ఖబడ్దార్ - మీరెక్కడి నించి రాస్తున్నారో , మీరెవరో అంతా మాకు తెలుసు !

బాబయ్యా - బిగ్ బ్రదర్ మిమ్మల్ని తోలుకు రమ్మన్నాడు !

బాబయ్య కి తానేం తప్పు జేసాడో తెలీలే ! తాను చిన్నప్పుడు సినిమాలలో జూసేడు - వూళ్ళో ఎవడైనా ఏదైనా జేస్తే , 'అన్న' కబురంపే వాడు - ఆ తరువాత ఆ కబురు అందుకున్నవాడు గాయబ్ !

ఆ మధ్య కోల్డ్ వార్ సమయాల లో వీడు వాణ్ణీ, వాడు వీణ్ణీ అద్దాలు బెట్టి గమనిమ్చుకునే వాళ్ళు.  స్పై , క్రాస్ , డబల్ క్రాస్స్ మొదలగు పేర్లతో వీళ్ళు ప్రసిద్ధులు.

మన ఒక కాలపు తెలుగు సినిమాలో 'అన్న' ఎప్పుడు  కరకు మనిషే. అన్న రమ్మన్న డంటే , మన కు మూడి నట్టే లెక్క అన్న మాట !

ఇప్పుడు ఆ పెద్దన్నయ్య మన భారద్దేశం అయి పోయిందని వార్తా పత్రికల భోగట్ట !

ఇక మీదట జిలేబి ఏదైనా రాస్తే వెంటనే (ఆల్రెడీ తెలుసేమో?) పెద్దన్నయ్యకి ఖబురు వెళుతుంది.

జిలేబి మీ గురించి రాసిన్దటండి !

ఏమి గీకిన్దిరా ఆవిడ ?

మీరు బిగ్ బ్రదర్ అనండి

వెంటనే ఆవిణ్ణి బొక్కలో పెట్టు. ఏమిటా ఖండ కావరం? నన్ను మిస్టర్ బిగ్ బ్రదర్ అని వుండాలి కదా !

ఇప్పుడు జిలేబి కి సందేహం వస్తోంది. ఈ సంకలునులు, హారం లు కూడా ఈ బిగ్ బ్రదర్ కి సీక్రెట్ ఎజెంట్లేమో ?

ఎందుకంటే మనం ఏమైనా రాస్తే, వీళ్ళకి వెంటనే తెలిసి పోతోన్దబ్బా ! అదే ఎలా నో తెలీయటం లేదు.!

వెంటనే మనం గాయబ్ అయి పోవటం మంచిది ఈ బ్లాగ్ లోకం నించి!

చీర్స్

జిలేబి.

కామెంటు కోసం ఒక టపా రాద్దామని !

అందరూ టపా కి కామెంటు రాస్తారు. సరే, కొంత వెరైటీ గా కామెంటు కోసం ఒక టపా రాద్దామని !

కామెంటడం అన్నది ఒక కళ. అది బ్లాగ్ లోకం లో కొందరికి అచ్చి వచ్చిన విద్య.

మరికొందరికి చాలా కామెంటాలని ఉంటుంది.

 కాని సమయాభావం వల్లో, సాంకేతిక కారణాల వల్లో, చిన్నగా రాసి ఊరుకుంటారు.

ఇవ్వాళ బ్లాగ్ లోకం లో జల్లెడ వేసామంటే ఎక్కువగా కనిపించే కామెంటు రెండు చుక్కలు ఒక బ్రాకెట్టు ! :)

ఆ తరువాయి - కనిపించే చాలా కామన్ కామెంటులు - సూపెర్, కెవ్వు, కేక ! హ హ హ , hahahaha ,
lol...ఇలా చిన్ని చిన్ని పదాలతో కామెంటు తారు.

