మూడో మొగుడి నాలుగో పెళ్ళాం

సుభద్ర ఎట్లా శ్రీ కృష్ణుల వారికి చెల్లెలు అని అడిగారు జై గొట్టి ముక్కలు వారు.

దానికి సమాధానం టపీమని ప్రవీణ్ శర్మ చెప్పెసేరు (అబ్బాయి ప్రవీణుడు స్ట్రైట్ సమాధానం ఇవ్వడం ఇదే మొదటి సారి నేను చదవడం!) - వసుదేవ రోహిణి ల కుమార్తె సుభద్ర అని , సో, సుభద్ర శ్రీ కృష్ణుల వారి చెల్లెలు అని.

శ్రీ కృష్ణార్జునుల మైత్రి జగద్విదిత విషయం. ఈ విషయమై ఆలోచిస్తా ఉంటే ఫక్కున నవ్వు వచ్చింది.

చెల్లెలు సుభద్ర వివాహం అర్జునిని తో గావించడానికి శ్రీ కృష్ణుల వారి నాటకం (శ్రీ కృష్ణార్జున యుద్ధం లో రసవత్తరమైన ఘట్టాలు ఉన్న సన్నివేశాలు ఉన్నాయి మరి !- తపము ఫలించిన శుభ వేళ .. )

కథా పరం గా రక్తి కట్టించే అంశం ఏమిటంటే, 'సుభద్రా సహిత అర్జునుల' 'ఎలోప్మేంట్' సందర్భం లో సుభద్ర ని శ్రీ కృష్ణుల వారు రథాన్ని సారధ్యం వహించ మనడం, దానిని కారణం గా చూపి, అర్జునుడు సుభద్ర ని లేవ దీసుకు పోలేదు, సుభద్రే మనసు పడి అర్జునిని లేవ దీసుకు పోయింది కాబట్టి ఇందులో అర్జునిని తప్పేమి లేదు సుమీ అని అర్జునినికి శ్రీ కృష్ణుల వారు వకాల్తా పుచ్చు కోవడం !

ఎంతైనా అర్జునుని మీది అవ్యాజమైన ప్రేమ శ్రీ కృష్ణుల వారి ది మరి.

 మైత్రీం భజరే !

ఇక ఈ టపా శీర్షిక మూడో మొగుడి నాలుగో పెళ్ళాం ఎవరు అంటే సుభద్రా దేవే కదా మరి? అర్థం అయ్యిందా ? అర్జునిని ద్రౌపది, చిత్రాంగద, ఉలూపి తరువాయి సుభద్ర నాలుగో భార్య కదా మరి అర్జునుల వారికి ?

ద్రౌపది వరమాల తో అర్జునిని వరిస్తే, తల్లీ భిక్ష తెచ్చామని కుంతి తో ఐదుగురు కొమరులు అంటే, ఆ తల్లి భిక్షని సమంగా పంచుకొండీ అంటే, పాంచాలి పంచ భర్తృక అయ్యింది. అర్జునుడు ద్రౌపది కి మూడో మొగుడన్న మాట .

ద్రౌపది, చిత్రాంగద, ఉలూపి ల తో చేర్చి మువ్వురు భార్యలని అక్కున చేర్చుకున్న అర్జునినికి (మూడు మళ్ళీ!) సుభద్ర తన మనసుని దార పోసుకుని నాలుగో పెళ్ళాం అయ్యింది.

వీరి జీవితం లో ని మరో అపూర్వ సంఘటన అభిమన్యుని జననం. తండ్రి కై అభిమన్యుని మరణం, ఆ పై అభిమన్యు ఉత్తర ల పుత్రుడు పరీక్షిత్తు మొత్తం కౌరవ వంశానికి ఏకైక వారసుడు గా మిగలడం ఆ పై ఆతని మరణం తక్షకుని  ద్వారా ...  ఆ పై జనమేజయ వృత్తాంతం, ....

సో, జై గొట్టి ముక్కలు గారు, మొత్తం మీద, మీ ప్రశ్న కి సమాధానమూ, ఈ చిన్ని టపా అంతా మీ అమ్మాయి చిన్ని ప్రశ్న తో మొదలు !

చిన్ని బుర్రల ప్రశ్నల తోనే కదా పెద్దవాళ్ళు కూడా చదవడం నేర్చుకునేది మరి !

మీ ప్రశ్న కి సమాధానం ఏమిటబ్బా అని ఆలోచిస్తూ ఉంటే, గూగల్ ఘటోత్కచుడు (!) అట్లా ఇట్లా లాగించి మొత్తం మీద ఇండోనేషియా లో ని ఒక అపూర్వ మైన అర్జునిని విగ్రహాన్ని చూపెట్టేడు !

Raja Ravi varma - Arjuna Subadhra

ఎక్కడి నించో కథ ఎక్కడికో వెళ్లి పోయింది మరి !

చీర్స్

జిలేబి.

జిలేబి మీట్స్ జగన్ !

రెండు రోజులల్నించి మా మనవడు జగన్ బాబుని వాళ్ళెవరో సి బీ ఐ వాళ్ళు నానా ప్రశ్న ల తో వేధిస్తా ఉంటే, పోనీ లే మనవాడి తో కొంత సేపు మాట్లాడి ఊరట కలగ నిస్తాం అనుకున్నా,

పాపం ఎంత గా 'కలవర' పడి పోయి ఉన్నాడో తండ్రి ని పోగుట్టు కున్న తనయుడు, ప్చ్, అయ్య పోయినప్పటి నించి అబ్బాయికి ఎన్ని కష్టాలు వచ్చి పడ్డాయో అని బాధ పడి పోయా.

ఒరే అబ్బీ నీ కెన్ని కష్టాలు వచ్చి పడ్డాయిరా అన్నా ఇంటికివెళ్లి.

అప్పుడే ఏడు గంటల పై బడి అదేదో క్లారిఫికేషన్ సెషన్ అట, సి బీ ఐ వాళ్ళ తో అది ముగించుకుని వచ్చి ఉన్నాడు. మధ్య లో టీవీ లో కూడా చూసానే బాబు మరీ కలత గా వున్నాడని టీవీ వాడు హోరు మని చెబ్తున్నాడు కూడాను.

జగన్ బాబు తేలిగ్గా నవ్వేసి, బామ్మా, ఏమిటి కష్టాలు అన్నాడు.

అదేమిరా అబ్బీ అట్లా ఏడు గంటల సేపు నిన్ను నిఖార్సుగా ప్రశ్న ల మీద ప్రశ్నలు వేశారట గా అన్నా.

బామ్మోయ్, చిన్నప్పుడు నాన్న ని నేను కూడా చాలా ప్రశ్న ల తో పరేషాన్ చేశా. అవన్నీ ఆయన పట్టించు కున్నా డంటావా ? అన్నాడు.

ఏమంటావురా అబ్బీ అన్నా

అదేలే, వాళ్ళేదో వాళ్ళ స్టైల్ లో ప్రశ్నలడుగు తారు, అమావాశ్య కీ అబ్దుల్ కాదర్ కీ సంబంద్ క్యా హాయ్ అని. మనం మన సమాధానా లేవో చెప్పు కుంటాం. అంతే అన్నాడు..

అదేట్లారా అబ్బీ , నువ్వు చాలా 'కలవల' పడి పోయావని టీవీ వాడు హోరెత్తు తుంటే, ఇలా నిమ్మళం గా ఉండావు !

వాళ్లకి ఇంటర్వ్యు ఇచ్చేటప్పుడు అలాగే పోస్ పెట్టా బామ్మా.

ఎందుకురా అబ్బీ.

ప్రజలకి తెలియాలిగా తమ ప్రియతమ నాయకునికి ఎన్ని కష్టాలో అని మరి.

అంతే అంటావా ?

అంతే.

మరి రేపటి మాటలో ?

వాళ్ళు క్లారిఫికేషన్ అడుగుతారు. నేను కూడా క్లారిఫికేషన్ ఇస్తా. వాళ్ళు దానికి క్లారిఫై చెయ్యి అంటారు. నేను దానికి క్లారిఫై అని మళ్ళీ చెబ్తా. ఇట్లా...

సో, మొత్తం మీద, క్లారిఫీ కేషన్ సెషన్ అని టైం పాస్ అండ్ టీం పాస్ కాలక్షేపం బటాణీ లన్న మాట!

చీర్స్

జిలేబి.

బ్లాగ్ గాంధీ కాలక్షేపం కబుర్లు శర్మ గారికి హార్ధిక శుభాకాంక్షలు

బ్లాగ్ గాంధీ కాలక్షేపం కబుర్లు శ్రీ  శర్మ గారు,

మీ జీవితం లో 'బంగారం' మీ శ్రీమతి ప్రవేశించిన దినం ఇవ్వాళ (సరియనే అనుకుంటాను!)

ఇది సరిగ్గా ఓ యాభై సంవత్సరాల మునుపు జరిగినట్టు మీ బ్లాగ్ లో చదివి నట్టు గుర్తు.

సో , మీ కిదే , యాభై వసంతాల గ్రీటింగ్స్!

