Friday, February 13, 2009
ఇడ్లీ గిడ్లీ - సాంబార్ గీంబార్ అనబడే చిత్తూరోళ్ళ కథ -2
ఈ టపా కి మొదటి దఫా లో బ్లాగరు మిత్రులు "ఏమిబా మీ ఊరేంది అని అడిగారు. " నాడో డికి " అన్ని ఊర్లు మన్వేగాబ్బ?
ఛీర్స్
జిలేబి.
Thursday, February 12, 2009
ఇడ్లీ గిడ్లీ - సాంబార్ గీంబార్ అనబడే చిత్తూరోళ్ళ కథ
హమ్మయ్యా! ప్రవర అయ్యింది కాబట్టి ఇంక కథ చెప్పొచ్హుకుంటా. అయినా చిత్తూరు జిల్లా దాకా వచ్హేసాక చిత్తూరు మాండలీకం గురించి రాయక పొతే ఎలాగంటారూ?
ఈ చిత్తూరు లో వృత్తి రీత్యా ఉన్నప్పుడు చిత్తూరు కి సంబంధించిన స్పెషల్ భాష ని గమనించడం జరిగింది. అదే ఈ తపా శీర్షిక!
అంటే 'గ ' భాష అన్నమాట.
హోటెల్ కి వెళితే ఎదో ఇడ్లి ఉందా అని అడగకుండా వీళ్ళు అడిగే తీరు ఎలా అంటారా? - "ఏమిబా ఇడ్లీ గిడ్లీ ఏదైన ఉందా?" అంటారు.
ఆట్లాగే "సాంబార్ గీంబార్" అన్న పదం చాలా తరచుగా వినొచ్హు. నాకు తెలిసనంత వరకు రాయల సీమలో చిత్తూరు లో ఉన్న్న ఈ "గ " భాష చిత్తూరు పరిసర ప్రాంతాలకే పరిమితమనుకుంటా.
ఈ "గ" భాష ఎంత పాపులర్ అంటే ఆస్సాము దేశంలొ పని చెసేటప్పుడు ఓ అస్సామీ కొలీగు - తను బాంక్ లొ చిత్తూరు లొ పని చెసేడటా- నాకున్న చిత్తూరు పరిచయాన్ని తెలుసుకొని "ఏంబా ఇడ్లి గిడ్లీ " అన్నాడు!
వార్నీ ఈ "గ" భాష ఇంత పాపులర్ అన్న మాట అని అప్పుడే తెలిసింది.
ఇంతకీ ఈ టపా గిపా గురించి మీ అభిప్రాయం ఏమిటిబా?
ఛీర్స్
జిలేబి.
http://www.optionsraja.tk
Monday, February 9, 2009
డాట్ టీ కే - ಡಾಟ್ ಟೀ ಕೆ - डाट टी के - டாட் டி கே
http://www.varudhini.blogspot.com/ అని పెద్దగా టైపు చెయ్యాలి గదా అలా కాకుండా సింపుల్ గా http://www.varudhini.tk/ అని టైపు చేస్తే ఎలా ఉంటుందంటారు? అన్నాడు.
ఈ డాట్ టీ కే గురించి తెలుసు కోవాలంటే ఈ క్రింది లంకె ఉపయోగించి తెలుసుకోవచ్చు.!
ఆ పై ఈ సైట్ రిజిస్ట్రేషన్ పూర్తి గా ఫ్రీ అన్న మాట!
http://freedomains.acsowa.tk
ఛీర్స్
జిలేబి.
