బాలయ్య vs జిలేబి !బాపురే రమణీయం !

బాపురే రమణీయం !

బెష్టు మట్టి బుర్ర !

ఈ మధ్య బాపురే రమణీయం శ్రీ రామ రాజ్యం వారి అర్ధ శత (వందకి పరుగులిచ్చేందుకు కొంత పుష్ అప్ ) వేడుకలని  తీరిగ్గా 'నిల్చొని' చూసాను. నిల్చొని అనడం ఎందుకంటే , standing ovation అన్న మాట. ఒక్కింత మర్యాద.

ఈ తీరికైన వ్యాపకం లో ఆఖరున (బాలయ్య మొదటే మాట్లాడితే ఆ పై జనాలు ఎవరూ ఇక ఉండరని తను ఆఖర్లో మాట్లాడను కున్నారో, కాకుంటే, మట్టి బుర్రలు ఆఖర్న మాట్లాడడమే బెష్టు అనుకున్నారో తెలీదు గాని ) బాలయ్య మాట్లాడాడు.

స్టేజీ ని ఈ వైపు నించి ఆ వైపుకి 'జానా' పెడుతూ సింహం లా తిరుగుతూ ఒక్కింత గ్రాంధికమూ, గ్రామ్యమూ కలిపి మాట్లాడడం మొదలెట్టాడు, సామి రంగా, జిలేబి కి కాంపిటీషన్ కోచ్చేసాడే సుమా బాలయ్య కూడా అని నేను హాశ్చర్య పోయాను సుమా.

ఎందుకంటే, ఆ మధ్య మా భారారే (ఇంకా 'మా' భారారే వారే అను కుంటున్నా, !) ఆయ్ అందరూ హారం పత్రికకి సంక్రాంతి లోపే కథలూ గట్రా పంపించండి అంటే, నేనూ సై అని, భారారే , ఏప్రిల్ ఒకటో తారీకులో గా సంక్రాంతి కి ఆర్టికల్ పంపిస్తానని వాక్రుచ్చాను. వారు ఓ కోడా జాడిన్చేరు, ఆయ్ జిలేబి రమ్ము ఏమైనా తాగారా, ఏప్రిల్ లో ఏమిటి సంక్రాంతి అని !

ఇట్లాగే మా బాలయ్య కూడా, ఈ శ్రీ రామ రాజ్య అర్ధ శత మహోత్సవ వేడుకలలో, 'రాబోయే ఉగాది కి, గొబ్బిళ్ళు, నవ ధాన్యరాసులూ. అంటూ 'వాక్రుచ్చడం ' తో ముచ్చటేసి, బాలయ్యా , శభాష్, నువ్వూ జిలేబి కి సరి సమానమైన వాడవే నోయి అని నేను ముచ్చట పడి పోయా ! మొత్తం మీద, జిలేబి కి 'టెలీపతీ' ఉందండోయ్ !

బాలయ్య 'గొబ్బిళ్ళ ఉగాది' !!

say cheers to

జిలేబి !

పట్టు కొట్టు తిట్టు కాని మాట తీసి గట్టు మీద పెట్టు

ఏమోయ్ జిలేబీ, మార్కెట్టు కెళ్ళి  ఏం పట్టు కు రమ్మంటావ్ ?

ఏదో ఒకటి కొట్టు కు రండి.

అదేమిటోయ్, ఆ పరాకు,చిరాకు ?

ఉన్న మాటంటే ఉలుకెక్కువ అంటారు

సరేలే, ఆ బాస్కెట్టు గట్టు  మీద పెట్టు. ఇప్పుడే వస్తా !

చీర్స్

జిలేబి.

'పద' తాడన కేళీ విలాసం !

పరుషం లో

దరువు

తాకిడి లో

డమరుకం

నవ్వుల పువ్వుల

కేకసలు రాదే భ

ళీ తంటా

విను వీధి

లాస్యం

సంగ్రామ కోలాటం !

జిలేబీ ఎందుకె

నీకీ వినువీధుల విహారం ?

మానుమా నీ ఈ

పద తాడన కేళీ విలాసం !


చీర్స్
జిలేబి.

కాలక్షేపం కబుర్లు శర్మ గారికి - విన్నపం

కాలక్షేపం కబుర్లు శర్మ గారికి విన్నపం.

విన్నపాలు వినవలెను వింత వింత లు -  మధ్య లో ధబాల్మని మీ టపాలు ఆపెయ్యడం ఏమీ బాగోలేదు.

కామెంటులు రాసే వారు కోకొల్లలు. కాని సత్తా ఉన్న టపా రాసే వారు కొంత మంది మాత్రమె. అందులో నాకు తెలిసిన ముఖ్యమైన వారు మీరు. మీలాంటి వారు రాసే టపాలని చదవడానికి ఎంతో మంది ఉండవచ్చు.

అర్థం  పర్థం లేని కామెంటు లకి వెరచి మీరు టపా ఆపు చెయ్యడం నాకు బెష్టు బుర్రలు చెయ్యాల్సిన పనిలా అని పించడం లేదు.

సో, మీరు ఈ విషయమై ఆలోచించి సరియైన ఒక నిర్ణయానికి వచ్చి టపాలు మళ్ళీ పునః ప్రారంభించాలని జిలేబీ విన్నపం.

జిలేబి.

మసాలా 'దోషా'

ఒక తాతయ్య మాంచి దోసాలు వేసే వాడు.
ఆ దరిదాపుల్లో ఎగిరే కాకి ఒకటి

అప్పుడప్పుడు దోసల వాసనల్ని పసిగట్టేది

కాకి కి అవ్వ వేడైన వడలు వేసిన కథలు తెలుసు కానీ

దోసలు వేసే తాత దగ్గిర నించి 

దోసలు  ఎలా లాగాలో తెలీలేదు.

తాతా, తాతా , ఐ హేట్ దోసలు

అవి ఆరోగ్యానికి మంచి వి కావు అంది కాకి

కాకీ కాకీ నీ కెందుకు దోసలు నప్పలే

అడిగాడు తాతయ్య

చెప్పాగా , దోసలు ఆరోగ్యానికి

మంచివి కావని అంది మళ్ళీ కాకి
కాకులకు పట్టని దోస వేయ నేల

అని ఊరుకున్నాడు తాతయ్య

'కావు కావు' మన్నది మరో కాకి,

దానికి జవాబుగా.

కాలం మారినా కథలు మార కూడదు,

వాడెవడో దారిన పోయే దానయ్య ఏదో

అన్నాడని సీతమ్మ అడవులు పట్టింది.

దారిన పోయే కాకులు ఏదో అన్నా యని

ఈ తాత దోసలు వెయ్యడం ఆపేసాడు

ఈ సమీకరణం లో మిగిలింది ఏమిటి ?

కథ కంచికి , మనమింటికి.

నో చీస్, దోషా,

జిలేబి.

(కామెంటిన కనకాంగి కోక కాకెత్తు కు పోయిందని బ్లాగ్విత)

కాలక్షేపం కబుర్లు

ఇవ్వాళా  ఖాళీ.   నిశ్శబ్ద అసమ్మతి














నో చీర్స్
జిలేబి.

ఛుక్ ఛుక్ బండి - ఆస్సాము ప్రయాణము- 2

మనం ఎక్కాల్సిన రైలు ఒక జీవితకాలం లేటు అని ఎవరో ఒక పెద్దాయన వాక్రుచ్చేరు !


నేను మొదటి మారు అస్సాము కి పోయేటప్పుడు మనం ఈ ఎక్కాల్సిన రైలు సూక్తి చాల బాగా అనుభవం లో కొచ్చింది.


సుతారం గా ముస్తాబై టంచ ను గా రైలు వచ్చే టైం కి మనం ముందే ఉండాలే మరే అని ఆవేశ పడి పోయి హైరానా పడి పోయి  మా వారి తో బాటు హుటా హుటిన మా గ్రామం నించి బయలు దేరి మద్రాసు సెంట్రాలు చేరితే ఓర్నాయనో పదునెనిమిది గంటలు ట్రైను లేటు అన్నాడు రైల్వే వాడు.


'ఆయ్, అది తప్పయ్యి  ఉంటుందండీ , పద్దెనిమిది నిముషాలు అన్నదాన్ని మీరు పద్దెనిమిది గంటలు అని చదివి వుంటారండీ , మీరు మళ్ళీ వెళ్లి కనుక్కొని రండీ అన్నా ' మావారు జమ్బునాధన్ కృష్ణస్వామీ అయ్యరు  వారితో.


మనకెప్పుడూ శ్రీ వారికి పని జేప్పటం అంటే ఒక మజా. ఎంతైనా మా వారే మరీ !
ఆ మాత్రం వారికి పని బెట్టక పోతే ముదురు ఐ పోరూ ! ఆ పై మనమాట వినకుండా పోయే అవకాశాలు ఎక్కువై పోతాయ్నన్న మాట.

అంతే గాక శ్రీ వారలను ఎప్పుడూ మనం 'పని' మీద పెట్టాలే ' అని మా బామ్మ చెప్పేది. మా  బామ్మ మాటల్ని వింటూ  ' నీ బామ్మ మాటలకేమి జిలేబీ,
పట్టించు కోకు , వేళా వేళా కు తిండి పెడు తొందిగా, దానికన్నా  ఇది పెద్ద పనిష్మెంటు ఏమీ కాదులే అనే వారు మా తాతా వారు.

అందుకే మనం ఇప్పుడు కూడా అందరి బ్లాగర్లకీ మన కథల్ చదవండోయ్, మన కవితల్ని చదవండోయ్ అని, ఆయ్ అంటే  ఓ కామెంటు చెండు తో కొట్టి , ఓ పాటి పద తాడన కేళీ విలాసం గావిస్తూ పని అప్పజేప్పుతూ ఉంటామన్న మాట.

వాళ్ళంతా బిజీ ఐపోతే మనం చక్కా మన పనుల్ని, (అంటే షాప్పింగు వగైరా గప్పు చిప్పు గా ) చక్క బెట్టు కోవచ్చు చూడండీ ! అదీ మన తెక్నీకు అన్న మాట.  

మీరు కూడా మీ వారికి కి వంట పని, ఆ పనీ, ఈపనీ అని అప్ప జెప్పి చూడండే, ఆ పై చూడండీ, మీకు ఎంత వెసులు బాటు వుంటుందో ! 

నాలా చక్కా టపాలు బ్లాగులు, అల్లికలూ, కామెంట్లు రాసేసుకుంటూ వేళా వేళా కాఫీ టీ లాగించు కుంటూ కాలం గడిపెయ్యోచ్చు!

సో, అలా మా వారిని పనికి పురమాయించి పక్కనే వున్న ఓ తాత గారిని పలకరించా - ఏమండీ మీరూ అస్సామేనా అని అరవం లో.

మేము అరవం వాళ్ళం కదండీ, కాబట్టి మాకు మద్రాసు పట్టిణమ్ పట్టినంతగా ఆదరాబాదరా హైదరాబాదు ఎప్పుడూ పట్టలే !  మాకు రాష్ట్ర రాజధాని బహు దూరం. ఓ ఆరువందలు కిలో మీటర్లు పై చిలుకు. కాబట్టి మాకు పేద్ద సిటీ అంటే మాద్రాసు పట్టిణమే !

అప్పట్లో నండీ మద్రాసు అనే వారండీ. ఇప్పుడు కూడా మా వూళ్ళో నండీ ' మద్రాసు పోయ్ వారె' అనే అంటా రండీ ! అరవం వాళ్ళు వూరికె అలా పేర్లు మార్చేసుకుంటూ వుంటారండీ - ఇప్పుడేమో చెన్నై సింగార చెన్నై అంటా రండీ, కానీ అందులో ఏమి సింగారం వుందో ఆ పెరుమాళ్ళ కే ఎరుక !

అదేమీ వారీ చోద్యమో, ప్రతి దానికీ ఓ అరవ పేరు అది జిలేబీ లా వుంటుంది కదండీ కాబట్టి తీపిగా వుంటుందని కొత్త కొత్త పేర్లు కని పెట్టేసుకుంటూ అఆయ్, మా అరవం గొప్ప జూడు అంటూ "జాం బజారు జగ్గు నాన్ సైదాపెట్టై కొక్కు" అంటూ అవేవో పాటలు కూడా పాడేసుకుంటూ వుంటారండీ మరీను !

మేము అరవం వాళ్ళమైనా ఈ అరవ దేశపు అరవం వాళ్ళ లా ఇలా అప్పుడప్పుడూ పేర్లు మార్చమండి.

మా చిత్తూరు వాళ్ళకండీ ఒక్క మారు పేరు పెట్టేస్తే అధట్లా నే వుండి పోవాలండీ మరీ.

మా బామ్మ నాకు జిలేబీ అని ముద్దు గా పేరు పెట్టిన్దండీ , అప్పట్నించి ఇప్పటిదాకా నేను జిలేబీ గానే వున్నా నండీ. అదండీ మా గొప్పదనం. ఉద్యోగ రీత్యా మేడం, మేం సాహెబ్ ,మాల్కిన్ ఇట్లా ఎన్నో పేర్లున్నా ఆ జిలేబీ అన్న పేరు ఇప్పటిదాకా అందరికీ మా సర్కిల్ లో ఓ ఝలక్ అండీ.

మా వూరి నించి మా బామ్మ కాలం లో మద్రాసు పట్టణానికి నెంబరు వందా నలభై నాలుగు అరవ బండి పోయేదండీ. ఆ పై మన ఆంధ్రా వాడు కూడా బండి వదిలాడండీ, కానీ చూడండీ  ఆ బస్సుకి వాడు కూడా వందా నలభై నాలుగే నంబరు అన్నాడండీ - చూసారా ఎంత ఖచ్చితం గా వుంటామో ! ఆర్టీసీ వాడు వాడి ప్రకారం నాలుగు సంఖ్యలు , ఐదు సంఖ్యలు నెంబర్లు పెట్టు కున్నా ఈ బండి కి మాత్రం నూటా నలభై నాలుగే పెట్టాడండీ . ఈ నెంబరు చాలా పాపులర్ నమ్బరండీ. ఒన్ ఫార్టీ ఫోర్ సెక్షన్ లా మరీ గట్టి నమ్బరండీ ఇది.

సో, ఆ పక్క తాత గారిని 'ఏమండీ మీరూ అస్సాము కేనా నన్నాండీ. ఆయనేమో హా హా బేటీ అని అరవం లో అన్నారండీ. అంటే నండీ ఆయన జెప్పింది హిందీ లో నే అండీ, నాకు ఆది అరవయాస తో కలిసి అరవం లాగే వుండింది మరి.

"మీరు ఈ వూరి సేట్లా?" అన్నా వారితో.

"అమ్మాయ్ నువ్వు బడా హుషారు , వెంటనే కని బెట్టేసావే " అని మెచ్చు కున్నారాయన. మద్రాసులో నండీ షావు కారు సేట్లు చాలా కాలం మునుపే వచ్చి సెట్టిల్ అయి పోయి వారి ఇప్పటి తరం అరవం మాట్లాడే దాక ఇప్పుడొచ్చిందంటే చూడండీ మరీను.

నాకు హిందీ అండీ చదవడం వచ్చినా అంతగా మాట్లాడ్డం రాదండీ.  మా వూళ్ళో దక్షిణ భారత హిందీ ప్రచార సభ వుండే దండీ ,  అందులో నేనూ తూ తూ మంత్రం గా కొంత హిందీ లో ప్రవీణు రాలై నండీ అదీనునా ఏడో క్లాసులోనే.

అప్పట్ల్ ఓ అరవమ్మాయ్ హిందీ లో ఏడో క్లాసు లోనే ప్రవీణ్ పూర్తీ చేసిందని మా వారిని నాకు కట్ట బెట్టె ముందు మా బామ్మ మా వారితో చాలా గొప్పగా జేప్పిమ్దండీ.

