Sunday, July 8, 2012

కామెంటిన కనకాంగి కోక కాకెత్తు కు పోయిందని ....

ఓ కనకాంగి కామెంటు దామని తీరిగ్గా బ్లాగు లన్నీ చదవటం మొద లెట్టింది..

ఓ లమ్మో బ్లాగులన్నీ ఏమి రాస్తారు సుమీ వీళ్ళు అని హాశ్చర్య  పోయింది..

మన తెలుగు బ్లాగు లోకం గత మూడు సంవత్సరాలు గా మారుతూ వస్తోంది.. కొత్త సరికొత్త బ్లాగరి ణీ  బ్లాగర్లు వస్తున్నారు.. సరికొత్త 'మేటరు'' తో మన బ్లాగు లోకం లో కొత్త పుంతలు తొక్కుతూ..

ఆ మధ్య రాయడానికి మేటరు ఏమీ లేక ఏమి చేద్దారి అని ఆలోచిస్తా ఉంటే,, మేటరు లేకుండా టపా 'కట్టడం'' ఎలా అని రాస్తే,, ఓ బ్లాగరు కామెంటు దారు టపా కట్టడం అంటే వేరే అర్థం వస్తుందండీ అని నాజూగ్గా చెప్పేరు.

సరే పోనీ సామేతల్లా బ్లాగ్ వితలు  రాద్దామని కొంత ప్రయత్నం చేశా.. అందులో ఈ కామెంటిన కనకాంగి కోక కాకెత్తు  కు పోయిందని రాయడం జరిగింది..

ఇతకీ ఈ మాట మళ్ళీ ఎందుకు అంటారా ?

ఇప్పుడు మళ్ళీ రాయడానికి ఏ మేటరూ లేదు మరి..

సో,, ఈ ఒక్క వాక్యం రాసి పోనీ ఏదైనా ఆలోచన వస్తే కొనసాగిస్తామని కొంత టీం పాస్ అండ్ టైం పాస్ చేద్దామని మరీ దురదస్య దురదః ఐన ఈ బ్లాగ్ టపా లోకం లో కొంత సేపు ఎంజాయ్ మాడీ  అని ఆలోచించి ఈ టపా శీర్షిక పెట్టడం...  ఆ పై రాయడానికి ఏమీ లేక బుర్ర గోక్కోవడం (సరిగ్గా ఈ విషయం మీదే బుర్ర గోక్కోవడం అన్న విషయం మీదే ఆలోచిస్తా ఉంటే,, బుర్ర గోక్కుంటే ఏమైనా ఐడియాలు వస్తాయా ఏమిటి జిలేబీ అని మా అయ్యరు  గారు కొంత 'సైడు కిక్కు'' ఇచ్చారు మరి!!)

ఇంతకీ ఈ టపా దేనికోసం కట్టా చెప్మా ? అబ్బబ్బా ఈ దురద వదలదు సుమీ ! రాత కోతలు లేకున్నా రాత కోటలు  దాటడం అంటే ఇదే నన్న మాట మరి !

దురద గొంటాకు
జిలేబి..

Friday, July 6, 2012

మహానగరం లో మంత్రవాది

 మహానగరం లో సూరీడు హర్రీ బర్రీ గా ఉదయించాడు.. తనకి నగరం లో వాళ్ళు నిద్దురోతే నప్పుదు లాగుంది,, పైకి వచ్చీ రావడం తోటే, సుర్రు  మని తీక్షణం గా నగరాన్ని చూసాడు..

బ్యాక్ప్యాకు  బకరా బాబు నిద్ర లేచి  ఆవులించాడు.. ఇంకా నిదుర మత్తు వదల్లేదు తనకి.. మరో రోజుకి స్వాగతం చెప్పాలా వద్దా అని ఆలోచించి బుర్ర వేడెక్కటం తో ఆ ఆలోచనకి ఉద్వాసన .పలికాడు

మనిషి రేతిరి నిదుర లేమి తో డీలా పడి పోయున్నాడు.. ఆ పై కరెంటు .కోత . బస్సుల వాహనాల రణ గొణ ధ్వనులు..

సరిగ్గా అప్పుడే ఓ మంత్ర వాది మంత్రం వేస్తా నని రోడ్డు మీదికి వచ్చాడు..

బకరా బాబు ఇంటి ముందట నిలబడి కేక పెట్టాడు.. 'అయ్యా,, బాబు,, మీ అన్ని సమస్య లకి మంత్రం వేస్తా తలుపు తీయండి అని..

బకరా బాబు తలుపు తీసాడు..

'ఏమోయ్ మా మేనేజరిణి  కి ఏదైనా మంత్రం వేయి రాదూ.... పొద్దస్తమానం పనీ పనీ అని తెగ హైరానా పడి పోతూం టూంది అన్నాడు వాడు..

మంత్ర వాది బెరుకు పడ్దేడు .

అయ్యా మేనేజరి ణి  జిలేబీ గారేనా ? అడిగాడు వాడు..

అవునోయ్ నీకెట్లా తెలుసు ? చెప్పాడు బకరా బాబు..

అయ్యా ! ఆవిడ తలనొప్పి భరించ లేకనే కదా నే ఇట్లా మంత్ర వాది వేషం మొదలెట్టాను.. అన్నాడు మంత్ర వాది..

అప్పుడే ఆ వైపు ఓ టాటా సుమో గాడి దూసు కెళ్ళింది..

మంత్ర వాది వెంటనే వేషం మార్చి సీదా సాదా మానవుడు గా మారేడు..

సాదా సీదా మానవుడు సలాము కొట్టేడు టాటా సుమో గాడికి..

సలాం ముంబై !

(ముంబై కర్ లకి వారి ఓర్పు కి జోహార్లతో )

చీర్స్
జిలేబి..

Tuesday, July 3, 2012

గురు పూర్ణిమ - గుండు సున్నా

ఇవ్వాళ గురు పూర్ణిమ.

గురువు లేక ఎటువంటి గుణికి తెలియదని త్యాగరాజ స్వామీ వారి ఉవాచ.

అందరికీ ప్రస్తుత జమానా లో గురువు ఉండి ఉండ క పోవచ్చు.

అంటే, గురువు దొరకాలంటే దానికీ పెట్టి పుట్టి ఉండా లంటారు. నేను చెబుతున్నది సద్గురువు ల గురించి.

మన కర్మ కొద్దీ మనకు గుండు సున్నా గురువు లూ తగలవచ్చు.

గుండు సున్నా ఆహా ఏమి అమోఘం అని మనం వారి సున్నా లో భాగమై పోయి సుడి గాలి లోని నావలా కొట్టుకు పోవచ్చు.

కాబట్టి గురువు ని గురించి సదవగాహన కలిగి ఉండటం అన్నది మన ఈ కాలానికి కావలిసిన కనీస అవసరం. లేకుంటే గుండు సున్నా మనకి కలిగే అవకాశం ఉన్నది

కాషాయం కట్టిన వాడంతా గురువై పోతే మనం గుండు సున్నా లయి పోవడం ఖాయం.

ఓ ఫ్రిడ్జ్ కొనాలంటే మార్కెట్ లో కెళ్ళి వంద మార్లు విచారణ మొదలెడతాం. కాని స్వామీ వారల కొచ్చే సరికీ మన ఈ విచక్షణ హుష్ కాకీ అన్న మాట. !

ఇంతకీ గురు పూర్ణిమ అని ఇట్లాంటి సంభాషణ రాస్తున్నారేమిటి మీరూ ఏమైనా గుండు సున్నా గురువు లయి పోయారా అంటారా,మరి జిలేబీ రౌండు గా గుండు సున్నా లా నే కదండీ ఉండేది.?

అందరికీ శుభాకాంక్షల తో,

శ్రీ కృష్ణం వందే జగద్గురుం.

జిలేబి.

Friday, June 29, 2012

మహా నగరం లో బాక్ పాక్ బకరా బాబు!

బాక్ పాక్ మానవుడు రోడ్డున పడ్డాడు. తల తిరుగు తోంది ట్రాఫిక్కు వేగం తో రణగొణ  ధ్వనులతో .

మానవుడి కళ్ళు ఎర్ర బడి ఉన్నాయి.

రేతిరి ఇంటికి చేర డానికి తెల్లారే. మళ్ళీ తెల్లారి పరుగు మొదలెట్టాడు.

చాలా కాలం మునుపు తట్టా తపేలా లు భుజాన వేసుకుని పనికి వెళ్ళే వాడు. కూలీ చేసుకునే వాడు. కూసింత గంజి తాగే వాడు.

ఇప్పుడు భుజాన బాక్ పాక్ వేసుకున్నాడు. ఇప్పుడూ కూలీ చేస్తూనే ఉన్నాడు. కూసింత తిండి సమయం లో కూడా ' luncheon meeting' 'let us lunch-workout meet' లో పాపం తిండి తినడం సగం మాట్లాడడం సగం వెరసి ఏదీ పూర్తిగా జరగని 'కాలాతీత' స్టేజీ లో నిమగ్న మై ఉన్నాడు.

అదిగో అతడి అడుగు జాడలు. భారీ గా నడిచిన అతడి అడుగు జాడలు. ఆ ఆడుగు జాడలలో అతని బరువైన జీవనం అతని ఎండ మావి జీవనం ప్రతి ఫలిస్తోంది.

మహా నగరం లో బాక్ పాక్ బకరా బాబు మరో రోజుకి స్వాగతం పలికాడు.

నగరం తన మానాన నదీ ప్రవాహాన్ని మించి జన ప్రవాహం తో పరుగులు పెట్టింది.

జిలేబి.



Wednesday, June 27, 2012

మహా నగరం లో వెర్రి మానవుడు

రాత్రి పన్నెండు అవుతోందండీ , ఇక ఇంటికి వెళ్ళాలి అన్నాడు మానవుడు.

వాడి ప్రాజెక్టు మేనేజరి  ణి (ఈ ప్రాజెక్టు మేనేజర్లంతా జిలేబీలు ఎందుకు అవుతారు చెప్మా?)  చిరాగ్గా చూసింది.

అయితే ఏమిటి ?

'ఇంటికి వెళ్ళి  కాసింత సేపు పిల్లలతో క్వాలిటీ టైం స్పెండ్ చేద్దామని ' నసిగాడు వెర్రి మానవుడు.

'ఏం  మాకు పిల్లా జెల్లా లేరా ? మేం ఆఫీసు లో వున్నాం కదా ఇంకా ? ' ప్రాజెక్టు మేనేజరి ణి గదమాయించి ఓ తీవ్రమైన లుక్కు ఇచ్చింది.

बेचारा మానవుడు ఉసూరు మని సీట్లో తగల బడ్డాడు మళ్ళీ - ముందు మానిటరు వెక్కిరించింది- నన్ను వదలి నీవు పో లేవులే, అదీ నిజములే అని.


మానవుడు లాగిన్ అయి ఓ మెయిలు చూసాడు. మళ్ళీ పని లోకం లో పడ్డాడు.

మహా నగరం లో వెర్రి మానవుడు పాపం జిలేబీ లకి बकरा  అయి పోయేడు.


నో చీర్స్
జిలేబి.

Saturday, June 23, 2012

మూడో మారు జిలేబీ కోరితే ఖబడ్దార్ పెళ్లి కాన్సిల్ !

ఈ మధ్య అరవ దేశం వెళ్ళా.

మా మనవరాలు అరవ పేపరు ఇచ్చి బామ్మా మిర్చీ ఖబుర్లు (శర్మ గారి, ఫణి బాబు గారి ఖబుర్ల లా అన్న మాట !) చదువు, టైం పాస్స్ అవుతుంది అసలే మద్రాసులో వేడి ఎక్కువ కాస్త ఊరట పడతావు అంది.

అరవం మనకి అంత గా చదవడం రాదు. అక్షరాలు కూడా బలుక్కుంటూ చదివా,

మద్రాసు లో ఓ పెళ్లి లో , ఓ పెద్దాయన జిహ్వ చాపల్యం కొద్దీ , గులాబ్ జామూను మూడో మారు వెయ్య మన్నాడు వడ్డించే వాడితో.

వడ్డించే వాడు కాంట్రాక్టరు , కుదరదు పో,  అన్నాడు. ఎందుకోయ్ అని గొడవ పడ్డాడు ఆ పెద్దాయన.

ఆకుకి ఒక్క స్వీటే కాంట్రాక్టు లో వేస్తాం అన్నాడు వడ్డించే వాడు.

మాటా మాటా పెరిగే. జుట్లూ జుట్లూ జగడా లాడే! వీడు వాణ్ని తన్నే. వాడు వీడి బుర్ర రామకీర్తన గావించే. పెళ్లి పెటాకులయ్యే  స్టేజీ కి వస్తే పోలీసొడు మధ్యస్థం చేసి పెళ్లి ఆగి పోకుండా చేసేడు.

అదీ కథ !

సో, మీరు ఏ పెళ్లి కయినా వెళితే ఒక్క పారి మించి జిలేబీ వడ్డించ మని అడగ మాకండీ!

బ్లాగ్ లోకం లో జిలేబీ  లంటారా, అన్లిమిటెడ్ ఎడిషన్ మరి !

