ఉగాది 'ఫన్' చాంగ 'జిలేబీయం !

బ్లాగ్ చదువరు లందరికి

జిలేబీ యమైన

శ్రీ విజయ నామ సంవత్సర

ఉగాది శుభాకాంక్షలు !

ఇక ఉగాది అంటే మనం ప్రతి ఒక్కరం ఫన్ చాంగ శ్రవణం కోసం వేచి వుంటాం !

పూర్వ కాలం లో ఇంట్లో పెద్దలు పంచాంగం తెరిచి చదివి చెప్పే వారు, కాకుంటే గుళ్ళో అయ్యవారు చెప్పే వారు.

పచ్చడి లాగించి వారు చెప్పే గళ్ళూ, ఆ గళ్ళలో అట్లా ఇట్లా మారే గ్రహాలూ అవి మన పై జరిపే అగాయిత్యాలు , ప్రేమాయణాలు ఒక్కటని ఏమిటి అవన్నీ కలిపి మనల్ని వచ్చిన ఈ ఉగాది లో ఎట్లా 'దీవించును ' అని తెలుసుకుని అర్థమైతే మనకు నచ్చితే వాటిని గుండెల్లో పెట్టేసుకుని మహాదానంద పడి  పోయే వాళ్ళం .

ఆ  గ్రహాలు మనతో చెడు గుడు లాడతాయంటే కొంత గాభరా పడి ముక్కోటి దేవత ల లో సెలెక్టివ్ representative ని మస్కా కొట్టో , కాకుంటే నవ గ్రహాల లో వారిని సెలెక్టివ్ గా తాజా చేసుకునో వగైరా వగైరా mitigation ప్రాసెస్ మొదలెట్టే వాళ్ళం !

ఈ e-కాలం లో మనం మరీ మా గొప్ప జ్ఞాన వంతు లయిన వాళ్ళం !

కాబట్టి ఈ కాలం లో బ్లాగుల్లోను , ఇంటర్నెట్ లో ను, టీవీ ల లోను 'ఫన్' చాంగ శ్రవణం కంటాం  వింటాం ! ఓ పది పదిహేను దాక   ఈ ఫన్ చాంగ e-పటన , శ్రవణ తరువాయి మన బుర్ర గిర గిరా తిరుగును !

ఒక మహార్జ్యోతిష్ శర్మ గారు ఓయీ జిలేబీ జాగ్రత్త సుమ్మా నీకు రాబోయే కాలం కడు గడ్డు కాలం అంటే, మరో బ్లాగ్ జ్యోతిష్ శాస్త్రి గారు 'ఇదిగో జిలేబమ్మా , నీకు రాబోయే కాలం భేషైన కాలం అంటే , కొంత జుట్టు గీక్కుని, వాటికి బేరీజు వేసు కుని, పోనీలే రాబోయే కాలం ఓ మోస్తరు ఉంటది అని అనుకుంటాం !

ఇవన్నీ కలగలిపి పంచ దశ లోక వాసుల కోసం ఈ జిలేబీ చెప్పు ఈ శ్రీ విజయ నామ సంవత్సర ఫన్ చాంగ బ్లాగ్ టపా పటనం  ఏమనగా ... 

అయ్య లారా అమ్మ లారా ... 

ప్రతి రోజు మీరు జిలేబీ టపా ని వీక్షిం చండి మీకున్న ఏ విధమైనట్టి 'కాల' దోషాలు ఉన్నా అవి re-solve అయి పోవును ! అనగా అవి సాల్వ్  తమకు తామే అయి పోవడమో, లేకుంటే re-solve అయి పోవడమో జరుగును. 

ఆ పై 
మీరు జిలేబీ రోజు వారి టపా వీక్షించి టపా కి తప్పక కామెంటు కొట్టి న మీకు శ్రీ విజయ నామ సంవత్సరం లో అంతా శ్రావ్యం గా, సవ్యం గా కనసోంపు గా దివ్యంగా మంగళం గా అన్నీ మీకు శుభములే జరుగును !

ఇతి శ్రీ విజయనామ సంవత్సర జిలేబీ నామ్యా 'ఫన్' చాంగ బ్లాగ్ టపాః !

అందరికీ ఉగాది శుభ కామనలతో 

శుభోదయం !
జిలేబి 

వనజవనమాలి: ఓ .. ఆత్మీయ ముఖపరిచయం (కష్టేఫలే )

వనజవనమాలి: ఓ .. ఆత్మీయ ముఖపరిచయం (కష్టేఫలే ): ప్రతి మనిషి  జీవితం లోను  అనేకానేక పరిచయాలు ఉంటాయి    కొంతమంది మన ప్రక్కనే నివశిస్తున్నప్పటికి కూడా పరిచయస్తులగానే  మిగిలి పోతుంటారు  ...

చిత్తూరు నాగయ్య వెర్సస్ 'డాటేరు ' రమణ గారు !

చిత్తూరు నాగయ్య గారంటే మన బ్లాగ్ లోకపు టపా 'సామ్రాట్' డా టేరు  రమణ బాబు గారి కి మరీ గురి !

ఇక ఈ వి నాగయ్య గారు రమణ గారి గుంటూరు జిల్లా 'వాస్తవ్యులు' కావడం,  మా చిత్తూరు నాగయ్య గారవడం  వల్ల  (వారి సినీ లోకపు చమక్కులకు మునుపు చిత్తూరు రామ విలాస సభ లో నాటకాలలో విశ్వ రూపం గావిం చిన వారున్నూ!)  , రమణ గారి టపాలు తప్పి చదవడం వల్ల  ఈ జిలేబీ టపా అన్న మాట !

చిత్తూరు నాగయ్య గారు మరీ చాలా సినిమా ల లో ఏడ వడానికే  పుట్టిన మానవుళ్ళా  నా కనిపించడం అదేమీ ఖర్మో నాకు తెలీదు మరి. వారు చాలా వెరైటీ రోల్స్ చేసినా ఎక్కువ గా చేసిన రోల్స్ ఏడుపు కి సంబంధించి న వేమొ అని నా  అనుమానం !

(కాకుంటే, నేను చూసిన చిత్రాలలో వారు ఎక్కువగా ఏడుపు గొట్టు రోల్స్ చేసేరేమో!- 'ఆండోళ్లు - అర్ధ సేరు కన్నీళ్లు ఫ్రీ గా ఉన్నవాళ్ళం కదా మరి )


ఎందుకిట్లా అంటారా ? ఈ మధ్య పాత కాలపు చిత్రం నల దమయంతి యు ట్యూబ్ లో కనిపించింది సరే చూద్దారి అని చూస్తున్నా

(ఆ కాలం లో చూడడానికి మా వారు తీసు కెళ్ల లే మరి - కొట్టాయి లో సినిమా చూడ్డం ఏమిటే అని నామోషీ పడి పోయేరు అయ్యరు గారు -విషయం ఏమిటంటే కొట్టాయి చిత్రానికి డబ్బులు ఇవ్వడానికి వచ్చే జమా చాలదు అదీ విషయం!)

చూస్తూంటే అప్పటి దాకా హ్యాండ్ సమ్  గా ఉన్న హీరో నలుడు (నటుడు - కెంపరాజ్ ) అట్లా దమయంతి ని వదిలి బెట్టి చెట్టూ పుట్టా పట్టుకుని అడివి లో కెళ్తే, అక్కడ ఓ సర్పం ఆ నలుణ్ణి కాటేస్తే వికారి రూపి అయిపోతాడు నలుడు !  అంటే మన హీరో ఆరడుగుల అంద గాడు  వికారి అవ్వాలి. ఎట్లా మరి ? హీరో కెం ప రాజ్ మరీ అంద గాడైన నలుడాయే ?

డైరక్టరు బాబు కెంప రాజు బుర్ర పెట్టేడు .

అప్పటి దాకా ఉన్న హీరో కెంప రాజ్ మారి ఏడుపు గొట్టు మొహం తో ధబాల్మని నాగయ్య గారు కనబడ్డేరు !

 నా కళ్ళు చిట్లించు కొని చూసా - నాకు కళ్ళు కనిపించవు సరిగ్గా అది నిజమే కాని ఇట్లా హీరో రూపమే మారి దభీ మని వేరే హీరో నాగయ్య గారు కనిపించట మేమిటీ  అని హాశ్చర్య పోయా !

ఇది మన డా టేరు  రమణ బాబు గారి టపా లు చదవడం వల్ల  వచ్చిన 'సైకో' కళ్ళ జోడు ప్రాబ్లెమ్ ఏమో అని సందేహం వచ్చినాది కూడాను !

ఇంతకీ విషయం ఏమిటంటే ఆ సర్ప కాటు తో హీరో నలుడు రూపు వికారమవ డం తో, ఎట్లా అందరూ యితడు నలుడు కాదు సుమా అని తెలుసు కునేది ? అని ఆ డైరెక్టరు మానవుడు హీరో నే మార్చేసేడు - అది మన నాగయ్య గారయ్యేరు ! అక్కడి నించి ఇక నాగయ్య గారు నలుని రూపం లో మనకు చిత్రం లో కన బడతారు, ఆహా అని మొదటి పాటే వారిది ఏడుపు రాగమై కన్నీళ్ళ కెరటమై మనల్ని స్పృశిస్తుంది !

ఆహా ఇప్పటి కాలం లో మారు వేషం లో హీరో అట్లాగే వచ్చినా ఎవరూ కని బెట్ట లేరే ! -

ఇక్కడేమో పాపం డైరెక్టరు అంత కష్టపడి హీరో నలుడు రూపం 'బదలాయించ ' డానికి ఇట్లా ఏకం గా హీరో నే మార్చేసేడు సుమీ అని ముక్కు మీద వేలేసు కున్నా !

అప్పుడేమో సందేహం వచ్చింది - అరె టైటిల్ లో చిత్తూరు నాగయ్య కనబడ లేదే అని ? ఆ పై మళ్ళీ వెనక్కి తిప్పి చూస్తే , వి నాగయ్య అన్న పేరు కని పించింది . ఓహో అప్పట్లో నాగయ్య గారికి చిత్తూరు నాగయ్య అని పేరు స్థిర పడ లేదు కామోసు అనుకున్నా!

సరే , ఇక మీ కోసం ఆ నాగయ్య గారి కన్నీళ్ళ గంగా ప్రవాహం ! దానికి ముందు కెంప రాజు గారి మజా ఐన సాంగు భానుమతి గారి తో కూడా చూడాలి మరి !

మొదట గా ..  భానుమతి దమయంతి గా అమోఘమైన ప్రేమాయణ గానమాధురీ  ఝురి !- ఓహో మోహన మానసమా !

హీరో కెంప రాజ్ - భానుమతి - నల దమయంతి గా

ఆ పై ఇక మన డా టేరు రమణ గారి నాగయ్య గారి అమోఘమైన నటనా ప్రతిభ !

చీర్స్
జిలేబి 

ఏప్రిల్ ఒకటి నాడు మూత బడ్డ బ్లాగు తెరిచిన ఏమగును ?

ప్రశ్నా మీదే !
జవాబూ మీదే!

ప్రశ్న:
ఏప్రిల్ ఒకటి నాడు మూత బడ్డ బ్లాగు తెరిచిన ఏమగును ?

జవాబు

ఒకటి

రెండు

మూడు

నాలుగు

వగైరా ..
వగైరా...

ఖాళీ లను పూరిం చుము !!


చీర్స్
జిలేబి 

ఎంటెంట తిరుగుతున్న జంట సోకు సూడరే!

ఈ మధ్య శ్రీ శ్రీ మర్యాద రామన్న చిత్రం చూస్తోంటే, కృష్ణ, శోభన్ బాబు మరో ఇద్దరు నటులు కలిసి శిల్పం నించి పుట్టిన లతాంగి తో ఐటం సాంగు చేసేరు ! అంటే special appearance అన్న మాట !
ఆహా ఆ కాలములో నే పద్మనాభం గారు ఐటం సాంగు కి special appearance సాంగు లకి నాందీ పలికేరు సుమీ అను కున్నా !