మా వారు కూడా హెంత ఆశ్చర్య పోయారంటే నమ్మండీ - ఎందు కంటే వారు అరవ దేశం వారు. అక్కడ వారంతా 'అహిందీయలు' అండీ. ఇప్పుడు కూడా హిందీ అంటే వాళ్ళు ఆయ్ మా మీద అథారటీ చేస్తారా అంటా రు కదండీ - అప్పట్లో అయతే పెద్ద వియత్నాం వార్ జరిగే డండీ హిందీ మాటంటే వాళ్ళ మద్రాసు పట్టిణమ్ లో.

కాబట్టి ఈ తాతా వారితో సంభాషణ అంతటి తో కట్టి బెట్టి మనం పని మీద తోలిన మన పెనిమిటి 'ఎంగే' పోయారబ్బా అని ఆశ్చర్య పోయా నండీ.

వారేమో మళ్ళీ తిరిగొచ్చి, 'జిలేబీ, అది పద్దెనిమిది గంటలే లేటు. ఆపై వాళ్ళు చెప్పిమ్దేమంటే కొన్ని గంటలమునుపే ఆ తిరువనందపురం గువాహాతీ గాడీ కేరళ వైపు వెళ్ళింది. అది ఆ వూరు చేరి మళ్ళీ తిరుగు ముఖం ఇప్పుడే పట్టింది కాబట్టి మనం ఇక్కడే మకాం ఫార్ నెక్స్ట్ ఇరవై నాల్గు గంటలు ' అని ముఖం వేలాడదీసారు మా శ్రీ వారు.

వారి ముఖారవిందం చూసి బాధేసి, (ఎంతైనా మా జంబూనే కదా ) 'మీరు అంత గా బాధ పడకండీ, ఆ 'ఏழு ' మలై ఆండవన్' అన్నిటికీ వున్నాడు సుమండీ ' అని వారిని వోదార్చి, ఈ మద్రాసు సెంట్రాలు లో భైటాయించి పక్కనున్న తాత గారిని మళ్ళీ కదిపా 'ఏమండీ ' అని.

అయ్యారే జీవితం 'వావ్' నించి 'వార్' అయిపోయిందే !

బ్లాగ్ వారలు
జాగ్వార్ లో
షికారులు కొడు తూంటే


భం భం భళీ భళీ అని
బండి రాజధానీ లా
దూసుకు పోయింది


బ్లాగ్ వారల కి 
జాగ్ వార్ 
జా వార్
అంటే గుండెలు
ల్యాబ్ ల్యాబ్
అని  దిక్కూ దిక్కూ
మనే

ఏమిటో ఈ-వారలకి  
రాజధానీ లో కూడా
పార్లమెంటు సరిగ్గా
నడపడానికి అడ్డంకి

ఢిల్లీ చలో
రాజ్యం
వదిల్లెయ్
మంత్రి ఐ పో
బెటర్ జిలేబీస్
ఫ్రై నో వార్



చీర్స్
జిలేబి.

సంక్రాంతి శుభాకాంక్షలు

సంక్రాంతి వనం లో

క్రాంతి  సుమ పధం లో

తియ్యగా సాగే

శుభలక్షణ సమీరం లో

భాసించాలి మీ జీవితం

కాంతులతో సుఖ శాంతులతో - శుభాకాం

క్ష

లు

జిలేబి

బుజ్జి పండు తెలుగు చదువు - 11 - భామా విజయం - 6

భోజనం కానిచ్చీ కానివ్వకనే , ప్రయాణ బడలిక తో ఉన్న బుజ్జి పండు హారీ పాటర్ కళ్ళద్దాల మధ్య జోగటం మొదలెట్టాడు మధ్య మధ్య లో బులుసు రాజీ మధురల మాట లు వింటూ.



మధుర ఇది గమనించి, "బుజ్జి అప్పుడే చెబ్తా నన్న కథ ఇప్పుడు చెప్పనా " అంది

"ఊ " అన్నాడు వాడు నిద్రలో 'ఊహూ" అనటానికి కుదరక.

మధుర కథ మొదలెట్టింది.
"అనగనగా ఒక ఊర్లో ఓ మిరపకాయ్ పొట్టోడు ఉండేవాడట. ఆ మిరపకాయ్ పొట్టోడు రోజూ తనకున్న సొరకాయంత సైకిలెక్కి ఊర్లోకి వెళ్లి చాలా కష్టపడి పని చేసి బోలెడు డబ్బులు సంపాయించి బాదంకాయంత బంగారం కొనుక్కున్నాడట. మిరపకాయ్ పొట్టోడికి ఈతకాయంత ఇల్లు ఉంటుందన్నమాట!

బుజ్జీ వింటున్నావా ?

"ఊ"

ఆ ఈతకాయంత ఇంట్లో ఉన్న గచ్చకాయంత గదిలో ఓ మూలన ఉన్న బీరకాయంత బీరువాలో, తను సంపాదించిన ఆ బాదంకాయంత బంగారాన్ని దాచిపెట్టి, ఆ బీరకాయంత బీరువాకి తాటికాయంత తాళం వేస్తాడంట.

వింటున్నావా బుజ్జీ ?


"ఊహూ "

ఆ తరవాత ఓ రోజు మిరపకాయ్ పొట్టోడు తన సొరకాయంత సైకిలెక్కి పని మీద బయటికి వెళ్తాడన్నమాట! అప్పుడు ఓ దోసకాయంత దొంగోడు వస్తాడు మిరపకాయ్ పొట్టోడి ఈతకాయంత ఇల్లు దగ్గరికి. మిరపకాయ్ పొట్టోడు ఇంట్లో లేడు కదా అని చెప్పి ఆ ఈతకాయంత ఇంట్లోకి జొరబడిపోయి, గచ్చకాయంత గదిలోకెళ్ళి, ఓ మూలన ఉన్న బీరకాయంత బీరువాకి ఉన్న తాటికాయంత తాళం పగలగొట్టి, అందులో ఉన్న బాదంకాయంత బంగారాన్ని తీసుకుని ........

"బుజ్జీ వింటున్నావా?"


ఇంకెక్కడి బుజ్జి, బుజ్జి పండు కథ మధ్యలోనే సోఫాలో అడ్డంగా పడి ఎప్పుడో నిద్రపోయ్యాడు.

మధుర బుజ్జి పండుని చూసి హ్హా హ్హా హ్హా అని నవ్వి మంచి రగ్గు ఒక్కటి కప్పి బులుసు రాజీ లతో ఖబుర్లతో పడింది.

"మధురా సరి లేరు నీకెవ్వరు కథలు చెప్పడం లో " రాజీ గారు మెచ్చుకున్నారు మధురని.

"అమ్మాయ్ మధురా, , మీ మ్యూనిచ్ నగరం లో గ్లూ వైన్ మార్కెట్ చూడాలని దాని టేష్టు చూడాలని ఆరాటం. ఇప్పటికి మీ జర్మనీ రావడం కుదిరింది, కృష్ణ ప్రియ గారి ఆర్ముగం తో బాతా ఖానీ నెపం తో ! రేపే ఆ మార్కెట్ కెళ్లా లమ్మాయ్ " బులుసు గారు వాక్రుచ్చేరు.

"అలాగే మాష్టారు " మధుర చెప్పింది.

ఆ గ్లూ వైన్ కథా క్రమం బెట్టిదనిన.........


(ఇంకా వుంది )

అర్ధాంగీ కారం !

అర్ధ అంగీ కారం

అర్ధాంగీ కారం

అర్ధాంగీకారం

ఏమీ చెయ్యలేం

పెళ్లప్పుడే అంగీ చుట్టి

కట్ట బెట్టేసుకున్నారు !



చీర్స్
జిలేబి.

వేదం లో ఏముంది ?

వేదం లో

'ఉప' యోగానికి

పనికి వచ్చేవి ఉన్నాయి

'పని' కి

వచ్చే ఉపయోగాలు లేవు



జిలేబి.

బుజ్జి పండు తెలుగు చదువు - 10 - భామా విజయం - 5

"తమ పాద స్పర్శతో మా ఇంటిని పరమ పావనం చేసిన

శ్రీశ్రీశ్రీ నవ్వండి బులుసు బ్లాగానంద పెద్ద స్వామీవారు,

శ్రీ శంకర విజయం గావించిన చిన బుజ్జి పండూ కుర్ర స్వామీ వారు,

గీతా కేసు విజేతా రాజీ వారు 

స్వాగతం సుస్వాగతం"

మధుర ఇంటి తలుపులు తెరిచి నాటకీయ ఫక్కీలో అందర్నీ ఆహ్వానించింది.

"మధుర గారు, నెనర్లు. కానీ ఈ ఫ్లైట్ లో తిన్న బ్రెడ్డు ముక్కలతో జిహ్వ రుచి అన్న దే మరిచి పోయింది. మాంచి వేడి వేడి అన్నంలో ముద్దపప్పు, ఆవకాయ వేసుకుని, వేడి వేడిగా అప్పుడే కాచిన నెయ్యేసుకుని తింటే ఎంత బాగుంటుంది అనిపిస్తుంది" అన్నారు బులుసు వారు, దహించు కు పోతూన్న ఆకలి తాళ లేక ఇంటిలోకి ప్రవేశిస్తూనే నీరస పడి పోతూ.

మధుర సంతోష పడి, "ఓస్, బులుసు గారు, అదెంత సేపవుతున్దండీ. దాంతో బాటే  నేను మీకు నిముషం లో మాంచి పసందైన దొండకాయ కూర చేసేస్తాను చూడండీ " అని వెంట నే కిచెన్ లో కి ఎంటర్ అయ్యింది.

రాజీ వారు కొంత సందేహ పడ్డారు!

మధుర బుజ్జి పండు వైపు తిరిగి "పండూ అండ్ కో, వంటయ్యేంత దాకా ఈ బుడత జిగురు ముక్క నోట్లో నములుతూ వుండండి. ఇక్కడి వెదర్ కి ఇది అవసరం " అని వారందిరికి బు జి ము ఇచ్చి తానొక్క ముక్క నోట్లో వేసుకుని దొండకాయ కూర చేసే ప్రాజెక్టులో పడ్డారావిడ.

వంట గదిలో కాకుండా హాల్లో మధ్యలో ఓ పేద్ద సెట్టింగు వేసుకుని దొండకాయలు కోసే ప్రాజెక్టు కోసం, ఓ పేద్ద గిన్నెలో నీళ్ళు తీసుకుని, అందులో దొండకాయలేసి అది తీస్కెళ్ళి అక్కడ పెట్టుకుని ఆసాంతం తీరికగా కూర్చుంది మధుర.

ఇంకో గిన్నేమో కోసిన ముక్కలేయడానికి, మరొకటేమో, తీసేసిన ముచ్చికలు వెయ్యడానికి పెట్టు కుని . కడిగిన కాయలు తుడవడానికి ఒక నేప్కిన్ పెట్టుకుని, . కాయలు కోయడానికి ఓ చెక్క, కోసే ముక్కలు ఆ చెక్క మీద నుంచి కింద పడిపోకుండా జాగ్రత్త కోసం దాని కింద ఓ పేద్ద ప్లేటు, ఓ కత్తి, యీ సెట్టింగు అంతా పెట్టడానికి ఒక పీట, అలాగే తను కూర్చోడానికి మరో కుర్చీ ... ఇదీ ఆవిడ సెట్టింగు.

ఇలా ఓ అరగంటసేపు అటూ ఇటూ తిరిగి, అదెక్కడుంది ఇదెక్కడుంది అని వెతుకుతూ కావలసిన సరంజామా అంతా అమర్చుకున్నా క . ఎదురుగా టీవీ పెట్టుకుని, చేతికందేట్టు రిమోట్ కూడా పెట్టు కుని మధుర, ఇహ జైహింద్ అనుకుని దొండకాయలు తరిగే మహా యజ్ఞం మొదలు పెట్టింది.

ఎంతో పద్దతిగా, ఒద్దికగా ఒక్కొక్క దొండకాయ మీదా స్పెషల్ కేర్ తీస్కుంటూ తరగడం మొదలెట్టి, . అదేంటో, అంత ఇదిగా శ్రద్ధ తీస్కుని తరుగుతున్నా ముక్కలన్నీ ఒక్క షేపులో రావడం లేదు సుమీ అని హాశ్చర్య పోతూ

"బుజ్జి పండూ, నీకో కథ చెప్పనా" అన్నారు మధుర గారు.


ఇక్కడ ఈ తతంగం అంతా అర్ధ గంట పై బడి చూస్తూన్న ముగ్గిరికి ఆకలి పెట్రేగి పోతోంది.

"అమ్మాయ్ మధుర , నువ్వు నిజం గానే వంట చెయ్య బోతున్నావా ? లేక కథ అయ్యేకే మొదలెడతావా వంట వార్పూ? " బులుసు గారిని నీరసం కములు కొంది, "నా తల్లే నా బంగారమే....ఎంత పనిమంతురాలో ." అనుకుంటూ.

"సరే బుజ్జి పండూ కథ తర్వాత చెబ్తానే" అని వంట ప్రాజెక్టుని ప్లాంట్ బియో టెక్నాలజీ పీ హెచ్ డీ అంత శ్రద్ధ తో కొనసాగించి వంట ముగించి "టమాటో పప్పు వంట, అంతా రెడీ" అంది మధుర ఓ ముప్పావు గంట తరువాయి.

టమాటో పప్పు అనంగానే ముగ్గిరికీ మళ్ళీ జిహ్వ జివ్వు జివ్వు  మంది.

ఆ హా మన అదృష్టం జర్మనీ లో టమాటో పప్పు కలిపిన కాచిన వెన్న నేయి తో, దొండ కాయ కూరతో మధుర భోజనం - వొహ్ !

"వంట బాగుందండీ ? " మధుర అడిగింది అందర్నీ డిన్నర్ మధ్య లో

"మీ రాశి వారు వంట బ్రహ్మాండంగా చేస్తారు మధురా !" మెచ్చుకున్నారు రాజీ గారు.

బులుసు గారు "అమ్మాయ్ భోజనం బ్రహ్మాండం, కాకపోతే ఓ చిన్నమాట! ఇప్పుడు మనం అన్నం తిన్నాక మన అందరి చేతులూ రెండ్రోజుల దాకా ఇలా పసుప్పచ్చగా ఉంటే బాగోదు కదా! అందుకని, కొంచెం.. ఒక్క రవ్వ పసుపు తగ్గించాలేమో సుమా" అన్నారు తన పసుపు పచ్చని చేతులని చూస్తూ !

బుజ్జి పండు ఫక్కున నవ్వాడు.

"ఫ్రౌ మధుర గారు, రేపటి బ్రేక్ ఫాస్ట్ వేడి వేడి ఇడ్లీని కారప్పొడి, నెయ్యిలో ముంచుకు తింటే ఎలా ఉంటుంది! " అన్నాడు ఆ బుడతడు.

"థాంక్ యు థాంక్ యు " అని మధుర గారాలు పోయింది.

(ఇంకా వుంది )

జిలేబి ఎచట ఉండును ?

జిలేబి

ఎక్కువగా

చదివిన

టపాలలో

ఉండును!

చీర్స్

జిలేబి.

ఛుక్ ఛుక్ బండి - ఆస్సాము ప్రయాణము- 1

డాక్టరు ఆవుల వారు వివేకానందా ఎక్స్ ప్రెస్సు గురించి రాసి మా ఆస్సామును గుర్తుకు తెచ్చారు మళ్ళీ నాకు.

ఆస్సాము ప్రయాణము అనేది ఒక మెగా ఎపిసోడు ! ఇలా మా మద్రాసు నించి ఆ త్రివేండ్రం గువాహాటీ ట్రైను ఎక్కినా మంటే ( ఎక్కడం అంటూ జరిగితే , అంటే ఆ ట్రైను ఎప్పుడు వచ్చునో మా ఏడుకొండల వాడికే ఎరుక, వచ్చినను, ఆ ట్రైను ఎప్పుడు గమ్యం చేరునో అనునది కామాక్యా మాతా వారి దయే!) ఇక మన ప్రయాణం లో పదనిసలు మజా మజా యే

ఆ మద్రాసు సెంట్రాలు గోల , మద్రాసు వేడి బాడీ ని ఓ పట్టు పడుతోంటే , దానికి తోడైన ట్రైను ఎంత లేటో అన్న 'ముఖ్య గమనిక ' మన మైండు ను తోలిచేస్తోంటే ఓహ్ ఈ ట్రైన్ మనం ఎక్కాల్సిన రైలు ఓ జీవిత కాలం లేటు అన్నది గుర్తుకు రాక మానదు.