ఎంజాయ్ మాడి !

'క్షీరస'
జిలేబి.

Saturday, June 16, 2012

ఒన్స్ అగైన్ త్రీ జీ (ఈ మారు నో స్కాం - ఓన్లీ స్పాం !)

దేశానికి జీ కీ రుణాను బంధం ఎక్కువ.

'జీ' లంటే మనకి మరే మరీ మరీ 'లైకింగు!

ఈ మారు బెనర్జీ కలాం కావాలంటే, సోనియా జీ ముఖర్జీ కి జై పలికే !

కలాం జీ - ఈ పేరులో జీ సరిగ్గా కలవదు.

కాబట్టి కలాం మరో కాలం ఉమర్ ఖయ్యాం రాయడానికి రైసినా హిల్ కి అర్హుడు కాడు.

మరి ముఖర్జీ ప్రెసిడెంట్ అయితే, మరి రాబోయే ప్రధాని రాజీవ తనయ రాహుల వారా ?

మా మనమోహనుల వారిని తప్పించి ఆ ప్రదేశం లో మరోక్కర్ని పరదాన మంత్రి గా చూడలేం అని అనుకున్న వారికి
ఇదే సంకేతం.

రాబోయే తరానికి రాజీవ తనయుని పట్టాభిషేకానికి నాందీ వాచకం కి సంకేతం - 'ప్రణవ' నాదం - ప్రణ బా నందుడు ఒక సమిధ.


చీర్స్
జిలేబి.

Thursday, June 14, 2012

సరోజ - సకల రోగ జంజాటం

సరోజ - సకల రోగ జంజాటం !

మాలిని - మానసిక లిప్తకాల నిస్త్రాణ

కౌముది - కౌమారంలో ముదిత దివాలా


ఏమండీ ఇవంటారా ?

రోగాల లిస్టులు సరదాగా ఇట్లా పెరేట్టా .

ఇంకా చాలా ఇట్లాంటివి పెట్టు కోవచ్చు .

మీరూ ప్రయత్నిం చండి .

నామీద కొడతరామో  నని ముందస్తే నా పేరూ జోడిం చేసా !


జిలేబి  - జివ్వున లెగ్గు బిగువు !

ఎందు కండీ ఇవన్నీ అంటారా ?

మన దేశం లో , ఈ భూగోళ మండలం లో - రోగాలు రోష్టులు ఎక్కువై పోతున్నాయి, క్వాలిటీ ఆఫ్ లైఫ్ తగ్గి పోతుంది అని డాక్ట రుల గోల మరి !


చీర్స్
జిలేబి.

Sunday, June 10, 2012

శబ్దం నిశ్శబ్దం

రెండు పదాల మధ్య నిశ్శబ్దం
వాటి  అర్థాన్ని చెబుతోంది


రెండు హృదయాల మధ్య
నిశ్శబ్దం వాటి అర్థాన్ని చెబుతోంది.


రెండు పదాల మధ్య
శూన్యత లోపిస్తే
వాటికి అర్థాలు లేవు.


ప్రభూ, నీకూ నాకూ మధ్య
శూన్యత లోపిస్తే
నా ఉనికి కి అర్థం లేదు.

జిలేబి.

Saturday, June 9, 2012

మేం వయసు కొచ్చేసాం!

మేం వయసు కొచ్చేసాం!

అదేమిటండీ, ఏ స్వీట్ సిక్స్టీన్ లోనో, కాకుంటే, టీన్ అటారః లో నో చెప్పాల్సిన మాట ఇట్లా రిటైర్మెంటు ఏజు లో చెబ్తున్నారు ?

అవునండీ, మరి, వయసు కొచ్చాం అంటే, ఏ వయసుకు అని అడగకుండా, మీరే అట్లా ఊహించు కుంటే ఎలా మరి !

ఇంతకీ ఏ వయసు కొచ్చారు?

మతిమరపు వయసు కొచ్చామండీ మరి !

అదేమిటండీ ??

అంతే కదండీ మరి, నిన్న మా జంబునాధన్ అయ్యరు గారి తో బజారు కెళ్ళి వారిని మధ్య దారిలో మరిచి ఇంటికి వచ్చాక,

'అయ్యోరామా, అయ్యరు గారు ఏమయ్యారు చెప్మా బామ్మా అంటే,

'ఔరా, వీర్ని మరిచి పోయామే ఎట్లా మరి అని వయసు కోచ్చేసాం అని తీర్మానించు కునేసా ! అదన్న మాట విషయం.

'జాంబజారు జగ్గు నా సైదా పెట్టై కొక్కు ' అని అరవం లో ఒక (మా) పాత కాలపు పాట ఉందండోయ్ !

అదేమిటండీ, పాత కాలపు పాటల్ని గుర్తుకు పెట్టుకున్నారు.

 (ఈ మాట అంటే, శ్యామలీయం వారు, అదీ సరిగ్గా గుర్తుకు పెట్టు కోలేదు సుమీ అంటారేమో మరి !- రుస రుస బుస బుస గుండమ్మ కథ లోనిది అని చెప్పినట్టు!) ,

మరి మీ ఈ కాలపు అయ్యరు గారిని మరిచి పోయారు సుమీ అంటారా ?

మరి ఈ 'మతిమరుపు' వయసు కొచ్చాం కాబట్టి, ఈ వయసు జాడ్యం కూడా ఇది మరి, పాతవన్నీ టపీ టపీ మని గుర్తు కోచ్చేస్తాయ్,

ప్రతి దానికీ, 'మా చిన్నప్పు డండీ అని మొదలెడతాం చూడండీ ,

కాకుంటే, మేం చదువుకునే రోజులల్లో అంటూ కథలు చెప్పడం మొదలెడతాం చూడండీ అప్పుడే తెలిసి పోతుంది మరి, మేం వయసు కొచ్చేసామని !

మా కాలం లో నండీ మరి ......

మిస్సమ్మ అనే చిత్రం లో 'పల్లెకు పోదాం, పారు ని చూద్దాం' అని ఓ బ్రహ్మాండమైన హిట్ సాంగ్ వుండే దండీ! ....


చీర్స్
జీరింగ్లీ జిలేబి.

Thursday, June 7, 2012

మీకు మీరే మాకు మేమే, ఎందుకీ రుస రుస బుస బుస !

మీకు మీరే మాకు మేమే, ఎందుకీ రుస రుస బుస బుస అని గుండమ్మ కథ లో అందంగా చెప్పే సేరు.

మా అయ్యరి గారి తో ఈ మాటే అంటే, పెళ్లి కి ముందు మాట వరసకి నేనన్న మాట గుర్తుకు తెచ్చేరు.

'జిలేబీ, పెళ్లి కి ముందు ఏమన్నావ్ '

ఏమన్నా అన్నా.

'మీ దారే మా దారి అండీ ' అన్నావా లేదా ?

అన్నా చెప్పా.

అయితే, ఇప్పుడు మీకు మీరే మాకు మేమే అంటే ఎట్లా ?

అది సరే స్వామీ వారు, పెళ్లి కి ముందు అమ్మాయిని. ఇప్పుడు బామ్మని. కాదా మరి అన్నా.

అవును. అయినా ఆ పలుకు మారాలా ?

కాదా మరి ? మీకు వయసు మీద బడే. మీ దారే మాదారి అంటే, మీకు అసలే కళ్ళు  కనబడడం ఓ మోస్తరు అయి పోయింది. మీదారే మాదారి అని మిమ్మల్ని ఫాలో అవర్ హబ్బీ అని ఫాలో అయితే, నేరుగా ఏ  ఏట్లో  కో మీరు వెళి తే  నేనేమి చేసేది స్వామీ వారు ' అన్నా.

ఆ, అన్నారు మా అయ్యరు గారు.

మా కొండ దేవర అమ్మ వారు కూడా అంతే గా మరి, స్వామి వారు పై తిరుపతి లో ఉంటే, అలిమేలు మంగమ్మ వారు, సేఫ్ గా మంగా పురం లో సెటల్  అయి పోయేరు ఎందుకైనా మంచిది అని, అసలే స్వామీ వారు మరీ 'ఓల్డ్' మ్యాను ! అమ్మవారి పాటి తెలివి మా కుండ కూడదా మరి !

చీర్స్
జిలేబి.  

Tuesday, June 5, 2012

A women's favorite position is CEO!

"ఏమమ్మాయ్, ఏం ఉద్యోగం చెయ్యా లనుకుంటున్నావ్ ?" చాలా కాలం మునుపు మా నాన్న గారు అడిగేరు.

ఇంట్లో అమ్మ, బామ్మల 'స్టేటస్' వారి 'దాక్షీకం' చూసిన దానిని కాబట్టి, సూటిగా చెప్పేసాను- Nothing less than CEO నాన్న గారు అని.

'అర్థం అయి పోయింది, మీ బామ్మ ఇంపాక్ట్ నీ పై చాలా ఉందని ' అన్నారు నాన్న గారు.

కాదా మరి, మా బామ్మ ఇంట్లో సర్వాధికారిణి! ఆవిడ మాటలు మా నాన్న గారు కూడా ఎప్ప్పుడూ కాదన లేదు. మరి ఆవిడ పెంపక మాయే మనది!

ఇంతకీ ఈ విషయం ఇప్పుడు చెప్పటం ఎందుకు అంటారా ?

ఆ మధ్య రాసాను , మా మనవరాలు డిగ్రీ చేత పుచ్చుకుని, వారి 'పురచ్చి' తలైవి, లాప్ టాప్ ఇస్తే, దాంట్లో సినిమాలు చూస్తో కూర్చుంది అని.

ఆ మనవరాలు ఈ మధ్య వస్తే, 'ఏం, పిల్లా, ఏముద్యోగం చెయ్యాలను కుంటున్నావ్ ? అన్నా.

చెప్పిందే తడవు, తడ బడ కుండా చెప్పేసింది, 'Nothing less than CEO ' అని!

హమ్మోయ్, చర్విత చర్వణం! ఈ బామ్మ ఇంపాక్ట్ మరీ కొనసాగు తోనే ఉందన్న మాట మరి!

ఇంతకీ CEO అయి ఏం చెయ్యా లను కుంటున్నావ్ మరి అన్నా కొంత గిల్లి చూద్దామని. .

'నీలా , సబ్బాటికల్ చేద్దా మను కుంటున్నా బామ్మ అంది టప్పున.

ఔరా, ఈ కాలం అమ్మాయిలూ మరీ గడుసు వారే.

సరే, పెళ్లి, వగైరా ...?

పెళ్ళా, ఇప్పటికి వద్దన్నాడు తను' అంది చాలా కాష్యుల్ గా.

ఎవరే తను?

బాయ్ ఫ్రెండ్.

వామ్మో, మరో మెట్టు ఎక్కేసేరు ఈ కాలం అమ్మాయిలు మరి.

ఎవరే బాయ్ ఫ్రెండ్ ?

పరిచయం చేస్తాలే, సమయం వచ్చినప్పుడు అంది, మధ్యలో తను లాప్ టాప్ లో చాటింగ్ జరగటం అప్పుడే గమనించా నేను. ప్రొఫైల్ లో ఓ అబ్బాయి ఉన్నాడు.

ఉమన్ ఎంపవర్మెంట్ మరి.

చీర్స్
జిలేబి.

Sunday, June 3, 2012

ఇచ్చట ఉప (ఉప్మా) వాసములు చేయబడును !

మా కాలనికో బామ్మ ఉండేది మాకు.

ఆవిడ ఆరోగ్యం అమోఘమైనది కూడాను. అంటే, ఏమి తిన్నా జీర్ణించుకొనేది అన్న మాట. ఆ మాటే మాతోటీ చెప్పేది- జిలేబీ, రాళ్ళు తిన్నా జీర్ణించుకోవాలి సుమా అని.

మధ్య మధ్య లో చెప్పా పెట్ట కుండా ఇవ్వాళ ఉప వాసం అని హటాత్తుగా అల్టిమేటం ఇచ్చేది.

ఏమి బామ్మా ఉప వాసం అంటున్నావ్ ఇవ్వాళ అంటే, జీడి పప్పు ఉప్మా పెసరెట్టు (మన యరమణ గారి స్టైల్ అన్న మాట) తినాలని ఉంది జిలేబీ అందుకే ఇవ్వాళ ఉపవాసం అని 'సీక్రెట్' గా చెప్పేది.

అట్లా, మన దేశం లో ఇప్పుడు మన 'సోషల్ ఏక్టివిస్ట్  ' లు చెప్పా పెట్టకుండా ఇవ్వాళ నిరాహార దీక్ష సుమీ అని చెప్పేస్తున్నారు. వాళ్ళకీ జీడిపప్పు ఉప్మా పెసరట్టు తినాలని కాకుంటే, ఉత్తర భారత దేశం వారైతే, హాట్ హాట్ జిలేబీ, వేడి పాలు తాగాలని ఏమన్నా కోరిక గలిగితే వెంటనే నిరాహార దీక్ష చెయ్యాలని 'పూనకం' తెచ్చేసు కుంటారేమో సుమీ !

మా మనమోహనుల వారు 'డీప్ థింకింగ్' ముఖం తో కనిపించారు ఇవ్వాళ.

