నడుమున చేతులు జేర్చన్ !

నడుమున చేతులు జేర్చన్ !

 

రేఖా చిత్రం శ్రీ పొన్నాడ !

నడుమున చేతుల జేర్చన్
సడి సడి జేసెను కురులను సరసపు మోమున్
ఒడి తడి వేదిక నయ్యెన్
విడివడని ఒడులు ఒడుపుగ విరహము దీర్చెన్

చీర్స్

జిలేబి

మన మోహన జిలేబి యాగం :)

 

శ్యామల తాడిగడప రా
యా! మన మోహన జిలేబి యాగము నందున్

ఆ మాస్టారి అనుకరణ
నే మది గొనినిటు బుడిబుడి నేర్చితి గనుమా

****
కందివరుల కొలువున నే
బొందితి ఆదరణ, నాదు పొడిపొడి పలుకున్
అందముగ జేసి నేర్పిరి
కందము, కవి శంకరయ్య కవనపు రాజుల్

***

చందము సాఫ్టున మరిమరి
డెందపు అమరిక నిఘంటు డేటా బట్టన్
అందపు బ్లాగుల కామిం
ట్లందరి జేరెను జిలేబి టపటప వేసెన్ !

***
వేసిన కామింట్ల చదివి
ఆశీస్సులనిచ్చిరి గద,  ఆ దరువు గనన్
కాసిని తెలుగును నేర్చితి
మా సిరి యిదియే జిలేబి మాటన్ గనుమా !

***

సరళపు చెలువపు తెలుగున
గిరగిర పలుకుల నడకల కిటుకుల లక్కా
కు రచనల జూచి నేర్వన్
కరముగ శ్రీపాద గురువు కరుణన గంటిన్ !

****

మత్త గజం తికజం శివ
మెత్తగ జాంజాం గిరిగిరి మేనియు జుట్టెన్
కొత్తగ జిలేబి కందము
మత్తగు వాసన, గుభాళి , మా దరి గాంచెన్

***

బీజాం గిరిరాజ తనయ
పూజనువాసన జిలేబి పూరణ గాంచెన్
మా ఝరియిన్ గువ గువలా
డే జాము గుభాళి శంభుడే గొని తెచ్చెన్ !

***

చింతన గనుమా ! మిడిమిడి
బొంతర! నిమ్మది నెటుగొనె ?  బొగ్గు యగుదువే
వింతగు మా పెనిమిటులకు
కొంత తెలియ ! కీచక! తొలగుము వెలగమురా

***

మాలిని మధురిమ జూడన్
స్త్రీలకు స్వాతంత్ర్య మొసఁగఁ జెల్లదు ధరపై,
బాలిక లకు నేర్పవలెన్
కాళిక మెరుపున్ జిలేబి కరుణయు గూడన్

***

సదనము నిదియే కవివర
కదనము జేయన్, కవనపు కందివరు సభా
సదు లార మీరు కవితా
మధువును గ్రోలెదరు దైవమందిరమందున్ !

***

ఊహా గానము జేసిరి వేదము ఊపిరి మీరగ  పారులు పాడన్
ఆహా మాచన జెప్పెను జూడర ఆ దరువు నిత్య సత్యము జూడన్
ఓహో తెలిసెను వేదము మేటిర ఓపిక గూడగ సామము పాడన్
ఔహా అనునవి వాడుక ఊహా ఔరా ఆయెను గదరా జూడన్

***

కథవిను మాచన జెప్పెన్
పథమున బోవన ధబిల్లు పాగెము లేకన్
అధకిమ్ రైలున కంకెర
నిధనము జేయగ విధి యిది నిక్కము సుమ్మీ

 

 

చీర్స్

జలేబి 

 

మూసిన కనుతీరు జూడన్ :)

మూసిన కనుతీరు జూడన్ :)

 

రేఖా చిత్రం పొన్నాడ !

మూసిన కనుతీరుగ నిను
జూసితి వేణీ జిలేబి జూడగ మెరిసెన్
వ్రాసితి నిచటన్ కందము
నీ సిరి సబల సిరి గదవె నీల చకోరీ

 

జిలేబి

అయ్యో పాపం ఏకేశ్వరుడు :)

అయ్యో పాపం ఏకేశ్వరుడు :)

మా దేవుడు ఏకేశ్వరుడు

అవునా పీతాంబరధారి యా ?

