తాళాలు విరగ్గొట్టండి ! (సవాలే సవాల్ !)

మా తాతయ్య కాలం లో (ఇప్పుడు మేమూ ఆ కాలానికే వచ్చేసాం అది వేరే విషయం!) మా ఇంట్లో గూట్లో ఓ పెట్టె ఉండేది. గూట్లో పెట్టేమిటీ అంటారా సవివరం గా చెబ్తాను.

మా నడిమింటి హాల్లో నించి మిద్ద పైకి వెళ్ళడానికి మెట్లు ఉండేవి. వాటి కింద ఓ పాటి గూటి లా ఓ ప్రదేశం ఉండేది. ఆ గూట్లో ఓ పురాతన చెక్క పెట్ట మా తాత గారిది ఉండేది. దాంట్లో వారేమో వారు కొన్న కొత్త కొత్త ఆ కాలపు (అంటే బ్రిటిషు కాలపు అన్న మాట ) గడియారాలు ఎలెక్ట్రిక్ సామాన్లు అట్టి పెట్టె వారు. ఆ పెట్టె కో తాళం కూడా భద్రం గా వేసి పెట్టె వారన్న మాట .

మా ఇంటి కాంతా జనావళికి వాటి మీద ఓ గుర్రు వుండేది. ఆ పెట్టెలో ఉజ్జాయింపుగా ఏమి ఉంటుందో తెలుసు గాని, మా తాతయ్య గారు ఆ పెట్టె ని తెరిచి మాకు చూపించనే చూపించరు. అందువల్ల వచ్చిన గుర్రు అన్న మాట అది.

ఇక తాతయ్య గారైతే అప్పుడప్పుడు మమ్మల్ని బయటకెళ్ళి ఆడుకొండ్రా బడుద్దాయిలూ అని గెంటేసి ఆ పెట్టె ని అప్పుడప్పుడు తెరిచి చూడడమూ, ఆ పై ఆ పెట్టి కి గోళ్ళం పెట్టి తాళం వెయ్యడమూనూ జరుగు తూండేది తప్పించి మేము ఎప్పుడూ ఆ పెట్టె లో ఏముందో (అంటే పూర్తి గా అన్న మాట) చూసిన ది లేదు !

కాక పోతే ఆ పెట్టె ఆయన అంత బద్రం గా తాళం పెట్టడం మాకు  ఉత్సుకతని కలిగించేది. ఆ పెట్టె తాళం ఎలా పగల గొట్టాలబ్బ అని అన్న మాట.

ఇక మా కాలానికి వస్తే మా అబ్బాయి మా మనవడు కంప్యూటరు ఎక్కువ గా ఉపయోగించకుండా ఉండడానికి తాళాలు పెట్టడం మొదలెట్టాడు. మనవడు కూడా తాడి తన్నే వాడి తల తన్నాలన్నట్లు వాళ్ళ నాన్న పెట్టిన తాళాలని విడగొట్టడం అన్న ఉద్యమం మొదలెట్టి అందులో నిష్ణాతుడై ఓ మారు వాళ్ళ నాన్నకే ఎదురు ఫిట్టింగులు ఇచ్చాడు అంటే , తనే ఒక తాళం పెట్టే డన్న మాట.

ఈ విషయం లో వాడి కెందుకో ఈ బామ్మ అంటే మమకారం. తాళం పెట్టినా బామ్మా , నీకు మాత్రం తాళం రహస్యం చెబ్తా నాన్నారికి తెలియనివ్వకు,  నీకు కంప్యూటరు ఎప్పుడు ఉపయోగించాలో అప్పుడు తాళం తీసి  ఉపయోగించుకో. ఆ తరువాత ఆఫ్ చేసెయ్యి. ఈ తాళం చెవి మాత్రం నాన్నారి చెవి కి పోనివ్వకు అని చెప్పేడు.

నాకాశ్చర్యం వేసింది. మా కాలం లో తాత వాళ్ళ తాళం ఎలా విరగ్గోట్టాలా అని మేం ఆలోచించే వాళ్ళం. ఇప్పటి తరం లో నాన్నారి తాళం ఎలా విరగ్గోట్టాలా అని వీళ్ళు షెర్లాక్ హోమ్స్ మొదలెట్టారు సుమా అని.

మొత్తం మీద ఈ కాలపు కుర్ర కుంకాల తో మంచి గా ఉండటం మనకే మేలు అన్న ఓ ఫైనల్ నమ్మకానికి వచ్చేసాను నేనైతే. మనం ఎంత  బుర్ర లేని మట్టి   బుర్రలని వాళ్లకు నమ్మకం వస్తే వాళ్ళు మనకు అన్ని తెకినీకులు సులభం గా అర్థం అయ్యే లా చెప్పేస్తారని నా కనిపించింది.

