ఎంకీ నా తోటీ రాయే

 ఎంకీ నా తోటీ రాయే

తిరుపతి యాత్ర

రచన: నండూరి వేంకట సుబ్బారావు గారు

ఎంకీ నాతోటీ రాయే
మన
ఎంకటేశరుణ్ణి ఎల్లీ సూసొద్దాము
ఎంకీ నాతోటీ రాయే

ఆవుల్ని, దూడల్ని
అత్తోరి కాడుంచి,
మూటా ముల్లె గట్టీ
ముసలోళ్లతో సెప్పి

ఎంకీ నాతోటీ రాయే..

కొండామెట్లన్నీ
నీ కొంగట్టుకెక్కాలి
ఎంకీ నాతోటీ రాయే...

రేతిరి
పగటేల
రెప్పెయ్యక ఎంకీని
సల్లంగ సూడమని
సామీతో సెప్పాలి
ఎంకీ నాతోటీ రాయే...
మన
ఎంకటేశరుణ్ణి ఎల్లీ సూసొద్దాము
ఎంకీ నాతోటీ రాయే

 

సేకరణ

ఎల్లెమ్మ జిలేబి

గరిక వలస

 

గరిక వలస

వర్షాకాలం, ఈ ఇంటిమీది కాకి ఆ ఇంటిమీదికి వెళ్లలేదు. ముసురు. రెండురోజులై కొంచెము తెరిపియిస్తోంది. కోడి పందాలు; పాటేళ్ళపోట్లాటలు: పులితో కుస్తీలు~~ గరిడీసాములు మొదలైన విద్యలు జరగడం మొదలయ్యేయి. బోనులో పులిని వదరి కుస్తీపడుతూ ఉండే రోజులు. అందుచేత పులివేట ఎక్కువగా ఉండేది.

వర్షం వచ్చిన దగ్గరనుంచి రాజుగారికి కొంచెం సుస్తీగా ఉంది. ఆరోజునే దర్బారు తీర్చిఉన్నారు. ఆయన పులి వేటలో నేర్పరి.

"మహాప్రభూ ! నే నొక జ్యోతిష్కుణ్ని."

"ఇప్పుడు అవుసరం లేదు. కందా లో భోంచేస్తూ ఉండండి."

"వైద్యరత్నంగారు శరీరానికి కేవలం మందులే కావాలంటారా " అని రాజుగారు అడిగేరు.

"అవును. అందులోనూ వనమూలికలతో తయారు చేసే మందు గుణం పిలిస్తే పలుకుతుంది. ప్రాణం పోతూన్నవారికి యివ్వగా బాగైనవా రున్నారు. సంజీవకరణి, సంధానకరణి అమోఘమైన వనమూలికలు."

"ఉపవాసం వుంటే ఏమందూ అక్కరలే దంటారు."

"అది అలవాటు చేసుకుంటే అక్కరలేదు."

"పరిపాలన ఉపవాసంలో సాగుతుందా?"

"తమబోటివారికి కాదు. ఉపవాసము అంటూ, రేపు కూడా నిరాహారంగా ఉంటే మంచిది, ఎల్లుండినుంచి భోజనం చెయ్యవచ్చు. వర్షం తగ్గుతుందని పంచాంగంలో ఉంది" అన్నారు వైద్యరత్నంగారు.

"వర్షం తగ్గకపోతే ఉపవాసమేనా" అన్నారు రాజుగారు.

రత్నంగారు ఏదో చెప్పబోయేరు.

రాజుగారు వినిపించుకోక, సిద్ధాంతిగారితో. —"ఏమండీ నేను రేపు అన్నం తింటానా? లేదా?"

"పొడన్నము... పచ్చడి తింటారు ప్రభూ"

కోసం వచ్చింది రాజుగారికి "నిజం కాకపోతే మీకు శిక్ష.."

"శాస్త్రం అబద్ధం కాదు ప్రభూ!"

వంటవాణ్ని పిలిపించి తొమ్మిది పిండివంటలు చెయ్య మన్నారు.

