గుడి - లోన దేవుడు - బయట బికారి !

గుడి - లోన దేవుడు - బయట బికారి

మూసిన గుడి తలుపుల వెనుక
లోన దేవుడు శయన మై ఉన్నాడు

బయట మానవుడు బికారియై దేబరిస్తున్నాడు

హృదయేషు లక్ష్మి వాసం నివాసం
అయినా ఎందుకో ఈ మానవునికి ఈ బికారి తనం

ప్చ్ గుడి తలుపులు  తెరవ వోయి ,
నీ తలపుల లో ఆతనిని నింప వోయి

ఆశాంతం ఆతనిని నీవై చేసు కోవోయి
ఇక లక్ష్మీ రమణుడు నీ  వాడే నోయి

జిలేబి

అయ్యరు గారు ఊరెళితే !

'
ఇదిగో జిలేబీ ఈ సారి నేను నిన్ను విడిచి ఊరెళ్ళి రావలసి వస్తోంది , నువ్వెట్లా మేనేజ్ చేస్తావేమో మరి '  మా అయ్యరు గారు ఊరు వెళుతూ విచారం గా ముఖం పెట్టేరు .

'ఆ మీరు ఊరు వెళ్లి రండి నాకేం, బ్రహ్మాండం గా ఉంటా ' అన్నానే గాని, లోపల బిక్కు బిక్కు మంటోంది .

రోజూ అయ్యరు  గారు చేసే బ్రహ్మాండమైన భోజనం గావించేస్తూ , వారి మీద రాజ్యం ఏలుతూ, వారిని ఆదమాయిస్తూ  గడిపేస్తూ ఉండటం గుర్తుకొచ్చి ఊఫ్ , ఇక వంట మనమే చేసుకోవాలా మరి అని నిట్టూర్చా .

ఫోటో లో మా బామ్మ నవ్వుతూ చూస్తోంది . మా బామ్మ ని మొట్టేయ్యాలని అని పించింది . ఆ వంటా వార్పూ మా అమ్మ నేర్చుకోవే అంటే, బామ్మ, నిఖార్సుగా చెప్పింది అప్పట్లో, 'ఆయ్ , జిలేబీ వంటా వార్పూ నేర్చుకోవడ మేమిటి ? వచ్చే ఆ ఏబ్రాసి గాడెవడో వాడే వండి పెడతాడు లే అని గదమాయించి వంటా వార్పూ నించి విముక్తి కలిగించడం తో అప్పట్లో అబ్బా మా బామ్మ మంచి బామ్మ అనుకున్నా . అట్లే పట్టుబట్టి, వంటా వార్పూ తెలిసిన అయ్యరు గారిని నాకు కట్ట బెట్టేయ్యడం కూడా ఆవిడ చలవే !

ఇన్నేసి సంవత్సరాలు కాలు మీద కాలు వేసుకుని దర్జా గా బతికిన జిలేబి ఇక వంటా వార్పూ చేసుకుంటూ బతకాలా ? చట్ , జాన్తా నాయ్ , ఎ హోటల్ కో వెళ్లి భోజనం కానిచ్చేద్దాం అనుకున్నా .

నా ఆలోచన పసికట్టేరు లా ఉన్నారు మా అయ్యరు  గారు ' ఇదిగో జిలేబీ, హోటలూ  గట్రా వెళ్లి ఆరోగ్యం పాడు జేసుకో మాక , ఫ్రిడ్జ్ లో దోస వేసుకోవడానికి పిండి వగైరా గట్రా పెట్టి ఉన్నా. అట్లాగే మంచి నీ కిష్ట మైన సబ్జీ పెట్టి ఉన్నా . కుకర్ లో రైజ్ పడేసు కో ! ఆ సబ్జీ కి చింత పండు నీరు కలిపి ఉడకబెట్టేయి , నీకు హాంఫట్ సాంబార్ తయార్ '
అన్నారు

సర్లెండి, సర్లెండి అన్నా ఇప్పుడు ఈయన గారిని కాదంటే ఇంకా పెద్ద లెక్చరు పీకుతారేమో అని భయమేసి !

'నీ ఆరోగ్యం జాగ్రత్తే' అంటూ మరో మారు విచారం కనబరచేరు

తట్ , మీరు వెళ్ళేది ఓ వారం రోజులు దానికి ఇంత సీన్ బిల్డ్ అప్ ఇవ్వాలా ? మా బ్లాగు లోకం వాళ్ళు నా గురించి ఏమని అనుకుంటారు మరి ? ఓస్ , ఈవిడకి ఈ పాటి పని కూడా తెలీదా అని తీసి పారేయ్యరూ మరి ? ' అన్నా

సర్లేవే, నీ బ్లాగు గొడవల్లో , భోజనం గట్రా మరిచి పోయేవు జాగ్రత్త అని మరో మారు జాగ్రత్తలు జెప్పి వెళ్ళేరు

ఆయన అట్లా వెళ్ళిన అర్ధ గంట లో యధాతధం  గా , 'అయ్యరు వాళ్ ' కాఫీ అని కేకేసా బ్లాగులు చదువుతూ .

నిశ్శబ్దం ! ఊప్చ్ , ఇక మనమే కాఫీ గట్రా పెట్టేసు కోవాలా ! ఓహ్ వద్దులే కాఫీ మానేద్దాం అని తీర్మానించేసి  హ్యాపీ అయి పోయా

మరో అర్ధ గంటలో కడుపులో ఆకలి కసామిస అన్నది !

ప్చ్ , ఈ మారు ఎట్లా ఒట్టి  నీళ్ళు తాగి ఊరుకుంటే సరి పోతుందేమో అనుకుని , ఏదో అయ్యరు గారు చెప్పేరు గదా ఫ్రిడ్జ్ లో ఏదో పెట్టేరని అది చూద్దాం అనుకుని చూసా .

దోసకి కావాల్సిన పిండి ఉన్నది . సబ్జీ వేపుడు ఉన్నది !

హమ్మయ్య దోసెలు వేసుకోవచ్చు అనుకున్నా .

ప్చ్, హ్యాపీ గా టపాల  జిలేబీ లు వేసుకునే స్థాయి నించి దిగబడి ఇట్లా దోసెలు వేసుకునే స్థాయి కి పడి  పోయామే అనుకున్నా !

సరే ఇక దోసెలు వేసుకుని ఆ సబ్జీ మళ్ళీ ఉడక బెట్టి అబ్బా 'this is too complicated process, there should be some simplified process of CMMI (Complete Meal Maker Integration!) ' అనుకుని ,ఏమి చేద్దామబ్బా అని ఆలోచించి , ఆలోచించి (దాంతో టే  మళ్ళీ ఆకలి నక నక ఇంకా ఎక్కువై పోయింది !) ఒక నిర్ణయానికి వచ్చి ,
ఆ సబ్జీ ని దోసె పిండీ ని కలిపా 'This stuff became too compact, there should be some 'free flow' for the dosa to come properly' అనుకుని కొంత నీళ్ళు కలిపి పాన్ మీద దోసెలు వెయ్యడం మొదలెట్టా !

మొదటి దోసె హాంఫట్ అని తుస్సు మన్నది . సరే పోనీ లే అని పాన్ ని ఇంకా గరం కానిస్తే  రెండో దోస నించి  సరిగ్గా దోసె క్రిస్పీ గా రావడం మొదలెట్టింది !