ఆ పై వేదాంతం రాఘవయ్య గారి భలే అమ్మాయిలు  చూస్తోంటే, దాంట్లో కూడా మరో ఐటం సాంగు (ఆ కాలం స్టైల్ లో) హీరొయిన్ గిరిజ గారే పాడేసేరు  !

ఇదే సినిమాలో , ఎమ్టీ వోరు సావిత్రమ్మ కలిసిన సందర్భం లో మరో 'గ్రూపు' ఐటం సాంగు కూడా పెట్టేరు ! (హీరో హీరొయిన్ అసలు డ్యూయెట్ పాడ కుండా వారి మనో భావాన్ని తెలిపే పాట ను గ్రూపు ఐటం వారు పాడేరు !

మొత్తం మీద ఐటం సాంగు అన్నది ఏమీ కొత్త పోకడ కాదు సుమీ అనిపిస్తున్నది ! ఈ చిత్రం 1957 లో తీసినది !

కొస రాజు కలం !- ఎస్ రాజేశ్వర రావు సంగీతం !


జిప్సీ : చకచక ఝుణతా - తకధిమికిటతా

పకపక నవ్వుతా - పంతమాడతా

ఎంటెంట తిరుగుతున్న జంట సోకు సూడరే "2"

కోరస్ : హేయ్! చకచక ఝుణతా - తకధిమికిటతా

పకపక నవ్వుతా - పంతమాడతా

టెంట తిరుగుతున్న జంట సోకు సూడరే "2"

జిప్సీ : పక్కనున్న పిల్లా! పంచదారబిళ్ళ

టక్కులెన్నో చేస్తున్నది

కోరస్ : ఆ అందగాణ్ణి బుట్టలోన వేసుకున్నది

జిప్సీ : మనసు లాగినాది! వయసు దోచినాది

మత్తుమందు చల్లినాది

కోరస్ : అబ్బబ్బ ఉచ్చువేసి పట్టినాది - హైహో "చక"

జిప్సీ : సూదంటురాయల్లె! లాగుతున్నదీ!! వాలు

సూపుల్తో లోకుల్ని ఊపుతున్నది

కోరస్ : వాలు సూపుల్తో లోకుల్ని ఊపుతున్నది

జిప్సీ : వొళ్ళు తెలినీయకా! కళ్ళు గాననీయకా

గీటు దాటకుండకన్ను గీటుతున్నదీ

కోరస్ : దీని నాటకాలు తెలిసెనని నవ్వుతున్నదీ

జిప్సీ : మంచికులుకులాడీ

కోరస్ : తళుకుబెళుకులాడీ

జిప్సీ : మంచికులుకులాడీ

కోరస్ : ఆహా! వలపుజూపీ!! మోసపుచ్చుమాయలాడి

జిప్సీ : మురిసిపోయె రాజా!! ముచటైన రాజా

అంతు తెలిసి అడుగువెయవోయ్

కోరస్ : ఓహోహో అందమంత అనుభవించవోయ్ "చక"
 
Lyrics Courtesy: Site : http://www.telugump3lyrics.com/


Enjoy a Nice Song

Cheers

జిలేబి !

శ్రీ చాగంటి హొమ్ విజిట్ - జిలేబీయం !

శ్రీ చాగంటి హొమ్ విజిట్ - జిలేబీయం !

 

శుభోదయం !

 

 

చీర్స్ 

జిలేబి 

పోలీసు టాణా లో పోకిరి అమ్మాయి

నిన్న మా టాణా కాడికి ఓ అమ్మాయి వచ్చినాది 

 

ఏందిబే  గిట్లా అమ్మాయిలు ధైర్యం జేస్తుం డ్రు 

 

పోలీసు టాణా కి అమ్మాయి ఒంటరి గా వచ్చినాది 

 

అని జర్రంత హాశ్చర్య పోయా !

 

వచ్చిన పోరి కస్సు మన్నాది , నీవేనా పోలీసు వెంకిట సామి వి ?

 

అవునే, నీ  వెవ్వర్తవె అనబోయి,

 

అమ్మాయి సూటు బూటు లో ఉండండం జూసి

 

కూసింత గవు రవం గా  యెస్  మేడం అన్నా 

 

నిన్ను డిస్మిస్ జేస్తాండా అంది టపీ మని 

 

జర్రంత గోపం వచ్చి 'నువ్వె వర్తవే నన్ను డిషు మిషు 

 

చేసే దానికి అంటే ఆ పోకిరి పోరి అన్నాది గదా 

 

నే కొత్త గా వొచ్చిన బడా పోలీసు దొరసాని నని !

 

చీర్స్ 

జిలేబి 

ముళ్ళ పూడి వారి మీద కేసు - శ్రీ భమిడిపాటి(బాతాఖానీ) ఫణి బాబు గారిది -ఇదీ!

ముళ్ళ పూడి వారి మీద కేసు - శ్రీ భమిడిపాటి(బాతాఖానీ) ఫణి బాబు గారిది  -ఇదీ!

కోతీ కొమ్మచ్చి స్వాతి లో సీరియల్ గా వస్తున్న రోజుల్లో శ్రీ భమిడి పాటి వారి ఆనందం ఇంతా అంతా కాదన్న మాట ! ముళ్ళ  పూడి వారి పై, వారు రాస్తున్న 'ఆత్మ కథ' పై మురిపెం ఎక్కువై జాగ్రత్త సుమీ , ముళ్ళపూడి వారు మీ పై 'ప్రజాహిత ' వ్యాజ్యం బనాయిస్తాం అని భయ పెట్టిస్తున్నారు శ్రీ ఫణి బాబు గారు !

ఎంజాయ్ రీడింగ్ !

చీర్స్
జిలేబి 

ఈ ఒక్కరోజు వదిలెయ్యి జిలేబి ప్లీజ్ !

'
ఇదిగో జిలేబీ ఇట్లా వారం మొత్తం నా చేతే వంట చేయిస్తే ఎట్లా ? మినిమమ్ ఆదివారమైనా నాకు రెష్టు ఇవ్వొచ్చు గా ' మా అయ్యరు గారు దీనం గా ముఖం పెట్టేరు .

రాస్తున్న బ్లాగు టపా మధ్య లో ఆపి 'ఆయ్ , టపాలు గట్రా రాస్తున్నప్పుడు 'నో డిస్టర్ బెన్స్ ' అన్జేప్పానా లేదా !' ఇంతెత్తు కు ఎగిరా.

అది కాదె జిలేబీ, వారం మొత్తం మీద నా చేత వంటా వార్పూ కార్యక్రమం పెట్టేవు, ఆ బలాగులూ , టపాలు, ఆఫీసు గట్రా బిజీ బిజీ అంటూ  - ఈ ఒక్క ఆదివారమైనా నాకు 'ఫ్రీ డం' ఇవ్వొచ్చు గా ' దీనాతి దీనం గా ముఖం పెట్టేరు మళ్ళీ అయ్యరు గారు.

అయ్యరు గారి వైపు నింపాది గా చూసా . ఈ అయ్యరు  గారికి ఇట్లాంటి చలువలు ఇస్తే, హమ్మో, ఇంకేమన్నా ఉందా ! ఇవ్వాళ ఈ ఒక్క రోజం టారు  ఓ వారం గడిచేక రెండు రోజులు అంటారు ... అట్లా మొత్తం మనమీదే వంట కార్య క్రమం పడే చాన్సు ఉంది ! జిలేబీ బహు పరాక్ బహు పరాక్ ! మిస్టర్ జిలేబీ మాటలు చాలా కేర్ఫుల్ గా గమనించాలి ! లేకుంటే నీకు రాబోయే కాలం లో తంటాలే  బామ్మ ఫోటో నించి గట్టి గా లుక్కు ఇచ్చింది .

అయ్యరు  గారు కూడా ఫోటో వైపు చూసేరు . హు హు అన్నారు. ' బామ్మ నీకేం చెబ్తోంది ?' అడిగేరు ఈ మారు సందేహం గా .

బామ్మ చెప్పిన మాటంటే ఇంకేమన్నా ఉందా ! అందుకే మాట మార్చి చెప్పా - అయ్యరు  గారు ... ఎందుకు ఆదివారం సెలవు కావాలంటారు ? కావాల్సి వస్తే సోమ వారం తీసు కోండి  మంగళ వారం కూడా చేర్చి తీసుకోండి  ' ఆప్యాయం గా అన్నా.

తలూపారు ఆనందం  గా అయ్యరు  గారు. ' అయితే జిలేబీ ఆ రెండు రోజులు నువ్వు వంట చేస్తా వన్న మాట '

నేనన్నా నా అట్లా ?

మరి ??? సందేహం గా చూసేరు అయ్యరు  గారు.

నేను ఎట్లాగూ ఆఫీసు వెళ్లి పోతా గదా ... అక్కడే లంచ్ అండ్ డిన్నర్ గావించేస్తా ... మీరు మీకు కావాల్సి వస్తే వంట చేసు కొండీ వద్దనుకుంటే హోటలు కె ళ్ళం డి ! '

ఇదిగో జిలేబీ నేనెప్పుడూ  హోటలు గట్రా ల లో తిననని నీకు తెలుసుగా ' ముఖం లో జోష్ వెళ్లి మళ్ళీ దీనత్వం వచ్చే సింది అయ్యరు గారికి !
అట్లా దారికి రండి ! సో, బుద్ది గా వెళ్లి ఆ వంటా వార్పూ కార్య క్రమం చూడండి ' చెప్పా మళ్ళీ బ్లాగులో తల దూర్చేస్తో .

అంతే నంటా వా జిలెబీ ?

అంతే  అంతే ! ఏం  బామ్మా నువ్వేదన్నా చెప్పదలచు కున్నావా ? అడిగా ఫోటో లో ని బామ్మని - ఈ బామ్మే కదా ఈ అయ్యరు గారిని ఇట్లాంటి మంచి మొగుణ్ణి చూపించింది ? వంటా వార్పూ తెలిసిన మానవుడు జిలేబి, కాబట్టి గట్టి గా కట్టి పెట్టేసు కో అంజెప్పింది  మరి బామ్మ మాట జవదాట కూడదు గదా !

'వద్దులే ! మళ్ళీ ఆ ఫోటో కి అంకితం అయి పోయిన బామ్మని ఎందుకు లాగుతావు ! ఆవిడ  నీకన్నా పెద్ద పెంకి ఘటం ! ఇంకా పెద్ద లెక్చరు పీకును !' అయ్యరు  గారు బుద్దిగా వంట గదిలోకి వెళ్లి పోయేరు !

హమ్మయ్య! ఇక మనం ఫ్రీ గా హ్యాపీ గా బ్లాగాడు కోవచ్చు సుమీ !

హల్లో ... ఎవరి  టపా కి కామెంటు పెట్టాలండీ ?


చీర్స్
జిలేబి !
(జ్యోతి వలబోజు గారి టపా చదివేక సరదా గా !)

బొట్టు కాటుక !

 

బొట్టూ కాటుక 

 

ముఖార విందం 

 

బ్లాగూ, కామెంటు

 

'కరార' విందం 

 

జిలేబీ బీలేజీ 

 

జోడి అరవిందం !

 

చీర్స్ 

జిలేబి 

మిథునం - మలయాళం వెర్షన్- ఒరు చెరు పున్ చిరి (సన్నగవు ) !

మిథునం - మలయాళం వెర్షన్

 

మిథునం - మలయాళం వెర్షన్- ఒరు చెరు పున్ చిరి (సన్నగవు )

 

విత్ ఇంగ్లీష్ సబ్ టైటిల్ 

చీర్స్ 

జిలేబి 

శాఖోప శాఖలు !

మాలిక్ విత్తనం వేసాడు 

విత్తనం కొమ్మైంది 

 

కొమ్మ తానొక్కతె ఏపుగా 

పెరుగుతా నంది 

ప్రక్కనున్న చెట్లలా 

నాకు శాఖలు వద్దంది !

