Friday, June 10, 2016

మాలిక లో మీ టపా టాప్ లైన్ లో రెండు మూడు రోజులు కనబడాలి అంటే ఏమి చెయ్యాలి ! :)

మాలిక లో మీ టపా టాప్ లైన్ లో రెండు మూడు రోజులు కనబడాలి అంటే ఏమి చెయ్యాలి ! :)


ఈ మధ్య వరస బట్టి మన సో కాల్డ్ అహ్మద్ చౌదరి (!?) బ్లాగు లు సాక్ష్యం + కసక్ writes మా మాలిక లో టాప్ లైన్ లో ఉంటా వుంటే ( ఈ రోజు కూడా ఉంది :) మిగిలిన లేటెస్ట్ అప్డేట్ అయిన ఏ బ్లాగు అయినా స్క్రోల్లింగ్ లో దాని క్రిందే ఉండే లా కని పిస్తుంది !

వార్నీ ఏమి మాయ జేసినాడు అహ్మదు అని రెండు మూడు రోజులు వరసబెట్టి గమనిస్తే అర్థమయి పోనాది :)

అబ్బోడు ఓ టపా కొట్ట గానే అది మాలిక లో స్క్రోల్లింగ్ వచ్చేసాక దాన్ని మళ్ళీ అప్డేట్ మోడ్ లో ఫ్యూచర్ డేట్ లో అప్డేట్ చెయ్యటం మొదలెట్టేడు !

హద్దరి బన్నా ! ఇదన్న మాట బగ్గు మాలిక లో అనుకుని సరే పోన్లే మనమూ ఓ రాయి వేసి  చూద్దామని నా టపా నాస్తిర్లోకం జిలేబి నాటక రంగం అన్న టపా లాస్ట్ శని వారం పెట్టింది మళ్ళీ అప్డేట్ మోడ్ లో బెట్టి ఫ్యూచర్ డేట్ అంటే ఇవ్వాల్టి తారీకుకి (ఇది తారీకే :) తారీఫు కాదు జేకే ! ) అప్డేట్ చేసి గమనిస్తా ఉంటె ఆ టపా స్క్రోల్లింగ్ లో మాలిక లో ఇవ్వాల్టి దాకా టాప్ లైన్ లో నాట్య మాడింది :)

హన్నా ! మా లక్కు పేట రౌడీ నిదుర లే ! అని ఓ సూచనా ప్రాయం గా కామెంటు కందం కూడా ఒక్కటి ఇచ్చుకున్నా !

ప్చ్ ! అన్న రౌడీ చూసారో లేదో తెలీదు !

సో ఈ టపా !
మీ టపా మాలిక్ లో స్క్రోల్ టాపర్ చెయ్యా లనుకుంటున్నా రా ! అయితే వెంట నే పై చెప్పిన విధం లో ప్రొసీడ్ అయి పోండీ !


నారదాయ నమః !

చీర్స్
జిలేబి

Wednesday, June 8, 2016

నాస్తిర్లోకం జిలేబి నాటక రంగం !

 
నాస్తిర్లోకం జిలేబి నాటక రంగం !
 
కాస్తా విను చిన్నమ్మా !
విస్తార మయినది లోక విస్మయ రీతుల్
చూస్తున్న మేర కలయే !
నాస్తిర్లోకం జిలేబి నాటక రంగం !



శుభోదయం!
జిలేబి

Thursday, June 2, 2016

జూన్ రెండన 'తారీఫు' !

జూన్ రెండన తారీఫు ! 

 
ధర్మ పక్షము నాడిగా ధర్మ మార్గ
మందు జనులెల్ల నుత్సాహ మతిశయింప
తెలుగు గడ్డకు రెండన తీరు లొచ్చె!
జూను రెండవ తారీకు చుక్క లొచ్చె
!
 
కర్మ మార్గపు దారిన  కాంగిరేసు
పూని విభజింపగ జనుల వునికి తెలిసె
బాగు పడుదురు మునుముందు  భారతీయ
జనుల మాటకు విలువయు జాల కలిగె !
 
చిన్న రాష్ట్రాల  పాలసీ చిగుర తొడిగె
దేశమున కిది మేలు సందేశము యన 
నేడు తెలుగు వారి పలుకు నేర్పు  తెలిసి
భాజపా కూడ  జతగట్టి  భాగ మయ్యె !
 