హన్నా, భావి తరం భాగ్య విధాతల్లారా, ఈ బామ్మ మీద మీరు దయ బెట్టి ఈలాంటి తెకినీకులు నేర్పిస్తూ ఉండండి, రాబోయే కాలం లో (పుట్టీ గిట్టీ పుడితే ) మీ ఋణానుబంధం తప్పక తీర్చేసు కుంటాను. అప్పటికి మీకన్నా నాకే ఎక్కువ తెలిసి ఉంటుంది కదా !

(Hopefully always the future generation is brighter than the past !!)

(future)

జీనియస్

జిలేబి.

జిలేబీ శతకం - 3

జిలేబీ శతకం

శతక కర్త - శ్రీ తాడిగడప శ్యామల రావు గారు

బ్లాగ్ లోకం లో వీరు 'శ్యామలీయ' మై

బుజ్జి పండు తెలుగు చదువు లో దర్శన మిచ్చి న వారు

గమనిక: ఈ రచన సర్వ హక్కులు శ్రీ తాడిగడప శ్యామల రావు గారివి.

జిలేబీ టపా , కామెంటు చెండులు వీటికి ఉత్ప్రేరకాలు మాత్రమే!

ఇవి శ్రీ శ్యామలీయం గారు శ్రీ కష్టే ఫలే శర్మ గారి బ్లాగులోనూ,

మరి ఇతర బ్లాగుల్లోనూ కామెంటు రూపేణా ఇచ్చినవి.

***

కామెంటు ఉత్ప్రేరకం

కం. రమ్మా చక్కని కామెం

ట్లిమ్మా నీ రాక లేక లేఖిని ఆగే

నమ్మా జిలిబిలి పలికుల

కొమ్మా కందాలనందు కొనుమ జిలేబీ

ఉపకారం

కం. ఉపకారవ్యసనులతో

నెపమిడి పదిపనులు కొనగ నేర్చెడు వారే

ఉపకారమడుగ బోయిన

నపవాదులు వేయు వార లవని జిలేబీ

కం. అపకారుల కుపకారము

విపరీతఫలంబునిచ్చు విమతుల నటులే

యుపకార బుధ్ధి విడచుట

నెపమై దాస్యమున కూలె నేల జిలేబీ

కం. మొగమోటమి గలవారిని

పొగడిన పని జరుగు ననుచు పోగగు వారల్

మొగ మైన జూప రావల

తగు జాగ్రత వలన చిక్కు తప్పు జిలేబీ

ఊరికి బాసట

కం. ఊరికి బాసట యగుచో

నూరక నోరార పొగడు నోళ్ళకు కొదవే

వారల యందే యొక్కరు

రారుసుమా మనకు నక్కరైన జిలేబీ

కం. ఆ యింటి మామిడాకులు

వే యిండ్లకు తోరణాలు మరి యేటేటా

కాయలు పచ్చళ్ళకు దయ

చేయించు పరోపకార జీవి జిలేబీ

ఇరుకు జీవితాలు

కం. ఇళ్ళిరుకులు గుళ్ళిరుకులు

పల్లెలు పోటెత్తి రాగ పట్నా లిరుకుల్

బళ్ళిరుకు మనసులిరుకులు

కల్లలతో బ్రతుకులిరుకు కలిని జిలేబీ

'వి' గ్రహాలు

కం. పడి పోయిన పడ నుండిన

పడి లేచిన విగ్రహాల బాధలు చూస్తూ

మిడికే నేతల బొమ్మలు

పొడమును పడిపోవు నటులె పుడమి జిలేబీ

ప్రవీణు శర్మ

కం. నేరక ప్రవీణు శర్మకు

మీరు జవాబిచ్చి గాని వివరించారో

వారింక మిమ్ము వదలరు

పోరాడే యోపికుంటె పొండు జిలేబీ

ఇన్నయ్య ఎవరు ?

కం. ఇన్నయ్య హేతువాదుల
కన్నయ్యే హైందవంబు నంతంచెయ్యా
లన్నదె ఆయన ధ్యేయం
బెన్నటికిని మారజాల డితడు జిలేబీ   

కం. పళ్ళున్న చెట్లమీదే

రాళ్ళుగదా హేతువాద రాకాసి జనం

నోళ్ళన్నీ వేదనిందకు

పళ్లికిలిస్తాయి బాధ పడకు జిలేబీ

మ్యాచు ఫిక్సింగు !