 

మాలిక్ నవ్వి ఊరుకున్నాడు 

 

కొమ్మ కొంత పెరిగింది 

భారం ఏదో వ్యధ 

తననించి శాఖ ఒకటి 

రావాలని ప్రయత్నిస్తోంది 

 

చ చ, నో నో

ఏపుగా ఒక్కదానినే 

అందంగా ఉంటా 

నో 'బ్రాంచ్' !

 

మాలిక్ మళ్ళీ నవ్వి ఊరుకున్నాడు 

 

మరికొంత పెరిగింది 

మరింత పెరిగింది 

 

ఎంత పెరిగినా శాఖ 

రాకుండా ఉండదే !

 

ఊర్ధ్వ మూలం అధః శాఖం !

 

శుభోదయం 

 

జిలేబి 

పెదవులు పలికిన వేణువు

వేణువు డొల్ల 

నీవూ డొల్ల 

నేనూ డొల్ల 

మనందరం డొల్ల 

 

పెదవుల కదలికల లో 

వేణు  గానం 

నీవో రాగం నేనో రాగం

రాగ మాలిక లో

భాగం మనమందరం

మనో వీధిన

ఆ పెదవుల

గమకం నీ దైనప్పుడు 

 

ప్రతి నిత్యం వసంతమే 

ప్రతి క్షణం పరంధాముని దే !

 

 

శుభోదయం 

 

జిలేబి 

తీరం వదిలిన పడవ

పడవ తీరం వదిలింది 

 

నది వాలున సాగి పోసాగింది 

 

నది అన్నది  -

 

దారిలో జలపాతం ఉంది 

 

జాగ్రత్త సుమా !

 

పడవ  నవ్వింది 

 

తీరం వదిలి పెట్టా 

 

ఇక నీగతే నా గతి !

 

జలపాతాలైనా సుడి గుండా లైనా 

 

అన్యధా శరణం నాస్తి 

 

త్వమేవ శరణం మమ !

 

 

శుభోదయం 

 

చీర్స్ 

జిలేబి . 

సత్యం - ఒంటరి తనం

 

సత్య సాధన

గమన ప్రయత్నం లో 

ఎపుడో ఒకప్పుడు మాత్రమె

నువ్వు ఒంటరి వాడవు !

 

అహరహం ఇహలోకపు  

సాధనా ప్రయత్నం  లో 

నువ్వు ఎల్లప్పుడూ ఒంటరి వాడవే !

 

 

 

జిలేబి 

(The unencumbered spirit

Reflections of a Chinese Sage

 Hung Ying -Ming

 

స్వేచ్చానువాదం )

బావి లో బక్కెట్టు చేంతాడు !

బక్కెట్టు బావిలో కెళ్తూ 

గర్వం గా చెప్పింది 

'చేంతాడు

నేనే గనక లేకుంటే లేకుంటే 

మాలిక్ నీళ్ళు తోడ లేడు సుమా !

 

చేంతాడు అంది -

 

ఏమి బడాయి బక్కెట్టు ?

నేనే గనక లేకుంటే 

నువ్వెట్లా బావి లోకి వెళ్తావు ? 

మళ్ళీ పైకి ఎట్లా రాగలుగు తావు ?

 

చేంతాడు ని పట్టిన చెయ్యి 

చప్పున చెంతాడుని వదిలి పెట్టింది !

 

దబ్బున   బక్కెట్టు చేంతాడు 

బావిలో పడ్డవి 

 

న్యూటన్  సమాధి నించి 

తల బయట పెట్టి చూసి

మళ్ళీ సమాధి లోకి వెళ్లి పోయేడు  

 

మానవుడు నింపాదిగా

బావిలోకి దిగేడు

బక్కెట్టు చేంతాడు

బయటకు తియ్య డానికి !

 

 

చీర్స్ 

జిలేబి 

మిథునం పూర్తి చిత్రం

మిథునం పూర్తి చిత్రం 

 

Courtesy: Youtube

 

cheers

zilebi.

 

ఈ నాటి కవిత !

చర వాణి తో మార్కెట్ కెళ్ళా

సింపుల్గా కారెట్ హల్వా కొందా మని

అయ్యయ్యో, జేబులో మొబైల్ పోయెనే !

ఈ అసమర్థుని ప్రేమ యాత్ర  కు

గుండెల్లో గోదారి పొంగ  లేదు

జలపాతం అందాలు లేవు

పున్నమి నాటి జాబిల్లి కానరాలేదు

మురిపించే రత్నాలు లేవు

సంపంగి నూనె వాసనలు లేవు

ఈ సమ్మర్ రొమాన్స్ లో

'ఈ' కవితలే ఫలశ్రుతి !

ఏకాదశ రుద్రం !

 ఓం శ్రీ మహేశా! వినం నీవు నే వ్రాసి తి  e-దండకంబున్.

శివరాత్రి శుభాకాంక్షల తో!!

చీర్స్
జిలేబి .
(సీజ నెరిగి రోగాలకు వాత !) 

జిలేబి గ్లాస్ ! గూగుల్ గ్లాస్!

'కనులు లేవని నీవు కలత పడ  వలదు - నా కనులే నీ కనులుగా చేసుకుని చూడు ' ఆ నాడు కవి చెప్పేడు సుమధురం గా!

ఇప్పుడు గూగల్ అమ్మణ్ణి జిలేబి సరికొత్త 'గలాసు' తో వస్తున్నా  !

గూగల్ గ్లాస్ వేసుకుని నేను బజారు కెళితే అక్కడి నించి డైరెక్ట్ వీడియో నా 'గూగుల్ గ్లాస్' నించి బ్లాగు లో డైరెక్ట్ గా లోడ్ అవుతుం దన్న మాట !

వావ్ ఐడియా బాగుంది కదా ? ఇట్లా టప  టప  లాడిం చడం మరీ బోరు కొడుతోంది మరి కూడాను!

ఈ మాటే మా అయ్యరు గారితో చెప్పి ఏమండోయ్ నాకు ఆ గ్లాసు కొనుక్కోవా లండీ  అన్నా గోముగా.

అయ్యరు  గారు అడిగేరు ఏమోయ్, నీ కసలే చత్వారమ్... ఓల్డ్ ఉమన్ కూడాను, ఇప్పుడున్న గ్లాసు చాలదా, మరో కొత్త గలాసు ఎందుకోయ్ అంటే విషయం చెప్పా గూగల్ గ్లాసు గురించి.

అంటే అన్నారు ప్రశ్నార్థకం గా.

అంటే నండీ ఆ గ్లాసు వేసుకుని, మీతో మాట్లాడుతూ ఉంటే, అక్కడ టింబక్టూ లో మన మనవడు మన సంభాషణ ని ఆన్  లైన్ లో లైవ్ గా చూడొచ్చు అంత సింపుల్ అన్న మాట . చెప్పా

అబ్బే ఇదేమీ కొత్త కాదె ? నాడు కనులు లేని దుర్యోధనుని డాడ్ కి గీత లో రిషి ఎట్లా చెప్పా డంటావ్ ? ఇట్లాంటి గ్లాసు ఆ కాలం లో నే ఉండే దోయ్ !

అంటే ఏమిటి మీ ఉద్దేశ్యం ?

ఏమీ లేదు, మనిషి మానవ మేధస్సు పెరిగే కొద్దీ బుద్ధి తరిగి పోతుందేమో అనుకుంటున్నా ! అన్నారు.

అబ్బే, అయ్యరు గారు మీరు మరీ ఛాందసులు సుమండీ అన్నా.

కొత్త ఇన్వెన్షన్ ఏది వచ్చినా దాన్ని మనం ఆహ్వానిం చాలండీ ! అసలు అంతర్జాలం వచ్చినప్పుడు జిలేబీ బ్లాగులు పంచ దశ లోకం లో వస్తాయని నే నేమన్నా అనుకున్నా నా ? అదిన్నూ, ఇట్లా తెలుగలో 'కంప్యూటర్' లో చదవ వచ్చని ఎవరైనా ఊహించి ఉంటా మా ? ఒక ఐడియా జస్ట్ ఒన్ అయిడియా దునియా ని 'బాదల్' దేతా హాయ్ ! చెప్పా.

నీ తెల్గూ, అంగ్రేజీ, హిందీ కలిపి కొట్టడం ఎప్పుడు మారుతుంది జిలేబి అన్నారు మా అయ్యరు గారు ఆప్యాయం గా !

సో, బ్లాగ్ చదువరు లారా ...

రాబోతోంది త్వరలోనే, జిలేబీ గ్లాస్ ! ఆన్ లైన్ బ్లాగింగ్ !

ఇకమీదట ఓ  ఫన్ ఆర్ట్ విత్ జేకే 'చిలిపీయం' లను నేను డైరెక్ట్ బ్రాడ్ కాస్ట్ చెయ్యొచ్చన్న మాట !

శుభోదయం !

చీర్స్
జిలేబి . 

కామెంట్ల కత్తి తో పొడి చేసా !

అందమైన రాక్షసి

రేతిరి కల లో కనబడ్డది !

మనకేమైనా

భయ్యమ్మా ?

కామెంట్ల కత్తి తో

దాన్ని కస మిస పొడి చేసా  !


చీర్స్
జిలేబి

 

పని లేని పెండ్లాము బ్లాగు లాడిందని ....

ఏమండీ నే పోతా అన్నా. 

అసలు మడత కుర్చీ లో కూర్చున్న పెద్ద మహారాజు తలెత్తి చూస్తేనా ? అదేమీ హిందూ పేపరో మరి ? దాంట్లో వేరే ఏమి మజా యో తెలియదు కాని పెండ్లాము కన్నా అది గొప్ప మజా ఇచ్చు అయ్యవారికి.

మళ్ళీ గట్టి గా అన్నా ... నే పోతా అని.

ఈ మారు తలెత్తి చూసేరు అయ్యరు గారు.

హమ్మయ్య దిన పత్రిక నించి ముందర ఉన్న పత్ని వైపు చూసేరు అదే పది వేలు కదా అనుకుని 'ఇదిగో ఇట్లా పెండ్లాము చెప్పింది ఏమీ వినకుంటే ఎట్లా ?' అన్నా ఉపోద్ఘాతం గా.

'ఏమిటోయ్ నీ బాధ ? అన్నట్టు చూసేరు అయ్యరు వాళ్ .

అబ్బో, ఏమి వీరి టెక్కు ? అసలు పెండ్లి ఎందుకు చేసుకుంటారో ఈ మగ మహాపుంగవులు  మరి !

పక్కనున్న పెండ్లాము కన్నా అట్లా పేపరో, కాకుంటే లాపు టాపో  పెట్టేసుకుని, ఆ హా దేశం లో మేమొక్కరమే చేతి నిండా పని పడిన వారమని చెప్పు కోటానికి కాకుంటేను మరి ?

అదే మాట చెప్పా.

ఏమోయ్, నీ వ్యాపకం నీకు ఎట్లాను ఉంది .  నా దగ్గర కొంత సేపు హస్కు కొట్టి తెల్లారి గట్లా అట్లా ఆ బ్లాగుల్లో 'బరహ బరహ' అంటూ ఏదో గీకుతావు వాటికి వచ్చిన కామెంటు మెతుకుల్ని చూసి వావ్ అని మురిసిపోతావు ఆపై నా మీద చెణుకులు కూడానూ ...

అసలు ఇంట్లో ఒక మగ మారాజు ఉన్నాడన్న విషయం నీ ' కేటలాగు' లో ఎట్లాగూ లేదాయే ! మరి నన్ను నా మానాన  వదిలేసి నువ్వట్లా బ్లాగు లాడు తొంటే నాకూ ఏమీ తోచక ఇదిగో ఇట్లా పేపరు పెట్టు కుంటాను ...  నే పేపరు చేత పట్టినప్పుడే నీకు నాతొ మాట్లాడా లని పిస్తుంది మరి ! ఏం , నేను తీరిగ్గా ఉన్నప్పుడు, నువ్వు ఆ బ్లాగో 'టం' టం' మూత బెట్టి నాతో మాట్లాడ వచ్చుగా ? అని ఇంత ఎత్తుకు ఎగిరేరు.