పెద్ద పెద్ద ట్రంకు పెట్టలు, ఆ సి ఎమ్ సి కాకుంటే అపోల్లో హాసుపత్రి కై వచ్చిన పేషంట్ల తిరుగు ప్రయాణాలు, మద్రాసులో నే ఆస్సామీ , బెంగాలీ గల గల లు - ఒక మిక్స్డ్ ఫీలింగు ! - అబ్బా సెలవులు అయ్పోయాయి ఆల్రెడీ , ట్రైను జర్నీ తో టే మన నౌకరీ మొదలై పోయే అనుకోవటం కద్దు.

మొత్తం మీద ఆ ట్రైను నింపాదిగా సెంట్రాలు స్టేషన్ కి వచ్చాక ఇక కుస్తీ పడి ట్రైను ఎక్కేసామను కుంటే మన టిక్కట్టు ఎప్పుడు ఆర్ ఎ సి టిక్కెట్టే మరి - కాబట్టి ఆ సైడు బర్తు లో సీటులో అడ్జస్టు ఐపోయి ఆ వచ్చీ పోయే వారి, ప్లాటు ఫారం మీది ట్రైను వాళ్లకి బాయ్ బాయ్ చెప్పే వాళ్ళని చూస్తూ కాలం కొంత ఆ ఉక్క లో సాగిస్తే , ఆ పై రైల్వే వాడు కనికిరించి బండి ఛుక్ ఛుక్ అంటే ఓహ్ వాట్ ఎ  గ్రేట్ రిలీఫ్ !

చీర్స్
జిలేబి.

మీ శ్రీ వారు ఇంటి పనుల్లో మీకు సహాయం చేసేలా చెయ్యడం ఎలా ?

ఈ టపా లేడీస్ స్పెషల్. -- టాప్ సీక్రెట్ ! మగవారు చదివే ముందే చదివెయ్యండి !

అంటే మగవారు చదవ కూడదని కాదు. (చదివితే వాళ్లు ఈ కిటుకు తెలుస్కుంటే మనకి మేలు లేఅడు కాబట్టి వాళ్లు చదవరని ఆశిస్తాను!)


మీరు కిచెన్ తో తలమునకలయ్యే పనుల్లో బిజి బిజి గా ఉంటే, మీ వారు  పడక్కుర్చిలో నింపాదిగా కూర్చుని ఏ ఈనాడు పత్రికో లేకుంటే లాప్ టాప్ పెట్టేసుకుని ఈ లాంటి బ్లాగో దివేస్తుంటే మీకు మరీ చిరాకు ఎక్కువై దమ్మని ఈ గరిటో లేకుంటే ఏ గిన్న్నో కింద గిరాయించి ప్రొటెస్ట్ చేస్తారా?

లేక తెక్నికులు ఉపయోగించి మీ వారిని వంట గది లోకి రప్పించి వారిచే మెప్పుగా కార్యసాధన అయ్యేలా చేస్తారా?


ఈ రెండు పద్దతిలో నూ ఒక్కో మారు ఒక్కో ఫలితాన్ని సాధించవచ్చు. ఈ మీరు పనిచేస్తుంటే మీ శ్రీ వారు ఈజీ చేరు  సీను మమ్మీ లేజీ బాయ్ కి మధ్య జరిగే తమాషా!

 లేజీ బాయ్ ని నిద్ర లేపాలంటే గదమాయింపు లేకుంటే బుజ్జాగింపు రెండు అవసరం.

నారదాయ నమః !

చీర్స్
జిలేబి.

రాదే చెలి నమ్మ రాదే చెలి (సభ్య వివస్త్ర!)

పరికిణీ పరిచితే   
పిట పిట లాడుతోన్దంటారు

సల్వారు సాయిస్తే
సరసాంగి అంటారు

శుభ్రం గా చీర కడితే
సింగారి అంటారు

ప్యాంటూ షర్టూ వేస్తే
పైలా పచ్చీసు అంటారు

జీన్సు జమాయిస్తే
జిల్ జిల్ జిలేబి అంటారు

మిడీ వేస్తే
మిటారి అంటారు

షార్టు వేస్తే
షకీలా అంటారు

కోటూ  సూటూ వేస్తే
కోణంగీ అంటారు

వెస్టర్న్ వేస్తే
వగలమారి అంటారు

స్విమ్ సూటు వేస్తే
సిగ్గే లేదంటారు

బురఖా వేస్తే
భావ ప్రాప్తి లేదంటారు

అబ్బ పోనీ
బట్టబయలు అవుతానంటే  
బరి తెగిన్చిన్దంటారు  

నేనేమి చేతురో  నా ముద్దుల దినేశా

రాదే చెలీ నమ్మ రాదే చెలీ
ఈ మగువలెపుడు మగవారిని
నమ్మ రాదే చెలీ!

ఛీ
రాస,
జిలేబి.

అద్దానికి బురఖా

అద్దం ముందు నిలబడ్డాను
నీవేనా అంది

ఎం నేను కానా ?
కొన్నేళ్ళ ముందు నా ముందు వున్నావ్
అప్పుడూ ఇదే ప్రశ్న అడిగావు
ఎందుకీ ప్రశ్న మళ్ళీ ఇప్పుడు ?

అద్దం నవ్వింది
నేనాలనే ఉన్నా
ఏమిటో నిన్ను చూపించేటప్పుడు
మారి పోతున్నా
ఎందుకో ?

నువ్వు నా ప్రతి బింబం అంతే
నాతొ వాదించకు
అద్దానికి బురఖా కప్పాను

.

చీర్స్ 
జిలేబి.

"లింక్ లీక్స్"- రాధా ఎంత పని చేసావు !!!

"ఏమోయ్ రాధా , మా బులుసు గారి, మరిన్ని బ్లాగువాళ్ళ కథల్  వేసుకున్నావ్ ! మరి నా టపా ఒక్కటి కూడా ప్రచురించ లేదే ?"

మా మనవడు రాధ ని నిలదీసి ఇవ్వాళ అడిగాను. అడగటమే కాదు కడిగేసాను కూడా.

"ఇదిగో , బామ్మ, ఆల్రెడీ ప్రాబ్లెం లో వున్నాను, మధ్య లో నీ సోదేమిటి ?" అన్నాడు మా రాధ.

"ఆయ్ అంత మంది బ్లాగర్ల లిస్టు ఇచ్చాను నీకు వాళ్లదంతా  టపాలు సర్ప్రైస్ గ పబ్లిష్ చెయ్య వోయ్ అని - కొత్త సంవత్సరం లో వాళ్ళంతా సంతోష పడతారు అని . దాంతో బాటే నాదీ పబ్లిష్ చేస్తావనుకున్నానోయ్ మనవడా " అన్నా ఉన్న చనువుతో .

"అన్నావు, మరి ఆ లిస్టు లో నీ బ్లాగు ఎందుకు చేర్చ లేదు నువ్వు  ?" చికాకుగా ముఖం పెట్టాడు వాడు, "తప్పు నాది కాదు, ఆ లిష్టు ది "

"చెప్పాగా, నీకు తెలిసిన ముసలవ్వనేగా నా టపా ప్రింటు చేస్తే నీ కేం పొయ్యేది ?" అడిగాను డిమాండు చేసి.

"ఇదిగో బామ్మా,  అసలే ప్రాబ్లెం లో వున్నా, మరీ చీకాకు పెట్టకు " చెప్పాడు రాధ.

"ఏమిటోయ్ నీకొచ్చిన తంటా" ?

"వాళ్ళందరూ ధ్వజం ఎత్తారు నా మీద "

"ఎవరూ?"

"వాళ్ళే"

"ఏమని "

"ఇలా మాకంతా చెప్పా పెట్టకుండా ఎట్లా నువ్వు ప్రచురిస్తావోయ్ మా టపా లని అని "

"చెప్పొచ్చు గా జిలేబి చెప్పింది ఆవిడ భరోసాతోనే చేసానని "

"ఆ మాటా చెప్పా"

"ఏమన్నా రేమిటి ?"

"జిలేబి ఎం చెబ్తే అదే చేస్తా వా ? అయితే జిలేబి టపా ఎందుకు వెయ్యలేదు అని క్రాస్స్ ఎగ్జాం చేసారు "

"ఓహ్ మై గాడ్, మరి నువ్వేం చెప్పావ్"

"ఎం చెప్పమంటా వే, అసలు బుర్ర పనిచెయ్యడం లేదు "

"ఏదో ఒకటి చెప్పి నీ తంటాలు నువ్వు పడు. కాదూ, కూడదనుకుంటే , చెప్పేయి అందరకీ క్షమాపణలు "

"అంతే అంటావా ?"

"అంతే "

"నా తరపున నువ్వే చెప్పెయ్య రాదటే బామ్మా  "

"ఎం నే నెందుకు  చెప్పాలి అంట ?"

"నువ్వే కదా ఆ లిష్టు ఇచ్చింది - అందుకే "

"ఆశ దోస, అప్పలం వడ !  నేనెందుకు చెప్పాలోయ్,  అధమ పక్షం నా టపా పెట్టి వుంటే, పోనీ లే మనవాడే కదా అని కొంత సిఫారిసు చేసే దాన్ని, కాకుంటే నీ తరపున క్షమాపణలు అడిగే దాన్ని"  

"మళ్ళీ మొదటికే వచ్చావ్ ?"

"చెప్పు క్షమాపణలు దాని కి ముందు " అన్నా. "నా టపా ఎందుకు పెట్టలేదు ? "

"నీ టపా లో హెడింగ్ లో ఎం పెట్టావ్ ?"
"When its Hot its Really Cool "


"అది తెలిసిందే లే ఆ తరువాత ?"
"Copyright © 2008-2020. All rights reserved"

"సో, ?"

"సో , బామ్మా - నువ్వెంత హాట్ వైనా ట్వెంటీ ట్వెంటీ నీతో ఆడలేనే "

"ఓహ్ మై గాడ్, పోనీ వాళ్ళందరికీ పారితోషికం ఇస్తావా లేదా ? "

"తప్ప కుండా ఉంటుందే బామ్మా "

"మరి దాన్తోటే వాళ్ళు నీ మీద మా రాజీ అడ్వొకేటు గారిని కేసు పెట్టమంటే ?"

"ఓహ్ మై గాడ్ "


అడ్వొకేటు రాజీ గారు, మీకు కొత్త సంవత్సరం కి సరి  కొత్త కేసు వచ్చేసింది. ఆల్ ది బెస్ట్! 


చీర్స్
జిలేబి.

Full Long குழல் - నూతన సంవత్సర శుభాకాంక్షలు ! - ಎರಡು पूर्णं ഒന്ന് दो !!

Full Long குழல் 

 నూతన సంవత్సర శుభాకాంక్షలు ! 

 ಎರಡು पूर्णं ഒന്ന് दो

బ్లాగ్ భాన్ధవులందరికీ

ఈ నూతన సంవత్సరం మీకు సర్వదా అన్ని శుభములను కలుగ చేయాలని కోరుతూ !

 యు ట్యూబ్ బ్లాగ్ 'శివాజీ  ' శ్రీ ఎందుకో ఏమో గారు

మీరు Full Long குழல் కి ఇచ్చిన న్యూ ఇయర్ గిఫ్ట్ మార్వేల్లాస్. ! నమో నమః !! 

ஒரே கிலி கிலி ப்பா இருககும்கோ!

நன்றி 'நீடோடி வாழ்க ! 'வளர்முடன்' !

?! గారు ఇచ్చిన గిఫ్టు ఇక్కడ చూడవచ్చు.

శ్రీ కృష్ణం వందే జగద్గురుం

జిలేబి.

సంవత్సరం 2011 నేను చదివిన చదువుతున్న పుస్తకాలు

అదేమిటో నండీ , ఈ పుస్తకాలు ఏమి చదివామో ఒక సారి సమీక్ష చేసుకోవాలి అనుకున్నాను. అనుకున్నదే తడవుగా సరే ఈ రెండు వేల పద కొండు లో ఏమేమి చదివామబ్బా అని ఆలోచిస్తే ఈ ఒకటో రెండో పుస్తకం తప్పించి పూర్తి గా ఏదీ చదవలేదు.

పుస్తకాలు చదవడమన్నది నా వరకైతే ఒక పారలెల్ ప్రాసెస్సింగ్. ఎ ఒక్క పుస్తకాన్ని పూర్తిగా వెంటనే చదివిన పాపం పుణ్యం కట్టు కోలేదంటే మీరు నమ్మాలి. ఎందుకంటే మనం చదివే దానికి 'సోమ్బెరు' లన్న మాట. 'కప్పు ' దాటు , చాటు వారలం. ఒక పుస్తకం కొంత బోర్ గా వుంది అనుకుంటే దాన్ని వదలి వేరే పుస్తకాని కి వెళ్ళడం , అది బోర్ అనుకుంటే మరో దానికి వెళ్ళడం, ఆ పై మొదటి పుస్తకాని కి రావడం, మొత్తం మీద నా వరకైతే రెఫ్రెషింగ్ సబ్జెక్ట్. (ఈ ట్రెండ్ మీరు ఈ బ్లాగు టపాల లో కూడా గమనించి వుంటారు. - లేదే అంటారా - అబ్బా, మీరు గమనించారండీ, కాని కాస్త చెప్పడానికి మోహ మాట పడి వుంటారు అంతే సుమా!). సో, దీన్ని బట్టి నా రాశీ మీకు తెలిసి ఉంటుందను కుంటాను. (వ్రాత రాశి కాదు మరి అంటారా అది వేరే విషయం !)


ఈ చదివిన దానిలో కొన్ని ఈ-పుస్తకాలు  కూడా. ( వేదం కూడా - రిగ్వేదం స్పెసిఫిక్ గా - ఓ మారు పూర్తిగా తిరగేసానంటే మీరు నమ్మాలి - ఈ ఈ పుస్తకం సాంస్క్రిట్ డాక్యుమెంట్స్ డాట్ ఆర్గ్ లో వుంది ). సంస్కృతం అంత గా తెలీదు కాబట్టి ( తెలుగు తెలిసిన వాళ్లకి సంస్కృతం అంత గా కష్టం కాదనుకోండీ, అయినా, అప్పుడప్పుడు చాలా సందేహాలు వచ్చేస్తోంటాయి, ఉదాహరణకి నాసదీయ సూక్తం చదివేటప్పుడు - దీని కి నా పరిధిలో లో ఎక్కడో ఈ బ్లాగులో నే ఓ భావాను వాదం కూడా రాసాను - ఈ వేదం విషయం స్పెసిఫిక్ గా ఎందుకు రాసానో మీరు ఇప్పటికే గ్రహించేసి వుంటారు ) !

సో, ఆ పుస్తకాల ఫోటో లు ఇక్కడ పెడుతున్నాను. ఇవన్నీ ఇంకా పారల్లెల్ గా నే 'చల్' తూ వున్నాయి. ఇందులో ఒకటి కూడా  తెలుగు పుస్తకాలూ లేవేమిటండీ అంటారా ? నాకు తెలుగు రాయటం మాత్రమే వచ్చు, చదవటం రాదు, ప్రొబ్లెం !  అంతే గాక మేము 'తెల్గూ' వాళ్ళం, తెల్గు మాట్లాడం, చదవం మరీ. జేకే. !!

 

ప్రస్తుతానికి, అంటే ఈ టపా రాసే నాటికి 'చల్తూ' ఉన్న గాడీ ఇది. !!

ఇలా కొన్ని. మరి కొన్ని కూడా వున్నాయి. కాని మరీ బోర్ కొట్టేస్తుందేమో ? అందువల్ల ఇప్పటికి ఇక్కడే ఆపేస్తాను.

అందరికీ నూతన సంవత్సర శుభాకాంక్షలతో

చీర్స్
జిలేబి.