దుష్ట పార్టీలనిరి వారు తోడుదొంగ
లనిరి తప్పేమియునులేదు రాజకీయ
నాటకము! జన వాహిని నాడి తెలియ
గుండె దిటవు గలిగి తెలంగాణ తెచ్చె!
 
బాట  యిదికాదని జనులు భావ గీతి
గ యిక తప్పొప్పుల సరితూకమును వలదు !
రాష్ట్రమునకు నేడు వలయు రాజ మార్గ
ము! శరవేగము బోవలె ముందు సాగ

యింపుగా వచ్చినది వారి  యిచ్చ ! తెలివి 
గలిగి యాంధ్రుడు మేలగు కాల మిచ్చు
విభవమొప్పార సత్కీర్తి ప్రభలు తోడ
తేజరిల్లవలె  భువిని  దిక్కులదర!

తెలుగు వారి విజయములు దేశమునకు
నాత్మశక్తి యొసంగుచు నవత  నిచ్చు 
కాల గతిలోన మనకెల్ల!   కరుణ జూపు 
ధర్మపరులకు దైవమే దారి చూపు

కాన పునరంకితులు కండు జూను రెండు
నవ తెలంగాణ రాష్ట్రము నాది యనగ
నవ నవోజ్వల దివ్యాంధ్ర నాది యనగ
చెప్పి ఘనదీక్ష బూనుడీ చిత్తములను!
 
తెలుగు తేజమా యీదీక్ష తీసు కొనుము
తెలుగు వీరుడా యీదీక్ష తీసు కొనుము
తెలుగు యామినీ యీదీక్ష తీసు కొనుము
అందరీ దీక్ష గొనవలె  యనె జిలేబి ! 
 
శుభోదయం!
చీర్సు సహిత
సావేజిత
జిలేబి

Wednesday, May 25, 2016

శ్రీ కష్టే ఫలే వారికి వివాహ దిన వార్షికోత్సవ శుభ సందర్భం గా - 'వడి యాలు' - 'కండ' కావ్యం !

శ్రీ కష్టే ఫలే !- వడియాలు - 'కండ' కావ్యం !
 
బ్లాగ్ గాంధీ కాలక్షేపం కబుర్లు శ్రీ  శర్మ గారు,
 
మీ మే ఇరవై అయిదు తారీఖు  తారీఫ్ :)

మీ జీవితం లో 'బంగారం' మీ శ్రీమతి ప్రవేశించిన దినం ఇవ్వాళ (సరియనే అనుకుంటాను!)
ఇది సరిగ్గా ఓ యాభై నాలుగు సంవత్సరాల మునుపు జరిగినట్టు మీ బ్లాగ్ లో చదివి నట్టు గుర్తు.
సో , మీ కిదే , యాభై నాలుగు వసంతాల గ్రీటింగ్స్!
మీ జీవితం అమోఘం. మీ జీవితం లో జరిగిన సంఘటన ల ఆధారం గా మీరు బ్లాగ్ లో సహృదయులై    మీ జీవిత అనుభవాలను టపాల ద్వారా   పదుగురి తో పంచుకోవడం, తద్వారా మీరు పదిమందికి మార్గదర్శకులు గా ఉండడం ఈ పంచ దశ లోకం లో జరిగిన అపురూప విశేషం.
ఈ సందర్భం గా మా గురువులుంగారు శ్రీ శ్రీ పాద వారి చలువ గా మీ వడియాల టపా  స్ఫూర్తి గా 'కండ' కావ్యం సమర్పయామి :)


శ్రీ కష్టే ఫలే బ్లాగు లోని వడియాల టపా ఈ 'కండ' కావ్యానికి స్పూర్తి !

****

కష్టే ఫలే -వడియాలు -'కండ' కావ్యం !
---------------------------------
 
బండగ గాడిద గంపెడు
తిండియు వోలెన్ తినంగ దిటవు గలుగునా !
నిండుగ, చూపుకు బాగగు,
మెండగు, రుచికర జిలేబి మేలిమి, వలయున్ !  
 
కండలు ఊరక పెంచిన
దండగ ! మేధా జిలేబి ధారణ వలయున్
గుండెలు తీసిన బంటుకు
దండము  వేయ మనిషికి నిదానము వలయున్ !
 