Saturday, February 7, 2009
సింహ నృత్యం - చీనా సాంప్రదాయం
ఆ తరువాయి మరో మారు మరో భూతం ఆ గ్రామస్తుల్ని పట్టేసుకుని సతాయిస్తూంటే ఈ మారు గ్రామస్తులు సింహం రాజ వారిని వెతికే ప్రయత్నం చేస్తే సింహం వారు అసలు కనిపించ కుండా పోవడం తో ఏమి చెయ్యాలో అని పాలు పోక ఆలోచనలో పడి ఉంటే అక్కడ ఉన్న కుర్ర కారు "పెద్దలు మేము సింహం వేషం కడతాము మీరు డంకా భాజాయించండి సుమీ " అని ఆలోచన ఇచ్చేరు. ఈ ఆలోచనేమో బాగున్నట్టున్దేనని వారు భావించి సింహం వేషం లో కుర్రకారు న్రిత్యం చేసి భాజా లో డంకా లో మ్రోగిస్తే ఆ మోతకి భూతం గారు నిజమ్గా సింహం వచ్చేసిందని భయపడి పోయి పరుగు లంకించు కోవడం తో అప్పట్నించి చెడుని పార ద్రోలదానికి ఈ సింహ నృత్యం చెయ్యబడుతుందని - సాంప్రదాయం అయిందని కథా పురాణం.
ఈ కోవలో చినీయుల నూతన సంవత్సరమప్పుడు ఈ సిమ్హ నృత్యం సాంప్రదాయ పద్దతి లో పాతని పార ద్రోలి కొత్తని ఆహ్వానించడం అన్న భావ వీచికగా మొదలయ్యి ఇప్పుడు ఈ సిమ్హ నృత్యం చెసేవాళ్ళు ఒక కళాకారులుగా గుర్తించబడెంతవరకు ప్రాచుర్యంలొ కి వచ్హింది.
ఈ కథా నేపధ్యం లొ ఇక్కడ ఒక అపురూపమైన సిమ్హ నృత్యం ఫోటో ఇచ్హాను. ఇది ఈ సంవత్సరం చినీయుల నూతన సంవత్సరం (ఈ సంవత్సరం వీళ్ళకి "ఎనుబొతు" సంవత్సరం) అప్పుడు శింగపూర్ వ్యాపార దృష్ట్యా వెల్లినప్పుడు తీసిన చిత్రం ! కనులవిందుగా ఉందని భావిస్తాను. ఇదే మొదటి మారు ఇలా కమ్మీల పై ఈ సింహ నృత్యం చూడడం నా వారకైతే. ఈ సింహ వేషధారులు కుర్రకారులు కళా కారులు.
జిలేబి.
Friday, February 6, 2009
బ్లాగ్రాణి + బ్లాగ్రాజా = అంతర్జాల రాజ్యం
రాజా రాణీ కథలు మనం చాలా చదివే ఉంటాం. బ్లాగ్లోకం లో కూడా రాజులు రాణులు ఉంటారా? ఉండవచ్చని నా ఊహ. ఈ మధ్య మాంద్యం సమయం లో చాలా మంది అభివ్రిద్ది చెన్దిన దేశాలలో అంతర్జాలానికి అంకితమై పోయి జీవిస్తున్నట్టు భోగట్టా. ఇట్లాంటి సమయం లో ఈ అంతర్జాల రాజ్యానికి ఎవరికీ వారే రాజులు రాణులు గా చలామణి అవుతున్న బ్లాగ్ రాజులు బ్లాగ్ రాణులు తస్మాత్ జాగ్రత్త గా ఉండడానికి ప్రయిత్నించాలి. ఎందుకంటే ఈ బ్లాగించడమన్నది వ్యసనం లా అయితే - ఒక్కో మారు నాకూ అనిపిస్తుంది ఈ బ్లాగడం నిజాంగా అవసరమేనా అని- ఇక నిజా జీవితంలో జీవించడం తగ్గిపోతూ వచ్చి మానవుడు అంతర్జాలం లో కి నెట్టబడి ఓ విధమైన మాయా లోకంలో వేల్లిపోతాడేమో నని కూడా సందేహం వస్తుంది. సో బ్లాగు సోదరీ సోదరులారా ఇది నా స్వంత అభిప్రాయం మాత్రమె. మీరే మంటారో అని కుతూహలం ?
మీ బ్లాగేశ్వరి
జిలేబి.