మా వేదం లో అన్నీ ఉన్నాయిష !

గూగుల్ వాడు "ఆడు సెన్సులు " పెట్టన్గానే జనాలు గూగుల్ మీద రిసెర్చ్ చేసి టాప్ కీ ఎడ్ వార్డ్ ల జాబితాలు మీకు కావాలా ? మమ్మల్ని సంప్రదించండి అనగానే జిలేబీలకి ఆశ పడిన ఒక జిలేబి ఈ "ఆడు సెన్సులు " అనగా ఏమి అని 'క్యూరియాసిటీ 'క్యాటును' కాటు వేసిందన్న చందాన కొంత సమయం వెచ్చించి ఆ పై ఇందులో 'ఆడడానికి ఎ సేన్సూ లేదు ' అనుకుని ' అందని ద్రాక్ష పండు పుల్లన ' అనుకుందట.


అట్లాంటి 'ఆడు సెన్సులు' గల 'ఆడు కీ వార్డ్ లు మన బ్లాగ్ లోకం ఈ మధ్య కాలం లో


౧. వేదం


ఈ పదం వేయంగానే మన 'సెన్సులు' ఆడు ను. ఈ ఎడ్ వార్డ్(కాకుంటే హేవార్డు ) చూడంగానే మన 'అంగుళీ యములు నాట్యము ఆడును.


మన వేదం లో అన్నీ ఉన్నాయిష !

౨. .ఈ పదం నేను చెప్పను. చాలా controversial !


హమ్మయ్య భంసు ! నేను కూడా ఒక స్టార్ టపా కి అర్హురాలినై పోయాను !

ఈ బ్లాగ్గర్ వాడు కామెంటులు సెలెక్టివ్ టపా కి disable ఆప్షన్ పెట్టలేదేమిటీ ?


చీర్స్
జిలేబి.

బుజ్జి పండు తెలుగు చదువు - 9 - (భామా విజయం - 4 )

"సో యువర్ ఆనర్," అడ్వొకేటు రాజీ గారు గొంతు సవరించుకున్నారు.

తిరుప్పావై మొదటి పాశురం వారికి గుర్తుకొచ్చింది.

"నన్దగోపన్ కుమరన్
ఏరార్ న్ద కణ్ణి యశోదై యిళంశింగమ్
కార్మేనిచ్చజ్ఞ్గణ్ కదిర్మదియం బోల్ ముగత్తాన్
నారాయణనే నమక్కే పరైతరువాన్
పారోర్ పుగళప్పడిన్దేలో రెమ్బావాయ్."

నందునిఅనుంగుబిడ్డ, నీలమేఘశ్యాముడు, పద్మనేత్రుడు యశోదముద్దుపట్టి, బాల కిశోరం చెప్పిన గీత కి ఈవాళ ఇక్కడ బహిష్కారమా కాదా అన్న వీరి కేసుకి శ్రీ కృష్ణుడు తనని ప్రెసెంట్ చేయమనడం తన పూర్వ జన్మ సుకృతం !

శ్రీ కృష్ణుల వారు చిద్విలాసం గా రాజీ గారిని గమనిస్తున్నారు. ఈ అమ్మాయిని తను అడ్వొకేటు గా ఉండమనడం ఈ అమ్మాయికి సొబగైన వ్యవసాయం ఐనది. తన భగవద్గీత ని క్షుణ్ణం గా  ఇంకో మారు చదివి మరీ ఇక్కడి కి వచ్చింది -

ఈ కేసు దెబ్బతో చదివని వాడు గూడా జాడ్యం వదిలించుకుని తా జెప్పిన గీతలో ఏముందో అన్న క్యూరియాసిటీ తో చదువు తాడేమో రాబోయే కాలం లో. 

అయినా ఆ కాలం లో అర్జునుడే చాలా కష్ట పడ్డాడు తాను చెప్పిన గీత ని అర్థం చేసుకోలేక.

కాలం మారింది. మనిషి కూడా చాల విజ్ఞాన వంతుడయ్యాడు. కాబట్టి ఒక వేళ క్షుణ్ణం గా చదివితే ఈ కాలం లో అర్థం చేసుకుంటాడేమో ! చూద్దాం ఈ రాజీ ఏమని వాదిస్తుందో ? కేసు గెలిస్తే ఏమి ఓడితే ఏమి ? తాను చెప్పాల్సింది చెప్పేసాడు. "Whether some body takes it or not its their Karma!"

రాజీ 'ఘనమైన కోర్టు వాళ్ళని చూసింది.

"యువర్ ఆనర్, మా శ్రీ కృష్ణుల వారు చెప్పిన గీతలో ఒక వాక్యం ఇక్కడ కోట్ చేస్తాను వినండి.

"You only control your action. Not the results. So be not motivated by results, nor be attached to inaction"

కోర్టు లో ని జడ్జి గారి కి తల గిర్రున తిరిగింది. ఇట్లాంటి సిద్ధాంతం ఎప్పుడూ విని ఉండలేదు ఆయన. ఆలోచించాడు. ఈ వాక్యం తన పుస్తకం లో రాసుకుని వంద సార్లు చదివిన తనకి అర్థం కాలేదు. తను లా చదివే టప్పుడు తన గురువు గారు చెప్పిన లాయరు సూక్తం గుర్తుకొచ్చింది ఆయనకీ. లా అన్నది లాయర్ ల కి మాత్రమె అర్థం అవ్వాలి. జన సాధారణానికి అర్థం కాకూడదు. అప్పుడే అది లా అనబడును - అదీ ఆయన నేర్చుకున్న ప్రధమ సూక్తం. ఆ ప్రకారం చూస్తె ఈ గీత తనకే అర్థం కాలేదు ఇన్ని మార్లు తిరగేసినా - కాబట్టి ఇది భారద్దేశం లో లా పుస్తకం అయివుండవచ్చు.
"Law has given me this Judge post! To which ever country this belongs, I donot care, but I need to respect Law"

అని ఆ జడ్జీ వారు ఒక నిర్ణయానికి వచ్చి " ఈ గీత లో బహిష్కారం చెయ్య వలసినది ఏదీ నాకున్నట్లు కనిపించడం లేదు. మీదు మిక్కిలి ఈ పుస్తకాన్ని వెంటనే పెర్ఫెక్ట్  గా మన దేశ భాషలో తర్జుమా చేసుకుని లా చదివే వాళ్లకి పుస్తక పాటం గా కూడా పెట్టుకునేలా చెయ్యాలి " అని ఓ జడ్జిమెంటు బర బర గీకి ఆయన ఎంచక్కా పోయారు.

శ్రీ కృష్ణు ల వారు ఈ మారు ముక్కు మీద వేలు పెట్టు కున్నారు. ఔరా, ఈ కాలపు రాధికలు మరీ ఘటికులే ! ఒక్క వాక్యం తో ఈ జడ్జీ గారిని బోల్తా కొట్టిన్చారే సుమీ అని !

రాజి శ్రీ కృష్ణుల వారికి నమోవాకాలు అర్పించింది.

"స్వామీ"
"ఏమీ "
నా మనసులో వున్నది మీకు తెలియదా "
"అమ్మాయ్ మనసులో వున్నది తెలియక పోతే నీ కృష్ణున్ని నేను కాను"
"తెలిసినా నా కోర్కెను తీర్చేరేమీ "

"ఇదో అమ్మాయ్ రాజీ, నువ్వు ఈ కోర్టు కేసు గెలిచావు. నీ కోరిక బుజ్జి పండుని జర్మనీ లో కలవాలి. అంతే కదా"

"స్వామీ వారు చిద్విలాసులు. మనసులో మాటని వెంటనే కనిబెడతారు "

శ్రీ కృష్ణుల వారు చక్రం తిప్పారు. రాజీ గారు అక్కణ్ణించి మాయమయ్యారు. !

******

మ్యూనిచ్ కొనిగ్ స్త్రాస్సే నెంబర్ పదకొండో ఇంటి ముందు ఆగిన బీ ఎం డబ్ల్యూ కారు నించి బులుసు గారు, బుజ్జి పండు, మధురా దిగారు.

మధురా ఇంటి కీ ఓపెన్ చేసి "హాయ్ " అన్న గొంతు వినబడటం తో తిరిగి చూసారు. బులుసు గారు, బుజ్జి పండూ కూడా తల తిప్పి చూసారు.

వెనక రాజీ గారు - ప్రత్యక్షం గా కాన వచ్చారు. !

"ఓహ్ రాజీ గారు, వాట్ ఏ సర్ప్రైజ్! "

బులుసు గారికి తల తిరిగింది ! ఇదేమిటి ఈవిడ గారు ఎక్కణ్ణించి ఇక్కడికి వచ్చారు అని

" ఏమండీ రాజీ గారు చాల సర్ప్రైజ్ "

"అంతా శ్రీ కృష్ణుల వారి చలవ మాష్టారు "

బులుసు గారికి ఈ శ్రీ కృష్ణు ల వారు మరీ అగాతా క్రిస్టీ సస్పెన్స్ బుక్ లా అయిపోయ్యారు !

(ఇంకా ఉంది)

ஒரு புல்லாங்குழல் அடுப்பூதுகிறது

ஒரு புல்லாங்குழல் அடுப்பூதுகிறது

அடுப்பு ஊதினால் நெருப்பு  வரும்

நெருப்பு வந்தால் கண் எரியும்

கண் எரிந்தால் கண்ணீர் வரும்

கண்ணீர் வந்தால் மனது இளமை யாகும்

ஒரு புல்லாங்குழல்  'புல்' அரிக்கிறது !

சீரஸ்
ஜிலேபி.

బుజ్జి పండు తెలుగు చదువు - 8 - (భామా విజయం - 3 )

"ఏమమ్మా మధురా !  మీ దేశం లో జనాలు మాట్లాడనే మాట్లాడరా?! ఇంత నిశ్శబ్దం గా వున్నావు "

అంటూ వందా యాభై కిలోమీటర్ల పైబడ్డ వేగం తో వెళుతున్న
 'నిశ్శబ్దమైన ' కారు లో బులుసు గారు మొదటి మారు నోరు విప్పారు ఆ సైలెన్స్ కి భయపడి.

శ్రీ కృష్ణుల వారికి నమో నమః నమో నమః అంటూ కోటి మొక్కులు తెలియ చేసుకుంటున్న మధుర ఉలిక్కి పడింది.

జర్మనీ దేశం లో హటాత్తు గా ఎవరైనా తప్పి పలకరిస్తే వచ్చే మొదటి రిఎక్షన్ అది.


"అమ్మాయ్ , నీ అనుమతి లేకుండా ఈ బుజ్జి పండు ని కూడా నాతో వచ్చేయమని లాక్కోచ్చేసాను. తనకి అమెరికన్ పాస్పోర్ట్ వుండటం తో ఎగ్జిట్ కి ఎ ప్రాబ్లం లేకుండా పోయింది. నీకేమీ సమస్య లేదు కదా ?" అడిగారు బులుసు గారు.

రోగి కోరిన మందే వైద్యుడిస్తే ఎవరన్నా వద్దంటారా ?

"మాష్టారు ! మీరు బుజ్జి పండుని బయటకు తీసుకు రావడానికి కారణం బుజ్జి పండు అమెరికన్ పాస్స్పోర్ట్ కానే కాదు ! " చెప్పింది మధుర రియర్ వ్యూ మిర్రర్ లో చూస్తూ.

"మరి?"

"మా శ్రీ కృష్ణుల వారే ! " తన్మయత్వం తో కనులు మూసుకుంటూ చెప్పింది. వెనక వొస్తున్న కారు వాడు 'పాం' అంటూ సైడు తీసుకుని ఓ సీరియస్ ముఖం పెట్టి వెళ్ళాడు.

" శ్రీ కృష్ణుల వారంటే ఎవరు మధురా ? నీకు తెలిసన కస్టమ్స్ ఆఫీసరా ?" ఇండియా లో లాగా ఇక్కడ కూడా సిఫారుస్లు చెల్లుతాఎమో అని సందేహం గా అడిగారు బులుసు వారు.

"కాదండీ సాక్షాత్తు శ్రీ కృష్ణుల వారే ! రాధికా కృష్ణుల వారే "

మధుర జవాబు విని బులుసు గారు సీరియస్ గా చూసారు ఈ మారు మధుర వైపు. ఈ అమ్మాయి కి బ్లాగుల్లోనే శ్రీ కృష్ణుల వారి పైత్యం అనుకుంటే నిజంగానే శ్రీ కృష్ణులవారి వల్ల బుజ్జి పండు ఎగ్జిట్ అయ్యాడు అంటూ అర్థం పర్థం లేకుండా మాట్లాడుతున్దేమిటి ?  అని కొంత సందేహం గా చూసారు మధుర వైపు వారు.

"బుజ్జీ , నీ పాస్స్పోర్ట్ అమెరికన్ పాస్? " మధుర నవ్వుతూ అడిగింది.

మధుర పక్క సీట్ లోనే కూర్చుని జర్మనీ ఆటోబాన్ ని శ్రద్ధ గా గమనిస్తున్న బుజ్జి పండు తలని అడ్డం గా ఊపి, "కాదండీ ఫ్రౌ మధుర గారు , నాది ఇండియన్ పాస్స్పోర్టే నండీ " అన్నాడు !

ఈ మారు ఆశ్చర్య పోవడం బులుసు గారి వంతయ్యంది. అక్కడ ఇంటర్నేషనల్ ఎగ్జిట్ లో ఆ పాస్స్పోర్ట్ ఆఫీసరు అమెరికన్ పాస్స్పోర్ట్ ఉందనే కదా బుజ్జి పండుని ఎగ్జిట్ కానిచ్చాడు అని బుర్ర గోక్కున్నారు వారు.

జరిగినది మొత్తం టూకీ గా మధుర చెప్పింది బులుసు గారికి. శ్రీ కృష్ణులవారి వల్లే  బుజ్జి  ఎగ్జిట్ కానివ్వటం జరిగిందని.

"ఈ కాలం పిల్లలు ప్రాక్టికల్ జోక్ వెయ్యడం లో సిద్ధహస్తులు " అనుకుని వారు "బుజ్జీ నీ పాస్పోర్ట్ చూపించు" అన్నారు సందేహం తో బుజ్జి పండు వైపు చూస్తూ.

బుజ్జి పండు పాస్స్ పోర్ట్ చూపించాడు.  అది వారికి అక్షరాల అమెరికన్ పాస్స్పోర్ట్  లానే వుంది, పక్షి రాజు అలంకృతమై !

" మాష్టారు మీరు నమ్మరు కదా ? "

"నమ్మక పొవట మన్న ప్రశ్నే లేదు అంత ఖచ్చితం గా పక్షి రాజు కనబడు తూంటేను !"

"పోనీ మీ కాళ్ళ వైపో మారు చూడండీ "

"అదేమిటో నమ్మాయ్, ఇండియా లాగా ఫ్రీ గా చెప్పులతో వచ్చేసాను ఇక్కడి చలికి కాళ్ళు తిమ్మి రెక్కుతున్నాయి " తన కాలి వైపు చూస్తూ అన్నారు బులుసు వారు.

బులుసు వారు కాళ్ళ వైపు చూసి ముక్కు పై వేలేసుకుని తన కాళ్ళకి అంత మాంచి బూట్లు వేసుకుని ఈ పెద్దాయన చెప్పులు అంటారేమిటీ అని ఆశ్చర్య పోయింది మదుర ఈ మారు.

"అదేమిటండీ బులుసు వారు, అంత తళ తళ లాడే బూట్లేసుకుని చెప్పులు అంటారేమిటీ ?"

"దునియా పాగల్ హాయ్ , యా ఫిర్ మై దీవానా " అన్న పాత పాట గుర్తుకొచ్చింది వారికి. !!

బుజ్జి పండు బ్లాక్ పాస్ పోర్ట్ నించి మూడు సింహాలు ముసి ముసి గా నవ్వు కున్నేయి అశోకుని కాలం ముందు నించే భారత దేశం లో శ్రీ కృష్ణుల వారి మాయలు చూసిన సింహాలు అవి మరి !