మీ జీవితం అమోఘం. మీ జీవితం లో జరిగిన సంఘటన ల ఆధారం గా మీరు బ్లాగ్ లో సహృదయమై    మీ జీవిత అనుభవాలను టపాల ద్వారా   పదుగురి తో పంచుకోవడం, తద్వారా మీరు పదిమందికి మార్గదర్శకులు గా ఉండడం ఈ పంచ దశ లోకం లో జరిగిన అపురూప విశేషం.

శుభాకాంక్షల తో

చీర్స్

జిలేబి.

(శ్రీ శర్మ గారి ఫోటో కర్టసీ -

 (దీనిని తెలుగు లో చౌర్యం అందురు ) !-

బాతాఖానీ కబుర్లు - శ్రీ ఫణి బాబు గారి బ్లాగు నించి)

మా ఆవిడ బంగారం (ఓల్డ్ ఈజ్ గోల్డ్) !

'మా ఆవిడ బంగారం ' అన్నారు మా అయ్యరు గారు.

పొద్దుటే లేచి హిందూ పేపరు చదువుతూ చెప్పడం  తో,

'ఏమండీ, అయ్యరువాళ్ , పొద్దుటే, మరీ పొగిడేస్తున్నారు ఏమిటీ కధ ,  కాఫీ ఏమైనా పెట్టాలా' అన్నా పొద్దుటే లేచి తనే కాఫీ పెట్టుకుని తాగే పెద్ద మనిషి ఇట్లా పొగి డితే , సందేహం రాక పోదు మరి, దేనికో, స్పెషల్ గా ఐసు పెడుతున్నారు సుమీ అని మరి.

అందుకే అలా అడిగా.

అదికాదోయ్, నిజంగా నే చెప్పా, మా ఆవిడ బంగారం అన్నారు మళ్ళీ.

ఎందుకో మరి ? అడిగా ఈ మారు సందేహం తీర్చుకోవడానికి.

'ఇట్లా చూడు, హిందూ వారు ఇవ్వాళ్టి పేపర్లో ఏం రాసారో మరి అన్నారు మా అయ్యరు గారు.

'ఓల్డ్ ఈజ్ గోల్డ్' అన్న శీర్షిక కింద, పాత కాలం ఎప్పుడూ గోల్డె అని నొక్కి వక్కాణించారు హిందూ దిన పత్రిక వారు.

ఆహా చూసావా, ఓల్డ్ ఈజ్ గోల్డ్, సో నువ్వో మరి ఓల్డే కదా.. అందుకే గోల్డ్ అన్నా అన్నారు.

అనరూ మరి, తనూ బోసి నోటి ఓల్డ్ మేను ఆయే మరి !

జోగీ జోగీ రాచుకుంటే బూడిద రాలుతుందని 'సా' మేత' ! సో ఇట్లా ఓల్డూ , ఓల్డూ జోకులేసు కుంటే, మరి ఓల్డ్ ఈజ్ గోల్డ్ కాదు మరి !

అద్సరే అయ్యరు గారు, మరి మీరు మాత్రం గోల్డ్ కారూ.. అన్నా మురిపెం గా..

అవునేవ్, నేనూ గోల్డ్ కదా మరి. ఇంకా సరిగ్గా చెప్పా లంటే, నీ 'గోల్డు' కొనుగోళ్ళ కి నేను 'కాపిటలిస్ట్ ని కదా మరి ! అన్నారు ఈ మారు.

అబ్బో, వీరు, కథ ఏమి చెప్పినా గోల్డు లేకుండా చెప్పరు సుమీ ! అదేమీ గోల్డు యవ్వారమో. గోల్డు మాయో ! ఆ గోల్డు కనిపిస్తే చాలు ఇక అంతే, వీళ్ళు అన్నీ మరిచి పోతారు సుమీ అన్నారు మళ్ళీ. !

అంతే, కదా మరి, ఓల్డ్ ఈజ్ గోల్డు అయినప్పుడు, గోల్డు మురిపాలు మా కుండవా మరి !

చీర్స్

జిలేబి.

మీటింగ్ మిస్టర్ సుబ్బూ ఆన్ ది స్ట్రీట్ - (సుబ్బూ సుభాషితాలు )

నిన్న బ్రాడీ పేట లో వాకింగ్ వెళ్తూంటే డాక్టర్ రమణ గారి సుబ్బు హటాత్తు గా ప్రత్యక్షమై 'ఏమండీ జిలేబీ గారు బాగున్నారా ' అన్నాడు!

'ఓహ్, సుబ్బూ గారు మీరా ' అన్నా 

'అబ్బే, ఆ గారూ వగైరా ఎందుకు లెండి. జస్ట్ కాల్ మీ సుబ్బూ' అన్నాడు వినయంగా.

ఏమోయ్ సుబ్బూ అన్నా వాడన్నాడు కదా అని.

'అదేమిటండీ ఏకవచనం లో పిలుస్తారు ?' అన్నాడు సుబ్బు సీరియస్ గా.

'అదేమిటోయ్, నువ్వే కదా సారీ మీరే కదా జస్ట్ కాల్ మి సుబ్బూ అన్నావు సారీ అన్నారు' అన్నా.

'అదేంటి, జస్ట్ కాల్ మీ సుబ్బూ అంటే, వెంటనే 'ఏమోయ్' అనెయ్యడమేనా ?'  

'మరి?' అన్నా ఏమనాలో తెలియక.

'మొహమాటానికి ఎన్నో అంటూంటాం. వెంటనే దాన్ని వంద శాతం పాటించడమేనా ?'

'సారీ సుబ్బు గారు, తప్పైపోయింది క్షమించండి'

అదేమిటండీ, జస్ట్ కాల్ మీ సుబ్బూ, ఇట్స్ ఓకే ' అన్నాడు మళ్ళీ.

'మిస్టర్ సుబ్బు, కాఫీ తాగుతారా '

కాఫీ ఎందుకు లెండి, ఈ మండే ఎండలో కూడా మా డాక్టరు బాబు ఎప్పుడు వెళ్ళినా కాఫీ ఏ కొట్టిస్తుంటాడు. మీరు కూల్డ్రింక్స్ కొట్టించండి ' అన్నాడు.

మరి కూల్డ్రింక్స్ అంటే, వాటి పాలిటిక్స్ గురించి సుబ్బు చెబుతాడేమో అని కొంత అనుమాన పడి, ' మిస్టర్ సుబ్బూ, ఫ్రెష్ ఫ్రూట్ జ్యూస్ ?' అన్నా.

'అసలు ఫ్రెష్ ఫ్రూట్ జ్యూస్ అంటూ ఏదైనా ఉందంటారా ?'

'వై మిస్టర్ సుబ్బూ. ఈ మధ్య పెక్డ్ బాటల్స్ లో కూడా ఫ్రెష్ ఫ్రూట్ జ్యూస్ వస్తోంది కదా ' అన్నా.

'చూడండి, మిస్, ఫ్రెష్ అని వాడంటాడు మరి మనకి తెలియదా అది ఎంత ఫ్రెష్ అనో '

సరే పోనీ, చాయ్ తాగుతారా మిస్టర్ సుబ్బూ..'

అదీ, అలాగ చెప్పండి, ఇట్స్ అవర్ నేషనల్ డ్రింక్. కాబట్టి చాయ్ తాగడం బెటర్'

'మిస్టర్ సుబ్బూ.,. నేషనల్ డ్రింక్ అన్నంత మాత్రాన మీ కిష్టమైన కాఫీ వదులు కోవడ మేనా ?' అన్నా దక్షిణ దేశ కాఫీ పాలిటిక్స్ ప్లస్ ప్లాంటేషన్స్ గుర్తుకు తెచ్చు కుంటూ.

'చూడండి, మిస్, మనం కాఫీ ఇప్పడు వద్దే వద్దు అన్నా మనుకొండీ, డిమాండ్ ధమాల్ దానికి. ధర పడి పోతుంది. చాయ్ ధర షూట్ అప్ అవుతుంది.'

అయితే ?

'చాయ్' ధర ని తగ్గించడానికి చాయ్ ఇంపోర్ట్ చేసుకోవచ్చు '

'అవురా, చాయ్ ఎక్స్పోర్టింగ్ మార్కెట్ నించి, చాయ్ ఇంపోర్టింగ్ మార్కెట్ అవుతుందన్న మాట మన దేశం ?'

'హ్హ హ్హ హ్హ' నవ్వాడు మిస్టర్ సుబ్బూ.

హుష్ కాకి. సుబ్బూ గాయబ్. మళ్ళీ బ్రాడీ పేట లో నడక మొదలెట్టాను!

(బ్రాడీ పేట లో షికార్, సుబ్బూతో ముఖాముఖి- డాక్టర్ రమణ గారికి అంకితం!))

చీర్స్

జిలేబి.

దేముడి మమ్మీ ఎవరు ?

బామ్మోయ్  దేముడి  మమ్మీ  ఎవరు అన్నాడు మా మనవడు.

అదేమిరా ప్రశ్న అన్నా.

నాకు మమ్మీ ఉంది కదా. దేముడికి మమ్మీ ఎవరు అన్నాడు.

