవిడ చేసే తప్పులకి మీరెలా స్పందిస్తారు ?

 
సాధారణంగా మాఆవిడ చేసే తప్పులు రోజుకి నాల్గైదు అయితే క్షమించేస్తాను. అంతకు మించితే ఆగ్రహిస్తాను. ఆగ్రహించి చేసేదేమీ లేదు కనక ఇల్లాంటి రోజులు నాలుగు లెఖ్ఖ పెట్టుతాను. మరుసటి రోజున మౌన నిరసన వ్రతం చేస్తాను. ఎదో విదంగా మరి నా అసమ్మతి తెలియచెయ్యాలి గదా. ఉద్యమిస్తే పోయేది భార్య కాదు. ఆమె చేతిలో మన మానప్రాణాలు!

 
ఆహా భార్యావిధేయుడనని చెప్పుకుంటూ, ఆవిడ మీద వ్యంగ టపాలు రాస్తారని పురుషహంకార ఆభిజాత్య కుట్రలు.?

 
ప్లీజ్ మాఅత్తగారికి, మాఆవిడకి అసలు చెప్పకండి. పెద్దవాడిని ఉపవాసాలు ఉండలేను.



మీ పక్కింటి పంకజాక్షి గురించి నాలుగు ముక్కలు ... ?

 
రిటైర్ అయిన మరుసటి రోజు నేను మృదు మధుర శాంత స్వనంతో మా ఆవిడని ఉద్దేశించి “ దేవీ శ్రీదేవి, ఆర్యపుత్రీ, ఓ కప్పు కాఫీ కావాలి” అని దీనంగా అభ్యర్ధించాను.

 మాఆవిడ విందో లేదో నాకు తెలియదు కాని మా పక్కింటి పంకజాక్షి వినేసింది.

ఆవిడ కు ఉన్న ఏకైక పని మాఇంట్లో దూరదర్శన్, దూరశ్రవణ్ ప్రసారాలను monitor చేసి పున:ప్రసారం చేయడం. నామాట వినడం, వాటికి ఇంకో రెండు విశేషణాలు జోడించి, వాటిని తన మొబైల్ లో SMS చేసెయ్యడం జరిగిపోయింది.

అదేదో వల పని(Net working) ట ఒక నొక్కుతో పాతిక మందికి పంపవచ్చుట.

ఈవిడ మూడు నాలుగు నొక్కులు నొక్కిందనుకుంటాను. అంతేకాదు లాండ్ లైను, మొబైలు ఉపయోగించి ఇంకో అంతమంది కి ’అడక్కుండానే సమాచారం మీచెవిలో’ స్కీము లో ప్రసారం చేసేసింది.

ఒక పావు గంటలో ’ఆల్ నెట్ వర్క్స్ ఆర్ బిజి’ అయిపోయాయి. మా ఆవిడ మొబైలు వెరీబిజి. SMS లు శరవేగంతో వచ్చేసాయి. నా పాట్లు ఇంకా చెప్పాలంటారా ?

 
బుద్ధి, జ్ఞానం మీద మీరు రిసెర్చ్ చేసారట ?

 
బుద్ధి, జ్ఞా న౦ మీద మాస్నేహితుల౦దర౦ చాలా తీవ్ర౦గా పరిశోధనలు చేసా౦.

ఎదురి౦టిలో పరికిణి, జాకెట్టు వేసుకుని తిరిగేది అమ్మాయి అని తెలుసుకోవడ౦ బుద్ధిఅని, ఆఅమ్మాయి జోలికి వెళ్తే పళ్ళు రాలతాయని తెలుసుకోవడ౦ జ్ఞా న౦ అని.

ఆ తర్వాత ఈవిషయ౦లో నేను సమగ్ర పరిశోధన చేసి, యూనివర్సిటి వదిలేటప్పటికి వెధవ పనులు ఎలా చేయడమో్ తెలుసుకోవడ౦ బుధ్దిఅని, ఆపై తిట్లు, తన్నులు తప్పి౦చుకోవడ౦ జ్ఞా న౦ అని కనిపెట్టాను.

ఉద్యోగ౦లో చేరి౦తర్వాత పని చేయకు౦డా తప్పి౦చు కోవడ౦ బుద్ధి అని, అ౦తా మనమే చేసినట్టు కనిపి౦చడ౦
జ్ఞా న౦ అని నిర్ధారణకు వచ్చేసాను.

ఏమీ తెలియకపోయినా అ౦తా తెలిసినట్లు ఎదుటివారిని నమ్మి౦చడ౦ జ్ఞానానికి పరాకాష్ట అని గ్రహి౦చాను.


 
మీకు జ్యోతిష్యం మీద నోబెల్ బహుమతి వస్తోందటగా?

 
జ్యోతిషం మీద కాక పోయినా, బొందాక్సైడ్ మీద చచ్చేటట్టు పరిశోధనలు చేసినందుకు, నోబులు బహుమతి వచ్చేస్తోంది.

 
తెలుగు మీద, మీ మాస్టర్ల మీద మీ అభిప్రాయం ?