కారు మ్యూనిక్ నగరం కొనిగ్ స్త్రాస్సే  పద కొండు నెంబర్ ఇంటి ముందు స్లో గా పార్కింగ్ స్లాట్ లో కొచ్చింది ఆటో బాన్ నించి మాయమై ఈ మారు!

(ఇంకా వుంది)

ఫ్లాష్ ఫ్లాష్ - స్వామి భాస్కర చేతానంద స్వామీ వారు భారద్దేశం రాక !

ఫ్లాష్ ఫ్లాష్ -
స్వామి భాస్కర చేతానంద స్వామీ
వారు భారద్దేశం రాక !

హారం లో
వ్యాఖ్యలు
బ్లాగర్  వి బ్లాకు
అయిపోయినాయి !

స్వామి వారు భారద్దేశం లో కనిపించిన
వెంటనే రిమాండు (అప్పు తచ్చు) కి పంపవలె

ఇట్లు
పోలీసు శాఖ !

చీర్స్

జిలేబి.

Jesus జిలేబీయం

Just be
in
love &
ever
be
in Him!


క్రిస్స్మస్సు శుభాకాంక్షలతో

జిలేబి.

బుజ్జి పండు తెలుగు చదువు - 7 - (భామా విజయం - 2 )

మ్యూనిక్  మహానగరం.

ఓ అమ్మాయి చూడడానికి ఇండియన్ లా వుంది. 

చలి విపరతీం గా ఉండటం తో మెడ చుట్టూ మఫ్లర్ , తలకి స్కార్ఫ్. 

రిసెర్చ్ సెంటర్ నించి బయటకు  వచ్చి రిస్ట్ వాచ్ లో టైం చూసుకుని తన కారు ఎక్కి డాష్ బోర్డ్ పై వున్న శ్రీ కృష్ణ స్వాముల వారి ఫోటో కి ఓ నమస్కారం సమర్పించుకుని కార్ ని ఫ్రాంక్ఫర్ట్ నగరం వైపు కి వెళ్ళడానికి ఉత్తరం వైపు తిప్పి ఆటో బాన్ ఎ నైన్ ఎగ్జిట్ వైపు సాగించింది.

శ్రీ కృష్ణ స్వాముల వారి పై అమితానురాగాలతో రీసెర్చ్ చేసే మన మధురవాణి గారు ఈవిడే నని నేను వేరు గా చెప్పనక్కర్లేదనుకుంటా !

దాదాపు నాలుగు వందల కిమీ పై చిలుకు ప్రయాణం. ఓ మోస్తరు నాలుగు గంటలలో ఫ్రాన్క్ఫర్టు చేరుకోవచ్చని తీరిగ్గా ఆలోచనలో పడింది మధుర.

బుజ్జి పండుని కిడ్ నాప్ చెయ్యాలి అనుకున్నది గాని, ఎలా చెయ్యాలో తెలియకుండా పోయింది. ఆ ఐడియా వచ్చినప్పటి నించి మధుర శ్రీ కృష్ణుల వారిని పిలుస్తోన్నే వుంది. స్వామీ నీవే ఏదైనా ఉపాయం చూడు అని.

ఎందుకో ఎప్పట్లా ఈ మారు స్వామి వారు పలకడం లేదు. వున్నారో లేదో అన్న సందేహం కూడా వస్తోంది తనకి. ఎప్పుడు పిలిచినా వెంటనే పలికే కన్నయ్య ఈ మారు ఎందుకో ఏమో తెలీదు అస్సలు పత్తా లేకుండా పోయాడు.

ప్రయాణం లో అలుపు తెలీకుండా 'ఘంటసాలవారి అష్టపది వింటూ 'తవ విరహే కేశవా ' కృష్ణా రాధికా కృష్ణా రాధికా అంటూ ఆటో బాన్  మీద రెండువందల కిలో మీటర్ వేగాన్ని కారు కి అందనిచ్చింది మధుర వాణి, కృష్ణా ఏమైనా ఉపాయం చెప్పవూ అంటూ.

ఊహూ, శ్రీకృష్ణుడు అస్సలు పత్తా లేదు.

హే కృష్ణా ముకుందా మురా ఆ ఆ రే .... అంటూ ఈ మారు ఘంటసాల వారి గొంతు ఆకాశాన్ని అందుకోవడానికి ప్రయత్నిస్తే , తాను ఆటో బాన్ మీద వెళ్తున్నాన్నదాన్ని మరిచి హే కృష్ణా అంటూ స్టీరింగ్ పై నించి రెండు  చేతులూ వదలిసింది మధుర వాణి!

రష్యా లో కోర్టు కేసులో హాజరవుతూన్న శ్రీ కృష్ణుల వారు ఉలిక్కి పడి అక్కడ్నించి తటాలు న మాయ మయ్యారు, తన అడ్వొకేట్ అయిన రాజి కి మాట మాత్రం కూడా చెప్పకుండా , అడ్వొకేటు రాజి గారు కృష్ణా , వెళ్ళకు ఆగు, కేసు ఫైనల్ హియరింగ్ జరుగుతోంది అని గాబారా పడుతూ చెబ్తూంటే వినిపించుకుంటేనా స్వామీ వారు!

***

'అమ్మాయ్ , అమ్మాయ్ మధురా - నువ్వు ఆటో బాన్ లో వున్నావ్ , ఇట్లాంటి చేష్టలు ప్రాణ హానికరం' అంటూ సున్నితం గా సుతారమైన గొంతు ఈ మారు బాక్ సీట్ నించి విన రావడం తో ఉలిక్కి పడి ఈ లోకం లో కి వచ్చి మధుర రియర్ వ్యూ మిర్రర్ లో ఎవరా అని చూసింది.

నెమలి పించం , లలాట ఫలకే కస్తూరి తిలకం  అంత దాకా శ్రీ కృష్ణుల వారిలా వున్న ఆ ఆకారం ... ఆ పై వేషం వేరుగా వుండి, కొటూ , సూటూ,  కంఠం లో ముక్తా వళీ లా టై  పడమటి కేళీ విలాసం లా గున్నాడా పెద్ద మనిషి. !

' స్వామీ ! ఇదేమి కొత్త వేషం ఈ మారు ? ' స్వామిని గాంచిన మహదానందం తో అడిగింది మధుర.

'ఏమని చెప్పనమ్మాయ్ మధురా!  నేనెప్పుడో చాలా కాలం క్రితం మా అర్జునినికి గీత చెప్పాను. అది నా తలరాత లా అయిపోయింది.

 రష్యా లో గీత కి చరమ గీతం పాడాలని కొందరు కోర్టు కి ఎక్కారట.

మా అర్జునుడు ఒకటే గొడవ, బావా నీవే వచ్చి దానికి వకాల్తా తీసుకోవాలి ! నీ గీతను నువ్వే కాపాడుకోవాలి అని వాడు చేతులెత్తేసాడు.

పోనీలే అని రష్యా కోర్టు కెళ్ళి అక్కడి తతం గం లో తలమునకలై వుంటే నీ 'గజేంద్ర' పిలుపు ఆర్తనాదం వినిపించి, ఆ కోర్టు కేసు వాళ్ళ తలరాతకి వదిలేసి, అలాగే వచ్చేసాను !

అబ్బ ఒక్కటే చలి ప్రదేశం అమ్మాయ్ ఈ రష్యా దేశం ! అంటూ కోటు ని మరీ దగ్గిరగా కప్పుకున్నారు శ్రీ కృష్ణ స్వాములవారు - "ఇంతకీ  ఎందుకు నన్ను పిలిచినట్టు ?"  అని అడుగుతూ.

'స్వామీ ! బుజ్జి పండు ఫ్రాంక్ఫర్ట్ ఇంటర్నేషనల్ ఏరియా లో వున్నాడు. అతన్ని ఎలా బయటకి రప్పించి నేను మ్యూనిచ్ తీసుకెళ్లాలో నాకు తెలియటం లేదు. నీవే నాకు మార్గం చూపెట్టాలి ' అని మొర పెట్టుకున్నది మధుర, మొత్తం కథని టూకీ గా వారికి చెప్పి.

'ఓస్, అమ్మాయ్, ఈ మాత్రం దానికి నేనెందుకు. ? నా  ప్రియ బాంధవుడు బులుసు అక్కడే కదా వున్నాడు. ఆతడే చూసుకుంటాడు సుమా , వుండు ' అంటూ చేతిని తన హృదయం మీదికి పోనిచ్చారు శ్రీ కృష్ణుల వారు.

ఇక వస్తానమ్మాయ్! నీ కారు ఏర్పోర్ట్ చేరుతోంది, చూడూ, అక్కడ గెట్ ఎ ఒన్ దగ్గిర బులుసు వారు పక్కనే బుజ్జి పండు వున్నారు గమనించు . ఇక నే మళ్ళీ రష్యా వెళ్తా ' అని కృష్ణ స్వాములవారు అంతర్ధానమయ్యారు !

ఆటో బాన్ నించి సుమారు మూడు వందల కిమీ దూరం లో వున్న ఏర్పోర్ట్  ముందర ఆగింది ఈ మారు మధుర వాణి కారు "augenblick" సమయం లో !  అంతా శ్రీ కృష్ణుల వారి మాయ  ! గెట్ ఎ ఒన్ దగ్గిర బులుసు గారు, పక్కనే బుజ్జి పండు కనపడ్డారు మధుర వాణికి!

"Vielen Dank Krishna" అంటూ మధుర వాణి సంతోషం తో అమందానందకళిత హృదయారవిందురాలై కారు దిగి, బులుసు వారికెదురేగి 'నమస్తే' మాష్టారు ' అంటూ  చెప్పి, బుజ్జి పండు వైపు తిరిగి 'హాయ్ బుజ్జి పండు' అంది మధుర.

బుజ్జి పండు బులుసు వారి వైపు తిరిగి ఎవరన్నట్టు చూసాడు ఈ మారు.

'మై డియర్ బాయ్,  మీట్ 'ఊ , ఊహూ మధుర' అని బుజ్జి పండు కి పరిచయం చేసారు మధురని బులుసు వారు.

'ఓమ్ నమో మాతా నమో నమః' అనబోయి బుజ్జి పండు తాను జర్మేని లో వున్నానని గుర్తుకొచ్చి, "Wie gehts frau madhura " అన్నాడు.

"Good Dank! und du"  మధుర చెప్పింది బుజ్జి పండు జర్మన్  ఆక్సేంట్ కి అబ్బురపడి.

"Vielen good, Dank! ' బుజ్జి పండు చెప్పాడు నవ్వుతూ - "మా స్కూల్లో జర్మన్ సెకండ్ లేన్గ్వేజీ నాకు ". ఆతని హరీ పాటర్ కళ్ళద్దాలలోంచి చమక్కుమని ఒక మెరుపు మెరిసి తెల్లటి తివాచీలా వున్న మంచు పై రిఫ్లెక్ట్ అయింది.

"Alles klaar, das ist schon" అంటూ మధుర సంతోష పడి వారిద్దర్నీ అక్కడి దగ్గిరే వున్న స్టార్ బక్స్ కి తీసుకెళ్ళింది కొంత రెఫ్రెష్ అవడానికి.

కొంత సేపటి తరువాయి, ఆ ముగ్గురు వున్న మధుర కారు మ్యూనిక్ వైపు పరుగులేట్టింది. . బులుసు కాలికి నిగ నిగ లాడే కొత్త బూట్లు ఆ కారు కలర్ కి కామ్పీట్ చేశాయి ఈ మారు !

(ఇంకా ఉంది)

ఓ ఫన్ ఆర్ట్ విత్ జేకే - బ్లాగ్ 'జ్యోతి' గారి తో బ్లాగ్ముఖీయం - జ్యోతి గారికి పుట్టిన రోజు శుభాకాంక్షలతో !

వంద పేజీ ల పైన లింకులు

పన్నెండు పై బ్లాగులు

మూడు వేల టపాలని అందుకుంటున్న బ్లాగ్ వేగం

ఒక మిల్లియన్ దరిదాపుల్లో విజిటర్స్

Nearly 5 fruitful years in 'Blog Industry' !

ఆవిడ ఒకప్పటి ఇల్లలుకుతూ తనను తాను మరిచిపోయిన

సత్యవతీ శారద

ఒక శుభోదయాన పిల్ల గాలి లా మారి - బ్లాగ్ ప్రభంజనం గా పరిణితి చెందింది.

ఆమె ఒక 'పుయల్ - వియల్' !

నేడు బ్లాగ్ లోకపు 'జ్యోతి'

బ్లాగ్ గురువు

బ్లాగ్ లోకాం తపసా జ్వలంతీం !

December 22, 2011

జ్యోతి వలబోజు గారికి పుట్టిన రోజు శుభాకాంక్షలతో

ఓ ఫన్ ఆర్ట్ విత్ జేకే బ్లాగ్ముఖీయం !

ఇది ఒక  ABN- ఆంద్ర జిలేబి సహసమర్పణ !

నమస్కారం జ్యోతి గారు ! పుట్టిన రోజు శుభాకాంక్షలు !


మీరు ఒక వ్యక్తి యా లేక శక్తి యా ? పన్నెండు పై బ్లాగులు , ఎడతెరపని వ్యాస పరంపరలు. గృహిణీ గురుతరమైన భాద్యతలు. మీకు టైమ్ ఎలా కుదురుతుంది. రాత్రుళ్ళు నిద్రపోరా?

నమస్తే. ధన్యవాదములు.
అందరికీ లాగే నాకూ వున్నది ఇరవై నాలుగు గంటలే అండీ !. దాన్ని మనం ఎలా సద్వినియోగ పరచు కుంటాం అన్నదాన్ని బట్టి మన టైం మేనేజ్మెంట్! ఇరవై నాలుగు గంటల్నే, డెబ్బై రెండు గంటలు గా ఉపయోగించుకోవచ్చు.
The secret of success in the 21st century is all about learning things fast and unlearning them even faster!


మీ ఫ్యామలీ గురించి...

మావారు సివిల్ ఇంజనీరు, పిల్లలు దీప్తి, కృష్ణచైతన్య .ఇద్దరు వర్కింగ్. మేము ఉండేది .హైదరాబాదు. నేను ఇంట్లోనే ఉంటాను.

మీ అమ్మ గారి గురించి చెప్పండి ...

ఒక్కతే కూతురుగా పుట్టడంలో ఉన్న మజానే వేరు. అన్ని రాజభోగాలే. అమ్మ చేసే అలంకారాలు అన్నీ మనకే. చెప్పొద్దు కాని మా అమ్మ నాకు చిన్నప్పటినుండి గురువులా అన్నీ నేర్పేది. ముఖ్యంగా తెలుగులో చదవడం, ఏదైనా నేర్చుకోవడం. వంట దగ్గర అంటే కాస్త కాస్త సాయం చేయడం వరకే.

మార్కెట్లో కనబడిన కొత్త డిజైన్ ఫ్రాకులు, డ్రెస్ లు కుట్టేది . మల్లె పూలు మొదలయ్యాయంటే చాలు కనీసం మూడు నాలుగు సార్లైనా పూల జడ వేసుకోవాల్సిందే. అచ్చంగా నా జడకు డైరెక్టుగా కుట్టాల్సిందే.పూలజడ వేసుకునే రోజు ఒక ప్రత్యేకమైన రోజుగా ఉండేది.

కనీసం మూడు గంటలు కూర్చుంటే కాని జడ పూర్తయ్యేది కాదు. ఇక సాయంత్రం , పట్టులంగా వేసుకుని, అమ్మ నగలు పెట్టుకుని ఫోటో స్టూడియోకెళ్ళి వెనకాల అద్దం పెట్టి మరీ ఫోటో దిగడం.

నాకు పుస్తకాలు చదవడం అలవాటు చేసింది మా అమ్మే. క్లాసు పుస్తకాలే కాకుండా తప్పనిసరిగా చందమామ కొనేది పేపర్‌తో పాటు. ముందు సింగిల్ పేజీ కథలు చదువుతూ మెల్లిగా సీరియల్స్ చదివేదాన్ని. పాత పేపర్లవాడు వచ్చినప్పుడు చందమామల్లోని సీరియల్ కథలన్ని కట్ చేసి దాచుకునేదాన్ని.