అదేమిరా , ఏ దేముడికి ? అని తెలివిగా అడిగా (అనుకున్నా)  శీ కృష్ణుల వారికా? నీకు తెలిసిందే కదా, యశోదమ్మ అన్నా.

"కాదు. దేముడికి" అన్నాడు వాడు.

దేముడికి అమ్మ అంటూ ఎవరూ ఉండరు రా  కన్నా అన్నా.

అదేమిటి ? నేనున్నా గా. మమ్మీ ఉంది గా. మరి దేముడికి ఎందుకు లేదు ? మళ్ళీ వెధవ ప్రశ్న.

అబ్బే ఈ కాలం పిడుగులు వదిలి పెట్టరే మనల్ని ప్రశ్నలడగ కుండా. , అదీ సమాధానం చెప్పలేని ప్రశ్నలని అడగ కుండా అనుకున్నా.

అదికాదురా మనవడా, దేముడికి ముందంటూ ఏమీ లేదు. దేముడే మొదలు అంతే.

అదెట్లా? మమ్మీ లేకుండా ఎలా ? మళ్ళీ వాడి గోల.

ఏమని చెప్పా లంటారు ?

చీర్స్

జిలేబి.

మీ పేరు గణపతా ?

మీ పేరు గణపతా ?  అన్నారు క్రితం టపాలో సీతారామం అనబడే బ్లాగరు/బ్లాగరిణీ గారు!

ఇంతకీ గణపతి కి జిలేబి కి ఎలా లింకు పెట్టేదబ్బా ?

సీతారామం గారు, చూడుము చిలకమర్తి వారి గణపతి నాటకము అన్నారు. గాని ఎక్కడ చూడ వలె నో చెప్ప లేదు.

సరే ఈ గణపతి ఎవరు చిలకమర్తి వారు ఎవరు అని ఆరా తీస్తా ఉంటే ( చిలకమర్తి వారి పేరు విన్నాను గాని, వారి రచనలు ఎప్పుడు చదివిన ది లేదు. కావున ఎవరబ్బా ఈ చిలకమర్తి వారు అనుకుని గూగులాయ నమః అంటే, తూర్పు గోదావరి వారి కథల్లో ప్రాచుర్యం అని తెలిసింది.

ఆ హా, మనకీ, ఈ గోదావరి కి ఏమి అవినాభావ సంబంధం సుమీ అని చాలా సంతోష పడి పోతిని.

ఎందు కంటే, కొన్ని నెలల ముందు జ్యోతిర్మయీ వారు మీది గోదావరి ప్రాంత మా జిలేబీ గారు అన్నారు.

కాదండీ, ట్రైన్ నించి గోదావరి చూసి బహు సంతోష పడిన వారము మాత్రమె అన్నా.

మీ రచనల్లో గోదావరి తీర యాస ఉందండీ అన్నారు వారు!

ఆహా, అసలు మనం ఈ గోదావరి తీరం లో ఎప్పుడూ ఉండి ఉండక పోయినా మన కెట్లా ఈ యాస వచ్చింది సుమీ  అని హాశ్చర్య పోయి, అంతా మన పూర్వ జన్మ వాసన సుమీ అని తీర్మానించే సు కున్నా.

ఇప్పుడు ఈ సీతారామం గారు మళ్ళీ మీరు గణపతా అని అడిగి ఆ జ్ఞాపకాలను మళ్ళీ కదిలించారు సుమీ.

ఇంతకీ మీరు గణపతా అని ఎందుకు అడిగారు సీతరామం గారు ?

గణపతి కథకి ఈ జిలేబీ ఉడాలు టపాలకి ఏమి సంబంధమబ్బా ? ఎవరైనా తెలిస్తే చెబ్దురూ.  

పూర్వ జన్మలో ఈ చిలకమర్తి వారి రచనలు ఏమైనా చదివారా జిలేబీ ?

చీర్స్ 

జిలేబి.

ఉషో వాజేన వాజిని ప్రచేతా హ !

శుభోదయం !

వాజమ్మ అంటే దద్దమ్మ అని నిఘంటువు చెప్పింది.


ఉషో వాజేన వాజిని ప్రచేతాహ అని వేదం చెప్పింది.

అంటే ఉషస్సు దద్దమ్మ ల లో పెద్ద దద్దమ్మ అన్న మాట !


అదేమో , ఈ ఉషస్సు కి డైలీ అలా వచ్చేసి దద్దమ్మ లా తెల్లారి మన ఇంటి ముందర వాలి పోవాలని ముచ్చట.

దద్దమ్మ అయినా దొడ్డమ్మే ఉషా దేవి.

వాజి అంటే గుర్రమట. మళ్ళీ నిఘంటువే చెప్పింది.

అంటే ఉషస్సు గుర్రాలలో కెల్లా పెద్ద గుర్రమా ? జేకే .

సూరీడు సప్త అశ్వాల మీద సవారి అయి వస్తాడంట.

కాబట్టి ఉషా దేవి ఈ అశ్వాల కి మహారాణి. సో, ఉషో వాజేన వాజిని.

వాజ అంటే యాగం/యజ్ఞం అట. నిఘంటువు చెప్పింది.

యజ్ఞాలలో కెల్ల గొప్ప యజ్ఞం అన్న మాట ఉషస్సు .

మళ్ళీ పురాణీ దేవీ యువతిహి అని ఉషస్సు గురించి వేదం చెప్పింది.

అంటే, ఈ ఉషస్సు, ఉషా దేవి, ఓల్డ్ ఉమన్ అన్న మాట. కాని నిత్య యవ్వని (అబ్బో మన లా అన్న మాట!)

సో, శుభోదయం !

(Having read the ఉషా సూక్తం - A wonderful one  from the Rigveda for all its poetical beauty, wonderful imagination and superb eloquence of meaning and content!) 

చీర్స్ 
జిలేబి

ఏమండీ బాగున్నారా ?

ఏమండీ బాగున్నారా  ?

'ఆ, ఎం బాగు లెండి. ఏదో అలా కాలం గడిపేస్తున్నాం. అంతే 

ఏమిటండీ మీరే అలా అనే సారు ?

అంతే కదండీ, ఏదో రిటైర్మెంటు రోజులకి సరిపోతాయని సేవింగ్సు మన్నూ మశానం అంటూ కూడ బెట్టామా? అది చేతికి వస్తుందో లేదో తెలీకండా పోతోంది

దానికేమి లెండి, వస్తుందనే అనుకోవాలి . పిల్లలు బాగా చదివి పైకోచ్చారు గా. వాళ్ళు చేతి కంది రాక పోతారంటారా ?

వాళ్ళు చదివే కాలం లో కష్ట పడ్డాం. బాగా చదివించాలని. ఇప్పుడు దేశానికోక్కడు లేడు. పొలోమని విదేశాల మీద పడ్డారు.

అంటే ఎన్నారై అని చెప్పండి. మరి మీరు మరీ అదృష్ట వంతులే సుమండీ ! పిల్లలు మంచి పోసిషన్ కి వచ్చేరన్న మాట .

ఆ ఎం బాగు లెండి, వాళ్ళు చేతి కంది, ఆ పై కెళ్ళి పోయారు. మన జీవితం ఇంతే కదా ఇక్కడ. నో చేంజ్ అందుకే ఆదుర్దా, అసలు మన పెన్షన్ వస్తుందంటారా ?

మీకో అమ్మాయి ఉండాలే . పెళ్ళయి పోయిందా ?

ఆ ఎం బాగు. పెళ్లి అయింది అయి నాలుగేళ్ళు రెండు పాపలతో ఒకటే కనా కష్టం పడుతుంది.

అదేమిటండీ, పాపలు ఇంటికి దీపాలు కదండీ

ఆ ఎం దీపాలో ఏమిటో ? వాళ్ళ చదువులు పెళ్ళిళ్ళు, అబ్బబ్బ, మా అమ్మాయి ఒకటే కలవరం.

ఏమండీ అదెప్పుడో ఇంకో ఇరవై ఏళ్ల పై బడే కదండీ . దానికిప్పుడే హైరానా పడి పోతే ఎలాగండీ ?

కాదుటండీ మరి, అయినా మనం ముందస్తే దానికి కాబోయే ఖర్చులకి ఇప్పట్నించే కూడ బెట్టాలి. అబ్బబ్బ, ఎం బాగు లెండి జీవితాలు. అన్నిటికి ఒకటే పరుగో పరుగు.

అంతే లెండి. జీవితం భవిష్యత్తు కి అంకితం అయిపోయింది మరి. ప్రస్తుతం వస్తుతః భవిష్యోత్తర 'పురాణం' !

చీర్స్

జిలేబి.

హే ప్రభూ, నీ దయ రాదా

ఒక కోయిల గొంతు విప్పింది
ఆ వైపు వెళ్ళే మరో కోయిల జత కలిపింది

సాగరం లో నావ పయనం మొదలెట్టింది
సాగరం తోడై ఆటు పోటులతో ముద్దాడింది

యానం లో తోడూ నీడా, పయనం లో జోడూ
ఆ పై వాడి సూచిక నేను నీ తోడు ఉన్నా నని
గమనిస్తే నావకి సంద్రం, సంద్రానికి నావ సరి జోడు

అర్థం చేసుకుంటే జీవనం తీరం చేరిన నావ
ఆ పై వాడి దయ కూసింత కురవడానికి
రెండు చేతులా దణ్ణాలు హే ప్రభూ, నీ దయ రాదా


జిలేబి.