అబ్బే దిగంబరి .

ఎట్లా ఉంటాడో ?

మీరంతా మూఢులు ;  దేవుడు ఎట్లా ఉంటాడు అంటా రేమిటి ? అమూర్తి వాడు ; మా ఏకేశ్వరుడు నిరాకారి ;

అయ్యో పాపం ! ఏమన్నా ఆహారం పానీయం, ప్రసాదం గట్రా పుచ్చుకుంటా డా ?

ఛీ ఛీ మీరంతా చీడ పురుగులు ; ఎప్పుడు  ప్రసాదం, తిండి యావే నా ? మావాడు ఏమీ తినడు ;

ప్చ్; బక్క చిక్కి డొక్క లేని వాడన్న మాట ;  ఎక్కడ ఉంటాడో ?

ఎక్కడైనా ఉంటాడు గాని మీకు కనిపించడు ; వినిపించడు ;

ఈ నల్లని రాళ్ళ లో ? పాముల పుట్ట లో ? నీలి మేఘం లో ?

చెప్పాగా మీరు మూఢులు  అని; మీదంతా మూఢ భక్తి ; ఛీ ఛీ రాళ్ళ లో ఉండట మేమిటి ?  పాములా ? ఛ ఛ అంతా చాదస్తం ; మీకు బాగా బ్రెయిన్ వాష్ చేసేసారు ;

పోనీ మనుషుల్లో ? జంతువుల్లో ?

ఛీ ! వెధవాలోచన ; మీరంతా పాపులు !

మరీ ఇంత కనిపించ కుండా ఎక్కడ దాక్కున్నా డబ్బా ?

మావాడు స్వతంత్రుడు ;  ప్రత్యేకము గలవాడు ;

అంటే ? వాడొక్క డే కూర్చొని గోళ్ళు గిల్లుకుంటూ ఉంటా డా ? మరీ అసంఘ జీవి యన్న మాట !

ఛీ ఛీ ! వాడు మీతో కలవడు ; మీరంతా భ్రష్టు పట్టి పోయారు

మీకు ఏమీ తెలియదు ; మా దేవుడు ఏకేశ్వరుడి గురించి ; మీ బుర్ర లంతా వట్టి మట్టి బుర్రలు !

నీ పేరేందబ్బాయ్ ?

అవివేక్ :)

ఓ, small brain అన్న మాట :) పేరు బాగుందబ్బాయ్ :)


చీర్స్
జిలేబి

అంబ పలుకుమా ! జగదంబ పలుకుమా !

అంబ పలుకుమా ! జగదంబ పలుకుమా !

రేఖా చిత్రం పొన్నాడ !

 

ఔరా ! చూడన ముద్దుర !
హోరాహోరి నటు మాట హోరుగ జేసెన్ !
గోరీ లాయెను చదువుల్
ఓరీ , పలుకు జగదంబ నోటి పలుకురా  

చీర్సు సహిత

జిలేబి

ఎండ వేడిమి

ఎండ వేడిమి

 

ఉస్సురుస్సు రంటూ

కుర్చీ లో కూల బడ్డా

కూల్ నెస్ ఏమన్నా

వస్తుందేమో అనుకుంటూ

 

కుర్చీ విరిగింది సరి

కూల్ నెస్ ఏమీ రాలె

 

ఎండ వేడిమి మరీ సుమీ !

 

సూరీడు మండి పోతున్నాడు

కూసింత కోకో కోలా తీసుకు రండీ :)

 

 

చీర్స్

జిలేబి

ముసురు పట్టిన ఆకాశం

ముసురు పట్టిన ఆకాశం

 

ఆకాశం ముసురు పట్టింది

నాకు ఇవ్వాళ అందుకే

మనసేం బావో లేదు

అనుకున్నా

 

వర్షం జోరున కురిసింది

ఆకాశం తేట బడింది

మనసు వర్షం లో తడిసి

ముద్దయ్యింది తేలికయ్యింది

 

శరీరం లో ఎనభై శాతం

నీరుందంటే మరి యిట్లాగే

కదా ప్రకృతి తో

తనూ ప్రతిధ్వని స్తుంది !

 

శుభోదయం

జిలేబి

చెప్పాలి వర్సెస్ చెప్పాలె - Story continues !

చెప్పాలి వర్సెస్ చెప్పాలె - Story continues !