Tuesday, February 3, 2009
పది మంది గొప్ప వ్యక్తులు ఒక్క చోట - మనోహరం మనమోహనం
Saturday, January 31, 2009
నా బ్లాగు పేరు తో సినిమా కూడా ఉందండోయ్!
ఇవ్వాళ కూడలి బ్రౌస్ చేస్తుంటే వరూధిని అన్న పేరుతో సినిమా కూడా ఉన్నట్టు తెలిసింది. తెలిపినవారు నవతరంగం వారు! వారి చలువ చే ఈ వరూధిని చిత్రం ఫోటో పెట్టాను ! వీక్షించగలరు!
జిలేబి.
Friday, January 30, 2009
బ్లాగ్లోకం లో భామామణి
ఇంతకీ విషయం ఏమిటంటే శ్రీ తాడేపల్లి లలితా బాలసుబ్రహ్మణ్యం గారు ఈ బ్లాగు కి మునుపు టపాలో ఈ ప్రశ్న వెయ్యడం ఈ టపాకి మేటర్ అయ్యింది. శ్రీ తాడేపల్లి లలితా బాలసుబ్రహ్మణ్యం ( చాల పెద్ద పేరు కాబట్టి సంషిప్తం గా "తాలబాసు" గా పిలుస్తాను వీరిని ) గారు ఈ సందేహం లేవదీసారు!
తాలబాసు వువాచ:
"
అది సరే ! ఏమనుకోవద్దు. ఒక విషయం చెప్పండి. ఇంతకీ మీరు మగ బ్లాగరా ? మహిళా బ్లాగరా ? మీ ప్రవర (profile) లో ఏ వివరాలూ లేవు. అందుకని అడుగుతున్నానంతే !"
ఈ వ్యాఖ్య ని చదివాక ఈ టపా కి ఈ "బ్లాగ్లోకం లో భామామణి " కి అని నామకరణం చేసినాను. ఎందుకంటే వరూధిని అన్న పేరుతొ బ్లాగు స్టార్ట్ చేసిన తరువాయీ సిరిసిరిమువ్వ blaagaru గారు "ఏమనడోయ్ జిలేబి గారు మీరు నాపెరుతో బ్లాగు స్టార్ట్ చేసినారు. నా స్నేహితులు ఈ బ్లాగు నాదేనా అని అడుగుతున్నారు" అన్నారు!
ఇప్పుడేమో "తాలబాసు" గారు మీరు మగ బ్లాగర లేక మహిళా బ్లాగారా అని నిక్కదీసి ప్రశ్న వేస్తున్నారు!
తెలియక అడుగుతాను నేను చేసిన నేరమేమి తిరుమలేశా? అంతా విష్ణు మాయ లా ఉందండోయ్!
ఛీర్స్!
జిలేబి.
Thursday, January 29, 2009
నెనర్లు అస్సలు తెలుగు పదమేనా-2
ఈ నెనర్లు అన్న పదం ఇంత వేడి టాపిక్ అని నాకు తెలియదు.
ఆంతే కాక ఇంత విశాల పరిధిలో చర్చించ బడ్డ లేక చర్చించదగ్గ విషయమని ఇప్పుడే తెలిసింది.
బ్లాగరు మిత్రులకు నెనర్లు/ధన్యవాదాలు/కృతజ్ఞతలు /!
నెనర్లు పేరుతో బ్ల్లాగు సెర్చ్ చేస్తే నెనర్లు.బ్లాగ్స్పాట్.కాం అస్సలు ఎవరు ఇంత దాక క్రియేట్ చేయ్యపోవకుండా ఉండిపోవడం ఆశ్చర్యమనిపించింది.
సో- ఈ నెనర్లు కి స్థానం కల్పించదలిచాను. భ్లాగు నెనర్లు పేరుతో ప్రారంభించాను. మిత్రులు గమనించి ప్రొత్సహించగలరు!
లింకు:
http://www.nenarlu.blogspot.com/
జిలేబి.