గ్లాసెడన కొట్టు పిండి
ధ్యాసగ నుప్పు జిలకరయు తగు కారములున్
ఆ సెగ నెసరున నీళ్లున్ 
ఆశగ  బెట్టె నిట నొజ్జ మాచన జూడన్
 
మరియొక గ్లాసెడు నీళ్ళన
నురగగ  పిండిని గలుపుము ఉండలు గాకన్
మరిగిన నీళ్ళన పోయుడు
సరిసరి కారపు దినుసును చక్క గలుపుమా !
 
దరి నుండుము సరి కలుపుము
మరి యుండలు కట్టక మరిమరి కలుపవలెన్
సరి జూచి గరిట జారుగ
తిరికగ  ముద్దయునుగాక దించు జిలేబీ!
 
యిదియొక కళ !సాఫ్టుస్కి
ల్లిది!  తెలుసుకొను వడియాల లీలను గను!స
న్నదయిన తడిబట్టను పిం
డదగును ! ఎండన పరిచి బడయ వలయు గనన్ ! 
 
నాలుగు పక్కల రాళ్ళను
వీలుగ, బట్ట యెగురకను, వేగిర  నిడుమా !
గోలుగ ఉడికిన పిండిని
వాలుగ పెట్టుకుని వెళ్ళవలెను జిలేబీ !
 
ఎండల వాటుగ వడియం
ఎండును, మధ్య తడిపచ్చి ఎంచక మరు నా
డెండన నిడుమా వాటిన్
మెండుగ యగునే  జిలేబి మేటి వడియముల్ !
 
ఆపై వాటిని తియ్యడ
మో? పై బట్టను వడియము మొత్తము లోనన్
కోపుగ ఉండునటుల జే
యన్! పై నీళ్ళచిలికి వడియాలను మీటన్ !
 
చకచక వచ్చును నొకటొక
టిగ, యొక  పళ్ళెము న యుంచు ! టీచరు జెప్పెన్ !
నికరముగ వడియముల మరి
యొక దినమున నెండ బెట్ట యోగ్యము వినుమా
 
చక్కగ నారగ వాటిని
టక్కని డబ్బా నిడవలె టపటప యనగన్ !
మిక్కిలి ముదము జిలేబీ !
చెక్కితి వీ కండ కావ్య చెణుకుల నిచటన్ ! 
 
శ్రీ మాచన వడియముల ట
పా మూలము గొని జిలేబి పద్యము గూర్చెన్ !
రామా ! ఆ దంపతులకు
నీ మాటగ యీ దినమున నిధియన నిత్తున్ !
 
 
శుభాకాంక్షల తో
చీర్సు సహిత
జిలేబి
 

Tuesday, May 24, 2016

ఫైర్ బ్రాండ్ జిలేబి !

Fire Brand Zilebi !




చీర్స్
జిలేబి 

Tuesday, May 17, 2016

యార్లగడ్డ లక్ష్మీ ప్రసాద్ గారికి - విన్నపాలు !

యార్లగడ్డ లక్ష్మీ ప్రసాద్ గారికి - విన్నపాలు !

అయ్యా! యార్లగడ్డ లక్ష్మీ ప్రసాద్ గారు !

మీరీ  బ్లాగ్లేఖ చదువుతారో లేదో తెలియదు !

పై బడి తెలుగు బ్లాగు లోకపు కబుర్లు జనవాహిని లోకి వెళతాయో లేదో కూడా తెలియదు ! (ఇది మరో క్లోజేడ్ సిర్క్యూట్ జాలమేమో అన్న అనుమానం కూడాను !:)

అయినా చెప్పాలని అనిపించింది కాబట్టి !

ఈ మధ్య మీరు నిర్వహించిన లోక్ నాయక్ పురస్కార సభా  కార్యక్రమాన్ని యు ట్యూబ్ లో చూడడం కాకతాళీయం గా జరిగింది !

పురస్కారాన్ని మహా సహస్రావధాని ధారణా బ్రహ్మ రాక్షస శ్రీ గరికిపాటి నరసింహా రావు వారికివ్వడం ముదావహం !

శ్రీ గరికిపాటి వారు ఆ సభలో చేసిన ప్రసంగం వారి అమోఘ ప్రతిభా పాటవానికి మచ్చు తునక !

సరే , అంతా బాగున్నది ఈ పాటి దానికి విన్నపాలు ఏమిటీ అంటారా ?  అవధరించండి !

ఒక పురస్కార గ్రహీత ని పిలిచి అదిన్నూ  శ్రీ గరికిపాటి లాంటి సహస్రావధాని వారిని పిలిచి , వారిచే   ఒకటిన్నర గంట సేపు బాటు ప్రసంగం చేయించి వారు నిలబడి మంచి నీళ్ళు కూడా తాగ నిచ్చే వీలు లేకుండా మాట లాడ జేయించడం ఎంతవరకు సబబు ?

