నిట్టూర్పు గుడి

నిట్టూర్పు అనే గుడిలో జీవితం ఓ దేవత
తడి కన్నులకే దర్శనం
పగిలిన గుండెల చేతనే ఆరాధిత
గుడిలో మనుషులు జీవితం చెక్కిన శిల్పాలు
మేఘాలు వాయు దేవుడి స‌ంకల్పాలు

***

శిధిలాలకు చరిత్ర పిత
శిధిలకుడ్యాలకు నిర్జన దుర్గాలకు
వాయువు అధిష్టాన దేవత
రోదన స్వరాలకు సేనాధిపతి‌
సంగీత ప్రపంచానికి మార్మిక ప్రభువు
ఎన్నో పక్షుల విడిదినిచ్చే యీ చెట్టు
పాటల పోషణకర్త !

***

ఓ యుద్ధంలో వున్న మానవుడా
రేపటి యుద్ధం కోసం
నేటి నిద్ర మానుకోకు
నీ యుద్ధం నిర్విరామం
నిద్రే ఆనందా రామం

***

మంచి నిద్ర కొంచెం సేపే
స్వప్న తుఫానులు వీచే
రాత్రి గడవడం రేపే
మనిషి నడక గమ్యం వైపే
కష్టసుఖాలు భరించే జీవనయాత్ర
మరణం‌ వైపే !

***

పరిచయాల వంతెన పై
రోజుల తరబడి
ప్రయత్నాల తాళ్ళను కట్టాను !


శేషేంద్రజాలము

తేదీలేదు