Monday, January 26, 2009
నెనర్లు అన్నది అసలు తెలుగు పదమేనా?
ఈ పదమేమన్నా బ్లాగులోళ్ళ చే తెలుగులోకానికి చేర్చబడ్డ కొత్త పదమా? ఎవరైనా సందేహం తీర్చగలరు?
జిలేబి.
Sunday, January 25, 2009
జనార్ధన మహర్షి కొత్త పుస్తకం- గుడి
గుడి
రచన: జనార్ధన మహర్షి
ప్రతులకు:రచయిత పేర, జి-2, కృష్ణ అపార్ట్మెంట్స్,
ఎల్లారెడ్డి గూడ , హైదరాబాద్- 500 073
pages: 151 Price: Rs.100/-
జిలేబి.
Saturday, January 24, 2009
ఈ మాట-ఎల్లలు లేని ప్రపంచానికి ఎలెక్ట్రానిక్ పత్రిక
సావకాశం గా చదువుకోడానికి వీలుగా ఉన్న పత్రిక. వీలున్నప్పుడు చదవడానికి ప్రయత్నించండి. తెలుగు ని మనసారా ఆస్వాదించండి.
బ్లాగులోకంలో మీ
జిలేబి.
Tuesday, January 20, 2009
ది మాంక్ హూ బాట్ హిస్ బుల్లక్ కార్ట్
బుల్లక్ కార్ట్ నుండి జీవితం మొదలెట్టి ఈ భూప్రపంచంలో ఈ మానవుడు ఇప్పుడు ఫెర్రరి స్టేజి కి వచ్చినా కూడా ఫెర్రారి ని వదిలి పెట్టనిదే మెంటల్ పీస్ లేకుండా పోవడం ఈ మానవ లోకం చేసుకున్న పుణ్యమో లేక ప్రారబ్ధ కర్మయో ఎవరు చెప్పగలరు? ఎంతైనా ఫెర్రారి కన్నా మెంటల్ పీస్ గొప్పదని మాంక్ గా మారిన ఆ అడ్వకేట్ ఆ కథలో చెప్పడం లో రాబిన్ శర్మ ఇండియన్ ఫిలాసఫీ ని వెస్ట్రన్ వరల్డ్ కి మళ్ళీ తీసుకు వెళ్ళడంలో సఫలీక్రుతులయ్యారని చెప్పవచ్చు.
జిలేబి.
Monday, January 19, 2009
చందమామ 1947 సెప్టెంబర్ నెల సంచిక
ఈ మధ్య బ్లాగులలో సంచారం చేసినప్పుడు ఈ 1947 సెప్టెంబర్ నెల చందమామ చూడడం తటస్చింది. మీకు ఈ చందమామ కావలున్కుంటే ఈ క్రింది లింకు నుండి (ఇంకా కూడా బోల్డెన్ని పుస్తకాలు ఉన్నవి డౌన్లోడ్ చేసుకుని చదువుకోండి. Its free to download!
http://rare-e-books.blogspot.com/2008/08/chandamama-september-1947.html
జిలేబి.
Saturday, January 17, 2009
శ్రీ మధురాంతకం రాజారాం గారి జ్ఞాపకాలు - ముచ్చటగా మూడో సారి
అట్లాంటి ఓ మధ్యాహ్నపు జర్నీ లో ఓ ఆయిల్ టాంకర్ ఎక్కి చేసిన ప్రయాణం లో ఈ టాంకర్ మధ్యే మార్గం లో బ్రేక్ డవున్ అవడం తో హతోస్మి అనుకుంటూ దగ్గిర వున్న ఎ గ్రామం దాకానో నడిచి వెళ్లి కాస్త టీ నీళ్లు పడేసుకుందామని విచారిస్తే దగ్గర్లో ఉన్న గ్రామం శ్రీ మధురాంతకం రాజారం గారి దామల్చెరువు అవడం జరిగింది. సరే అని ఆయన ఇల్లు కనుక్కొని (గ్రామం లో ఇల్లు కనుక్కోవడం అంత సులభమైన పని వేరే ఏది లేదు!) వెళితే ఆయన ఇంట్లో సావకాశం గా పడక్కుర్చిలో కూర్చిని ఉన్నారు.