ఏమి దేవర ఇట్లా ముఖం వేలాడేసు కుని ఉన్నారు అంటే,

క్యా కరూంగా మేం సాహెబ్, 'కరప్షన్' ఫ్రీ కేబినేట్ నడపాలని నిరాహార దీక్ష చే బట్టారు అందుకే దిగాలు గా ఉన్నా అన్నారు వారు.

అది ఎట్లా వీలవు తుంది జీ సాహెబ్ అన్నా హాశ్చర్య పోయి.

'కేబినేట్ నడపొచ్చు. కరప్షన్ నడపొచ్చు. కాని కరప్షన్ ఫ్రీ కేబినేట్ నడప కూడ దంటా రేమి వీరు మరి' మా జీ సాహేబు వారు మళ్ళీ వాపోయారు.

'సాహెబ్, కరప్షన్ ఇండియా కా ప్రాబ్లెం అలోన్ నహీ హాయ్ '  అని పూర్వం దేవేరి వారు దీటు గా చెప్పెసేరు కాదా' అన్నా.

'మంచి మాట జ్ఞాపకానికి తెచ్చేరు మేమ్' అన్నారు సంతోష పడి పోయి మన మొహనుల వారు.

అబ్బా, వీరు పాలిటిక్స్ కి వచ్చాక ఇంత దద్దమ్మ ఎలా అయి పోయారు చెప్మా అని అనుకున్నా. దేశాన్ని దివాలా స్థితి నించి తీసుకొచ్చిన పెద్ద మనిషి, దేశ ఖజానాని ఘట్టి గా నడి పిన పెద్ద మనిషి, అదేమీ ఖర్మో, పాలిటిక్స్ కి వస్తూనే, ఇట్లా బుద్ధి మందగింపు ఎట్లా వచ్చేస్తుంది సుమీ !

అంతా విష్ణు మాయ కాకుంటే, వీరి కి ఇన్ని కష్టాలా మరి . దేశం లో అసలు వ్యవస్థే లేకుండా పోయింది సుమీ


జిలేబి.

Saturday, June 2, 2012

నటరాజ సర్వీస్,గొల్టీ, అరవ తంబీ !

ఇచ్చట హాట్ హాట్ జిలేబీస్ అమ్మబడును!

నటరాజా సర్వీస్ అన్నారు కాలక్షేపం కబుర్లు శర్మ గారు, మండి పోయి, మండి పోయిన ధరల తో, పెట్రోలు 'అప్ అబవ్ ది స్కై' కావడం తో, ఇక జనాలకి , మధ్య తరగతి జనాలకి, నటరాజా సర్వీస్ తప్పదు అని చెబ్తూ.

గొల్టీ అన్న పదాన్ని మళ్ళీ గుర్తు కు తెచ్చారు బాతాఖానీ కబుర్లు ఫణి బాబు గారు.

నటరాజా సర్వీస్ అరవ తంబీల పాపులర్ పదం. అట్లాగే, గొల్టీ అరవ తంబీల పాపులర్ ఎకసెక్కం గొల్టీ ఫార్ టెల్గూస్! తెలివి మోకాళ్ళలో ఉందిరా అంటాం. అట్లా టెల్గూస్ ని తిరగేస్తే గొల్టీ అన్న మాట.

ఈ అరవ దేశపు 'అరవ' వాళ్లకి (అంటే, బార్డర్ లో ఉన్న వాళ్లకి) టెల్గూస్ ని చూస్తే మహా సంతోషం అన్న మాట ! 'ఏమిరా గొల్టీ' ఎప్పడి ఇరుక్కే అని అనక మానరు.

బస్సు వాడు బ్రేక్ డౌన్ అన్నాడంటే, 'నడరాజ, నడరాజా అని నటరాజా సర్వీస్ పట్టడం అరవ తంబీలకి అలవాటైన పదం.

సో, ఇవ్వాల్టికి గొల్టీ లకి శుభోదయం చెబ్తూ 'అరవ' నటరాజా సర్వీస్ కి వెళ్తూ బాయ్ బాయ్ !

(పరార్ !)
జిలేబి.

Tuesday, May 29, 2012

మూడో మొగుడి నాలుగో పెళ్ళాం

సుభద్ర ఎట్లా శ్రీ కృష్ణుల వారికి చెల్లెలు అని అడిగారు జై గొట్టి ముక్కలు వారు.

దానికి సమాధానం టపీమని ప్రవీణ్ శర్మ చెప్పెసేరు (అబ్బాయి ప్రవీణుడు స్ట్రైట్ సమాధానం ఇవ్వడం ఇదే మొదటి సారి నేను చదవడం!) - వసుదేవ రోహిణి ల కుమార్తె సుభద్ర అని , సో, సుభద్ర శ్రీ కృష్ణుల వారి చెల్లెలు అని.

శ్రీ కృష్ణార్జునుల మైత్రి జగద్విదిత విషయం. ఈ విషయమై ఆలోచిస్తా ఉంటే ఫక్కున నవ్వు వచ్చింది.

చెల్లెలు సుభద్ర వివాహం అర్జునిని తో గావించడానికి శ్రీ కృష్ణుల వారి నాటకం (శ్రీ కృష్ణార్జున యుద్ధం లో రసవత్తరమైన ఘట్టాలు ఉన్న సన్నివేశాలు ఉన్నాయి మరి !- తపము ఫలించిన శుభ వేళ .. )

కథా పరం గా రక్తి కట్టించే అంశం ఏమిటంటే, 'సుభద్రా సహిత అర్జునుల' 'ఎలోప్మేంట్' సందర్భం లో సుభద్ర ని శ్రీ కృష్ణుల వారు రథాన్ని సారధ్యం వహించ మనడం, దానిని కారణం గా చూపి, అర్జునుడు సుభద్ర ని లేవ దీసుకు పోలేదు, సుభద్రే మనసు పడి అర్జునిని లేవ దీసుకు పోయింది కాబట్టి ఇందులో అర్జునిని తప్పేమి లేదు సుమీ అని అర్జునినికి శ్రీ కృష్ణుల వారు వకాల్తా పుచ్చు కోవడం !

ఎంతైనా అర్జునుని మీది అవ్యాజమైన ప్రేమ శ్రీ కృష్ణుల వారి ది మరి.

 మైత్రీం భజరే !

ఇక ఈ టపా శీర్షిక మూడో మొగుడి నాలుగో పెళ్ళాం ఎవరు అంటే సుభద్రా దేవే కదా మరి? అర్థం అయ్యిందా ? అర్జునిని ద్రౌపది, చిత్రాంగద, ఉలూపి తరువాయి సుభద్ర నాలుగో భార్య కదా మరి అర్జునుల వారికి ?

ద్రౌపది వరమాల తో అర్జునిని వరిస్తే, తల్లీ భిక్ష తెచ్చామని కుంతి తో ఐదుగురు కొమరులు అంటే, ఆ తల్లి భిక్షని సమంగా పంచుకొండీ అంటే, పాంచాలి పంచ భర్తృక అయ్యింది. అర్జునుడు ద్రౌపది కి మూడో మొగుడన్న మాట .

ద్రౌపది, చిత్రాంగద, ఉలూపి ల తో చేర్చి మువ్వురు భార్యలని అక్కున చేర్చుకున్న అర్జునినికి (మూడు మళ్ళీ!) సుభద్ర తన మనసుని దార పోసుకుని నాలుగో పెళ్ళాం అయ్యింది.


వీరి జీవితం లో ని మరో అపూర్వ సంఘటన అభిమన్యుని జననం. తండ్రి కై అభిమన్యుని మరణం, ఆ పై అభిమన్యు ఉత్తర ల పుత్రుడు పరీక్షిత్తు మొత్తం కౌరవ వంశానికి ఏకైక వారసుడు గా మిగలడం ఆ పై ఆతని మరణం తక్షకుని  ద్వారా ...  ఆ పై జనమేజయ వృత్తాంతం, ....

సో, జై గొట్టి ముక్కలు గారు, మొత్తం మీద, మీ ప్రశ్న కి సమాధానమూ, ఈ చిన్ని టపా అంతా మీ అమ్మాయి చిన్ని ప్రశ్న తో మొదలు !

చిన్ని బుర్రల ప్రశ్నల తోనే కదా పెద్దవాళ్ళు కూడా చదవడం నేర్చుకునేది మరి !

మీ ప్రశ్న కి సమాధానం ఏమిటబ్బా అని ఆలోచిస్తూ ఉంటే, గూగల్ ఘటోత్కచుడు (!) అట్లా ఇట్లా లాగించి మొత్తం మీద ఇండోనేషియా లో ని ఒక అపూర్వ మైన అర్జునిని విగ్రహాన్ని చూపెట్టేడు !



Raja Ravi varma - Arjuna Subadhra





ఎక్కడి నించో కథ ఎక్కడికో వెళ్లి పోయింది మరి !

చీర్స్
జిలేబి.

Sunday, May 27, 2012

జిలేబి మీట్స్ జగన్ !

రెండు రోజులల్నించి మా మనవడు జగన్ బాబుని వాళ్ళెవరో సి బీ ఐ వాళ్ళు నానా ప్రశ్న ల తో వేధిస్తా ఉంటే, పోనీ లే మనవాడి తో కొంత సేపు మాట్లాడి ఊరట కలగ నిస్తాం అనుకున్నా,

పాపం ఎంత గా 'కలవర' పడి పోయి ఉన్నాడో తండ్రి ని పోగుట్టు కున్న తనయుడు, ప్చ్, అయ్య పోయినప్పటి నించి అబ్బాయికి ఎన్ని కష్టాలు వచ్చి పడ్డాయో అని బాధ పడి పోయా.

ఒరే అబ్బీ నీ కెన్ని కష్టాలు వచ్చి పడ్డాయిరా అన్నా ఇంటికివెళ్లి.

అప్పుడే ఏడు గంటల పై బడి అదేదో క్లారిఫికేషన్ సెషన్ అట, సి బీ ఐ వాళ్ళ తో అది ముగించుకుని వచ్చి ఉన్నాడు. మధ్య లో టీవీ లో కూడా చూసానే బాబు మరీ కలత గా వున్నాడని టీవీ వాడు హోరు మని చెబ్తున్నాడు కూడాను.

జగన్ బాబు తేలిగ్గా నవ్వేసి, బామ్మా, ఏమిటి కష్టాలు అన్నాడు.

అదేమిరా అబ్బీ అట్లా ఏడు గంటల సేపు నిన్ను నిఖార్సుగా ప్రశ్న ల మీద ప్రశ్నలు వేశారట గా అన్నా.

బామ్మోయ్, చిన్నప్పుడు నాన్న ని నేను కూడా చాలా ప్రశ్న ల తో పరేషాన్ చేశా. అవన్నీ ఆయన పట్టించు కున్నా డంటావా ? అన్నాడు.

ఏమంటావురా అబ్బీ అన్నా

అదేలే, వాళ్ళేదో వాళ్ళ స్టైల్ లో ప్రశ్నలడుగు తారు, అమావాశ్య కీ అబ్దుల్ కాదర్ కీ సంబంద్ క్యా హాయ్ అని. మనం మన సమాధానా లేవో చెప్పు కుంటాం. అంతే అన్నాడు..

అదేట్లారా అబ్బీ , నువ్వు చాలా 'కలవల' పడి పోయావని టీవీ వాడు హోరెత్తు తుంటే, ఇలా నిమ్మళం గా ఉండావు !

వాళ్లకి ఇంటర్వ్యు ఇచ్చేటప్పుడు అలాగే పోస్ పెట్టా బామ్మా.

ఎందుకురా అబ్బీ.

ప్రజలకి తెలియాలిగా తమ ప్రియతమ నాయకునికి ఎన్ని కష్టాలో అని మరి.

అంతే అంటావా ?

అంతే.

మరి రేపటి మాటలో ?

వాళ్ళు క్లారిఫికేషన్ అడుగుతారు. నేను కూడా క్లారిఫికేషన్ ఇస్తా. వాళ్ళు దానికి క్లారిఫై చెయ్యి అంటారు. నేను దానికి క్లారిఫై అని మళ్ళీ చెబ్తా. ఇట్లా...

సో, మొత్తం మీద, క్లారిఫీ కేషన్ సెషన్ అని టైం పాస్ అండ్ టీం పాస్ కాలక్షేపం బటాణీ లన్న మాట!

చీర్స్
జిలేబి.

Friday, May 25, 2012

బ్లాగ్ గాంధీ కాలక్షేపం కబుర్లు శర్మ గారికి హార్ధిక శుభాకాంక్షలు

బ్లాగ్ గాంధీ కాలక్షేపం కబుర్లు శ్రీ  శర్మ గారు,

మీ జీవితం లో 'బంగారం' మీ శ్రీమతి ప్రవేశించిన దినం ఇవ్వాళ (సరియనే అనుకుంటాను!)

ఇది సరిగ్గా ఓ యాభై సంవత్సరాల మునుపు జరిగినట్టు మీ బ్లాగ్ లో చదివి నట్టు గుర్తు.

సో , మీ కిదే , యాభై వసంతాల గ్రీటింగ్స్!