కం. ఓడుతు పోతున్నారని

 వాడల వాడలను తిట్ల వర్షాలాయే

 నేడొకటి గెలవగానే

 తేడానూ ఒప్పుకోరు తిరిగి జిలేబీ

కాపీ 'రైటు' జన్మ హక్కు

కం. కాపీ కొట్టే రైటుకె

కాపీరై టనెడి పేరు ఖాయం ఐతే

కాపీ పిల్లుల తప్పా

పాపం మన పాలు వారి పాలు జిలేబీ

సిగ్గే సింగారం

కం. సిగ్గేమిటి బేహారికి

సిగ్గేమిటి హంతకునకు సినిమా నటికిన్

సిగ్గేమిటి మరి నేతకు

సిగ్గేమిటి సిగ్గు పడును సిగ్గు జిలేబీ

నడక-నడత

కం. నడకలు కుదురుగ నుండిన

పడకుండగ నరుడు బ్రతుకుబాటను నడచున్

గడబిడ పడి వడిపెంచిన

పడుటయు చెడుటయును గల్గు వసుధ జిలేబీ

కం. నడకలు నేర్పెడు పెద్దలు

నడతలు నేర్పించ నెదురు నడచును మరియున్

కొడుకులు కూతుండ్రకు తా

నడతలు నేర్పించ గోరు నరుడు జిలేబీ

 గారెల పాకం

కం. పాకం గారెలు చేస్తే

నాకం కనిపించవచ్చు నాకూ మీకూ

పాకం చేస్తే గారెలు

ఆకలి చచ్చేది ఖాయమగును జిలేబీ

పంచ దశ లోకం

కం. పదునైదవ లోకం బె

య్యది మరి యటనుండు వారి యాకృతి గుణసం

పద లెట్టులుండు నోహో

అది అంతర్జాలలోక మగున జిలేబీ

'గ' మకం !

కం. నిందార్ధంబున నాంధ్రము

నందున నామ్రేడితమును నాపైన గిగీల్

చిందులు వేయును మరి యా

నందార్ధము సూత్ర మేది నడచు జిలేబీ

పాత పచ్చడి

శొ, పాతది యగుచో నేమగు

పాతది యగు చింత కాయ పథ్యం బనగా

తాతలనుండి ప్రసిధ్ధం

బీతరమున మెచ్చకున్న నేమి జిలేబీ

***

టపాకీకరణం

జిలేబి

చింతన చైతన్యం సృష్టి

చింతన చైతన్యం సృష్టి

ఒక ఆలోచన స్రవంతి ఐ మేధస్సుని మదించి
చైతన్యాన్ని కలుగ జేస్తే
ఆ చైతన్యం ఉత్తేజాన్ని పుంజుకుని కార్య సాధనలో
సఫలీకృతమై తే -
అందులోనించి ఉద్భవం - సృష్టి

ఆ సృష్టి కాలం పరిమితం - దాని వైశాల్యం పరిమితం
కాని దాన్ని సృష్టించిన చైతన్యం, ఆలోచన అపరిమితం

సృష్టి కి మూలకారణం చైతన్యం, ఆ చైతన్యానికి మూల కారణం ఆలోచన ఐతే
మరి ఆ ఆలోచనకి మూల కారణం ఏమిటి ?

జిలేబి.

మియాపూర్ లొ జిలేబి - ప్రస్తుత ప్రసంగం !

12-02-2012 (ఆదివారం) నాడు

 మియాపూర్

జయప్రకాశ్ నారాయణ్ నగర్

హైదరాబాద్

శ్రీ వేంకటేశ్వరస్వామివారి కోవెల ప్రాంగణంలో

మధ్యాహ్మం 3 గంటల నుండి

శ్రీ కట్టమూరి చంద్రశేఖర అవధాని గారి

అష్టావధానం

శ్రీ చింతా వారి తరపున అందరకీ ఇదే జిలేబీ ఆహ్వానం!

జిలేబి  (ప్రస్తుత ప్రసంగం!)

ఇడ్లీ గిడ్లీ - సాంబార్ గీంబార్ అనబడే చిత్తూరోళ్ళ కథ

జంబూద్వీపే భరతః వర్షే భరతః ఖండే మేరోహో పర్వతే దక్షిణే పార్స్వే ఆంధ్ర రాజ్యే రాయలసీమే చిత్తూరు జిల్లాయాం ....

హమ్మయ్యా! ప్రవర అయ్యింది కాబట్టి ఇంక టపా రాసుకోవచ్చన్న మాట !

అయినా చిత్తూరు జిల్లా దాకా వచ్చేసాక , చిత్తూరు మాండలీకం గురించి రాయక పొతే ఎలాగంటారూ?

ఈ చిత్తూరు గ్రామాలలో మా ఫ్యామిలీ  ఉన్నప్పుడు చిత్తూరు కి సంబంధించిన స్పెషల్ భాష ని గమనించడం జరిగింది. అదే టపా , గిపా మేటరూ, గీటరూ! 

అంటే 'గ ' భాష అన్నమాట.

హోటెల్ కి వెళితే ఏదో ఇడ్లి ఉందా అని అడగకుండా మేము అడిగే తీరు ఎలా అంటారా? -

"ఏమిబా ఇడ్లీ గిడ్లీ ఏదైన ఉందా? ఉంటె గింటే ఓ రెండు ప్లేట్లు పట్టుకురా "

ఆట్లాగే "సాంబార్ గీంబార్" అన్న పదం చాలా తరచుగా వినొచ్చు.

నాకు తెలిసనంత వరకు రాయల సీమలో చిత్తూరు లో ని  ఈ "గ " భాష చిత్తూరు పరిసర ప్రాంతాలకే పరిమితమనుకుంటా.