సో ఇవన్ని తెలుగు లోకానికి బ్లాగ్ లోకపు సరి కొత్త పదాలు

కొన్ని ఇప్పట్లో ఉన్న తెలుగు పదాలే, కొత్త అర్థం ఆపాదించుకోవడం కూడా కద్దు. ఉదాహరణకి , కెవ్వు కేక - ఈ పదం టపా సూపెర్ అన్న అర్థం లో వాడతారనుకుంటా . అంతర్జాలం లో మరిన్ని సరికొత్త పదాలు పోను పోను వస్తూంటాయి అనుకుంటాను.

కొంత కాలం పోయాక , నిఘంటువు ఎవరైనా ప్రచురిస్తే , ఈ కొత్త పదాలు ఆ నిఘంటువులో వస్తాయేమో ? మొదట్లో కొంత విముఖం గా ప్రచురించినా పోను పోను వేరు వేరు ప్రచురణలలో కొత్త అర్థాలతో వస్తాయేమో !

మరో పోకడ, టపా కన్నా సుదీర్ఘ మైన కామెంటు- వ్యాఖ్య ! ఇది టపా కన్నా చాంతాడంత మరో టపా అంత నిడివి ఉండటం కద్దు.

కొన్ని చమక్కులు,
కొన్ని కవితలు,
కొన్ని పద్యాలు,
కొన్ని చేణుక్కులు,
కొన్ని సమస్యా పూరణలు
కొన్ని కొంటె దనాలు
కొన్ని ఇన్ఫర్మేటివ్
వెరసి నేటి బ్లాగ్ కామెంటులు
ఓ విన్నూత్న సాహితీ ప్రక్రియ !

ఇప్పటి దాకా రానిది చైను కథానిక, కామెంట్ల ద్వారా ! (టపా ల లో ఇంతకు ముందే గొలుసు కథలు వచ్చేయని ఒక మారు జ్యోతి గారు చెప్పారు - సో , కామెంటుల లో ఇప్పటిదాకా ఈ ప్రయత్నం రాలేదనే భావిస్తాను !


చీర్స్
జిలేబి.

రెండు చుక్కలు ఒక బ్రాకెట్టు ఆట ఆడదాం రా!

రెండు చుక్కలు ఒక బ్రాకెట్టు ఆట ఆడదాం రా

నాకు

నాలుగు ముక్కలాట తెలుసు

నాలుగు స్తంభాల ఆట తెలుసు

నాకు

జోకాట తెలుసు

పేకాట తెలుసు

కానీ

ఈ కామెంటు లలో వచ్చే

రెండు చుక్కలు ఒక బ్రాకెట్టు ఆట ఏమిటో

కాస్త వివరించి చెబ్దురూ !

:)


చీర్స్
జిలేబి.

Why this చంపేంత వెర్రి చెప్పు నాటీ - జిల్ జిల్ జిలేబి !

Why this చంపేంత వెర్రి చెప్పు నాటీ 

ఓ బాయ్స్ - ఐ యాం టైపింగ్ ఎ టపా


సూప్ టపా - ఫ్లాప్ టపా


చెప్పు నాటీ - చుప్ప నాటీ

దూరం లో హారం
హారం లో రమ్ము
రమ్ము తో కిక్కు
కిక్కు కిక్కుకీ హుక్కు

Why this చంపేంత వెర్రి చెప్పు నాటీ
Why this చంపేంత వెర్రి చెప్పు నాటీ
Why this చంపేంత వెర్రి చెప్పు నాటీ

వైటు బ్లాగు జిలేబి
బ్లాగు టపా డప్పా
టపా టపా మీటు
ఫ్లాపు ఐయ్యే బోటు

Why this చంపేంత వెర్రి చెప్పు నాటీ
Why this చంపేంత వెర్రి చెప్పు నాటీ
Why this చంపేంత వెర్రి చెప్పు నాటీ


