Monday, June 29, 2020

అరవై నాలుగు గళ్ళ కథ!



చదరంగం ప్రియుడయిన ఒక రాజు వద్దకు ఒక వేద పండితుడు వచ్చాడు.ఆ పండితుడు అతన్ని ఒక ఘనపనస చదివి ఆశీర్వదించాడు.

అప్పుడు ఆ రాజుగారు "ఏమయ్యా! పండితా! ఈ వేదపనసలు ఎవరైనా నేర్చుకుని చదవవచ్చు!
చదరంగం ఆడడానికి సహజమైన తెలివి కావాలి. నాతో కేవలం ఒక 20 ఎత్తులు పూర్తయ్యే వరకు ఆడి నిలువు! అప్పుడు నువ్వడిగిన కోరికను నెరవేర్చుతాను." అన్నాడు.

అప్పుడు ఆ పండితుడు "రాజా! నాకు చదరంగం వస్తుందని కాదు గానీ, మిమ్ములను సంతోషపరచడానికి ఆడతాను" అంటూ రాజుతో చదరంగం ఆడి 20 ఎత్తులు పూర్తయ్యే వరకు నిలిచాడు.

రాజు గారూ ఆటను చివరి వరకూ కొనసాగిద్దాం! అన్నాడు.కానీ ఆ పండితుడు "రాజా! ఆటను ఇక్కడితో ఆపడం నాకు క్షేమమూ - గౌరవం కూడా!
రాజు గారితో 20 ఎత్తుల వరకు ఆడగలిగాను అని గొప్పగా చెప్పుకోవచ్చు! " అంటూ సున్నితంగా తిరస్కరించాడు.

"సరే! పండితా! నీ తెలివిని గుర్తించాను. మాట ఇచ్చినట్లుగా నీ కోరిక నేరవేర్చుతాను.చెప్పు! " అన్నాడు రాజుగారు.

మహారాజా! చదరంగంలో 64 గడులు ఉంటాయి కదా!
ఒక గడిలో ఒక గింజ -
రెండవ గడికి అంతకు రెట్టింపు రెండు గింజలు -
మూడవ గడికి మళ్లి రెట్టింపు 4 గింజలు -
నాలుగవ గడికి మళ్లి రెట్టింపు 8 గింజలు -
.... ఇలా 64 గడులకు లెక్క వేసి ఆ ధాన్యాన్ని పంపండి చాలు! అదే మహాప్రసాదం." అంటూ ఆ పండితుడు వెళ్లిపోయాడు.

రాజు సరే ! అని ఆ పని మంత్రికి పురమాయించాడు.

ఆ పండితుని వెంట మంత్రి గారు కూడా వెళ్లి తన ఆస్థాన గణికులతో ఎంత ధాన్యం అవుతుందో విచారించాడు.

తిరిగి వచ్చిన మంత్రితో రాజుగారు "పండితుడడిగాడు కదా .. మొదటి గడిలో ఒక ధాన్యపు గింజ.. రెండవ గడిలో దానికి రెట్టింపు రెండు.. మూడవగడిలో దానికి రెట్టింపు నాలుగు.. తర్వాత8 గింజలు, ఐదవ గడిలో 16 గింజలు..
‘అయితే ఏముంది.. చదరంగంలో ఉన్నదంతా 64 గళ్లేగా.. ఇచ్చుకోవలసిందేమో గడికీ గడికీ రెట్టింపు.. వెఱ్ఱి పండితుడు.. గింజలకు గింజలు రెట్టింపు చేసుకు పోయినా ఎన్నివస్తాయి..? ఏదేనా మంచి అగ్రహారం కోరుకుని ఉండాల్సింది..’

‘అలా తీసెయ్యకండి మహారాజా !.. ఆ పండితుడేమీ వెర్రిబాగులవాడు కాదు.. ’

‘ఎందుచేత..?’ అన్నాడు రాజుగారు.

‘లెక్క కట్టి చూసుకుంటే.. ఆ పండితుడడిగిన ధాన్యపు గింజలు ప్రపంచంలో ఎవరూ ఇవ్వలేరు కనుక..!’