ఈ "గ" భాష ఎంత పాపులర్ అంటే ఆస్సాము దేశంలొ పని చెసేటప్పుడు ఓ అస్సామీ ఆసామీ - తను పూర్వ కాలం లో  చిత్తూరు లొ పని చేసే డట , 

నాకున్న చిత్తూరు పరిచయాన్ని తెలుసుకొని "ఏమండీ మేడం, గీడం, జిలేబీ, గిలేబీ ,ఇడ్లి గిడ్లీ ఏమన్నా టిఫనూ, గిఫనూ చెయ్యడం మీకు వచ్చా గిచ్చా " అన్నాడు!

వార్నీ ఈ "గ" భాష ఇంత పాపులర్ అన్న మాట అని అప్పుడే తెలిసింది.

సో, ఈ పూటకి గీటకి ఈ టపా గిపా ఇంతే బా !

ఛీర్స్
జిలేబి.

(మా ఎం హెచ్ ఎస్ గ్రీమ్స్పేట్  రామకృష్ణ గారు చిత్తూరు వైద్యుల టపా రాసి చిత్తూరి జ్ఞాపకాల పుట్టని కదిలించారు )

బుజ్జి పండు తెలుగు చదువు - 12 - భామా విజయం - 7

మంచు పువ్వులు ముత్యాల్లా రాలుతూ మ్యూనిక్ మహా నగరం వింత శోభలతో క్రిస్మస్సు ఈవ్ కి ముస్తాబవు తోంది.

మ్యూనిక్ మహా నగరం సాయం కాలం.

మారియన్ ప్లాట్జ్ దగ్గర ముగ్గురు ఇండియన్లు నిలబడి  ఉన్నారు.  స్మార్ట్ గా వారితో బాటే బుజ్జి పండు కూడా  ఉన్నాడు.

"అమ్మాయ్ మధురా, మీ మహా నగర శోభ మరీ తేజోమయం గా ఉంది " అన్నారు బులుసు వారు. తలపై పడుతున్న మంచు పువ్వులని మెల  మెల్లన తోసేసు కుంటూ.

మారియన్ ప్లాట్జ్ మునిచ్ మహా నగరానికి నడి బొడ్డు.  సమయం ఆరు కావస్తోంది.

అంతకు ముందే వాళ్ళు ఆ మధ్యాహ్నం  దరి దాపుల్లోనే ఉన్న గ్లోకేన్స్పీల్ గంట ల కార్యక్రం చూసేరు.

దాన్తోటే కడు రమ్యం గా ముప్పై రెండు బొమ్మలు,  ఆసాంతం అవి మానవుల అంత పొడువాటి ఉన్నాయి, అవి బవేరియా లోని ముఖ్య ఘట్టాలని తెలియ జేసేయి. ఒక హరిత వర్ణ పక్షి  ఈవెంటు ముగియ గానే మూడు మార్లు  కుకూ కుకూ కుకూ అంటూ ముద్దు గా చెప్పింది షో అయి పోయినట్టు. 

ఆ పై లంచ్, ఆ పై మళ్ళీ సిటీ దర్శనం అంతా అయ్యేక క్రిస్మస్సు మార్కెట్ లో  గ్లూ వెయిన్ కోసం ఇప్పుడు మారియన్ ప్లాట్జ్ వద్ద వాళ్ళు నిలబడి ఉన్నారు ఆ నగర శోభలని ఆనందిస్తూ.

ఎక్కడ చూసినా క్రిస్మస్ కళ కనిపిస్తూ ఉంది . బాగా అలంకరించిన క్రిస్మస్ చెట్లు, క్రిస్మస్ తాత బొమ్మలు, ఈ సమయంలోనే ప్రత్యేకంగా వచ్చే ఎన్నో రకాల చాక్లెట్లు, బిస్కెట్లు.. ఇంకా ఎన్నెన్నో... విశేషాలతో ఎక్కడ చూసినా పండుగ వాతావరణం కనిపిస్తోంది.

ఈ క్రిస్మస్ మార్కెట్లో.. చిన్న చిన్న స్టాల్స్ ఉన్నాయి.  

చిన్ని చిన్ని కొట్లలో బొమ్మలు, ఊలుతో తయారు చేసిన దుస్తులు, చాక్లెట్ పూత పూసిన పండ్లు, ఇంకా మామూలు శాండ్ విచ్ లాంటి తిండి పదార్థాలు అమ్ముతూ ఉన్నారు.  మన వూరి తిరనాళ్ళ సంత లా ఉంది మార్కెట్టు.

అన్నిటికంటే ప్రత్యేకమైన ఐటెం .. ఇప్పుడు మన కథ లోని పాత్రలు  ప్రత్యేకంగా వెళ్ళేది దేనికోసం అంటే.. అదే Glühwein (గ్లూ వైన్).

 బాగా మంచు పడుతోంది. వాతావరణం చాలా చలిగా ఉంది.  