వావ్, ఐ హావ్ మేడ్ ఎ కంప్లీట్ మీల్  టుడే ! అనుకుని 'Mixed Vegetable Dosa' చెయ్యడం నేర్చేసుకున్నా అని బహు సంతోష పడి  పోయా !

మా ఆఫీసులో వాళ్ళు మేమ్  సాహిబా, అయ్యరు  గారు ఊరు  వెళ్ళేరు కదా, మీకు భోజనం ప్రాబ్లెమ్ అయి పోయి ఉంటుందే అంటే, 'No, no, you see, I have made Mixed Vegetable Dosa'  అని  గొప్ప గా చూపించా టిఫన్ బాక్స్ ఓపెన్ జేసి . 

'మేమ్  సాహెబ్, మీరు ఏ  విషయం లో నైనా ఘటికులే మరి '  ఓ కాంప్లిమెంట్ ఇచ్చేసి వెళ్లి పోయేరు కొలీగ్స్ .

జిలేబీ యా మజాకా ! ఇదిగో బలాగు బలాదూరు భామా మణులు , మీరేమీ వర్రీ అవకండి మనకు తెలియని విషయం అంటూ ఏమీ లేదు ! అంతా కొంత బుర్ర ఉపయోగిస్తే చాలు అంతే !

ముదితల్ నేర్వగరాని విద్య గలదె, ముద్దార నేర్పించినన్ అని ఊరికే అన్నారా మరి ? ముద్దార  ఎవ్వరూ నేర్పక పోయినా ముదితలికి 'నేర్పు' అన్నది 'స్వయం' భాసితం !


శుభోదయం
చీర్స్
జిలేబి


 

V.I.P - ఏడు కొండల పెరుమాళ్ళు !

కొండ దేవర ఉలిక్కి పడ్డాడు !

పంచ దశ లోకం లో శ్యామలీయం అనే భక్తుడొకాయన ఎవరో  V.I.P లకి V.I.P లడ్డులు వేరు గా ఇవ్వాలా అని ప్రశ్నిస్తే, టాం  అని వీరు 'ఆయ్  వేరే లడ్డూలు మాత్రమేమిటి  ఖర్మ వాళ్ళ కోసం V.I.P ఏడుకొండల దేవర దేవాలయం కట్టించ మని సలహా ఇచ్చేరు .

ఆ, ఇదేదో సలహా మరీ బాగుందే , అవునుస్మీ , మనకు ఈ అవిడియా  ఇంత దాక తట్ట లేదుసుమీ అని కొండ దేవర పాలక మండలి ముక్కు మీద వేలు వేసుకుని మరీ హాశ్చర్య పోయి, వెంటనే తీర్మానించేరు  'ఇక స్పెషల్ గా కొండ దేవరకి కొత్త గా V.I.P దేవాలయం ఒకటి కట్టి పడేసి, ఆయన్ని ఆ వచ్చీ పోయే V.I.P లకి కట్టి కుదెయ్యాలని  !

అదిగో ఆ ఆలోచనతో నే కొండ దేవర ఉలిక్కి పడ్డాడు !

పంచ భక్ష పరమాన్నం లో ఎప్పుడో ఒకప్పుడు పంటి క్రింద రాయి తగిలితే పొతే పోనీ అనుకొవచ్చు. అట్లాగే భక్త కోటి సమూహం లో అప్పుడప్పుడు వచ్చే V.I.P వాళ్ల  కష్ట నష్టాలు విని ఓస్ వీళ్ళది ఏమి బాధ , ఆ అశేష జన వాహిని బాధల కన్నా నా వీరి బాధ అని కొట్టి పారెయ్య వచ్చు !

ఇప్పుడు స్పెషల్ గా తను ఈ V.I.P ల కోసం పొద్ద స్తమాను కాళ్ళు అరిగి పోయేలా నిలబడి వేచి ఉండి  వాళ్ళు చెప్పే కష్ట నష్టాలు వింటూ ఊరుకోవలసిన దే నా !

ప్చ్ , తన కంటూ ఒక అభిప్రాయం ఉంటుందని, తన్ను కన్సల్ట్ చేసినారా ఈ కమిటీ వాళ్ళు ! ప్చ్ తాను  పేరుకి పెరుమాళ్ళు . తన మొర  వినే నాధుడు ఎవడూ లేదే మరి అని నిట్టూర్చాడు

అంత లో ఓ పరమ బికారి అంత సేపు జన వాహిని లో నిలబడి కాళ్ళు నొప్పెట్టి ఆ స్వామీ వారి ముందు వచ్చి తనకు స్వామీ వారిని చూసే ఆ ఒక్క క్షణానికి కలిగిన అదృష్టం  కలిగినందులకు  మహాదానంద భరితుడై గోవిందా గోవిందా అన్నాడు !
గోవిందుడి  ఆనంద భాష్పాలు ఆ బికారి కి తీర్థ మయ్యింది వాడు భక్తీ తో కళ్ళ కద్దుకుని మళ్ళీ గోవిందా అన్నాడు .

పొతే పోనీ లే , ఇట్లాంటి భక్తులకోసం తను మరో VIP గాడ్ అవతారం దాలిస్తే ఏముంది ! వీళ్ళు అట్లీస్ట్  సంతోష పడతారు అని తృప్తి  పడ్డాడు !

Very Intimate Perumaal కోవెల రూపు దిద్దు కో సాగింది !

కథ కంచికి మనం నిదురకి  !
గోల్ మాల్  గోవిందా !!

చీర్స్
జిలేబి
(శ్యామలీయం వారి ప్ర. జ. కామెంటు చదివాక !)

ఈ సుబ్బు, సత్తి బాబు, అయ్యరు వీళ్ళంతా ఎవరు ?

ఒకరేమో సుబ్బు ని హటాత్తు గా తెచ్చి కాఫీ మిష తో పని కలిపిస్తారు .

మరొకరేమో సత్తి బాబు పేరిట వదినా కాఫీ అంటూ వచ్చి మనకు ఖబుర్లు చెబ్తారు

మరోకావిడేమో , 'మా అయ్యరు ' అంటూ అప్పుడప్పుడు మేళ మాడు తోంటూ ఉంటుంది హాటు స్వీటు లు ఇస్తూ .

మరొకరేమో , (ఈ మధ్య ఈయన ఏమైయ్యారో అసలు కనిపించడం లేదు , వినిపించడం లేదూన్ను !) పద్మావతి ని లాక్కొచ్చి కథలు చెబ్తూంటారు  ( చెబుతుండే వారు అని గతించిన కాలము లో చెప్పవలె కాబోలు !)


ఇట్లా మన పంచ దశ లోకం లో ఇంకా కొందరు ఉండ  వచ్చు ! మీకు తెలిసన వాళ్ళు ఇట్లాంటి వాళ్ళుంటే చెప్పగలరు !

ఇంతకీ వీళ్ళంతా ఎవరు ! ? వీళ్ళకీ ఈ టపాలు రాసే వాళ్ళకీ ఈ అవినాభావ సంబంధం ఏమిటి ?

దీని పై మీ అభిప్రాయములు తెలుప గలరు !!

చీర్స్
జిలేబి
 

తెలుగు వీర లేవరా, తెలుగు తెగులు వదుల గొట్టురా !

ఈ టపా intentionally ఖాళీ గా వదుల బడింది . 

 

వీరులు , వీరాంగణలు ఈ టపా కంటెంటు పూర్తి చేయుదురని  

 

తద్వారా తెగులు వదులు నని ఆశిస్తూ ... 

 

 

జిలేబి ఉచితం !

 

ఉండమ్మా బొట్టు పెడతా !