తెల్లవారింది. కొంచెం వర్షంగా ఉంది. పశువులను పైని కట్టి ఉండగా పెద్దపులి ఒకటి వచ్చి ఒక పశువును ఎత్తురుపోయింది అని మిరపకాయ టపాద్వారా ఫిర్యాదు వచ్చింది.

రాజుగారు బయలు దేరడానికి సిద్ధంగా ఉన్నారు. గాలి సాగింది. రాజుగారికి పట్టుదల ఎక్కువైంది. ఇరవై మైళ్ళ దూరం ఆడవి. దారంతా వెతికిస్తూ అడవి చేరేరు. వర్షం ఎక్కు ఎక్కువైంది. డప్పులు కొట్టించారు. పులి కనిపించింది. వెంబడించారు రాజుగారు. వర్షం జోరైంది. పులిని తరుముతూ ఉన్నారు రాజుగారు. ఎంతదూరం వెళ్ళిందీ తెలియలేదు. మనిషి మనిషీ కనిపించడం లేదు. సర్దారును కేకేసేరు. అందలేదు. పచ్చగా పులి కనిపించింది.

కొట్టేరు. మీదికి రాబోయింది దెబ్బ బాజూటయి, తప్పించుకొని మళ్ళా కొట్టారు. కింద  పడ్డది. 

కనుచూపు మేర  ఏమీ కనిపించలేదు.

 కొంతసేపు నడిచి ఆయాసంతో ఒక చెట్టుక్రింద కూర్చున్నారు. నిద్ర పట్టింది. కొంతసేపటికి తెలివొచ్చింది. వర్షం వెలిసింది. ఆకలి తీవ్రంగా ఉంది.

సూర్యబింబంకోసం చూచేరు. రాత్రికి యాముంది. లేచి కొంత సేపు నడిచేరు. దూరాన గుడిసెలు కనపడ్డాయి. ఆయాసంతో బయలు దేరేరు. గుడిసెలో దూరి "అవ్వా! ఆకలి వేస్తోంది.... వేటకు వచ్చేను. పులి చచ్చింది." అన్నారు.

"బతికేము — నీకడుపు చల్లగ — నీయిల్లు వెయ్యిళ్ళ మొదలై...." అంటూ, "మూడుగంటలైంది..... పొద్దుట పది గంటలకి వండిన వంట..." అని చెప్పుతూ "ఒట్టి అన్నము ఎలాగ పెట్టను" అనుకొని, "గరికె చిగుళ్లు ఒంటికి మేహ శాంతి అని వేదాల్లోకూడా చెప్పేరు అని మావారు పచ్చడిచేయించుకొని తినేవారుకదా" అని వెంటనే గరిక చిగుళ్లు తెచ్చి పచ్చడి చేసి పెట్టింది.

రెండు కలశాలు తిన్నారు. హైరాణా తగ్గింది. సిద్ధాంతిగారి మాటలు జ్ఞాపకం వచ్చి పక్కున నవ్వుకున్నారు.

"ఎందుకు నవ్వుతున్నావు? పచ్చడి బాగులేదా ? ఏమీ లేక గరికాలు తెచ్చి పచ్చడిచేసేను."

రాజుగారికి ఆశ్చర్యం, అభిమానం రెండూ కలిగేయి. అవ్వ ఆదరానికి మురిసిపోతున్నారు.

ఇంతట్లోకి రాజుగారి సేన వెతుక్కుంటూ వచ్చింది.

అవ్వ కొయ్య అయి పోయింది. అంతా బయలుదేరేరు దేవిడీకి. సిద్ధాంతిగారికి గొప్ప బహుమానం ఇచ్చి ఆస్థాన విద్వాంసులుగా నియమించేరు.

అవ్వకి ఒక మాన్యం యిచ్చేరు. దానికి “గరికవలస" అని పేరు పెట్టేరు. ఇప్పటికీ అదే వాడుక.

రచయిత
నిడుదవోలు సూర్యనారాయణ.