"ఈ సమయంలో  వేడి వేడిగా Glühwein తాగితే దాని మజా వేరు" చెప్పారు మధుర. "అసలు వైన్ వేడి వేడిగా ఉండడం ఏంటి అనుకుంటున్నారా.. అదే మరి దీని ప్రత్యేకత.  ఈ వైన్ ని ఈ పండగప్పుడు మాత్రమే తాగుతారు".

దగ్గరలోనే ఉన్న ఒక చిన్న స్టాలు దగ్గిరికి నడిచారు వాళ్ళు.

 ఈ వైన్ ని అమ్మే స్టాల్లో అప్పటికప్పుడు తయారు వైన్ చేసి కప్పుల్లో పోసి ఇస్తూ ఉన్నాడు షాపతను.

ఒక చిన్న సైజు గంగాళం లాంటి దాంట్లో రెడ్ వైన్ పోసి సన్నని మంట మీద వేడి చేసి,  కాస్త వేడి అయ్యాక అందులో చక్కరతో పాటుమసాలా దినుసులు, దాల్చిన చెక్క, లవంగాలు, ఇంకా మనం బిర్యానిలో వేసే జాజి పువ్వు, లాంటివి  వేసి ఇంకాసేపు  మరిగిస్తూ ఉంటె అవి ఓ లాంటి మత్తు వాసన లని వెదజల్లుతూ సుమధురం గా మంచు లో తేలి పోతోన్నాయి.

అలాగే నారింజ పండు, నిమ్మ కాయలని తొక్కతో పాటే ముక్కలుగా కోసి అవి కూడా . కొంచెం tangy flavor రావడానికన్నట్టు వేశాడా షాపతడు.

 బాగా వేడి చేసాక వేడి వేడి పొగలు కక్కుతున్న Glühwein ని కప్పులో  పోసి బులుసు వారికి అందించాడు ఆ షాపతను.

"ఇక్కడి ఈ షాపు బయట ఈ గ్లూ వైన్ తాగుతూంటే, మా ఏలూరు లో టీ కొట్లో నిలబడి చాయ్ తాగుతున్నట్టు ఉందమ్మాయ్, మధురా " చెప్పారు బులుసు వారు ఆ వేడి వేడి వైన్ కప్పుని చేతులతో కప్పు కుని దాని వేడిని ఫీలవుతూ, మరో చేత్తో పైపు కొనసాగిస్తూ.

"బుజ్జి పండూ నీకోసం నాకోసం, రాజీ వారి కోసం కిండర్ పంచ్ ఇదిగో " చెప్పారు మధుర.  "Kinder-punsch అచ్చం Glühwein లాగానే చేస్తారు.. కాకపోతే ఇందులో వైన్  కి  బదులుగా ఆపిల్ రసం కానీ, ద్రాక్ష రసం గానీ వేసి చేస్తారు. kinder-punsch అంటే Child-punch అన్నమాట!  అలా అని పిల్లల కోసం మాత్రమే అనుకునేరు రాజీ గారు, .. మనం కూడా తాగొచ్చు అన్నమాట. కాకపోతే.. పిల్లలు కూడా తాగగలిగింది అన్నమాట "

"రుచి మరీ గొప్పగా ఉంది మధురా " .. ఆ చలిలో.. వేడి వేడిగా.. తీయ తీయగా.. స్పైసీ గా వెరయిటీ గా ఉన్న ఆ కిండర్ పంచ్ ని సిప్ చేస్తూ చెప్పారు రాజీ గారు "మధురా, మా హైదరాబాదీ ఈరానీ చాయ్ కొట్టు వాడు ఇక్కడ ఒక షాప్ పెడితే ఇక వాడు మల్టీ మిలినర్ అయి పోతాడు సుమా " అన్నారు రాజీ వారు.

"Totaal lecker frau madhuraa" చెప్పాడు బుజ్జి పండు  కిండర్ పంచ్ ఆస్వాదిస్తూ.

"మన అందరి కోసం ఇక్కడ బాదం పప్పులకి చక్కర పూత వేసి.. వేయించి నవి కూడా కొన్నా నండీ" చెప్పారు మధుర.

"అమ్మాయ్ మధురా, నీ అతిధి సత్కారం మంచి పువ్వుల మధురం మధురాతి మధురం " బులుసు వారు గ్లూ వైన్ టెష్టు చేస్తూ  మెచ్చు కున్నారు.

ఆ  వాల్టి ఆ మధురమైన సాయంత్రాన్ని మరీ శోభాయమానం గావిస్తూ మంచు పువ్వులు మధుర బ్లాగ్ టెంప్లేట్  పువ్వుల్లా ముసి ముసి నవ్వులతో, మ్యూనిక్ నగరాన్ని ముద్దెట్టుకుని తమ సంతోషాన్ని తెలియ జేసేయి.

*****

మరు సటి రోజే బలుసు వారి పారీసు పయాణం, రాజీ వారి హైదరాబాదు పయనం, బుజ్జి పండు అమెరికా ఫ్లైటు.