 
తెలుగుమీద ఇప్పుడు బోలెడు అభిమానం ఉన్నా, చిన్నప్పుడు తెలుగంటే నాకు చాలా భయం ఉండేది. మా మాష్టార్లు, ఒకరిద్దరు తప్పితే, మాకు టిఫిన్లు బాగా పెట్టేవారు. పెసరట్టు, మినపరోస్ట్ వీపుమీద, కొంచెం లైట్ గాపడితే పెసరట్టు, అరచేతి ముద్రలు కూడా ముద్రిస్తే మినపరోస్ట్ అని అర్ధం. తొడమీద గిల్లితే పకోడి అనీ, మెలిపెట్టి గిల్లితే పునుకులు అనీ, బుగ్గమీద పొంగిస్తే బూరెలు అనీ, అరచేయి వెనక్కి తిప్పి ముణుకులు వాయగొడ్తే కజ్జికాయలు, మైసూర్ పాక్ అనీ అనేవాళ్ళం.

క్లాసులో అందరూ ఐన్ స్టీన్ లే ఉండరు. నాలాంటి మిడతంభొట్లుగాళ్ళు కూడా ఉంటారు. మాగురువులు అంటే మాకు అభిమానం, గౌరవం. మాగురువులు మాకు పాఠాలు. నేర్పారు, I repeat, నేర్పారు , అవసరమైతే ఓ దెబ్బవేసి. చదువు దాని ప్రాముఖ్యత గురించి, మా తల్లి తండ్రుల కన్నా మాగురువుగార్లే ఎక్కువగా చెప్పారు. బహుశా వాళ్ళు మామీద అంత శ్రద్ధ తీసుకోక పోతే, ఈనాడు ఈమాత్రమైనా మేము ఎది్గేవారం కాదు..


 
మీది ఒంగోలా? అయితే ఒంగోలు శీను తెలుసా ?

 
నాకు ఒంగోలు గిత్త తెలుసు. దానిపేరు చీను అని తెలియదు,శీను గారి గురించి నాబ్లాగులో ఎందుకు వెతుకుతున్నారో నాకు అర్ధం కావటంలేదు. వారు మీకు త్వరలో దర్శనమివ్వాలని కోరుకుంటున్నాను.

 
మీ జీవితం లో ముఖ్యమైన రెండో మనిషి ?

 
నాజీవితంలో ముఖ్యమైన రెండో మనిషి, ఎప్పుడూ నన్ను విమర్శించే మా బాసు గారు, ఏపనీ సరిగ్గా చేయవేమోయి శంభులింగం అనీ, అసలు నీకు చేతనైన పని ఏదైనా ఉందా శంకరనారాయణా అనీ, నాకు అధికారాలు లేవుకానీ, ఉంటే నీకెప్పుడో ఉద్వాసన చెప్పేసేవాడిని సింహాచలం అనీ, అనేవాడు. నా ప్రమోషను కాగితం పట్టుకొని, పదిహేనేళ్ళు ఒకే సీట్లో కూర్చున్నవాళ్ళందరికి ఇవ్వాలని రూలుండబట్టి నీకు ఇవ్వాల్సివచ్చింది భజగోవిందం అని విచారించాడు. నన్ను ఎవరూ ఆదర్శంగా తీసుకోకూడదని మనస్ఫూర్తిగా దేవుడిని ప్రార్ధించి, రెండు నిముషాలు మౌనం పాటించి మరీ ప్రమోషను ఆర్డరు చేతికి ఇచ్చాడు.

మీరు ఎప్పుడు బ్లాగటం మొదలెట్టారు ?

జూన్ 12, 2010 న బ్లాగు మొదలు పెట్టాను. 14 న మొదటి టపా వేశాను. సంకలినులు ఉన్నాయని అప్పుడు తెలియదు. రెండు టపాలు వేసిం తరువాత  జూలై 1 న కూడలి లో చేర్చాను.  ఆ తరువాత మాలిక, జల్లెడ లలో చేర్చాను  15-20  రోజుల  తరువాత. హారం లో నా బ్లాగు లేటు గా చేర్చాను.  8  టపాల తరువాత అనుకుంటాను.  అన్ని సంకలినుల నిర్వాహకులకు మనస్ఫూర్తిగా ధన్యవాదాలు చెప్పుకుంటున్నాను.  నా బ్లాగులో మొదటి కామెంటు    శ్రీలలిత గారు  పెట్టారు. 21 టపాలకీ సుమారు గా 570 కామెంట్లు వచ్చాయి.  శ్రీలలిత  గార్కి  హృదయ పూర్వక  ధన్యవాదాలు చెప్పుతున్నాను.  నా మొదటి టపాకు  ఒకే ఒక్క కామెంటు  తార గారిది.  మొదట్లో  బ్లాగుల గురించి అంతో ఇంతో నేను తెలుసుకున్నది తార గారి ద్వారానే. వారికి నా కృతజ్ఙతా పూర్వక ధన్యవాదాలు.  కామెంట్లు పెట్టిన వారందరికి హృదయపూర్వక కృతజ్ఙతాభి వందనములు.

అదేమీ పేరు బ్లాగుకి - నవ్వితే నవ్వండి అని ?

మీరంతా నవ్వుతారా, నవ్వి పోతారా, ముత్యాలు దొర్లిస్తారా, లేదా అనే నా  ఆదుర్దా నాది. నా హాస్య చతురత సామాన్యమే. మీ అందరి అభిమానమే నాకు శ్రీరామ రక్ష.

మిమ్మల్ని లేపెస్తామన్నవాళ్ళూ, కిడ్నేప్ చేస్తామన్న వాళ్ళూ ఉన్నారంట ?