‘ఎందుకు..?  ఆశ్చర్యపోతూ అడిగాడు మహారాజు

ఎన్ని ధాన్యపు గింజలో మన గణికులు గంటలకొద్ది లెక్కించి చెప్పిన సంఖ్యను ఆ పండితుడు వేదగణితం ద్వారా క్షణంలో చెప్పేసాడు మహారాజా !  అంతే కాదు దాన్ని సులువుగా గుర్తుంచుకునే విధంగా ఆశువుగా ఒక చంపకమాల పద్యం కూడా చెప్పాడు.

‘అలాగా.. ఏమిటా పద్యం..?’

‘ఇదుగో.. వినండి మహారాజా !’

శర శశి షట్క చంద్ర శర
  సాయక రంధ్ర వియత్ నగాగ్ని భూ
ధర గగనాబ్ధి వేద గిరి
    తర్క పయోనిధి పద్మజాస్య కుం   
జర తుహినాంశు సంఖ్యకు ని
 జంబగు తచ్చతురంగ గేహ వి   
స్తర మగు రెట్టికగు
            సంకలితంబు జగత్ప్రసిద్ధిగన్

పద్యం విన్న మహారాజు ‘దీన్లో తేలిన లెక్కెక్కడుంది..? అంతా బాణాలూ, చంద్రులూ, ఆకాశం, అంబుధి,కొండలు తప్ప..’

‘అదే మహారాజా ! మనదేశ పండితుల మేధ.. సంక్షిప్తంగా అల్పాక్షరములతో అనల్పార్థసాధకంగా ప్రజ్వరిల్లిన మేధాశక్తి అది..’

‘సరే… సరే.. విప్పి చెప్పు..’

 ‘ఈ పద్యంలో లెక్కచిక్కు విడిపోవాలంటే మనపూర్వుల సంఖ్యాగణన పద్ధతి తెలియాలి.. వారు ఒక్కొక్క అంకెకు విశ్వంలో విరాజిల్లే ప్రకృతిశక్తులను సంకేతాలుగా ఏర్పాటు చేసుకున్నారు..

ఈ పద్యంలో

శర, సాయక, -  అనే పదాలకు అర్థం బాణాలు అని .( మన్మథుని పంచసాయకములు) ఇక్కడ ఆ రెండు పదాలు 5 సంఖ్యను సూచిస్తాయి.

గగన, వియత్ - 0
(ఆకాశం గగనం శూన్యం)

శశి, చంద్ర, తుహినాంశు -1
(చంద్రుడొకడే భూమికి )

షట్కము - 6

రంధ్ర - 9

(నవరంధ్రాలు)
నగ, గిరి, భూధర - 7

అగ్ని - 3
(మూడగ్నులు; గార్హపత్యాగ్ని, దక్షిణాగ్ని,ఆహవనీయాగ్ని)

అబ్ధి, పయోనిధి - 4

వేద -4
(చతుర్వేదములు)

తర్క - 6
( షట్ తర్కప్రమాణాలు, ‘ప్రత్యక్ష, అనుమాన, ఉపమాన,శబ్ద, అర్థాపత్తి, అనుపలబ్ధి’)

పద్మజాస్య - 4
(పద్మజుడు బ్రహ్మ, చతుర్ముఖుడు)

కుంజర - 8
(అష్ట దిగ్గజములు)

ఇవీ ఇందులోని అంకెలసంకేతాలు.. ఇప్పుడు ఇవి ఆయా పదాల దగ్గర పెట్టుకుని చూస్తే..’
శర శశి షట్క చంద్ర శర
5     1     6         1    5
            సాయక రంధ్ర వియత్ నగాగ్ని భూ
                  5       9       0         7  3
ధర గగనాబ్ధి వేద గిరి
  7     0  4      4    7
            తర్క పయోనిధి పద్మజాస్య కుం
               6         4           4   
జర తుహినాంశు సంఖ్యకు ని
8       1
            జంబగు తచ్చతురంగ గేహ వి
స్తర మగు రెట్టికగు   సంకలితంబు జగత్ప్రసిద్ధిగన్

అంకెలు లెక్కించెటప్పుడు మనపూర్వీకుల సాంప్రదాయ సూత్రం .. ‘అంకానాం వామతో గతిః’ -
కుడినుంచి ఎడమకు చేర్చి చదువుకోవాలి..

