జిలేబీ శతకం - 5

శ్రీ శ్యామలీయం వారికి శుభాకాంక్షలతో

జిలేబీ శతకం

శతక కర్త - శ్రీ తాడిగడప శ్యామల రావు గారు

బ్లాగ్ లోకం లో వీరు 'శ్యామలీయ' మై

బుజ్జి పండు తెలుగు చదువు లో దర్శన మిచ్చి న వారు

గమనిక: ఈ రచన సర్వ హక్కులు శ్రీ తాడిగడప శ్యామల రావు గారివి.

జిలేబీ టపా , కామెంటు చెండులు వీటికి ఉత్ప్రేరకాలు మాత్రమే!

ఇవి శ్రీ శ్యామలీయం గారు శ్రీ కష్టే ఫలే శర్మ గారి బ్లాగులోనూ,

మరి ఇతర బ్లాగుల్లోనూ కామెంటు రూపేణా ఇచ్చినవి.

***

రాబోవు కాలం

కం. మునువచ్చు చెవుల కన్నను

వెనుకనె పొడచుకొని వచ్చి పెరిగెడు కొమ్ముల్

మొనదేరి ధృడత నుండవె

మనుమలకే తెలివి హెచ్చు మహిని జిలేబీ

ఉపవాసం

కం. ఆరోగ్య మనుమతించిన

మేరకు నుపవాసదీక్ష మిగులహితంబౌ

తీరికగా నొక దినమున

శ్రీరమణుని గొలువనగును చేరి జిలేబీ.

'దండ' నాధా!

కం. దండను వేసిన చేతులు

దండంబును బెట్టినట్టి తరుణి కరంబుల్

ధండమ్మని చండికవలె

దండంబును తప్పకుండ దాల్చు జిలేబీ

దీవెనలు

కం. చాలవె యితిహాసంబులు

చాలదె మరి భాగవతము జదువగ హితమై

చాలదె పెద్దల దీవన

మేళులు చేకూర్చ మనకు వేగ జిలేబీ

జిలేబీ తెలుగు వ్యాఖ్య !

కం. నలభై పంక్తుల వ్యాసము

సులువుగ నా కర్థమాయె శోధించెడు నా

తల కెక్కక పొగరణచెను

కలనం తమ వ్యాఖ్య తెలుగు ఘనత జిలేబీ.

'టీతింగు' ట్వీటింగు !

కం. తాతకు కలిగే నకటా

టీతింగ్ ప్రోబ్లమ్స్ కొత్త త్రీజీ ఫోన్తో

యాతన పెట్టే టచ్ స్క్రీన్

చేతికి కళ్ళకును పనులు చెప్పె జిలేబీ.

కం. చిన్నప్పుడు పలకయె గద

యున్నది యని తాత మరచి యుండగ నకటా

నాన్నకు హైఫై పలకను

కొన్నాడు ప్రేమమీర కొడుకు జిలేబీ

బాపురే లవకుశ శ్రీ రామ రాజ్యం !

కం. చూడకనే పొగడుటయును

చూడకనే తెగడు టనెడు చోద్యములనగా

నేడుకదా కనిపించెను

వాడలవాడలను బాపు వలన జిలేబీ

కం. నాజూకుగ నను దిట్టిన

నా జుట్టును బట్టుకొన్న నచ్చని దానిన్

తేజోమయమని పొగడుట

నా జన్మకు వీలుపడదు నమ్ము జిలేబీ

కం. నా కేమో లవకుశ యును

మీకు శ్రీరామరాజ్యమే హితమగుచో

నా కెనిమిది వందలు పొదు

పై కనుబడు చుండె నేటి వరకు జిలేబీ

 

 

యా దేవీ సర్వ భూతేషు

కం. అమ్మాయి కథను చదివితి

నమ్మ దయాగుణము దలచి యానందముచే

చిమ్మెను కన్నుల నీరును

నిమ్మహి భగవతికి సాటి యెవరు జిలేబీ.

కం. ముత్తాతగారి ముచ్చట

లిత్తెరగున చదువుచుండ నెటనో మరి నా

చిత్తంబున విభ్రమమగు

నుత్తమమీ సౌఖ్యమనగ నొప్పి జిలేబీ.

కం. ముని మనుమరాలి ముచ్చట

మునుకొని యా మూగతల్లి ముచ్చటగా తం

డ్రిని తాతను ముత్త్తాతను చే

సిన ముచ్చట సంతసింప జేసె జిలేబీ.

కం. సంతోషంబుల నెరుగుట

సంతోషము నాకు నిట్టి సంతోషంబుల్

వింతలె యీ జన్మంబున

నింతకు ముందెరిగి యుందు నేమొ జిలేబీ.

కం. అందరు సంతోషంబున

నుందురు గా కెల్లవేళ నుల్లాసముగన్

చిందులు వేయగ శ్రీలా

నందముగా నందరిండ్ల ననెద జిలేబీ.

కాఫీ కాలం

కం. శివ శివ యనుచును కాఫీ

నెవరైనను చేయునెడల నీశ్వరకృపచే

నవలీలగ నమృతంబగు

చవితో లోకంబు లేల జాలు జిలేబీ.

కం. నీరసపడితే మంచి హు

షారిచ్చే పొగలసెగల చక్కని కాఫీ

సారందీయగ హాయిగ

ఊరికి పను లప్పగించు చుండు జిలేబీ

శతకం లెక్కలు

కం. ఇన్నని నియమము గలదా
యెన్నైనను వ్రాయవచ్చు నేదో శతకం
బన్నప్పు డధిక మైనను
మన్ననలో మార్పురాదు మహిని జిలేబీ

వినమ్రత

కం. బందమొ ముందరి కాళ్ళకు
నందముగా భావమమర నగు పరికరమో
ఛందం బనునది దేవుం
డందించిన శక్త్తి కొలది యగును జిలేబీ.

కం. ఛందములాడించునొ నను
ఛందంబుల తోడ నాడ జాలుదునో నే
నందముగా వ్రాయుదునో
యిందుకు కొరగానొ దేవు డెరుగు జిలేబీ

టపాకీకారణం

జిలేబి

జిలేబీ శతకం - 5

జిలేబీ శతకం

శతక కర్త - శ్రీ తాడిగడప శ్యామల రావు గారు

బ్లాగ్ లోకం లో వీరు 'శ్యామలీయ' మై

బుజ్జి పండు తెలుగు చదువు లో దర్శన మిచ్చి న వారు

గమనిక: ఈ రచన సర్వ హక్కులు శ్రీ తాడిగడప శ్యామల రావు గారివి.

జిలేబీ టపా , కామెంటు చెండులు వీటికి ఉత్ప్రేరకాలు మాత్రమే!

ఇవి శ్రీ శ్యామలీయం గారు శ్రీ కష్టే ఫలే శర్మ గారి బ్లాగులోనూ,

మరి ఇతర బ్లాగుల్లోనూ కామెంటు రూపేణా ఇచ్చినవి.

***

రాబోవు కాలం

కం. మునువచ్చు చెవుల కన్నను

వెనుకనె పొడచుకొని వచ్చి పెరిగెడు కొమ్ముల్

మొనదేరి ధృడత నుండవె

మనుమలకే తెలివి హెచ్చు మహిని జిలేబీ

ఉపవాసం

కం. ఆరోగ్య మనుమతించిన

 మేరకు నుపవాసదీక్ష మిగులహితంబౌ

 తీరికగా నొక దినమున

 శ్రీరమణుని గొలువనగును చేరి జిలేబీ.