What happened to my cheese?

My Iyer said, zilebi if you are off for some time peace was prevailing at home.

In office, my colleagues said,, "Mem Saaheb, when you were off on sabbatical people were happy!"

Only My 'mana mohana' said, zilebi, dont care your sabbatical is cancelled get back.

So I got back and got into the rut of daily chores of 'vanaaranya'!

Now on week end I say let me trouble my telugu bloggers by writing a post !

I come back and type , I cant see my blog posting in telugu !

What a pity!

What happened to my cheese in these ten days!

Can any one help why blogger always bugs!

Cheers

zilebi.

एक कलि दो पत्तिया

एक कली

अपनी दो पत्त्यियों से बोली,

मेरे बिन तू नाही

पत्तियां मुस्कुराके बोली

ना पत्ती बीज नाही, ना बीज तुम नाही !

माली आया, पत्ती और कली को खींचा 

थैली  में लगाया और चल बसा !

चीर्स

जिलेबी.  

బామ్మోయ్, నాకు లాప్ టాప్ ఇచ్చారు !

మా మనవరాలు మద్రాసు నించి ఫోను జేసి, 'బామ్మోయ్ నాకు లాప్ టాప్ ఇచ్చారు కాలేజే ఫైనల్ డే రోజున అంది.

ఎందుకే అన్నా.

'అదేంటి ఎందుకు అంటా వేమిటి ? మా 'పురచ్చి తలైవి తెలివి ఐనది. అందుకే అందరికి తెలివి ఎక్కువవ్వాలని లాప్ టాపు ఇచ్చింది ' అంది మనవ రాలు.

వామ్మో, పక్క రాజ్యం చాలా ముందుకు పోయిందన్న మాట అనుకున్నాను.

సరే మనవరాలా, లాప్ టాప్ తో ఎం చేస్తావేమిటి ?

అదేమిటి బామ్మా, నువ్వు బ్లాగాడటం లేదూ, అలాగా మేమూ చేస్తాం, అంది మనవరాలు.

సరే లేవే, ఇంటర్నెట్ కావాలి కదా ? అన్నా

దానికేమి నాన్నారి తో చెప్పి వై ఫై కనెక్షన్ తీసు కొమ్మని చెబ్తా అంది.

సర్లేవే, మద్రాసు లో ఎన్ని గంటలు కరంటు ఉంటుం దేమిటి ?

అదేమీ బామ్మా , ఎప్పుడు కరంటు ఉంటే అప్పుడే ఉపయోగిస్తా లే అంది  మనవరాలు, దానికి ఖచ్చితం గా తెలీదు కరంటు మద్రాసు లో  ఎప్పుడు ఉంటుందో అని !

'సర్లేవే, లాప్ టాప్ తో ఎం చేస్తావ్ ? '

పాటలు పెట్టుకుని వింటా బామ్మా, కొత్త కొత్త డీవీడీ లు కూడా చూడ వచ్చు, ఆ పై ఫేస్ బుక్ లో మా ఫ్రెండ్స్ తో చాట్ చెయ్య వచ్చు. యు ట్యూబ్ లో పిక్చర్లు చూడొచ్చు. సినిమా టికట్లు ఆన్ లైన్ లో నే కొను క్కోవచ్చే !'

భంసు !

ఒక ముక్క వేసి వేలాది చేపలని పట్టటం అంటే ఇదన్న మాట  !

టోకరా లాప్ టాప్ ఉచితం. దాంతో మా మనవరాలి ఖర్చులు అధికం.

జమా ఎంతో తెలీదు. పాపం మా అబ్బాయి !

అమ్మాయి పెళ్ళికని కూడ  బెడుతున్నాడు.

ఆల్రెడి ఆ జమా సంచి కి పెద్ద  బొక్క  ఇన్ఫ్లేషన్ ఉండనే  ఉంది.

ఆ పై ఇప్పుడు కరెంటు అకౌంటు ఖర్చులు !

చీర్స్

జిలేబి.

వయ్యారాలు పోయిన బ్లాగరిణి!

పొద్దుట లేచి పోదారి, ఓ టపా ఇవ్వాళ కడదామని బ్లాగర్ లో లాగిన్ అయితే ఏదో అంతా కొత్త గా అనిపించింది.

వామ్మో, బ్లాగరిణి ఇవ్వాళ ఇంత వయ్యారాలు పోతోంది అని తీరిగ్గా ఒక్కో ఫీచర్ చూస్తూంటే వామ్మో, వామ్మో, లోపలి మేటరు ఒకటే అయినా పై పై మెరుగులు చాలా దిద్దాడే సుమీ అని పించింది.

ఒల్డు వుమన్ని మళ్ళీ ఉద్యోగం లోకి పిలిస్తే, జిలేబీ సింగారించుకుని ఉద్యోగం లో కి వెళ్ళడానికి తయారైన వైనం లా అనిపించింది ఈ బ్లాగరిణి!

అంతా అమెరికా వాడి మాయ ! సరే పోనీ లెద్దూ అనుకున్నా.

ఆ పై టపా రాయడానికి వస్తే సరికొత్త ఎడిటర్ కనిపించింది. హమ్మయ్యా , ఇన్ని రోజులకి కొంత బెటర్ గా టైపు జాడించడానికి వీలు గా ఉంది సుమీ అని ముచ్చట పడి పోయా !

మొత్తం మీద గిట్టు బాటు ఈ ఎడిటర్ మాత్రమె సుమీ ఇందు లో.

అంతా విష్ణు మాయ. గూగులోడు ఎప్పుడు బిచాణా కడతాడో ఏమో తెలియదు. బర బారా మనమందరం లాగించేస్తున్నాము బ్లాగరు లో మన బుర్రల్ని , వేడైన కామెంటు శర పరంపరలని !

అక్షయ తృతీయ లో బంగారం కొనుక్కుంటే బోలెడు లాభమట. ఏమైనా కొందారి అనుకు ని , కొంత ముందే వెళ్లి మా నంద్యాలం శ్రేష్టి గారి తో మాట్లాడ దామని వెళితే , 'రండ, రండ జిలేబీ గారు... బహుకాల దర్శనం అన్నారు.

ఏమండీ, 'పొంగలు' కే కదా, మీ కొట్టులో గాజులు చేయించినవి అంటే, 'అదేమిటండీ కొత్త వత్సరానికి ఏమీ చెయ్య కుండా పోయారు' అన్నారాయన.

హమ్మో, ఈ శ్రేష్టి గారు అనుకుంటే మన చేతుల్లో డబ్బులు డైలీ కూడా లాగేసుకుని బంగారాన్ని మన కి తలకి కట్టెయ్య గలరు అనుకున్నా.

ఏమండీ శ్రేష్టీ గారు ఎట్లా ఉంది ధర అంటే,

వెల గురించి మీకెందు కండీ జిలేబీ గారు, తరువాత చూసుకోవచ్చు, ఇప్పటికి ఏమి చేయిద్దా మంటారు చెప్పండి అని, 'కూల్డు డ్రింక్ పట్టుకు రావోయ్ అని పనబ్బాయిని పురమాయిం చారు.

హమ్మో, ఈ శ్రేష్టి గారు ఇవ్వాళ మన పర్సు కి కోత పెట్టె ప్రయత్నం లో నే ఉన్నారు సుమీ అనుకున్నా

ఏమండీ, అక్షయ త్రితీయ కి వస్తే ఏమన్నా డిస్కౌంటు ఎక్కువ ఉందా ' అన్నా, అడ్వర్టైజ్ మెంటు కాగితం చూపెట్టి.

జిలేబీ గారు, అవన్నీ, మిగిలిన వాళ్లకండీ, దానికి పై బడి మీకు ఇవ్వాళే డిస్కౌంటు ఇస్తా మొదట ఈ కూల్డు డ్రింక్ జమాయించండి , ఎండన పడి వచ్చారు అన్నాడు.

ఎండకి, చల చల్ల గా కూల్డు డ్రింకు తాగి మొత్తం మీద పర్సు ఖాళీ !

ఈ ఆండో ల్లకి ఈ బంగారం మోజు ఎప్పుడు తీరునో అని మా అయ్యరు వారు వాపోయారు. మా ఆండో ల్లకి ఈ మోజు ఉండ బట్టే గదా, అప్పుడపుడు ఇలా చేర్చి బెట్టిన బంగారం, ఇప్పడు మంచి వెల బలుకు తోంది అన్నా.

బ్యాంకు వాడు గ్రాముకి అప్పట్లో కొన్న ధరకన్నా ఇప్పటికి లోను ఎక్కువ ఇస్తున్నాడుగా ' అన్నా.

అదేమిటీ, అప్పట్లో కొన్న బంగారాన్ని తాకట్టు పెట్టి, ఆ రొక్కం తో మళ్ళీ కొత్త బంగారం కొందామని అనుకుంటున్నావా ' అన్నారు జంబూ వారు.