సభా మర్యాద గా వారిని సుఖాసీనుల జేసి , వారికి తగు మర్యాద ఇచ్చి, మీరందరు  కూడా హాయిగా వారి ముందు కూర్చుని  ప్రసంగాన్ని ఆస్వాదించి ఉంటే , చూసి ఉంటే  ఎంత బాగుండేది ?  ఈ సహృద్భావం చూపడం సభా మర్యాద గాదా ?

ఒక్క సారి ఆలోచించి చూడండి !

శ్రీ గరికి పాటి వారు వారు మంచి నీరు తాగడానికై సైగ చేస్తే , అడిగితే,  ఆ తెచ్చిన వ్యక్తి మంచి నీళ్ళు వెనుక కుర్చీ పై పెట్టేసి వారు తాగడానికి సౌకర్యం కలిగించ కుండా చేయడం ఎంత వరకు సబబు ?

వారు మాటల మధ్యలో ఖచ్చితం గా నీరు త్రాగడం ఎన్నో సభల్లో మనం చూడ వచ్చు ; మాట్లాడే వారికది అవసరం . ఆ వేగం లో మాట్లాడే టప్పుడు గొంతుక పిడచకట్టుకు పోవడం సర్వ సాధారణం !

అట్లాంటి ది మీరు సన్మానానికి పిలిచి వారిని ఇట్లా చెమటలు కక్కించే లా వారి చేత నిలబడి ప్రసంగం చేయించడం ఎంత వరకు సబబు ? *ఈ క్రింది వీడియో లో ప్రస్ఫుటం గా స్వేదం తో తడిసిన శ్రీ గరికి పాటి వారి క్లిప్పింగ్ చూడ వచ్చు );

యిది యేమి సభా మర్యాద ? స్వేద సేద్యము చేయకున్న కవివరులకు పురస్కారము దక్కునా అన్నట్టు ఉన్నది :)

ఈ టపా  వ్రాసినందు వల్ల అయిపోయిన కార్య క్రమానికి జరిగే లాభం ఏమీ లేదు అని తెలుసు ,అయినా వ్రాస్తున్నది ఎందు కంటే , రాబోయే  ఉత్సవాల లో నైనా సన్మాన గ్రహీత లకు ఉచిత స్థానాన్ని ఇస్తారనే నమ్మకం తో !.

మీరు పిలిచే సన్మాన గ్రహీత లు ఎట్లాగూ అరవై వసంతం దరిదాపుల్లోని వారే ఉంటారు ఖచ్చితం ఇది మన సంప్రదాయం పాటించండి !

ఇట్లాంటి సుదీర్ఘ సంభాషణ ఉన్నప్పుడు మీరు కూడా హాయిగా వారి ముందు వైపు కూర్చుని ఆస్వాదించండి వారి పాండిత్యాన్ని !

వేదిక మీద నిలబడి మాట్లాడే వారికి వీలుగా మంచి నీటి కమండలం కాకున్నా కనీసం వాటర్ బాటిల్ నైనా వీలుగా పెట్టండి !

ఒక సభలో గరికిపాటి లాంటి వారు మంచి నీళ్ళు తాగకుండా ఒకటిన్నర గంట సేపు వారి ధాటి కి మాట్లాడటం అంత సుళువైన విషయం కాదు !

నాకు తెలిసినంత వరకు యిదే అట్లాంటి వారి మొదటి సభ అయి ఉంటుంది అనుకుంటా ! ఆ క్రెడిట్ యార్ల గడ్డ వారికే దక్కే ! జేకే !


కార్య నిర్వాహకులు గా ఉన్న మీరు పని ఒత్తిడి లో మరవటం సహజమే !

అయినా కనీసం రాబోయే మీ సభ ల లో నైనా ఈ కనీస సభా మర్యాద పురస్కార గ్రహీత ల బాగోగులు వేదిక పై చూడ వలసినది గా విన్నపాలు !

సన్మాన గ్రహీత లు నిలబడే మాట్లాడా లనుకునే పక్షం లో కనీసం వారి దగ్గిర వీలుగా త్రాగడానికి మంచి నీళ్ళైనా ఉంచండి ; కనీస మర్యాద ఇదే వారికి మనమివ్వడం.