'దండ' నాధా!

కం. దండను వేసిన చేతులు

దండంబును బెట్టినట్టి తరుణి కరంబుల్

ధండమ్మని చండికవలె

దండంబును తప్పకుండ దాల్చు జిలేబీ

దీవెనలు

కం. చాలవె యితిహాసంబులు

 చాలదె మరి భాగవతము జదువగ హితమై

 చాలదె పెద్దల దీవన

 మేళులు చేకూర్చ మనకు వేగ జిలేబీ

జిలేబీ తెలుగు వ్యాఖ్య !

కం. నలభై పంక్తుల వ్యాసము

సులువుగ నా కర్థమాయె శోధించెడు నా

తల కెక్కక పొగరణచెను

కలనం తమ వ్యాఖ్య తెలుగు ఘనత జిలేబీ.

'టీతింగు' ట్వీటింగు !

కం. తాతకు కలిగే నకటా

టీతింగ్ ప్రోబ్లమ్స్ కొత్త త్రీజీ ఫోన్తో

యాతన పెట్టే టచ్ స్క్రీన్

చేతికి కళ్ళకును పనులు చెప్పె జిలేబీ.

కం. చిన్నప్పుడు పలకయె గద

 యున్నది యని తాత మరచి యుండగ నకటా

 నాన్నకు హైఫై పలకను

 కొన్నాడు ప్రేమమీర కొడుకు జిలేబీ

బాపురే లవకుశ శ్రీ రామ రాజ్యం !

కం. చూడకనే పొగడుటయును

చూడకనే తెగడు టనెడు చోద్యములనగా

నేడుకదా కనిపించెను

వాడలవాడలను బాపు వలన జిలేబీ

కం. నాజూకుగ నను దిట్టిన

నా జుట్టును బట్టుకొన్న నచ్చని దానిన్

తేజోమయమని పొగడుట

నా జన్మకు వీలుపడదు నమ్ము జిలేబీ

కం. నా కేమో లవకుశ యును

మీకు శ్రీరామరాజ్యమే హితమగుచో

నా కెనిమిది వందలు పొదు

పై కనుబడు చుండె నేటి వరకు జిలేబీ

యా దేవీ సర్వ భూతేషు

కం. అమ్మాయి కథను చదివితి

 నమ్మ దయాగుణము దలచి యానందముచే

 చిమ్మెను కన్నుల నీరును

 నిమ్మహి భగవతికి సాటి యెవరు జిలేబీ.

కం. ముత్తాతగారి ముచ్చట

 లిత్తెరగున చదువుచుండ నెటనో మరి నా

 చిత్తంబున విభ్రమమగు

 నుత్తమమీ సౌఖ్యమనగ నొప్పి జిలేబీ.

కం. ముని మనుమరాలి ముచ్చట

 మునుకొని యా మూగతల్లి ముచ్చటగా తం

 డ్రిని తాతను ముత్త్తాతను చే

 సిన ముచ్చట సంతసింప జేసె జిలేబీ.

కం. సంతోషంబుల నెరుగుట

 సంతోషము నాకు నిట్టి సంతోషంబుల్

 వింతలె యీ జన్మంబున

 నింతకు ముందెరిగి యుందు నేమొ జిలేబీ.

కం. అందరు సంతోషంబున

 నుందురు గా కెల్లవేళ నుల్లాసముగన్

 చిందులు వేయగ శ్రీలా

 నందముగా నందరిండ్ల ననెద జిలేబీ.

కాఫీ కాలం

కం. శివ శివ యనుచును కాఫీ

నెవరైనను చేయునెడల నీశ్వరకృపచే

నవలీలగ నమృతంబగు

చవితో లోకంబు లేల జాలు జిలేబీ.

కం. నీరసపడితే మంచి హు

షారిచ్చే పొగలసెగల చక్కని కాఫీ

సారందీయగ హాయిగ

ఊరికి పను లప్పగించు చుండు జిలేబీ

శతకం లెక్కలు

కం. ఇన్నని నియమము గలదా
యెన్నైనను వ్రాయవచ్చు నేదో శతకం
బన్నప్పు డధిక మైనను
మన్ననలో మార్పురాదు మహిని జిలేబీ.

టపాకీకారణం

జిలేబి

కొసమెరుపు  జిలేబీయాలు !

శ్రీ కంది శంకరయ్య గారి జిలేబీయం

పతియె బ్లాగులోకమ్మున గతి తెలియక
మునిగియుండ జిలేబియై ముద్దు లొలుక
కొంటె కామెంట్లతో సదా వెంట నంటి
పతిని హింసించు కాంతయే పరమ సాధ్వి.

పురాణ పండ వారి జిలేబీయం

అందమైన సంగతులను
కందములుగ పద్యం కట్టి
నందున వానిని శతక
మందుము ముదమున జిలేబీ

ఇతివృత్తములు భిన్నములు
నాతినలరించు విషయములు
యే తీరున దృశ్యీకరించుట
కత్తిపీటకేల దురద జిలేబీ

శ్రీ లక్కాకుల వారి జిలేబీయం

కాదు పద్యమ్ము వ్రాయుటే ఘనత - కవికి
భావ పటిమయే ప్రతిభకు పట్టు గొమ్మ

శ్రీ జిలేబికి కారాదు చేవ లేని
ఛందముల చట్రముల్ భావ బంధనములు

బ్లాగ్ లోక కవీశ్వరులకు ప్రణామములతో

జిలేబి.

పడమటి సంధ్యా రాగం !

పచ్చని చేలు

డమరుక నాదం

మగువల మురిపాలు

టింగు రంగా బడి పిల్లలు

సందె వేళ గూటి దీపాలు

ధ్యాన మైన కను దోయి

రామచిలుకల  కిల కిలలు   

గంటా రావముల గుడి గంటలు



జిలేబి.
(ప్చ్, పడమటి సంధ్యా రాగంలో అన్నీ హుష్ కాకీ)

గూగల్ ప్లస్ లోకము వెర్సెస్ బ్లాగు లోకము !

పూర్వ కాలం లో నారదుల వారు త్రిలోక సంచారం చేస్తూ ఒక లోక సమాచారాన్ని వేరొక లోకం లోకి మార్చి, తార్చి, వార్చి కొండొకచో మసాలా దట్టించి, నశ్యం పట్టించి, కలహ భోజనము చేసేవారని చదివినప్పుడు నాకు చాలా హాశ్చర్య మని పించేది.

జిలేబీ, ఒక లోకం లో నే మన వల్ల అలా ఇలా సంచారం చెయ్యడం కనా కష్టం గా ఉందే, ఈ నారదుల వారు, మన ప్రియతమ గురువులు ఈలా త్రిలోకాలు ఎలా సంచారం చేస్తారబ్బా అని తెగ సందేహం వచ్చేది.

నా ఆ ఆలకింపులను మన్నించి ఆ సామి నా కు ఈ జన్మ లోనే ఈ విషయాన్ని అర్థం చేసు కోవడానికి ఒక సదవకాశం ఈ 'e' లోకం లో ఇచ్చాడు !