మీ జీవితం అమోఘం. మీ జీవితం లో జరిగిన సంఘటన ల ఆధారం గా మీరు బ్లాగ్ లో సహృదయమై    మీ జీవిత అనుభవాలను టపాల ద్వారా   పదుగురి తో పంచుకోవడం, తద్వారా మీరు పదిమందికి మార్గదర్శకులు గా ఉండడం ఈ పంచ దశ లోకం లో జరిగిన అపురూప విశేషం.

శుభాకాంక్షల తో

చీర్స్
జిలేబి.

(శ్రీ శర్మ గారి ఫోటో కర్టసీ -
 (దీనిని తెలుగు లో చౌర్యం అందురు ) !-

Wednesday, May 23, 2012

మా ఆవిడ బంగారం (ఓల్డ్ ఈజ్ గోల్డ్) !

'మా ఆవిడ బంగారం ' అన్నారు మా అయ్యరు గారు.

పొద్దుటే లేచి హిందూ పేపరు చదువుతూ చెప్పడం  తో,

'ఏమండీ, అయ్యరువాళ్ , పొద్దుటే, మరీ పొగిడేస్తున్నారు ఏమిటీ కధ ,  కాఫీ ఏమైనా పెట్టాలా' అన్నా పొద్దుటే లేచి తనే కాఫీ పెట్టుకుని తాగే పెద్ద మనిషి ఇట్లా పొగి డితే , సందేహం రాక పోదు మరి, దేనికో, స్పెషల్ గా ఐసు పెడుతున్నారు సుమీ అని మరి.

అందుకే అలా అడిగా.

అదికాదోయ్, నిజంగా నే చెప్పా, మా ఆవిడ బంగారం అన్నారు మళ్ళీ.

ఎందుకో మరి ? అడిగా ఈ మారు సందేహం తీర్చుకోవడానికి.

'ఇట్లా చూడు, హిందూ వారు ఇవ్వాళ్టి పేపర్లో ఏం రాసారో మరి అన్నారు మా అయ్యరు గారు.

'ఓల్డ్ ఈజ్ గోల్డ్' అన్న శీర్షిక కింద, పాత కాలం ఎప్పుడూ గోల్డె అని నొక్కి వక్కాణించారు హిందూ దిన పత్రిక వారు.

ఆహా చూసావా, ఓల్డ్ ఈజ్ గోల్డ్, సో నువ్వో మరి ఓల్డే కదా.. అందుకే గోల్డ్ అన్నా అన్నారు.

అనరూ మరి, తనూ బోసి నోటి ఓల్డ్ మేను ఆయే మరి !

జోగీ జోగీ రాచుకుంటే బూడిద రాలుతుందని 'సా' మేత' ! సో ఇట్లా ఓల్డూ , ఓల్డూ జోకులేసు కుంటే, మరి ఓల్డ్ ఈజ్ గోల్డ్ కాదు మరి !

అద్సరే అయ్యరు గారు, మరి మీరు మాత్రం గోల్డ్ కారూ.. అన్నా మురిపెం గా..

అవునేవ్, నేనూ గోల్డ్ కదా మరి. ఇంకా సరిగ్గా చెప్పా లంటే, నీ 'గోల్డు' కొనుగోళ్ళ కి నేను 'కాపిటలిస్ట్ ని కదా మరి ! అన్నారు ఈ మారు.

అబ్బో, వీరు, కథ ఏమి చెప్పినా గోల్డు లేకుండా చెప్పరు సుమీ ! అదేమీ గోల్డు యవ్వారమో. గోల్డు మాయో ! ఆ గోల్డు కనిపిస్తే చాలు ఇక అంతే, వీళ్ళు అన్నీ మరిచి పోతారు సుమీ అన్నారు మళ్ళీ. !

అంతే, కదా మరి, ఓల్డ్ ఈజ్ గోల్డు అయినప్పుడు, గోల్డు మురిపాలు మా కుండవా మరి !

చీర్స్
జిలేబి.

Saturday, May 19, 2012

మీటింగ్ మిస్టర్ సుబ్బూ ఆన్ ది స్ట్రీట్ - (సుబ్బూ సుభాషితాలు )

నిన్న బ్రాడీ పేట లో వాకింగ్ వెళ్తూంటే డాక్టర్ రమణ గారి సుబ్బు హటాత్తు గా ప్రత్యక్షమై 'ఏమండీ జిలేబీ గారు బాగున్నారా ' అన్నాడు!

'ఓహ్, సుబ్బూ గారు మీరా ' అన్నా 

'అబ్బే, ఆ గారూ వగైరా ఎందుకు లెండి. జస్ట్ కాల్ మీ సుబ్బూ' అన్నాడు వినయంగా.

ఏమోయ్ సుబ్బూ అన్నా వాడన్నాడు కదా అని.

'అదేమిటండీ ఏకవచనం లో పిలుస్తారు ?' అన్నాడు సుబ్బు సీరియస్ గా.

'అదేమిటోయ్, నువ్వే కదా సారీ మీరే కదా జస్ట్ కాల్ మి సుబ్బూ అన్నావు సారీ అన్నారు' అన్నా.

'అదేంటి, జస్ట్ కాల్ మీ సుబ్బూ అంటే, వెంటనే 'ఏమోయ్' అనెయ్యడమేనా ?'  

'మరి?' అన్నా ఏమనాలో తెలియక.

'మొహమాటానికి ఎన్నో అంటూంటాం. వెంటనే దాన్ని వంద శాతం పాటించడమేనా ?'

'సారీ సుబ్బు గారు, తప్పైపోయింది క్షమించండి'

అదేమిటండీ, జస్ట్ కాల్ మీ సుబ్బూ, ఇట్స్ ఓకే ' అన్నాడు మళ్ళీ.

'మిస్టర్ సుబ్బు, కాఫీ తాగుతారా '

కాఫీ ఎందుకు లెండి, ఈ మండే ఎండలో కూడా మా డాక్టరు బాబు ఎప్పుడు వెళ్ళినా కాఫీ ఏ కొట్టిస్తుంటాడు. మీరు కూల్డ్రింక్స్ కొట్టించండి ' అన్నాడు.

మరి కూల్డ్రింక్స్ అంటే, వాటి పాలిటిక్స్ గురించి సుబ్బు చెబుతాడేమో అని కొంత అనుమాన పడి, ' మిస్టర్ సుబ్బూ, ఫ్రెష్ ఫ్రూట్ జ్యూస్ ?' అన్నా.

'అసలు ఫ్రెష్ ఫ్రూట్ జ్యూస్ అంటూ ఏదైనా ఉందంటారా ?'

'వై మిస్టర్ సుబ్బూ. ఈ మధ్య పెక్డ్ బాటల్స్ లో కూడా ఫ్రెష్ ఫ్రూట్ జ్యూస్ వస్తోంది కదా ' అన్నా.

'చూడండి, మిస్, ఫ్రెష్ అని వాడంటాడు మరి మనకి తెలియదా అది ఎంత ఫ్రెష్ అనో '

సరే పోనీ, చాయ్ తాగుతారా మిస్టర్ సుబ్బూ..'

అదీ, అలాగ చెప్పండి, ఇట్స్ అవర్ నేషనల్ డ్రింక్. కాబట్టి చాయ్ తాగడం బెటర్'

'మిస్టర్ సుబ్బూ.,. నేషనల్ డ్రింక్ అన్నంత మాత్రాన మీ కిష్టమైన కాఫీ వదులు కోవడ మేనా ?' అన్నా దక్షిణ దేశ కాఫీ పాలిటిక్స్ ప్లస్ ప్లాంటేషన్స్ గుర్తుకు తెచ్చు కుంటూ.

'చూడండి, మిస్, మనం కాఫీ ఇప్పడు వద్దే వద్దు అన్నా మనుకొండీ, డిమాండ్ ధమాల్ దానికి. ధర పడి పోతుంది. చాయ్ ధర షూట్ అప్ అవుతుంది.'

అయితే ?

'చాయ్' ధర ని తగ్గించడానికి చాయ్ ఇంపోర్ట్ చేసుకోవచ్చు '

'అవురా, చాయ్ ఎక్స్పోర్టింగ్ మార్కెట్ నించి, చాయ్ ఇంపోర్టింగ్ మార్కెట్ అవుతుందన్న మాట మన దేశం ?'

'హ్హ హ్హ హ్హ' నవ్వాడు మిస్టర్ సుబ్బూ.

హుష్ కాకి. సుబ్బూ గాయబ్. మళ్ళీ బ్రాడీ పేట లో నడక మొదలెట్టాను!

(బ్రాడీ పేట లో షికార్, సుబ్బూతో ముఖాముఖి- డాక్టర్ రమణ గారికి అంకితం!))

చీర్స్
జిలేబి.

Thursday, May 17, 2012

దేముడి మమ్మీ ఎవరు ?

బామ్మోయ్  దేముడి  మమ్మీ  ఎవరు అన్నాడు మా మనవడు.

అదేమిరా ప్రశ్న అన్నా.

నాకు మమ్మీ ఉంది కదా. దేముడికి మమ్మీ ఎవరు అన్నాడు.

అదేమిరా , ఏ దేముడికి ? అని తెలివిగా అడిగా (అనుకున్నా)  శీ కృష్ణుల వారికా? నీకు తెలిసిందే కదా, యశోదమ్మ అన్నా.

"కాదు. దేముడికి" అన్నాడు వాడు.

దేముడికి అమ్మ అంటూ ఎవరూ ఉండరు రా  కన్నా అన్నా.

అదేమిటి ? నేనున్నా గా. మమ్మీ ఉంది గా. మరి దేముడికి ఎందుకు లేదు ? మళ్ళీ వెధవ ప్రశ్న.

అబ్బే ఈ కాలం పిడుగులు వదిలి పెట్టరే మనల్ని ప్రశ్నలడగ కుండా. , అదీ సమాధానం చెప్పలేని ప్రశ్నలని అడగ కుండా అనుకున్నా.

అదికాదురా మనవడా, దేముడికి ముందంటూ ఏమీ లేదు. దేముడే మొదలు అంతే.

అదెట్లా? మమ్మీ లేకుండా ఎలా ? మళ్ళీ వాడి గోల.

ఏమని చెప్పా లంటారు ?

చీర్స్
జిలేబి.

Saturday, May 12, 2012

మీ పేరు గణపతా ?

మీ పేరు గణపతా ?  అన్నారు క్రితం టపాలో సీతారామం అనబడే బ్లాగరు/బ్లాగరిణీ గారు!

ఇంతకీ గణపతి కి జిలేబి కి ఎలా లింకు పెట్టేదబ్బా ?

సీతారామం గారు, చూడుము చిలకమర్తి వారి గణపతి నాటకము అన్నారు. గాని ఎక్కడ చూడ వలె నో చెప్ప లేదు.

సరే ఈ గణపతి ఎవరు చిలకమర్తి వారు ఎవరు అని ఆరా తీస్తా ఉంటే ( చిలకమర్తి వారి పేరు విన్నాను గాని, వారి రచనలు ఎప్పుడు చదివిన ది లేదు. కావున ఎవరబ్బా ఈ చిలకమర్తి వారు అనుకుని గూగులాయ నమః అంటే, తూర్పు గోదావరి వారి కథల్లో ప్రాచుర్యం అని తెలిసింది.

ఆ హా, మనకీ, ఈ గోదావరి కి ఏమి అవినాభావ సంబంధం సుమీ అని చాలా సంతోష పడి పోతిని.

ఎందు కంటే, కొన్ని నెలల ముందు జ్యోతిర్మయీ వారు మీది గోదావరి ప్రాంత మా జిలేబీ గారు అన్నారు.

కాదండీ, ట్రైన్ నించి గోదావరి చూసి బహు సంతోష పడిన వారము మాత్రమె అన్నా.

మీ రచనల్లో గోదావరి తీర యాస ఉందండీ అన్నారు వారు!

ఆహా, అసలు మనం ఈ గోదావరి తీరం లో ఎప్పుడూ ఉండి ఉండక పోయినా మన కెట్లా ఈ యాస వచ్చింది సుమీ  అని హాశ్చర్య పోయి, అంతా మన పూర్వ జన్మ వాసన సుమీ అని తీర్మానించే సు కున్నా.

ఇప్పుడు ఈ సీతారామం గారు మళ్ళీ మీరు గణపతా అని అడిగి ఆ జ్ఞాపకాలను మళ్ళీ కదిలించారు సుమీ.

ఇంతకీ మీరు గణపతా అని ఎందుకు అడిగారు సీతరామం గారు ?

గణపతి కథకి ఈ జిలేబీ ఉడాలు టపాలకి ఏమి సంబంధమబ్బా ? ఎవరైనా తెలిస్తే చెబ్దురూ.  

పూర్వ జన్మలో ఈ చిలకమర్తి వారి రచనలు ఏమైనా చదివారా జిలేబీ ?


చీర్స్ 
జిలేబి.

Friday, May 11, 2012

ఉషో వాజేన వాజిని ప్రచేతా హ !


శుభోదయం !


వాజమ్మ అంటే దద్దమ్మ అని నిఘంటువు చెప్పింది.