అప్పటికే సాయం కాలం అవటంతో పలకరింపులోనే "చాలా పొద్దు పోయి వచ్చారు బాగున్నారా" అని ఉభయ కుశలం విచారించి అలా సంభాషణ పిచ్చాపాటి లోకి దిగింది.
వస్తుతః ఈ సంభాషణం లో ఎట్లాంటి ప్రత్యేకతలు లేవు. ఓ ఇద్దరు మనుషులు కలిస్తే పిచ్చాపాటి చేస్తే అందులో ఎట్లాంటి ప్రత్యేకతలు లేక పోయిన కూడా అందులో ఓ విధమైన వ్యక్తిత్వ ప్రకటన ఉంటుంది. అట్లాంటి దే ఈ సంభాషణం కూడా!
మధురాంతకం లాంటి పెద్దలతో పిచ్చాపాటి కూడా ఓ మరిచి పోలేని అనుభవమే. ఎందుకంటే వారి మాటల్లో నిజ జీవితం ప్రతిఫలిస్తుంది వారు పలికే ప్రతి మాట వెనుక జీవితానుభవం ప్రతిభిమ్భిస్తుంది.
జిలేబి.
సంక్రాంతి శుభాకాంక్షలు
జిలేబి.
Sunday, January 11, 2009
నాకు నచ్చిన పద్యం - దాశరథీ శతకం నుంచి
ఈ పద్యం లో ఉన్న జోష్ రియల్లీ సూపర్బ్. - డాండ డడాండ డాండ అన్న పదమొక్కటే చాలు చేణుక్కు మనడానికి
భావార్థం: ఈ పద్యం శ్రీ రామచంద్రుని గురించి. శ్రీ రాముడు బలంలో భీముడంతటి వారట. ఆర్త జన భాన్దవుడు. ఉజ్వల బాణ తూణ కళా కోదండ ప్రచండులు. అట్లాంటి శ్రీ రామచంద్ర ప్రభువుల భుజ తాండవ కీర్తిని మత్త ఏనుగు నెక్కి డంకా భజాయించి అట్లాంటి స్వామీ కి రెండవ సాటి దైవం ఇక ఎవ్వరు లేదని చాటి చెబ్తారట దాసరథి వారు!
జిలేబి.
Saturday, January 10, 2009
హాస్య దర్బార్ - సత్య ప్రసాద్ అరిపిరాల గారి ఈ బుక్
Friday, January 9, 2009
సత్యం రాజు & శివాజీ ది బాస్ ఒకరేనా?
మన కలియుగం లో జామ్బూద్వీపం లో భారత వర్షం లో భారత ఖండంలో ఆంద్ర రాజ్యం లో రాముని పేరుగల రాజు గారు లేని డబ్బుని ఉన్నట్టు గా నిలబెట్టి యాభై వేలమంది యువతకి ఉద్యోగం కల్పించి అరవై ఐదు దేశాల్లో భారతకీర్తిని తెలుగు తేజాన్ని చాటించి విష్ణు మాయ చేసారు.
శ్రీమాన్ శివాజీ ది బాస్ గారి చిత్రరాజం వౌ అంటూ జూమ్మంటూ బాక్సాఫీస్ బద్దలు కొట్టింది- చిత్రం లో శివాజీ గారు చెరసాల కి వెళితే దారిలో కోట్లాది జనం ఆయన కోసం నిరీక్షణ. శ్రీ రామచంద్రుడు సత్య వాక్పరిపలన కోసం అడవి కి వెళితే దేశం ప్రజానీకం కన్నీరు కార్చింది.
ఈ తెలుగు తేజం లేని డబ్బుతో ఒక కార్పొరేట్ సామ్రాజ్యాని ఇరవై సంవత్సరాలు గా నిలబెట్టిన వైనం దీని పర్యవసానం వేచి చూడ వలసినదే మరి.