అదేమిటంటారా , ఈ బ్లాగు లోకం లో వచ్చినప్పుడు అలా అప్పుడు అప్పుడు రాసే వారము. ఆ పై మా మన మోహనుల వారు, జిలేబీ, నువ్వు వనారణ్యాలని ఏలింది చాలు గాని, నీకు రిటైర్మెంటు ఇచ్చితి మీ బో అని ఇంటికి తరిమేక, అప్పటి దాకా హై వోల్టేజీ లో పనిచేసిన జిలేబీ, లో వోల్టేజీ కి వచ్చింది.,

మా జంబూనాధన్ కృష్ణ స్వామీ అయ్యరు గారు కూడా, ప్లేటు ఫిరాయించి, జిలేబీ, నీకు ఉన్న ఉద్యోగం అయిపోయే, కాబట్టి మళ్ళీ కిచను నువ్వే చూసుకో అని వారూ వంట గదికి పదవీ విరమణ చేసేరు.

వంట గది లో నే  లాపు టాపు పెట్టి, ఆవ్వాల్టి వంట లకి అవ్వాళే రెసిపీ లు ఇంటర్నట్ లో కనిబెట్టి దానితో బాటు టపాలు బర బర గీకేసి, కామెంటు కారాలు మిరియాలు రుబ్బి వంట చేసేది జిలేబీ.,

హాశ్చర్యం గా అప్పుడప్పుడు బ్లాగు లోకం లో సీనియర్స్ మేము అలాగా గూగుల్ బజ్జు లో ఈ లా బజ్జామండీ అని అంటే curiosity killed the cat చందాన అప్పుడే తెలుసుకున్నా బ్లాగు లోకం గాక మరో బజ్జు లోకం కూడా వున్నదని అందులో కూడా ఇక్కడి వాళ్ళు అక్కడ, అక్కడి వాళ్ళు ఇక్కడ సంచారం చేస్తూ ఉంటారని.

హవ్వా, ఈ మల్టీ లోక సంచార పాసిబిలిటి ఉండటమన్నది మన పురాణ కాలం లోనే వుందబ్బా అని నేను తెగ మురిసి పోయాను.

ఆ పై బజ్జు లు మూట కట్టి నాయని జన సందోహం బ్లాగు లోకం లోకి వచ్చారు కొంత కాలం బాటు.

ఆ తరువాయి మరో లోకం ఇప్పుడు పాపులర్ అయి పోయినట్టుంది! అదియే గూగల్ ప్లస్సాయనమః !

ఈ లోకం లో చాలా వేడిగా, వాడిగా గబ గబ కామెంటు చెండులు చేతులు మారుతున్నాయని జిలేబీ లు చుడుతున్నారని, చప్పట్లు గల గలా పారుతున్నా యని అప్పుడప్పుడు ఆ లోక సంచార వాసులు ఈ బ్లాగ్ లోకం లో తెలియ చేస్తూ, కాకుంటే వాటి గురించి ఉత్సుకతని ని కలిగిస్తున్నారు !

 సో, త్రిలోక సంచార వాసులారా ( భూలోక, బ్లాగ్ లోక, ప్లస్ లోక,...) మనమందరమూ,  పురాణ కాలం లో తెలిపిన మల్టీ లోక సంచారాన్ని మన జీవన కాలం లో అనుభవైక వేద్యం గా చవి చూస్తున్నామని దీని వల్ల గ్రహించ వలె !

అన్నీ మన పురాణాల్లోనే ఉన్నాయష !

చీర్స్
జిలేబి.

ఆచంగ గారి ప్రశ్నలు - జిలేబీ జవాబులు !

ఆచంగ గారి ప్రశ్నలు - జిలేబీ జవాబులు !

1. మగాడు ఉద్యోగం చెయ్యకుండా ఇంట్లో ఉండి పిల్లల్ని చూసుకుంటే ఆడువారికి సమ్మతమేనా?

తెగేసి నో. మా రాజ్యం లో tresspassers are liable to be prosecuted !

కాదూ, కూడదు, చెయ్యాలని ఆరాట పడితే సమ్మతం. Not instead of ఉద్యోగం but together with outside ఉద్యోగం ఇంట్లో పిల్ల లని చూసుకునే సద్యోగం కూడాను. (ఒకటి చేస్తే ఇంకోటి ఫ్రీ అన్న మాట !)

2. ఆడపిల్లలే అనే కారణం చేత స్కూల్లో తన్నులనుండి ఆఫీసుల్లో బాస్ తిట్లవరకూ మినహాయింపులు పొందటం లేదా? మగవారికలాంటి అవకాశమే ఉండదు. అతను పోరాడాల్సిందే.

అబ్బాయ్, చేసుకున్న వారికి చేసుకున్నంత! ఆ మినహాయింపులు మా జన్మహక్కు! ఆలాంటి అవకాశం అందరికీ రాదు. Its reserved for 50 percent category only! ఈ రీజేర్వషన్ కావాలని ఆశ పడితే మా  కొండ దేవరని చాలా తీవ్రం గా ప్రార్థించ వలె మరు జన్మ లో నైనా ఆడ జన్మ గా పుట్టించు స్వామీ అని. ఫో, నీ తంటాలు పడు అని మా కొండ దేవర ఒకింత కరుణ చూపితే, గీపితే, ఆ పై ఆడ జన్మ లభ్యమై తే, ఈ సౌకర్యాలు తో బాటు కొన్ని కష్ట నష్టాలు ఫ్రీ గా వచ్చును! వాటిని భరించ వలసి ఉండును!!!

3. తలకిందులుగా తపస్సు చేసినా మగాడు బిడ్డని కనలేడు. అలాంటప్పుడు మగాడే స్త్రీ రక్షణ, పోషణ బాధ్యతలు తీసుకున్నప్పుడు ఆడువారు పిల్లల పెంపకం చూసుకోవటానికి వచ్చిన బాధేమిటి?

నిన్ననే రాసాను - ఈ తలకిందులుగా తపస్సు చేసినా మగాడు బిడ్డని కనలేడు విషయం పై:
స్త్రీ వాది సంఘం జరిపిన కలియుగ
'పుత్రికామేష్టి' యాగ విచిత్రము జూతము రారె!
ఈ యాగ మహత్వము వశమున
భార్యకు మీసముల్ మొలిచె, బాపురె భర్తకు గర్భమాయెనే!

ఆయ్, మగాడే స్త్రీ రక్షణ , బాధ్యతలు తీసుకోవాలి. మేము మా జంబు వారిని కాఫీ ఆర్డర్ ఇచ్చి బుట్ట బొమ్మ గా కూర్చుంటాము! అంతే. మా టేబల్ కి కాఫీ  రావలె. ఆడు వారు పిల్ల ల పెంపకం అనగా, అయ్యవారు, పిల్లలని బాగుగా తయారు చేసి , జిలేబీ, అబ్బాయి , అమ్మాయి రెడీ అనగా వెంట నే వారిని షికారు కి తీసుకుని వెళ్లి , 'వారిని చూడండి , ఎంత ముద్దుగా పిల్లలని రెడీ చేసి షికారు కి తీసుకెళ్తున్నారో !' అని క్రెడిట్ కొట్టెయ్యడం మా గట్టి దనం!