శ్రీ గరికిపాటి నరసింహా రావు గారి అద్భుత ప్రసంగం ! లోక్ నాయక్ పురస్కార గ్రహీత గా వారి ప్రసంగం క్రింది లింక్ లో ఒక గంట పది నిముషాల దాపుల్లో నించి మొదలవు తుంది ! వీలు చేసుకుని వినండి !

చెమటలు ధారా పాతము
గ, మన గరికి పాటి వారి కంఠపు శోషన్
విమలాకృతియన పద్యము
లమరెను నరసింహము ! కవి లాఘవము గనన్ !
 
ఆణి ముత్యపు బిందువు లనగ నచట
నయ్య వారికి తలపయినమరె; కొంచు
చెణుకులవి యన కవివర్య చెంప తడిసె
యార్ల గడ్డ లక్ష్మీప్రసాధ్యాత  చలువ ! :)
 

శ్రీ గరికిపాటి వారు తమ బట్ట తల మీద చెణుకులు ప్రతి సభ లోనూ వేస్తూంటారు ! అట్లాంటి వారి బట్ట తల మీద ఆణిముత్యాల్లాంటి స్వేద బిందువులను తెప్పించిన యార్లగడ్డ వారు మరెంత గొప్ప వారు :)

క్రింది యు ట్యూబ్ లింక్ లో శ్రీ గరికిపాటి వారి ప్రసంగం సుమారు ఒక గంటా పది నిముషాల ప్రాంతం నించి మొదలవు తుంది ! హాట్సాఫ్ టు శ్రీ గరికిపాటి !



చీర్స్
జిలేబి

Wednesday, May 11, 2016

ఈ రోజు వచ్చె జిలేబి వేడిగా :)

ఈ రోజు వచ్చె జిలేబి వేడిగా :)
 
బ్లాగ్వీరుల కు బ్లాగ్వీరాంగణలకు శుభోదయం !
 
ఈ రోజు వచ్చెను
జిలేబి వేడిగా
తూరుపు తెల్లారకముందే
ధారాధరము లా !
 
కామెంటులు కురిసేనా
బ్లాగుల చెమక్కుల చమ్కీల తో  !
వాడిగ జిలేబి
తియ్యందనాల ట్వీటు ల తో !
 
తక్కువ కాని టపాలతో  
తగ్గని కామింట్ల మేళము తో
అగణిత మౌ సిరి నగవులు
బ్లాగ్ లోకమంతా పరేషాన్ !
 
 
హాటు హాటు పాటలతో
స్వీటు స్వీటు జిలేబి
వెచ్చని వెన్నెల
కొల్లలై వచ్చెను వచ్చెను
 
పరాక్ బహు పరాక్ :)
 
 
చీర్స్
జిలేబి
 

Friday, April 15, 2016

శ్రీ రామ నవమి శుభాకాంక్షలు !


శ్రీ రామ నవమి శుభాకాంక్షలు !
 
బ్లాగు లోకానికి !
 
అందరికీ శ్రీ రామ నవమి శుభాకాంక్షలు !
 
 
 
సీతాయాం పతి !
 
చిత్రం - దిహిందూ ఫేమ్ శ్రీ కేశవ్
 
Sita's Rama in Privacy :)
 
 


ఒక తండ్రి మువ్వురమ్మలు
నికరము నాల్గన కొమరులు నిచ్చట జూడన్
ఒక నీశుడు మూడు గుణము
ల కలువ  వేదంబు నాల్గు లచటన గంటిన్ !
 
జిలేబి
 
 

Thursday, April 14, 2016

ఏమి చేయవలెనో చెప్పుమందువా !

 




       




      
ఏమి చేయమందు ఈశ్వరా !

ఏమి చేయ వలనని నన్నే
అడిగిన నేనేమి చేతును మానవా !


 
తెల్లవారినది మొదలు కల్లలాడు బ్రతుకాయె

దానికి కారణంబెవరు ? మానవా ?

నెల్లప్పుడు  నా కిచట నెవరి నే మందునయా

నెవరి నేమనుటకు నీకేమి అధికారము గలదు ?
అనవలయు నన్న ఈశుడొక్కడే నీ కాధారంబుగాద ?

అల్లకల్లోలవార్థి యైనది నా చిత్తము
చల్లగా నిన్ను తలచజాలు వీలేదయా

చిత్తమది నీదను మాట వదులుము మానవా
ఇంకను నాచిత్తము అనిన నేనేమి చేతును ?
నా నీ లు ఉండ నీవు నీవే గాదా నేనెక్కడ యిక ?
 