మా బ్లాగు గరువు శ్రీ శ్యామలీయం వారు మాకో కితాబు ఇచ్చారు (కితాబే అనుకుంటున్నా  జేకే !)

నిరంతర వ్యాఖ్యా ప్రకటన కుతూహల నయనీ (ఆ ఆఖరు కితాబు పదం నాకై నేను జోడించు కున్నది కొంత ఈ మధ్య జవ్వని కన్నుల మీద పడటం మూలాన !:)

నివ్యాప్రకులా అని గాని నివ్యాప్రకున అని షార్ట్ కట్ గా రాసేసు కోవచ్చు సావేజిత ఆగా ,చీర్స్ లాగా :)

సరే ఇక మేటరు "కోస్తాము" చెప్పాలె వర్సస్ చెప్పాలి :)

శ్రీ ఫణీంద్ర గారు టపా ని మామూలుగా వ్రాసు కుంటూ వచ్చి ఆఖరు వ్యాక్యం లో చెప్పాలె అన్న పదాన్ని ఉపయోగించారు. 

వారు మొత్తం టపా ని అట్లా వ్రాసి ఉంటే ఆ పదం నివ్యాప్రకున  కళ్ళకు (మళ్ళీ కళ్ళు సుమీ :)  కనిపించేది గాదు !

ఆ టపా ఆఖరు వాక్యం లో వారలా ట్విస్ట్ ఇవ్వడం తో కవి చమత్కృతి  చెప్పాల్సినది గట్టిగా చెప్పినట్టు నాకనిపించింది ;

సో , వారికి కితాబు గా "మీ టపా మొత్తం లో ఆ చెప్పాలె బాగుందండీ !" అన్నా ;

వారన్నారు

“చెప్పవలె” అన్న గ్రాంథిక క్రియారూపానికి తెలంగాణ ప్రాంతీయులు ప్రయోగించే “చెప్పాలె” అన్న వ్యవహార రూపం దగ్గరగా ఉంది. “చెప్పాలి” అన్న so called ప్రామాణిక వ్యవహార భాష క్రియారూపానికి ఏ ప్రమాణమూ కనిపించదు. ఆ ప్రయోగంలోని “లి” అన్న అక్షరంలో ఇకారం ఎక్కడ నుండి వచ్చిందో ఆ పరమాత్మునికే తెలియాలె.

వ్యవహార పరం గా చెప్పాలె దగ్గిర ఉన్నది అన్నది లాజిక్ పరం గా సరిగ్గా ఉంది ;

చెప్పాలి అన్నదానికి ప్రమాణము కనిపించదు అని ; ఇదీ లాజిక్ పరం గా సరిగ్గా ఉందో లేదో మరి నాకు తెలియదు ; ఎందుకంటే ప్రమాణం అన్నది దేన్నంటా రో అన్న దాన్ని బట్టి ఇది మారొచ్చు అనుకుంటా 

మామూలు గా అనిపించ లేదు గానీ వారీ ప్రశ్న వేసాక అవునబ్బా సినబ్బా యిది మంచి 'లా' "చిక్కు" ప్రశ్నే మరి అనిపించింది. 

ఆ పై వారు పరమాత్మ ని కే తెలియాలె అన్నారు ! సరి ఇదీ సెహ భేషు మాట ! మనకు తెలియనివి తెలిసిన వాడు ఒకడు కలడు అనుకోవడం సమంజసమే ! మంచిదే గా !

దీనికి మా గురువులుం గారు టపా వ్రాసేరు ;  టపా లో వారు "చెప్పాలి" అన్న అక్షరం లో ఇకారం (వికారము గానిది ఇకారము అనుకుంటా ! జేకే !) ఎట్లా వచ్చి ఉంటుందో అన్న శ్రీ ఫణీంద్ర గారి సంశయాన్ని నివృత్తి చేయ లేక పోయారని పించింది (ఆ టపా వ్యాఖ్యలు చదివినాక నాకనిపించినది అది )

సినబ్బా నీ ఒక్క వాక్యం ఇంత పెద్ద టపా పెట్టించే గురువులుం గారి చేత అని అనుకున్నా ఏమన్నా నారదా అనొచ్చా అనుకుంటూ :) జేకే !