సేకరణ

జిలేబి

శోధిని‌ స్పీడు ధనాధన్ :)

 

శోధిని‌ స్పీడు‌ ధనాధాన్ :)

ఎల్లెమ్మ జిలేబి

రాకాసి జిలేబి :)

 

రాకాసి జిలేబి :)

ఎల్లెమ్మ జిలేబి :)

సాధనమున పనులు సమకూరు ధరలోన

 

సాధనమున పనులు సమకూరు ధరలోన 

ఎల్లెమ్మ జిలేబీయము

దురదస్య దురదః

 

దురదస్య దురదః

జిలేబీయము

నిస్వార్థ సేవాతత్పరత

 నిస్వార్థ సేవాతత్పరత

జిలేబీయము

ఒంటి కన్ను రాజు కథ

 

ఒంటి కన్ను రాజు కథ 

జిలేబి

మిడతలు బాబోయ్ మిడతలు

 

మిడతలు బాబోయ్ మిడతలు 

మిడతల అద్భుతం 

జిలేబి

సమస్యా పూరణలు

 

విప్రలంభ శృంగార యోగ్విదథ ! రామ !

సుప్రసన్న! సీతారామ ! శుభములమర 

గా ప్రపత్తిని మొక్కెద కౌసలేయ

మత్ప్రభో!పాహి పాహిరామ! కపిరథుడ!

ఎల్లెమ్మ జిలేబీయము

బ్లాగు విడిచేస్తున్నా

 బ్లాగ్ సన్యాసం

 నే  పోతా చెప్పింది జిలేబి

ఎక్కడికోయ్ ?

ఈ బ్లాగు లోకం విడిచి పోతా

ఎందుకోయ్ ? అడపా దడపా రాస్తూండు ; చదివిన వాళ్ళు చదువుతారు ; నీ లాంటి టైము ఉన్న వాళ్ళు కామెంటు తారు ; నీకూ టీం పాస్ అండ్ టైం పాస్.

అన్నీ వదిలి ఇట్లా పోతా నంటావె మరి ? నీ వెలా కాలం గడుపుతావ్ ?

లేదు నేను సన్యాసం స్వీకరించి వెళ్లి పోతున్నా . అంతర్జాలం అన్నది లేని ప్రదేశానికి .
నిశ్చయించుకున్నా.

అయ్యరు గారు అడిగేరు - ఎక్కడి కి వెళతా వోయ్ ?

ఏ హిమాలయాలకో తుంగా తీరానికో ఏ కోన లో కో అసలు నన్ను ఈ అంతర్జాలం తాక నంత దూరానికి వెళ్లి పోతా .
ఈ ఎలక్ట్రానిక్ ప్రపంచానికి దూరంగా, సెల్ ఫోన్ సిగ్నల్ కూడా అందని చోటికి, తొందరలో వెళిపోవాలని నిశ్చయించుకున్నా.


నువ్వెళ్ళి పొతే నీ రెగ్యులర్ బ్లాగ్ రీడర్ల ఏమయి పోతారు జిలేబి ? పాపం తెల్లారి లేస్తే నీ టపా కసమిసలు చదవందే వాళ్లకి పొద్దు పోదే మరి ? వాళ్ళని 'పని లేని' వాళ్ళు గా చేసేసి వెళ్లి పోతే ఆ కర్మ ఫలం నీకు చుట్టు కుంటుంది సుమా !'

ఆ నోరు తెరిచా . ఈ అయ్యరు గారు ఎట్లా అయినా మాట్లాడ టానికి తగుదురు ! వీరి మాటలని వినకూడదు గాక విన కూడదు . వెళ్ళా ల్సిందే మరి

పెట్టా బేడా సర్దు కున్నా . పోతూ పోతూ ప్చ్ పాపం మన రీడర్లు ఏమి పోతారో అన్న బెంగ పట్టుకుంది . సర్లే ఓ టపా కొట్టి పోతా నను కుని ఓ టపా కొట్టింది జిలేబి - నే వెళ్లి పోతున్నా ఈ పంచ దశ లోకం విడిచి పెట్టి అని.

టపా పెట్టెక చూసింది జిలేబి ; సరే కామెంట్లు ఏమి వచ్చాయో చూసి నాలుగు రోజులు తరువాయి వెళ్దాం లే అనుకుంది .