వామ్మో, సుడి గాలి మన వైపు తిరుగుతోందే , దీన్ని వెంట నే అరి కట్టాలి అనుకొని ... ' ఆ, ఈ లాపుటాపు, ఈ బ్లాగు లగురించి  చెప్పినదెవరు ? మీ మనవడే గా ... వాడిదే తప్పంతా ' చెప్పా.. నా తప్పు ఇందులో ఏమీ లేదు సుమీ అన్నట్టు చూసా .

అంటే ? వాడేదో చెప్పె. అందుకని అట్లా పొద్దస్తమానం బ్లాగు లోకం లో తలమునకలై అసలు భరించు వాడు భర్త అన్న మానవుడు అసలు ఉన్నాడన్న తలంపు కూడా లేకుండా ఉంటే ఎట్లా మరి ?

అదేం ? మేము బ్లాగు లు రాయ కూడదా ? మా గురించి ఆంధ్ర జ్యోతి లో కూడా బాలా బాలా గు అని చెప్పేరు సుమీ ' చెప్పా.

చెప్పారనుకో, కాదంటా నా ? అందుకని నేను పేపరు చదివే టప్పుడే నీకు నాతొ మాట్లాడాలని అనిపిస్తే ఎట్లా చెప్పు మరి ' అన్నారు ఈ మారు కొంత శాంతం గా.

హమ్మయ్య, మన దారికి మానవుడు వచ్చేసేడు అనుకుని, అట్లా కాదండీ ఆ పేపరు చదివి ఏమి సాధిస్తారని ? కూసింత ఇంటి పని , వంట పని చూడాకూడదూ ... మురిపెం గా అడిగా .

'చస్తే కుదరదు మరి ! ఆ పనంతా నా నెత్తి కి నెట్టి మళ్ళీ ఆ బ్లాగు లోకం లోనే సెటిల్ అయి పోదామనే ! ఆశ దోస, అప్పడం వడ ' మళ్ళీ పేపర్లో తల దూర్చేరు అయ్యరు గారు.

హబ్బా, ఈ 'మొగోండ్లు '  ఇట్లా పెండ్లాముల మాటలు వినకుండా ఇట్లా చెడి పొతే గెట్లా అని నిట్టూర్చి సరే ఎట్లాగూ ఇవ్వాళ పని ఏమీ లేదు కాబట్టి కూసింత బ్లాగు లాడు తామని .....

శుభోదయం !
చీర్స్
జిలేబి !

నెనరస్య నెనరః జిలేబి నామ్యా కవితా వనచారిణహ !

శ్రీ కంది వారి శంకరాభరణం తేజోమయం గా ఉన్నది.

అందులో అప్పుడప్పుడు మనకు తోచింది రాసుకోవడం

(వారేదో చందో బద్ధం గా రాయమని సమస్య ఇస్తే, నేనేదో నాకు తెలిసిన నాలుగు తెలుగు పదాల్ని ఉపయోగించి , ఓ వాక్యాన్ని నాలుగు లైన్లు (రెండు పదాలు ) గా విభజిస్తే, శబాష్ ! కవిత్వం రాసినట్టే అనుకుని - 'జిలేబి' చందస్సు లో రాయడం కద్దు- సరిగ్గా చెప్పాలంటే నేనేదో రాస్తూంటాను, దాని కి ఆ కవులు పెట్టిన ముద్దు పేరు 'జిలేబి' చందస్సు అని చెప్పాలి!)

శంకరాభరణం సభా పండితులు ఓపిగ్గా, జిలేబి చందస్సు ని అప్పుడప్పుడు సరిదిద్ది (నమోవాకములు!) వారి అత్యద్భుత పద ప్రహెళీ లో 'సుందర' తెలుంగు' లో పద్యాల్ని ఇచ్చేవారు!

క్రితం వారం వారు ఇచ్చిన సమస్య -

తిని భజించిన ముక్తి ప్రాప్తించు ననఘ !

ఆహా, ఇది మనబోటి 'తను', తిను, 'తాను' మానవుల కి సంబంధించిది సుమ్మీ అనుకుని ,

సరే అని దానికి రాద్దామని కూర్చుంటే, ఋగ్వేదం లో ఆనోభద్రా సూక్తం గుర్తుకొచ్చింది. అందులో రమణీయ మైన సూక్తి 'భద్రం కర్ణేభి శృణుయామ దేవా ' అన్నది !

సరే అని ఇట్లా రాయడం జరిగినది.

విని ఆలోచింప ముక్తి ప్రాప్తించు ననఘ
కని శోధింప ముక్తి ప్రాప్తించు ననఘ
అవని లో అన్నియు తానైన ఆ భగవ
తిని భజియింప ముక్తి ప్రాప్తించు ననఘ!


దానికి శ్రీ శ్యామలీయం వారు మెరుగులు దిద్ది మరో స్థాయి కి తీసుకెళ్ళి పోయేరు!

శ్యామలీయం చెప్పారు...

జిలేబీగారి పద్యం బాగుంది. దానికి లక్షణశుధ్ధి చేస్తే ఇలా గవుతుందని అనుకుంటున్నాను

జిలేబిగారు చెప్పిన పద్యం:
విని ఆలోచింప ముక్తి ప్రాప్తించు ననఘ
కని శోధింప ముక్తి ప్రాప్తించు ననఘ
అవని లో అన్నియు తానైన ఆ భగవ
తిని భజియింప ముక్తి ప్రాప్తించు ననఘ!

పరిష్కృతపద్యం:

విని వివేచించ ముక్తి ప్రాప్తించు ననఘ
కని విమర్శించగా ముక్తి కలుగు ననఘ
అవని నన్నియు తానైన యట్టి భగవ
తిని భజించిన ముక్తి ప్రాప్తించు ననఘ!

భావం: సద్విషయములను విని వాటిలోని పారమార్థిక తత్వమును చక్కగా నిత్యమూ వివేచన చేయుచున్న వానికి ముక్తి కలుగును. ప్రకృతియొక్క వికారములను చక్కగా అవలోకనము చేసి దాని తత్త్వమును చక్కగా విమర్శనము చేయుచున్న వానికి దాని నుండి విముక్తి కలుగును. కాని పూర్ణవైరాగ్యసంసిథ్థి లేని వారికి యీ రెండు విధము లయిన మార్గములునూ దుష్కరములు. కాని ఒక మంచి ఉపాయ మున్నది. అందరకునూ‌ అన్నిటికీ‌ భగవతి నిత్యమూ అండగా నున్నది. కాబట్టి విచారపడక అమ్మవారిని నమ్ముకొని ఉపాసించినచో తప్పక ముక్తి కలుగును. చాలా లోతైన ,రమ్యమైన భావము.

 

ఆ పై కంది వారు వావ్ అనిపించారు !

 

కంది శంకరయ్య చెప్పారు...

*
జిలేబీ గారూ,
మంచి భావాన్ని ఇచ్చారు. అభినందనలు. మీ భావానికి నేనిచ్చిన పద్యరూపం...

విని వితర్కించి ముక్తి ప్రాప్తించు తెరువుఁ
గనఁగ శోధించుటే మానవునకు నొప్పు
నవనిలో నన్ని తానైనయట్టి భగవ
తిని భజించిన ముక్తి ప్రాప్తించు ననఘ.

 

ఆ పై శ్రీ తోపెల్ల బాలసుబ్రహ్మణ్య శర్మ గారు మరో స్థాయి కి గొంపోయేరు !

Tbs Sarma చెప్పారు...

జిలేబి వారి భావానికి శ్రీశ్యామలరావుగారి పూరణాంచిత వివరణ శ్రీ శంకరార్యుల పూరణ అద్భుతము. అందరికి అభినందనలు.
చిన్ని సవరణతో జిలేబి గారి చలువతో (భగవతి పదం వారిదే)

అతుల మహానుభావుడని హరుని మనంబున తలచి
పతిగ పొంది తపము జేసి పార్వతి, రతిపతి వలన,
సుతుగనె తారకాంతకుని సురలందరంత మెచ్చ భగ
వతిని భజించిన ముక్తి ప్రాప్తించు ననఘ! నిజముగ.

 

 

ఆహా జన్మ ధన్య మాయెనే అనుకున్నా!.

 

కవులందరికీ ధన్యవాదములతో !

 

నెనరస్య నెనరః

జిలేబి నామ్యా

కవితా వనచారిణహ !

బాంక్ ఆఫ్ 'ఇందిర ' (అన్) లిమిటెడ్ ! - జిలేబీయం!

ఏమోయ్ జిలేబీ, పట్టు బట్టి,  పంచ కట్టిన శెట్టి గారి చే  జిలేబీ ల కోసం బాంకు పెట్టించే సే వన్న మాట !'

మారేమం డోయ్  అన్నా .

అవునోయ్ మీరు చాలా మారు తున్నారు సుమీ !

బాంకు వచ్చేక ఏమి ప్రణాళిక ?

అందరి ఇంట్లోనూ వంటిల్లు బందు చెయ్యమని అంటాం !

అంటే ?

దేశం అభివృద్ధి కి వంటిల్లె నిరోధకం గా ఉంది చెప్పా.

ఎట్లా ? అన్నారు మా అయ్యరు గారు హాశ్చర్య పోయి !

అవునండీ, వంటిల్లు బందు చేస్తే, దేశం లో అదో పెద్ద మల్టీ బిలియన్ బిజినెస్స్ గా మారుతుంది .  ప్రతి వేళా జనావళీ బయటే హోటల్ కెళ్ళి  తింటే, ఎంత బిజినెస్స్ వస్తుందో చూడండీ మరి. ఎంతో  మంది జనావళీ కి ఉద్యోగం చిక్కుతుంది కూడా ను. 

'హోటలు బిజినెస్ వాణ్ని 'సిరిరా' వద్దం టా నా ! ముసి ముసి నవ్వులు నవ్వేరు మా అయ్యరు  గారు.

'మా జిలేబీ బాంక్ లో స్వస్వహాయక భామా గ్రూప్ లకి హోటల్లు పెట్ట దానికి దండి గా లోన్లు ఇచ్చే మను కొండీ - ఆ పై ఆ ఇంట్లో చేసే వడ్డ నల్నే వాళ్ళు హోటల్ లో తయారు చేస్తే ఇక వాటి కి వేల్యూ ఆడిషన్ వచ్చి మార్కెట్ వేల్యూ పెరుగు తుంది'  ' చెప్పా గర్వం గా.

మొత్తం మీద నా కొంపకే ఎసరు పెడతావా జిలేబీ అన్నారు మా అయ్యరు గారు.

ఆయ్ , మీరు హోటల్ బిజీ మీదే నండీ . మా హోటలు మాదే నండీ !ఇక మీదట మేమూ  పెడతాం మాతా అన్నపూరణీ హోటలు కూడాను !

భారద్దేశం లో సరికొత్త పంధా మహిళా బాంకు తెస్తుందని ఆశిస్తూ
సరియైన మార్గం లో women empowerment పయనిస్తుందని ఆశిస్తో...

చీర్సు సహిత
జిలేబీ బాంక్ అన్ లిమిటెడ్ !

విప్రలంభ శృంగార యోగి !

విప్రలంభ శృంగార యోగి !

***photo courtesy googlaaya namah***

 

"మన దగ్గిర చుట్టమైన రాముడు

మహావీరుడూ ,

ప్రకృతి సౌందర్య పిపాసీ ,

దుష్టశిక్షకుడూ ,

శిష్టరక్షకుడూ,

ముఖ్యం గా విప్రలంభ శృంగార యోగిన్నీ !"

 

(వాల్మీకి మహర్షి విరచితం రామాయణం మూడో సంపుటం అరణ్య కాండ వాడుక భాషలో శ్రీ శ్రీపాద సుబ్రహ్మణ్య శాస్త్రి

వచనానువాదం - పబ్లిషర్స్  అద్దేపల్లి అండ్ కో - సరస్వతి పవర్ ప్రెస్ -రాజమహేంద్ర వరము - మొదటి కూర్పు 1956- 'సూచన' -ముందు మాట నించి )  

 

జిలేబి
 

పద్మావతీ టైమెంత ?