అదీ, మంచి ఐడియా లా ఉంది స్వామీ వారు అన్నా. ' శ్రేష్టి గారు చెప్పేరు, బంగారం ఇంకా 'వేలేక్కువ ' అవుతుందట మరి '

'మీ బంగారం కాకులెత్తు కు పోనూ, ఏదో మాట కి అంటే , వెంటనే ఐడియా పెట్టేస్తారే మరో మారు బంగారం కొను క్కోవడానికి మరి ' అన్నారు కృష్ణ స్వామీ వారు.


'పోదురు లెండి, కేరళ లో చూడండీ, మీ  నామధేయులు, పద్మనాభ స్వామీ వారు , ఎంత బంగారం కూడ బెట్టి ఉన్నారో ! ఆ పై మన కొండ దేవర పెరుమాళ్ళు వారు చూడండీ, కుబేరునికి బకాయి అని కబుర్లు చెప్పి ఎంత బంగారం కూడ బెడుతున్నారో !ఆ పాటి మనం కూడా చెయ్యాలి కదా మరి !"


చీర్స్ ఫార్ అక్షయ త్రితీయ !

జిలేబి.

అగ్ని మీళే పురోహితం !

సంసమిధ్యువసే వృషన్నగ్నే విశ్వాన్యర్యా ఆ !

జయహో భారత్ !

గోవిందా గోవిందా గోవిందా !

గోవిందా గోవిందా గోవిందా !

ఒక వైపు చెవులు పోటెత్తే టట్టు భక్తుల భక్తి పరవశ ఘోషలు.

మరో వైపు, ఘంటసాల వారి భగవద్గీత - పుట్టిన వానికి మరణము తప్పదు, మరణించిన వారికి....

ఇంకో వైపు, పండితుల వేద పారాయణం - 'సహస్ర శీర్షాః పురుషః సహస్రాక్షః సహస్రపాత్ ....

అక్కడ , వెంకటేశ్వర సుప్రభాతం -

ఇక్కడ గోవిందా గోవిందా ఓం ఓం ఓం అంటున్న ఘంటా నాదం

మరో వైపు బస్సుల కి పరుగెడుతున్న భక్త జనవాహిని

ఇంకో వైపు సరికొత్త పెళ్ళైన జంట  మరో వైపు ప్రేమ పక్షులు ... ఆ వైపు  షష్టి పూర్తి చేసుకుంటున్న దంపతులు

ఒక వైపు ఉర్రూత లూగించు పవనాలు

మరో వైపు వేడి తాకిడి

ఇంకో వైపు భోజనాల హడావిడి

పుస్తక ప్రచురణల అంగడి

దైవ దర్శనం కోరి వేచి ఉన్న లక్షలాది భక్త జన వాహిని

దేవస్థానం వారి ఆఫీసు బిళ్ళ బంట్రోతు

స్వామీ వారి ఉత్సవ తేరు

ఒక వైపు భక్తి బృందం గోవిందా మరో వైపు పూజారుల మంత్రాల జోరు

వడ్డీ కాసుల వసూలు లెక్కలు ... బంగారం గ్రాముల కొలతలు .... జమా ఖర్చులు ...

వంటా వార్పూ... అన్నదాన పర్వం...

వీటన్ని మధ్యా నిశ్శబ్దం గా నిలబడి,   జనావళి  కి ఇంత పని బెట్టి , నిశ్చేతనం గా   గమనిస్తున్న మా ఏడుకొండల పెరుమాళ్ళు !

ఏడు కొండల వాడా, వెంకట రమణా,

గోవిందా గోవిందా గోవిందా

 

జిలేబి.

లవణీ తీగలు వారు ఫాయలే హకీకీ

లలామ

వనిత , పూబో

ణీ వాసం

తీ  మల్లె తీ

గ  వా

లు జడ

 

వారిజ

రుక్మిణి

ఫాతీమా

యవన

లేగ దూడ

హంస లేఖ

కీరవాణి

కితాబు

(కొంత కాలం మునుపు లవణీ తీగలు వారు ఫాయలే హకీకి అంటే ఏమిటని అడిగినవారికి !)

చీర్స్

జిలేబి.

తారా, 'సో' దరి !?

మేధ ను తారిస్తే
ఇండియా షైనింగ్
ఐటీ బిజ్

బాడీ ని తారిస్తే
ప్చ్, వ్యభిచార్

'చౌ' దరి ,
'సో', దరి ,
'ఏ'  దరి ?

ఒక తార నేలన పడి
బట్ట బయలయ్యింది
లోకం నేరమన్నది
ఇది నేరమన్నది

ఆకు ముళ్ళ మీద పడ్డా,
ముళ్ళు ఆకు మీద పడ్డా
ఆకు కే నష్టమట

ఈ సమీకరణం లో
ఆకులే సాక్షి

ఫిఫ్టీ ఫిఫ్టీ సమీకరణం
లో ఒక ఫిఫ్టీ ఎప్పుడూ
మరొక దానికన్నా
తక్కువే. 



జిలేబి. 

దేశ భాష లందు దేవ భాష 'లెస్సు' !

గుళ్ళోని దేవుడికి ముచ్చెమటలు పోసేయి.

పూజారి అల్టిమేటం ఇచ్చేడు.

' సామీ, రేపట్నించి గుళ్ళో పూజలు నీకు తెలిసిన భాషలో ఉండవు. కొత్త మంత్రి వచ్చాడు. అంగ్రేజీ అన్ని చోటా ఉండాలట. ఇక మీదట పూజా కార్యక్రమాలన్నీ కూడా అంగ్రేజీ లో నే'  చెప్పాడు పూజారి.  

ఆ మధ్య అరవ దేశం లో పూజలన్నీ అరవం లో నే ఉండాలని రూలు పెట్టేడు ఓ గుడ్డోడు. వాడి ఆర్డరు తో గుళ్ళోని దేవుడికి అరవం నేర్చుకోవడానికి తంటాలు పడాల్సి వచ్చే ! అరవం అంత సులభమైన భాష గాదు సుమీ అని వాపోయాడు ఓరియంటేషన్ కోర్సు కి వెళ్లి వచ్చి న దేవుడు.

'ప్రియ సఖీ' అన్నాడు కాళ్ళ వద్ద ఉన్న లక్ష్మీ దేవిని గమనించి.

'స్వామీ' అన్నది దేవేరి.

'డబ్బులు ఏమైనా ఇస్తావా '

ఎందుకండీ

ఆ అంగ్రేజీ ఏదో కొంత నేర్చుకుని తగలడతాను. 'పూజారి చెప్పాడు, వెంటనే నేనెళ్ళి ఏదైనా ఇంగ్లీషు కోర్సులో చేరి పోవాలాట '

స్వామీ

చెప్పు దేవేరి !

ఈ వయసు బడ్డ కాలం లో కొత్త భాష నేర్చుకుని ఏమి చేస్తారు

'ఎం చేద్దామంటావు ! ఇప్పటిదాకా తెలిసిన భాషలో ఆ పూజారి ఏదో చెప్పుకుంటూ వెళ్తూంటే , కర్ణాభ్యాం భూరి విశ్రువం ' అని ఆ సంగీతం లో  జోగుతూ ఉండి పోయా. ఇవ్వాళే ఆ కొత్త భాష వినిపించాడు. ఒక్క ముక్కా అర్థం కాలేదు. బెరుకు పుట్టు కుంది ' చెప్పాడు  గుళ్ళో దేవుడు.

ఎట్లాగూ వీళ్ళు మనల్ని రాళ్ళలో బంధించారు గదండీ స్వామీ వారు' లక్ష్మమ్మ అన్నది.

ఆవును దేవేరి

పోనీ లేద్దురు, రెండు చెవుల్లో కూసింత పత్తి పెట్టేసుకుంటే సరి ! ఎట్లాంటి సమస్యా లేదు. 'ఉన్నావా అసలున్నావా ఉంటే కళ్ళు మూసుకున్నావా ' అని వాడెవడో ఒక కవి పాడి పోయాడు. మరో వాడు నీ చెవులు మూసుకున్నాయా అని పాడి పోతాడు అంతే గదా ' చెప్పింది ఐడియా ల రాణి హృదయేశ్వరి.

'ఆ ! ఇదీ మంచి ఆలోచనే ' స్వామీ వారు కొంత సమాధానపడి నిద్దురలోకి జారుకున్నారు.

అమ్మవారు స్వామీ వారి కాళ్ళు మెల్లిగా వత్తుతూ తానూ నిద్దురలోకి జారుకుంది.

చీర్స్
జిలేబి.

బుజ్జి పండు తెలుగు చదువు - శ్రీ భాస్కర విజయం - 2

హంగేరీ - బుదాపెస్ట్ మహానగరం.
బుదా, పెస్ట్ రెండు నదుల మధ్య ఐరోపా లో సుందరమైన నగరం గా పేరు గాంచినది.
మే నెల వచ్చేస్తోంది. చలి కాలం పోయి, వాసంతం వచ్చి, సూరీడు కిరణాలు వేడిని చలి కి వెచ్చ గా ఇవ్వడానికి ప్రయత్నిస్తోంది.