ఉండమ్మా  బొట్టు పెడతా ! అన్నా ఆ వచ్చిన అమ్మాయి తో .

ఆంటీ , ఈ బొట్టు ఇట్లాంటి వి పెట్టు కుంటే పెళ్లి అయి పోయినట్టు లెక్క . నా కింకా పెళ్లి కాలేదు కాబట్టి వద్దు లెండి ' అందా పిల్ల.

 ఆ! అన్నా

అదేమిటమ్మాయ్ , బొట్టు కాటుక ఆడవారికి అందం చందం కాదా ! అట్లా అంటా  వేమిటి ? అన్నా బుగ్గ నొక్కేసు కుంటూ .

అట్లా అని మా మనవరాలి వైపు జూసా . ఏమిటే ఈ అమ్మాయి ఇట్లా అంటోంది అన్నట్టు జూసా .

మా మనవరాలు ఇబ్బంది గా నవ్వింది .

అది కాదే , మా ఫ్రెండు కి అమెరికా వెళ్ళా లని కొరిక. అందుకే ఇప్పట్నించే దానికి తయారి '  మా మనవరాలు మాట దాటేసింది .

నాకు ముచ్చటే సింది . ఈ మనవరాలు  అచ్చు నా పోలికే మరి ! ఎట్లా ఐతే నాకు మా బామ్మ పోలికో అట్లాగే దీనికీను . నాజూకు గా ఆ అమ్మాయిని ఇబ్బంది నించి కాపాడే సింది .  లేకుంటే నేనింకా నాలుగు మాటలు ప్రశ్నలు ఎక్కువ వేసి ఉందు  నెమో మరి !

సర్లే, అమ్మాయి, ఇంతకీ అట్లా అని ఎవరు జెప్పేరే ? అడిగా ఆ అమ్మాయి తో

మమ్మీ బోలీ అంది ఆ పిల్ల.

వామ్మో, వామ్మో, ఈ మధ్య ఇంట్లో వీధిలో ఆఫీసుల్లో అన్ని చోట్లా జిలేబీ ల దే రాజ్యమాయె . అన్నీ సరికొత్త హంగులు దిద్దు కొంటోంది .

మా కాలానికి మేమే అడ్వాన్స్ ఐన వాళ్ళం అనుకున్నామ్.  ఇప్పటి ఈ అమ్మాయిల్ని చూస్తోంటే మరి మేము నిజం గా నే అడ్వాన్స్ ఐన వాళ్ళ మెనా అన్న సందేహం గబుక్కున వచ్చేసింది .

కాల వాహిని లో ప్రతి తరమూ  తానె ఒక రెవల్యూషనరీ అని అనుకుంటుందేమో మరి .

మరో తరం వచ్చి మరిన్ని సరి కొత్తదనాన్ని  తెస్తే , అది మంచో చెడో దాని పర్యవసానం అప్పటికి తెలియక రాబోయే కాలం లో నే తెలుస్తుందేమో మరి !

అంతా విష్ణు మాయ కాకుంటే మరి ఏమిటి ? ఉండమ్మా  బొట్టు పెడతా అన కుండా ఇక మీదట 'హాయ్ హేవ్ గుడ్ ఫన్ ' అని దీవించ డానికి అలవాటు పడాలి మరి !


చీర్స్
Jail లేని 'Bee'

కామెంటిన కనకాంగి కోక కాకెత్తుకు పోయిన చందం !

కామెంటిన  కనకాంగి కోక కాకెత్తుకు పోయిన చందం ! ఓ రెండు సంవత్సరాల మునుపు రాసిన 'బ్లాగ్వెతలు  ఎంజాయ్ !!

నా కలలో పండిన ' బ్లాగ్వెతలు' !
 

కామెంటిన కనకాంగి కోక కాకి ఎత్తుకు పోయిందని ....

 
టపా టప టప టైపాడిస్తే చాలదు , కామెంట్లూ పండాలి


జగమెరిగిన బ్లాగరునికి సంకలిని ఏల ?

 
కానక కానక కామెంటు పెడితే , కరెంటు పోయిందట !

 
ఈ బ్లాగుకి ఆ బ్లాగు ఎంత దూరమో, ఆ  బ్లాగుకి ఈ బ్లాగు కూడా అంతే దూరం !

 
కొత్త బ్లాగరు 'కూడలి ' వదలడు, కొత్త బ్లాగిణి హారం వదలదు!

 
టపాలు రాసి కూడలి లో కామెంట్లకోసం దేబరించే మొహమూ నువ్వూను !

 
చీర్స్ సరిగ్గా చెప్పలేని  చెంచు లచ్చి , బ్లాగాడటానికి వచ్చిందట
 

 
చీర్స్
 జిలేబి.

Deciphering Cosmic Number - 137

ఈ మధ్య Deciphering the Cosmic Number (by Arthur I Miller ) అన్న పుస్తకం చదవటం జరిగింది . ఈ పుస్తకం కాల్ యుంగ్(సైకో అనలిస్ట్) , వోల్ఫ్ గాంగ్ పౌలి (ఫిజిసిస్ట్ - పీరయాడిక్  టేబల్ - ఎక్స్ క్లూషన్ ప్రిన్సిపల్  కి నోబల్  గ్రహీత)  మధ్య జరిగిన సంభాషణలు , పౌలి కన్న కలల డ్రీమ్ అనాలసిస్ వగైరా విషయాల తో చాలా ఆసక్తి కరం గా పుస్తకం సాగుతుంది .

ఈ పుస్తకం లో ని డ్రీమ్  అనాలసిస్ మన పనిలేక డాక్టరు రమణ బాబు గారి లాంటి వారికి చాలా ప్రయోజనకరమైన విషయం .

ఇక ఈ పుస్తకం శీర్షిక గురించి, : ఈ పుస్తకం ప్రకారం కాస్మిక్ నంబెర్ 137. 

ఈ కాస్మిక్ నెంబర్ ప్రత్యేకత ఏమిటి ? అంటే, "the weird number 137, which on the one hand describes the DNA of light and on the other is the sum of the Hebrew letters of the word “Kabbalah”

వోల్ఫ్ గాంగ్ పౌలి జ్యూయిష్ పరంపర కి చెందిన వాడు కావడం వల్ల  కొద్ది పాటి mysticism కూడా ఈ పుస్తకం లో చూడ వచ్చు.

The fascinating dreams of Pauli and their interpretation by himself as well as Jung are really wonderful subject matter for reading for those who are interested in these subjects.

ఇక ఇట్లాంటి వాటిని చదివితే మన 'ఇండియన్స్ ' వెంటనే ఇవి   మన వాళ్లకి ఎప్పుడో తెలుసోయ్ అనటం సాధారణం  కాబట్టి నేను కూడా నాకు అనిపించిన అగు పించిన  - అంటే ఈ కాస్మిక్ నెంబర్ ఒకటి మూడు ఏడూ కి సంబంధించి రాయ దలచి ఈ టపా అన్న మాట !

137 --->

1 --- ఒకటి ---> దీని గురించి చెప్పాలా ! ఏకం సత్ !

3 --- మూడు ---> త్రిగుణాత్మకం ముక్కంటి త్రిభువనం ముమ్మూర్తులు ... సృష్టి స్థితి లయ కారకమ్  ... ఈ మూడు ప్రతి మతం లోను ప్రతి మిస్టిక్ ప్రిన్సిపల్  లో ను ఉన్నదె.