4. ఒక ఆడది ఏడాదికి పాతిక లక్షలు సంపాదించగలిగినప్పుడు, యాభై లక్షలు సంపాదించే ప్రేమించనివాడిని చేసుకోవటమెందుకు? పనీపాటా లేకుండా  ప్రేమించటమే పనిగా పెట్టుకున్నవాడినికి ఒకణ్ణి చేసుకోవచ్చుగా?

అబ్బాయి, పాత కాలం లో వున్నట్టున్నావ్. డబ్బెవరికి చేదు పిచ్చోడా అని జంధ్యాల గారి చిత్రం లో అనుకుంటా ఒక పాట వుంది. కావున... పాతిక లక్షలు వున్నా యాభై పై కన్నులు వెయ్యడం (eye throwing) అనునది ఆడువారి సహజ నైజం ! ఒక కిలో బంగారం కన్నా రెండు కిలోల బంగారం ఎక్కువ అన్నది చాలా సింపల్ మాథ మే ట్రిక్ !!

5. సాధించి చట్లో పెడుతున్నది అత్తా-ఆడపడుచులైనప్పుడు దానికి మగాడిని పూర్తిగా బాధ్యుడిని చెయ్యటం ఎంతవరకూ సబబు? అత్తలు, ఆడపడుచులూ ఆడువారేకదా!

మానేజ్మెంటు  ఫండా ప్రకారం ప్రతి వ్రతం తప్పిన ప్రాజెక్టు కి ఒక scapegoat (తెలుగు లో బకరా అందురు) ఉండవలె. ఆ ప్రకారంబు గా...,

7. మగాడి తన్నుల గురించి మాత్రమే మాట్లాడేటప్పుడు ఆడువారి సణుగుడు గురించి అసలు బయటకు రాదెందుకు? (సుప్రీం కోర్టు ఆడువారి సణుగుడుని మానసిక హింసగానే పరిగణించాలని తీర్పు చెప్పింది).

సణుగుడు సైలంటు రెవల్యూషన్! తన్నులు పోలీసు జులుం. రెండిటి కి వున్న వ్యత్యాసం అది ! మీడియా  వాడికి మసాలా కావాలి. సైలెంటు వాడికి నప్పుదు!

చీర్స్
జిలేబి.

(వనజవనమాలీ గారి టపా చదివాక)

ఎందుకో ఏమో గారికి విన్నపాలు !!!

ఎందుకో ఏమో గారూ..

విన్నపాలు విన వలెను వింత వింతలు !

బ్లాగ్ లోకపు 'యుట్యూబ్ శివాజీ " గారు విన్నపం విన వలె.

శ్రీ శ్యామలీయం వారు జిలేబీ శతకాన్ని 'బ్లాగీకరణం' కానిస్తున్న సంగతి మీకు తెలిసినదే.

వారు ఇప్పటి దాక రాసిన ఎనభై కందములు నాలుగు టపాలు గా వచ్చినాయి. 

ఐదవ విడత గా ఇప్పటి దాకా పదిహేను కందములు అయ్యాయి. ఇక అతి త్వరలో వారి శతకం పూర్తి కావస్తోంది.

ఈ సందర్భం గా మీతో వినతి ఏమనగా ... మీరు దయ చేసి, మీ 'వీడియో ' ఆడియో ' తెకినీకులు ఉపయోగించి , ఈ శతకాన్ని 'యుట్యూబ్ వీడియో గా మార్చి వారికి బహుకరించ వలె నని చిరు విన్నపం !

ఇప్పటి దాకా వచ్చిన నాలుగు విడతల టపాలని వీలు చేసుకుని మీరు తయారీ గావించ గలరు. రాబోయే ఐదవ విడత తో చేర్చి ఉగాది కి ఈ  'వీడియో రూపక జిలేబీ శతకం' వారికి మీరు చిరు కానుకగా ఇవ్వవలె నని ప్రార్థన!

ఇట్లు
మీ
చీర్స్
జిలేబి.
(రోజూ ఎవరో ఒక్కరికి పని పెట్టకుంటే నీకు పొద్దే గడవదా జిలేబీ?)  

బుజ్జి పండు తెలుగు చదువు - 13 - భాస్కర విజయం - 1

यहाँ हाट हाट जिलेबी मिलेगी

ఆల్ఫ్ పర్వత శ్రేణులలో హిమవత్పర్వతం లా ధవళ కాంతులతో విరజిల్లుతోన్న యంగ్ ఫ్రౌ పర్వత పరిసర ప్రాంతలో

ఒక ఇండియన్ హోటలు బయట పెద్ద బోర్డు పెట్ట బడి ఉంది.

డిసెంబరు నెల చలి వణికిస్తోంది. చలికాలం కావడం తో ఇండియా నించి ఊడి పడే స్విస్సు యాత్రికులు అస్సలు ఎవ్వరూ లేరు.

కౌంటరు ముందు కూర్చుని చలికి వణుకుతూ శివ శివా అని స్మరణ చేస్తున్న జమ్బూనాధాన్ కృష్ణ స్వామీ   అయ్యరు ట్రింగ్ ట్రింగ్ అంటూ పాత కాలపు ఫోను రింగు అవటం తో ఫోను రిసీవరు తీసి 'హలో' అన్నారు.

ఆ వైపు వున్న ఆసామి 'నేను హంగేరీ నించి మాట్లాడుతున్నా. జిలేబీ గారున్నారండీ ' అన్నాడు వచ్చీ రాని హిందీ అక్సెంటు లో.



"జిలేబీ నీ కోసం ఎవరో ఫోన్ హంగేరి నించి " అని జంబూ వారూ లోపలి కేక పెట్టి మళ్ళీ శివ శివా అంటూ నామ జపం లో పడ్డారు.

అప్పటి దాకా ఆ రోజు వెయ్యాల్సిన జిలేబీలకి పిండి కార్య క్రమం లో వున్న , కస్సు బస్సు మంటున్న జిలేబీ , హమ్మయ్య ఈ పిండి రుబ్బే కార్యక్రమం కట్ట  బెట్టి ఫోన్ లో టైం పాస్స్ చెయ్యొచ్చు అని సంతోష పడి పోయి, "ఇదిగో అయ్యరు వాళ్ - ఈ పిండి కార్యక్రమం చూడండీ " అని వారికి పని పురమాయించి ఫోన్ దగ్గరికి వెళ్ళింది జిలేబీ.

అయ్యరు గారు, శివ శివ అంటూ  "ఈ జిలేబీ తో వచ్చిన చిక్కే ఇది, ఫోన్ వచ్చిమ్దనో, అదనో ఇదనో  ఏదో  ఒక నెపం తో మనకి పని పెట్ట కుండా వుండదు సుమా " అని గొణుక్కుంటూ సణుక్కుంటూ పిండి కార్యక్రమాన్ని చూడడానికి లోనికి వెళ్ళారు.