మధుర బేలగా ముఖం పెట్టి ఉంది.

"ఫ్రౌ మధురా, ఏమిటి మీరు మరీ మౌనం గా ఉన్నారు" అడిగాడు బుజ్జి పండు.

"అవును బుజ్జీ. బులుసు వారు పారీసు వెళ్లి పోతున్నారు. రాజీ వారు హైదరాబాదు వెళ్లి పోతున్నారు. నువ్వేమో మరి అమెరికా వెళ్లి పోతున్నావు. అందుకే " చెప్పింది మధుర.

"అదేమిటమ్మాయ్, అలా బేల పడి పోతావు. శ్రీ కృష్ణుల వారు నీ చెంతనే వుండగా అంత బేల తనమెందుకు ?" రాజి గారు బుజ్జగించారు మధురని.

"అవును రాజి గారు మీరు చెప్పింది నిజం" మధుర ఆనంద భాష్ఫాలని తుడుచు కుంటూ చెప్పింది.

శ్రీ కృష్ణుల వారు మళ్ళీ ప్రత్యక్ష మైయ్యారు.

అక్కడ ఉన్న అందరూ మాయమై ఫ్రాన్క్ఫర్టు మెయిన్ స్టేషన్ లో ప్రత్యక్ష మైయ్యారు.

బులుసు వారి టీ జీ వీ పారీసు ట్రైను కూత పెట్ట కుండానే నిశ్శబ్దం గా ఫ్రాన్కుఫర్టు హాఫ్భాన్ హాఫ్ స్టేషన్ వదిలి పెట్టింది. రాజీ, మధురా, బుజ్జి పండు చెయ్యి ఊపారు బాయ్ బాయ్ అంటూ బులుసు వారికి.

బులుసు వారి కళ్ళు చెమేర్చేయి..

ఏమిటీ అనుబంధాలు బ్లాగ్ బంధాలు? . ఎక్కడి వాళ్ళం ఎక్కడి వాళ్ళం అంతా ఈ పంచ దశ లోకం  లో మిత్రులమై బ్లాగ్ బంధువుల మై ఈ మైత్రీ బంధాలు గల వారం అనుకున్నారు వారు.

శ్రీ కృష్ణుల వారు చక్రం తిప్పారు. రాజీ వారు జర్మనీ నగరం నించి మాయమై హైదరాబాదు లో వున్నారు !

"చ్యూస్, బిస్ స్పాటర్ " మధుర బుజ్జి పండు కి బాయ్ బాయ్ చెప్పింది.


(బుజ్జి పండు తెలుగు చదువు - భామా విజయం ఇంతటి తో సమాప్తం )


*****


బుజ్జి పండు ఫ్రాన్కుఫర్టు ఏర్పోర్టు లో ట్రాన్సిట్ ఏరియా లో ప్రత్యక్షమై ,  అమెరికా ఫ్లైటు లో నింపాదిగా కాలు పెట్టాడు.

తన సీటు కి వెళ్లి కూర్చుంటూ తల తిప్పి చూసాడు పక్క వున్న దెవరా అని.

"ఆయుష్మాన్ భవ బుజ్జి పండూ, నన్ను చిర్రావూరి భాస్కర శర్మ అంటారు " చెప్పారు పక్క సీటు పెద్దాయన.

"నమస్కారం తాతయ్య గారు !!! " బుజ్జి పండు ఆశ్చర్య పోతూ "మాచనవఝుల వేంకట దీక్షితులు గారూ... మీరేనా. మీరేలా ఇక్కడ ప్రత్యక్షం ?" అడిగాడు బుజ్జి పండు!

"అంతా  విష్ణు మాయ బుజ్జి పండూ " చెప్పారు కష్టే ఫలే శర్మ గారు.

(ఇంకా ఉంది)

కాపీ క్యాటులు అనబడు కోతులు !

వామ్మో వామ్మో ఎంత కాపీ ఎంత కాపీ ! 

కాపీ క్యాటులు వారి కవాతులు.

అదేమీ చోద్యమో గాని, చౌర్యమో గాని

మక్కీకి మక్కీ మన టపాలని బ్లాగులని దిన పత్రిక వాళ్ళూ, వారపత్రిక వాళ్ళూ కాఫీ లాగిస్తూ కాపీలు కొట్టేస్తూ కవాతులు చేస్తున్నారట !

ఈ విషయాలు తెలీకుండానే నేను టపాలు గట్రా ఇన్ని రాసేసానే మరి.

నా టపాలన్నీ ఎక్కడెక్కడ తేలు తున్నాయో ! ఎవరైనా కాస్త తెలిస్తే  చెబ్దురూ !

ఈ గుళ్ళకి వెళ్లి నప్పుడు మనకు కలిగే నిత్యానుభవం ఇక్కడ గుర్తు తెచ్చు కోవాలి.