(యాదృచ్చికం గానో కాకుంటే 'కాకతాళీయం గానో ఇవ్వాళ  కష్టేఫలె శ్రీ శర్మగారు కూడా మూడు 'ముళ్ళ' గురించి టపా పెట్టేసేరు ! దీని భావ మేమి ? క్వాంటం వరల్డ్ లో ఆపరేట్ అయ్యే లాస్ , ఈ 'యాదృచ్చిక లోకం లో ఆపరేట్ అవుతున్నట్టు కదా మరి !)

7 --- ఏడు ---> సప్త సాగరం సప్త నదులు సప్త ... ఈ ఏడు గురించి ఏమి చెప్పాలి ఇంకా ! సప్తపది ! ఏడడుగుల బంధం !

వీటినన్నిటిని అనుసంధానం చేస్తూ ... పురుష సూక్తం లో ...

' సప్తాస్యాసన్ పరిధయః త్రిసప్తః సమిధః కృతాః  '  దేవా యద్యజ్ఞం తన్వానాః  అంటూ మూడు కి ఏడుకి లంకె మన వాళ్ళు ముడి పెట్టేసేరు .

ఇక ఈ 137 బేసి సంఖ్య .

1 = 1
2 = 3-1
3 = 3
4= 3+1
5 = 7-3+1
6 = 7-1
7 = 7
8 = 7+1
9 = 7+3-1
10 = 7+3
11 = 1+3+7 !

అంటే ఒకటి నించి ఈ సంఖ్య  మొత్తం కూడిక 11 వరకు ఈ సంఖ్య నించి తెప్పించ వచ్చు !

ఈ బేసి సంఖ్య  మరో రూపం చూద్దాం .

మన పూర్వ కాలం లో అక్షౌహిణి  అన్న ది   యుద్ధం లో కూర్చే సైనిక అమరికకి పేరు .

ఈ అక్షౌహిణి  అన్నది 21,870  రథాలు , అన్నే ఏనుగులు , దానికిమూడింతలు గుర్రాలు ఐదింతలు నాలిగింతలు సైనికులు    అంటే (1+1+3+5 = 10!) * 21,870 = 218,700 .

ఈ సంఖ్యలో 2+1+8+7 = 18 = 1+8 = 9 ! తొమ్మిది కి ఉన్న ప్రాముఖ్యత చెప్పాలా మరి !

సరే, 2187 అన్న సంఖ్య లో మరో కిటుకుఉన్నది అదేమంటే ...

కనుక్కుని చెప్పండి -- ఆ సంఖ్యకి అంటే 2187 కి న్నూ 1 3 7 కి మధ్య ఒక సంబంధం ఉన్నది .

కనుక్కోగలరనే  ఆశిస్తూ ...

ఇక, ఈ సంఖ్య  మీకు కూడా మరెన్నో ఆలోచనలని రేకెత్తించ వచ్చు . వాటిని మీరు తెలిపితే ఆనంద కంద హృదయారవింద మవుతాను !!


శుభోదయం !
చీర్స్
జిలేబి 

పోట్లాట ఆపటం ఒక 'కల' !!



 

ఆ మధ్య పోట్లాడు కుందాం రండి అంటూ 'ఉత్థిష్ఠ జాగృత ' అన్నట్టు పిలుపు నిచ్చి టపా కొడితే, కాలక్షేపం కబుర్లు శర్మ గారు, పోట్లాట ఒక కళ , దాన్ని మొదలు పెట్టడం చాలా తేలిక, ఎక్కడ ఆపాలో తెలిసుంటే నే  అన్నారు కామెంటు కాణీ  పెడుతూ .  . 

 

ఈ వాక్యం బాగుందండీ - పోట్లాట ఒక కళ  - అని దాని మీద ఒక టపా కొట్టండి అంటే, సత్తి బాబుని పిలుచు కొచ్చి ఓ బ్రహ్మాండ మైన టపా కొట్టేరు కాలక్షేపం కబుర్లు - అవి ఒట్టి కబుర్లు కావు, ఎక్స్పెరియన్స్ కా బుర్రలు!

 

ఇంతకీ ఈ మధ్య వరస బెట్టి టపాలు గట్రా రాస్తూ, అట్లా మా అయ్యరు గారికి పనులు అప్ప జెబ్తూ , అజామాయిషీ చేస్తూ, ఆఫీసు పనుల్లో 'జిలేబీ మేమ్  సాహేబు మళ్ళీ ఎందుకు ఉద్యోగం లో రీ తయారు  అయ్యింది రా బాబోయ్ అని మా ఆఫీసు వాళ్ళు తల బట్టు కునేటట్టు జుట్టు ఊడ బెరుక్కునేటట్టు టెర్రర్ అయి పోతే, ఓ శుభోదయాన డామ్మని మా అయ్యరు  గారు నా వాలకం జూసి, ఇదిగో జిలేబీ నిన్ను వెంటనే డాక్టరు దగ్గిరకి తోలు కెళ్లా లే అన్నారు నా వాలకం జూసి . 

 

నే అన్నా, ఆయ్ , మన శరీరం గురించి మనకు తెలీదా, ఇందులో ఇంజిను పని జెయ్యక బోతే మనకు తెలీదా, ఆ పాటి దానికి ఆ 'పని లేక' డాటేరు ' బాబులు ఎమ్దుకో అంటే, తట్ తట్  జాన్తా  నాయ్ అంటూ మా అయ్యరు గారు నన్ను డాక్టరు గారి ముందు నిలబెట్టేరు . 

 

చూద్దును గదా, ఈ డా టేరు బాబు అచ్చు మన పని లేక రమణ బాబులా ఉన్నారు. వామ్మో అని కళ్ళు నులుముకుని జూస్తే, మళ్ళీ రూపం చెదిరి వేరే ఎవరి లాగో అనిపించేడు . అంతా నా 'బ్లాగ్' 'భ్రమణం' వల్ల వచ్చిన చిక్కు అనుకుని నమస్తే అన్నా . 

 

య, అయాం  రమణ అన్నారు వారు. 

 

చచ్చాం బో అనుకున్నా. జీవితం లో మనకు ఇట్లా కో ఇన్సిడెన్స్ అయ్యే వి చాలా ఎక్కువగా ఉంటా యేమో  . 

 

మా అయ్యరు గారు నా గురించి చింతాక్రాంతులై వచ్చీ రానీ  తెలుగులో ఆ డాటేరు బాబు కి విశ దీకరించేరు - ఈ జిలేబీ నానాటికి బ్లాగు పక్షి అయి పోతున్నాది అండీ అని 

 

డా టేరు బాబు అచ్చు రమణ బాబు గారి టపా లా నన్ను విశ్లే 'చించి' ఇదిగో అయ్యరు గారు మీకు జిలేబీ దక్కా లంటే జిలేబీ ని ఆ కంప్యూటరు ముట్టుకో వద్దని జెప్పండి అన్నాడు . 

 

నేను ఒప్పుకుంటా నా ! పోట్లాట పెట్టు కున్నా ఆ డాటేరు  బాబు తొ. ఆయ్ , మనకు నచ్చింది మనం జేస్తే, అది మంచి హాబీ కదా ఆ పాటి దానికి నేనెందుకు నా వ్యాపకాన్ని ఆపు జేసు కోవాలి ? శ్రీపాద వారేం జెప్పారు ? అంటూ లెక్చరు పుచ్చు కున్నా ఆ డాటేరు  గారికి. 