జిలేబీ ఫోన్ దగ్గరికి వచ్చి తీరిగ్గా ఓ గంట సేపు మాట్లాడింది. ఆవిడ గంట సేపు మాట్లాడిన సమాచారం ఏమిటంటే -

ఈ హంగేరీ ఆసామీ ఆయుర్వేద ఇన్స్టిట్యుట్  నడుపుతున్న హంగేరీ ఆసామి. ఈతను అప్పుడెప్పుడో యంగ్ ఫ్రౌ మౌంటైన్ కి వచ్చిన సమయం లో  ఈ ఇండియన్ హోటలు కి వచ్చినాడు. జిలేబీ తో పరిచయం అప్పుడే. ఈ మధ్య ఆ హంగేరీ ఆసామీ ఆయుర్వేదా రిసెర్చ్ చేస్తూ 'పరహిత వైద్యం ' గురించి చదివాడట చూచాయిగా. అందుకని తన కేమైనా దీని గురించి తెలుసా , ఆ విషయమై ఎవరైనా హంగేరీ వచ్చి లెక్చర్ ఇవ్వగలరా అని కనుక్కోవడానికి ఫోను చేసాడు.

జిలేబీ మరీ ఖుషీ అయి పోయింది. తనకు తెలియని విషయం అని ఏదైనా ఈ లోకం లో ఉందా ? ఆయ్ అని 'ఓ బ్రహ్మాండం గా తెలుసు, ఓ పెద్దాయన పరహిత వైద్యం  గురించి రాసారు. శర్మ గారని. వారిని పిలుద్దాం ' అని హంగేరీ వాడికి , కష్టే ఫలే శర్మ అనబడు మాచన వఝుల వేంకట దీక్షితులు గారైన చిర్రావూరి భాస్కర శర్మ గారికి మధ్య అటు వైపు ఒక ఫోను, ఇటు వైపు ఒక ఫోను మాట్లాడి, మొత్తం మీద శర్మ గారు హంగేరీ వచ్చేటట్టు ఒప్పించి 'హుష్' ఎంత కష్ట పడి పోయాను సుమా అని నీరస పడి పోయి, హైరాన్ పడి, మళ్ళీ ఒక మారు 'అయ్యరువాళ్' ఒక మంచి కాఫీ పట్టుకు రండీ అని జంబూ అయ్యరు గారిని పనికి పురమాయించింది జిలేబీ.

'ఈ జిలేబీ కి అందరికీ పని కట్ట బెట్ట కుంటే పొద్దే గడవదు సుమా ' అని మళ్ళీ గొణుక్కుంటూ అయ్యరు గారు ఫిల్టరు కాఫీ ప్రయత్నం లో పడ్డారీ మారు.


(ఇంకా ఉంది)

'రచన' శాయి గారి కి విన్నపాలు (బాపురే రమణీయం !)

అయ్యా రచన శాయి గారు,

మొదట గా , ముళ్ళపూడి వారికి నమస్సులు. ఆ పై బాపు గారి కి జేజేలు. ఆ పై శ్రీ రామ రాజ్యం తీసి సాధించి శతమానం భవమై భవ్యమైన శ్రీ సాయి బాబా గారికి అభినందనలు.

ఆ పై మీరు శ్రీ రామ రాజ్యం చిత్ర ముళ్ళపూడి వారి కథన  కౌశల్యాన్ని, వారి వర్ధంతి సందర్భం గా , శ్రీ రామరాజ్యం శత 'షాట్' దినోత్శవాలని పురస్కరించుకుని , పుస్తక రూపేణా తీసుకు వస్తున్నారని మా మనసులో మాట సుజాత గారు టపాకట్టి మమ్ముల నందరిని ఆనంద డోలాయమానం లో స్వాప్న జగత్తులో కి తీసుకు పోయారు , ఆ పుస్తకం ఖరీదు గురించిన వివరణ తక్కువగా ఇచ్చి!

ఆ పై మేము ( నేను కూడా ఓ మోస్తరు గెస్సు చేసి) గెస్సు చేసి వంద రూపాయలనించి ఐదు వందల దాకా ఉండ వచ్చని ఊహల కోతలు (కోటలు) కట్టినాము !

ఆ పై తెలియ వచ్చినది ఏమనగా ఆ పుస్తక ధర ఎనిమిది వందల రూపాయల్ పై 'సిల్కు ' అని !

అయ్యా,

బ్లాగ్ లోకం లో ఎ చిత్రం పై కూడా కట్టనన్ని టపాలు శ్రీ రామ రాజ్యం పై కట్టినాము. బాగుంది అని భేషో అని, 'నయన తారా నందం , బాపురే రమణీయం శ్రీ రామ రాజ్యం అని వందల పేజీ ల కొలది రి వ్యూ లు రాసినాము.

చిత్రం చెత్త అని అన్న వాళ్ళ జుట్టు పట్టుకుని కామెంట్లతో కొట్లాడినాము. బాగుంది అన్న వాళ్ళ తో జగడం పెట్టుకుని ఎం బాగు ఎం బాగు అని లెఫ్టు సెంటరు రైటు గా చిత్రం గురించి సమీక్షలు రాసినాము. !

ఇట్లా ఎన్నో విధాలు గా ఈ చిత్రం గురించి బ్లాగ్ చిత్రాలు తీసినాము.

కావున అయ్యా మీరు, దయ తలచి, ఈ బ్లాగ్ లోకం లో ఈ చిత్రం గురించి బ్లాగు  కట్టి టపా లు  పెట్టి  కామెంటు చెండ్ల తో కొట్టిన వాళ్లందరికీ డిస్కౌంటు యాభై శాతం ఇవ్వ వలె నని ఇదే జిలేబీ విన్నపము ! 

(జిలేబీ కీ వంద శాతం డిస్కౌంటు ఇవ్వ వలె - ఎందు కంటే జిలేబీ రెండు మార్లు టపా పెట్టె ! అదిన్నూ చిత్రం చూడ కుండానే !)

విన్నపాలు విన వలెను వింత వింత లు !

ఫాన్ బ్లాగు టపా రాసిన వారికి డిస్కౌంటు ఈయవయ్యా !!!

ముళ్ళ పూడి వారిని పై లోకం అట్టే పెట్టుకుని తమ హాస్య సరదాలని తీర్చేసుకుంటున్న త్రిమూర్తుల్లారా , వెంటనే ముళ్ళ పూడి వారిని భువికి వదలండి !!! 

నయనతారానందం బాపురే రమణీయం శ్రీ రామరాజ్యానికి శత వందనాలతో !

నయనతారానందం

భూనభో బాలకృష్ణ నాగేశ్వరుల

తో బాపు రమణీయ

నవ్య దృశ్య కావ్యం

భవ్య ఇళయ హంగేరీయం, జొన్నవిత్తుల

విరచిత గీతాలాస్యం, సాయి సినీ లోక భవి

ష్యత్తు వెలుగుల లో ప్ర

తిష్టాపితం
రచన శాయి ముళ్ళపూడి పుస్తకం
బాపు రే రమణీయం - శ్రీ రామ రాజ్యం !

చీర్స్
జిలేబి.

కడలి !

కమ్మని కవనం చూ

డ చక్కటి 'చిత్ర '

లిఖిత టపాలు

'సుభా' స్ తలపుల వాకిలి శభాష్ !


చీర్స్
జిలేబి.

తెలుగు పాటలు !

తెలవారేను జిలుగు వె

లుగు పాటల తో

గుభాళించే పాత కొత్త

పాటల మేళవింపు - బ్లాగు బా

ట విహారీ - ఆగవోయి , తెలుగు పాట

లు బ్లాగు చూడవోయీ

మది పులకించేను నీదేనోయి !


చీర్స్
జిలేబి.