మనం భక్తీ గా స్వామీ వారీ ప్రసాదం అని ఎ అరటి పండో, లేకుంటే మరోదే టో చేతిలో పట్టు కుని కొంత సావకాశం గా ఆరగిద్దామని ఉంటాం, అప్పుడే, మన కోతీ వారు వచ్చి చలాగ్గా మన చేతిలోని పండు ని లాగేసు కుని చక్కా పోతారు !

ఇక మనం ఎం చేస్తాం ! స్వామీ వారు మనకు ఇంతే అనుగ్రహించారు అనుకోవాల్సిందే !

అట్లాగే కదా మన బ్లాగు వాళ్ళ గతి కూడా అయి పోయింది. !

మనం ఎ అర్ధ రాత్రో తెల్లారి జామో ఓపిగ్గా కూర్చొని, ఎ లేఖిని తొ టో కనా కష్టాలు పడి టైపాటు చేసి వామ్మా ఒక్క టపా రాసేను అని సంతోష పడి పొతే , ఈ పత్రికల వాళ్ళు వచ్చి దాన్ని పట్టేసుకుని, కొట్టేసుకుని వాళ్ళ పేపర్లో వేసేసు కుని (అంతా 'ఖూనీ') మనకు తెలీనివ్వ కుండా గప్పు చిప్పుగా కాపీ కొట్టేసుకుని ....

కాబట్టి మనం ఏమి చేయ్యవలె. ? అరవం లో ఒక సామెత ఉంది. ఈ అడిచ్చా కాపీ అని. అంటే ఎదుటి వాడు రాసేటప్పుడు ఒక ఈ గ వచ్చి వాలితే దానినీ కొట్టి రాస్తే, మనమూ ఒక ఈగని కొట్టి రాస్తామన్న మాట. అట్లాగా, మనం రాసేటపుడు సీక్రెట్ గా ఓ ఈగని కొట్టి రాసామంటే వాళ్ళూ కూడా ఒక ఈగని కొట్టి రాసి , మనకు దొరికి పోతారు సుమా !

 వావ్ నాకూ మాంచి ఐడియా వచ్చేసిందోచ్ !

(ఇల్లాలి ముచ్చట్లు వారి టపా చదివాక సరదాగా)

చీర్స్

జిలేబి.

జిలేబి శతకం - 2

జిలేబీ శతకం

శతక కర్త - శ్రీ తాడిగడప శ్యామల రావు గారు

 

బ్లాగ్ లోకం లో వీరు 'శ్యామలీయ' మై

బుజ్జి పండు తెలుగు చదువు లో దర్శన మిచ్చి న వారు

 

గమనిక: ఈ రచన సర్వ హక్కులు శ్రీ తాడిగడప శ్యామల రావు గారివి.

జిలేబీ టపా , కామెంటు చెండులు వీటికి ఉత్ప్రేరకాలు మాత్రమే!

 

***

చరాచరములు

 

కం. చరమచరంబుల బేధము

చరమచరంబులకు మధ్య సామ్యంబును ఆ

చరమున కచరంబునకును

నెరవగు తత్వమును గూర్చి నేర్పు జిలేబీ

కం. వినుడని ఘన తత్వంబును

కనుడని సూక్ష్మంబు తెలిసి గాంధీ రీతిన్

మనుడని కర్మిష్ఠులరై

జనులకు నెలుగెత్తి చాట జాలు జిలేబీ

కం. నరులార చరాచరముల

చరాచరేతరపరమవిషయతత్వములన్

పరుగాపి పట్టుకొమ్మని

మరిమరి బోధించు చుండె మనకు జిలేబీ

 

హిందీ

 

కం. హిందీలో రాస్తారా

ఎందుకునూ పనికిరాని హిందీ నాదే

అందం చందం తెలియక

కందానికి పెద్ద శిక్ష కలిగె జిలేబీ

చీనా బంగారం

కం. బంగారం ఓ చైనా

బంగారం యెప్పు డూడి పడతా వంటూ

బెంగపడి వేడు తున్నా

చెంగున రాదాయె పసిడి చెలువ జిలేబీ

చిలకలపూడి బంగారం

కం. వెల తక్కువ బంగారం

చిలకలపూ డనెడి యూర చిక్కేనటగా

వలసినచో ఆత్రేయను

పిలచిన ధగధగలు వెల్లి విరియు జిలేబీ

స్వర్ణ వైరాగ్యం

కం. ఔరా బంగారంపై

వైరాగ్యం తెచ్చుకున్న వచ్చేసేనా

భారత నారికి పసిడికి

తీరని యనుబంధమెంత తీపి జిలేబీ

కం. కొనగలిగి నపుడు పసిడిని

కొనవచ్చును కోర్కె తీర కొనలేకున్నన్

తన కంత మోజు లేదని

యనుటే సరియైన మాట యగును జిలేబీ

అందం ఆనందమయా

కం. తానెవ్వరు తనకెవ్వరు
 మానిత స్నేహములు బంధుమరియాదల తో
 ఆనందమేల తనకగు
 ధ్యానంబున వీని తెలియ దగును జిలేబీ