నాలుగు రోజులు గడిచేయి

యథా ప్రకారం గా కామెంట్లు వచ్చి పడ్డేయి

కామెంట్లు వస్తున్నాయి - ఆయ్ జిలేబి ఇట్లా ఒకే మారు వెళ్ళ మాకు కావాలంటే రెష్టు తీసుకో ఆ పై తిరిగి వచ్చేయి

ఆయ్ జిలేబి నీ టపా చదవందే నాకు పొద్దు గడ వదు వగైరా వగైరా ...

జిలేబి ఆలోచనలో పడింది . ఇప్పుడేం చెయ్యాలి ? అయ్యరు గారితో నొక్కి వక్కాణించే సా నే వెళ్లి పోతా నని ?

ఇప్పుడు ప్చ్ ప్చ్ ఈ బ్లాగర్ల ని కష్ట పెట్టి వెళ్ళా ల్సిందే నా మనం ?

రాత్రి గడిచింది ... తెల్లారి ఓ నిర్ణయానికి వచ్చేసింది జిలేబి .....

***

"నిర్ణ యించేసు కున్నా. ఫైనల్ గా వెళ్లి పోవడాని కే - బ్లాగు సన్యాసం స్వీకరించ డానికే ఈ ఎలక్ట్రానిక్ ప్రపంచానికి దూరంగా, సెల్ ఫోన్ సిగ్నల్ కూడా అందని చోటికి వెళ్లి పోతున్నా"  పెట్టా బేడా సర్దేసుకుని అయ్యరు గారితో ఖరా ఖండి గా చెప్పేసింది జిలేబి

'ప్చ్ ప్చ్ అని అయ్యరు గారు 'సరె లేవే జిలేబి వెళ్లి, రా ' అన్నారు

'వెళ్లి మళ్ళీ రావడమే. అబ్బే వెళ్ళడమే ఇక అంతే '

సర్లే . యథో కర్మః అని .. పోయి రా . ఆల్ ది బెష్టు ! దీవించేరు అయ్యరు గారు జిలేబి ని .

జిలేబి అయ్యరు గారికి ప్రణామములు తెలిపి తూరుపు దిక్కు తిరిగి దండం పెట్టి ఉత్తర దిశ గా హిమోత్తుంగ పర్వత దిశ గా బయలు దేరింది .

^^^^

హిమాలయా పర్వత శ్రేణులు .

'జగద్గురు శ్రీ శ్రీ శ్రీ ముఖపుస్తాకా నందా స్వామి ఆశ్రమం'

బోర్డు చూసి ఆశ్రమం లోకి కాలు పెట్టింది జిలేబి .

ఫ్రెష్ గా నున్న గా షేవింగ్ చేసుకున్న ఒక స్వామీ జీ వారు ఎదురోచ్చేరు .

చూడ్డా నికి మరీ చిన్న పిల్లాడిలా ఉన్నాడే ఈ స్వామీ అనుకుంది జిలేబి  స్వాములోరికి వయసు తక్కువైతే ఏమి మరి ఉండ కూడదా అనుకుని 'దండాలు స్వామీ దండాలు ' చెప్పింది జిలేబి .

స్వామీ వారు ఓ మారు తలపంకించి - 'వెల్కం టు అవర్ కుబేరా పార్క్ - ఇది స్వామీ ముఖ పుస్తకానందా వారి ఆశ్రమం ' అన్నారు .

జిలేబి పులకరించి పోయింది స్వామీ వారి స్వాగతానికి .

'నా పేరు జిలేబి నేను సన్యాసం తీసుకోవాలను కున్నా అందు కని ఈ వైపు వస్తోంటే మీ ఆశ్రమం కనబడింది  ... '

చెప్పింది జిలేబి .

అంతా పర దేవత ఇచ్చ ! మీ రాక మా స్వామీజీ వారికి చెబుతా ' అంటూ ఆ కుర్ర సన్యాసి ఆశ్రమం లో పల వున్న ఓ మాడరన్ బంగ్లా లాంటి చీఫ్ స్వామీ వారి ప్రార్థనా గుహ లో కి వెళ్లి ఓ ఐదు నిముషాల లో తిరిగి వచ్చేడు మరో సుందరి తో .