మామోయ్ , నోట్సందుకో
అలాగే ఓ సిగారేట్టందుకో
ప ప పాన్ ప ప పాన్
ప ప పాన్ ప ప పాన్ - వేసేసుకో
కట్టేసుకో కిళ్ళీ -

ఓ బాయ్ - సరిగా కట్టు  కిళ్ళీ

Why this చంపేంత వెర్రి చెప్పు నాటీ
Why this చంపేంత వెర్రి చెప్పు నాటీ
Why this చంపేంత వెర్రి చెప్పు నాటీ

సూపెర్ మామోయ్,

రెడీ 1 2 3 4 నొక్కేయ్ పబ్లిష్ పోస్ట్ !

నౌ

చేతిలో గ్లాసు - రాసేయి ఎంగిలి పీసు

సూపెర్ మామోయ్, 

రెడీ 1 2 3 4 నొక్కేయ్ పబ్లిష్ పోస్టు

Why this చంపేంత వెర్రి చెప్పు నాటీ
Why this చంపేంత వెర్రి చెప్పు నాటీ
Why this చంపేంత వెర్రి చెప్పు నాటీ



చేతిలో గ్లాసు
రాసే వాడే బోసు
కోసేవాడే బాసు 
అందుకో ఐసు 

This Song ఫార్ సూప్ బ్లాగర్సు,
వేసేసుకో ధమాల్ ధమాల్ దబాల్ దబాల్ 
కట్టేసుకో టపా పెట్టేసుకో సొంత డబ్బా !

Why this చంపేంత వెర్రి చెప్పు నాటీ
Why this చంపేంత వెర్రి చెప్పు నాటీ
Why this చంపేంత వెర్రి చెప్పు నాటీ



చీర్స్
 
జిలేబి. !  
(నా మీద ధ్వజం ఎత్తకండి మహాశయులారా - లోకం పోకడ - జిలేబి పోకడ!- వేసేసుకో పకోడీ, రాసేసుకో పేరడీ !)

'సురా' పానీయం - జిలేబీయం !

"ఓరోరీ ఇంద్రుడా, సోమ  పాన మత్తులో ఉండినావా, ఏమి నీ ఖండ కావరము ? "

 ఇట్లాంటి సంభాషణలు మన పాత తెలుగు పౌరాణికాల లో గానీండీ, తెలుగు సినిమా ల లో గానీండి మనం చదివి లేక విని ఉండవచ్చు.


మన e లోకం లో మనకు సురాపానం గావించే అవకాశాలలో మొట్ట మొదటిది వ్యాఖ్యలు. అవి ఇచ్చు కిక్కు వేరే ఏదీ e-మాధ్యములో ఇవ్వదని నేను కీబోర్డుపధం గా చెప్పగలను!


ఆ మధ్య హారం , హా, రమ్, హారం ఒక మధు శాల లాంటి దని కూడా ఎవరో జిలేబి అట వారు రాసినది చదివినట్టు నాకు గుర్తు!


ఇక రెండవది - టపా. మనసుకు నచ్చిన టపా, ఆ టపా లో మంచి కంటెంటు ఉన్న టపా మరో సురా పానం లాంటిది.


జిహ్వ కొద్దీ రుచీ, మూడు కొద్దీ టపా లైకింగు !


 శ్రీ రామ రాజ్యం వస్తే, వెంటనే దానిని చాకి రేవు బండ మీద ఎంత ఎక్కువగా బాదితే , మన టపా ఎంత వ్యత్యాసం గా ఉంటె అంత మంచిది.

ఇదే విధం గా  మన డైలీ లైఫు లో జరిగే విషయాల గురించి రాసే టపాల కోవలో , హాట్ హాట్ రాజకీయం, అన్నా హజారే ఉన్నావరిదం కి సంబంధించి మనం చూపించే లెగ్ కికిన్గులు ఇవన్నీ 'when its hot its really cool' లాంటివి అన్నమాట !