ఉషో వాజేన వాజిని ప్రచేతాహ అని వేదం చెప్పింది.

అంటే ఉషస్సు దద్దమ్మ ల లో పెద్ద దద్దమ్మ అన్న మాట !


అదేమో , ఈ ఉషస్సు కి డైలీ అలా వచ్చేసి దద్దమ్మ లా తెల్లారి మన ఇంటి ముందర వాలి పోవాలని ముచ్చట.

దద్దమ్మ అయినా దొడ్డమ్మే ఉషా దేవి.

వాజి అంటే గుర్రమట. మళ్ళీ నిఘంటువే చెప్పింది.

అంటే ఉషస్సు గుర్రాలలో కెల్లా పెద్ద గుర్రమా ? జేకే .

సూరీడు సప్త అశ్వాల మీద సవారి అయి వస్తాడంట.

కాబట్టి ఉషా దేవి ఈ అశ్వాల కి మహారాణి. సో, ఉషో వాజేన వాజిని.

వాజ అంటే యాగం/యజ్ఞం అట. నిఘంటువు చెప్పింది.

యజ్ఞాలలో కెల్ల గొప్ప యజ్ఞం అన్న మాట ఉషస్సు .

మళ్ళీ పురాణీ దేవీ యువతిహి అని ఉషస్సు గురించి వేదం చెప్పింది.

అంటే, ఈ ఉషస్సు, ఉషా దేవి, ఓల్డ్ ఉమన్ అన్న మాట. కాని నిత్య యవ్వని (అబ్బో మన లా అన్న మాట!)

సో, శుభోదయం !



(Having read the ఉషా సూక్తం - A wonderful one  from the Rigveda for all its poetical beauty, wonderful imagination and superb eloquence of meaning and content!) 

చీర్స్ 
జిలేబి

Tuesday, May 8, 2012

ఏమండీ బాగున్నారా ?

ఏమండీ బాగున్నారా  ?

'ఆ, ఎం బాగు లెండి. ఏదో అలా కాలం గడిపేస్తున్నాం. అంతే 

ఏమిటండీ మీరే అలా అనే సారు ?

అంతే కదండీ, ఏదో రిటైర్మెంటు రోజులకి సరిపోతాయని సేవింగ్సు మన్నూ మశానం అంటూ కూడ బెట్టామా? అది చేతికి వస్తుందో లేదో తెలీకండా పోతోంది

దానికేమి లెండి, వస్తుందనే అనుకోవాలి . పిల్లలు బాగా చదివి పైకోచ్చారు గా. వాళ్ళు చేతి కంది రాక పోతారంటారా ?

వాళ్ళు చదివే కాలం లో కష్ట పడ్డాం. బాగా చదివించాలని. ఇప్పుడు దేశానికోక్కడు లేడు. పొలోమని విదేశాల మీద పడ్డారు.

అంటే ఎన్నారై అని చెప్పండి. మరి మీరు మరీ అదృష్ట వంతులే సుమండీ ! పిల్లలు మంచి పోసిషన్ కి వచ్చేరన్న మాట .

ఆ ఎం బాగు లెండి, వాళ్ళు చేతి కంది, ఆ పై కెళ్ళి పోయారు. మన జీవితం ఇంతే కదా ఇక్కడ. నో చేంజ్ అందుకే ఆదుర్దా, అసలు మన పెన్షన్ వస్తుందంటారా ?

మీకో అమ్మాయి ఉండాలే . పెళ్ళయి పోయిందా ?

ఆ ఎం బాగు. పెళ్లి అయింది అయి నాలుగేళ్ళు రెండు పాపలతో ఒకటే కనా కష్టం పడుతుంది.

అదేమిటండీ, పాపలు ఇంటికి దీపాలు కదండీ

ఆ ఎం దీపాలో ఏమిటో ? వాళ్ళ చదువులు పెళ్ళిళ్ళు, అబ్బబ్బ, మా అమ్మాయి ఒకటే కలవరం.

ఏమండీ అదెప్పుడో ఇంకో ఇరవై ఏళ్ల పై బడే కదండీ . దానికిప్పుడే హైరానా పడి పోతే ఎలాగండీ ?

కాదుటండీ మరి, అయినా మనం ముందస్తే దానికి కాబోయే ఖర్చులకి ఇప్పట్నించే కూడ బెట్టాలి. అబ్బబ్బ, ఎం బాగు లెండి జీవితాలు. అన్నిటికి ఒకటే పరుగో పరుగు.

అంతే లెండి. జీవితం భవిష్యత్తు కి అంకితం అయిపోయింది మరి. ప్రస్తుతం వస్తుతః భవిష్యోత్తర 'పురాణం' !


చీర్స్
జిలేబి.

Sunday, May 6, 2012

హే ప్రభూ, నీ దయ రాదా

ఒక కోయిల గొంతు విప్పింది
ఆ వైపు వెళ్ళే మరో కోయిల జత కలిపింది

సాగరం లో నావ పయనం మొదలెట్టింది
సాగరం తోడై ఆటు పోటులతో ముద్దాడింది

యానం లో తోడూ నీడా, పయనం లో జోడూ
ఆ పై వాడి సూచిక నేను నీ తోడు ఉన్నా నని
గమనిస్తే నావకి సంద్రం, సంద్రానికి నావ సరి జోడు

అర్థం చేసుకుంటే జీవనం తీరం చేరిన నావ
ఆ పై వాడి దయ కూసింత కురవడానికి
రెండు చేతులా దణ్ణాలు హే ప్రభూ, నీ దయ రాదా


జిలేబి.

Saturday, May 5, 2012

What happened to my cheese?

My Iyer said, zilebi if you are off for some time peace was prevailing at home.

In office, my colleagues said,, "Mem Saaheb, when you were off on sabbatical people were happy!"

Only My 'mana mohana' said, zilebi, dont care your sabbatical is cancelled get back.

So I got back and got into the rut of daily chores of 'vanaaranya'!

Now on week end I say let me trouble my telugu bloggers by writing a post !

I come back and type , I cant see my blog posting in telugu !

What a pity!

What happened to my cheese in these ten days!

Can any one help why blogger always bugs!

Cheers

zilebi.

Tuesday, April 24, 2012

एक कलि दो पत्तिया

एक कली
अपनी दो पत्त्यियों से बोली,

मेरे बिन तू नाही

पत्तियां मुस्कुराके बोली

ना पत्ती बीज नाही, ना बीज तुम नाही !

माली आया, पत्ती और कली को खींचा 
थैली  में लगाया और चल बसा !


चीर्स
जिलेबी.  

Sunday, April 22, 2012

బామ్మోయ్, నాకు లాప్ టాప్ ఇచ్చారు !

మా మనవరాలు మద్రాసు నించి ఫోను జేసి, 'బామ్మోయ్ నాకు లాప్ టాప్ ఇచ్చారు కాలేజే ఫైనల్ డే రోజున అంది.

ఎందుకే అన్నా.

'అదేంటి ఎందుకు అంటా వేమిటి ? మా 'పురచ్చి తలైవి తెలివి ఐనది. అందుకే అందరికి తెలివి ఎక్కువవ్వాలని లాప్ టాపు ఇచ్చింది ' అంది మనవ రాలు.

వామ్మో, పక్క రాజ్యం చాలా ముందుకు పోయిందన్న మాట అనుకున్నాను.

సరే మనవరాలా, లాప్ టాప్ తో ఎం చేస్తావేమిటి ?

అదేమిటి బామ్మా, నువ్వు బ్లాగాడటం లేదూ, అలాగా మేమూ చేస్తాం, అంది మనవరాలు.

సరే లేవే, ఇంటర్నెట్ కావాలి కదా ? అన్నా

దానికేమి నాన్నారి తో చెప్పి వై ఫై కనెక్షన్ తీసు కొమ్మని చెబ్తా అంది.

సర్లేవే, మద్రాసు లో ఎన్ని గంటలు కరంటు ఉంటుం దేమిటి ?

అదేమీ బామ్మా , ఎప్పుడు కరంటు ఉంటే అప్పుడే ఉపయోగిస్తా లే అంది  మనవరాలు, దానికి ఖచ్చితం గా తెలీదు కరంటు మద్రాసు లో  ఎప్పుడు ఉంటుందో అని !

'సర్లేవే, లాప్ టాప్ తో ఎం చేస్తావ్ ? '

పాటలు పెట్టుకుని వింటా బామ్మా, కొత్త కొత్త డీవీడీ లు కూడా చూడ వచ్చు, ఆ పై ఫేస్ బుక్ లో మా ఫ్రెండ్స్ తో చాట్ చెయ్య వచ్చు. యు ట్యూబ్ లో పిక్చర్లు చూడొచ్చు. సినిమా టికట్లు ఆన్ లైన్ లో నే కొను క్కోవచ్చే !'

భంసు !

ఒక ముక్క వేసి వేలాది చేపలని పట్టటం అంటే ఇదన్న మాట  !

టోకరా లాప్ టాప్ ఉచితం. దాంతో మా మనవరాలి ఖర్చులు అధికం.

జమా ఎంతో తెలీదు. పాపం మా అబ్బాయి !

అమ్మాయి పెళ్ళికని కూడ  బెడుతున్నాడు.

ఆల్రెడి ఆ జమా సంచి కి పెద్ద  బొక్క  ఇన్ఫ్లేషన్ ఉండనే  ఉంది.

ఆ పై ఇప్పుడు కరెంటు అకౌంటు ఖర్చులు !

చీర్స్
జిలేబి.

Saturday, April 21, 2012

వయ్యారాలు పోయిన బ్లాగరిణి!

పొద్దుట లేచి పోదారి, ఓ టపా ఇవ్వాళ కడదామని బ్లాగర్ లో లాగిన్ అయితే ఏదో అంతా కొత్త గా అనిపించింది.

వామ్మో, బ్లాగరిణి ఇవ్వాళ ఇంత వయ్యారాలు పోతోంది అని తీరిగ్గా ఒక్కో ఫీచర్ చూస్తూంటే వామ్మో, వామ్మో, లోపలి మేటరు ఒకటే అయినా పై పై మెరుగులు చాలా దిద్దాడే సుమీ అని పించింది.

ఒల్డు వుమన్ని మళ్ళీ ఉద్యోగం లోకి పిలిస్తే, జిలేబీ సింగారించుకుని ఉద్యోగం లో కి వెళ్ళడానికి తయారైన వైనం లా అనిపించింది ఈ బ్లాగరిణి!

అంతా అమెరికా వాడి మాయ ! సరే పోనీ లెద్దూ అనుకున్నా.

ఆ పై టపా రాయడానికి వస్తే సరికొత్త ఎడిటర్ కనిపించింది. హమ్మయ్యా , ఇన్ని రోజులకి కొంత బెటర్ గా టైపు జాడించడానికి వీలు గా ఉంది సుమీ అని ముచ్చట పడి పోయా !

మొత్తం మీద గిట్టు బాటు ఈ ఎడిటర్ మాత్రమె సుమీ ఇందు లో.

అంతా విష్ణు మాయ. గూగులోడు ఎప్పుడు బిచాణా కడతాడో ఏమో తెలియదు. బర బారా మనమందరం లాగించేస్తున్నాము బ్లాగరు లో మన బుర్రల్ని , వేడైన కామెంటు శర పరంపరలని !

అక్షయ తృతీయ లో బంగారం కొనుక్కుంటే బోలెడు లాభమట. ఏమైనా కొందారి అనుకు ని , కొంత ముందే వెళ్లి మా నంద్యాలం శ్రేష్టి గారి తో మాట్లాడ దామని వెళితే , 'రండ, రండ జిలేబీ గారు... బహుకాల దర్శనం అన్నారు.

ఏమండీ, 'పొంగలు' కే కదా, మీ కొట్టులో గాజులు చేయించినవి అంటే, 'అదేమిటండీ కొత్త వత్సరానికి ఏమీ చెయ్య కుండా పోయారు' అన్నారాయన.

హమ్మో, ఈ శ్రేష్టి గారు అనుకుంటే మన చేతుల్లో డబ్బులు డైలీ కూడా లాగేసుకుని బంగారాన్ని మన కి తలకి కట్టెయ్య గలరు అనుకున్నా.

ఏమండీ శ్రేష్టీ గారు ఎట్లా ఉంది ధర అంటే,

వెల గురించి మీకెందు కండీ జిలేబీ గారు, తరువాత చూసుకోవచ్చు, ఇప్పటికి ఏమి చేయిద్దా మంటారు చెప్పండి అని, 'కూల్డు డ్రింక్ పట్టుకు రావోయ్ అని పనబ్బాయిని పురమాయిం చారు.

హమ్మో, ఈ శ్రేష్టి గారు ఇవ్వాళ మన పర్సు కి కోత పెట్టె ప్రయత్నం లో నే ఉన్నారు సుమీ అనుకున్నా

ఏమండీ, అక్షయ త్రితీయ కి వస్తే ఏమన్నా డిస్కౌంటు ఎక్కువ ఉందా ' అన్నా, అడ్వర్టైజ్ మెంటు కాగితం చూపెట్టి.