అబ్బా ఈ అమ్మాయి ఎంత నాజూగ్గా ఉందో అనుకోకుండా ఉండ లేక పోయింది జిలేబి తన భారీ శరీరాన్ని చూసు కుంటూ . చ చ చ ఈ అయ్యరు గారు పెట్టె తిండి తిని ఇట్లా బలుపు ఎక్కువై పోయి ఇట్లా లావై పోయి ఉన్నా. ఇక ఆ పై వార్ధక్యం కూడా వచ్చి పడిందా యే . ఎట్లా అయినా ఈ ఆశ్రమం లో సేద దీరి ప్రతి రోజూ ఉప్మా వాసం చేసైనా సరే సన్న బడి నాజూకు గా తీగలా తయారై పోవాలనుకుంది జిలేబి

ఆ కుర్ర స్వామీ ఈ నాజూకు అమ్మాయి ని పరిచయం చేసేరు - ఈ అమ్మాయి పేరు 'ట్వీటరీ దేవి - ఈవిడ మిమ్మల్ని స్వామీ వారి దగ్గరికి తీసుకు వెళుతుంది . ' చెప్పేడు ఆ కుర్ర స్వామీ.

స్వామీ మీ పేరు చెప్పేరు కారు అడిగింది జిలేబి .

'యు నో హి ఈజ్ యు ట్యూబానందా స్వామీ' కలకంటి ట్వీ టరీ దేవి తేనె లోలి కే కంఠం తో  గారాలు పోయింది స్వామీ వారి మీద వాలి పోతూ .

జిలేబి కి ఎందుకో ఇది కొంత  ఎబ్బెట్టు గా అనిపించింది . అదేమిటి ఈ అమ్మాయి ఇట్లా వాలి పోతోంది సభ్యత లేకుండా ! ఇది ఆశ్రమం కూడాను మరి  అనుకుంటూ .

ఆ ట్వీట రీ దేవి జిలేబి ఆలోచనలు టప్ మని పట్టేసి --> 'ఆంటీ ' యు నో యూ ట్యూబ్ ఆనందా 'is' మై ఎక్స్ బాయ్ ఫ్రెండ్ ' అంది ! ఆ మాటలు జిలేబి కి అప్పటి అర్థం కాలేదు --> 'How can an ex-boyfriend be 'is' !  :)

***

కోమలాంగి ట్వీటరీ దేవి స్వామి వారి సన్నిధి కి వెళ్ళే దారిలో మరో ఇద్దరు ముగ్గురు 'స్వామీ' సోదరీ సోదరులను పరిచయం చేసింది జిలేబి కి ...

వీరు పరివ్రాజ జీమైలానందా  వారు- మన ఆశ్రమ ఉత్తర ప్రత్యుత్తరా లన్నీ వీరే చూస్తూ ఉంటారు 

ఈవిడ అక్షరాముద్రితమాయి, మన ఆశ్రమ కంటెంట్ మేనేజ్ మెంట్ స్పెషలిస్ట్

ఈ 'యంగ్' అశ్రమ వాసిని...  ఇవ్వాళే స్వామీ వారు ఈవిడకి దీక్ష ఇచ్చేరు  "సమ సంఘ గాలాక్షీ పంచముఖీదేవి మాయి !"

అబ్బా స్వామీ ముఖ పుస్తకానందా వారికి ఎంత 'జ్ఞాన మో '! ఆ ట్వీటరీ దేవి నిజ్జంగా బుగ్గన వేలు పెట్టు కోవడం ఒక్కటే తక్కువ మరి !

జిలేబి అదిరి పడింది. తాను పొరబాటున మళ్ళీ అంతర్జాలం లో కి వచ్చేసిందా ? అన్నీ మరీ తెలిసిన పేర్ల లాగే ఉన్నాయే మరి ?