మీ అమ్మాయి చదువుకి మీరు ఏమైనా సాయం పట్టారా ?

నేను అంతర్జాలానికి వచ్చిందే మా అమ్మాయి చదువుకోసం. ఇంజనీరింగు మూడవ సంవత్సరంలో ఉండగానే "మమ్మీ ! నేను CAT , XAT పరీక్షలకు చదువుతాను" అంది. ఆర్ధిక పరిస్థితులు అంతంత మాత్రంగా ఉన్న పరిస్థితులలో చదువుకుంటానంటే ఎలా వద్దనగలను.కాని నేను చెప్పింది ఒకటే.. నువ్వు సీరియస్సుగా చదువుతానంటే . ఓకె.. నువ్వు చదువుకో. మిగతా విషయాలు నేను సేకరిస్తాను అని నెట్‍లో కావలసిన సమాచారం సేకరించడం, నెట్ లో కలిసిన మిత్రులతో కాలేజీలు, ఉద్యోగం గురించి తెలుసుకోవడం నేను చేసేపని. కాని తను పట్టుదలతో చదువుకుని , ప్రతిష్టాకరమైన కాలేజీలో అదీ హైదరాబాదులో చేరింది. అనుకున్నది సాధించింది.


బుడిబుడి అడుగులతో ఆడుతూ పాడుతూ పెరిగిన నా చిన్నారి , అతి చిన్న వయసులొ ఇప్పుడు ఒక పెద్ద కంపెనీలో భాధ్యాయుతమైన ప్రాజెక్ట్ ఇంజనీరుగా ఉంది అంటే నాకు చాలా గర్వంగా ఉంది.

ఇంటి ఇల్లాలు చేసే పనులకు వెల కట్ట గలమంటారా ?

ఇంటికి దీపం ఇల్లాలు అంటారు, ఆవిడ చేసే సేవలు అమూల్యం.
అట్లాంటి ఇల్లాలు చేసే పనులకు నిజంగా వెలకడితే ఎంతవుతుందో తెలుసా? అక్షరాల ఓ వెయ్యి అమెరికన్ డాలర్లంత! అంటే మన లెక్కలో అరవై వెల రూపాయల పై చిలుకు!

మహిళల కోసం ప్రమదావనం ! మహిళల కోసం జల్లెడ లో ప్రత్యెక ప్రాంగణం కూడలి లో ప్రత్యేక విభాగం! స్పెషల్ చాట్ రూం నారీ భేరీ ఏమిటండీ మీ స్పెషాలిటీ ?

అదే మరి మా మహిళల ప్రత్యేకత.. ఒక్క టపా రాస్తే వంద టపాలు రాసినట్టు అన్నమాట.

ఆడవాళ్ళలో జీనియస్ లు ఎందుకు లేరంటారు ?

ప్రతి ఒక్క ఆడదీ జీనియస్ అండీ. ఈ జీనియస్ అనబడే వ్యక్తికి చెమ్మగిల్లే హృదయం ఉండాలి.కంట తడి పెట్టగలిగే మెత్తటి మనసుండాలి. ఈ గుణాలు ఆడవాళ్ళలో సహజం. అందుకే ప్రతీ స్త్రీలో ఓ జీనియస్ ఉంది. వెరయిటీ కే ఈ రోజులలో ప్రచారం, అందుకేనేమో ఏ ఒక్క మగవాళ్ళలో తప్పి జీనియస్ పుడితే, వెంటనే వారికి ప్రాచుర్యం వచ్చేస్తుంది.


పేగు తెంచుకుని నేలపై పడినప్పుడు ఆ ఆడపిల్ల అమృత కలశంగా కాలేదు. అగ్నికుంపటి కాలేదు. ఒక స్త్రీ అనుకుంటే సాధించలేని దంటూ ఏమీ లేదు.

మీరు బ్లాగ్ ఎప్పుడు మొదలెట్టారు ?

సెప్టెంబర్ 14, 2007 న.
ఇల్లలకగానే పండగౌనా అని సత్యవతీ గారి కథ. చాలా సంవత్సరాల మునుపు వచ్చింది.
ఇల్లలుకుతూ ఒక శారద తన్ను మరిచి పోయిందట. ఈనాటికీ మన చుట్టూ ఎంతోమంది తమ పేరు మరచిపోయిన శారదలు ఉన్నారు. భర్త , పిల్లలు , సంసారం తప్ప వేరే లోకం తెలిదు. అలాటి ఓ పేరు మరచిపోయిన శారదల్లో నేనూ ఒకదాన్నేఒకప్పట్లో ..


అప్పట్లో అందరి ఆడాళ్ళలాగే ఇంటిపని కాగానే నిద్రపోవడం, టీవీలో వచ్చే చెత్త సీరియళ్ళన్నీ చూడడం( అప్పుడవి మహాద్భుతాలు) వాటిగురించే చర్చించడం, మరునాటి కోసం ఎదురుచూడ్డం చేసేదాన్ని. వేరే వినోదం అంటూ లేదు మరి. ఐనా నాలో ఎదో అసంతృప్తి. నాకు నచ్చిన పాటలు, వంటలు, జోకులు, కథలు,పురాణగాథలు. వీటన్నింటి గురించి మాట్లాడుకోటానికి స్నేహితులు లేరు.

మొదటినుండి తెలుగు అంటే ప్రాణం. పుస్తకాలంటే మరీను. మరి ఏదైనా విషయం గురించి చర్చించాలి, సందేహం తీర్చుకోవాలి అంటే ఎవరూ లేరు. అందుకే గూగుల్‌లో కనపడ్డ తెలుగు గుంపులన్నీ చేరిపోయా. అప్పటికి గ్రూపులంటే తెలీదు. తర్వాత ఒక్కటొక్కటిగా తెలుసుకుని, బ్లాగ్ మొదలెట్టాను.


మొదట్లో నా బ్లాగులో ఏమి రాయాలో తెలీదు. అంతా అయోమయం. అందుకే ఎక్కువగా నాకు నచ్చిన విషయాలను రాసేదాన్ని. మెల్లి మెల్లిగా నా స్వంత రాతలు మొదలుపెట్టాను. అలా అలా నాకు ఇష్టమైన అభిరుచులన్నీ బ్లాగులుగా చేసుకున్నాను. బ్లాగు మొదలెట్టిన సంవత్సరంలోగానే కంప్యూటర్ ఎరాలో ఒక సమగ్రమైన వ్యాసం రాయగలిగాను.

ఈ బ్లాగులు ఏమి ఆశించి మొదలెట్టారు ?

ఈ బ్లాగులవల్ల ఏదో ఆశించి కాదు. కాని ఈ బ్లాగుల వల్ల నాకే తెలియని రచనాశైలి బయటికొచ్చింది అని చెప్పగలను. అలాగే ఎంతో మంది ఆత్మీయులను పొందగలిగాను. ఒక్కసారి వెనక్కి తిరిగి చూసుకుంటే నాకే నవ్వొస్తుంది.

ఈ బ్లాగులవల్ల మీకు ఏమైనా మంచిది జరిగిందా ?

ఈ బ్లాగుల వల్ల నా ఆలోచన, అవగాహనా శక్తి పెరిగింది.నిజం. ఎప్పుడైనా ఏ విషయమైనా నచ్చిందైనా , నచ్చనిదైనా, నా స్వంత విషయమైనా వెంటనే బ్లాగులో రాసుకుని అందరితో పంచుకోవడం అలవాటైపోయింది. అందరూ కుటుంబ సభ్యులు, పాత మిత్రులలా అనిపిస్తుంది. ఈ ప్రయాణంలో నేను ఎవ్వరితోను పోటీ అనుకోలేదు. నాకు నేనే పోటీ పెట్టుకుని రాసుకుంటూ పోయా. మొదటినుండి నాదో అలవాటు మంచిదో కాదో తెలీదు. నాకు తెలిసింది పదిమందికి చెప్పడం, తెలీంది పదిమందిని అడగడం. అదే పాటిస్తూ వస్తున్నా ..


ఇప్పుడు నేను మా ఇంట్లోవాళ్ళకి , మా పుట్టింట్లో గర్వంగా చెప్పుకుంటాను ఇంటర్‌నెట్‌లో దేశవిదేశాల్లో నాకెంత పేరుందో తెలుసా అని.. ఇది నేను ఇంట్లోనే ఉండి చేయగలిగాను అని. అందరూ ఊరికే అనేవారు మరి ఎప్పుడూ కంప్యూటర్లో ఏం చేస్తుంటావు అని. నేను ఎన్ని బ్లాగులు రాసినా అది నా కుటుంబ బాధ్యతల తర్వాతే తీరిక సమయాలలో చేస్తున్నాను.


అంతర్జాలాన్ని సక్రమంగా ఉపయోగించుకుంటే ప్రపంచం మనచేతిలో ఉండడంకాదు ప్రపంచానికే మనం పరిచయమవుతాం..

జ్యోతక్క గా చాలా మందికి తెలుసు గాని, ఎప్పుడైనా నెట్ లో అల్లరి చేసారా మీరు ?

అదేంటో గాని చిన్నప్పటినుండి అల్లరి చేసి ఎరుగను. ఇంట్లో ఒక్కదాన్నే ఆడపిల్లను, పెద్దదాన్ని. ఎవరితో పోట్లాడేది? అల్లరి చేసేది.? ఇది మస్తీ గ్రూపులో జరిగిన సంఘటన. అది నేను చేరిన కొత్తలో జరిగింది. నా నిజమైన వివరాలు ఒక్క గ్రూపు ఓనర్‌కి, ఒక అమ్మాయికి మాత్రమే తెలుసు. గుంపులో నేను చాలా యాక్టివ్‌గా ఉండేదాన్ని. ఎదో ఒక ఆట, చర్చ మొదలు పెట్టేదాన్ని. అప్పుడప్పుడు వంటకాలు పంపించడం గట్రా. ఆ సమయంలో ఒక అబ్బాయి చేరాడు.


ఎప్పుడు కూడా అమ్మాయిలను తెగ సతాయించేవాడు. నేను పంపిన మెయిల్స్ మీద కూడా ఎదో ఒక కామెంట్ చేసి కోపం తెప్పించేవాడు.నాకు ఆ అబ్బాయికి తరచూ గొడవ జరిగేది. అతడు తనకు తానే చాలా గొప్ప అనుకునేవాడు.


అలా ఒక రోజు ఈ బ్లాగ్ విషయం లా గుంపులో ఒక చర్చ మొదలు పెట్టాను. మీరు చేసిన అల్లరి చెప్పండి అని.

ఒక్కొక్కరు చెప్తున్నారు . అప్పుడు నాకో ఐడియా వచ్చింది. వెంటనే ఒక మెయిల్ చెసా." ఇంతవరకు నేను గుంపులో చెప్పిన వివరాలు తప్పు. నేను అమ్మను కాదు అమ్మాయిని, నా వయసు తప్పు చెప్పాను. నేను M.B.A చదువుతున్నాను. కావాలని గుంపులో అల్లరి చేసాను. ఎవ్వరిని మోసం చేయాలని కాదు " అని కాస్త గ్యాస్ కొట్టాను. ఇంకా ఆ తరువాయి ఆ అబ్బాయి పాట్లు చెప్పా లంటారా ?

మీకు సంగీతం అంటే ఇష్టం. ఏమంటారు ?

సంగీతం, నృత్యం, చిత్రలేఖనం మొదలైన 64 కళల్లో సంగీతం మొదటి స్థానంలో ఉంది. పసిపిల్లలు, పశువులు, పాములు, పక్షులు, మొక్కలు కూడా సంగీతాన్ని విని ఆనందిన్స్తాయని అంటారు. అంతే కాక మ్యూజిక్ థెరపీ వల్ల మానసిక రుగ్మతలను కూడా పోగొట్టవచ్చని వైద్యులు చెప్తున్నారు. "Music is Universal Language" ప్రపంచం అంతటికీ తెలిసిన ఏకైక భాష సంగీతం. ప్రపంచ సంగీతమంతా ఏడు స్వరాల (సప్తస్వరాలు) మీదే ఆధారపడి ఉంది. సంగీతానికి పునాది ఈ సప్తస్వరాలు.


ఉదాహరణకి, బిళహరి-- ఈ రాగం పాడి చనిపోయినవారిని కూడా బ్రతికించవచ్చు అంటారు. అమృతవర్షిణి-- ఈ రాగం పాడి ముత్తుస్వామి దీక్షితులు ఎట్టయాపురంలో వర్షం కురిపించి క్షామాన్ని రూపుమాపారని చెబుతారు


ఎక్కడి దింతటి యోపిక? యెక్కడి వీ జ్ఞానరుచులు, హెచ్చగు రీతుల్? మాటలు, పాటలు, వంటల మూటలతో, ’బ్లాగులోకము’న నొక్క ’డజన్’కోటలనే నిర్మించిన మీ ప్రతిభా రహస్యం ఏమిటి ?

ఇందులో రహస్యం ఏమీ లేదండీ.


తీరిక లేకుండా సాగిపోతున్న నా దినచర్యలో ఒక్కసారి ఆగి "నేనేంటి??" అన్న ఆలోచన చేయడం మొదలైంది. నేను ఎప్పుడు కూడా గతం గురించి కాని, వర్తమానం గురించి కాని చింతించలేదు. ఈ రోజు మాత్రమే నా చేతిలో ఉంది. దాన్ని ఎలా సద్వినియోగపరుచుకోవాలి అనుకున్నాను.

అప్పట్లో కంప్యూటర్ అంటే ఒక డబ్బా టీవీ, టైప్ రైటర్ అని తప్ప వేరే తెలీదు.

నిజంగా చెప్పాలంటే ఈ తెలుగు బ్లాగు వల్ల నాకంటే ఎక్కువ ప్రయోజనం పొందింది, సద్వినియోగపరుచుకున్నది ఎవరూ లేరనుకుంటా. తీరిక సమయాన్ని నెట్ పై వినియోగించి నేను పొందిన లేదా సాధ్యం చేసుకున్న కలలు చెప్పనా ?

దీపంజ్యోతి పరబ్రహ్మ..మనిషి నడవడానికి శక్తి కావాలి. ఆ శక్తినందించేది ఆహారం. అందుకే షడ్రుచులు. మనిషి నడతకు కావాలి మేలుకొలుపు. అదే జ్యోతి బ్లాగు. సాహితీసేద్యంలో సాహితీసమరాంగణ చక్రవర్తి పదఝరిలో ఓలలాడించే ఆముక్తమాల్యద,కమ్మనిపాటల గీతాలహరి,చక్కటి పాఠాల బ్లాగ్ గురువు,చరాచర సృష్టివైచిత్రిలో విచిత్ర మానవ స్వభావాలను పౌరాణిక కథలద్వారా ప్రస్ఫుటించే జగన్నాటకం,పొద్దు గడిచేందుకు పొద్దుగడి,నవ్వనివాడు పాపి అని తిట్టిమరీ నవ్వించే Jyothi అందించే హాస్యపు పుణుకులు మాటల చెణుకులు, భక్తిదారులు చూపి ముక్తిమార్గపు బాటను వేసే నైమిశారణ్యం, అంతే .

మీ విజయానికి దోహదం ?

నా విజయంలో పాతిక శాతం మావారికి, పాతిక నన్ను ప్రోత్సహించే నా పిల్లలు, మిత్రులకు, మిగతా యాబై శాతం నాకేనండి. ఎప్పుడు కూడా నాకంటూ ఒక లక్ష్యం పెట్టుకోలేదు. ఎదురొచ్చిన ప్రతి అవకాశాన్ని అందిపుచ్చుకుని, కష్టపడి విజయం సాదిస్తూ వచ్చాను. బ్లాగడం మీద అవగాహన, తెలుగు లో బ్లాగమని ప్రోత్సాహం.. వగైరాల ద్వారా 'నేను సాధారణ గృహిణినేనర్రా.. ఇపుడు చూడండి నన్ను..' అన గలిగాను.