హంగేరియన్ ఆయుర్వేద ఫౌండేషన్ ఆఫీసు సెమినార్ హాల్ ముందు  ఫోక్స్ వాగన్ బీటల్ కారు ఆగింది.


సెమినార్ హాల్ ముందు వేచి ఉన్న హంగేరియన్ ఆయుర్వేదా ఫౌండేషన్ ప్రెసిడెంట్ డాక్టర్ గేబై కారు నించి దిగుతున్న శ్రీ భాస్కర శర్మ గారి కి స్వాగతం పలుకుతూ నమస్తే శర్మాజీ అన్నాడు రెండు చేతులూ జోడించి, "మంచి వేళ ఇవ్వాళ ! ఎప్పుడూ మా దేశం లో కరెంటు పోదు. అయితే ఇవ్వాళ కరంటు పోయింది ఇక్కడ ! ఇవ్వాల్టి కార్యక్రమం ఎలాగబ్బా అని ఆలోచిస్తూంటే, మీ రలా రావడం, కరెంటూ ఒక్క రెండు నిమిషాల ముందే రావడం అంతా సవ్యం గా కానవస్తోంది నాకు " అన్నాడు.


పంతొమ్మిదివందల ముప్పై ప్రాంతాలలో ప్రారంభించ బడ్డ ఫౌండేషన్ హంగేరీ లో చాలా మంచి పేరుని గాంచింది. ధీటైన రిసెర్చ్ సెంటర్ గా మారిన ఫౌండేషన్ ఆయుర్వేద రిసెర్చ్ లో ప్రముఖ స్థానాన్ని వహించడం ఆ దేశం వారి కృషికి నిదర్శనం.


ఆయుర్వేద ఏ ఒక్క జాతి కో మతానికో చెందినది కాదు. ఐదు వేల సంవత్సరాల పై బడ్డ మానవ మేధో సంపత్తి అది. అట్లాంటి ఆయుర్వేద తా పుట్టిన దేశం లో అల్లోపతీ సుడిగుండం లో కొట్టుకు పోతూంటే , ఐరోపా లో పునరుద్ధరణ కి సంసద్ధ మవు తోంది.


సెమినారు హాలు లో చిర్రావూరి దీక్షితులు గారిని పరిచయం చేస్తూ , గాబై మాట్లాడాడు. శ్రీ శర్మ గారిని ప్రస్తుతిస్తూ వారు రాసిన 'పరహిత వైద్యం' గురించిన విషయాలను ఉటంకించాడు. 


ఆ పై శర్మ గారు గాబై ఆహ్వానంతో ఆ నాటి అతిధి ఉపన్యాసాన్ని మొదలెట్టేరు.


"సభకు నమస్సులు. మీ ఫౌండేషన్ పంతొమ్మిది వందల ముప్పై ప్రాంతం లో ప్రారంభింప బడ్డది. మా నాన్న గారు పంతొమ్మిది వందల ముప్పై ప్రాంతాలలో ఈ పరహిత వైద్యం చేసేవారు " చెప్పారాయన .


ఫౌండేషన్ చప్పట్లు చరిచింది. హంగేరీ వాసులకు సారూప్యతలు నచ్చుతాయి. అంతే గాక ఈ సారూప్యతలకి ఖచ్చితం గా
ఒక లింకు ఎక్కడో అక్కడ ఉండే ఉంటుందని వారి నమ్మకం. 

పరహిత వైద్య విధానం దక్షిణ భారత ఆయుర్వేద వైద్య విధానం. ఈ విధానం పేరుకు తగ్గట్టు పరుల హితం కోరి చేసేది. ఇందులో స్వలాభోపేక్ష కి తావు లేదు. ఈ వైద్య విధానాన్ని స్వీకరించేవారు నియమ నిబద్ధతలకి కట్టు బడి ఉండే వారు. లోకాః సమస్తాః సుఖినో భవంతు అన్నది వేద వాక్కు. శన్నో అస్తు ద్విపదే శం చతుష్పదే అంటుంది వేదం. అంటే సర్వ జంతు జాలాలు శాంతి గా ఉండాలి. ఒక్క మానవ మాత్రుడు మాత్రం ఆరోగ్యం గా సంతుష్టుడై ఉంటే చాలదు. సర్వ జంతు జాలాలు కూడాను.

 

ఆయుర్వేద మానవులకూ, సర్వ జంతు జాలాలకు సంబంధించింది. నా వర కైతే నేను గమనించింది మా తండ్రి వారి గురించి విని ఉన్న పరహిత వైద్యం. " శర్మ గారు తేట తెల్లమయ్యే లా సవివరం గా చెప్పు కొచ్చేరు పరహిత వైద్యం గురించి.

 

వారి ఒక గంట పాటి ప్రసంగం అలా అలవోకగా గోదావరీ పరవళ్ళు లా బుడా నదీ ప్రాంతం లో సాగి పోయింది. ఫౌండేషన్ అతిధులు శర్మ గారి వాక్ ప్రవాహానికి మంత్ర ముగ్దులై అలా వింటూ ఉండి పోయారు.

 

ఆ పై ప్రశ్నల పర్వం మొదలయ్యింది

 

"శర్మ గారు, ఇంత మంచి వైద్య విధానం అలా ఒక తరం తో ఆగి పోవటం పాశ్చ్యాత వైద్య విధానం మీ దేశం లో త్వరిత గతిన పెంపొందడ మే నంటారా ?"

 

అది ఒక కారణం. ఆ పై ఈ వైద్య విధానం కాలగతిన తరువాయి తరానికి పట్టక పోవడం కూడా మరో కారణం. ఉదాహరణ కి మా తండ్రి తరువాయి నాకు ఆ భాగ్యం దక్క లేదు "

 

"భారద్దేశానికి ఈ కర్మ సిద్ధాంతమే, భాగ్యం , అభాగ్యం మీద నమ్మకాలే ఒక నెగటివ్ పాయింట్ అనిపిస్తుంది మాకు " మరో మెంబర్ చెప్పాడు.

 

"కావచ్చు. ప్రయత్నే ఫలే . కష్టే ఫలే. కాని మరో కోణం నించి ఆలోచిస్తే జన సాంద్రత కి ఈ కర్మ సిద్ధాంతమే ఓ పాటి మనః శాంతి ని కలిగిస్తూ, దేశం నానా విధాలా అసంతృప్తి కి లోను కాకుండా కాపాడుతోందని అనిపిస్తుంది కూడాను. ధర్మ మైన సంకల్పం, ధృడంగా అమ్మమీద భారం వేసి, కార్యక్రమం నడిపిస్తే అంతా సవ్యమే, అప సవ్యం సమస్య లేదు. అదే నా అనుభవం" చెప్పారు శర్మ గారు.

 

"ఈ దైవ నమ్మకం ఐరోపా లో తిరోగమన వాదం గా పరిగణింప బడుతోంది " మరో మెంబెర్ చెప్పాడు.

 

"కావచ్చు. మన కన్నా పై నొక శక్తి లేక డిఫరెంట్ డైమెన్షన్ అన్నది ఉన్నది అన్నది వాస్తవం. ఆ మరో కోణాన్ని తమ 'దృష్టి ' తో చూసిన వారు ఋషులు. అందుకే వారు 'దీర్ఘ దర్శులు'. ఆ దీర్ఘ దర్శులు గాంచినదే , తమ మేధో సంపత్తి తో గాంచినదే ఆయుర్వేదం. అంటే వారు వేరే డైమెన్షన్ లో దృష్టి ని సారించి, ఈ వైద్య విధానాన్ని కనుక్కోవడం అంటూ జరుగుతూంది. ఇది ఈ ఒక్క శాస్త్రానికి మాత్రమె సంబంధించినది కాదు. మీరు ఇప్పుడు వస్తున్న ప్రతి 'ఇన్నోవేషన్' వెనుకా దీని మూల భూతులైన వారు తమ పరిధి ని దాటి మేధస్సును ఉపయోగించడం తో టే గదా ఈ సరికొత్త సాధనాలు పరికరాలు మనకు లభిస్తున్నాయి "

 

ఆ నాటి సభా కార్యక్రమం ముగింపు కొచ్చింది. మెంబెర్స్  జోహారు లందించారు శర్మ గారి సంభాషణ కి.

 

గాబై సంతృప్తి గా చూసాడు శర్మ గారి వైపు "మీరు అప్పుడప్పడు మా మెంబెర్స్ ని అడ్రస్ చేస్తూ ఉండాలి' చెప్పాడాయన.

 

"అమ్మ దయ ఉంటే నిరభ్యంతరం గా అలాగే " చెప్పారు శర్మ గారు.

 

గాబై విచిత్రం గా చూసాడు శర్మ గారి వైపు. ఇన్ని సంవత్సరాలు గా భారద్దేశ వైద్య విధానాన్ని గమనిస్తూన్నా కూడా, ఈ దైవ చింతన ఈ దేశ ప్రజలలో ప్రతి విషయం లో అంతర్లీన మై వుండడం వారికి ఎప్పటికి అర్థం కాని విషయం !

 

(ఇంకా ఉంది)

బ్లాగులోళ్ళు వెర్సస్ కామెంటర్లు అసమానత్వం ముర్దాబాద్ !