ఆ ఈ హిమాలయాల్లో అస్సలు సెల్ ఫోన్ పని చేయని ప్రాంతాల్లో అంతర్జాలం ఎట్లా ఉంటుంది ? తనది భ్రమ ! అంతా విష్ణు మాయ ఈ పేర్లన్నీ తనకు తెలిసినవి లా ఉండడం కూడా మాయే !

తను ఈ మాయాజాలం నించి బయట పడ డానికే గదా హిమాలయానికి ఈ ఆశ్రమానికి వచ్చింది !?

మాడరన్ డెన్ ధ్యాన గుహ లో స్వామీ ముఖ పుస్తకానందా వారు తన 'wall' మీద కాళ్ళ మీద కాళ్ళు వేసుకుని చిరునవ్వులు చిందిస్తూ చిద్వాలసంగా కూర్చుని ఉన్నారు
 
'ఆహా స్వామి వారి ముఖం ఎంత 'తేట తెల్ల' గా ఉన్నది జిలేబి అబ్బుర పడింది . కొద్దిగా మరింత గమనికగా గమనిస్తే ఫేషియల్ చేసుకుని ఉన్నారేమో అని పించింది

మరీ మేకప్ వేసుకుని ఏమైనా ఉన్నారా ? అబ్బే అంతా విష్ణు మాయ ! అసలు తన బుర్ర సరి లేదు  జిలేబి తన్ను తానే నిందించు కుంది చ చ కైలాసం వచ్చిన తన జిలేబి బుద్ధులు పోలే మరి అనుకుంటూ !

స్వామీ ము.పు ఆనందా వారు చిరు నవ్వు నవ్వేరు ! - జిలేబీ మీరు ఇక్కడి వస్తారని నాకు తెలుసు !  చెప్పే రాయన .

వామ్మో ! ఈ స్వామీ మరీ త్రికాలవేది లా ఉన్నాడే ! తన పేరు కూడా ఈయనికి తెలుసు !

'మీరు ఇక్కడి కి రావడం అంతా 'పరదేవత' ఇచ్చ !' స్వామీ వారు చెప్పేరు ' నిన్నే మా కేంపస్ నించి ఒక ఎనభై ఏళ్ల అమెరికన్ భక్తుడు - బ్లాగా నందా అమెరికా వెళ్లి పోయేడు తనకు 'ఫాదర్ లేండ్' చూడా లని ఉందని '

అప్పుడే అమ్మ చెప్పింది --> నో ప్రాబ్లెం ముఖ్ పుస్తక్ బేటా - ఒక  old lady జిలేబి రేపే నీ చెంతకు వచ్చును ' అని !

జిలేబి ఈ త్రికాల వేదాన్ని విని సంతోష పడ్డది గాని --> తన్ని old lady అనడం నచ్చలే !

ప్చ్ ప్చ్ ఇట్లా ఓల్డ్ అయిపోతూ ఉంటే ఎట్లా !

స్వామీ వారు ట్వీటరీ దేవిని దగ్గరకి పిలిచి చెప్పేడు  -  'ఈ జిలేబి వారికి మన ఆశ్రమాన్ని చూపించి ఆ పై ఆ బ్లాగు రూములో సెటిల్ అయి పొమ్మని చెప్పు --> నిన్నటి నించి అస్సలు మన ఆశ్రమ బ్లాగు అప్డేట్ లేకుండా పోయింది --> ఇది మరీ అర్జెంట్ ' అన్నాడు .

ఆ దేవి తిరిగి వస్తూంటే మళ్ళీ పిలిచి ఏదో గుస గుసలాడేడు -- అవి గుస గుసలా లేక ముద్దు ముచ్చట్లా అని జిలేబి కి సందేహం వచ్చినా ఛీ ఛీ ఇవన్నీ విష్ణు మాయ అంశాలే అనుకుంది .

జిలేబి కి వయసు ఎక్కువైనా ఇంకా చెవులు పాము చెవులే --> స్వామీ వారి చుంబన మాటలు విన బడ్దేయి -->

'ట్వీటర్ దేవి--> ఈవిణ్ణి ఆ బ్లాగు రూమ్ నించి బయటకు రానీ కుండా చూసుకో ! మన ఆశ్రమం 'వృద్ధాశ్రమం ' అని పేరు వచ్చే బోతుంది I dont want that to happen --> we are youngish you know!" అన్నాడు !