నన్ను లేపేస్తానన్నవారు ముగ్గురు నలుగురు ఉన్నారు. గీతాంజలి లో లాగైనా లే...చి..పో..దా..మా. అన్న వారూ ఉన్నారూ  సంతోషం, అల్లాగే తప్పకుండా. కానీ ఒక చిన్న చిక్కు ఉంది. నాది కొంచెం భారీ శరీరం. దాన్ని లేపాలంటే ఓ crane కావాలి. అది పట్టుకొచ్చారంటే నన్ను లేపుకుపోవచ్చు.

అయినా నన్ను కిడ్నాప్ చెయ్యడానికి ముఠాలు, ప్రణాళికలు, అనవసర హైరానా ఎందుకు. ఎక్కడికి రమ్మంటే అక్కడికి నేనే వచ్చేస్తాను. కానీ మళ్ళీ నన్ను వదుల్చుకోవాలంటే కొన్ని లక్షలు ఖర్చు అవుతాయి మరి. జాగ్రత్త.

మీ టపాలు చదివి మలక్పేట్ రౌడీ లాంటి వాళ్ళే భయపడ్డారట !?

 
ఎంత పోరినా, హత్యలు చేసినా, ఎంత రౌడీ అయినా, భార్యా బాధితుడే కదండీ మరీ !

 
మీరు పరభాషా చిత్రాలు చూస్తారా ?

 
నేను జోర్హాట్ లో ఉద్యోగంలో చేరిన కొత్తలో ఓ ఆదివారం, తెల్లవారు జామున అంటే సుమారు 8.30గం మా సమరేంద్ర నాధ్ సేన్ గారు భళ్ళున తలుపు తోసుకొని వచ్చి నన్ను కంగారు పెట్టేసాడు. లే లే ఇంకా పడుకున్నావా. టైము అయిపోతోంది అంటూ. విషయం అర్ధం కాకపోయినా నేను తయారయి రాగానే నన్ను సైకిలు మీద ముందు కూర్చోపెట్టి రయ్ రయ్ మని రొప్పుతూ రోజుతూ తొక్కేస్తున్నాడు.

నేను ఎక్కడికి అనగానే ముయ్ నోరు అన్నాడు. నేను నోటితో పాటు కళ్ళు కూడా మూసుకొన్నాను. కళ్ళు తెరిచి చూసేటప్పటికి నేనో సినిమా హాల్లో సుఖాసీనుడనై ఉన్నాను. సరిగ్గా టైము కి వచ్చామని సేను గారు ఆనం దించి నన్ను కూడా దించమన్నాడు.

తెర మీద మనకి అర్ధం కాని భాషలో, అక్షరాలో, అంకెలో కూడా తెలియకుండా వచ్చేసి, సినీమా మొదలై పోయింది. ఏమీ అర్ధం కావటం లేదు. అయినా అల్లాగే చూస్తున్నాను

ఓపది నిముషాల తర్వాత సినిమాలో ఓ కాకి వచ్చింది. కావ్, కావ్, కావ్, కావ్ మని నాలుగు మార్లు కావుమంది. మా సేనుడు వహ్వా, వహ్వా అన్నాడు. ఇంకో కొంతమంది కూడా వహ్వా, శభాష్, బ్యూటిఫుల్, అని ఆనంద పడిపోయారు. నేను కూడా కొంచెం ఆలోచించి లేచి నుంచుని వహ్వా అనబోతుండగా సేన్ గారు నా చేయిపట్టి లాగి కూర్చోపెట్టాడు.

తెరమీద సీను మారిపోయింది. ఇప్పుడు ఒకాయన ఓ పంచను రాతి కేసి కొట్టేస్తున్నాడు. ఉతుకుతున్నాడన్నమాట. మా సేను కళ్ళలో విషాద నీరు. నాకు కోపం వచ్చేసింది. ఏంజరుగుతోంది, ఆ కాకి ఎందుకు కావ్ మంది అని అడిగాను.

 కాకి కావ్ మనక భౌ భౌ అంటుందా అని కోప్పడ్డాడు సేను గారు. అపుడు నాకేమీ అర్ధం కాక, పూర్తిగా అయో మయావస్థలో, బెంగాలీ సినీమాల్లో అందులో సత్యజిత్ రే సినీమాలో, కాకులు ఎందుకు భౌ భౌ మన వని పెట్టిన కొచ్చెను మార్కు మొహం..

 
పెళ్ళికి మునుపటికి తరువాయి కి వ్యత్యాసం ?

 
అప్పటి కింకా పెళ్ళి కాలేదు. ’అయినా’ నాకు ముగ్గురు బాసులుండే వారు." పెళ్ళైతే ఒకే ఒక్క బాసు అని పెళ్ళైతే కానీ తెలియలేదు.

 
మీరు యోగా నేర్చుకున్నారటగా ?

 
ఆత్మ ప్రభోధానుసారం, యోగా నేర్చుకుందామని అనుకున్నవాడనై, మా కాలనీలో యోగా నేర్పువారి కోసమై గాలించితిని. మా కాలనీలో ముగ్గురు యోగా గురువులు ఉన్నారని తెలిసింది.

ఇద్దరు మగ గురువులు, ఒక ఆడ గురువు. సహజ ప్రకృతి దోష ప్రభావమున, పరస్పర అయస్కాంతాధారిత విజ్ఞాన సూత్రాదేశముల వలనను, మొదటగా రెండవ వారి దగ్గర నేర్చుకొనవలనను ఉత్సుకత కలిగినది.