మరికొన్ని టపాలు , వంటలకి సంబందించింది. ఇవి చాలా కారణాల వల్ల చాలా పాపులర్ ! ఐటీ రంగం లో ని 'బేచలర్ కిచెన్' టార్గెట్ ఇవి. కాబట్టి మరీ ఘాటుగా , సూపెర్ సేవీ గా రంజు గా కొన సాగుతాయి.


ఇక జ్యోతిష్యం - హాట్ హాట్ టాపిక్! నేను గమనిన్చినదాంట్లో , జ్యోతిష్యం మీద టపా పడితే ( అమెరికా ఎప్పుడు మునుగును- జ్యోతిష్యం ఏమి చెబుతోందీ - ఇట్లాంటి టైటిల్ (తిట్లు) సూపెర్ డూపర్ - అల్ టైం 'ఎక్కువ ' చదివిన' టపాల కోవకి వస్తుంది. !


మరి సాఫ్ట్ వేర్ సాములు రాసే - సెటైర్ అది మరో స్టైల్ . కొంత అర్థం చేసుకోవాలంటే వారి Knowledge is Power and Money' కాన్సెప్ట్ కొంత తెలిసుండాలి.


ఇక హాస్యం గురించి చెప్పనే అక్కర్లేదనుకుంటా. మనిషికి ఆహ్లాదం ముఖ్యం కాబట్టి ఈ టాపిక్కు ఎవెర్ హాట్!


వీటన్నిటికీ , ఆవల, కొన్ని బ్లాగులు , నిశ్శబ్దం గా తమ మానాన తాము రాసుకొంటూ పోతూంటాయి. అంత అలజడి, కామెంటుల పరమాన్నాలు, వీటి లో వుండవు. కాని వాటి కని వేచి వుండే కనులు ఎన్నో ! 
వాటికి వున్న విలువలు - కాల గతిలో నిలిచి పోయేవి.  బ్లాగు లోకాలు గాయబ్ అయినా , అవి తమ కాళ్ళ మీద నిలబడ గలిగినవి !


అట్లాంటి నాకు తెలిసిన ఒక 'సోమ  పానీయం '  శ్రీ సుబ్బా రావు గారి బ్లాగు !

శ్రీ సూక్తం లో- వైనతేయ సోమం పిబ, అని అన్నట్టు,

సోమ పానీయం గా వారి బ్లాగుని పరిచయం చెయ్యడానికి కారణం నాకు తెలిసిన ఈ 'సురా'బ్లాగీయం '  - సుబ్బా రావు గారి బ్లాగు నాకు చాల నచ్చడం !

ఎందుకు నచ్చడం ?

 ఒక ప్రత్యేక శైలి వీరిది  - నాలుగు పదాల నాలుగు పంక్తులతో , జీవితాన్ని ప్రతిష్టాపించడం వీరికే చెల్లు.

చిన్ని చిన్ని పదాలతో , చిన్ని పదబంధాలతో, తేట తెలుగు లో తేనీయలు జాలువారించడం అంత సులభం గాదు !

బ్రహ్మాండమైన సంక్లిష్ట పదాలతో భావాన్ని రాయడం ఒక ఎత్తైతే, అదే భావాన్ని సున్నితం గా, సింపుల్ గా చెప్పడం వెయ్యి ఎత్తులకి సరి సమానం  అని నా విశ్వాసం. అలా సింపుల్ గా చెప్పే కెపాసిటీ ఏ కొద్ది మందికో ఉంటుంది. అలాంటి వారిలో రావు గారు సుప్రసిద్ధులని పిస్తుంది. వీలు చేసుకుని ఓ సారి దర్శించండి !

'బ్లాగ్ మైత్రేయ -  సోమం పిబ'  !


చీర్స్
జిలేబి.

అనానిమస్ కామెంటులు - బ్లాగ్ వారల అగచాట్లు - జిలేబి ప్రతిపాదన

పూర్వ  కాలం లో ఆకాశ రామన్న ఉత్తరములు వచ్చేవి !