జిలేబీ గారు, అవన్నీ, మిగిలిన వాళ్లకండీ, దానికి పై బడి మీకు ఇవ్వాళే డిస్కౌంటు ఇస్తా మొదట ఈ కూల్డు డ్రింక్ జమాయించండి , ఎండన పడి వచ్చారు అన్నాడు.

ఎండకి, చల చల్ల గా కూల్డు డ్రింకు తాగి మొత్తం మీద పర్సు ఖాళీ !

ఈ ఆండో ల్లకి ఈ బంగారం మోజు ఎప్పుడు తీరునో అని మా అయ్యరు వారు వాపోయారు. మా ఆండో ల్లకి ఈ మోజు ఉండ బట్టే గదా, అప్పుడపుడు ఇలా చేర్చి బెట్టిన బంగారం, ఇప్పడు మంచి వెల బలుకు తోంది అన్నా.

బ్యాంకు వాడు గ్రాముకి అప్పట్లో కొన్న ధరకన్నా ఇప్పటికి లోను ఎక్కువ ఇస్తున్నాడుగా ' అన్నా.

అదేమిటీ, అప్పట్లో కొన్న బంగారాన్ని తాకట్టు పెట్టి, ఆ రొక్కం తో మళ్ళీ కొత్త బంగారం కొందామని అనుకుంటున్నావా ' అన్నారు జంబూ వారు.

అదీ, మంచి ఐడియా లా ఉంది స్వామీ వారు అన్నా. ' శ్రేష్టి గారు చెప్పేరు, బంగారం ఇంకా 'వేలేక్కువ ' అవుతుందట మరి '

'మీ బంగారం కాకులెత్తు కు పోనూ, ఏదో మాట కి అంటే , వెంటనే ఐడియా పెట్టేస్తారే మరో మారు బంగారం కొను క్కోవడానికి మరి ' అన్నారు కృష్ణ స్వామీ వారు.


'పోదురు లెండి, కేరళ లో చూడండీ, మీ  నామధేయులు, పద్మనాభ స్వామీ వారు , ఎంత బంగారం కూడ బెట్టి ఉన్నారో ! ఆ పై మన కొండ దేవర పెరుమాళ్ళు వారు చూడండీ, కుబేరునికి బకాయి అని కబుర్లు చెప్పి ఎంత బంగారం కూడ బెడుతున్నారో !ఆ పాటి మనం కూడా చెయ్యాలి కదా మరి !"


చీర్స్ ఫార్ అక్షయ త్రితీయ !

జిలేబి.

Friday, April 20, 2012

అగ్ని మీళే పురోహితం !


సంసమిధ్యువసే వృషన్నగ్నే విశ్వాన్యర్యా ఆ !
జయహో భారత్ !

Thursday, April 19, 2012

గోవిందా గోవిందా గోవిందా !

గోవిందా గోవిందా గోవిందా !

ఒక వైపు చెవులు పోటెత్తే టట్టు భక్తుల భక్తి పరవశ ఘోషలు.

మరో వైపు, ఘంటసాల వారి భగవద్గీత - పుట్టిన వానికి మరణము తప్పదు, మరణించిన వారికి....

ఇంకో వైపు, పండితుల వేద పారాయణం - 'సహస్ర శీర్షాః పురుషః సహస్రాక్షః సహస్రపాత్ ....

అక్కడ , వెంకటేశ్వర సుప్రభాతం -

ఇక్కడ గోవిందా గోవిందా ఓం ఓం ఓం అంటున్న ఘంటా నాదం

మరో వైపు బస్సుల కి పరుగెడుతున్న భక్త జనవాహిని

ఇంకో వైపు సరికొత్త పెళ్ళైన జంట  మరో వైపు ప్రేమ పక్షులు ... ఆ వైపు  షష్టి పూర్తి చేసుకుంటున్న దంపతులు

ఒక వైపు ఉర్రూత లూగించు పవనాలు

మరో వైపు వేడి తాకిడి

ఇంకో వైపు భోజనాల హడావిడి

పుస్తక ప్రచురణల అంగడి

దైవ దర్శనం కోరి వేచి ఉన్న లక్షలాది భక్త జన వాహిని

దేవస్థానం వారి ఆఫీసు బిళ్ళ బంట్రోతు

స్వామీ వారి ఉత్సవ తేరు

ఒక వైపు భక్తి బృందం గోవిందా మరో వైపు పూజారుల మంత్రాల జోరు

వడ్డీ కాసుల వసూలు లెక్కలు ... బంగారం గ్రాముల కొలతలు .... జమా ఖర్చులు ...

వంటా వార్పూ... అన్నదాన పర్వం...

వీటన్ని మధ్యా నిశ్శబ్దం గా నిలబడి,   జనావళి  కి ఇంత పని బెట్టి , నిశ్చేతనం గా   గమనిస్తున్న మా ఏడుకొండల పెరుమాళ్ళు !

ఏడు కొండల వాడా, వెంకట రమణా,

గోవిందా గోవిందా గోవిందా
 
జిలేబి.

Wednesday, April 18, 2012

లవణీ తీగలు వారు ఫాయలే హకీకీ


లలామ
వనిత , పూబో
ణీ వాసం

తీ  మల్లె తీ
గ  వా
లు జడ
 
వారిజ
రుక్మిణి

ఫాతీమా
యవన
లేగ దూడ

హంస లేఖ
కీరవాణి
కితాబు



(కొంత కాలం మునుపు లవణీ తీగలు వారు ఫాయలే హకీకి అంటే ఏమిటని అడిగినవారికి !)

చీర్స్
జిలేబి.

Tuesday, April 17, 2012

తారా, 'సో' దరి !?

మేధ ను తారిస్తే
ఇండియా షైనింగ్
ఐటీ బిజ్

బాడీ ని తారిస్తే
ప్చ్, వ్యభిచార్

'చౌ' దరి ,
'సో', దరి ,
'ఏ'  దరి ?

ఒక తార నేలన పడి
బట్ట బయలయ్యింది
లోకం నేరమన్నది
ఇది నేరమన్నది

ఆకు ముళ్ళ మీద పడ్డా,
ముళ్ళు ఆకు మీద పడ్డా
ఆకు కే నష్టమట

ఈ సమీకరణం లో
ఆకులే సాక్షి

ఫిఫ్టీ ఫిఫ్టీ సమీకరణం
లో ఒక ఫిఫ్టీ ఎప్పుడూ
మరొక దానికన్నా
తక్కువే. 



జిలేబి. 

Monday, April 16, 2012

దేశ భాష లందు దేవ భాష 'లెస్సు' !

గుళ్ళోని దేవుడికి ముచ్చెమటలు పోసేయి.

పూజారి అల్టిమేటం ఇచ్చేడు.

' సామీ, రేపట్నించి గుళ్ళో పూజలు నీకు తెలిసిన భాషలో ఉండవు. కొత్త మంత్రి వచ్చాడు. అంగ్రేజీ అన్ని చోటా ఉండాలట. ఇక మీదట పూజా కార్యక్రమాలన్నీ కూడా అంగ్రేజీ లో నే'  చెప్పాడు పూజారి.  

ఆ మధ్య అరవ దేశం లో పూజలన్నీ అరవం లో నే ఉండాలని రూలు పెట్టేడు ఓ గుడ్డోడు. వాడి ఆర్డరు తో గుళ్ళోని దేవుడికి అరవం నేర్చుకోవడానికి తంటాలు పడాల్సి వచ్చే ! అరవం అంత సులభమైన భాష గాదు సుమీ అని వాపోయాడు ఓరియంటేషన్ కోర్సు కి వెళ్లి వచ్చి న దేవుడు.

'ప్రియ సఖీ' అన్నాడు కాళ్ళ వద్ద ఉన్న లక్ష్మీ దేవిని గమనించి.

'స్వామీ' అన్నది దేవేరి.

'డబ్బులు ఏమైనా ఇస్తావా '

ఎందుకండీ

ఆ అంగ్రేజీ ఏదో కొంత నేర్చుకుని తగలడతాను. 'పూజారి చెప్పాడు, వెంటనే నేనెళ్ళి ఏదైనా ఇంగ్లీషు కోర్సులో చేరి పోవాలాట '

స్వామీ

చెప్పు దేవేరి !

ఈ వయసు బడ్డ కాలం లో కొత్త భాష నేర్చుకుని ఏమి చేస్తారు

'ఎం చేద్దామంటావు ! ఇప్పటిదాకా తెలిసిన భాషలో ఆ పూజారి ఏదో చెప్పుకుంటూ వెళ్తూంటే , కర్ణాభ్యాం భూరి విశ్రువం ' అని ఆ సంగీతం లో  జోగుతూ ఉండి పోయా. ఇవ్వాళే ఆ కొత్త భాష వినిపించాడు. ఒక్క ముక్కా అర్థం కాలేదు. బెరుకు పుట్టు కుంది ' చెప్పాడు  గుళ్ళో దేవుడు.

ఎట్లాగూ వీళ్ళు మనల్ని రాళ్ళలో బంధించారు గదండీ స్వామీ వారు' లక్ష్మమ్మ అన్నది.

ఆవును దేవేరి

పోనీ లేద్దురు, రెండు చెవుల్లో కూసింత పత్తి పెట్టేసుకుంటే సరి ! ఎట్లాంటి సమస్యా లేదు. 'ఉన్నావా అసలున్నావా ఉంటే కళ్ళు మూసుకున్నావా ' అని వాడెవడో ఒక కవి పాడి పోయాడు. మరో వాడు నీ చెవులు మూసుకున్నాయా అని పాడి పోతాడు అంతే గదా ' చెప్పింది ఐడియా ల రాణి హృదయేశ్వరి.

'ఆ ! ఇదీ మంచి ఆలోచనే ' స్వామీ వారు కొంత సమాధానపడి నిద్దురలోకి జారుకున్నారు.

అమ్మవారు స్వామీ వారి కాళ్ళు మెల్లిగా వత్తుతూ తానూ నిద్దురలోకి జారుకుంది.

చీర్స్
జిలేబి.

Saturday, April 14, 2012

బుజ్జి పండు తెలుగు చదువు - శ్రీ భాస్కర విజయం - 2

హంగేరీ - బుదాపెస్ట్ మహానగరం.
బుదా, పెస్ట్ రెండు నదుల మధ్య ఐరోపా లో సుందరమైన నగరం గా పేరు గాంచినది.
మే నెల వచ్చేస్తోంది. చలి కాలం పోయి, వాసంతం వచ్చి, సూరీడు కిరణాలు వేడిని చలి కి వెచ్చ గా ఇవ్వడానికి ప్రయత్నిస్తోంది.

హంగేరియన్ ఆయుర్వేద ఫౌండేషన్ ఆఫీసు సెమినార్ హాల్ ముందు  ఫోక్స్ వాగన్ బీటల్ కారు ఆగింది.


సెమినార్ హాల్ ముందు వేచి ఉన్న హంగేరియన్ ఆయుర్వేదా ఫౌండేషన్ ప్రెసిడెంట్ డాక్టర్ గేబై కారు నించి దిగుతున్న శ్రీ భాస్కర శర్మ గారి కి స్వాగతం పలుకుతూ నమస్తే శర్మాజీ అన్నాడు రెండు చేతులూ జోడించి, "మంచి వేళ ఇవ్వాళ ! ఎప్పుడూ మా దేశం లో కరెంటు పోదు. అయితే ఇవ్వాళ కరంటు పోయింది ఇక్కడ ! ఇవ్వాల్టి కార్యక్రమం ఎలాగబ్బా అని ఆలోచిస్తూంటే, మీ రలా రావడం, కరెంటూ ఒక్క రెండు నిమిషాల ముందే రావడం అంతా సవ్యం గా కానవస్తోంది నాకు " అన్నాడు.


పంతొమ్మిదివందల ముప్పై ప్రాంతాలలో ప్రారంభించ బడ్డ ఫౌండేషన్ హంగేరీ లో చాలా మంచి పేరుని గాంచింది. ధీటైన రిసెర్చ్ సెంటర్ గా మారిన ఫౌండేషన్ ఆయుర్వేద రిసెర్చ్ లో ప్రముఖ స్థానాన్ని వహించడం ఆ దేశం వారి కృషికి నిదర్శనం.


ఆయుర్వేద ఏ ఒక్క జాతి కో మతానికో చెందినది కాదు. ఐదు వేల సంవత్సరాల పై బడ్డ మానవ మేధో సంపత్తి అది. అట్లాంటి ఆయుర్వేద తా పుట్టిన దేశం లో అల్లోపతీ సుడిగుండం లో కొట్టుకు పోతూంటే , ఐరోపా లో పునరుద్ధరణ కి సంసద్ధ మవు తోంది.


సెమినారు హాలు లో చిర్రావూరి దీక్షితులు గారిని పరిచయం చేస్తూ , గాబై మాట్లాడాడు. శ్రీ శర్మ గారిని ప్రస్తుతిస్తూ వారు రాసిన 'పరహిత వైద్యం' గురించిన విషయాలను ఉటంకించాడు. 


ఆ పై శర్మ గారు గాబై ఆహ్వానంతో ఆ నాటి అతిధి ఉపన్యాసాన్ని మొదలెట్టేరు.