ఓ శుభ సాయం సమయమున, పిల్లలు ట్యూషనుకు వెళ్ళు వేళ, ఆటో వాళ్ళు మీటరు మీద పది రూపాయలు అడుగు వేళ, గృహంబునకు అరుగు దెంచు శ్రీపతులకు, శ్రీమతులు ఆలూబొండాలు, బజ్జీలు వేయు వేళ, సువాసనలను ఆఘ్రాణించుచూ ఆడగురువు గారి గృహాంగణమున అడుగు పెట్టినవాడనైతిని.

నా రాకను మాగురువుగారి పుత్రశ్రీ ఇంటిలో సమాచారము ఇచ్చినవాడయ్యెను. ఒక పది నిముషములు అతి భారముగా గడిచిన పిమ్మట, ఓ మధ్య వయస్కుడు, సుమారుగా నలభై ఏళ్ళ వయసు గలవాడు నా ఎదుట ప్రత్యక్షమైనాడు. "I am Sailajaa naath, What can I do for you ?"అన్నాడు.!


నా కాలి క్రింద భూమి కంపించెను. ఆకాశమున ఫెళ ఫెళా రావము లతో ఉరుములు, మెరుపులు గర్జించెను, మెరిసెను. సముద్రమున అలలు ఆకాశమున కెగసెను. పర్వతములు బద్దలయ్యెను.

 
మా ఏడుకొండలవాడి గురించి మీ అభిప్రాయం ?
 
శ్రీవెంకటేశ్వర స్వామి ఒక విధమైన నిద్ర మత్తు లో ఉంటున్నారు రాత్రి 12.30 గం నిద్రపుచ్చి నట్లే పుచ్చి, 1.30 గం లకు సుప్రభాతం పాడుతున్నారు. వారికి విశ్రాంతి, నిద్ర రెండు నూ లేవు. వారి వంటిమీద, వారి ఖజానాలోనూ యున్న ఆభరణములు మాయమైననూ వారికి తెలియ లేదు. బ్రహ్మ, శివ, దేవేంద్రాది దేవతలు పెద్ద పెద్ద గొంతుకలతో స్తోత్రము చేసిననూ వారికి వినిపించుట లేదు. నేనెంత, నాగొంతు కెంత, నా అభిప్రాయాలకి విలువెంతంటారు జేకే గారూ ?



మీ 'నేను ఎందుకు రాస్తున్నాను " టపా మీద చెలరేగిన దుమారం, విమర్శకి లోనయ్యిందని వినికడి ?



ఈనాటె బ్లాగు పోకడల గురించి సరదాగా, నవ్వుకోవడం కోసం వ్యంగంగా రాసిన వ్యాఖ్యానం “నే నెందుకు వ్రాస్తున్నాను” అన్న నా రచన. ఇందు కోసం అలనాటి పురాణ రచయితలని, కధలు చెప్పిన వారిని , గురించి కొంచెం సరదాగా, హాస్యం కోసం రాయడం జరిగింది. అంతే తప్ప వారిని, తద్వారా పురాణాలని కించపరచడం నాఉద్దేశ్యం కాదు. ఒక వేళ ఎవరైనా అల్లా అభిప్రాయపడితే వారికి నా క్షమార్పణలు చెప్పుతున్నాను.
పురాణాల గురించి, మతం గురించి కాని చర్చించే టంతటి జ్ఞానం నాకు లేదు. అది ఈ బ్లాగులో నా ఉద్దేశ్యం కాదు. సహృదయంతో అర్ధం చేసుకుంటారని ఆశిస్తున్నాను.

నేను పురాణాలు ఆట్టే చదవలేదు. కాబట్టి వాటి గురించి చెప్పే అర్హత నాకు లేదు. ఏపురాణమైనా, మతమైనా మనిషి ని సన్మార్గంలో నడిపించడానికి, సత్ప్రవర్తన అలవర్చుకోవాలని బోధిస్తాయి. అది అందరూ చెపుతున్నారు. మళ్ళీ ఈ విషయం మీద నాబ్లాగులో చెప్పాల్సిన అవసరమూ లేదు.

 
ఉజ్వల భట్టాచార్య తో మీ  అఫైర్ ?


నావలో కూర్చుని “లాహిడ్ లాహిడ్ లాహిడ్ లూల్ జంగమే హుయాళా హుయలా” అని పాడేస్తోంది అనుకున్న నాకు షాక్- ఉ.కృ.నా.మీ అయితే రెండు రోజులు తేరుకోలేదు.

మరి ఇలియానా మాటో ?

  

ఎవరూ, రంగమ్మ గారా?  లిఫ్ట్ లోకి అడ్డంగా కానీ వెళ్లలేని ఆవిడా ? చాలా కాస్ట్లీ అఫైర్ అది. జేబు చిల్లు పడింది ఎక్కువ. చమురు వదిలిందీ ఎక్కువే ! చమురు ఎంత వదిలినా ఆరోగ్యమే మహా భాగ్యము కదా.
ఎప్పుడు అవకాశం వస్తుందా అపార్ధం చేసుకోవటానికి అని ఎదురు చూస్తున్నారా మీరు. దొరికి పోయానా ? 

ఈ విషయం అమ్మగారికి చెప్పమంటారా ? 


ప్రతిదీ అమ్మగారి దగ్గరికి తీసుకెళ్లతానంటారు. కాంగ్రెస్ తీర్ధం పుచ్చుకున్నారా ఏమిటీ?

మీరు కొత్త ఫిట్టింగ్ లు ఏమి పెట్టకండి. ప్రభావతి గారు ఎప్పుడూ దుర్గాదేవి లాగా కళకళ లాడుతూ కనిపిస్తుంది ప్రద్యుమ్నుడికి.  