స్వామి వారడిగేరు - దేవీ పద్మావతీ టైమెంత ?

అమ్మవారు అలవోకగా చేతి గడియారం వైపు చూసింది.

రిస్ట్ వాచు లో స్వామి వారు జగజ్జేగీయ మానం గా కనబడ్డారు.

అబ్బా, వీరి సొబగే  సొబగు! ప్చ్! స్వామి వారిని మాత్రం ఆ స్విస్సు వాడు గడియారం లో పెట్టేడు. తన్నో, మంగ తాయారు నో కూడా చేర్చి ఉండ వచ్చుగా ? ఊహూ !

'ఎందుకో' ఎప్పుడూ టైమెంత అనని అయ్యవారు ఇట్లా ఈ వాచీ వచ్చినప్పటి నించి గంట కో మారు టైమెంత అనడం మొదలెట్టేరు !

'ఊరికే నే లే .  టైం ఎంతో తెలుసు కుందా మని . అంతే మరే ప్రత్యేకతా లేదు ' చెప్పేరు స్వామి వారు.

అబ్బబ్బా, ఏమి బడాయి ఈ స్వామీ వారిది ? ఆ గడియారం కంపెనీ వాడు, స్వామి వారికి ఓ గడియారం బహుమానం క్రింద ఇస్తే, స్వామీ వారు తన చేతికి కట్టి పద్మా బాగుందా అన్నాడు.

స్వామి వారి ముఖ వర్చస్సు అందులో చూసి 'ఆహా' అని అనుకో కుండా ఉండ లేక పోయింది పద్మావతీ దేవి.

చదువరీ, ఇంతకీ ఇట్లా స్వామి వారు ప్రతి గంట కీ అమ్మవారి ని టైమెంత అని ఎందుకు అడిగినట్టు ?


చీర్స్
జిలేబి. 

కొండ దేవర స్విస్సు అకౌంటు కోసం పోనాడు !

స్విట్జర్ లాండు.

అతి పాపులర్ ఐన స్విస్సు బాంకు ముందు నిలబడ్డాడు  కొండ దేవర.

అక్కడ అటూ ఇటూ పోయే జనావళీ టై సరి జేసు కోవటం జూసి తానూ తన మెడలోని పూమాలని సరి జేసు కుని బాంకు లోకి అడుగు పెట్టాడు సామి.

'ఎస్ హౌ కేన్ ఐ హెల్ప్ యు సర్' అన్నది కౌంటరు దగ్గిర ఉన్న స్విస్సు భామామణి .

ఆవిడకి తెలుసు ఈ లాగా గెట్ అప్ లో వచ్చిన వాళ్ళు ఖచ్చితం గా 'భారద్దేశం' అనబడే దేశం నించి వచ్చే ఉంటారని, వీళ్ళకి అంగ్రేజీ తప్పించి లోకల్ భాష ఐన స్విస్ జర్మన్ తెలీదనీను. అందుకే ఆంగ్లం లో సంభోదించింది.

స్వామి కొద్దిగా జంకి 'దీర్ఘాయుష్మాన్ భవ ' అన్నాడు.

కౌంటర్ అమ్మాయి అర్థం కాకుండా నవ్వుతూ 'ఎస్ సర్' అంది.

కొద్దిగా ముందుకి వంగుతూ స్వామి చెప్పాడు, 'నాకో స్విస్సు అకౌంటు ఓపెన్ చెయ్యాలి - సీక్రెట్'!

ఎస్ సర్, మెజారిటీ ఆఫ్ అవర్ అకౌంట్ హోల్డర్స్ ఆర్ ఫ్రం యువర్ కంట్రీ సర్ - ఉయ్ గివ్ బెస్ట్ సర్వీస్'

'మా 'దివాణం' వాళ్ళు మీ ఊరి గడియారం లో నా ఫోటో పెట్టడానికి కమీషన్ నాకిస్తా మన్నారు.' చెప్పాడు స్వామి. కానీ ఆ కమీషన్ మా దేశం లో ఇవ్వడం కుదరదట నాకు, ఇక్కడే ఇస్తారట, అందుకే ... నాకిక్కడే అకౌంట్ కావాలి'

ఎస్ సర్ నో ప్రాబ్లెమ్ !

స్వామి ఈ మారు మళ్ళీ మెడలోని పూమాలని సర్దుకుని, 'ధన్యవాద్' చెప్పాడు .

ఆ అమ్మాయి కూడా ధన్యవాద్' అంది .

ఆ బ్యాంకు వాళ్ళు ఇట్లాంటి చిన్ని చిన్ని హిందీ పదాల్నీ , మరిన్ని చైనీసు పదాల్నీ పదాల్ని కౌంటర్ అమ్మాయిలికి చెప్పి పెట్టేరు వచ్చిన కష్ట మరలని సంతోష పెట్ట డానికి ~

స్వామీ సంతృప్తి గా తలూపి అక్కణ్ణించి ఓ SMS - కొట్టాడు - డీల్ డన్ -స్టార్ట్ ఫండ్స్ ట్రాన్స్ఫర్ - అని !


(మా స్వామి ఇంకా ఏ ఏ ఊళ్ళో అకౌంట్లు తెరవబోతాడో మరి !-

కొన్ని రోజులు పోతే నాయుడు హాల్ వాళ్ళు వచ్చి మా ప్రాడెక్ట్  మీద స్వామీ వారి బొమ్మేట్టేసు కుంటాం కూసింత కమీషను మీకూ ఇస్తాం అంటారేమో మరి !)

జిలేబి. 

స'రస' సాహిత్యపు "జిలేబి" సరస నుండు!

రామ రామ ! - కంది వారు 'తెలుగు పద్యం చచ్చిందా అంటే , అయ్యో రామా , తెలుగు పద్యం జీవ మున్న పద్యము, దానికి చావులేదు అంటున్నారు తోపెల్ల  బాలసుబ్రహ్మణ్య శర్మ గారు !

మధ్య లో సరస సాహిత్యపు "జిలేబి" సరస నుండు అని జిలేబీ ని అక్కుజేర్చు కునేసారు!

ధన్యవాదాలండీ తోపెల్ల  వారు !
మహాభాగ్యం!

సరస సాహిత్యపు "జిలేబి" సరస నుండు

“కంది శంకరార్య” బ్లాగు కాంచు చుండ
పండితార్య” శ్రీనేమాని” పద్యధార
ముదము నిచ్చుచు”నేల్చూరి” మేథ తెలియు
“విష్ణు నందను” డనువైద్య విభుని జూడ
“మన తెలుగు చంద్ర శేఖరు” మహిమ గనుము
“గన్నవరపు” మెరపులుండు ఘనము గాను
“గోలి” వారి సద్యస్ఫూర్తి గ్రోలు చుండ
అన్న” మిస్సన్న” ధీశక్తి హాస్య రక్తి
జిగియు బిగియు జూడ దగును “జిగురు” వారి
కనుము”గండూరి” పద్యమ్ము గంగ యనగ
కవన వన “కమనీయము” నవవిధముల
“సంపతకుమార” పాండిత్య సహజ రీతి
సహజ పద్యంపు” సహదేవ” శక్తి జూడ
“నాగరాజు” నుడువ భవ్య నవ్య కవిత
“లక్కరాజు” వారిచ్చెడి లాస్య కవిత
“పోచిరాజం”త కవితల ప్రోది చేయ

నిత్యము “వసంత కోకిల” నిండు దనము
“మూర్తి” ముత్యాల పద్యాల మురిపెమివ్వ
“ఊక దంపుడు” కబ్బమ్ము నూదు వెండి
రాణ కెక్కిన “రాంభట్ల” రచన చదువ
“వామనకుమారు” ధారగ వర్ష మిడగ

సరస సాహిత్యపు "జిలేబి" సరస నుండు
అక్క” రాజేశ్వరి” కవిత లెక్క పెట్ట
వీణ మీటు “లక్ష్మీదేవి” వాణి యెపుడు
ప్రభల రామలక్ష్మి కవితా ప్రభల వెలుగ
అరస విరస సరసమ్ము లణగద్రొక్క
తెలుగు పద్యమెటుల చచ్చు? తెరచిచూడ
జీవి నిర్జీవి యగుచుండు జీవ గతిని
జీవ మున్న పద్యమునకు చావులేదు!

 

***తోపెల్ల  బాలసుబ్రహ్మణ్య శర్మ***

 

చీర్స్ 

జిలేబి 



కృష్ణమ్మ వాకిట్లో కర్వేపాకు చెట్టు!

 

కృష్ణమ్మ వాకిట్లో కర్వేపాకు చెట్టు!

సరికొత్త తెలుగు చిత్రం 

 

టైటిల్ క్రెడిట్ - జిలేబి

కథ కాన్సెప్ట్ - కృష్ణ ప్రియ 

*ఫోటో క్రెడిట్ 'గూగ్లాయనామః'* 

 

ఈ మధ్య మా సీతమ్మ తల్లి మరీ మరీ పాపులర్ అయిపోనాది !

సీతమ్మ వాకిట్లో సిరి మల్లె చెట్టు ఓ చిత్ర రాజం !

సీతమ్మ తలలో పేలు ! - ఓ పేరొందిన బ్లాగర్ గారి టపా !

సీతమ్మ అగ్ని ప్రవేశం చేసి సాధించినది ఏమిటి ? మరో రౌడీ రాణి ప్రశ్న !

రామా, చట్  మ (ర) లా నీ (పై) కంప్లైంట్ ! ఓ జిలేబీ టపా !

ఆ పై ప్రతి ఒక్కరూ సీతమ్మ వాకిట్లో సిరి మల్లె చెట్టు మీద టపా సినిమా రెవ్యూ రాసి పడెయ్యడం !

ఈ మధ్య యు ట్యూబ్ చూస్తే, మంగమ్మ వాకిట్లో మందార చెట్టు ! అన్న మరో 'మినీ సినిమా' కనబడ్డది!

వావ్ అనుకుంటే, కృష్ణ ప్రియ 'బ్లాగిణి'  గారు కృష్ణమ్మ వాకిట్లో కర్వేపాకు చెట్టు కి కథ చెప్పెసేరు !

టూకీ గా 'కృష్ణమ్మ వాకిట్లో కర్వేపాకు చెట్టు ' కథ కమామీషు!

కృష్ణమ్మ వాకిట్లో కర్వేపాకు చెట్టు.. కాన్సెప్ట్

 

(గమనిక ఈ సినిమా టైటిలు కథ పేటెంటు రైటులు

సర్వం జిలేబీ &  కృష్ణ ప్రియ గారివి!

 

All right reserved!)

అక్కా చెల్లెళ్లు చెగోడీలు, పాలకాయలూ, అరటి పండ్లూ, చెరుకు గడలుతింటూ, తగువులాడుకుంటూ,..సద్దుకుపోతూ, ఊరెంబడ తిరుగుతూ, ఉంటారు

వెంట బడిన అబ్బాయిలని ‘పిలకెక్కడ రా నీకూ :) ‘ అనుకుంటూ వారి భరతం పడుతూ ఉంటారు !

అప్పుడేమో, ఆఅ ఊళ్ళోకి మన హీరో వస్తాడన్న మాట.

హీరో కి కర్వేపాకు అంటే మరీ మోపెడంత గంపెడంత ప్రియం.

ఏ  ఇంట్లో కర్వేపాకు చెట్టు ఉందో ఆ ఇంటి అమ్మాయినే మను వాడ తా నని ఘోరాతి ఘోరం గా తన బామ్మ  జిలేబీ దగ్గిర మన హీరో శపథం పట్టి ఆ ఊరు వచ్చాడన్న మాట !
అప్పుడేమో, హీరో బామ్మ జిలేబీ కర్వేపాకు గురించి ఒక ఫ్లాష్ బ్యాక్ చెబ్తుం దన్న మాట !
ఫ్లాష్ బ్యాక్ ఏమో ఆఖరి దాకా డైరెక్టరు ప్రేక్షకులకి చెప్పడన్న మాట.