కొన్ని కొన్ని బ్లాగులోళ్ళ కామెంటు బాక్సు ముందర కొన్ని విచిత్రమైన గొంతెమ్మ కోరికల్లాంటి నోటీసులు కనిపిస్తాయి.

కామెంట్లు తెలుగు లో ఏడవక పోతే మీ కామెంట్లు డెలీట్ !

మీకు ప్రొఫైల్ లేదా అయితే డెలీట్

మీరు టపాకి దూరం గా కామెంటు కొట్టారా డెలీట్ !

మీ కామెంటు నాకు నచ్చ లేదా డెలీట్

మీ సెక్సు చెప్పరా ! అయితే డెలీట్ !

ఇత్యాది అన్న మాట

ఇట్లాంటి సౌకర్యాలు కామెంట్లు రాసేవారికి అస్సలు లేవు.

టపా నచ్చ లేదా ఓ డెలీట్ కొట్టే సదుపాయం అస్సలు గూగులోడు కామెంటర్ల కి ఇవ్వలే ! అట్లా ఓ పది మంది కామెంటర్లు డెలీట్ కొడితే టపా హుష్ కాకి అయి పోవాలి. ఇట్లాంటి సౌకర్యాలు కామెంటర్ల కి లేక పోయెనే !

ఎంత అసమానత్వం !

అంతా సమనానమే అంటారు. మరి కామెంటర్ల పట్ల  ఎందు కింత వివక్ష !

బ్లాగులోళ్ళు వెర్సస్ కామెంటర్లు అసమానత్వం ముర్దాబాద్ !

చీర్స్

జిలేబి.

జిలేబీ కి తాకీదు వచ్చేసిందోచ్ !

క్రితం ఏడాది జిలేబీ కి ఉద్యోగ పర్వం నించి టాటా చెప్పెయ్యడం తో , ఏమీ పాలు పోక కాలు గాలిన పిల్లిలా ఇంట్లో తిరుగుతూ ఉంటే, జంబూ వారు, 'ఇదిగో జిలేబీ ! అలా ఊరికే కూర్చోక, కాస్తా వంటా వార్పూ చూడరాదు ?' అంటూ అన్నేళ్ళు రాజ్యమేలిన వంట గదిని జిలేబీ తల మీద ధామ్మని పడేసేరు.

చ, చ, అసలు పని లేకుంటే, అందరికీ లోకువే సుమా అనుకుని సరే పోనీ మన జంబూ వారే కదా , ఇన్నేళ్ళు వంటా వార్పు చూసేరు. ఇక ఎట్లా ఉద్యోగం retire అయిపోయాం కాబట్టి, ఈ కొత్త ఉద్యోగం లో retyre అయి పోదామని ఒప్పేసు కున్నా !

వంటా వార్పూ అంత సులభమైన విషయం కాదు సుమా అని అప్పుడే అర్థం అయ్యింది. ! చాన్నాళ్ళ బట్టి అసలు వంట గది వైపు రాక పోవడం తో , వంట ఎలా చెయ్యాలో అస్సలు మర్చి పొతే, 'పోనీ లే జిలేబీ' ఆ లాప్టాప్ పెట్టేసుకుని ఆన్ లైన్ లో నేర్చేసుకో అని అయ్యరు వారు ఓ ఉచిత సలహా పడేసేరు.

దాంతో బాటే, అప్పటి దాకా ఎప్పుడో ఒక్క మారు టపా రాసుకుంటూ ఉన్న బ్లాగ్ లోకం లో కూడా జబర్దస్తీ గా జొరబడి , టాట్, ఇక మీదట డైలీ రాయాలి సుమా అని, అలా ఓ వైపు వంట కార్య క్రమమును మరో వైపు బ్లాగ్ టపా వంట కార్య క్రమాన్ని రెండు చేతుల మీదుగా సాగించడం జరిగింది.

ఖుషీ ఖుషీ గా నవ్వుతూ, చలాకీ చలాకీ లా కామెంట్లు కొడుతూ తీరిగ్గా కాలం గడి పేస్తూంటే, ఆ మధ్య లో మన మోహనుల వారి నించి ఓ కబురందింది

'జిలేబీ , నీకు రిటైర్మెంట్ ఇవ్వడం మా బుద్ధి తక్కువ. నీ వెళ్ళాక, వనారణ్యాలకి కష్ట కాలా లోచ్చెసేయి, అదీ గాక, నీకు రిటైర్ మెంటు ఇవ్వడం, తెలుగు బ్లాగ్ లోకానికి తల నొప్పి అయి పోవడం జరిగింది, నీ రాతలతో . కాబట్టి, నీ రిటైర్ మెంటు కాన్సిల్. వెంటనే నువ్వు జాబ్ లోకి చేరి పో' అని తాకీదు వచ్చేసింది!

చ, చ, జనాలు హ్యాపీ గా ఉండ నివ్వరు సుమా ! తీరిగ్గా, టపాలు రాస్తూ కూర్చుంటాం అంటే వద్దంటారు. సరే ఉద్యోగం లో ఉంటా నంటే, నీకు ఏజ్ అయి పోయింది, యు ఆర్ డిస్మిస్' అంటారు సుమీ అనకున్నా.

'అయ్యరు గారు మీ సలహా ఏమిటీ ' అడిగా.

'ఇదిగో జిలేబీ,  నీ చేతి వంట నాకు దక్కే యోగం లేదన్న మాట ఎప్పటికి ' అన్నారు వారు.

అర్థం అయి పోయింది వారికి కూడాను. సలహా ఏమిటీ అని జిలేబీ అడిగింది గాని, ఆ సలహా పాటిస్తుందా అన్నది సందేహం సుమా ఈవిడ అని !

సో, బ్లాగ్ బాంధవులారా, ఇంతటి తో మీకందరికి బాయ్ బాయ్! టాటా వీడుకోలు !

అప్పుడప్పుడు,వనారణ్యాల లోంచి బయట పడితే, గిడితే, జనారణ్యాలకి వస్తే, గిస్తే, నెట్టారణ్యాలు లభ్య మయితే, మళ్ళీ మీకు ఈ జిలేబీ టపా శిరో వేదనలు తప్పవు.

అప్పటి దాకా, బాయ్ బాయ్ టాటా వీడుకోలు.

చీర్స్

జిలేబి

(పీ ఎస్: ఇది 'తూచ్' టపా !, వీలైనప్పుడు, అప్పుడప్పుడు మళ్ళీ పునర్దర్శనం !)

చీర్స్
జిలేబి
IFS (Retyred)-Indian Fun Service Retyred!

ఇచ్చట చచ్చి నోళ్ళ జాతకం చూడబడును !

ఇచ్చట టింకరింగ్ చెయ్య బడును
ఇచ్చట కుట్టు లు, టైలరింగు చెయ్య బడును !	ఇచ్చట చచ్చి నోళ్ళ జాతకం చూడబడును	ఇచ్చట మొబైలు రిపైరు చెయ్య బడును
ఇచ్చట సైకిలు ట్యూబ్ కు పంక్చరు వేయ బడును

బోర్డు చూసి లోపలి కి కాలు పెట్టాడు అప్పా రావు.


మహార్జ్యోతిష్ శర్మ గారు తలెత్తి చూసారు


ఏమోయ్ ?


మా అయ్య చాలా సీరియస్ గా ఉన్నారయ్యా ! కాస్త జ్యోస్యం చూద్దురు, వారి కి ?


ఇదిగోనోయ్ బోర్డు చూసావుగా , ఇక్కడ చచ్చి నోళ్ళ జాతకం మాత్రమె చూడ బడును


బతికున్నోళ్ళకి చూడ రాండీ ?


కుదరదోయ్


ఓ పదిహేను రోజులు గడిచాయి . అప్పారావు అయ్య మధ్యలో కాలం చెల్లి పైకి పోయాడు. అప్పా రావు శుభం తరువాయి మహార్జ్యోతిష్ శర్మ గారి దగ్గరకు వచ్చాడు.


ఏమోయ్ మళ్ళీ వచ్చావ్ ?


మా అయ్య పోయాడండీ ! జాతకం తెచ్చాను చూద్దురూ.


శర్మ గారు జాతకం చూసారు.


మహార్జాతకమోయ్  ! మొన్న రామనవమి కి వైకుంటం చేరి ఉండాలే !


అయ్యా ! మీరు మనుషులు కానే కారండీ !


శర్మ గారు తీరిగ్గా జాతకాన్ని విశ్లేషించి అప్పా రావు అయ్య జాతకాన్ని చీల్చి చెండాడి , 'మీ అయ్య ఓ పుణ్యా త్ము డోయ్ అని జోస్యం చెప్పారు !


అప్పారావు సంతోషానికి అవధుల్లేవు.


మా అయ్య అంత గోప్పోడాండీ !


అవునోయ్ !


'ఇది ఉంచండి ' అప్పారావు ఖుషీ గా శర్మ గారి ముందు ఓ పుర్రె నుంచాడు


ఏమోయ్ ఇది ?


నా తరపున కానుక అండి మా అయ్యది


చీర్స్
జిలేబి.