ఏ వారికి హితుడనో ఎరుగరాని లోకమున
నా వారని యెవ్వరిని నమ్ముకొని యుందురా

ఎవరు నీవారని లోకము నకు వచ్చినాడవు ?
నమ్మి ఎవరిని వచ్చినాడవు ? ఆ నమ్మకము
వీడి నీ వెవ్వారిని నమ్మ వలయు ?

ఈ వసుధ మీద వీర  లెఱుక గల్గి యున్నారని
నీ వారని యెవ్వరిని నేను తెలిసికొందురా
 


అందరు నావారే గాదా మానవా ? నన్ను వలయు
నన్న వాడివి మధ్యవర్తి నేల తెలిసి కొనవలయు ?
నన్నెరుక గొనుమా ! నన్నెరుగ నేనే నువ్వు !


మస్తకము దురూహల మయమాయె విసివితిని
దుస్తులవలె తనువులను త్రోసిత్రోసి విసివితిని
పుస్తకముల పరమసత్యమును వెదకి విసివితిని
ప్రస్తుతకర్తవ్య మేమొ బాగుగా తెలుపరా
        


తత్పర పరాత్పరాత్పర
మత్పర చిత్పరమువోలె మారుతి నాత్మన్
సత్పుర రాముని సన్నిధి
తాత్పర్యము బోధపడదు తత్వజ్ఞులకున్ !

శ్రీ శ్యామలీయం వారి టపా చదివాక

శివోహం !

జిలేబి




Wednesday, April 13, 2016

వాకిట వేచిన జిలేబి !

వాకిట వేచిన జిలేబి !
 
రేఖా చిత్రం పొన్నాడ !
 
 
వాకిట జిలేబి ఓరగ
దాకుని వేచెను గదోయి తాపము తోడన్ !
ఆ కురు లందము గాంచన్
తూగెను ప్రేమికుడు మన్మధుని గానయటన్ !
 
చీర్స్
జిలేబి

Saturday, April 9, 2016

జిలేబి త్రిభంగి :) - భంగు తాగక నే కిక్కు నిచ్చు :)


జిలేబి త్రిభంగి :) - భంగు తాగక నే కిక్కు నిచ్చు :)


వడివడి చదువగ పదముల నటునిటు గుదురుగ వేసితి యీ వ్యాఖ్యను ఓ వాద్యమ్ముగ గావన్ !
బడబడ నటునిటు తిరుగుచు చకచక పనులను చాకువలే భార్యయు గాపాడన్, మరి సోఫా
నటునిటు జరుపుచు కుదురుగ జలజల నడకలు గూడన, “ఓహ్! నా,పని రాణమ్మా ” యని ఓ నా
డటు బిలువ మరి మురిపెము గొనెను గద! పెనిమిటి తోడను నీ డంగగు పాడన్రా యన, “పోడా”
సడి వలదని యరవపు సరి చెణుకుల విసిరె జిలేబి! సదా సౌమ్యము గా సాగాల మదీశా !


***

కుదురుగ నొకరికొకరు నిటు పరిమితముగ గదియే గుడిగా కూర్చుని నీకున్నూ మరిమాకూ
యిది సరస సమయమనుచు గడుపుదము విను !రమణీ !నిజమే ఈ రవి సాయిత్తే మనదోయీ !
విధిగను వినుదము నతని పలుకులను !మనలకు మేలుయనన్ వీరుడు గావించే నిది సువ్వీ !
గదిన మనము కులుకు చిలుకలవలె పరవశముగా నిటు యీ కాలము ఓంకారంబని రాగా
ల ధునిగ కలకలముల గనగ సరసపు పలుకులన్ మురిపాలాటల వేళాయే జవరాలా !



జిలేబి
(త్రిభంగి)

Friday, April 8, 2016

ఉగాది జిలేబీయం !

ఉగాది జిలేబీయం !
 
న్నది ఒక్క భూమి
గానము చేతము రండి
దినము ప్రతిదినము
జిగజిగ లాడు నది వోలె
లేమిని పారద్రోలి
బీరపు నడకన
యందరి జీవనము
శుభస్కరము
గానన్ !
 