శర్మ కాలక్షేపం కబుర్లు

శర వేగ టపా తో జీవిత మ

ర్మ ముల నెల్ల

కాస్త విలక్షణం గా,

లతీఫా చమక్కులతో  

క్షేత్రధారి క్షేత్రాన్ని అందరితో

పంచు కుంటూ

కడు రమ్యం గా

బుద్ధి నొసంగె చిన్ని చిన్ని కబు

ర్లు పదుగురు మెచ్చిన

బ్లాగు బాగు బాగు



చీర్స్
జిలేబి. 

జిలేబీ శతకం - 4

జిలేబీ శతకం

శతక కర్త - శ్రీ తాడిగడప శ్యామల రావు గారు

బ్లాగ్ లోకం లో వీరు 'శ్యామలీయ' మై

బుజ్జి పండు తెలుగు చదువు లో దర్శన మిచ్చి న వారు

గమనిక: ఈ రచన సర్వ హక్కులు శ్రీ తాడిగడప శ్యామల రావు గారివి.

జిలేబీ టపా , కామెంటు చెండులు వీటికి ఉత్ప్రేరకాలు మాత్రమే!

ఇవి శ్రీ శ్యామలీయం గారు శ్రీ కష్టే ఫలే శర్మ గారి బ్లాగులోనూ,

మరి ఇతర బ్లాగుల్లోనూ కామెంటు రూపేణా ఇచ్చినవి.

***

పరహిత వైద్యం

కం. తరచుగ బహుదేహంబుల

తిరుగెడునది తానె యనుచు తెలిసి తగుగతిన్

పరిచర్య చేయునదియే

పరహితమన నెగడు చుండు వసుధ జిలేబీ

కం. కాలగతి చెందువిద్యల

కాలము పునరుధ్ధరించగల తరుణములున్

కాలస్వరూపుడగు హరి

లీలలచే నిలను పొటమరించు జిలేబీ

రాబోవు కాలం

కం. మునువచ్చు చెవుల కన్నను

వెనుకనె పొడచుకొని వచ్చి పెరిగెడు కొమ్ముల్

మొనదేరి ధృడత నుండవె

మనుమలకే తెలివి హెచ్చు మహిని జిలేబీ

చేతులు కాలాక

కం. చేతికి సెగ సోకినచో

 మూతికి మహబాగ గోరు ముద్దలు దొరకెన్

 తాతకు నాతికి నిద్దరి

 కీ తీరున సంబరములు హెచ్చె జిలేబీ

కం. జరిగిన జ్వరమంతటి సుఖ

 మరుదని చెప్పుదురు గాదె అటులే ముద్దల్

 సరదాగ నోటికందుట

 మరి యెందరి భాగ్య మన్న మాట జిలేబీ

కం. ఇది చాలా బాగున్నది

 బ్రదుకున నిటుంవంటి తీపి ప్రతివారికి నం

 దదు నిక్కంబుగ భళిరే

 ముదిమికి ముచ్చట్లు లావు పుడమి జిలేబీ

కం. తప్పులు సైరించెడు సతు

 లెప్పుడు పడుచుందు రిడుము లీ విధముగనే

 తప్పున్న దిద్దకుండిన
 తిప్పలు పెట్టుటయె మగల తీరు జిలేబీ

ప్రేమిస్తున్నా

కం. ప్రేముడి యెంతయు గొప్పది

 కామంబును ప్రేమయొకటి గావను నెరుకన్

 సేమంబుగాంచు టొప్పును

 ధీమంతుండుండు దీని తెలిసి జిలేబీ

కం. అన్నన్నా దిన మొక్కటి

 యున్నదనన్ ప్రేమికులకు యుర్విని ఘనమై

 మున్నూరరువది నాలుగు

 చిన్నదనము బొందు నేమి చేతు జిలేబీ

కం. ఆదిన మీదన మని యే

 డాదిని గల దినములన్ని యటునిటు పంచన్

 మీదెరుగు తలపు జేయగ

 నే దినమును మిగుల లేదు నిజము జిలేబీ

సన్యాసి బుట్టలో పడ్డాడు

నచ్చిన సుందరి యెందుకు

వచ్చెడు నొక బుట్టలోన వయ్యారముగా

తెచ్చిన యా బుట్టనె విభు

ముచ్చట చెఱ గొనగ గాక పోదు జిలేబీ

అందాల బుట్ట లోపలి

సుందరవదనారవింద సుదతీమణి చే

యందుకొనిన సన్యాసియె

వందేళ్ళకు బంది యనగ వచ్చు జిలేబీ

సన్నాసిని చేసెడునో

సన్నాసిని చూసి కన్య సరదా పడునో

సన్నాసియగుట తథ్యం

బన్నన్నా పురుషు డాలి బంటు జిలేబీ

నల్లని కురులు 

వెల్లుల్లి తలకు పూసిన

నెల్లరు దూరంబు జరుగ నిక కేశములా

తెల్లనివో నల్లనివో

అల్లరి యిక లేదు గనుక హాయి జిలేబీ


 మధురాధిపతే అఖిలం మధురం 

కం. మధురాధిపతి స్పెషల్గా
మధురం బతివలకు నైన మాసంగతియో
మధురాధిపతి యఖిలజన
మధురాకృతి నేను వినక మాన జిలేబీ.

ఎంతెంత దూరం

కం. కామెంట్లైతే శతకం
 మీ మాటల గారడీలు మెప్పించెను నే
 నేమో శతకానికి ఇం
 కేమాత్రందూరముంటినిపుడు జిలేబీ?


బంగరు మాటల మూట

కం. ఈ రసన యెంత చెడ్డది
 నోరదుపున నున్నవాడు నూటికొకండుం
 ధారుణి నుండునొ యుండడొ
 తీరుగ నటులుంట యోగి తీరు జిలేబీ


కం. మాటాడుట చక్కని కళ
 మాటాడక యుండు నేర్పు మరియుం ఘనమై
 కోటికి నొకనికి గల్గెడు
 ఓటివి తక్కొరులనోళు లుర్వి జిలేబీ



ఇల్లాలి అవధానం

కం. ఇల్లెంత పదిలమగునో
 యెల్లరు నెరుగుదురుగాని యెందరి కెరుకా
 యిల్లాలి చలువ చేతనె
 యిల్లన గల దనుచు వారి కిలను జిలేబీ

కం. పిల్లలు పెద్దసమస్యలు
 కొల్ల నిషేధాక్షరులను కూర్చెదరత్తల్
 చెల్లించుచు నప్రస్తుత
 మెల్లప్పుడు పలుకు భర్త ఇలను జిలేబీ

కం. అవధాని పడెడు కష్టము
 లవి యణగును ఝాములోన నందరు పొగడన్
 భుని నిల్లాండ్రకు నిత్యం
 బవధానమె మెప్పు కాన బడదు జిలేబీ


టపాకీకరణం
జిలేబి.

కొస మెరుపు  
శ్రీ గోలీ వారి జిలేబీయం !

కలడని చెప్పెను పోతన
'కలడు కలండనెడి వాడు' కావ్యము నందున్
కలడని చెప్పెను పో, తన
కళలొలికెడు బ్లాగులోన కాదె జిలేబీ!

Carnatic Music Idol 2012

Carnatic Music Idol 2012 !