మీకు  బ్లాగ్ లోకం లో  జంధ్యాలగా,  ముళ్ళపూడి గా  గుర్తింపు ?

 
ధన్యవాదాలు మీ వ్యాఖ్యలకి. ఏమిటోనండి సీరియస్ గా గంభీరంగా రాద్దామనే ప్రయత్నిస్తాను. మరి అందులో కూడా హాస్యం చూసే సహృదయులు మీరు.

ఒక బ్లాగరి  జంధ్యాలగారి లా అన్నారు. కొందరి కి పానుగంటి వారిలా రాసాని అనిపించింది. మరి కొందరికి చిలకమర్తి జ్ఞాపకాని కొచ్చారు . (ఎవరూ బులుసు లా రాసేరాని మేచ్చుకోరేమిటి చెప్మా? )

వారి స్థాయిలో కనీసం ఓ 10-15% అందుకున్నా ధన్యుడిని అయినట్టే అనుకుంటాను. దానికే నా జీవిత కాలం సరిపోతుందా అని అనుమానం. కానీ వీరిద్దరి కన్నా నేను ముళ్ళపూడి గారిని అబిమానిస్తాను. వారు చేసే మాటల గారడీ మరెవరు చేయలేరనిపిస్తుంది నాకు. థాంక్యూ.

 
మీ బ్లాగుకి వచ్చిన వందలాది కామెంట్లు చదివి మీరెలా ఫీల్ అయ్యారు ?

 
కామెంట్లు రాసిన వారందరికి ధన్యవాదాలు, కృతజ్ఞతలు, థాంక్యూ.
మావుల గుంపులందు మధుమాసములన్
వికసించు కోకిలారావము వోలె (వేదుల)
వినిపించాయి మీ సుమధుర వ్యాఖ్యలు!

మీ బ్లాగు దర్శకులకి మీ ఆహ్వానం ?


స్వాగతం సుస్వాగతం పలుకుతున్నాను
ఆ పరిచిన పూల మీదుగా ఇలా నడిచి రండి
ఆ సింహాసనం అధిష్టించండి
ఈ పూలగుచ్చం స్వీకరించండి
ఈ గజమాల వేయనీయండి
ఈ పట్టుశాలువా స్వీకరించండి
ఈ కానుకలు స్వీకరించండి
నేను విసురుతున్న వింజామరనుంచి
వీచే మలయమారుతాన్ని ఆస్వాదించండి
పళ్ళు ఫలహారాలు భోంచెయ్యండి
మీకోసం ప్రత్యేకం గా తయారుచేయించిన
జున్నుపాల పరమాన్నం ఆరగించండి


మీ ఇంటి లాండ్ లేన్ నెంబర్ ఇస్తారా ?


నా జీవితం తెరిచిన BSNL వారి హైదరాబాదు టెలీఫోను డైరక్టరీ. అనవసర విషయాలు ఎక్కువ, అవసర విషయాలు నిల్. చిన్న చిన్న అక్షరాలలో Dr. B. Subrahmanyam, South End Park అన్న చోట ఉండే నంబరు నాదే నాదే. మీకు లావుపాటి కళ్ళద్దాలు ఉంటే అందులోంచి చిన్న అక్షరాలు కనిపించవు ఆనుకుంటే 040 24122304 కి టెలిఫోన్ చేసి చూడండి. ఆపైన మీ అదృష్టం.

Concept by  Zilebi
జేకే - JUST KIDDING !

ABN - Active Bloggers Network 
- ఆంద్ర జిలేబి - ఇంకెవరు నేనే !

చీర్స్

జిలేబి.

ఓ ఫన్ ఆర్ట్ విత్ జేకే - ఎవరా బ్లాగరు - బ్లాగ్ముఖిలో రాబోయేది ?

మీ పేరు ?

పేరులో ఏము౦ది అని తీసిపారే్సేవారు చాలామ౦ది అయితే, పేరులోనే పెన్నిధి ఉ౦ది అని నమ్మేవాళ్ళలో నేనొకడిని

ఓ "ఫన్ ఆర్ట్" విత్ జేకే

బ్లాగ్ లోకపు ప్రధమ సర్జరీ

 

వేచి చూడండి - దీపావళి స్పెషల్

బ్లాగ్ ముఖా ముఖీ - బ్లాగ్ముఖీ !

ఇది ఒక ABN ఆంధ్రా జిలేబి సహ సమర్పణ !

చీర్స్

జిలేబి.

కామెంటిన కనకాంగి కోక కాకి ఎత్తుకు పోయిందని ....

నా కలలో పండిన ' బ్లాగ్వెతలు' !

కామెంటిన కనకాంగి కోక కాకి ఎత్తుకు పోయిందని ....

టపా టప టప టైపాడిస్తే చాలదు , కామెంట్లూ పండాలి

జగమెరిగిన బ్లాగరునికి సంకలిని ఏల ?

కానక కానక కామెంటు పెడితే , కరెంటు పోయిందట !

ఈ బ్లాగుకి ఆ బ్లాగు ఎంత దూరమో, ఆ  బ్లాగుకి ఈ బ్లాగు కూడా అంతే దూరం !

కొత్త బ్లాగరు 'కూడలి ' వదలడు, కొత్త బ్లాగిణి హారం వదలదు!

టపాలు రాసి కూడలి లో కామెంట్లకోసం దేబరించే మొహమూ నువ్వూను !