అలా చేస్తే చివరగా తేలిన సంఖ్య.

1,84,46,74,40,73,70,95,51,615

ఒకకోటి 84లక్షల 46వేల 74కోట్ల 40 లక్షల73 వేల 70కోట్ల 95 లక్షల 51వేల 615

ఇంత పెద్ద సంఖ్యను పిలవడమే కష్టం.ఇక ఇంతోటి ధాన్యాన్ని నిలవచేయాలి అంటే,
ఒక ఘనమీటరు విస్తృతిగల గాదెలో దాదాపు ఒకటిన్నర కోటి గింజలు దాచవచ్చు అని అంచనా వేసుకుంటే,
4మీటర్ల ఎత్తు 10 మీటర్ల నిడివిగల గాదెలు దాదాపుగా 12,000 ఘనకిలోమీటర్లు విస్తీర్ణం కావాలి..

పేర్చుకుంటూ వెళితే  300,000,000-ముప్పై కోట్ల కిలోమీటర్లు.. అంటే భూమికి సూర్యునికి ఉన్నదూరానికి రెట్టింపు.

పోనీ లెక్కపెట్టడానికి ఎంత సమయం పడుతుందో అంటే
సెకనుకు ఒక్కగింజగా లెక్కించితే అన్నీ లెక్కించటానికయ్యేవి  58,495 కోట్ల సంవత్సరాలు..
అదీ సంగతి…

వేదపండితులతో వేళాకోళం తగదు మహారాజా !…నిజానికి అతడు చదివిన గణపనస కూడా లెక్కలకు ,ధారణ శక్తికి సంబంధించినదే ! ఎంతో ధారణ శక్తి - పాండిత్యం - సాధన ఉంటేకానీ గణాపాటి కాలేరు. అతడు ప్రేమగా ఆశీర్వదించడానికి వస్తే అతని వేదవిద్యను కించపరిచారు. ఇప్పుడు ఏం చేయడం ? మాట తప్పిన దోషం సంక్రమిస్తుంది .

అది విన్న మహారాజు సిగ్గుపడ్డాడు. అతని పూర్వీకులనుండి ఎవ్వరు కూడా ఇప్పటివరకు మాట తప్పలేదు.

ఏం చేసి ఈ దోషం నుండి తప్పించుకోవలో ఆ పండితున్నే అడుగుదాము. అని ఆ పండితున్ని పిలిపించి క్షమించుమంటూ వాగ్దాన భంగ దోషం అంటకుండా ఏం చేయాలో చెప్పుమన్నాడు .

ఆ పండితుడు" రాజా ! ఈ లోకంలో ఆవుకు విలువ కట్టలేము. ధాన్యం బదులుగా అవును ఇవ్వండి చాలు !" అని ఆ రాజును వాగ్దాన భంగ దోషం నుండి తప్పించాడు.

పద్యం ::పాత గ్రంధాలనుండి

                                     స్వస్తి

                  ( ఓపికగా చదివిన వారికి)

                        ధన్యవాదములతో

                         గురుమంచి రాజేంద్రశర్మ



వాట్సాపు
జిలేబీయము :)

Wednesday, June 24, 2020

మాయా మాలిక - మళయాళం మూవి


ఈ మధ్య బ్లాగ్లోకంలో సుజాత గారు మళ్లీ కాలెట్టి మళయాళ సినిమాల లిస్టిచ్చేరు. కొంత మంది ఉత్సుకత చూపేరు మేమూ చూస్తామండీ అని. సో వారి కోసం ఈ మాయా మాలిక చిత్రం చూడకుంటే ఓ మారు చూద్దురు.