ఒకప్పుడు తెలుగుబ్లాగు గుంపులో అల్లరి పిల్ల జ్యోతి, నేడు జ్యోతక్క, రేపటి ప్రస్థానం ఎక్కడికో?

జ్యోతిని ఇలానే వెలగనివ్వండి. కొన్ని ప్రమిదలు అనుకరిస్తాయి, మరికొన్ని, ఆశ్చర్యపడతాయి, అబ్బురపడతాయి, మరెన్నో అనుకరిస్తాయి. ఇంక ఎందరో జ్యోతక్కలు వస్తారు.రావాలి. జ్యోతి ఎప్పటికీ ఇలానే జ్వలిస్తూ ఉండాలి.

మీకు 'Blog Ambassadar' అని టైటిల్ ఇస్తున్నా నా తరపునించి అని జిలేబి గారు అన్నారంటా?

బ్లాగ్ లోకం లో మీకు పుయల్- వియల్ అని తమిళ బ్లాగర్స్ బిరుదు ఇచ్చారని విన్నాము ? (పుయల్- అంటే ప్రభంజనం - వియల్ అంటే - బంగారం !)

I love my computer/blogs because my friends live in it! నా సంతోషంలో ఆనందించి, బాధలో ఓదార్పు నిచ్చి, విజయాలలో అభినందించే ప్రియమైన బ్లాగు మిత్రులకు వందనాలు. మనఃపూర్వక కృతజ్ఞతలు.

అసలు రక్తసంబందం లేకుండా ఇంత ఆత్మీయత , ఆప్యాయత ఉన్న స్నేహాలు ఏర్పడతాయని కలలో కూడా అనుకోలేదు. ఇంతమంది బ్లాగు మిత్రులలో కొందరు కుటుంబ మిత్రులుగా కూడా మారారు!

I learn from my fellow bloggers. టైమ్స్ ఆర్టికల్ ద్వారా పరిచయమైన ముత్తులక్ష్మి అనే తమిళ బ్లాగరు తన నాలుగవ బ్లాగు వార్షికోత్సవ సందర్భంగా నాకు ఈ అవార్డు ఇచ్చింది.

బ్లాగు నెయ్యము మనకెంతొ బాగు బాగు
ఒకరి కొకరుగ సాయము ఒనర గూడ
జీవితంబున మనకెంతొ తావి నిచ్చు!
జయము జయమేను మనకింక జగతినందు

రౌడీ గారు, రౌడీ గారి అమ్మ గారు కథా కమామీషు ?

ఎవరూ మలక్పేట రౌడీ గారా ? మలక్ బ్లాగులోకంలోకి వచ్చింది నా మూలంగానే.. నన్ను కెలకడానికి వచ్చాడు అప్పుడెప్పుడో. తర్వాత పరిచయం కలిగి , స్నేహం పెరిగింది. కాని చివరికి నావల్లే కెలకబడ్డాడు పాపం.. అందుకే పెద్దలు చెప్పారు ... (... ఇది మీకు తెలుసు...)... అతని స్నేహం వల్ల నాకు కొన్ని రౌడీ వేషాలు అబ్బాయి లెండి. ఆ పై వారి అమ్మగారితో పరిచయం ఓ మరువలేని అనుభవం.

మన 'టెల్గూ' టీవీ ఏంకర్ ల గురించి మీ అభిప్రాయం ?

ఈ లంగరమ్మలు ఏమి మాట్లాడినా మాట్లాడక పోయినా హొయలు.. ఇందులో ఆశ్చర్యకరమైన విషయమేమిటంటే అంతా తెలుగువారే. ఐనా కూడా తమ వ్యాఖ్యానాలలో తెలుగు తక్కువ ఇంగ్లీషు ఎక్కువ ఉపయోగిస్తుంటారు. వాడుక భాషలో పదాలను కూడా ఇంగ్లీషులోనే చెప్పాలా? ఇక్కడ ప్రోగ్రాం చేసే ప్రొడ్యూసరు, డైరెక్టరు , యాంకరు, చూసేవాళ్లు , ఆ చానెల్ కూడా తెలుగే. మరి ఈ ఇంగిలిపీసు అవసరమా?? నూనె, ఉప్పు, చక్కెర ను కూడా ఇంగ్లీషులోనే పలుకుతారు. మనం వాటిని ఆయిల్, సాల్ట్ , షుగర్ అని అనము ఇందులో పాల్గొన్న మహిళలు మాట్లాడేది తక్కువ ఈ యాంకరమ్మల గోల ఎక్కువగా ఉంటుంది. వాళ్లు చెప్పింది ప్రేక్షకులకు ఎక్కడ అర్ధం కాదని అనుకుంటారో ఏమో వీళ్లు వెంటనే మళ్లీ చెప్తుంటారు. ఇక కొందరైతే మాష్ కి స్మాష్ కి తేడా తెలీని ముద్దుగుమ్మలుంటారు. అదేనండి ఉడికించిన బంగాళదుంపలను చిదిమి వాడతాము కదా. ఒక్కోసారి మాష్ అంటారు, ఒక్కోసారి అది బాంబు అనుకుని స్మాష్ అంటారు. ఖర్మరా బాబు..

అప్పటి అమ్మాయిలకీ , ఇప్పటి అమ్మాయిలకీ వ్యత్యాసం ?

అసలు ఇప్పటి అమ్మాయిలకు మంచి అభిరుచి అలవాటు చేసుకోవాలన్న ఇచ్చుక కొంత తక్కువే అనుకుంటాను. చదువు, కంప్యూటర్లు, సినిమాలు, మొబైల్ లేదా ఐప్యాడ్ పెట్టుకుని పాటలు వినడం. మంచి వాయిద్యం నేర్చుకుందామని ఎంత మంది అనుకుంటున్నారు?. ఏమంటే మాకు టైం లేదు అంటారు.

మా కాలంలో ఐతేనా??. .... అప్పట్లో స్కూల్లో, బాలభవన్ లో సంగీతం, వాయిద్యం నేర్చుకునే సదుపాయం ఉండేది. అసలైతే స్కూల్లో వారానికి ఒక రోజు సంగీతం క్లాసు కూడా ఉండేది. ఇంకా లైబ్రరీకి ఒక పీరియడ్ ఉండేది. మేము కూడా చదువుకుంటూనే ఆటలు, పోటీలు, సంగీతం, వక్తృత్వ పోటీలు అన్నీ పాల్గోనేవాళ్ళం. ఇంటికొచ్చి వేరే ఆటలు. ఏంటో ఈ నాటి పిల్లలు. చదువు తప్ప ఏది నేర్చుకుందామనే ఆసక్తి లేదు....


ఊరగాయల్ని గురించిన మూడనమ్మకాలు,ఊరగాయలూ, ఆధ్యాత్మిక చింతనా మీద మీరు రిసెర్చ్ చేసారంటా ?

ఊరగాయల మీద నా పరిశోధనా వ్యాసానికి ఓ డాక్టరేట్ ఇచ్చారండోయ్ మన బ్లాగ్ మిత్రులు నాకు !
ఆముక్తమాల్యదకు ముందే 14వ శతాబ్దంలో రచింపబడిన క్రీడాభిరామములో ఊరగాయలను గురించి చెప్పబడిన ఒకపద్యం చెప్పనా ?


కప్పురభోగి వంటకము, కమ్మని గోధుమపిండి వంటయున్‌,
గుప్పెడు పంచదారయును, గ్రొత్తగ గాచిన యాల నే, పెస-
ర్పప్పును, గొమ్ము నల్లనటి పండ్లును, నాలుగు నైదు నంజులున్‌,
లప్పలతోడ గ్రొంబెరుగు, లక్ష్మణవజ్ఝల యింట రూకకున్
(దీని భావమేమి జ్యోతి గారు అంటే, వారు చెప్పింది -మంచి సన్నన్నము, గోధుమపిండి వంట (రొట్టె), పంచదార, ఆవు నేయి, పెసరపప్పు, అరటి పండ్లు, నాల్గైదు ఊరుగాయలు, పెరుగు ఇవన్నియు ఒక రూకకు లభించును.)


కొత్తావకాయ గారి గురించి మీ అభిప్రాయం ?

అదేంటో వారి పేరు చూడగానే కొత్త ఆవకాయ ఎర్రగా నోరూరిస్తూ ఉంటుంది. ఇదిగో ఇప్పుడే వేడన్నంలో ఆవకాయ వేసుకుని తిని వచ్చా కాబట్టి నో ప్రాబ్లమ్. ! కొత్తావకాయ కి మించి చవులూరించేది ఇంకోటి ఉండదని అనుకుంటాను !

వేసవిలో ముఖ్యమైనది ఆవకాయ. కొత్తావకాయ పెట్టగానే అన్నీ జాడీలోకి పెట్టేసాక , కొంచం తీసి పక్కన పెట్టుకుని రాత్రికి వేడి వేడి అన్నంలో ఈ ఆవకాయ , నూనె వేసుకుని (నెయ్యి వేస్తే చప్పబడిపోతుంది) తినడం. చివర్లో కొద్దిగా పెరుగు తింటే కారం గీరం జాన్తా నై !

మీ బ్లాగులో భోజనానికి సంబందించిన టపాలు ఎక్కువ రాస్తుంటారు. మీరు మాంచి భోజనప్రియులా ? (పేరులోనే, బోజు కూడా వుందే మరి !)

భోజనం అనగానే ముందుగా గుర్తొచ్చేది అమ్మ చేతి వంటె. ప్రతీ అమ్మ అన్నపూర్ణే కదా. భర్త కోసం ఇష్టమైన వంటకాలు చేసిపెట్టు అతనికి ప్రేమతో వడ్డిస్తుంది ఇల్లాలు. అతను ప్రీతికరంగా తింటే తాను తృప్తి పడుతుంది ఆ ఇంతి.

షడ్రుచులు బ్లాగు రాసే మీకు నిజంగా అన్ని వంటలు చేయడం వచ్చా , లేక ఊరికే పుస్తకాలనుండి చూసి బ్లాగే స్తూంటారా చాలామందికి సందేహం ?

అందుకేనండోయ్, నా బ్లాగులో చాలా చోట్ల నేను చేసిన వంటలే ఫోటో లనే పెడుతూంటాను!.
మీకో సంగతి చెప్పనా? అసలు నేను షడ్రుచులు వెబ్ సైట్ మొదలెట్టడానికి కారణం మా అల్లుడే..

మీరు బ్రహ్మాండ మైన వంటకాలు చేసి, వాటి ' టెంప్టింగ్ ఫోటోలు బ్లాగులో పెట్టి, బ్రహ్మచారి బ్లాగర్ల మనోభావాలు దెబ్బతీసినందుకు జ్యోతక్క తక్షణం బేషరతుగా క్షమాపణలు చెప్పాలని అఖిలాంధ్ర బ్రహ్మచారుల సంఘం తరఫున డిమాండ్ చేసారంటా!

ఒక్క క్షమాపణ మాత్రమె కాదండోయ్ , గుత్తివంకాయ కూర తలా ఒక్కొ బ్రహ్మచారికి హాట్‌బాక్స్‌లో పెట్టి ఇవ్వాలని కూడా డిమాండ్ చేసారండీ! అ టపాల తో, వాళ్ళని నలభీమ పాక ప్రవీణులు గా కూడా చేసానండి!

మగవాళ్లు వంట నేర్చుకోవడంలో ఉన్న లాభాలు చెప్తాను నోట్ చేసుకోండి. ఇష్టమున్న వంటలు చేసుకోవచ్చు.చేయడం రాదంటారా? పుస్తకాలు ఉన్నాయి, నా షడ్రుచులు, ఇంకా ఎన్నో బ్లాగులు,సైట్లు ఉన్నాయి. రెండు మూడుసార్లు చెడిపోయినా పర్లేదు అనుభవం వస్తుంది. ఒక సారి చెడ్డా, అదే కూర బ్రహ్మాండంగా రెండో మారు వస్తుంది. మెస్సులు, హోటల్లకు డబ్బు తగలేసే పని ఉండదు.

పెళ్ళయ్యాక  కూడా ఆవిడ పుట్టింటికెళ్లినా, మీకు ఇష్టమైనది తినాలనిపించినా ఇంచక్కా వంటింట్లోకి ఎంటర్ అయిపోయి వంట చేసుకుని తినేయడమే. ఐనా వంట చేయడం బ్రహ్మ విద్యా? నలభీములదాకా ఎందుకు? ఈనాటి టిఫిన్ బండి ఐనా, చిన్న,పెద్ద, చుక్కల హోటల్లన్నింటిలో మగవారే కదా ఉండేది. ఆడవాళ్లు మీ ఉద్యోగాలు చేయగాలేంది మీరు ఈ వంట చేయడం ఒ లెక్కా? తలుచుకుంటే ఉఫ్ అని ఊదేయరూ? ఆలస్యమెందుకు? గరిట పట్టుకోండి బ్లాగ్ బ్రహ్మచారులు, అయిపోండి బ్లాగ్ పాక ప్రవీణులు!

ఈ టపా చదివే వారికి, ఏవైనా షడ్రసోపేతమైన 'క్రేజీ' కాంబినేషన్ చెబ్తారా ?

పూరీలు కాస్త ఎర్రగా కాల్చుకుని వేడి టీలో ముంచుకుని తింటే,, ఏ స్టార్ హోటల్ బిస్కిట్లు, బ్రేక్ ఫాస్ట్లు పనికిరావు.

మామిడి పండ్ల పానకం తయారు చేసి చల్ల పెట్టెలో పెట్టి . మండే ఎండాకాలంలో ,జిల్లుమనే పానకంలో వేడి పూరీలు కాని, చపాతీలు కాని ముంచుకుని తింటే నా సామిరంగా ఆ మజాయే వేరు.

పెరుగన్నంలో అప్పడాలు చిదుముకుని తినడం.

కమ్మపొడి అన్నంలో కలిపి గుండ్రటి ముద్ద చేసి..కంచంలో పక్కన ఆవకాయనూనె వేసుకొని..దానిలో ముంచుకొని తింటే..ఆహా!

చల్లపులుసులో కొత్తిమీర.. పచ్చిమిరపకాయ... ఆహా....

కందిపచ్చడిలో ఆవకాయ కలిపి తింటే..చెప్పలేం దాని రుచి

బోలెడంత వేరుసెనగ చట్నీ లో ఒక 'చిన్న' ఇడ్లి.."
కమ్మటి గడ్డ పెరుగులో వేడి వేడి జిలేబీలు? భలే ఉంటుంది. జిలేబీలు టీలో ముంచుకుని తినడం !

పెరుగు అన్నం లోకి ముద్దపప్పు...ఇడ్లి లోకి చారు....దోసెలు బెల్లం పులుసు..

ఇలా చెప్పుకుంటూ పోవచ్చండీ !

సంక్రాంతి పల్లెటూళ్ళలో చేసుకున్న అనుభవాలు మీకు వున్నాయా ?

నాకు పల్లెటూరి అనుభవం లేదు కాని పట్నం కబుర్లు చెప్తాను. నా చిన్నప్పుడూ సంక్రాంతి పండగంతా నాదే. మామూలుగా ఇంటి పని చేయని నేను సంక్రాంతి నెలరోజులు మాత్రం ముగ్గులు పెట్టేదాన్ని, పెళ్ళయ్యేవరకు కూడా. పండుగ నెలరోజుల ముందునుండే రకరకాల ముగ్గులు కలెక్ట్ చేయడం, ప్రాక్టీస్ చేయడం, స్నేహితుల వద్ద కూడా నేర్చుకోవడం ఇలా సరదాగా గడిచేది. రోజూ ఎనిమిదివరకు లేవని నేను ఆ నెలరోజులు చలి ఉన్నా కూడా
ఐదింటికే లేచి, శుభ్రం చేసిన వాకిలిలో రోజుకొక ముగ్గు వేయడమంటే భలే సరదాగా ఉండేది. చీకటిగా ఉన్నా భయమేసేది కాదు ఆ రోజుల్లో. అప్పుడప్పుడూ నేను ప్యాంటు షర్టు వేసుకుని ముగ్గు వేస్తుంటే అందరు వింతగా చూసేవారు. ముఖ్యంగా పాలకోసం వెళ్ళే మగవారు!~(వాళ్ళ కామెంటులు ,- ఆ ముగ్గులు చూసి , ..ఎన్ని రోజులైందో అంత perfect geometry చూసి లాంటివి విని నవ్వేసేదాన్ని!)