 

డా టేరు  బాబుకి హార్ట్ అటేక్  వచ్చే సింది ! 'ఇదిగో అయ్యరు  గారు మీరు ఈవిడ్ని ఇక్కడ నించి తీసు కు వెళ్ళండి లేకుంటే నాకు టెన్షన్ వచ్చేస్తోంది అనడం దాకా వచ్చేసింది ఆయన పరిస్థితి !

 

వచ్చే దార్లో చెప్పా, అయ్యరు వాళ్ ' మన శరీరం గురించి మనకు తెలీదా అని నే  జెప్పా' గా అన్నా 

 

మా అయ్యరు గారు పోట్లాట పెట్టుకుని, ఇదిగో జిలేబీ ఈ బ్లాగు వ్యాసంగం మానేయ్ అంటే, పొతే పోనీ మీ కంటూ టపా ఒక్క నెల రాయ కుండా ఉంటా ! కాని కామెంటు 'మెంతులు ' బ్లాగ్ దియా భేటీ' స్  కి స్వచ్చమైన మందు అది మాత్రం మా నన్నా  !

 

నిజమే ! నువ్వు ఒక్క నెల టపా రాయకుండా మానేస్తా వటే  ? అన్నారు బుగ్గ గిల్లి .

 

ఛీ ఈ వయసులో ఇదేంటి అంటే ! 'హనీ మూన్ డేస్ ' గుర్తు కోచ్చేయి అనేరు !

 

ఔరా, కాళ్ళు కాటి కి లాగుతూంటే, హనీ గుర్తుకు రావటమేమిటి అను కుని  दांतों तले उंगली दबाया मैंने !!

 

అట్లాగే పట్టు బట్టి ఓ నెల రాయకుండా ఉన్నా ! మన సత్తా మనకు తెలీక పొతే గెట్లా  మరి !

 

రెండో రోజు నా చేతులు బ్లాగు రాయక జివ్వు మనటం  జూసి అయ్యరు  గారు పొతే పోనీ జిలేబీ నీకు చదవటానికో  మంచి పుస్తకం తీసుకొచ్చా అన్నారు !

 

తెచ్చిన పుస్తకం Deciphering the Cosmic Number by Arthur I Miller.

 

ఎంతైనా మా అయ్యరు గారు మా అయ్యరు గారే !  సో, ఈ ఒక్క నెలలో చదివిన పుస్తకం ఇదన్న మాట !

 

ఇంతకీ ఈ కాస్మిక్ నెంబర్ ఎమిటం టారా  ఒకటి మూడు ఏడు  ! 137 !  ఈ నెంబరు చూస్తె మీకు ఏమి గుర్తు కొస్తుంది ? సరే ఈ  పుస్తకం మీద తరువాత టపా రాస్తా , నా కనిపించిన విశేషాలు ఈ నెంబరు పై !

 

కాబట్టి, పోట్లాట ఆపటం ఒక కల ! కల కానిది నిజమైనది ! పోట్లాట లో ఉంది మజా అది అనుభవించితే తెలియునులే ! అంటూ .... 

 

 



 

 

 

శుభోదయం !
చీర్స్ 

జిలేబి 

ఆవకాయ ఫ్లోర్ టపా కి 'లక్ష్మీ' 'టపా క్యాప్! - హన్నా శరవేగం !

Derivatives world లో ఫ్లోర్ అండ్ క్యాప్ అన్న పదజాలం ఉంది .

అట్లా , నిన్న భమిడి పాటి అయ్య వారు మా ఆవిడ నన్ను ఫ్లోర్ చేసింది అంటే (నిన్నటి లింకు చూడ వలే ) భమిడి పాటి అమ్మగారు 'ఆయ్ ' అని 'ఏదో ఒక మారు పని జెబ్తే, వెంటనే 'టముకు' కొట్టు కోవాలా అంటున్నారు !

భమిడి పాటి అమ్మగారు రిటార్టు ఇస్తారని అనుకున్నా గాని, ఇంత త్వరగా రిటార్టు ఇస్తారని ఊహించలే ! అయ్య వారు చేసిన ఆవకాయ టపా కారం వెంటనే పని జేసి టపా రిటార్టు అమ్మగారు వేసేసేరు !

ఇక ఎందుకు ఆలస్యం !

పిల్లలు టూర్ వెళితే, మనకు ఇక 'హనీ  డేస్ గదా !!

''' ఈ ఏడాది ఆవకాయ కలపడం మా వారికి outsource చేసేశాను. ఏమిటో ఎంతో శ్రమపడిపోయినట్టూ, నేనేదో ఆయన్ని ఆరళ్ళు పెట్టేస్తున్నట్టూ ఓ టపా కూడా పెట్టేసికున్నారు. మరి ఇన్నేళ్ళూ,మింగినట్టు లేదూ? ఒక్క రోజంటే ఒక్కరోజైనా ఆవకాయ లేకుండగా ముద్ద దిగిందా? పైగా బయటినుంచి తేకూడదూ, ఇంట్లోనే, పిల్లల్ని చూసుకుంటూ, ఆయనకి కావాల్సినవన్నీ చేస్తూ, వంటపనీ, ఇంటిపనీ చూసుకుంటూ ప్రతీ ఏడాదీ ఊరగాయలు పెట్టడమంటే మాటలా మరి? అదేం జాతకమో నాది, ఓ పనిమనిషికూడా లేదు'''



చీర్స్
జిలేబి 

अरे भाय आंध्रा पिकिल नही है क्या?!

ఆవకాయ మన అందరిది .... గోంగూర పచ్చడి మనదేలే ...ఎందుకు పిజ్జాలెందుకు బర్గర్ లెందుకు లే ! అంటూ హ్యాపీ గా పాడే సు కుంటుం న్నారు భమిడి పాటి వారు ...

స్వచ్చమైన ఆవకాయ టపా చదవడానికి ఈ క్లిక్కు నొక్క వలె !


,,,, ఈ రోజుల్లో నగరాల్లో పనిచేసే కుర్రకారుకి, తెలుగువారికంటే పరభాషా స్నేహితులే ఎక్కువాయె, ఎప్పుడో వాళ్ళని ఏ భోజనానికో పిలిచినప్పుడు వాడు अर्‍ऍ भाय आंध्रा पिकिल नही है क्या... అంటాడేమో అని భయం మరి.వాడుకూడా ఎక్కడో నెట్ లో చదివుంటాడు, ఆంధ్రావాళ్ళకి ఆవకాయ చాలా ప్రీతీ అని. అలా క్రమక్రమంగా ఈ “ఆవకాయ” మనకోసం కంటే బయటివాళ్ళకోసం ఓ status symbol గా తయారయింది. ఈనాటి పిల్లలంతా వాళ్ళ అమ్మలో, అమ్మమ్మలో పెట్టిన ఊరగాయలతోనే పెరిగారు. ఇప్పుడే ఈ సుకరాలన్నీనూ..... 



చీర్స్
జిలేబి 

బాబా బ్లాక్ షీప్ ఆనందా వారి ప్రసంగోపన్యాసం

'బాబా బ్లాక్ షీప్ హేవ్ యు ఎనీ వూల్  అంటే, ఎస్ సర్ ఎస్ సర్ త్రీ బాగ్స్ ఫుల్ ' ఇందులో నిగూఢ మైన అర్థం దాగి ఉన్నది ' తన బవిరి గడ్డాన్ని దువ్వుకుంటూ చెప్పారు బాబా బ్లాక్ షీప్ ఆనందా స్వామి వారు.