ప్రతి సంవత్సరం జయా టీవీ వారు

Carnatic Music Idol

కార్యక్రమాన్ని జరుపుతున్నారు

ఈ మధ్య ఒక మూడు నాలుగు సంవత్సరాలు గా!

నిరుడు సంవత్సరం Carnatic Music Idol USA కూడా దిగ్విజయం గా జరిపారు.

ఇప్పుడు once again Carnatic Music Idol 2012 వస్తోంది.

ఇది తమిళ చేనల్ వారి చలువ .

A fantastic program to watch how children are faring so great in the program !

Enjoy.

One episode below link I have provided. Rest of them you can find in the same group!

cheers

zilebi.

The three 'I's of Indian Psyche !

We are a country of idealogies. Our thinking is very high.

In action we are idle.

When it comes to leaders, saints and what not even cine stars and 'the English' Goddess or for that matter any thing and any body or any buddy the way we remember them is by making them idols.

We make idols, worship them and perform abhishekams! Thats our 'idol' way of respect.

Examples aplenty we find starting from the times of Rama to Adi Shankara to Shirdi Sai to Santoshi Maa to Khushboo to Kanshi Ram to 'the English' Goddess to ...  I can go on prolong the list to infinite 'idol' recollections ! 

Say cheers to the three 'I's of Indian Psysche - idealogy, 'idle'jee, 'idol'jee !!!

Cheers
Zilebi.

మధురాధిపతే అఖిలం మధురం ! (లేడీస్ స్పెషల్ )

మధురాధిపతే అఖిలం మధురం !

సన్నాసి బుట్టలో పడ్డాడు (బుట్టో పాఖ్యానం !)

కాలా కాలం గా సన్నాసులు బుట్టలో పడటాన్ని కొనియాడే శుభ దినం సందర్భాన ఇవ్వాళ సన్నాసుల  వారి కథా, బుట్ట బొమ్మ కథా తెలుసు కుందాం !

జిలేబీ పెళ్లి రోజు .

బుట్ట లో జిలేబీ ని పెట్టుకుని  వస్తూంటే , బుట్ట బొమ్మ లాంటి అమ్మాయి నాకు కాబోయే అర్ధాంగీ అని మురిసి పోయిన జంబు నాధన్ కృష్ణ స్వామీ అయ్యరు గారికి అవ్వాళ తెలిసి రాలే, బుట్టలో బొమ్మ పుత్తడి బొమ్మ కాదని, పేరు మాత్రమె జిలేబీ అని, తానె బుట్టలో బోల్తా పడ్డాడనీ నూ.

ఆ పై మూడు రాత్రుళ్ళు (ఈ మూడు రాత్రుళ్ళ ముచ్చట గురించి నేను చెప్పను బాబు మరీ సిగ్గు !) కానించిన తరువాయి శ్రీ అయ్యరు వారు 'జిలేబీ, మాంచి ఫిల్టరు కాఫీ ఒక్కటి పట్టుకు రావోయ్ " అంటే జిలేబీ బిక్క మొగం బెట్టి,

"అయ్యరు గారు,   మీకు వంట బాగా వచ్చనే బామ్మ నాకు చెప్పి నన్ను మిమ్మల్ని కట్టు కొమన్నారు " అని బిక్క మొగం పెడితే, వంశ పారంపర్యం గా వచ్చే అయ్యరు హోటలు వృత్తి ఇంట్లో కూడా వంట గాడేనా, గాదేనా నా గతీ , రాధా, నా జిలేబీ ఇది నీకు తగునా  సుమీ అని మా అయ్యరు వారు ఉసూరు మన్నారు !

ఈ మా పెళ్ళి ఈ సో కాల్డ్ యాదృచ్చికమో, కాక 'తాళీ' బలీయమో జంబూ వారికే తెలియాలి !

ఈ సన్యాసి బుట్టలో పడే కార్యక్రమము నే పెళ్లి దినాన అబ్బాయి వారి 'కాశీ యాత్ర ' గా  పరిగణించడం బట్టి తెలియ వస్తున్నది ఏమనగా, ఈ వాలం టీను దినం మన పూర్వ ప్రాచీన సాంప్రదాయ పద్ధతే అని,  దీనిని కాపీ క్యాటూ చేసి కాపీ లెఫ్టు చేసి  సంతు వాలం టీను దినము గా మార్చి వేసి నారని మనము విశ్వసించ వలె.  

అయ్యలారా, అమ్మలారా , ఇవ్వాళ సంక్తు వాలం  'టీన్' జరుపు కొనుడు అబ్బాయి లారా, అమ్మాయి లారా మీకందరికీ ఇదే శుభ కామనలు !

మీరు జంబూ అయితే, మీకు జిలేబీ ఖచ్చితం గా లభ్యమవు గాక!

తప్పి మీరు జిలేబీ అయితే, తప్పక ఎవడో ఓ సన్యాసి మీ బుట్టలో పడడం ఖాయం!

ఇంతటి తో ఈ సన్యాసి బుట్టలో పడ్డాడు అనబడు బుట్టో పాఖ్యానం పరి సమాప్తము !

ఇది చదివిన వారికి, వినిన వారికి చదివి వినిపించిన వారికందరికీ ఆ పద్మావతీ అలమేలు మంగా సమేత మా ఏడు కొండల పెరుమాళ్ళు(ఈయన రెండు మారులు బుట్టలో పడినట్టు ఉన్నాడు సుమీ !) సకల మంగళములు కలుగ జేయు గాక!

చీర్స్

ఫక్తు, జిలేబీ డే!

మానస కావేరి

మనస్సు విప్పాలని

ఒకటే పోరు

నా అంతరంగం తో

కుదరటం లేదు

మనసు విప్పాలని

ఒకటే ఆలోచన

ఆలోచన తోడు  రా నంటోంది

ఎద తోడైనా రా అంటే నిశ్శబ్ధం

ఏ ఆలోచనా పూర్తి గా

ఓ కొలిక్కి రాదు తెగిన గాలి పటం లా

మధ్య మధ్య లో  మౌనం

ఈ ఆలోచన లేలా అని

చేతులు ఖాళీ అయినా పర్లేదు

మనసులు ఖాళీ అవకూడదని

అనుకున్నా, మనసులో మనసు

ఎట్లాంటి ఆసరా ఇవ్వడం లేదు

ఆలోచిస్తున్న ఆలోచనలు

లోచనా కమల లోచన లై

మానస కావేరి లా

మౌన సంద్రాన్ని స్పృశిస్తున్నాయి

జిలేబి.

కలడు కలం డనెడి వాడు

కని పించని దేవుడు

లవ మాత్రమైన ఊహ కందని వాడు ఆత

డు కను పాప అయి ఈ

కట్టె కి చూపు నిచ్చాడు

లంబోదరుడు

డమరుక హృదయ గీతం

నెమలి  వాహన సహోదరుడు ఆత

డి ఆశీస్సులు

వాగ్దేవి అనుగ్రహం ఆత

డు ఇచ్చిన వరం

జిలేబి.

తాళాలు పెట్టేరు రాధా హరే మేటర్లు పోయేను కృష్ణా హరే !

బ్లాగు బ్లాగు కీ పోయేను రాధా హరే

కూసింత మేటరు కొట్టు కొచ్చు కున్నాను కృష్ణా హరే !