ఆ రోజుల్లో పతంగులు చాలా హుషారుగా ఎగరేసేవారు. ఆకాశం నిండా రంగు రంగు పతంగులు, అరుపులు , పిల్లలందరు డాబాలపైనే ఆ రోజంతా. ఇంకా పతంగులకు రక రకాల తోకలు కత్తిరించి పెట్టడం. కనుమ రోజు నేను మా తమ్ముళ్ళుకలిసి మిగిలిన ఆ రోజుల్లో సరదాలే వేరు!

మీ శ్రీ వారి పేరు , మరి వారి గురించి చెబ్తారా ?

ఆయన పేరా? అమ్మో భర్త పేరు ఎలా చెబుతారండి? పాపం కదూ? ఆయన ఫోటో సరియైనది లేకపోవడం వల్ల ఆయనకు సంబంధించిన వివరాలు ఇస్తున్నాను.

ఇంట్లో ఎప్పుడూ సీరియస్‌గా ఉన్నా, బయటికెళ్తే మాత్రం అందరితో సరదాగా జోకులేస్తూ, నవ్విస్తూ, నవ్వుతూ ఉంటారు.

ఎప్పుడైనా వంట బాగా లేకపోతే కోపంతో చిందులు తొక్కుతారు. బాగుంటే మాత్రం 'బా గుంది' అనరు. కామ్‌గా తినేసి వెళ్లిపోతారు.

మీ వారినీ అడిగామండీ, ఇదే ప్రశ్న, వారిచ్చిన సమాధానం చెప్పమంటారా!

చెప్పండి. అందులో ఏముంది. !

(జ్యోతి వారి శ్రీ వారు చెప్పింది - జ్యోతి కి మాత్రం ఇది చెప్పకండేం , అని వారు చెప్పింది-

నేను ఇంట్లో సీరియస్‌గా ఉంటాను అంటుంది. కాని తను ఎప్పుడు చూసినా ఆ బ్లాగుల్లో ఏదో బర బర రాసుకుంటూ, సీరియస్ గా వుంటుంది. ఏదో నిజంగా జరుగుతున్నంతగా లీనమై పోతుంది. ఎవరితోనూ మాట్లాడదు. పైగా వాటి గురించి ఇరుగు పొరుగు అమ్మలతో చర్చలు అదీ కంపూటర్ లోనే !

ఏదో పెళ్లయిన కొత్తలో వండిన కూరలు బావున్నాయంటే ఇక ప్రతీ రోజూ చెప్పాలా.అసలే ఆఫీసుకెళ్లే టెన్షన్‌.వంట బాగోకుంటే కోపం రాదా చెప్పండి ?)


మీకున్న బ్లాగ్ గుర్తింపు గమనించి, TRS వారు, మా నారా వారు, తమ తమ పార్టీ లకి 'అంతర్జాల ' బ్లాగ్ వాణి' గ ఉండమని రిక్వెస్ట్ చేసారంటా ?

బాగా చెప్పారండీ మీరు మరీను ! అది 'కోతల రాణి పెందరాళ కన్న కల ! అస్సలు ఈ రాజకీయాలంటేనే నాకు పడదు.
ఆ టపా రాసాక, అసలు ఒక్కసారైనా ట్రై చెయ్యొచ్చు గదా రాజకీయాల్లోకి, మా జ్యోతక్క అంటూ చాల మంది అడిగారు. ఎందుకండీ అని అడిగితే, మాకు జ్యోతక్క బాగా తెలుసు అని మేము చెప్పుకోవచ్చుగాడా అని చెప్పారు ! వాళ్ళ మాటలని నమ్మి నేను రాజకీయం లో వెళ్లి వుంటే!

మీరు 'శ్రీ వారలకు ' ఇచ్చే సలహా ?

"ఎం! మొగుడో ! ఏమో ! పెళ్ళానికి మూరెడు మల్లె పూలు తేడు ! మణులడిగానా , మాణ్యాలడిగానా ? అలిగిన ఇల్లాలిని మస్కా కొట్టడానికి మల్లెపూలకు మించిన సాధనం లేదేమో. ఈ కిటుకు ఎంతమంది భర్తలకు తెలుసు?
మధురమైన సుమధురమైన చల్లని సువాసనతో మరులు గొల్పే మల్లెపూలు మండే ఎండాకాలంలో ఎందుకే పూస్తాయి?
ఆలోచించి చూడండి. 'When the things go hot, ఓ చెండేడు మల్లెపూలతో మీ ఇంటి కెళ్ళి చూడండి. ఆ తరువాత మీరే 'హాయి హాయి' గా అంటూ పాడేసుకుంటారు !

మీరు కొత్త గా వచ్చె బ్లాగర్లకి ఇచ్చే సలహా ?

మీరు మీ రంగంలో అత్యుత్తమమైన విజయాలను స్వంతం చేసుకోవాలన్నా, యావత్ ప్రపంచం మన్ననలనీ పొందాలన్నా లక్ష్యాన్ని సాధించడంలో రేయింబవళ్ళూ కష్టపడడానికి తోడు మీ ప్రయత్నంలో వైవిధ్యతను ఆపాదించుకోవాలి.


ఫలానా వ్యక్తి ఫలానా విధంగా కష్టపడ్డాడు. కాబట్టి అదే మార్గాన్ని అనుసరిస్తే మనమూ సక్సెస్ అవుతాం అన్న ధోరణి మీ ఉనికినైతే కాపాడగలుగుతుందేమొ తప్ప మీకంటూ "మీకో" ప్రత్యేకత ఆపాదించ లేరు. కాబట్టి మీ కంటూ ఓ ప్రత్యేకతని కలిగించుకోండి. The idea is that "being different" from the set path.

మా ఏడుకొండల వాడి గురించి మీ అభిప్రాయం ?

మాకు పాతికేళ్ళ నుండి ప్రతి సంవత్సరం తిరుపతి కి వెళ్ళే అలవాటు ఉంది. అలా అయినా కాస్త విహార యాత్ర లాగా ఉండేది. తిరుపతి నుండి మరి కొన్ని ప్రదేశాలు కూడా వెళ్ళే వాళ్ళం.తిరుపతి ప్రయాణం అంటే ఒక గొప్ప అనుభూతి ఉండేది. అప్పట్లో ఇచ్చే ప్రసాదాలు ఇక చెప్పనక్కరలేదు. ఇరవై పెద్ద లడ్డూలు, ఇరవై గారెలు, ఇరవై వడలు, అన్న ప్రసాదాలు ( పులిహోర, చక్రపొంగలి, దధ్యోజనం, పొంగలి) ఇలా ఇచ్చేవారు. ఆ సువాసనలు ఇప్పుడేవి...అలా నింపాదిగా స్వామిని చూసే అదృష్టం కోసం ఎన్ని కష్టాలైనా పడొచ్చు అనిపించేది. ఎన్.టి.ఆర్ కాలంలో ఐతే అక్కడ చాలా స్ట్రిక్ట్ గా ఉండేది. ముఖ్యంగా అప్పటి E.O ఫై.వి.ఆర్. కే ప్రసాద్ గారు తిరుమలలో అవినీతి అనేది మచ్చుకైనా కనపడకుండా చేసారు.

మరి ఇప్పుడు తిరుమల అంటే అవినీతి సామ్రాజ్యం ఐపొయింది. సిఫారసులు కావాలి. సరే అలా ఖర్చు పెట్టి వెళ్ళినా దేవుడిని కనీసం ఒక్క నిమిషం కూడా చూడనివ్వరు.మొదటి ద్వారం దగ్గరనుండే పదండి పదండి అంటూ తోసేయడమే. కలికాలం అంటే ఇదే మరి. భక్తులు డబ్బులు వేయగానే రొంటిలో దోపుకోవడం. ఇదీ తంతు. కళ్యాణం ఐతే మరీ మొక్కుబడిగా చేస్తున్నారు. రెండు లడ్డులు, రెండు గారెలు ఉన్నా కవర్ మన మొహాన పడేసి , తాంబూలాలిచ్చేసాం ఇక తన్నుకు చావండి అన్నట్టు మూటా ముల్లా సర్దుకుని వెళ్ళిపోతారు. ఇపుడు తిరుమలలో పరిస్థితి చాలా ఘోరంగా ఉంది. మొత్తం కమర్షియల్ . ఇన్ని కష్టాలుపడి వేంకటేశ్వరుడిని చూడాలని వెళ్తే లాభమేంటి ? కళ్ళారా చూడనీకుండా తోసేయడం. మరి ఎందుకు వెళ్ళడం?? ఇందు గలడందు లేడను సందేహము వలదు . చక్రి సర్వోపగతుండు. అని నా మనస్సుకు చెప్పెసుకున్నా.


మీ కంటూ వున్న కలలు ?

హైదరాబాద్ మహానగరంలో ఉన్న నీటి సమస్య తెలియనిదెవరికి. రోజుకు అరగంట వచ్చే నీళ్ళతో ఎన్ని అవసరాలు తెర్చుకోవాలి. అప్పుడే బట్టలు ఉతుక్కోవడం, గిన్నెలు కడుక్కోవడం, ఇంకా పట్టిపెట్టుకోవడం.. హాయిగా స్నానం చేసే అదృష్టం కూడానా. బకెట్ నీళ్ళతో స్నానం పూర్తి చేసుకోవాలి. అదే ఈతకొలను, వానజల్లు అనుకుంటూ. ఐనా " జలకాలాటలలో గల గల పాటలలో ఏమి హాయిలే హలా! అహ ఏమి ఆ ఆనందం !

కొండల నడుమ ఎటువంటి శబ్ద కాలుష్యం లేని చోట, చుట్టూ పచ్చని చెట్ల మధ్య ఒక చిన్ని ఇల్లు.ఇంటివెనక ఒక ఈత కొలను. ఎండాకాలంలో చల్లగా, చలి,వాన కాలంలో గోరువెచ్చగా ఉండే నీళ్ళు.హాయిగా పాత పాటలు వింటూ ఒక్కదాన్నే ఈత కొడుతూ, పక్కనే ఓ షాంపేన్ బాటిల్, వేయించిన జీడిపప్పు పెట్టుకుని సిప్ చేస్తూ (మావారికి చెప్పకండే) ఎంజాయ్ చేయాలని నా తీరని (అస్సలు తీరే చాన్సే లేని) కోరిక. కలలోనే కదా నో ప్రాబ్లం.!

బ్లాగడం గురించి మీ అభిప్రాయం ?

బ్లాగడం ఇప్పుడో నిత్యావసరం. అందులోనూ తెలుగువారికి అన్నంలో ఆవకాయంత అత్యవసరం! ఆలస్యమైపోయినా ఫర్లేదు ... వెంటనే బ్లాగ్ మొదలెట్టండి! అవసరమైతే బ్లాగ్ గురువు చూడండి!

మీ పుణుకులు చాలా పాపులర్ ! మచ్చుకకి ఒక్కటి చెప్పండి ?

ఒక కూరగాయ అందరినీ చాలా మర్యాదగా తిడుతుందంట. ఏంటది???

మనిషి ఎలా బతకాలంటారు ?

మనిషి ఎలాగయినా బ్రతకవచ్చు కానీ మానవత్వ విలువలను కాపాడుతూ బ్రతకటమే నిజమయిన బ్రతుకు.

అన్ని దానాలలో ఏది గోప్పదానం అనుకుంటారు ?

ఆకలి అన్నవాళ్ళకి అన్నం పెట్టడం, దాహం అన్నవాళ్ళకి నీళ్ళివ్వడం ప్రతి మనిషి చేయవలసిన కనీస ధర్మం. అన్ని దానాలకన్నా అన్నదానం గొప్పదని అనుకుంటాను.

ప్రమదావనం లో బ్లాగులు ఇవీ రాసుకోవడమేనా? లేక ఇంకేమైనా చేస్తుంటారా మీరు ?

ప్రమదావనం అనేది మహిళా బ్లాగర్ల గ్రూపు. ఇందులో సభ్యులు సహాయ కార్యక్రమాలు చేస్తున్టారండీ.

కూడు, గూడు, గుడ్డ ప్రతి ఒక్కరికి అవసరం. కాని ఎందరో అభాగ్యులకు ఇది అందని ఫలమే.. కూడు ఎలాగో దొరికినా, గూడు లేకున్నా ఎక్కడ కాసింత జాగా దొరికితే పడుకుంటారు.. కాని గజ గజ వణికించే చలిలో దుప్పటి లేకుండా పడుకునే వాళ్ళు ఎంతో మంది మనకు కనిపిస్తారు. హృదయాన్ని కదిలించే ఈ దృశ్యాన్ని చూసి, చలించి, వారికి ఇతోదికంగా సహాయం చెయాలని ప్రమదావనం సంకల్పించింది.

ఐతె ఎవరు వారు? ఎచటి వారు? అనే వివరాలు అడగకుండా, చెప్పకుండా నిశ్శబ్దంగా సహాయం చేయాలని నిర్ణయించాము. పదివేల విలువైన ఉలెన్ రగ్గులు కొని ఈ కార్యక్రమం నిర్వహించాము.

ఉదయం మూడుగంటలకు బయలుదేరి ఫుట్ పాత్ ల మీద, దుకాణాల ముందు చలికి ముడుచుకుని పడుకున్నవారికి నిద్రాభంగం కలగకుండా దుప్పట్లు కప్పేసి వచ్చేసాము.

ఈ మీ పుట్టిన రోజున, పాతకాలపు మిత్రులు, బ్లాగర్లు తాత్కాలికం గా బ్లాగుల నిలిపిన వారి ని మీరెలా స్వాగతిస్తారు ?

రండి,రా రండి పాత బ్లాగు వీరులారా,
టపాల రెక్కలపై ఎగిరిరండి.
చిరకాల అనుభవ శూరులారా,
కొత్త వారలను కలుసు కొండీ, కలుపుకోండీ!
మీ కిదే మా మనసుల పునః స్వాగతం ! సుస్వాగతం !

జ్యోతి గారు,

మామూలు గృహిణి స్థాయి నుండి మీరు బ్లాగ్లోకంలో ఎంత గొప్ప స్థానానికి చేరారో ఇంతకాలం మీ ద్వారా సాయం పొందిన వారికి, మీ మంచితనం తెలిసిన వారికి తెలుస్తుంది. మీలో కష్టించి పనిచేసే స్వభావం మాలాంటి బ్లాగర్లకు ఆదర్శం. మరోసారి హృదయపూర్వక జన్మదిన శుభాకాంక్షలు. వెలిగే దీపం మరిన్ని దీపాల్ని వెలిగిస్తుందన్న మాట నిత్య సత్యం. చురుకుదనం,ప్రోత్సాహం,అణకువ,మర్యాద,విఙ్ఞానం,దూరదృష్టి, సమయసద్వినియోగం ఇలాంటి పదాలు చూడాలనుకున్న వారికి మీరు ఒక నడయాడే ఉదాహరణం.

నేటి మీ జన్మదినం,కోటి వరాల కానుక కావాలని,తల్లిదండ్రులు, గురువుల దీవెనలు మీపై కలకాలం వర్షించాలని, మిత్రుల అభినందనలతో , కుటుంబమనే నందనవనంలో , నిత్యకళ్యాణం - పచ్చతోరణం గా జ్యోతిగా కాంతులు నింపాలని మీ పెదాలపై చెదరని చిరునవ్వు తాండవమాడాలని.... మనసారా ఆకాంక్షిస్తూ,
శుభాకాంక్షలతో

Concept by Zilebi

జేకే - JUST KIDDING !

ABN - Active Bloggers Network

- ఆంధ్ర  జిలేబి - ఇంకెవరు నేనే !

చీర్స్

జిలేబి.