కాలాలు మారినై !

కాలం తో బాటు e మాధ్యములు వచ్చినై.

బ్లాగు లోకములు వచ్చినై.

అయినా , ఆకాశ రామన్న లు  ఎవెర్ గ్రీన్ హీరో లు !!

వారే మన e తరం అనానిమస్సులు ! వారికి నమస్సులు !

వారు లేనిదే ఈ భువి ఉంటుందా అన్నది నా ధర్మ సందేహం ! ఆకాశం పైనా ఉంటేనే కదా క్రింద భువి ఉండును!


మిస్సులు కస్సుమంటే , ఈ అనానిమస్సులు  బుస్సు మందురు.

మాష్టారులు  బెత్తం పడితే , వీరు పంతం పట్టెదరు.!

 ఔరా, అయ్యలారా మీరేమైనా బ్లాగు లోకమును గుత్తగా కోనేసుకున్నారా అని అందురు !

వీరికున్న 'gut' వేరే ఎవరకీ ఉండదని నా సవినయ అభిప్రాయం !

దొంగ గారికి ఎ ఇల్లు తాళం లేక, తాళం సరిగా లేక ఉన్నదో తెలవడం అన్నది చోర కళా నైపుణ్యము !

తలుపు లు జాగ్రత్తగా వేసి ఉన్న కూడా చోరీ జరుగక ఉన్నదా ? కావున అనానిమస్సులు కాక పోయినా కూడా, ఎవడైనా , ఓ కందిరీగ అన్న పేరు తో కామేన్టడం మొదలెడితే మన చెవులు హోరుమన క ఉండునా ?

వీరి కున్న gut కి కారణం బెద్ది ? వారి నామ ధేయమే  కదా ? నామమేమి ? అజ్ఞాత ! అనగా ఏమి ? జ్ఞాతుడు కాని వాడు. అనగా , సర్వం తెలిసిన వాడు కాదని. అనగా కొంత తెలిసిన వాడని. అనగా వాడికి ఎంతో కొంత ఆ మేటరు లో పాయింటు లోపమో తెలిసినవాడు అని అర్థము కదా !

సరే, ఇంతకీ ఈ అనానిమస్సులంటే మనకు ఎందుకు పడదు ? ఎవరైనా ఆలోచిన్చినామా? వారికి తగినన్ని స్థానములు మనము గాని, ఈ సంకలిని నిర్వాహకులు గాని సముచిత స్థానము కల్పించినారా ? లేదే ? వారికి సముచిత స్థానము వెంటనే హారం అధినేతలు కలిపించినచో ఈ అననిమస్సులు సరియిన విధముగా సత్కారము పొందిన  వారై భుక్తాయసములతో తీరికగా ఆలోచించి కామెంటు దరు కదా ?

వీరి కై నేనొక మహత్తరమైన ప్రణాళికని హారం అధినేతలకు ప్రతిపాదిస్తున్న్నాను. !

అది ఏమనగా, వారు హారం లో నే ఎ టపా పైన అయినా అన్య మనస్కులైన , వెంటనే అననిమస్సులుగా బుస్సు మను టకు సదవకాసము కలిగించవలె !

ఎందుకనగా చాలా బ్లాగర్లు అనానిమసులకి ఆస్కారము కలిపించకుండా తమ బ్లాగులను పకడ్బందీ (మళ్ళీ ఈ పదమును గమనింపుడు - బందీ ! - బందీ అనగా ఎవరు ? తప్పు చేసిన వాడు గదా - మనలను మనం పకడ్బందీ చేసుకున్నచో దీని అర్థం ఏమి ? మనం తప్పు చేసినవారలమని కదా అర్థము ?) గావిన్చుకున్నారు కాబట్టి, ఈ అవకాసమును హారము నేతలు కలిపించవలె నని కోరడము జరిగినది.