హీరొయిన్ ఎవరు సినిమా లో ?
బులుసు గారి ఫేవరైట్ సినీ తార ఇలియానా అన్న మాట.

హీరో ఎవరు మరి ?
పనిలేక రమణ గారి ఫేవరైట్ సినీ తారడు  అన్న మాట !

అప్పుడేమయ్యిం దంటే ....

ఎవరండీ అక్కడ ! కథ పొడిగించండి మరి !
 

ఎక్కడండీ రాజ్ కుమార్  & బులుసు గారలు ?
 కామెడీ ట్రెక్ రాయడానికి త్వరపడండి మరి !

కథా చిత్రానువాదానికి S. చందూ గారు
ఎక్కడున్నా వెంటనే రావలెను !

 

చిత్రం డైరెక్టు టు హొమ్ టెలికాస్ట్ చెయ్య బడును!

 

తలా ఓ వెయ్యి రూపాయలు చందా కట్టి

మీ ఒన్స్ ఇన్ లైఫ్ టైం మూవీ ప్రీమియర్  అడ్వాన్సు బుకింగ్ కి వేగిర పడండి !

 

చీర్స్

జిలేబి.

మనకు జ్యోతిష్యం మీద ఎందుకు ఎందుకు నమ్మకం తక్కువ ?

'ఏమోయ్ జిలేబీ మళ్ళీ జ్యోతిష్యం మీద పడ్డావు ?' అడిగారు మా అయ్యరు గారు.

ఏమని చెప్పనండీ ? అన్నా.

'అది కాదు, మళ్ళీ జ్యోతిష్యం పుస్తకాలు, వారఫలాలు గట్రా ముందర పెట్టుకుని అట్లా తీక్షణం గా చూస్తుంటే ను... '
మా అయ్యరు గారు మధ్యలో ఆపేరు.

'మనకు జ్యోతిష్యం మీద ఎందుకు నమ్మకం తక్కువ ? అ న్నదాని గురించి ఆఅలొచిస్తా ఉన్నా.

ఓహో అన్నారు మా వారు.

అవును మన జమానాకి జ్యోతిష్యం మీద నమ్మకం ఎందుకు తక్కువ?'

అసలు ఈ 'నమ్మకం' జ్యోతిష్యం ఒక్కదాని మీదేనా  తగ్గింది ?  కాదను కుంటా. స్వతహా గా,చాలా వాటి మీదా కూసింత నమ్మకం తక్కువై పోతూనే ఉంది అను కుంటా, అంటే మన ముందటి తరం వారికిన్నూ, మనకున్నూ బేరీజు వేసుకుంటే వారి కున్న నమ్మకాలు వాటి మోతాదు మనకు తక్కువే అయి పోయి ఉంటాయే మో ?

నమ్మకానికి, తర్కానికి చుక్కెదు రేమో ఎప్పుడూను ! అంటే జ్యోతిష్యం లో తార్కిక ఆలోచన లేదా? ఎందుకు లేదు ? జ్యోతిష్యం లో  -' If , Iff, Else' - అదిన్నూ, mind boggling  logical ఆలోచనా పరిధి కూడా విస్తారం గా ఉన్నది.

అయినా జ్యోతిష్యం ఎందుకు నమ్మకాన్ని కోల్పోతోంది అదిన్నూ, మన దేశం లో - ఈ దేశం లో ఈ విషయం పై రాయ బడ్డ గ్రంథాలు ఎన్నో ఉన్నాయి. అయినా ఎందుకు ఈ 'సాయిన్సు' దెబ్బ తిం టోంది ?

లాప్ టాప్ ల పై weather apps ని పెట్టుకుని మనం  అంతర్జాలం ద్వారా ఇవ్వాళ వర్షం వస్తుందని గొడుగు తీసుకెళ్ళే కాలం లో ఉన్నాం. అంటే, weather apps లో దాని లాజికల్ మ్యాప్ కి తగిన weather data ఉండ బట్టి.

Weather apps ఒక్క వాతావరణం మీదే తన పాండిత్యాన్ని క్రోడీ కరిస్తుంది.

జ్యోతిష్యం అట్లా కాదు.

దునియా లో ఉన్న అన్ని విషయాల మీద 'కామెంటరీ' ఇవ్వ గలదు !

అంటే, జాక్ ఆఫ్ ఆల్ అన్న మాటా ?

ఇట్లా పరి పరి విధాలా తనవి కాని సబ్జెక్ట్ కూడా జ్యోతిష్యం తన లో కలుపు కొని అట్లా మానవ సంబంధాల మీదా , ఇట్లా , వెదర్ ఫోర్ కాస్ట్ ల మీదా, 'ఇందు గల దందు లేదని సందేహం వలదు, ఎందెందు వెతికినా జ్యోతిష్య స్వరూపమే అని విశ్వ జనాంతికం గా అన్నిటి మీదా సర్వ హక్కులూ నాకున్నవి అని జ్యోతిష్యం గొప్పలు చెప్పు కోవడం వల్లా ?

కాకుంటే ఇప్పటి సాయిన్సు కున్న   supportive empirical data , జ్యోతిష్య శాస్త్రానికి తక్కువ గా ఉండడం వల్లా ?

అబ్బా ఈ సబ్జెక్ట్ గురించి ఆలోచిస్తే అసలు ప్రశ్నలే ప్రశ్నలు మరి

ఏమంటారు మీరు ?

జిలేబి.
(ఫెబ్రవరీ సెకండ్ హాల్ఫ్ లో జ్యోతిష్యం మీద ఎక్కువ చర్చలు జరుగుతాయని జ్యోతిష్య శాస్త్రం చెబుతుంది)
 

ఇచ్చట ఫ్యామలీ అద్దెకు ఇవ్వబడును !

'ఇచ్చట ఫ్యామిలీ అద్దెకు ఇవ్వబడును ' అన్న బోర్డు చూసి ఆ నాజూకు అమ్మాయి లోపలికి వచ్చింది.

'ఎస్ మేడం , హౌ కేన్ ఐ హెల్ప్ యు ' అంది అక్కడ కూర్చున్న కోమలాంగి.

'నాకో ఫ్యామలీ అద్దెకు కావాలి' చాలా క్యాషువల్ గా చెప్పింది నాజూకు అమ్మాయి.

కోమలాంగి తన దగ్గరున్న ఫ్యామలీ ఆల్బమ్స్ చూపించింది.

'ఎన్ని రోజులకి కావాలండీ అద్దెకు?'

జస్ట్ ఫార్ వీక్ ఎండ్

వీక్ ఎండ్ చాలా ఎక్స్పెంసివ్ వీక్ డేస్ అయితే కాస్తా చవక' చెప్పింది కోమలాంగి.

ఓ ఐసీ. నో ప్రాబ్లెమ్. నాకు వీక్ ఎండ్ కే  కావాలి

ఓకే. స్పెసిఫికేషన్ చెప్పండి. ఫ్యామలీ లో ఎంత మంది ఉండాలి ?

నాజూకు అమ్మాయి చెప్పడం మొదలెట్టింది.

వీక్ ఎండ్ రెండు రోజులకి కావాలి. ఫ్యామలీ లో పేరెంట్స్, గ్రేండ్ పేరెంట్స్, మావయ్యల ఫ్యామలీ రెండు, అత్తయ్య ఫ్యామలీ ఒకటి, అక్కయ్యా వాళ్ళు నలుగురు, అన్నయ్యా వదినలు ఇద్దరు'

హబ్బీ ఏమైనా..... ??? కోమలాంగి ప్రశ్నార్థకం గా ఆగింది.' హబ్బీ ఎమన్నా కావాలా? అడుగుదాని అనుకుని.

'నో నో ... నో హబ్బీ. .. ఐ యాం డేటింగ్... కాబోయే అతని కోసం ఫ్యామలీ పరిచయం చేద్దామని అంతే !' చెప్పింది కోమలాంగి.

ఓహ్... నో ప్రాబ్లం... ఇది మా బిల్లు పూర్తి రొక్కం కట్టి వెళ్ళండి. మీరు చెప్పిన అడ్రెస్స్లో మీ ఫ్యామలీ మీరు చెప్పిన డేట్స్ కి వచ్చేస్తారు' చెప్పింది కోమలాంగి.

వాళ్లకి ఏమైనా టిప్స్ వగైరా...?

నో మేడం ! ఆల్ సర్విస్ చార్జెస్ కలిపే మా సర్విస్' చెప్పింది కోమలాంగి.

నాజూకు అమ్మాయి  తృప్తి గా తలపంకించి షాప్ నించి బయటకు పడి కారు ఎక్కింది. !

కొంత సేపట్లో నే మరో యువకుడు వచ్చి, 'హల్లో - నాకో ఫ్యామలీ అద్దెకు కావాలి!' చెప్పాడు. యు నో ఐ యాం డేటింగ్ ఏ గర్ల్'

ఎస్ సర్... మీ ఫ్యామలీ సైజు వగైరా చెప్పండి' ఈ లిస్టు చూడండి ఉజ్జాయింపుకి - జస్ట్ ఇప్పుడే కస్టమైజ్ చేసాం మరో కస్టమర్ కి... మీకు సూట్ అయితే అట్లాగే తీసేసు కోవచ్చు. అఫ్కోర్స్ మీరు మీ చాయిస్ ఇంకా మార్చు కోవచ్చు కూడా' చెప్పింది నాజూకు అమ్మాయి..

ఆ వీక్ ఎండ్ లో....

నాజూకు అమ్మాయి, ఆ యువకుడు కలిసి తమ తమ ఫ్యామలీ తో ఫోటో లో దిగ బడ్డారు!...

'డార్లింగ్... we can get married... we have established our family!' చెప్పాడా అబ్బాయి.

ఎస్. సంతృప్తి గా చెప్పింది అమ్మాయి కూడా...


చీర్స్
జిలేబి.

సన్నాసి బుట్టలో పడ్డాడు ( వాలం 'టీనో ' పాఖ్యానం!)

కాలా కాలం గా సన్నాసులు బుట్టలో పడటాన్ని కొనియాడే శుభ దినం సందర్భాన ఇవ్వాళ సన్నాసుల వారి కథా, బుట్ట బొమ్మ కథా తెలుసు కుందాం !

 

జిలేబీ పెళ్లి రోజు .

 

బుట్ట లో జిలేబీ ని పెట్టుకుని వస్తూంటే , బుట్ట బొమ్మ లాంటి అమ్మాయి నాకు కాబోయే అర్ధాంగీ అని మురిసి పోయిన జంబు నాధన్ కృష్ణ స్వామీ అయ్యరు గారికి అవ్వాళ తెలిసి రాలే, బుట్టలో బొమ్మ పుత్తడి బొమ్మ కాదని, పేరు మాత్రమె జిలేబీ అని, తానె బుట్టలో బోల్తా పడ్డాడనీ నూ.

 

ఆ పై మూడు రాత్రుళ్ళు (ఈ మూడు రాత్రుళ్ళ ముచ్చట గురించి నేను చెప్పను బాబు మరీ సిగ్గు !) కానించిన తరువాయి శ్రీ అయ్యరు వారు 'జిలేబీ, మాంచి ఫిల్టరు కాఫీ ఒక్కటి పట్టుకు రావోయ్ " అంటే జిలేబీ బిక్క మొగం బెట్టి,

"అయ్యరు గారు, మీకు వంట బాగా వచ్చనే బామ్మ నాకు చెప్పి నన్ను మిమ్మల్ని కట్టు కొమన్నారు " అని బిక్క మొగం పెడితే, వంశ పారంపర్యం గా వచ్చే అయ్యరు హోటలు వృత్తి ఇంట్లో కూడా వంట గాడేనా, గాదేనా నా గతీ , రాధా, నా జిలేబీ ఇది నీకు తగునా సుమీ అని మా అయ్యరు వారు ఉసూరు మన్నారు !