జిలేబి అదిరి పడింది --> స్వామీ వారితో ఏదో చెప్ప బోయింది --> స్వామీ వారు చేయి గుమ్మం వైపు చూపిస్తూ --> యు ఆర్ డిశ్ మిస్డ్ అన్నాడు --> తన ఆపిల్ 'లేపతాపమును ' ఓపెన్ చేస్తూ !

హా హత విధీ అని జిలేబి మూర్చ పోయి ' Oh My God' ఇక్కడ కూడా అంతర్జాలమే నా !' అని ఎలుగెత్తి పైనున్న భగవంతుణ్ణి పిలిచింది

పై నించి ఆకాశ వాణి సమాధానం వచ్చింది -

" God 'is' no more willing to answer distress calls - you can send your issues by mail only send to God at gmail dot com - When He has time he will reply, now shut your mouth and go back to open your mail Aashram updates blog"





చీర్స్
జిలేబి :)

కాళిదాసు - అహంకార పతనం

 

కాళిదాసు - అహంకార పతనం

ఎల్లెమ్మ

ఐ.ఐ.టి కుర్రాడు- కిరాణా కొట్టు

 

ఐ.ఐ.టి కుర్రాడు- కిరాణా కొట్టు

ఎల్లెమ్మ జిలేబీయము

సమస్య - పరిష్కారం - ఓ వనిత కథ

 

సమస్య - పరిష్కారం - ఓ వనిత కథ

ఎల్లెమ్మ జిలేబీయము

పవిత్రమైన ఆకులతో పరిహారాలు

 పవిత్రమైన ఆకులతో పరిహారాలు

ఎల్లెమ్మ జిలేబీయము

ఇందీవర దళ శ్యామా! (నీలాంబరి)

 

ఇందీవర దళ శ్యామా! (నీలాంబరి)

ఇందీవర దళ శ్యామా ఇందిరా నంద కందళా

నందలాల నవనీత చోరా నన్నేలుకోవయ్యా

నీలనభో వర్ణా నిఖిలేశ నిరుపమా

బాల గోపాలా భువన పాలా పరాత్పరా

లాలి లాలి నందనందనా లోక రక్షకా

ఇందీవర దళ శ్యామా ఇందిరా నంద కందళా

నందలాల నవనీత చోరా నన్నేలుకోవయ్యా

యశోద నందన యాదవ కుల భూషణా

విశద చంద్ర వదనా వేణు గాన లోలా

కుశలముగ పవళించుమా కోమల గాత్రా

పశుపాల పాండవ ప్రియా పాహి మాం కృష్ణా

ఇందీవర దళ శ్యామా ఇందిరా నంద కందళా

నందలాల నవనీత చోరా నన్నేలుకోవయ్యా

గోవర్ధనోద్ధర గోకుల పాలకా

దేవకీ వసుదేవ నందనా దేవ దేవా

నీవే గతి నాకు నిత్య సంరక్షకా

భావుకతతో నిను భజింతు భక్తి నిండుగా

ఇందీవర దళ శ్యామా ఇందిరా నంద కందళా

నందలాల నవనీత చోరా నన్నేలుకోవయ్యా

శరణే శరణు నీకు సర్వాంతర్యామీ

కరుణామయా కల్మష నాశనా కాపాడవా

నిరంతరము నీ నామమే నా ఊపిరి

పరమ పురుష పావన! పరాత్పర!

ఇందీవర దళశ్యామ మిందిరానంద కందళమ్

వందారు జనమందారమ్ వందేహం యదునందనమ్

ఇందీవర దళ శ్యామా ఇందిరా నంద కందళా

నందలాల నవనీత చోరా నన్నేలుకోవయ్య!