అని ఆడుతూ పాడుతూ మేటర్లు బ్లాగుల నించి కొట్టేసుకుని పత్రికల లో అచ్చేసుకుని హాయి హాయి గా కాలం గడిపేసు కుంటున్న ఓ జిలేబీ కి ఉద్యోగం పోయే రోజులు దాపురిస్తున్నట్టు ఉన్నాయి.

ISA (Internal Sourcing Agent!) ఫర్ MSA (Matter Snuffing Agency) లో పని చేస్తున్న ఓ జిలేబీ కి తెల్లారి తెల్లారి లేస్తూనే బ్లాగు బ్లాగు కీ వెళ్లి మేటరు కొట్టేసుకుని వాటిని సీక్రెట్ గా పత్రికలకి కాణీ కి పరక కి అమ్మేసుకుని అవ్వాల్టి హా 'రమ్ము' హాయి హాయి అని పొంగి  పోతూన్న తరుణం లో ఓ ఇంటి ఇల్లాలు ముచ్చట తో గడ్డు రోజులు వచ్చేయి.

తాళాలు పెట్టండీ అన్న బ్లాగ్ నినాదం తో 'ఉత్తిష్ఠ , జాగృత, ప్రాప్యవరాన్.." అన్నట్టు ఉత్తేజం చెందిన వాళ్ళయ్యారు అప్పటి దాక ఉన్న పంచ దశ లోక వాసులు.

అంతటి తో బ్లాగులకి తాళాలు పడ్డాయి. !

స్నఫ్ఫింగ్ చేస్తూన్న జిలేబి కి కాపీ కి మేటరూ పోయే , కాఫీ కి కూడా కరువోచ్చే !

ఏమి చేతుమురో రాధా హరే,

నీవే దిక్కయ్య కృష్ణా హరే

అని పాడేసుకుంటూ ఇవ్వాల్టి జిలేబీ 'అప్రస్తుత ' ప్రసంగం ఇంతటి తో సమాప్తం !

చీర్స్

జిలేబి. 

తాళాలు విరగ్గొట్టండి ! (సవాలే సవాల్ !)

మా తాతయ్య కాలం లో (ఇప్పుడు మేమూ ఆ కాలానికే వచ్చేసాం అది వేరే విషయం!) మా ఇంట్లో గూట్లో ఓ పెట్టె ఉండేది. గూట్లో పెట్టేమిటీ అంటారా సవివరం గా చెబ్తాను.

మా నడిమింటి హాల్లో నించి మిద్ద పైకి వెళ్ళడానికి మెట్లు ఉండేవి. వాటి కింద ఓ పాటి గూటి లా ఓ ప్రదేశం ఉండేది. ఆ గూట్లో ఓ పురాతన చెక్క పెట్ట మా తాత గారిది ఉండేది. దాంట్లో వారేమో వారు కొన్న కొత్త కొత్త ఆ కాలపు (అంటే బ్రిటిషు కాలపు అన్న మాట ) గడియారాలు ఎలెక్ట్రిక్ సామాన్లు అట్టి పెట్టె వారు. ఆ పెట్టె కో తాళం కూడా భద్రం గా వేసి పెట్టె వారన్న మాట .

మా ఇంటి కాంతా జనావళికి వాటి మీద ఓ గుర్రు వుండేది. ఆ పెట్టెలో ఉజ్జాయింపుగా ఏమి ఉంటుందో తెలుసు గాని, మా తాతయ్య గారు ఆ పెట్టె ని తెరిచి మాకు చూపించనే చూపించరు. అందువల్ల వచ్చిన గుర్రు అన్న మాట అది.

ఇక తాతయ్య గారైతే అప్పుడప్పుడు మమ్మల్ని బయటకెళ్ళి ఆడుకొండ్రా బడుద్దాయిలూ అని గెంటేసి ఆ పెట్టె ని అప్పుడప్పుడు తెరిచి చూడడమూ, ఆ పై ఆ పెట్టి కి గోళ్ళం పెట్టి తాళం వెయ్యడమూనూ జరుగు తూండేది తప్పించి మేము ఎప్పుడూ ఆ పెట్టె లో ఏముందో (అంటే పూర్తి గా అన్న మాట) చూసిన ది లేదు !

కాక పోతే ఆ పెట్టె ఆయన అంత బద్రం గా తాళం పెట్టడం మాకు  ఉత్సుకతని కలిగించేది. ఆ పెట్టె తాళం ఎలా పగల గొట్టాలబ్బ అని అన్న మాట.

ఇక మా కాలానికి వస్తే మా అబ్బాయి మా మనవడు కంప్యూటరు ఎక్కువ గా ఉపయోగించకుండా ఉండడానికి తాళాలు పెట్టడం మొదలెట్టాడు. మనవడు కూడా తాడి తన్నే వాడి తల తన్నాలన్నట్లు వాళ్ళ నాన్న పెట్టిన తాళాలని విడగొట్టడం అన్న ఉద్యమం మొదలెట్టి అందులో నిష్ణాతుడై ఓ మారు వాళ్ళ నాన్నకే ఎదురు ఫిట్టింగులు ఇచ్చాడు అంటే , తనే ఒక తాళం పెట్టే డన్న మాట.

ఈ విషయం లో వాడి కెందుకో ఈ బామ్మ అంటే మమకారం. తాళం పెట్టినా బామ్మా , నీకు మాత్రం తాళం రహస్యం చెబ్తా నాన్నారికి తెలియనివ్వకు,  నీకు కంప్యూటరు ఎప్పుడు ఉపయోగించాలో అప్పుడు తాళం తీసి  ఉపయోగించుకో. ఆ తరువాత ఆఫ్ చేసెయ్యి. ఈ తాళం చెవి మాత్రం నాన్నారి చెవి కి పోనివ్వకు అని చెప్పేడు.

నాకాశ్చర్యం వేసింది. మా కాలం లో తాత వాళ్ళ తాళం ఎలా విరగ్గోట్టాలా అని మేం ఆలోచించే వాళ్ళం. ఇప్పటి తరం లో నాన్నారి తాళం ఎలా విరగ్గోట్టాలా అని వీళ్ళు షెర్లాక్ హోమ్స్ మొదలెట్టారు సుమా అని.

మొత్తం మీద ఈ కాలపు కుర్ర కుంకాల తో మంచి గా ఉండటం మనకే మేలు అన్న ఓ ఫైనల్ నమ్మకానికి వచ్చేసాను నేనైతే. మనం ఎంత  బుర్ర లేని మట్టి   బుర్రలని వాళ్లకు నమ్మకం వస్తే వాళ్ళు మనకు అన్ని తెకినీకులు సులభం గా అర్థం అయ్యే లా చెప్పేస్తారని నా కనిపించింది.

హన్నా, భావి తరం భాగ్య విధాతల్లారా, ఈ బామ్మ మీద మీరు దయ బెట్టి ఈలాంటి తెకినీకులు నేర్పిస్తూ ఉండండి, రాబోయే కాలం లో (పుట్టీ గిట్టీ పుడితే ) మీ ఋణానుబంధం తప్పక తీర్చేసు కుంటాను. అప్పటికి మీకన్నా నాకే ఎక్కువ తెలిసి ఉంటుంది కదా !

(Hopefully always the future generation is brighter than the past !!)

(future)

జీనియస్

జిలేబి.