"సభకు నమస్సులు. మీ ఫౌండేషన్ పంతొమ్మిది వందల ముప్పై ప్రాంతం లో ప్రారంభింప బడ్డది. మా నాన్న గారు పంతొమ్మిది వందల ముప్పై ప్రాంతాలలో ఈ పరహిత వైద్యం చేసేవారు " చెప్పారాయన .


ఫౌండేషన్ చప్పట్లు చరిచింది. హంగేరీ వాసులకు సారూప్యతలు నచ్చుతాయి. అంతే గాక ఈ సారూప్యతలకి ఖచ్చితం గా
ఒక లింకు ఎక్కడో అక్కడ ఉండే ఉంటుందని వారి నమ్మకం. 


పరహిత వైద్య విధానం దక్షిణ భారత ఆయుర్వేద వైద్య విధానం. ఈ విధానం పేరుకు తగ్గట్టు పరుల హితం కోరి చేసేది. ఇందులో స్వలాభోపేక్ష కి తావు లేదు. ఈ వైద్య విధానాన్ని స్వీకరించేవారు నియమ నిబద్ధతలకి కట్టు బడి ఉండే వారు. లోకాః సమస్తాః సుఖినో భవంతు అన్నది వేద వాక్కు. శన్నో అస్తు ద్విపదే శం చతుష్పదే అంటుంది వేదం. అంటే సర్వ జంతు జాలాలు శాంతి గా ఉండాలి. ఒక్క మానవ మాత్రుడు మాత్రం ఆరోగ్యం గా సంతుష్టుడై ఉంటే చాలదు. సర్వ జంతు జాలాలు కూడాను.
 
ఆయుర్వేద మానవులకూ, సర్వ జంతు జాలాలకు సంబంధించింది. నా వర కైతే నేను గమనించింది మా తండ్రి వారి గురించి విని ఉన్న పరహిత వైద్యం. " శర్మ గారు తేట తెల్లమయ్యే లా సవివరం గా చెప్పు కొచ్చేరు పరహిత వైద్యం గురించి.
 
వారి ఒక గంట పాటి ప్రసంగం అలా అలవోకగా గోదావరీ పరవళ్ళు లా బుడా నదీ ప్రాంతం లో సాగి పోయింది. ఫౌండేషన్ అతిధులు శర్మ గారి వాక్ ప్రవాహానికి మంత్ర ముగ్దులై అలా వింటూ ఉండి పోయారు.
 
ఆ పై ప్రశ్నల పర్వం మొదలయ్యింది
 
"శర్మ గారు, ఇంత మంచి వైద్య విధానం అలా ఒక తరం తో ఆగి పోవటం పాశ్చ్యాత వైద్య విధానం మీ దేశం లో త్వరిత గతిన పెంపొందడ మే నంటారా ?"
 
అది ఒక కారణం. ఆ పై ఈ వైద్య విధానం కాలగతిన తరువాయి తరానికి పట్టక పోవడం కూడా మరో కారణం. ఉదాహరణ కి మా తండ్రి తరువాయి నాకు ఆ భాగ్యం దక్క లేదు "
 
"భారద్దేశానికి ఈ కర్మ సిద్ధాంతమే, భాగ్యం , అభాగ్యం మీద నమ్మకాలే ఒక నెగటివ్ పాయింట్ అనిపిస్తుంది మాకు " మరో మెంబర్ చెప్పాడు.
 
"కావచ్చు. ప్రయత్నే ఫలే . కష్టే ఫలే. కాని మరో కోణం నించి ఆలోచిస్తే జన సాంద్రత కి ఈ కర్మ సిద్ధాంతమే ఓ పాటి మనః శాంతి ని కలిగిస్తూ, దేశం నానా విధాలా అసంతృప్తి కి లోను కాకుండా కాపాడుతోందని అనిపిస్తుంది కూడాను. ధర్మ మైన సంకల్పం, ధృడంగా అమ్మమీద భారం వేసి, కార్యక్రమం నడిపిస్తే అంతా సవ్యమే, అప సవ్యం సమస్య లేదు. అదే నా అనుభవం" చెప్పారు శర్మ గారు.
 
"ఈ దైవ నమ్మకం ఐరోపా లో తిరోగమన వాదం గా పరిగణింప బడుతోంది " మరో మెంబెర్ చెప్పాడు.
 
"కావచ్చు. మన కన్నా పై నొక శక్తి లేక డిఫరెంట్ డైమెన్షన్ అన్నది ఉన్నది అన్నది వాస్తవం. ఆ మరో కోణాన్ని తమ 'దృష్టి ' తో చూసిన వారు ఋషులు. అందుకే వారు 'దీర్ఘ దర్శులు'. ఆ దీర్ఘ దర్శులు గాంచినదే , తమ మేధో సంపత్తి తో గాంచినదే ఆయుర్వేదం. అంటే వారు వేరే డైమెన్షన్ లో దృష్టి ని సారించి, ఈ వైద్య విధానాన్ని కనుక్కోవడం అంటూ జరుగుతూంది. ఇది ఈ ఒక్క శాస్త్రానికి మాత్రమె సంబంధించినది కాదు. మీరు ఇప్పుడు వస్తున్న ప్రతి 'ఇన్నోవేషన్' వెనుకా దీని మూల భూతులైన వారు తమ పరిధి ని దాటి మేధస్సును ఉపయోగించడం తో టే గదా ఈ సరికొత్త సాధనాలు పరికరాలు మనకు లభిస్తున్నాయి "
 
ఆ నాటి సభా కార్యక్రమం ముగింపు కొచ్చింది. మెంబెర్స్  జోహారు లందించారు శర్మ గారి సంభాషణ కి.
 
గాబై సంతృప్తి గా చూసాడు శర్మ గారి వైపు "మీరు అప్పుడప్పడు మా మెంబెర్స్ ని అడ్రస్ చేస్తూ ఉండాలి' చెప్పాడాయన.
 
"అమ్మ దయ ఉంటే నిరభ్యంతరం గా అలాగే " చెప్పారు శర్మ గారు.
 
గాబై విచిత్రం గా చూసాడు శర్మ గారి వైపు. ఇన్ని సంవత్సరాలు గా భారద్దేశ వైద్య విధానాన్ని గమనిస్తూన్నా కూడా, ఈ దైవ చింతన ఈ దేశ ప్రజలలో ప్రతి విషయం లో అంతర్లీన మై వుండడం వారికి ఎప్పటికి అర్థం కాని విషయం !
 
(ఇంకా ఉంది)

Friday, April 13, 2012

బ్లాగులోళ్ళు వెర్సస్ కామెంటర్లు అసమానత్వం ముర్దాబాద్ !

కొన్ని కొన్ని బ్లాగులోళ్ళ కామెంటు బాక్సు ముందర కొన్ని విచిత్రమైన గొంతెమ్మ కోరికల్లాంటి నోటీసులు కనిపిస్తాయి.

కామెంట్లు తెలుగు లో ఏడవక పోతే మీ కామెంట్లు డెలీట్ !
మీకు ప్రొఫైల్ లేదా అయితే డెలీట్
మీరు టపాకి దూరం గా కామెంటు కొట్టారా డెలీట్ !
మీ కామెంటు నాకు నచ్చ లేదా డెలీట్
మీ సెక్సు చెప్పరా ! అయితే డెలీట్ !


ఇత్యాది అన్న మాట

ఇట్లాంటి సౌకర్యాలు కామెంట్లు రాసేవారికి అస్సలు లేవు.

టపా నచ్చ లేదా ఓ డెలీట్ కొట్టే సదుపాయం అస్సలు గూగులోడు కామెంటర్ల కి ఇవ్వలే ! అట్లా ఓ పది మంది కామెంటర్లు డెలీట్ కొడితే టపా హుష్ కాకి అయి పోవాలి. ఇట్లాంటి సౌకర్యాలు కామెంటర్ల కి లేక పోయెనే !

ఎంత అసమానత్వం !

అంతా సమనానమే అంటారు. మరి కామెంటర్ల పట్ల  ఎందు కింత వివక్ష !

బ్లాగులోళ్ళు వెర్సస్ కామెంటర్లు అసమానత్వం ముర్దాబాద్ !


చీర్స్
జిలేబి.

Thursday, April 12, 2012

జిలేబీ కి తాకీదు వచ్చేసిందోచ్ !

క్రితం ఏడాది జిలేబీ కి ఉద్యోగ పర్వం నించి టాటా చెప్పెయ్యడం తో , ఏమీ పాలు పోక కాలు గాలిన పిల్లిలా ఇంట్లో తిరుగుతూ ఉంటే, జంబూ వారు, 'ఇదిగో జిలేబీ ! అలా ఊరికే కూర్చోక, కాస్తా వంటా వార్పూ చూడరాదు ?' అంటూ అన్నేళ్ళు రాజ్యమేలిన వంట గదిని జిలేబీ తల మీద ధామ్మని పడేసేరు.

చ, చ, అసలు పని లేకుంటే, అందరికీ లోకువే సుమా అనుకుని సరే పోనీ మన జంబూ వారే కదా , ఇన్నేళ్ళు వంటా వార్పు చూసేరు. ఇక ఎట్లా ఉద్యోగం retire అయిపోయాం కాబట్టి, ఈ కొత్త ఉద్యోగం లో retyre అయి పోదామని ఒప్పేసు కున్నా !

వంటా వార్పూ అంత సులభమైన విషయం కాదు సుమా అని అప్పుడే అర్థం అయ్యింది. ! చాన్నాళ్ళ బట్టి అసలు వంట గది వైపు రాక పోవడం తో , వంట ఎలా చెయ్యాలో అస్సలు మర్చి పొతే, 'పోనీ లే జిలేబీ' ఆ లాప్టాప్ పెట్టేసుకుని ఆన్ లైన్ లో నేర్చేసుకో అని అయ్యరు వారు ఓ ఉచిత సలహా పడేసేరు.

దాంతో బాటే, అప్పటి దాకా ఎప్పుడో ఒక్క మారు టపా రాసుకుంటూ ఉన్న బ్లాగ్ లోకం లో కూడా జబర్దస్తీ గా జొరబడి , టాట్, ఇక మీదట డైలీ రాయాలి సుమా అని, అలా ఓ వైపు వంట కార్య క్రమమును మరో వైపు బ్లాగ్ టపా వంట కార్య క్రమాన్ని రెండు చేతుల మీదుగా సాగించడం జరిగింది.


ఖుషీ ఖుషీ గా నవ్వుతూ, చలాకీ చలాకీ లా కామెంట్లు కొడుతూ తీరిగ్గా కాలం గడి పేస్తూంటే, ఆ మధ్య లో మన మోహనుల వారి నించి ఓ కబురందింది

'జిలేబీ , నీకు రిటైర్మెంట్ ఇవ్వడం మా బుద్ధి తక్కువ. నీ వెళ్ళాక, వనారణ్యాలకి కష్ట కాలా లోచ్చెసేయి, అదీ గాక, నీకు రిటైర్ మెంటు ఇవ్వడం, తెలుగు బ్లాగ్ లోకానికి తల నొప్పి అయి పోవడం జరిగింది, నీ రాతలతో . కాబట్టి, నీ రిటైర్ మెంటు కాన్సిల్. వెంటనే నువ్వు జాబ్ లోకి చేరి పో' అని తాకీదు వచ్చేసింది!

చ, చ, జనాలు హ్యాపీ గా ఉండ నివ్వరు సుమా ! తీరిగ్గా, టపాలు రాస్తూ కూర్చుంటాం అంటే వద్దంటారు. సరే ఉద్యోగం లో ఉంటా నంటే, నీకు ఏజ్ అయి పోయింది, యు ఆర్ డిస్మిస్' అంటారు సుమీ అనకున్నా.

'అయ్యరు గారు మీ సలహా ఏమిటీ ' అడిగా.

'ఇదిగో జిలేబీ,  నీ చేతి వంట నాకు దక్కే యోగం లేదన్న మాట ఎప్పటికి ' అన్నారు వారు.

అర్థం అయి పోయింది వారికి కూడాను. సలహా ఏమిటీ అని జిలేబీ అడిగింది గాని, ఆ సలహా పాటిస్తుందా అన్నది సందేహం సుమా ఈవిడ అని !

సో, బ్లాగ్ బాంధవులారా, ఇంతటి తో మీకందరికి బాయ్ బాయ్! టాటా వీడుకోలు !

అప్పుడప్పుడు,వనారణ్యాల లోంచి బయట పడితే, గిడితే, జనారణ్యాలకి వస్తే, గిస్తే, నెట్టారణ్యాలు లభ్య మయితే, మళ్ళీ మీకు ఈ జిలేబీ టపా శిరో వేదనలు తప్పవు.

అప్పటి దాకా, బాయ్ బాయ్ టాటా వీడుకోలు.

చీర్స్
జిలేబి

(పీ ఎస్: ఇది 'తూచ్' టపా !, వీలైనప్పుడు, అప్పుడప్పుడు మళ్ళీ పునర్దర్శనం !)

చీర్స్
జిలేబి
IFS (Retyred)-Indian Fun Service Retyred!