ఎల్లెమ్మ జిలేబీయము

మనసా నిలువవె‌(భైరవి)

 మనసానిలువవె - bh"AI"ravi

మనసా నిలువవె తిరముగా నిలువవె

దృఢమై వేరూనిన భృంగి వలె నిలువవె

గాలికి వంగినా విరగని కొమ్మవు నీవోయీ

గాయమేది తాకినా గట్టిగా నిలిచే హృది నీవోయీ

నీలోని నిశ్శబ్దమే నీ బలమోయీ

నిరంతరమైన నీవే నీవయీ

వేళ్ళు పాతుకొనిన రీతి నిలువవోయీ

వేసవి తాకినా చెదరని చెట్టువు నీవోయీ

కదిలే నదిలోని లోతును చూడగలవోయీ

కదలని కేంద్రమును నీలో కనుగొన గలవోయీ

మనసా నిలువవె తిరముగా నిలువవె

దృఢమై వేరూనిన భృంగి వలె  నిలువవె

ప్రతి ఉదయం ఒక్కసారి ఆగవోయీ

నీ లోపలి ప్రశాంతత తెలుసు కొనవోయీ

నిమిష మొక్కటైనను నీలో నిలువవోయీ

నిజమైన నీవు నీకే కనబడెదవోయీ

మనసా నిలువవె తిరముగా నిలువవె

దృఢమై వేరూనిన భృంగి వలె నిలువవె

ఆకులు రాలినా అచలముగా నిలువవోయీ

ఆందోళన తాకినా చెదరక నిలువవోయీ

మారే కాలములో మారని దానవోయీ

మది లోతులలో మణివలె మెరువవోయీ

మనసా నిలువవె తిరముగా నిలువవె

దృఢమై వేరూనిన భృంగి వలె నిలువవె

పంచ పాషాణాలు !

 

పంచ పాషాణాలు 

పాహిరా, మత్ప్రభో! పాహి పాహి రామ!

 

విభీషణ శరణాగతి

పాహిరా, మత్ప్రభో! పాహి పాహి రామ!

దాసుని బ్రోవుమయ్య దయామయ రామ!

రావణు సోదరుడను, రాక్షస కులజుడను —

నీ పాదముల చెంత నిలచితి రామా!

నీవే నా దైవమని నెరనమ్మితి రామా!

దయాసాగరా! దశరథ రామా!

లంకలో ధర్మము లావు తగ్గె నయ్యా!

సీతమ్మ వేదనకు చలించితి నయ్యా!

అన్నను వారించిన అవమానమె నయ్యా!

నీవే సత్యమని నిశ్చయించితి నయ్యా!

పాహిరా, మత్ప్రభో! పాహి పాహి రామ!

దాసుని బ్రోవుమయ్య దయామయ రామ!

సాగరమే అడ్డొచ్చె, సాహసించితిని!

వానర వీరులు వారించిరి నన్నిక్కడ!

హనుమ వాక్కే హృదయమ్ముల మార్చెను!

నీ కరుణయే నాకు కవచమాయెను!

పాహిరా, మత్ప్రభో! పాహి పాహి రామ!

దాసుని బ్రోవుమయ్య దయామయ రామ!

"సకృదేవ ప్రపన్నుడు" నీవయ్య రామా!

అభయమిచ్చి ఆదరించావు నన్ను రామా!

లంకాధిపతిగ పట్టమిచ్చావు రామా!

శరణాగతి తత్త్వమే చాటావు రామా!

పాహిరా, మత్ప్రభో! పాహి పాహి రామ!

దాసుని బ్రోవుమయ్య దయామయ రామ!

జాతి కులమేదైన జంకడు  రాముడు 

పాప పుణ్యముల లెక్క పెట్టడు రాముడు

నమ్మి శరణు జొచ్చిన వాని నెడబాయడు రాముడు

విభీషణుని కథయే శరణాగతి సారమరయవే 

"సకృదేవ ప్రపన్నాయ తవాస్మీతి చ యాచతే ।

అభయం సర్వభూతేభ్యో దదామ్యేతద్వ్రతం మమ "

పాహిరా, మత్ప్రభో! పాహి పాహి రామ!

దాసుని బ్రోవుమయ్య దయామయ రామ!

ప్రేమే మతమను భావన రానీ

 

ప్రేమయే మతమను భావన రానీయవోయ్

జిలేబి