దావీదు నందన మేరీసుతా
ఓ దేవకుమారా!
నాదేవుని పాటపాడరా
అందమైన పెదవులపై అందమైన వాక్కు జేర్చి
అనాథలందరు మెచ్చ నా దేవుని పాటపాడరా
అందమైన బెత్లెహేమే అందమైన పుట్టినిల్లురా
అందమైన చుక్క వెలిగె నాదేవుని పాటపాడరా
అందమైన యొర్దానులో అందమైన బాప్తిసమున
అందమైన కపోతమిరిగె నాదేవుని పాటపాడరా
అందమైన గలిలయలో అందమైన సువార్తపలికె
అందమైన అద్భుతములమరె నాదేవుని పాటపాడరా
అందమైన ముఖముపైన అందమైన కాంతివెలిగె
తాబోరు కొండమీద తండ్రీ నాదేవుని పాటపాడరా
అందమైన గెత్సెమనే అందమైన ప్రార్థనలో
అందమైన కన్నీళ్ళతో నాదేవుని పాటపాడరా
అందరికై సిలువమీద అందమైన ప్రేమచాటెగా
అందరి పాపమువహించె నాదేవుని పాటపాడరా
అంతులేని సమాధిలో అందమైన మూడురోజులు
అందరికై పునరుత్థానం నాదేవుని పాటపాడరా
అందమైన ఆకాశమున అందమైన మేఘములో
అందమైన అరోహణమాయె నాదేవుని పాటపాడరా
అందమైన రెండవ రాక అందమైన కీర్తితోడ
అందమైన రాజుగా వచ్చె నాదేవుని పాటపాడరా
ఎల్లెమ్మ జిలేబీయము
No comments:
Post a Comment