కం. తాను వినిశ్చయముగ పూ
 ర్ణానందమయుండు తనకు నందరు నట్లే
 కాని యవిద్య కొడంబడి
 జ్ఞానవిహీనుడుగ నుండు జనుడు జిలేబీ

పరిచయ బాంధవ్యం

కం. నరులకు సంసర్గముచే
 పరమ సుఖ బ్రాంతి కలిగి బంధములందే
 నిరయంబగు సామాన్యపు
 పరిచయబాంధవ్యసమితి వలన జిలేబీ

కం. గాలిని యూరక తిరిగెడు
 ధూళికణంబులను బోలు దోషాస్పదముల్
 నేలను పెక్కురి బ్రతుకులు
 కాలంబున వారి జాడ కరగు జిలేబీ

కం. ఉత్తములగు కొందరు తమ
 చిత్తంబుల నధిగమించి స్థిరులై సత్తున్
 చిత్తునెరుంగుచు పొందెద
 రిత్తనువుల గడచు జ్ఞానమెల్ల జిలేబీ

కం. అతికొద్ది సంఖ్య నుండెద
 రతులిత కరుణాప్రపూర్ణులగువారలు స
 మ్మతి నితరులకును తగు స
 ద్గతిమార్గము జూపునట్టి ఘనులు జిలేబీ

కం. తగువారు గురువులనగా
 జగమున తఛ్ఛిష్య గణము సత్పురుషులుగా
 నగుటేమి వింత విషయము
 భగవంతుడు వారి నిష్ట పడును జిలేబీ

విన్నపాలు వినవలె

కం. అందుకు అభ్యంతరమా
 అందుకొనుడి శర్మగారు హాయిని గొలిపే
 కందాల విందు రోజూ
 అందాల టపాలు వేసి అప్పటికపుడే

లవ్ దై నైబర్ ...

కం. పక్కింటి వాళ్ళ నెరగం
 ఎక్కడనో ఉన్న వాళ్ళు నెట్-ప్రియ మిత్రుల్
 పక్కదిగిన యిల్లు మరల
 పక్కెక్కేవేళ కంట బడును జిలేబీ

జలపుష్పం

కం.నీ వలెనే జలపుష్పపు
ఠీవిని దర్శించి నట్టి డెందం బరుదే
పూవులలో నది మేలన
కావలసిన యెరుక నీకు కలిగె జిలేబీ

టపాకీకరణం

జిలేబి.

జల పుష్పం

నిప్పు వేడి
గాలి వేగం

సూరీడి తాపం
చంద్రిమ చల్లదనం
తారల చమక్కు

మేఘ గర్జన
ఋతువుల రాగం

అన్నీ నేనే అన్నది జల పుష్పం

ప్రాణస్యప్రాణం అంతర్పుష్పం
అదే మంత్ర పుష్పం !

(మంత్ర పుష్పం ఆధారం)

జిలేబి.

ఒన్స్ అగైన్ బావా మరదలు !

ఓ సంవత్సరం మునుపు ఈ బావా మరదల గురించి రాసాను.

అంటే ఇక్కడ బావ బాంబే స్టాకు మార్కెట్టు.

మరదలు పిల్ల  బంగారం !

మా తల్లే మా తల్లే !

మళ్ళీ కథ మొదటి కొచ్చింది.

ఈ మారు బావా మరదలు కథలో  బావ ధబాల్మనీ, ఫేడేల్మనీ అదేదో అంతర్జాతీయ 'క్యూస్' సరిగ్గా లేవంట అందుకని ముఖం చాటేస్తున్నాడు ఒక రోజు, మరో రోజు ఆహా ఆసియా కి ఉందిలే మంచీ కాలం ముందూ ముందున అన్నట్లు ఓహో అని ఆకసానికి ఎగురు తున్నాడు.

మరదలు మాత్రం తక్కువ నా !

ముద్దు కే ముద్దొచ్చే బంగారం, ముద్ద బంగారం మీద 'భరోసా ' పెరిగిందట జన ప్రియులకు !  మరదలు పిల్ల మరీ ప్రియం అయిపొయింది !!

కాబట్టి మరదలు పిల్ల ముద్దార ముస్తాబయ్యింది. అసలు మనం మరదలు పిల్ల 'టెక్కు' కి సరి తూగ లేం అన్నంత గా , నన్ను తాక మాకు అన్నంత గా సుతారమై పోయింది.

మళ్ళీ జై జవాన్ జై కిసాన్ ఉద్యమం లా - బాంబే బావ , బంగారం మరదలు కలిసి కట్టు గా ఇలా పోతూంటే జిలేబీ లాంటి సాదా సీదా జనాల గతి ఎం గానూ ! మా బంగారం మోజు ఎలా తీరెను !

చీనా బంగారం ఎప్పుడు వచ్చునో !!

చీర్స్

జిలేబి.