అనానీమస్సు,
అన్నా, నీ మనస్సు తెలియక
అనాడీ వాణి గమనించక
మేము చేసిన తప్పుల మన్నించి
మమ్ము కరుణించ వయ్యా
'అనాధ' బ్లాగ్ లోక పోషకా - అజ్ఞాతా !

చీర్స్

జిలేబి.

ఓ ఫన్ ఆర్ట్ విత్ జేకే- మేటరు లేకుండా టపా రాయడం ఎలా ?

శంకరాభరణం మాష్టారు ఒకే ఒక వాక్యం ఇస్తారు పూరించుడీ, అని. వెంటనే టప టపా కామెంటు తారు బ్లాగ్ బంధువులు.  అమ్మో వారి ఒక్క లైను కి అంత వెయుటు ఉందే అని ఆశ్చర్య పోతాను.


మా జ్యోతక్క గారు చాలా నిశితం గా ఆలోచించి , ఒక టపా రాసారంటే దానికి ఒక నిర్దుష్టమైన దారి, గురి, ఉంటుంది. బాణం ఎక్కుపెట్టడం లో కానివ్వండి , చదువరులని ఆలోచింప చెయ్యడం లో కాని ఒక రాచ బాట వారిది.


మరి ఎందుకో ఏమో గారి బ్లాగు కన్నా వారి కామెంటు లే నాకు కనబడుతుంటాయి. అంటే వారు రాయరని కాదు. మరీ భారీ వీడియో లతో ఉన్న వారి బ్లాగు నాకు ఎప్పుడూ ఓపెన్ కాదు. సరే అని ఓ మారు ఓ యుగం ప్రయత్నించి అయ్యా ఎందుకో ఏమో గారు మీ బ్లాగు ప్రాబ్లం ఏమైనా ఉందా చూస్తారా అని కామెంటు పెడతామని ఓపిక గా కామెంటు పెట్టా, కామెంటు పడిందో లేదో కాని నా కంపుటరు హాంగ్ అయి పోయింది. !


మా భారారే గారేమో మరీ విచిత్రం- అప్పుడప్పడు ఆంగ్లం లో రాస్తారు. స్వామీ ఇది ఆంగ్లమా లేక గ్రీకు అండు లేటినా అన్న సందేహం నాకొస్తుంది. వారు మొదట్లో మంచి మంచి కవితలల్లే వారు. ఆ తరువాతే  మయ్యిందో నాకు తెలియదు, వారి బ్లాగు సింపుల్ టెంప్లేట్ మారి కొత్త టెంప్లేట్ (ఇప్పుడున్న టెంప్లేట్) వచ్చేక చాల చాలా భారీ విషయాలు (మచ్చుకి సిగరెట్టూ గురించి ఒక రిసెర్చ్ ఆర్టికల్ ) రాయడం మొదలెట్టారు.


మా బులుసు మాస్టారు గురించి చెప్పాల్సిన పనే లేదు. వారు మూడు నెలలకో మారు రాస్తే గొప్ప టపా. అయిన వారు రాసి అలా టపా వదిలారంటే ఇక హారం కానివ్వండి, సంకలిని గానివ్వండి హోరు మని కామెంటు ల తో వరద ప్రవాహం , ఒక ప్రళయం వచ్చేసిందా అన్నట్టు ఓహో ఆహో అని హోరెత్తి పోతూన్టూంది. (ఈ మధ్యేమో వారు బ్లాగు లోకాని కి గుడ్ బై చెబ్తానని అక్కడెక్కడో బజ్జు లోకం లో చెప్పారని వినికిడి. వారు అలా చెప్పారో లేదో, ఆ గూగుల్ వాడికి భయమేసి బజ్జులని మూసేస్తానని వాక్రుచ్చేడు.- బులుసు గారు బజ్జులలో రాయటం మొదలెడితే గూగుల్ కి కామెంటులు మేనేజ్ మెంటు కష్టం అయిపోతుందేమో అన్న గూగుల్ వారి భయం వారిది - ఎం చేద్దాం - ఓ 'భామా' ఎఫ్ఫెక్టు మరి )