జనవాహిని 'ఆహా ' అని స్వామి వారి ప్రసంగో పన్యాసాన్ని వినడానికి ఉత్సుకతో 'జై బోలో స్వామీ షీప్ ఆనందా మహారాజ్ కీ' అని దీర్ఘ ఘోష పెట్టేరు .

స్వామీ వారు చేయెత్తి అందర్నీ తడుము తున్నట్టు చెయ్యూపుతూ ఆశీర్వదించేరు  !

భక్తుల కళ్ళలో కన్నీళ్లు తప తప మని రాలేయి . ఆహా స్వామి వారికి ఎంత 'అవ్యాజ మైన' 'ఘాటు' 'గోటు' ప్రేమ మన మీద అని వారు అనందం తో తడిసి ముద్దయ్యేరు .

స్వామీ వారు తమ ప్రసంగాన్ని కొనసాగించేరు .

భక్త 'శిఖా' మణులారా  ! త్రీ బేగ్స్  అనటం ఎందుకు ? చార్ బాగ్ అని ఉండ వచ్చు కదా ? కాదె ! త్రీ బేగ్స్ అనే చెప్పారు ! దీని లో నిగూఢ మైన అర్థం ఏమిటి ! అని మళ్ళీ బవిరి గడ్డం తడి మేరు .

జనవాహిని కి ఈ మారు ఏమి చెయ్యాలో పాలు పోలేదు జై కొట్టాలో లేదో తెలియ లెదు.

స్వామి వారు అన్నారు.... త్రీ బేగ్స్  అనగా, ముక్కంటి ఈశ్వరుడు . త్రీ బేగ్స్  అనగా మూడు గుణములు సత్, రజో తమో గుణములు అన్నమాట త్రీ బేగ్స్  అనగా త్రిమూర్తులు బ్రహ్మ, విష్ణు మహేశ్వరులు . త్రీ బేగ్స్  అనగా గాయిత్రి .

ఇట్లా సర్వం 'త్రిభువన భూషితం' ! అంతా 'త్రీ' లో నే ఉంది

one for my master అనగా నేమి ! ఆ పరమ ప్రభువు ! one for the dame అనగా నేమి ! ఆ పర దేవత ! one for the little boy down the lane ' అనగా ఎవరు ?

ఎవరూ ఎవరూ 'జై బోలో బ్లాక్ షీపా నందా స్వామీ వారికీ !"

బాబా వారు బవిరి గడ్డం తడిమేరు  ! 'ఎవరు' అంటూ కళ్ళ లో చమక్కు చూపిస్తూ అడిగేరు .

జై జై జై అంటూ జనవాహిని ... ఇంకెవరు మన బాబా గారే ఆ లిటిల్ బాయ్ డౌన్ ది లేన్ !' అంటూ కర ఘోష ఆ హాలు ప్రతిధ్వనించే లా చేసేరు .


స్వామీ వారి శిష్య పరమాణువులు భక్తులందరికీ మూడు మూడు బాగులు ఇచ్చేరు ... ఇందులో మీరు మీ కానుకలు చెల్లించ వచ్చు ! అంతా స్వామీ వారి ముందు పెట్టండి . స్వామీ వారు పరమ ప్రభువు వాటా, పరదేవత వాటా, తమ వాటా అంతా సరి సమానంగా పంచెదరు  '

జనవాహిని ఎగ బడ్డది  ! స్వామీ వారు అక్కడే ఉన్న గొర్రె నెక్కి 'వాహన' స్వామీ వారి గా మారేరు !

కథ కంచి కి మన మింటికి !

వెల్కం బెక బెక !

జిలేబి ఈజ్ బ్యాక్ అగైన్ !

చీర్స్
జిలేబి 

స్వామి బ్లాగానంద వారితో ముఖాముఖీయం

నమస్కారం స్వామీ బ్లాగానంద గారు . తెలుగు బ్లాగు సముదాయము తరపున మీకు ఇవే జిలేబీ శుభాకాంక్షలు .
మీ గురించి 'స్వల్ప' పరిచయం ?

జిలేబీ సిద్ధి రస్తు ! నన్ను పూర్వాశ్రమం లో వీక్లీ ఆనందా అనేవారు . ఈ పంచ దశ లోకం లో స్వామీ బ్లాగానందా అన్న పేరుతో వెలసి ఉన్నాను

మీ పేరు బ్లాగానందా  కావడానికి మీరేమి తపము చేసిరి స్వామీ ?

సంవత్సరాల కొలది ఘోరమైన కామెంటు తపము చేసినాము . వేల కొద్ది కామెంటు సమిధలు సమర్పించి బ్లాగు లోకమున ఆనందము గాంచినాము . దానితో బాటు 'కై' 'వలయ' విద్య గా అందరిని మెచ్చు కున్నాము . తపము ఫలించి 'టా పెశ్వరీ ' మాత అనుగ్రహము మాకు నిండు గా దక్కింది . 'మాతా టా పే శ్వరీ  వర ప్రసాదమున మాకు 'బ్లాగ్బ్లిస్సు' కలిగింది .

స్వామీ బ్లాగానందా  గారు ... బ్లాగు టపాలు మీరేమన్నా వెలు వరిం చారా ?

అంతా విష్ణు మాయ ! మేమే సర్వ బ్లాగు లలోను మీ 'వేలు' నించి వారు తున్నాము ! ఇక మాకంటూ ఒక్క బ్లాగు ఎందుకు ? మీ టపా ఆనందమే మా కర ఘోష !!

స్వామీ అంటే మీరేమీ టపాలు రాయ లేదా !?

చెప్పాను కదా జిలేబీ ? జిలేబీయం ఎచ్చట ఉండునో అచ్చటంతా  అది నా టపా యే  !
ఆహా ఏమి చెప్పినారు స్వామీ !!

స్వామీ !!

ఏమీ !!

నన్ను కరుణిం చండి ! నన్ను దీవించండి !!

హాం ఫట్ !! భామా, బ్లాగు మాని ఇంటి పని చూసుకో ! అంతా సవ్యం గా జరుగు తుంది నీకు !!

ఆ!!! ---!! ఆ ఒక్కటి చెప్పమాకండి  స్వామీ !

అంతా 'టపేశ్వరీ ' ఇచ్చ ! మనం నిమిత్త మాత్రులం మాత్రమె !!


చీర్స్
జిలేబి
(జిలేబీ చాతుర్వార 'నిర్టపా ' వ్రతం ఆరంభం!)

పోట్లాడు కుందాం రండి !

ఇదిగో నండీ అయ్యరు  గారు ఇవ్వాళ్టి నించి రోజూ మీతో పోట్లాడ బోతా అల్టిమేటం ఇచ్చా మా అయ్యరు  గారి కి

ఏమోయ్ జిలేబి ఏదో కొత్త గా జెబ్తున్నావ్ ? నలభై ఏళ్ల దాంపత్యం లో మీ బామ్మ చలవ నీతో పోట్లాడని రోజు ఉందా అన్నారు మా అయ్యరు గారు .

పోట్లాడ కుండా నాకు మాటల్రావే మరి ఏం  చెయ్య మంటారు ?

కుమారీ సుకుమారీ అని మీ బామ్మ అంటే ఏమిటో అనుకున్నా ! పెళ్ళైన తరువాయే తెలిసింది ' అழగాన రాక్షసి అని !

పోదురు లెండి ! మీరు మాత్రం ఏమిటి మరి ?