అందరికీ
దుర్ముఖి నామ సంవత్సర
శుభాకాంక్షలతో
జిలేబి
 
వినుమ! జిలేబీ ! తొలగును 
జనగణ బాధాకరము! వసంతము వచ్చెన్,
మన యధినాయకులు తెలివి
గొని యెల్లర మేలుగూర్చగోరిన మేలౌ !
 
ఇదిగో వచ్చెను దుర్ముఖి !
ఇదియెల్లరికిని శుభముల నిచ్చును జూడన్!
పదవే యుగాది ముగ్గులు
విధముల వాకిట జిలేబి విరివిగ వేయన్ !
 

Thursday, April 7, 2016

ఫ్లేవర్స్ అమెరికన్ ఇండియన్ సినిమా !

ఫ్లేవర్స్
 
అమెరికన్ ఇండియన్ సినిమా !
 
ఈ చిత్రం లోని హీరొయిన్ ని
ఈ మధ్య కమలహాసన్
విశ్వ రూపం చేసాడు :)

 
చీర్స్
జిలేబి
 

కాలం లో కరిగి పోయిన కవిత !

కాలం లో కరిగి పోయిన కవిత !
 
!
 
జిలేబి

Saturday, April 2, 2016

కవివరుల్ ఆదరించిరి !

కవివరుల్  ఆదరించిరి !
 
 
శ్రీ ఫణీంద్ర గారికి !
 
నెనర్లు !
 
అతడు ఫణీంద్రు డాంధ్రుడు !
అతడనియె "అ-ఆ-ఇ-ఈ" లె అందరివి యటన్ !
అతని కవితలన్ జోదును
అతులిత మధురిమ, సుధామయ రసము గంటిన్ !
 
జిలేబి

 

Friday, April 1, 2016

స్త్రీ స్థాయి తత్వాలు :)


స్త్రీ స్థాయి తత్వాలు :)
 
మగవాణ్ణి నమ్మబోకు వనితా
అగచాట్లను పొందబోకు వనితా
 
బిరుసు గలిగి యుండవే వనితా
అలసి సొలసి నతనేవచ్చు వనితా
 
బూచిజేయు నాతడు వనితా
నమ్మినావ నరకమేను వనితా
 
సన్నాసి కి సుద్దులేల వనితా
సంసారి కి ముద్దులిమ్మ వనితా
 
నమ్మితీవు మగడని వనితా
పదారు వేలవాడే వనితా
 
సూరీడని వెంటబోకు వనితా
సుర్రుసుర్రు నినుగాల్చు వనితా
 
ముద్దు జేసి మోహమను వనితా
వద్దు వాడి భ్రమల బడకు వనితా
 
వగచి వచ్చు వీరువోలె వనితా
వగలు పోవు వాడిపోవ వనితా
 
రంగు జూచి మోసపోకు వనితా
రకతమాంసము తినునతడు వనితా !
 
ఒంపు నీదను యింటజొచ్చు వనితా
చంపు ఆపైన నిను గూడను వనితా
 
మెరమెచ్చున బడితీవా వనితా
మరమత్తు జేయునిన్ను వనితా
 
కొంగు బట్టవచ్చుగాన వనితా
కొండముచ్చు నాతడే వనితా
 
పసిడి మేను పట్టిజూడ వనితా
పరమ చేటును జేయును వనితా
 
సిగ్గు వీడి సరసమేల వనితా
ఒగ్గు వగల జిక్కబోకు వనితా
 
మగాడంటే నరకమేను వనితా
గాదిలోన సుఖము లేదు వనితా
 
ఓరజూపు మీటునిన్ను వనితా
కోడెత్రాచు నాతడే వనితా
 
మగవాడి మాటలెపుడు వనితా
అబద్దాల మూటలేను వనితా
 
మగవాణ్ణి దరిజేర్చకు వనితా
మైలు దూరానబెట్టు వనితా
 
జిలేబి మాటలన్నీ వనితా
జిగేలు మనుమూటలే వనితా !


చీర్స్
జిలేబి
(పరార్!)

Thursday, March 31, 2016

శోధిని ! సరిక్రొత్త తెలుగు అగ్రిగేటర్ - బ్లాగిల్లు వారి నించి !

శోధిని !
 
సరిక్రొత్త తెలుగు అగ్రిగేటర్ - బ్లాగిల్లు వారి నించి !
 
బ్లాగిల్లు శ్రీనివాస్ గారి
 
శోధిని అగ్రిగేటర్ 
(Its more than an aggregator!)
 
link
 
శోధిని వచ్చెను తెచ్చెను
మీదగు మీ శ్రీనివాసు  మీరును జూడన్ !
మోదము!  తెలుగుకు చేవగ
కాదగు సంకలిని వచ్చె గదవే జూడన్ !
 