గమనిక - ఫలానా వాడి కొడుకు కాబట్టి, వాడి వంశ చరిత్రను ఉద్దేశించి డైలాగులు, తొడలూ అవీ కొట్టుకోడాలు, సంక్రాంతి స్పెషల్  మసాలా సినిమాలు ఇవేవీ లేవు దీనిలో :)

గమనిక - రెండు - బ్లాగులున్న వారే టపా కట్ట గలరు.‌‌‌ బ్లాగ్ లేని‌ వారలకీ సదుపాయం‌లేదు. :)




ఎంజాయ్

జిలేబి

Monday, June 15, 2020

సహజీవనం !



సహజీవనం
========

దోమలతో చేస్తున్నాం
బొద్దింకలతో చేస్తున్నాం
బల్లులతో, నల్లులతో చేస్తున్నాం
పెనిమిటితో, పెండ్లాముతో చేస్తున్నాం

ఆఫ్టరాల్ కరోనాతో చేయలేమా :)



జిలేబి
ఉబోస




Sunday, June 14, 2020

శ్యామలీయ కందోత్పలములు


శ్యామలీయ కందోత్పలములు

వికసిత మానసమున నెల
తుక! తత్పరుడాయె స్నేహితుడు దామ్మ! జిలే
బి కుశాగ్రబుద్ధి తో నే
య కందపద్యము గురువుల యాశయు తీరన్!


అలవోకగ సాగ పద
మ్ములు సత్పుర వాసి! వ్రాయుము పసందుగ శ్యా
మల రాయు కోరిరే నీ
కలవాటైనట్టి విద్దె కందమ్మె కదా!



చినుకులవలె కురియుచు సో
మున నుత్పల మాల పాదము వినూత్నపు రీ
తిని కంద మందు తా నొల
క నిబిడమై సొబగులీన కలమున్ గొనుమా


కలకల లాడవలెన్ మిల
మిల నుత్పతితంబు గా నిమిడి నున్ననగా
నిల కాంతులీనగావలె
జిలేబి! యర్పించుకొనవె చీర్సుల తోడై!

***



తత్పరుడాయె స్నేహితుడు దామ్మ! జిలేబి కుశాగ్రబుద్ధితో
సత్పుర వాసి, వ్రాయుము పసందుగ శ్యామల రాయు కోరిరే
నుత్పల మాల పాదము వినూత్నపు రీతిని కంద మందు తా
నుత్పతితంబు గా నిమిడి నున్ననగా నిల కాంతులీనగా



ఫ్యాక్టరీ పద్యాలు :)


జిలేబి


Wednesday, June 10, 2020

మాలిక రౌడీ వారికి విజ్ఞప్తి



విన్న పాలు వినవలెను.

అయ్యా/ అమ్మా లక్కు పేట రౌడీ/ కల్నలు ఏక లింగము గార్లకు

నా బ్లాగు కా మింట్ లు, మరియు శంకరాభరణము బ్లాగు కామింట్లు మళ్ళీ మాలిక లో కనబడు నట్లు మ్యాజిక్ చేయగలరు.


విన్నపాలను విన వలెను.


ఇట్లు
భవదీయ
జిలేబి

Thursday, June 4, 2020

నల్ల చంద్రుడు



నల్ల చంద్రుడు


నల్ల చంద్రుడు
తెల్ల మబ్బుల 
మాటున.

తెల్ల వారె 
రాత్రి మాటున.



జిలేబి



Monday, June 1, 2020

ఏది నీది ?

ఏది నీది ?

నువ్వు పీల్చే గాలి నీది కాదు
నువ్వు నీ దనుకున్న శరీరం ‌నీది కాదు

గట్రా గట్రా వేదాంతం కాదోయ్

నీ సంపాదన నీది . దాని ననుభవించే హక్కు నీది.

ఇహలోకపు సంపాదన యిక్కడి వరకు. ఆ పై పూజ్యం. ఎరిగి మసలుకో జీవితం‌ సుఖమయం


ఆది భౌతిక మైన సంపాదన కంటికి కనిపించనిది.  అది కూడా వస్తుందను కోవచ్చు. కానీ ప్రూఫ్ లేదు వస్తుందో రాదో !
ఓ విధంగా బెట్టింగ్ అనుకో కాయ్ రాజా కాయ్!



వేదాంతం
అనబడు గుండుసున్న
జిలేబి