మరి మన బాతాఖాని లక్ష్మీ ఫణి మాస్టారు/మాస్టారిణి వారు అల్లాటప్ప గా ఎ మేటరు పై అయినా అలా అలవోక గా రాసేస్తారు.  ఒక్కో మారు రెండు లేక మూడు టాపిక్కులని కలగలిపి ఓ టపా రాసి పడేస్తారు. అది వారికే చెల్లు. కాదేది వారి టపా కే అనర్హమేమో అని పిస్తుంది.


శర్మ గారు, కాలక్షేఫం కబుర్లు అంటారు గాని అవి నూటికి నూరు శాతం కాలక్షేపం కబురులు  కావే కావు. ఓ జీవితాన్ని కాచి వడబోసి సత్యాలని చెళ్ళుమని మనకోసం ఇస్తుంటారు. కాని మొహమాటం కొద్దీ - ఇవి కాలక్షేపం కబుర్లు మాత్రమె సుమా అని (మనం జీవిత సత్యాలు అంటే చదవం గదా - భారీ వ్యాసం అంటే కష్టం మరి - అందుకే వారు కాలక్షేఫం కబుర్లతో చిన్న గా హోమియో పతీ డోసులలో ఇచ్చేస్తో వుంటారు ) !


ఇక వారెవరో మధుర వాణీ గారని , జర్మేనీ దేశం లో ఉన్నారట ! ఉన్నారన్న మాటే గాని జర్మేనీ కబుర్లకన్న స్వచ్చమైన తెలుగు కబుర్లే ఎక్కువ చెబుతూంటారు. ఏమండీ అంటే, అప్పుడప్పుడు జర్మేనీ అందాలని ఫోటో పట్టి పెట్తోస్తాంటారు !


మరొకరెవరో కృష్ణ ప్రియ గారట, డైరీ అని రాస్తూ , ఓ విశిష్టమైన శైలి తో కథల పరంపరలు రాస్తూంటారు. అమ్మో వీరికి ఎన్ని విషయాలు తెలుసంటారు జీవిత గమనాల గురించి . ఈ మధ్య ఓ సిక్స్ ఫేసస్ అఫ్ ఎ మాన్ అని - స్టీఫన్ కోవే ని మించి న నైంత్ ఫేక్టర్ అఫ్ హ్యూమన్ రిలేషన్షిప్ గురించి వాడెవడో ఓ అరవబ్బ్బాయి ఆరుముగం  అట , ఆతన్ని సంపూర్ణం గా అనలైజే చేసి రాసేస్తూన్నారు.


మరి నాగ మురళీ గారని, అలా ఓ చేత్తో కాళిదాసుని, మరో చేత్తో వాల్మీకిని , సంస్కృతాన్ని వడబోసి ఓ సంస్కృత కాలేజీ తెలుగు లో నడిపెస్తూంటారు! వామ్మో వీరికెంత జ్ఞానం అని నేను ఆశ్చర్య పోవడం కద్దు కూడాను. !


ఇలా చెప్పుకుంటూ పొతే , అసలు విషం మరిచి పోయేట్టు ఉన్నాను. అసలు మేటరు లేకుండా టపా రాయడం ఎలా అని కదా ఈ టపా తిట్లు సారీ టైటిల్ మరి ? ఈ టైటిల్ మాట ఎందు కొచ్చిందంటే,


ఎవరో జిలేబి అంట, రోజు టపా టపా రాస్తూంది. మేటరు ఉందొ లేదో తనకే తెలీదు. అసలు ఆడవారో మగ వారో వీరు అని మరీ కన్ఫుషన్- నాకు తెలిసి జిలేబి అని ఎవరికైనా పేరు ఉంటుందా ? సందేహమే నా కైతే ! - ఆడవాళ్ళు సందేహం సినానిమాస్ గదండీ మరీ ?