జిలేబి.
Tuesday, January 6, 2009
కాల వాహిని అలల వాలున సాగి పోవుట సులభ తరమే ....
కలి కాలం వైపరీత్యాలు మన మున్న జామానాలోనే అన్ని ప్రాబ్లం రావాలని అంటారా?
అంతా విష్ణు మాయ గాకుంటే మరేమీ చోద్యం అంటారు?
ఎంతైనా కాల వాహిని అలల వాలున సాగి పోవటం సులభ తరమే. కాని ఇప్పుడున్న పరిస్తుతల్లో ఇది కూడా కష్టమే అని పిస్తోంది.
వీటన్నిటికి త్వరలోనే ఓ భంసు తేరా బడి శుభమైన కాలం ఆసంన్మవుతుందని ఆశిద్దాం!
జిలేబి.
Monday, January 5, 2009
ఏమండోయ్ శ్రీమతి గారు
ఒక్కో నటుడికి(నటి కి) ఓ సొగసైన పద్దతి డైలాగ్ డెలివరీ ఉంటుంది. వీళ్ళని అబ్సర్వ్ చేస్తే దీని మీదే ఓ థీసిస్ రాయొచ్చు !
మీరేమంటారు?
జిలేబి.
Friday, January 2, 2009
Thursday, January 1, 2009
నూతన సంవత్సర శుభాకాంక్షలు
రండి పాత సంవత్సారానికి బాయ్ బాయ్ చెబ్తూ నూతన సంవత్సరానికి స్వాగతం పలుకుతాం. అంతే కాదు - మంచి విషయాలికి మనకి ఈ నూతన సంవత్సరం లో ఎప్పుడు సమయం ఉందని నిరుపిస్తాం.
జిలేబి.
Tuesday, December 30, 2008
మా తాత గారి వేమన శతకం
ఈ నేపధ్యం లో మా తాతగారు తన స్వహస్తం తో వేమన శతకం లో రాసుకున్న ఈ క్రింది పద్యం ప్రస్తావిస్తే నాకు తన్నులు తప్పడమే నేను చేసుకున్న పుణ్యం. చెప్పింది కూడా శుద్ధ బ్రాహ్మణ పరివారం నడి ఇంట్లో- అదీను ఆ నడి మద్యాహ్నం వారు బ్రహ్మాండం గా పెట్టిన భోజనం శుభ్రం గా లాగించిన తరువాత.
వేమన తన కాలానికి నాకు అర్థమైనంతవరకు ఓ revolutionary.
ఈ పద్యం నిజంగా మా తాతగారు స్వహస్తాలతో రాసుకున్నది. అంటే ఓ 60 లేక 70 సంవత్సరాల క్రిందట ఉండవచ్చు. ఇది వారి కాలపు పేరడీ కూడా అయి ఉండవచ్చు. కాబట్టి దయచేసి నన్ను తప్పుగా అనుకోవద్దు.
పద్యం:
పిండములను జేసి పితరులను తలపోసి
కాకులకు బెట్టు గాదిదలార
పియ్య తినెడు కాకి పితరుడెట్లాయరా
విశ్వదాభి రామ వినుర వేమ.
జిలేబి.
Monday, December 29, 2008
మధురాంతకం రాజారాం గారి జ్ఞాపకాలు - 2
జిలేబి.
Sunday, December 28, 2008
కృష్ణా తీరం
జీవితపు కాల వాహిని లో ఉద్యోగ పయనం చేసేటప్పుడు మొట్టమొదటిసారి కృష్ణ సందర్శనం విజయవాడని కోరమండల్ ఎక్ష్ప్రెస్స్ ట్రైన్ లో క్రాస్ చేసినప్పుడు లభ్యమైంది. అదే మొదటిసారి కృష్ణ ని చూడడం. చూసాక అనిపించింది - బిర బిర కృష్ణమ్మా అని మన గేయకారులు శంకరంబాడి సుందరాచారి గారు ఊరికే అనలేదు అని. ఎంతైనా కృష్ణా దర్సనం మదిలో నిలచిపోయే ఓ తియ్యటి అనుభవం.