వారు అప్రూవల్ వ్యాఖ్య ల బురఖా వెనుక దాగి పోయేరు కాబట్టి నారదా అన్నా ప్రయోజనం శూన్యం అనుకుంటూ ఇప్పటి ఈ టపా కడుతున్నా !

ప్రశ్న శ్రీ ఫణీంద్ర గారిది చాలా ఆలోచింప జేసే ప్రశ్న అనుకుంటున్నా నావరకు ! తెలిసిన వాళ్ళు చెప్ప వచ్చు !

=
చెప్పాలి అన్న పద ప్రయోగం లో “లి” అన్న అక్షరంలో ఇకారం ఎట్లా వచ్చి ఉండ వచ్చు ?


నివ్యాప్రకున
జిలేబి
నీదు నిరంతర వ్యాఖ్యలు
నీదు కలహ నారదాయ నిరుపమ దరువూ
నీదు ప్రకటన కుతూహల
మూ దురదయు నేమి విషమము జిలేబి భళీ :)

 

దేవార వోరీలె దేవార వోరీలె :)

 

దేవార వోరీలె దేవార వోరీలె

దేవ జిలేబీ  గోరీ హో

దేవ జిలేబీ గోరీ హో

 

త్యామీ కొలసే త్యామీ కొలసే

 

హీరా మాణీక జోడీలే

హీరా మాణీక జోడీలే

 

దేవార వోరీలె దేవార వోరీలె

దేవ బ్లాగమ్మా గోరీ హో

దేవ బ్లాగమ్మా గోరీ హో

 

త్యామీ కొలసే త్యామీ కొలసే

 

హీరా మాణీక జోడీలే

హీరా మాణీక జోడీలే

 

దేవారా వోరీలె దేవారా వోరీలె

దేవ రాజన్నా గోరా  హో

దేవ రాజన్నా గోరా హో

 

త్యామీ కొలసే త్యామీ కొలసే

 

హీరా మాణీక జోడీలే

హీరా మాణీక జోడీలే

 

దేవారా వోరీలె దేవారా వోరీలె

దేవ శ్యామన్నా  గోరా హో

దేవ శ్యామన్నా గోరా హో

 

త్యామీ కొలసే త్యామీ కొలసే

 

హీరా మాణీక జోడీలే

హీరా మాణీక జోడీలే

 

దేవారా వోరీలె దేవారా వోరీలె

దేవ ఫణన్నా   గోరా హో

దేవా ఫణన్నా  గోరా హో

 

త్యామీ కొలసే త్యామీ కొలసే

 

హీరా మాణీక జోడీలే

హీరా మాణీక జోడీలే

 

దేవారా వోరీలె దేవారా వోరీలె

దేవ మాచన్నా గోరా హో

దేవా మాచన్నా గోరా హో

 

త్యామీ కొలసే త్యామీ కొలసే

 

హీరా మాణీక జోడీలే

హీరా మాణీక జోడీలే

 

దేవారా వోరీలె దేవారా వోరీలె

దేవ శంకరన్నా    గోరా హో

దేవా శంకరన్నా   గోరా హో

 

త్యామీ కొలసే త్యామీ కొలసే

 

హీరా మాణీక జోడీలే

హీరా మాణీక జోడీలే

 

(ఆరె జానపద గేయ సరళి)

 

జాణ

జిలేబి

బండెనక బండి కట్టి :)

బండెనక బండి కట్టి :)

 

బండెన్న బండి కట్టి

పదహారు బళ్ళు కట్టి

నీవేడ ఉంటి వయ్యో

బండోళ్ళ గురువు లయ్యో

 

బండెనక బండి మీద

పదహారు బళ్ళు మీద

పడుసూల పలుకులాట

పలుకూల పలువరుస

 

నీవేడ ఆగితయ్యో

బండోళ్ళ గురువులయ్యా

 

నీవేడ నిలిచితయ్యో

బండోళ్ళ గురువులయ్యా

 

బండెనక బళ్ల దారి

బళ్ళెళ్ళే ముళ్ళ దారి

దారెంతో దూర మల్లె

బారమయెర రాదారి

 

నీవేడ కునికెదవో

బండోళ్ళ గురువులయ్యా

నీవేడ ఓరిగితయ్యో

బండోళ్ళ గురువులయ్యా

 

(డా: అనసూయా దేవి గారి జానపద గేయాలు పుస్తకము నించి)

 

జిలేబి