Saturday, April 7, 2012

ఇచ్చట చచ్చి నోళ్ళ జాతకం చూడబడును !


ఇచ్చట టింకరింగ్ చెయ్య బడును 
ఇచ్చట కుట్టు లు, టైలరింగు చెయ్య బడును !ఇచ్చట చచ్చి నోళ్ళ జాతకం చూడబడును ఇచ్చట మొబైలు రిపైరు చెయ్య బడును
ఇచ్చట సైకిలు ట్యూబ్ కు పంక్చరు వేయ బడును

బోర్డు చూసి లోపలి కి కాలు పెట్టాడు అప్పా రావు.


మహార్జ్యోతిష్ శర్మ గారు తలెత్తి చూసారు


ఏమోయ్ ?


మా అయ్య చాలా సీరియస్ గా ఉన్నారయ్యా ! కాస్త జ్యోస్యం చూద్దురు, వారి కి ?


ఇదిగోనోయ్ బోర్డు చూసావుగా , ఇక్కడ చచ్చి నోళ్ళ జాతకం మాత్రమె చూడ బడును


బతికున్నోళ్ళకి చూడ రాండీ ?


కుదరదోయ్


ఓ పదిహేను రోజులు గడిచాయి . అప్పారావు అయ్య మధ్యలో కాలం చెల్లి పైకి పోయాడు. అప్పా రావు శుభం తరువాయి మహార్జ్యోతిష్ శర్మ గారి దగ్గరకు వచ్చాడు.


ఏమోయ్ మళ్ళీ వచ్చావ్ ?


మా అయ్య పోయాడండీ ! జాతకం తెచ్చాను చూద్దురూ.


శర్మ గారు జాతకం చూసారు.


మహార్జాతకమోయ్  ! మొన్న రామనవమి కి వైకుంటం చేరి ఉండాలే !


అయ్యా ! మీరు మనుషులు కానే కారండీ !


శర్మ గారు తీరిగ్గా జాతకాన్ని విశ్లేషించి అప్పా రావు అయ్య జాతకాన్ని చీల్చి చెండాడి , 'మీ అయ్య ఓ పుణ్యా త్ము డోయ్ అని జోస్యం చెప్పారు !


అప్పారావు సంతోషానికి అవధుల్లేవు.


మా అయ్య అంత గోప్పోడాండీ !


అవునోయ్ !


'ఇది ఉంచండి ' అప్పారావు ఖుషీ గా శర్మ గారి ముందు ఓ పుర్రె నుంచాడు


ఏమోయ్ ఇది ?


నా తరపున కానుక అండి మా అయ్యది


చీర్స్
జిలేబి.

Friday, April 6, 2012

కనిపించిన మేఘం


ఒక మేఘం కనిపించింది
గాలి వీచింది
మేఘం సాగి పోయింది

ఒక మేఘం కనిపించింది
సూరీడు సిగ్గు పడ్డాడు
మేఘం బోరు మన్నది

ఒక మేఘం కనిపించింది
చిన్ని పాప నవ్వింది
మేఘం రాగమయ్యింది

ఒక మేఘం కనిపించింది
తాత బోసి నవ్వు నవ్వాడు
మేఘం తుర్రు మన్నది

చీర్స్
జిలేబి.

Tuesday, April 3, 2012

హై 'టెక్కు' మహిళలకు గులాం !

"చ చ చ అసలు ఈ లోకం లో మగ వాళ్లకి అసలు తమకంటూ ఓ స్టేటస్ లేకుండా పోతోందీ, అంతా హై టెక్ మహిళలకు గులాం సలాం అయి పోయింది " విసుగ్గా కనబడ్డ ప్రతి ఒక్క దాన్నీ తన్నేసు కుంటూ ఇంటి లోపలి వచ్చాడు మనవడు.

'ఏమిరా మనవడా, వస్తూ వస్తూ నే ఆండోల్ల మీద పడ్డావు ' గదమాయించాను మనవడి ని.

'ఇదిగో బామ్మా, మీ కాలం నించే ఇది మొదలయ్యింది ' అన్నాడు వాడు.

ఏమిట్రా అన్నా

'ఏమిటి అంటే ఏమిటి ? అసలు మేమంటూ అసలు ఉన్నామా ? మా కంటూ ఒక స్టేటస్ ఉందా ? ' అన్నాడు.

ఏమయ్యిందేమిటి ?

ఎల్కేజీ లో మిస్సు కస్సు బస్సు. ప్రైమరీ లో మేరీ టీచరు అథారిటీ. ఆ పై కాలేజీ లో లేడీ ప్రోఫెస్సర్స్ గదమాయింపు. పోనీ లే అని ఈ 'హాయ్ టేక్' ఐటీ ఉద్యోగం లోకి వస్తే ఇక్కడా ప్రాజెక్ట్ మేనేజ్ మెంట్ లో వుమనేజ్ మెంట్' అన్నాడు వాడు.

ఫక్కున నవ్వు వచ్చింది. అదేంట్రా , ఉమనేజ్ మెంట్ అంటా వేమిటి ?

'అవునే బామ్మా, పెళ్లి అయ్యేంత వరకు ప్రాజెక్టు లో దేశాలెంబడి తిరిగి ఆ పై పెళ్లి అయ్యాక ప్రాజెక్ట్ లీడ్ అయ్యి ఇంటి కుంపటి ని తీరిగ్గా చూసు కుంటూ, క్వాలిటీ మేనేజ్ మేంటూ, మన్నూ మషానం అంటూ,   see, ఎంత బాగా, eye పెట్టి  CMMI V ప్రాజెక్ట్ మేనేజ్మెంట్ చేస్తున్నారు అని క్రెడిట్ కొట్టేస్తూ, చ చ చ అసలు మాకు రెస్పెక్ట్ అంటూ ఏదైనా ఉందా అంట ' అన్నాడు

వాళ్ళ అమ్మ వచ్చింది .

కోడలా, మనవడు వయసుకు వచ్చేడు. ఓ మంచి అమ్మాయి ని చూసి కట్ట బెట్టేయి ' అన్నా . 'ఆ వచ్చే అమ్మాయే, వీడి మానేజ్ మెంట్ చూసేసు కుంటుంది కూడాను'

'వాడు వింటేనా ? అసలు ఉద్యోగంకి పోయినప్పటి నించి వాడికి వైరాగ్యం వచ్చేసింది ' అంది కోడలు పిల్ల.

'ఇదే సరి ఐన సమయం చూసి ముడేట్టేయి '

'దేశం లో అమ్మవారి రాజ్యం ! ఇంట్లో  ఆండొల్ల రాజ్యం. చ చ చ ' అన్నాడు మనవడు.

చూడమ్మాయి, వాడు వద్దని చెప్పటం లేదు కదా ! ఓన్లీ కంప్లైంట్ అంతే !

మా అయ్యరు వారు హిందూ దిన పత్రిక నించి ఓ మారు తల బయట పెట్టి, మళ్ళీ పేపర్లోకి తల దూర్చేసేరు.
వారికి పేపరు కనబడితే చాలు, వేరే ఏదీ అక్కరలే మరి. మనమోహనుల వారి పాలిసీ. అన్నీ పాలిసీ మేటరు లోనే ఉండాలి అంతే.


రాజ్యం వీర భోజ్యం ! ఈ జమానాకి, 'రాజ్యమే' హైటెక్ మహిళా భోజ్యం !

చీర్స్
జిలేబి.

Sunday, April 1, 2012

ఇచ్చట మీ ఆధ్యాత్మిక ప్రశ్నలకు సమాధానం ఇవ్వ బడును !

'జై స్వామీ యోగి మహారాజ్ గారికి !

జై జై జై ! సభా ప్రాంగణం దద్దరిల్లింది.

స్వామీ యోగీ మహారాజా వారు వేంచేశారు. !తెల్లటి కాషాయ వస్త్రం. (కాషాయ వస్త్రం తెల్లగా ఉంటుందా ? అవును ఇది లేటెస్టు ఫేషను!) నుదిటి పైన నైస్ స్మేల్లింగ్ విభూతి పట్ట !  బవిరి గడ్డం. నిగ నిగ లాడే ఇటాలియన్ షూస్ కాలికి. చేతిలో కమండలం. కమండలం లో నీళ్ళు స్విట్జెర్లాండ్ నిండి ఫ్రెష్ గా దిగుమతి చెయ్య బడ్డది.

"ఇప్పుడు స్వామీ యోగీ మహారాజా వారు మీ ఆధ్యాత్మిక ప్రశ్నలకు సమాధానం చెబుతారు. మీ ప్రశ్నల తో బాటు పదివేల ఒక్క డాలరు నోటులను స్వామీ వారీ పాదాల చెంత బెట్ట వలెను " బోస్ మైక్రో ఫోన్ నించి అనౌన్సే మెంట్ చేసాడు ఓ స్వామీజీ.

'మొదటి ప్రశ్న' లక్షా వెయ్యిన్నొక్క నూట పద హారు డాలర్ లతో మొదలవు తుంది స్వామీ యోగి మహారాజ్ వారి శిష్య స్వామీ వారని ఖండించి తానె కొత్త వరవడి చుట్టేరు !

'ఆహా ! స్వామి వారి జ్ఞాన దృష్టి ముందు మనది ఏపాటి అని ' ఆ కుర్ర శిష్య స్వామీ ఈ మారు అట్లాగే స్వామీ అని చెంపలేసుకుని, కొత్త అనౌన్సు మెంటు చెప్పాడు ప్రశ్న విలువకి !

'మొదటి ప్రశ్న, ఓ సూటూ బూటూ వేసుకున్న పెద్ద ఆసామీ నిండి వచ్చింది. శిష్య పరమాణువు వాడి వద్దకెళ్ళి మొదట లక్ష పై చిలుకు డాలరు డబ్బులు తీసుకొచ్చి స్వామీ వారి పాదాల చెంత బెట్టేరు. ! స్వామీ వారు గబుక్కున తన కాళ్ళని వెనక్కి లాగేసుకుని ' ఛీ ఛీ' మీరే ఆ పక్క పెట్టండి అన్నారు.

'ఆహా స్వామీ వారికి ఎంత వైరాగ్యం !' అని భక్త పరమాణువు మరో మారు జై జై జై అని ఘోషించింది. !

ఆ సూటూ బూటూ వాడు ప్రశ్న మొదలెట్టేడు..

'స్వామీ ! క్రితం సంవత్సరం నా వ్యాపారం నష్టాల్లోకి పోయింది. ఈ సంవత్సరం ఏమైనా గిట్టు బాటు అవుతుందా "

స్వామీ వారు విచారం గా చూసేరు తన భక్త సూటూ బూటూ బాబుని.

'ఇదిగో, సూటూ బూటూ, విచారించకు. ఆధ్యాత్మిక పరంగా నీకు ఉచ్చ స్థితి ఈ ఉగాది నందన సంవత్సరం లో జరుగు తుంది. కాబట్టి దాంతో బాటే నీ కు వ్యాపారాభి వృద్ధి కూడాను ' అని ఓదార్చేరు !

రెండో ప్రశ్న మూడు లక్షల డాలర్లకి స్వామీ యోగి మహారాజ్ వారు సంత బేరం పాడేరు

మరో సూటూ బూటూ ఆసామి లేచి ఇల్లు విడిచి పారిపోయిన కూతురి 'ఆధ్యాత్మిక' స్థితి గురించి విచారించాడు.

స్వామీ వారు గతుక్కు మన్నారు. ఆ అమ్మణ్ణి  మొన్నే తన ఆశ్రం లో కి , తన ఆశ్రయంలోకి వచ్చి ఉన్నదాయె !

బవిరి గడ్డం తడివి, మరో శిష్యుడి కి సైగ చేసి ఆ అమ్మణ్ణి ని తోలుకు రమ్మన్నారు !

'అమ్మణ్ణి వచ్చింది, మొత్తం తెలుపే తెలు పు ఐన నిగ నిగ లాడే చీరలో.

కూతురిని జూసి తండ్రి ఆనంద పడేడు ! ఎట్టకేలకు కూతురు దక్కింది అని. మూడు లక్షల పై మరో లక్ష కానుక గా చెల్లించు కున్నాడు !

ఇట్లా స్వామీ యోగీ మహారాజ్ వారు ఆధ్యాత్మిక ప్రశ్నలకి సమాధానం ఇవ్వడం అలా భక్త పరమాణువులు ఆ హా ఒహో అని వంత పాడడం మొత్తం మీద అవ్వాల్టి సభ ముగిసింది.

'స్వామీ వారు రేపే స్విట్జేర్లాండు వెళుతున్నారు. కావున వారితో బాటు వెళ్లాలనుకునే వారు ఆశ్రమ ఆఫీసు ని సంప్రదించండి '  అని మరో కుర్ర సన్యాసి నోటేస్సు చెప్పేడు.

పోలో మని జన సందోహం ఆశ్రం ఆఫీసు మీద పడ్డది.

ఇంతటి తో కథ జెనీవా కి ! మనం యధా ప్రకారం మన గూటికి !!


చీర్స్

జిలేబి.
(స్విస్సులో ఓ స్వామీ వారిని కలిసిన శుభ సందర్భాన!)