చీర్స్ సరిగ్గా చెప్పలేని  చెంచు లచ్చి , బ్లాగాడటానికి వచ్చిందట

 

చీర్స్
జిలేబి.

ఓ ఫన్ ఆర్ట్ విత్ జేకే - బ్లాగ్ లోకపు ప్రధమ సర్జరీ - ఎవరి పై ?

జేకే - మీ పేరు ?

వీరి వీరి గుమ్మడి ప౦డు వీరి పేరేమి ? 

ఓ ఫన్ ఆర్ట్ విత్ జేకే

బ్లాగ్ లోకపు ప్రధమ సర్జరీ - ఎవరి పై ? 

 వేచి చూడండి - దీపావళి స్పెషల్

బ్లాగ్ ముఖా ముఖీ - బ్లాగ్ముఖీ !

ఇది ఒక ABN ఆంధ్రా జిలేబి సహ సమర్పణ !

చీర్స్

జిలేబి.

డైరెక్టర్ జనార్ధన మహర్షి (ధనాధన్) చిత్తూర్లో దేవస్థానం షూటింగ్

ఇద్దరు  కళా అఖండులు - కే విశ్వనాధ్ , ఎస్పీ బాలు ముఖ్యమైన నటులు గా

మా వూరి పొట్టబ్బాయ్ ధనాధన్ అనబడు జనార్ధన మహర్షి  దర్శకత్వం లో - దేవస్తానం అన్న చిత్ర రాజం చిత్తూర్ లో షూటింగ్ ప్రస్తుతం జరుపుకుంటోంది.

ఈ చిత్రం లో ఆమని కూడా నటిస్తోందట !

ఈ పొట్టబ్బాయ్ చాలా పెద్ద వాడే అయ్యాడు సుమీ ! ఏమిటో ఆ కాలపు వెదవాయి అనుకున్నాను సుమీ !

చీర్స్ జిలేబి.

ఓ "ఫన్ ఆర్ట్ " విత్ జే కే - కౌంట్ డౌన్ బిగిన్స్

ఓ "ఫన్ ఆర్ట్ " విత్ జే కే

బ్లాగ్ లోకపు ప్రప్రథమ వెరైటీ టపా 

దీపావళి స్పెషల్

ఫ్లాష్ ఫ్లాష్

వేచి చూడండీ.

కనీ వినీ ఎరుగని - ఇంతదాకా బ్లాగని వెరైటీ టపా

బ్లాగ్ లోకం లో ప్రప్రథమం !

బ్లాగ్

 లోకపు

పేరు గాంచిన బ్లాగర్ తో

ఓ ఫన్ ఆర్ట్ విత్ జే కే - వెరైటీ షో !

ఇది ఒక ABN ఆంధ్రా జిలేబి దీపావళి స్పెషల్ !

జేకే చేత 'ఓ ఫన్ ' ఆర్ట్ సర్జరీ చేసుకో బోయే వారెవరు ?

జే కే ఎవరు ?

ABN ఎవరు ?

ఎవరా మొదటి బ్లాగర్ ?

కౌంట్ డౌన్ బిగిన్స్  

చీర్స్

జిలేబి.

చకు చకు చమకుల బండి - నమ్మ మెట్రో అండి!

చకు చకు చమకుల బండి

లంఖణాల బండి

పదిహేను రూపాయల బండి

నమ్మ మెట్రో అండి!

చల్ చల్

విద్యుత్ బండి

సైలెంటు బండి

కుదుపులు లేని బండి

మన మెట్రో బండి

జోడురైల్ల బండి

వెళ్ళేది ఆకాశం లో

జూమ్మనేది గగనం లో

చకు చకు చమకుల బడి

మన మెట్రో అండి !

చీర్స్

జిలేబి.

ఓ ఫన్ ఆర్ట్ విత్ JK - బ్లాగ్ లోకపు ప్రప్రథమ వెరైటీ షో - దీపావళి స్పెషల్

ఓ "ఫన్ ఆర్ట్ " విత్ JK 

బ్లాగ్ లోకపు ప్రప్రథమ వెరైటీ షో - దీపావళి స్పెషల్

ఫ్లాష్ ఫ్లాష్

వేచి చూడండీ.

కనీ వినీ ఎరుగని - ఇంతదాకా బ్లాగని వెరైటీ షో !

బ్లాగ్ లోకం లో ప్రప్రథమం !

వెరైటీ షో

ఓ ఫన్ ఆర్ట్ విత్ జే కే - వెరైటీ షో !

ఇది ఒక  ABN ఆంధ్రా జిలేబి దీపావళి స్పెషల్ !

జేకే చేత 'ఓ ఫన్ ' ఆర్ట్ సర్జరీ చేసుకో బోయే వారెవరు ?

జే కే ఎవరు ?

ABN ఎవరు ?

ఎవరా మొదటి వ్యక్తీ  ?

చీర్స్

జిలేబి.

ఇంటర్నెట్ రే డియో - !

ఇంటర్నెట్ రే డియో !

జ్యోతి గారు ఇంటర్నెట్ రే డియో గురించి టపా రాసారు. పై ఇంటర్నెట్ రే డియో WIFI ద్వారా కనెక్ట్ చేసుకోవచ్చు. వేలాది ఇంటర్నెట్ రే డియో చానల్స్ వినవచ్చు. ( కంపూటర్ అవసరం లేదు!) అంతే కాకుండా పై రే డియో FM రే డియో లా కూడా పని చేస్తుంది. !

http://www.sagemcom.com/EN/products/image-sound/radios/internet-radio/rm-50.html

చీర్స్

జిలేబి

ఇంటర్నెట్ రే డియో

బ్లాగని బ్లాగిణి బ్లాగరుని గ్రక్కున విడువ వలె

వ్రాసిన చదువని టపా

 కామెంటిన నప్పని కంటెంటు

'సంకలిని ' చేరని

బ్లాగరు - బ్లాగిణి

బ్లాగని బ్లాగిణి బ్లాగరుని

గ్రక్కున విడువ వలె 

గదవే జిలేబి.