ఈ మధ్య ఓ లబ లబ కూడా లబ లబ లాడి పోయాడు - ఈ జిలేబి ఎవరబ్బా అని ముక్కు మీద వేలేసుకుని వెళ్లి వెళ్లి భారారే గారినే (వారే కదా 'హారం' అధినేత గారు ) అడిగేసాడు. ఆ భారారే గారు కూడా ఖంగు తిని  ఆ జిలేబి సుద్ధ వేష్టండి అన్నారని గ్రేప్ వెయిన్ స్టొరీ ఒక టి విన్నాను ) . అంతే గాక వారెవరో మరో వరూధిని గారట, మాంచి సిరి సిరి మువ్వలతో సరిగమలు పలికిస్తూ చాలా సునాయాసం గా రాసేస్తూ వుంటారు - వారి కే ఈ జిలేబి కీ మధ్య ఒక పెద్ద కన్ఫుషన్, ఈ బ్లాగర్లు కూడా ఒక్కో మారు వారే వీరేమో, వీరే వారేమో అని జిలేబి అనవలసిన చోట వరూధిని గారు అని, వరూధిని అన వలసిన చోట జిలేబి అని మరో కన్ఫుషన్ క్రియేట్ చేసేస్తూంటారు !  నాకు మరీ పెద్ద డౌటు ఇద్దరూ ఒకరేమో అని కూడా.


ఆ మధ్య ఆవిడ , కంటెంటు లేని టపా కనులకి కనపడదని ఓ బ్లాగ్ సామెతల లిస్టు కూడా ఇచ్చింది.
ఈ విషయమై  ఆలోచిస్తూంటే , ఇంతకీ టపా టైటెల్ ఏమిటన్నాను? అబ్బా నా మతి మరుపు కాకి ఎత్తుకుపోనూ, ఈ జిలేబి ఎవరబ్బా ?


చీర్స్
జిలేబి

ఒకటి సున్నా ఒకటి - జిలేబి బైనరైజేషన్ !

నేను


కాగితాలకి పట్టుబడను


కలం కి కట్టు బడను


సున్నా, ఒకటీ లతో


దోబూచులాడుతూంటాను


నా పేరు బ్లాగు టపా


తను
ఒక  జిలేబి


దాని లో ఉన్నది జీరో


ఈ ఒకటీ ఆ సున్నా కలిస్తే


అవుతుంది అప్పుడప్పుడూ జిలేబి కవితాజీ


అందుకో ఈవ్వాళ్టి బ్లాగు పేజీ !



చీర్స్


జిలేబి


దీనికి స్ఫూర్తి ఎవరో చెప్పాలంటారా?

నయనతారానందం బాపు రే రమణీయం ! - శ్రీ రామ రాజ్యం !

నయనతారానందం

భూనభో బాలకృష్ణ నాగేశ్వరుల  

తో బాపు రమణీయ

నవ్య దృశ్య కావ్యం

భవ్య ఇళయ హంగేరీయం, జొన్నవిత్తుల

విరచిత గీతాలాస్యం, సాయి  సినీ లోక భవి

ష్యత్తు వెలుగుల లో ప్ర

తిష్టాపితం


బాపు రే రమణీయం - శ్రీ రామ రాజ్యం !

చీర్స్
జిలేబి.

ఆమె ఎవరు ?

ఆమె ఎవరు ?

ఒకప్పటి సత్యవతీ శారద

ఒక శుభోదయాన జీవనం మారింది

 బ్లాగ్ లోకపు వెలుగు ఐయ్యింది

 కాంతలకున్ కాంతి గూర్చు కాంతకు జేజే

ఆమె ఎవరు ?



చీర్స్

జిలేబి