జిలేబి.
Saturday, December 27, 2008
కాణిపాకం వరసిద్ది వినాయక దేవాలయం
చిత్తూరు జిల్లా లో తిరుమల తరువాత ప్రసిద్దమైన కాణిపాకం వరసిద్ధి వినాయక దేవాలయం ఈ మధ్య కాలం లో చాలా ప్రాచుర్యం పొందింది. పురాతనంగా జిల్లా వరకు వ్యాపించిన ఈ దేవాలయపు ప్రాచుర్యం తిరుమల కి దూర దూర తీరలనుండి వచ్చే భక్తుల ద్వారా ఇంకా చాలా మంది భక్తులకు తేలిసి రావడం జరగడం ద్వారా నోటి మాట ద్వారా, తిరుమల తిరుపతి దేవస్థానం వారి ద్వారా ఇంకా ఎక్కువ మంది జానాభా కి తెలిసి వచ్చింది. అట్లాంటి దేవాలయం వెళ్ళే దారి ఫోటో ఓ మారు ఈ గ్రామం గుండా బసులో పయనించి నప్పుడు తీసింది ఇక్కడ పొందు పరిచాను.
జిలేబి.
మధురాంతకం రాజారాం గారి జ్ఞాపకాలు
జిలేబి.
Friday, December 26, 2008
అంతా విష్ణు మాయ
ఇవన్ని వేరిసి విష్ణు మాయే మరి.
జిలేబి.
Wednesday, December 24, 2008
సింగపూర్ flyer
జిలేబి.
Saturday, December 20, 2008
కాంతం కనకం కర్పూరం
కర్పూరం తానూ కరిగిపోతూ ప్రపంచానికి వెలుగునిస్తుంది. కనకం తానూ కరగదు తనని సొంతం చేసుకున్నవాల్లని కరిగించదు.
మరిక కాంతం మాట ఏమిటి ?
కాంతం కనకము కర్పూరం కూడాను. కాంతం కర్పూరం లా తానూ కరిగిపోతుంది. భామతి కథ చదివారా ఎప్పుడైనా? కాంతం కర్పూరం అనడానికి భామతి ఉదాహరణ. కనకం లాంటి కాంతాలు లేకుండా పోలేదు.
మరి కాంతం లాంటి కాంతం ఉన్నారా?
జిలేబి.
Wednesday, December 17, 2008
రైలు ప్రయాణం
Tuesday, December 16, 2008
మా ఊరి కథ
జిలేబి.
Monday, December 15, 2008
అమ్మా ఆవు ఇల్లు ఈగ
అమ్మా ఆవు ఇల్లు ఈగ
మనం చిన్నప్పుడు నేర్చుకున్న అమ్మా ఆవు ఇల్లు ఈగ మరిచిపోలేని పదాలు. ఇవి చిన్ని పదాలైనా చిన్నప్పుడే నేర్చుకున్నాం కాబట్టి వీటితొ బాటు చిన్న నాటి గ్నాపకాలు కూడా మన మనసులో పదిలంగా నిలిచి ఉండటం వల్ల వీటికి ఇంకా సుస్థిరమైన స్థానం మన హృదయాలలో నెలకొని ఉండటం గమనించవచ్చు. అందుకే చిన్ని నాటి గ్నాపకాలు మనల్ని అప్పుడప్పుడు పిల్లగాలిలా స్పృశిస్తూ మనసులకి సేదనందిస్తూ తీపి గుర్తులుగా మిగిలిపోతాయి. ఎంతైనా చేతవెన్నముద్ద చెంగల్వ పూదందయే కదా!
జిలేబి
Saturday, December 13, 2008
వరూధిని ప్రవరాక్య
జిలేబి