చీర్స్
జిలేబి.

చౌ చౌ బాత్ -సెట్ దోస -బై టూ కాఫీ - నమ్మ మెట్రో

బెంగుళూరు మహానగర

చౌ చౌ బాత్

సెట్ దోస

బై టూ కాఫీ

 లాంగ్ వైటేడ్

నమ్మ మెట్రో

బరుత్తదంతా స్వల్ప వె కాల దల్లి

సుమ్మనిరుప్పా -

రాజ్య ముందరిగే  హొగిత్తుదాఇయదే

రాజ్య నాయకరు కంబి ఎన్నుత్తదారే !

నమ్మ మెట్రో - బందే బందు

నోడనే బేకు బెంగుళూరు సొగసే సొగసు

చౌ చౌ బాత్ బై టూ కాఫీ  మాడి

చీర్స్ మాడనే బేకు

చౌ చౌ జిలేబి.

మొబైల్ మానవుడు

పూర్వం మానవుని కి

'mob' ఉండేది

ఇప్పటి ప్రతి మానవుడు

తానో 'isle'

ప్చ్. mob పోయింది

ఇప్పటి 'isle' ల్యాండ్ బతుకు కి

మొబైల్  మొలతాడు

ఇరవై ఒకటవ శతాబ్దం లో మానవుని

మొబైల్ బతుకు , mob లేని -isle బతుకు.

చీర్స్

జిలేబి.

సిగరెట్టు స్పందనల పొగ సవ్వడి - 3- లంగ్స్ ఇన్ లవ్ విత్ పొగ సెగ

చిన్నప్పుడు సాంబ్రాణి
పొగ పెట్టేరు
వః వః అన్నాను
ఉక్కిరి బిక్కిరి అయ్యి
కొద్ది పెద్ద అయ్యేక
వేడి నీటి సెగ
వహ వహ అన్నాను
సెగ పొగ తో

సుకుమారి,  సిగరెట్టు పొగ
తోడయ్యింది పదహారు లో
వావ్ వావ్ అని దీర్ఘ శ్వాస తీసాను

దుడుకు వయసు, సెగ వదలని పొగ

మది ఎద దమ్ముతో వావ్ వావ్ అయ్యింది.

సుకుమారి 'క్వార్టర్ 'అంగి'
సిగరెట్టు మరో 'క్వార్టర్' అంగి
ఉద్యోగం మరో 'క్వార్టర్' అంగి
మిగిలిన నేను 'క్వార్టర్' అంగి

ఇరవైలో పట్టిన స్నేహం
అరవై అయినా పటిష్టం
వైద్యుడు చెప్పేడు ఇంకెన్నో రోజులు
లేవు నీ లంగ్స్ పవర్ అని

ఇన్ని రోజుల లవ్ విత్ లంగ్స్
త్రుటీల్మని 'బాల్చి' తన్ను తుందంటే
పొతే పొయ్యే
కృష్ణ పరత్మాడు చెప్పనే చెప్పాడు -
'ఆత్మ ' కి ఎ పొగ అంటదని
ఈ శరీరం పోయి మరో శరీరం ఫ్రెష్ వస్తుందట !

ఈ మారు విత్ మోర్ లవ్ లంగ్స్ భర్
పీల్చాను -
సుకుమారి , సిగరెట్టు మాయమై
భటుడు ఒకడు కనపడ్డాడు
ఏమిరా అన్నాను
యముండ అన్నాడు

ఏమంటావ్ ?

పై కెళ్లాలి
ఏముందక్కడ ?

నీకు పొగ పెడతారు

హతోస్మి - అంతే కాలం లో కూడా
పొగ తప్పలేదే !
పొతే పొయ్యే -
ఇప్పటికైనా మరో దమ్ము లాగించనా?

(దమ్ము సిగరెట్ రావు స్ఫూర్తి)


చీర్స్
జిలేబి.

జ్యోతిష్యం తెలిసిన వారికి ఓ ప్రశ్న - జవాబు తెలిస్తే చెప్పండి

జ్యోతిష్యం తెలిసిన వారికి ఓ ప్రశ్న - 

ప్రశ్న

యోగం - శుభ యోగం, సిద్ధ యోగం, అమృత యోగం - ఇట్లాంటి వి గ విభజించి ఉన్నారు. వీటి కి గల వ్యత్యాసం ఏమిటి? ఒక శుభ యోగం సిద్ధ యోగమా లేక అమృత యోగమా ఎట్లా గణించడం? ఎవరికైనా ఖచ్చితం గా తెలిస్తే చెప్పగలరు - దయ చేసి.
మీ
జిలేబి.

సిగరెట్టు స్పందనల పొగ సవ్వడి-2 - పొగాకు ఆత్మ ఘోష !