 

ఈ మా పెళ్ళి ఈ సో కాల్డ్ యాదృచ్చికమో, కాక 'తాళీ' బలీయమో జంబూ వారికే తెలియాలి !

ఈ సన్యాసి బుట్టలో పడే కార్యక్రమము నే పెళ్లి దినాన అబ్బాయి వారి 'కాశీ యాత్ర ' గా పరిగణించడం బట్టి తెలియ వస్తున్నది ఏమనగా, ఈ వాలం టీను దినం మన పూర్వ ప్రాచీన సాంప్రదాయ పద్ధతే అని, దీనిని కాపీ క్యాటూ చేసి కాపీ లెఫ్టు చేసి సంతు వాలం టీను దినము గా మార్చి వేసి నారని మనము విశ్వసించ వలె.

 

 

అయ్యలారా, అమ్మలారా , ఇవ్వాళ సంక్తు వాలం 'టీన్' జరుపు కొనుడు అబ్బాయి లారా, అమ్మాయి లారా మీకందరికీ ఇదే శుభ కామనలు !

 

మీరు జంబూ అయితే, మీకు జిలేబీ ఖచ్చితం గా లభ్యమవు గాక!

 

తప్పి మీరు జిలేబీ అయితే, తప్పక ఎవడో ఓ సన్యాసి మీ బుట్టలో పడడం ఖాయం!

 

ఇంతటి తో ఈ సన్యాసి బుట్టలో పడ్డాడు అనబడు బుట్టో పాఖ్యానం పరి సమాప్తము !

 

ఇది చదివిన వారికి, వినిన వారికి చదివి వినిపించిన వారికందరికీ ఆ పద్మావతీ అలమేలు మంగా సమేత మా ఏడు కొండల పెరుమాళ్ళు(ఈయన రెండు మారులు బుట్టలో పడినట్టు ఉన్నాడు సుమీ !) సకల మంగళములు కలుగ జేయు గాక!

 

చీర్స్

ఫక్తు, జిలేబీ డే!

అజ్ఞాతలు అందరూ మేధావులే - అన్నా నీ మనసు తెలీక తప్పిదమై పోయే!

ఈ బ్లాగ్ లోకం లో అజ్ఞాతల కి అసలు విలువ లేకుండా పోతోంది!

అజ్ఞాతల్ అనగా ఎవరు ! జ్ఞాతుడు కాని వాడు. అనగా 'జ్ఞాతత్వములకు ' అతీతుడై న వాడు! అటువంటి అతిధి మన మీద ఎప్పుడూ కినుక వహించి కామెంటు చెళ్ళు మని కొట్టును! అది అజ్ఞాత జన్మ హక్కు !

ఈ జన్మ హక్కును పరి పరివిధాల మనం తెగ్గోస్తున్నాం. ఇది చాలా బాధా కరమైన, చింతించ వలసిన విషయం మరి!

ఆయ్ జిలేబి, మా టపా మా బలాగు, మా ఇష్టం. అజ్నాతలు అల్లా టప్పా కామెంటులు కొట్టే రంటే 'ఖబడ్దార్' జాన్తా నహీ ! సవాలే సవాల్ ! వాళ్ళని చీల్చి చెండా డు తాం అంటారా ? బలాగు అయ్యలారా, అమ్మ లారా మరో  మారు సావకాశం గా ఆలోచించండి!

మన బలాగు లోకం లో అన్నీ తెలిసిన వాళ్ళు మన టపా లని చదివి ము ము నగవు లేకుంటే వః వహ అనుకుని అట్లే వెళ్లి పోతారు. వాళ్ళు మన టపా చదివేరా, లేకుంటే వారికి నచ్చిందా (ofcourse, you know I write for my satisfaction, yet you know.... I like to know if you liked you know...!) అన్న విషయం మనకు తెలీకుండా పోయి మనం ప్చ్, మన టపా కి ఇంతే రెస్పాన్స్ అనుకుంటాం.

అప్పుడు తటాల్మని విద్యుల్లత లా , ఆకాశం లో మెరిసే తారలా ఓ అజ్ఞాత వచ్చి ఓ కామెంటు కొట్టి వెళ్లి పోతాడు.

మనం ఆ కామెంటు చదివి తలా తోకా అర్థం కాకుండా, ఓరీ వీడి బండ బడ, మనం అంత కనా కష్ట పడి  ఓ టపా రాస్తే, ఈ అజ్ఞాత 'ముకడా' వాడు ఇట్లా రాసి పోతా డా అని వాపోయి, 'ఏయ్ , అజ్ఞాతా - దమ్ముంటే నీ నిజ మైన పేరుతో రా... మొనగాడి వైతే, సత్తా ఉన్న వాడి వైతే నీ ముకడా తెరూ అంటాం!

జవాబు ఉండదు. సైలెంట్! మనం రేయనక పగలనక పది నిమిషాలకో మారు మన టపా చూస్తాం. వచ్చాడా వచ్చాడా ఆ అజ్ఞాత ముకడా వాడు ? ఎక్కడి వాడు ? ఏమి రాసాడు రిప్లై ? ప్చ్ జవాబు ఉండదు.

ఆ అజ్ఞాత ముకడా వాడు మరో టపా కి వెళ్లి అక్కడో కామెంటు కొట్టి వెళ్లి పోయుంటాడు ఈ మధ్య లో.

ఇక చూడండి, 'వ్యాఖ్యల పేచీ యే  మరి తండో ప తండం గా! హారం లో రంజు గా అజ్ఞాతల కామెంటు వరదలు పొంగి పొరలును!

ఈ అనా నీ మస్సు  ల కి అందుకే మనం సరిఅయిన విలువ ఇచ్చి గౌరవం ఇచ్చి వాళ్ళని మన అక్కున జేర్చుకుని వాడి కోసం కాకుంటే ఆవిడ కోసం నేను ఒక టపా అంకితం ఇచ్చి వాళ్ళని 'నైసు ' చేసుకో దలచుకున్నా !

'అన్నా' నీ మనసు తెలీక తప్పిదములు చేయుచున్నాము !
నీవు జ్ఞాత తత్వములకు అతీతుడవు !
నీవు ఇందు గలడందు లేవని లేదు !
ఎందెందు వెతికినా నువ్వు గలవు.
పూర్వ కాలం లో నిన్ను 'ఆకాశ రామన్న' అనెడి  వారు.
ఈ కాలం లో నువ్వు 'అనానీ' మస్ వాడి వై పోయేవు.
అన్నా , నీ మనసు తెలీక నిన్ను గౌరవించాలని తెలీని వాళ్ళం.
కరుణించు దేవా ఆకాశ రామన్న!



చీర్స్
జిలేబి.

మనలో పరమాత్మ ఎక్కడున్నాడు - భాగం రెండు

శ్రీ కాలక్షేపం కబుర్లు శర్మ గారు విస్తారంగా మనలో పరమాత్మ ఎక్కడున్నాడు - అన్న టపా ని రాసేరు.

చాలా విపులం గా  చెప్పేరు.

నారాయణ సూక్తం లో కవి చమత్కృతి యా అన్నట్టు ఒక వాక్యం వస్తుంది - అథొ  నిష్ట్యా వితస్త్యాన్తే ' అన్నది అది.

ఈ పదబంధాన్ని మొదటి మారు చదివినప్పుడు అస్సలు అర్థం కాలేదు.

అథో  నిష్ట్యా - నిష్ట్యా అంటే ఏమిటి ?

వితస్త్యాన్తే - వితస్తి   అంటే ఏమిటి ?

అన్నదాని గురించి అట్లా ఇట్లా లాగించి గూగిలించి, సంస్కృత భాషా ప్రవీణు లైన కొందరిని అడిగి తెలుసుకున్నదాన్ని ఇక్కడ పొందు పరుస్తున్నాను. మీలో మరింత ఉత్సుకత కలిగిస్తుందని ఆశిస్తాను !

ఈ టపా చదివే ముందు శర్మ గారి పై న పేర్కొనబడ్డ టపా మొదట చదివితే కొంత సందర్భం అవగతం !

సో, ఇది భాగం రెండు అన్న మాట-

నిష్ట్యా అంటే, మన కంఠాన్ని తడిమి చూస్తే ఒక ఎముక తగులుతుంది చూడండి అదన్న మాట ఆంగ్లం లో దీన్ని 'Adam's apple' అంటా రను కుంటా.

వితస్తి అన్నది ఒక కొలబద్ద. అంటే మన హస్తాన్ని సాగ దీస్తే, బొటన వేలికిన్ను చిటికిన వేలికిన్ను మధ్య ఉన్న దూరం. సుమారు పన్నెండు అంగుళాలు.

ఇప్పుడు ఆ కంఠ ఎముక (ఇది దుష్ట సమాసమెమో మరి - శ్యామలీయం వారు చెప్పాలి!) నించి మీ చేతిని అట్లా విస్తరించి కొలత బెట్టండి ఏమి తగులు తుంది ?

హృదయం కదూ ? సో, అథొ నిష్ట్యా వితస్త్యాంతే - ఆ పన్నెండు అంగుళాల దూరం లో ఉండే హృదయం లో అన్న మాట.  హృదయం నాభ్యం ఉపరి ఉన్నది కదూ.

ఇంత కష్ట పడి  హృదయాన్ని కవి వివరించా లా ? చెప్పాలా? చమత్కృతి కాకుంటే ? 'సులభం గా 'హృదయేషు లక్ష్మీ' అని చెబ్తే సరి పోదూ?

ఈ ఆలోచన రాక పోదు మనకి. ఈ సందేహాన్ని నివారించ డా నికి మరో నారాయణ సూక్త పంధా(వైష్ణవ సాంప్రదాయంలో )  (version?) లో సులభం గా హృదయోర్మధ్యే అని చెప్పేశారు.

సరే, సర్వాంతర్యామి. భగవంతుడు అన్ని చోట్లా ఉంటా రంటారు కదా.. మరి ఇట్లా, ఒక స్థలం లో ఆయన్ని 'localization' చేయ్యటం ఏమిటంటారా ? 'If you cannot find Him in you, so far as you are concerned, He is nowhere for you'  అని మరో కవి ఉవాచ !

సో, అదన్న మాట విషయం. కొంత ఆలోచించి చూడండి కవి చమత్కృతి కాదూ  ఇది మరి ?

ఇట్లాంటి చమత్కారాలు వేదంలో  చాలా ఉన్నవి- ఆ మధ్య ఎపుడో ఒకసారి రాసాను కూడా... పురాణీ దేవీ యువతిహి ' అని ఉషస్సు గురించి చెబ్తాడు కవి. (Old Woman, but young girl - అంటే జిలేబీ లా అన్నమాట !)


చీర్స్
జిలేబి.

జిలేబి టపా సక్సెస్ మీట్ !

ఈ మధ్య సినీ మా లోకం వరుస చూస్తుంటే ప్రతి దానికి ఓ మీట్, ఓ లాంచ్ పెట్టేస్తున్నారు!

మొట్ట మొదట ఆడియో లాంచ్ అంటూ ఓ తతంగం !

ఆ పై సినిమా విడుదల అయ్యాక సక్సెస్ మీట్ అంటూ మరో ప్రహసనం !

అట్లా నేను కూడా ఇక మీదట ప్రతి టపా కి ఓ సక్సెస్ మీట్ పెట్టాలని ఆలోచిస్తున్నా !

అంటే ఇప్పుడు ఓ టపా కొట్ట బోతున్నా ననుకోండి, ముందస్తే, 'ఫ్లాష్ ఫ్లాష్ ! రాబోతోంది జిలేబీ టపా- ఓ ఫన్ ఆర్ట్ విత్ బాపు జిలేబీయం' ! అని ఊదర గొట్టి సేల్ఫు డబ్బా వాయించడ మన్న మాట !