సరెలేవే జిలేబి, ఇంతకీ ఇవ్వాళ్టి  నించి కొత్తగా పోట్లాడ బోతా నన్నావ్ ఎందుకోయ్ మరి ? అడిగారు అయ్యరు గారు

'అదండీ, కష్టే ఫలే శర్మ గారు, 'కోలాటం' బొమ్మ పెట్టి , బెల్లం కొట్టిన రాయిలా ఉండ మాకండీ, కూసింత పెనిమిటి తో మాట్లాడండీ అన్నారండీ ! మాట్లాడండీ అంటే, మనం పోట్లాడడమే కదాండి  ? అందుకే అట్లా చెప్పా '

కోలాటం లో కోలాటం 'శబ్దం' చేసినా దాంట్లో రిథమ్ ఉంటుందోయ్ ! అట్లాగే మన పోట్లాటల్లో కూడా రిథమ్  ఉంటే ఫర్లేదు లే !

అయితే పోట్లాడు కుందాం రండి !!!


చీర్స్
జిలేబి 

కనుకొలకుల లో కన్నీళ్లు

 

కాలాలు ఏమైనా కన్నీళ్ళ కి 

కన్య   కనులే స్థావరమా ?

లేక ఇది ఈ మీనాక్షి 

కోరి తెచ్చుకున్న వరమా ?

 

కాలం మారింది అంటారు 

మరి అబల ఏ కాలం లో 

సబల అవుతుంది ?

 

 

పిల్ల కాలువ - నది - సంద్రం - ఆకాశం

 

పిల్ల కాలువ పరుగులిడు

తోంది నదిని చేరడానికి 

 

నది ఉరుకులిడు

తోంది సంద్రాన్ని చేరడా నికి 

 

సంద్రం  ఆకసం వైపు

ఆకసాన మేఘం భువి వైపు 

చూస్తోన్నాయి 

 

సన్నాయి రాగం తో గాలి తెమ్మర 

అట్లా వెళుతూ మేఘాన్ని ముద్దాడితే 

 

మేఘమాలిక కుంభ వృష్టి అయి

భువి ని తడిపేసింది 

 

పిల్ల కాలువ నది అయ్యింది 

నది మహా నది అయ్యింది 

 

సంద్రం మహాసముద్ర  మయ్యింది 

 

ఆకసం మళ్ళీ సంద్రాన్ని చూస్తోంది 

 

 

జిలేబి 

ఇచ్చట బ్లాగు ట్యూషన్ చెప్ప బడును !

ఆ, పిల్లలూ అందరూ వచ్చారా ?

ఎస్ మేడం !

మొదట మనం బ్లాగు మాతరమ్ తో మన తరగతి ని ప్రారంభిద్దాం !

అందరూ చెప్పండి ...

వందే బ్లాగారం వందే బ్లాగారావు ...

ఆ పిల్లలూ ఇప్పుడు మీ పేర్లు చెప్పండి

నా పేరండీ  నా పేరండీ  ....

హాయ్ ఐ యాం ....

ఏమబ్బాయ్ , అట్లా పనీ పాటా లేక కూర్చున్నావే ? ట్యూషన్ లో చెప్పే పాటా లు సరిగ్గా వింటున్నా వా ?

మేడం, కాలక్షేపం కోసం సరదాగా బ్లాగు ఎట్లా రాయడం అని నేను రాసు కొచ్చే నండీ !
ఎరా అబ్బాయ్, ఈ వ్యాసం ఎక్కడో చదివి నట్టుందే  మరి ?

లేదండీ ఇది నా స్వంతం అండీ

ఏమమ్మాయ్ మధురా బ్లాగ్ క్లాసులో జంతికలు తింటూ కూర్చున్నావ్ ? ఏమైనా కాస్తా రాయ కూడదూ ?

రాసేసా మేడం, జంతికలు మీద వ్యాసం !

ఆ, సరే అబ్బిగా, ఏమిట్రా పక్క వాడి తో బాతా ఖానీ కొడుతూ కూర్చున్నావ్ ?

ఏమీ లేదండీ, నేను జెప్పేది ఎవరైనా వింటారా అని చూస్తున్నా

మా నాన్నే మా నాన్నే

ఏమమ్మాయ్ బ్లాగ్జోతి ఈ మధ్య క్లాసులకి నల్ల పూసవై పోయెవ్ ?

మా ఇంట్లో అమ్మ చివాట్లు పెట్టిందం డీ !

ఆ కిట్టిగా, ఏమిరా రాస్తా రాస్తా ఉండావ్ ?

రాము లోరి మీద ముక్క రాస్తున్న నండీ

ఆ అబ్బాయ్, అట్లా నా వైపు చూసి తెగ నవ్వుతున్నావ్ ?

మేడం, మీరూ నవ్వా లనుకుంటే నవ్వండి !


ఏమమ్మా జిలేబీ ఏమిటి తెగ ఆలోచిస్తా ఉండావ్ ?

మేడం, మీరు ఎప్పుడు రిటైర్ అవుతారో?

ఆ ! ఎందుకే !

నేను కలాసులు తీసుకుందా మని !
వామ్మో వామ్మో ఏమి తెలివే నీకు ! నీ బలాగు బంగారం కాకులెత్తుకు పోనూ ....


చీర్స్
జిల్లాలంగడి జిలేబి !

మీ కామెంటులు చిల్లు కాణీ విలువ చెయ్యవు !

శుభోదయం !

కామెంటు విలువ ఎంత అంటే, చ పో చిల్లు కాణీ కి పనికి రావు అన్నాడో 'అన్నా' నీ మనసు' తెలీని వాళ్ళం అనుకున్న ఓ జ్ఞాత ఐన అజ్ఞాత !

ఆహా, జ్ఞాతల కన్నా ఈ అజ్ఞాత జ్ఞానం ఏమి విలువైన జ్ఞానం అనుకున్నా !

ఇంతకీ మనం రాసే టపాలకి వచ్చే కామెంటు లకి కాపీ రైటు  ఎవరికీ చెందు తాయి ?

టపా లకి కాపీ 'రైతు' ల ము మేమోయీ అని జబ్బలు కొట్టుకుని రాస్తాం!

సరే, మన టపాలు చదివి, మన మీద కూసింత కరుణ జూపి మనకు 'తపోత్సాహాన్ని'  కలిగించి, మళ్ళీ మళ్ళీ మనం టపా వ్యామోహం తో మమేకమ వ డా నికి చేయూత నిచ్చే బంగారు కామెంటు దారుల వాక్యాలకి వ్యాఖ్యలకి కాపీ రైటు ఎవరికీ చెందు తుంది ? మన టపా చదివి అది కొట్టేరు కాబట్టి మనకే చెందు తయా ? లేక వారి కామెంటు లకి కాపీ రైటు  వారికే చెందు తాయా ?

ఏమండీ జిలేబీ గారు మీకు పనీ పాటా లేదా ? పొద్దస్త మానూ కాపీ, కాఫీ ల గురించే రాస్తూం టా రు ? అంటా రా ?

అంతా విష్ణు మాయ ! కూపస్థ మండూకః కథ తెలుసు కదా మీకు ! బావి లో ఉన్న కప్పలం బెక బెక మంటూ వాటి గురించే రాస్తూంటాం , రాస్తూ, టాం టాం అంటూ ఉంటాం ! !

ఇంతకీ ఈ విషయం మీద మీ సదభి ప్రాయములను తెలియ జేయ గలరు !


చీర్స్ 
జిలేబి !
(curiosity killed the cat!)
(I'm not dumb. I just have a command over thoroughly useless information~!)

