గోవిందా గోవిందా గోవిందా !

గోవిందా గోవిందా గోవిందా !

ఒక వైపు చెవులు పోటెత్తే టట్టు భక్తుల భక్తి పరవశ ఘోషలు.

మరో వైపు, ఘంటసాల వారి భగవద్గీత - పుట్టిన వానికి మరణము తప్పదు, మరణించిన వారికి....

ఇంకో వైపు, పండితుల వేద పారాయణం - 'సహస్ర శీర్షాః పురుషః సహస్రాక్షః సహస్రపాత్ ....

అక్కడ , వెంకటేశ్వర సుప్రభాతం -

ఇక్కడ గోవిందా గోవిందా ఓం ఓం ఓం అంటున్న ఘంటా నాదం

మరో వైపు బస్సుల కి పరుగెడుతున్న భక్త జనవాహిని

ఇంకో వైపు సరికొత్త పెళ్ళైన జంట  మరో వైపు ప్రేమ పక్షులు ... ఆ వైపు  షష్టి పూర్తి చేసుకుంటున్న దంపతులు

ఒక వైపు ఉర్రూత లూగించు పవనాలు

మరో వైపు వేడి తాకిడి

ఇంకో వైపు భోజనాల హడావిడి

పుస్తక ప్రచురణల అంగడి

దైవ దర్శనం కోరి వేచి ఉన్న లక్షలాది భక్త జన వాహిని

దేవస్థానం వారి ఆఫీసు బిళ్ళ బంట్రోతు

స్వామీ వారి ఉత్సవ తేరు

ఒక వైపు భక్తి బృందం గోవిందా మరో వైపు పూజారుల మంత్రాల జోరు

వడ్డీ కాసుల వసూలు లెక్కలు ... బంగారం గ్రాముల కొలతలు .... జమా ఖర్చులు ...

వంటా వార్పూ... అన్నదాన పర్వం...

వీటన్ని మధ్యా నిశ్శబ్దం గా నిలబడి,   జనావళి  కి ఇంత పని బెట్టి , నిశ్చేతనం గా   గమనిస్తున్న మా ఏడుకొండల పెరుమాళ్ళు !

ఏడు కొండల వాడా, వెంకట రమణా,

గోవిందా గోవిందా గోవిందా

 

జిలేబి.