త్రీ చీర్స్
జిలేబి

Tuesday, March 29, 2016

బ్లాగిల్లు శ్రీనివాస్ గారి కి - అవిడియాలు !

బ్లాగిల్లు శ్రీనివాస్ గారి కి - అవిడియాలు !


ఈ మధ్య జిలేబి వదన అగ్రిగేటర్ అంటూ జిలేబి తూచ్ అని ఓ స్టాప్ గేప్ బ్లాగ్ లిస్టింగ్ పెట్టింది ఆఖరి గరిక మా మాలిక గూడా మొరాయించటం తో !

బ్లాగిల్లు శ్రీనివాస్ గారు కామింట్ లాడుతూ శుభ సూచకం ఇచ్చారు ! - రాబోయే ఉగాది పండగ నాటికి వారి చలువ తెలుగు బ్లాగు లోకానికి మరో సరి క్రొత్త అగ్రిగేటర్ వస్తుందని !

హమ్మయ్య అనుకున్నా !

సో ఈ రాబోయే అగ్రిగేటర్ కోసం ఎదురు జూస్తో

ఈ అగ్రిగేటర్ కి సలహాలు ఏమన్నా ఇచ్చే దైతే ఇక్కడ ఇవ్వగలరు !
జిలేబి సలహాలు

చాలా ఎక్కువ ఎక్స్పెక్టేషన్ తో శ్రీనివాస్ గారిని పరేషాన్ జేయ దలచు కోను !
లేటెస్ట్ స్క్రోల్లింగ్ పోస్ట్స్ + కామెంట్స్ (ఇది ముఖ్యం జిలేబి కి మరీను :) లిస్టు జేస్తే అదే ఇప్పటి పరిస్థుతుల్లో గొప్ప సహాయం తెలుగు బ్లాగు లోకానికి !

డబ్బులిచ్చి లిస్టింగ్ జేసుకోవాలా ? ఊహూ ! వలదు వలదు !

అగ్రిగేటర్ గూగుల్ ప్రకటనల మాధ్యమం ద్వారా గాని మరి ఏవిధమైన మాధ్యమం ద్వారా గాని డబ్బులు గిట్టు బాటు అయితే చేసు కోవచ్చా ? తప్పక చేసుకోవచ్చు అనుకుంటా నా వరకైతే నవ్య వార పత్రిక స్టైల్ అదే ! ఆ టెంప్లెట్ బ్లాగ్ అగ్రిగేటర్ ఫాలో అయితే సైడ్ బార్స్ ప్రకటనల కి ఉపయోగ పడొచ్చు ! దస్కం అగ్రిగేటర్ కి వస్తే మహద్భాగ్యం !

రండి సరి కొత్త తెలుగు బ్లాగు రాబోయే బ్లాగు కి స్వాగతం పలుకుదాం !

మీ సలహాలు అవసరం ! కామింటు రూపేణా గాని వారి ఈ మెయిల్ కి గాని తెలియ జేస్తారని ఆశిస్తో !

కోట్ :

జిలేబీ గారూ, మీ అభిమానానికి కృతజ్ఞతలు. తెలుగు బ్లాగర్లకు ఓ వేదిక లేకపోవడం నాకూ బాధగానే ఉంది . బ్లాగిల్లు మూతపడిన తరువాత కూడలి , ప్రస్తుతం మాలిక ... ఇక తెలుగు బ్లాగర్లకు ఏమీ మిగల్లేదు అనే అనుకోవాలి.
మీ అభిమానం కొనసాగితే త్వరలోనే మరో ఆగ్రిగేటర్ రావచ్చు . ఉగాదికి తీసుకువచ్చే ప్రయత్నం చేస్తాను.
ఎలా ఉండాలి అనే దానిపై మీ సలహాలు నాకు మెయిల్ చేయండి. srinivasrjy (ఎట్) gmail dot com

శ్రీనివాస్  క
అన్కోట్

చీర్స్
జిలేబి

Monday, March 28, 2016

It is It !

It is It
 
The sort of it is It
The it of it is It
The all of it is It
---Semple
 
 
 
 
 
 
 
 
Freedom
 
The past is frozen
The future is melting
The present is weather
 
---HawaH
 
With a feather
the Universe is untangled
 
---Will Duprey