పాహి రామప్రభో ! కౌసల్యా సుప్రజా రామా !

కౌసల్యా సుప్రజా రామా ....

కర్తవ్యమ్ దైవమాహ్నికం ....

సుప్రభాత వేళ  మధ్యన తటాలున 'పాహి రామప్రభో ' అన్న బ్లాగార్ద్ర నాదం వినబడ్డది

శ్రీ రాముల వారు ఉలిక్కి పడి నిదుర లేచేరు.  రొటీన్ గా వచ్చే సుప్రభాత సేవ శ్లోకాలకు నిదుర లేవడం స్వామి వారు ఎప్పుడో మానుకునెరు.

కొండ పైన నిదుర పుచ్చడమే చాలా లేటు ఆ పై తన కలియుగ ప్రాణాన్ని  గోవిందా గోవిందా అని పెందరాళే లేపెస్తున్నారాయే.

కానీ ఈ మధ్య రెగ్యులర్ గా వచ్చే బ్లాగార్ధ్రనాదం తో స్వామీ వారు 'సుప్రభాతాన్ని' చూడ గలుగు తున్నారు తనివి తీరా.

కొంత కాలం గా సుప్రభాత సేవ తో బాటు మరో కొత్త ఆర్ద్ర నాదం విన వస్తోంది 'పాహి రామప్రభో' అంటూ .

స్వామి వారు అమ్మవారి వైపు చూసేరు - గాఢం గా నిదుర పోతోంది దేవేరి !

ప్చ్ ఈవిడికున్న సౌకర్యం మనకు లేకుండా పోయిందే అనుకుని స్వామి వారు నిదుర లేచి ల్యాపు టాపు  ఓపెన్ చేసి  ఆ బ్లాగార్ధ్ర నాదాన్ని గమనించేరు .

ఎవడో మానవుడు పాపం పంచ దశ లోకం నించి తన్ను రోజూ పిలుస్తున్నాడు 'పాహి రామప్రభో' అంటూ.

స్వామి వారికి ముచ్చట వేసింది . ఈ మానవుడు పాహి పాహి అంటూ తన మీద ఆధార పడి పోవడం గురించి

ఈ మధ్య కాలం లో ఎవ్వడూ స్వంతం గా తన్ను పాహి పాహి అనటం లెదు. గుళ్ళో కూడా అదేదో 'రికార్డు' లట  కాకుంటే 'డిస్కు' లట  వాటిల్లో సుప్రభాతాన్ని పెట్టి తన నిదుర ని చెడ గొట్టి ఈ కలియుగ మానవులు  గుర్రు పెట్టి నిదుర పోతున్నారు

తనేమన్నా రికార్డు డాన్స రా రికార్డు పెడితే ఆడ టానికి ? కాకుంటే 'డిస్కో శాంతి యా  డిస్కు పెడితే డాన్సా డ టా నికి ?

అట్లాంటి ఈ వెర్రి తలల కాలం లో ఈ బ్లాగ్భక్తుడు రోజూ మనః స్ఫూర్తి గా పద్య మాలికలల్లి తనని 'పాహి' పాహి' అంటు న్నాడు !

రాముల వారికి ముచ్చటే సింది . చూద్దాం ఇంకా ఎంత గాఢం గా పాహి పాహి అంటాడో ఆ పై కరుణి ద్దా మనుకుని    బ్లాగు సైన్ అవుట్ అయి లాపు టాపు  కట్టి బెట్టి మళ్ళీ 'ఆనీదవాతగ్ స్వదయా తదేకం' అయ్యేడు.

సీతమ్మ ముసి ముసి నవ్వులు నవ్వింది . తన్ను ఆ మానవుడు పాహి పాహి అని ఉంటే, ఈ పాటి కి స్వామి వారిని ఇట్లా నిదుర పోనిచ్చేదా ? పట్టు బట్టి  స్వామి వారిని బయలుదేర దీసి  పంచ దశ లోకం వెళ్లి ఆ మానవుని దీవించి రమ్మని చెప్పి ఉండదూ ?

అర్థం చేసుకోరూ !!


శుభోదయం
జిలేబి !

బాబ్బాబు, నా టపాలు కాపీ కొట్టండి !

'అదేమిటోయ్ జిలేబీ చాలా విచారం గా ముఖం వేలాడెసి కూర్చున్నావు ల్యాపు టాపు ముందు ?' మా అయ్యరు  గారు పరామర్సించేరు ఆప్యాయంగా . 

కళ్ళ నీళ్ళు పెట్టుకున్నా.

ఏమిటి జిలేబీ నీ మొగానికి ఏడుపు శోభిల్లదే ! కలకంటి కన్నీరు ఒలికిన ప్రాబ్లం అన్న మాటే మరి ! ఏమి నీ బ్లాగు కష్టాలు అన్నారు మా అయ్యరు గారు.

ఏమండీ నా కష్టాలు అన్నీ బ్లాగు కష్టాలేనా ? అడిగా

కాకుంటే ? నీకు పొద్దస్తమానం ఆ కంప్యూటరు జత జేరే ! వేరే ఎ కష్టాలు నీ కుంటాయి ? రిటార్టు ఇచ్చేరు

హు అన్నా హా అన్నా మళ్ళీ కన్నీటి వరదలు చిందించా

ఏమిటోయ్ విషయం ఈ మారు కొంత సేద దీరేక అడిగేరు మా అయ్యరు  గారు మళ్ళీ.

నా టపాలు ఎవ్వరూ కాపీ కొట్టడం లేదండీ ! అని భోరు మన్నా !

ఓసి పిచ్చి దానా ! నీ టపాలు ఎవ్వరూ కాపీ కొట్టక పొతే సంతోష పడాలి గాని ఇలా భోరు మంటే ఎట్లా గే ?

టపాలు  ఎందుకు కాపీ కొట్టి పెట్టు కుంటా రండీ  ?

'ఆ , ఏముందీ, కూసింత నచ్చితే, బాగుంటే ఆయ్  ఈ టపా, కథ కాస్త బాగుందే  , మన బ్లాగులో దాచేసు కుందాం అని పెట్టేసు కుంటారు '

అంటే ఏమని అర్థం ? నా టపాలు ఎవ్వరికీ నచ్చ లేదన్న మాటే గా ? మళ్ళీ బోరు మన్నా !

'ఓసీ నీ బ్లాగు పిచ్చి కాకులెత్తుకు పొనూ !  ఇవన్నీ చేజేతులారా తెచ్చి పెట్టు కున్న కష్టాలు కావే మరి ! అని మా అయ్యరు  గారు ఓ  జాడూ  జమాయించి 'కాఫీ పెడతా ఓ గ్లాసెడు గొంతులో పోసుకుని మళ్ళీ టపా లల్లెసుకో ' అని 'ప్యారీ బీవీ' కోసం కాఫీ పెట్టడం కోసం కిచెను లో  కెళ్ళేరు 

బ్లాగు భామలు, బ్లాగు భయ్యాలు నా టపాలు కాపే కొట్టి మీ బ్లాగుల్లో 'ప్రచారం' చేసి నా కు గంపెడంత పేరు తెచ్చి పెడుదురూ మరి !!- మా తిరుపతి వేంకటేశు గారికి సిఫార్సు చేసి మీకు పుణ్యం వచ్చేటట్టు చూస్తా !!


(తెలుగు తూలిక డాట్ నెట్ మాలతి గారి టపా కామెంట్లు  చదివేక ! సరదాగా )


చీర్స్
జిలేబి