ఆ పై ఆ టపా పేలి వరస బెట్టి కామెంటు పరంపరలు వస్తే, వాటి కన్నింటికి జవాబు కామెంటు లు ఇస్తూ మళ్ళీ ఓ సత సహస్ర వందనాలు అర్పించు కోవటం -'  కర్మాణాం  సుకర్మః కామెంటు జవాబుహు ' అన్న చందం లో సుకర్మల ని చేసుకుంటూ బతికేయ్యడం అన్న మాట!

ఆ పై మరో సరి కొత్త పంధా మొదలెట్టాలన్న నా ఉద్దేశ్యమే ఈ 'జిలేబీ టపా సక్సెస్ మీట్' అన్న టపా అన్న మాట !

అంటే, వరస బెట్టి మనకు కామెంటిన వాళ్ళలో కొంత మద్ది పెద్ద వాళ్ళని పిలిచి, వాళ్ళ చేత ఆ హా ఓ హో అని పించి ఈ బలాగు టపా రాజ్యం లో జిలేబీ ఓ మకుటం లేని మహా వృద్ధ నారి లాంటి మెప్పులు కొట్టేసి, ఆ పై 'modesty is my best policy you know!'  అన్నట్టు ముము నగవులు చిందించి అందరికీ తలో శాలువా, దుపట్టా కప్పేసి సక్సెస్ మీట్ లో మన ప్రొడ్యూసర్ అయిన గూగులో న్నీ నూ కాస్త పొగిడేసి, ఆ పై కళ్ళలో అనాధ భాష్పాలు రాల్చేసి !....

అబ్బబ్బా, జిలేబీ టపా సక్సెస్ మీట్ కి మరో సక్సెస్ మీట్ టపా రాయాలండోయ్ !


చీర్స్
జిలేబి.

రాబోయే జన్మలో నేనెవర్ని?

రాబోయే జన్మలో నేనెవర్ని అన్న ఈ ప్రశ్న కి జవాబు మనకు తెలియడానికి ఆస్కారం ఉన్నదా ?

నువ్వు పూర్వ జన్మలో ఇట్లాగ ఉండే దానివోయ్, అట్లాగ జీవితం గడిపేవు  ... లాంటి 'జాతక' ఫలా ల ఖబుర్లు చెప్పే వాళ్ళు ఉన్నారు.

మనకు ఈ జన్మలో రాబోయే కాలం లో ఏమగునో ఎట్లా ఉంటుందో  లాంటి వి తెలుసు కోవటానికి చాలా కుతూహలం ఉంటుంది . మళ్ళీ ఎ మహార్జ్యోతిష్య శర్మ గారో చెప్పే దానికి ఉన్నారు కూడాను.

అయితే, ఏకంగా మనం రాబోయే జన్మ లో ఎట్లా ఉంటామో, ఎక్కడ జన్మిస్తామో మనకు తెలిస్తే ?

వాహ్ , వాహ్  జిలేబీ ఇట్లాంటి ఆలోచనలు నీకెట్లా వస్తాయి సుమీ అని హాశ్చర్య పడి  పోతున్నారు కదూ మీరు ?

ఈ ప్రశ్న ఎందుకు వేసా నంటే, అట్లాంటి వి తెలియ డానికి  అసలు ఆస్కారం ఉన్నదా అన్న పాయింటు కోసమే మరి.

అంటే మనం చేసే కర్మలు కర్మ సిద్దాంతం ప్రకారం, మన కర్మలు చేతలు ఎక్కువయ్యే కొద్దీ, మన రాబోయే కాలం కూడా ever dynamic state లో ఉంటుంది కదా మరి  , నిర్ధారణ గా, మనం ఇలా ఉంటాం రాబోయే కాలం లో అని తెలియడం, నిర్దుష్టం గా తెలియడం అన్నది కాని పని అవుతుం దేమో  కదా మరి ?

అంటే, అది నిర్ధారణ కావడానికి మానవుడు బాల్చీ తన్నేక, బాలన్సు షీటు ఖరారు అయ్యి, ఆ పై ఆతని రాబోయే కాలపు జీవనం నిర్ధారణం అవుతుందా మరి ?

సో, మన బాలన్సు షీటు నిర్ధారణ  మనం బాల్చీ తన్నితే కాని తెలీని పరిస్థితి లో ఉన్నా మన్న మాట మనం !

మరి ఈ కంపనీలు, బిజినెస్సు వాళ్ళు మాత్రం ప్రతి సంవత్సరం బాలన్సు షీటు రాసి పడేస్తారు ! ఆ పాటి సులువు మనకు లేకుండా పోయెనే మరి !

ఏమంటారు ?

జిలేబి.

ఓ ఫన్ ఆర్ట్ విత్ బాపు జిలేబీయం ! - బాపు దస్తూరి తో టపా

బాపూ దస్తూరి తో ఎలా రాయడం ?
బాపూ దస్తూరి తో ఇలా రాస్తారండీ !
మీరూ రాయాలనుకుంటున్నారా ?
అయితే ఈ టపా చదవండి ! అందులో ఉంది కిటుకు !

మొదట మీ కంప్యూటర్ లో సుగుణ ఫాంట్ డౌన్లోడ్ చేసుకోవాలి. ఆ పై జిలేబీ బ్లాగు మీకు బాపు దస్తూరి తో కనిపించును !

సుగుణ ఫాంట్ ఎక్కడ లభ్యము ?

http://wiki.etelugu.org/Telugu_Fonts

బాపు ఫాంట్ అన్న పేరుతో ఉన్నదానిని డౌన్లోడ్ చేసుకోవాలి.

ఈ ఫాంట్ డౌన్లోడ్ చేసుకుని దాన్ని కాపీ చేసి C > Windows > Fonts లో పేస్ట్ చేస్తే జిలేబీ టపాలు బాపు ఫాంట్ లో కనిపిస్తాయి.

చీర్స్
జిలేబి.
 

చదువా ధనమా వీరమా ?

చదువరీ !

నీకు ఇదే పరీక్ష! చదువా ధనమా వీరమా ? ఈ మూడింటి లో ఏది గొప్ప తెలుపుడూ !

'చదువెందు కు.... ' అన్న సామెత ఉన్నది.

అట్లాగే న చోర  హార్యం న చ రాజ్య భోజ్యం ... అన్న సూక్తమూ ఉన్నది.

ఇవి రాసిన వాళ్ళంత తలపండి న వాళ్ళు. అంటే జీవితం లో డక్కా మొక్కీ లు తిని మొదటి సామెత చెప్పిన వాళ్లై  ఉంటారు.

రెండో కేట గిరీ అందని ద్రాక్ష పళ్ళు తీయన అన్నట్టు, మనకొచ్చింది చదువు కాబట్టి, దాన్నే కాస్త గొప్ప గా చెబ్దామని సూక్తం చెప్పేసి ఉంటా రను కుంటా !

ధనం మూలం ఇదం జగత్ అని మేధావి చెబ్తాడు.

ఆయ్ , వీరుడు దేశాన్ని కాపాడ క పోతే నీ చదువూ, నీ ధనం  అంతా పరగతం . కాబట్టి వీరుడు లేకుంటే, దేశం లో శాంతి లేదు. శాంతి లేకుంటే చదువూ సంధ్యా లేదు. ఆ పై వ్యాపారమూ గట్రా నూ  లేవు. సో , ధనమూ ధమాల్ !

ఇట్లా ప్రతి దానికీ తమ తమ గోప్పల్ని చెప్పి డబ్బా వాయించి  చెప్పొచ్చు.

ఇంతకీ మీ ఉద్దేశ్యం ఏమంటారు ఈ విషయం పై ?


జిలేబి.

నేను పుట్టాను ఈ దేశం 'ఆధార్' లేదన్నది !

బిడ్డ కెవ్వు మన్నాడు.

 

అయ్య కన్నీళ్లు పెట్టు కున్నాడు.

 

మళ్ళీ ఆధార్  కోసం క్యూ కట్టాలా ?

 

బిడ్డా, నీకు  రాబోయే కాలం ఆధార్   'కాళమా'  ?

 

తాత బాల్చీ తన్నేడు.

 

కాటి కాపరి 'ఆధార్' ఎక్కడ అన్నాడు.

 

ప్చ్, తాత ఆధార్ కోసం క్యూ లో నిలబడే 

 

బాల్చీ తన్నేడు అంటే నమ్మడే మరి ?

 

ఆధార్  తీస్కురా కాల్చా లంటే అంటాడు మరి ?

 

పుట్టినా గిట్టినా 'ఆధారే' మరి !

 

భారత మాతా ఎప్పటికి ఈ దేశపు నాయకులకు 

 

ప్రజ అంటే గౌరవం వచ్చును?

 

 

నో చీర్స్ 

జిలేబి.

ఇక మీదట సీరియస్ టపాలు రాయ దలచుకున్నా !

అయ్యరు  గారు, ' ఇక మీదట సీరియస్ టపాలు రాయ దలచుకున్నా  నా బ్లాగు లో' చెప్పా మా జంబునాధన్ కృష్ణస్వామి అయ్యరు గారితో.

అయ్యరు  గారు ఫక్కున నవ్వారు.

ఏమోయ్ జిలేబీ, నీకు సీరియస్సు కి చుక్కెదురే ? ఎట్లా 'సీరియస్' టపాలు రాస్తావ్ ?' అన్నట్టు చూసేరు.

'జాన్తా నాయ్ , ఎట్లైనా క్రిందా మీదా పడి , అట్లా ఇట్లా పొర్లి అయినా సీరియస్ టపాలు రాయ దలచు కున్నా.

'జిలేబీ ఎందుకు నీ కిట్లాంటి ఐడియా వచ్చే?' అడిగేరు మా అయ్యరు  గారు.

కాదండీ, బ్లాగుల్లో చాలా మంది మరీ సీరియస్ టపాలు, రాస్తూం టారు . అట్లాంటి వి చదివినప్పుడు అబ్బా, మన మిట్లా రాయక పోతే గెట్లా  అని 'ప్చ్' అని పెదవి విరుస్తా. అప్పుడు అనిపించి, అట్లా అది 'వటుడింతై' అన్నట్టు సీరియస్ టపా రాద్దారి అని పించడం దాకా వచ్చిం దన్న మాట' చెప్పా.

ఓ, అయితే, ఇది నీ సొంత బుర్ర ఐడియా కాదన్న మాట. పులిని  చూసి... సామెత ఎందుకు లే' అని మధ్య లో ఆపేరు అయ్యరు  గారు.

ఏమిటి మీ అర్థం అంటే నేను....' అన బోయి, అబ్బే, మన గురించి మనమే ఇట్లా 'ట్యూబులో' గాలి పీకేసు కుంటే బాగోదు అనుకుని ఆగి పోయా!

సో, చదువరులారా, ఇక మీదట  మీరు నా బలాగు లో మరీ సీరియస్ టపాలు చదివే 'ఆస్కార్లు' ఉన్నవి. కాబట్టి 'బీ తయ్యార్'!

(ఈ టపా చదివేక మీ అభిప్రాయములను మాకు తెలియ జేయ గలరు. ఇది సీరియస్ టపా కింద వచ్చునా? జిలేబీ సీరియస్ టపా రాయగలదా ? అన్న విషయం గురించి తెలుపుడూ!)


చీర్స్
జిలేబి.

జిలేబి ఎచట ఉండును ?

 

జిలేబి 

 

ఎక్కువగా 

 

చదివిన 

 

టపాల  లో 

 

ఉండును!

 

జిలేబి

(గెల్లి గారు ఆ మధ్య

కాలక్షేపం కబుర్లు శర్మ గారి ని-

జిలేబి ఎచట ఉండును 

అని అడిగారు 

దానికై  ఒన్స్ అగైన్!)

 

Modern Mystic of Madanapalle

Modern Mystic of Madanapalle Sri M

 

Full length at:

http://www.cultureunplugged.com/documentary/watch-online/play/8173/The-Modern-Mystic--Sri-M-of-Madnapalle

చీర్స్ 

జిలేబి.

 

(మా జిల్లా కతల్ వెతల్ !)