ఆకులో ఆకునై అణగి మణగి

నా మానాన ఉన్నదానిని

ఏ కొమ్మకో ఆకై  కాలం ఐపోతే రాలి పోయే దానిని

మానవుడు నన్ను తాకాడు

ఓ పాపిరుస్ ( అదీ నా లాగే ఓ చెట్టో కొమ్మో )

లో నన్ను చెర  బట్టాడు

చుట్ట అని పేరు పెట్టాడు

ఇష్టం వచ్చినప్పుడు అగ్గి తో నన్ను గుగ్గిలం చేసాడు

విలాసం గా పై కేగారేసాడు

రజనీ స్టైల్ లో

హీరో ల స్టైల్ లో పొగ వదిలేడు

నేడు దగ్గు తున్నాడు - ఖల్లు ఖల్లు మని

దీనికి కారణం నేనన్నాడు

చీత్కారం వెటకారం

రాముడు తాకితే రాయి అహల్య అయిందట

నన్ను తాకితే ఈ మానవుడు బుగ్గి అయ్యే నని ఏడ్చాడు

ఎవరి ఖర్మ కి ఎవరు బాధ్యులు ?

ఆకులో ఆకునై అణగి మణగి

నా మానాన ఉన్నదానిని

ఏ కొమ్మకో ఆకై కాలం ఐపోతే రాలి పోయే దానిని

చెరపకురా చెడేవు అని రాసుకున్న మానవుడు

అడుసు తొక్క నేల కాళ్ళు కడగనేల ?

చీర్స్

పొగాకు ఆత్మ ఘోష

జిలేబి సహాకార 'బ్లాగ్విత'

సిగరెట్టు స్పందనల పొగ సవ్వడి

భారారే భళారే

సిగరెట్టు మీద బాణం

ఎక్కుపెట్టినారే

పొగ తాగనివాడు

దున్న పోతై పుట్టునని

మాస్టారు చెప్పారే

అగ్గి పెట్ట, కుక్క పిల్ల ,సబ్బు బిళ్ళ

కాదేది కవిత కనర్హం అని

సిగరెట్టూ శ్రీ శ్రీ కలిసి

మనకి రుక్కులు అందించారే!

ఔరా , ఈ సిగరెట్టు స్పందనల్

పొగ సవ్వడుల్

కాల గతి లో కథా, కవితలతో దోబుచులాడాయే

ఏమి ఈ దుర్గతి సిగరెట్టు మిత్రమా నీకు

బులుసు గారు సిగారు తో బాణం ఎక్కు పెట్టి ఈ

బ్లాగు సిగారు లోకాన్ని కాపాడ ఓ కామిక్కు రాయ రారే

చీర్స్

జిలేబి.

కాల జ్ఞానం -౩ - రుజువులు

కాల జ్ఞానం -౩ - రుజువులు

ఒక రెండు వారాల  మునుపు తెలుగు యోగి శర్మ గారి కాల జ్ఞానం మూడు వెలువడింది. అందులో ఈ వాక్యం (జరామరణాలు సర్వ సాధారణం - కాని రాసిన కొలది కాలానికే రెండు పెద్ద మనుషుల నిష్క్రమణం శర్మ గారి కాలజ్ఞానానికి ఒక మచ్చు తునక. )

కాల జ్ఞానం - ౩

మేధస్సుకు ఔన్నత్యం పైపూతల అదోగమనం

సాహితీవేత్తల కళాకారుల నిష్క్రమణం

1 . జగ్జీత్ సింగ్ - గజల్ కళాకారుని నిష్క్రమణ - భారత దేశ నేపధ్యంలో
2 . ఆపిల్ స్టీవ్ జాబ్స్ - అంతర్జాతీయ నేపధ్యం లో

ఇట్లాంటి వి రాసేటప్పుడు శర్మ గారు కాల జ్ఞానానికి ఒక 'టైం లిమిట్' అందించి ఉంటె - వాటి ఎఫ్ఫెక్ట్ మరీ క్లియర్ గా ఉండేది. ఇది నా అభిప్రాయం మాత్రమె. ఎందుకంటే ఈ పై వాక్యం ఎప్పటికైనా చెల్లుతుంది - జరామరణాలు సర్వ సాధారణమైనవి కాబట్టి.

చీర్స్
జిలేబి.
(శర్మ గారి బ్లాగులో కామెంట్లు కుదరవు. సో  కామెంటా లంటే వేరే మార్గం ఈ టపా )

ఆపిల్ కోరిన ఆది శంకరుడు

ఒక ఆపిల్ భూమ్మీద పడింది

ఒక న్యూటన్ సిద్ధాంతం పుట్టింది.

ఆ ఆపిల్ చెట్టునించి పడింది.

ఒక ఆపిల్ భూమ్మీద పడింది

డిజిటల్ జీవనం కారణమైయింది

ఈ ఆపిల్ మానవ మేధస్సు నించి.

ఆది శంకరుడు ఆశ పడ్డాడు - ఆపిల్ కోసం !

 తార భువి మీంచి ఆకాశానికి ఎగిరింది.

ఆవల తీరం లో మరో ఆపిల్ పుడుతోందేమో ?

స్టీవ్ జాబ్స్ - కి కొత్త జాబ్ దొరికింది.

నివాళులతో

జిలేబి.

 

ఓటు నోటు లోటు సాపాటు

ఓటుకి నోటు లంకె
బోటుకి లోటుకి లంకె

ఓటు నోటుకి బలి
బోటు లోటుకి బలి

బోటు లేక నది దాట పాటు
ఓటు తప్పిన సాపాటు పాటు

తెలుసుకోవయ్య జిలేబి తియ్యన
ఎక్కువైన నీ లైఫు లేజి

చీర్స్
జిలేబి.