కనిపించిన మేఘం

ఒక మేఘం కనిపించింది
గాలి వీచింది
మేఘం సాగి పోయింది

ఒక మేఘం కనిపించింది
సూరీడు సిగ్గు పడ్డాడు
మేఘం బోరు మన్నది

ఒక మేఘం కనిపించింది
చిన్ని పాప నవ్వింది
మేఘం రాగమయ్యింది

ఒక మేఘం కనిపించింది
తాత బోసి నవ్వు నవ్వాడు
మేఘం తుర్రు మన్నది

చీర్స్
జిలేబి.

హై 'టెక్కు' మహిళలకు గులాం !

"చ చ చ అసలు ఈ లోకం లో మగ వాళ్లకి అసలు తమకంటూ ఓ స్టేటస్ లేకుండా పోతోందీ, అంతా హై టెక్ మహిళలకు గులాం సలాం అయి పోయింది " విసుగ్గా కనబడ్డ ప్రతి ఒక్క దాన్నీ తన్నేసు కుంటూ ఇంటి లోపలి వచ్చాడు మనవడు.

'ఏమిరా మనవడా, వస్తూ వస్తూ నే ఆండోల్ల మీద పడ్డావు ' గదమాయించాను మనవడి ని.

'ఇదిగో బామ్మా, మీ కాలం నించే ఇది మొదలయ్యింది ' అన్నాడు వాడు.

ఏమిట్రా అన్నా

'ఏమిటి అంటే ఏమిటి ? అసలు మేమంటూ అసలు ఉన్నామా ? మా కంటూ ఒక స్టేటస్ ఉందా ? ' అన్నాడు.

ఏమయ్యిందేమిటి ?

ఎల్కేజీ లో మిస్సు కస్సు బస్సు. ప్రైమరీ లో మేరీ టీచరు అథారిటీ. ఆ పై కాలేజీ లో లేడీ ప్రోఫెస్సర్స్ గదమాయింపు. పోనీ లే అని ఈ 'హాయ్ టేక్' ఐటీ ఉద్యోగం లోకి వస్తే ఇక్కడా ప్రాజెక్ట్ మేనేజ్ మెంట్ లో వుమనేజ్ మెంట్' అన్నాడు వాడు.

ఫక్కున నవ్వు వచ్చింది. అదేంట్రా , ఉమనేజ్ మెంట్ అంటా వేమిటి ?

'అవునే బామ్మా, పెళ్లి అయ్యేంత వరకు ప్రాజెక్టు లో దేశాలెంబడి తిరిగి ఆ పై పెళ్లి అయ్యాక ప్రాజెక్ట్ లీడ్ అయ్యి ఇంటి కుంపటి ని తీరిగ్గా చూసు కుంటూ, క్వాలిటీ మేనేజ్ మేంటూ, మన్నూ మషానం అంటూ,   see, ఎంత బాగా, eye పెట్టి  CMMI V ప్రాజెక్ట్ మేనేజ్మెంట్ చేస్తున్నారు అని క్రెడిట్ కొట్టేస్తూ, చ చ చ అసలు మాకు రెస్పెక్ట్ అంటూ ఏదైనా ఉందా అంట ' అన్నాడు

వాళ్ళ అమ్మ వచ్చింది .

కోడలా, మనవడు వయసుకు వచ్చేడు. ఓ మంచి అమ్మాయి ని చూసి కట్ట బెట్టేయి ' అన్నా . 'ఆ వచ్చే అమ్మాయే, వీడి మానేజ్ మెంట్ చూసేసు కుంటుంది కూడాను'

'వాడు వింటేనా ? అసలు ఉద్యోగంకి పోయినప్పటి నించి వాడికి వైరాగ్యం వచ్చేసింది ' అంది కోడలు పిల్ల.

'ఇదే సరి ఐన సమయం చూసి ముడేట్టేయి '

'దేశం లో అమ్మవారి రాజ్యం ! ఇంట్లో  ఆండొల్ల రాజ్యం. చ చ చ ' అన్నాడు మనవడు.

చూడమ్మాయి, వాడు వద్దని చెప్పటం లేదు కదా ! ఓన్లీ కంప్లైంట్ అంతే !

మా అయ్యరు వారు హిందూ దిన పత్రిక నించి ఓ మారు తల బయట పెట్టి, మళ్ళీ పేపర్లోకి తల దూర్చేసేరు.
వారికి పేపరు కనబడితే చాలు, వేరే ఏదీ అక్కరలే మరి. మనమోహనుల వారి పాలిసీ. అన్నీ పాలిసీ మేటరు లోనే ఉండాలి అంతే.


రాజ్యం వీర భోజ్యం ! ఈ జమానాకి, 'రాజ్యమే' హైటెక్ మహిళా భోజ్యం !

చీర్స్
జిలేబి.

ఇచ్చట మీ ఆధ్యాత్మిక ప్రశ్నలకు సమాధానం ఇవ్వ బడును !

'జై స్వామీ యోగి మహారాజ్ గారికి !

జై జై జై ! సభా ప్రాంగణం దద్దరిల్లింది.

స్వామీ యోగీ మహారాజా వారు వేంచేశారు. !తెల్లటి కాషాయ వస్త్రం. (కాషాయ వస్త్రం తెల్లగా ఉంటుందా ? అవును ఇది లేటెస్టు ఫేషను!) నుదిటి పైన నైస్ స్మేల్లింగ్ విభూతి పట్ట !  బవిరి గడ్డం. నిగ నిగ లాడే ఇటాలియన్ షూస్ కాలికి. చేతిలో కమండలం. కమండలం లో నీళ్ళు స్విట్జెర్లాండ్ నిండి ఫ్రెష్ గా దిగుమతి చెయ్య బడ్డది.

"ఇప్పుడు స్వామీ యోగీ మహారాజా వారు మీ ఆధ్యాత్మిక ప్రశ్నలకు సమాధానం చెబుతారు. మీ ప్రశ్నల తో బాటు పదివేల ఒక్క డాలరు నోటులను స్వామీ వారీ పాదాల చెంత బెట్ట వలెను " బోస్ మైక్రో ఫోన్ నించి అనౌన్సే మెంట్ చేసాడు ఓ స్వామీజీ.

'మొదటి ప్రశ్న' లక్షా వెయ్యిన్నొక్క నూట పద హారు డాలర్ లతో మొదలవు తుంది స్వామీ యోగి మహారాజ్ వారి శిష్య స్వామీ వారని ఖండించి తానె కొత్త వరవడి చుట్టేరు !

'ఆహా ! స్వామి వారి జ్ఞాన దృష్టి ముందు మనది ఏపాటి అని ' ఆ కుర్ర శిష్య స్వామీ ఈ మారు అట్లాగే స్వామీ అని చెంపలేసుకుని, కొత్త అనౌన్సు మెంటు చెప్పాడు ప్రశ్న విలువకి !

'మొదటి ప్రశ్న, ఓ సూటూ బూటూ వేసుకున్న పెద్ద ఆసామీ నిండి వచ్చింది. శిష్య పరమాణువు వాడి వద్దకెళ్ళి మొదట లక్ష పై చిలుకు డాలరు డబ్బులు తీసుకొచ్చి స్వామీ వారి పాదాల చెంత బెట్టేరు. ! స్వామీ వారు గబుక్కున తన కాళ్ళని వెనక్కి లాగేసుకుని ' ఛీ ఛీ' మీరే ఆ పక్క పెట్టండి అన్నారు.

'ఆహా స్వామీ వారికి ఎంత వైరాగ్యం !' అని భక్త పరమాణువు మరో మారు జై జై జై అని ఘోషించింది. !

ఆ సూటూ బూటూ వాడు ప్రశ్న మొదలెట్టేడు..

'స్వామీ ! క్రితం సంవత్సరం నా వ్యాపారం నష్టాల్లోకి పోయింది. ఈ సంవత్సరం ఏమైనా గిట్టు బాటు అవుతుందా "

స్వామీ వారు విచారం గా చూసేరు తన భక్త సూటూ బూటూ బాబుని.

'ఇదిగో, సూటూ బూటూ, విచారించకు. ఆధ్యాత్మిక పరంగా నీకు ఉచ్చ స్థితి ఈ ఉగాది నందన సంవత్సరం లో జరుగు తుంది. కాబట్టి దాంతో బాటే నీ కు వ్యాపారాభి వృద్ధి కూడాను ' అని ఓదార్చేరు !

రెండో ప్రశ్న మూడు లక్షల డాలర్లకి స్వామీ యోగి మహారాజ్ వారు సంత బేరం పాడేరు

మరో సూటూ బూటూ ఆసామి లేచి ఇల్లు విడిచి పారిపోయిన కూతురి 'ఆధ్యాత్మిక' స్థితి గురించి విచారించాడు.

స్వామీ వారు గతుక్కు మన్నారు. ఆ అమ్మణ్ణి  మొన్నే తన ఆశ్రం లో కి , తన ఆశ్రయంలోకి వచ్చి ఉన్నదాయె !

బవిరి గడ్డం తడివి, మరో శిష్యుడి కి సైగ చేసి ఆ అమ్మణ్ణి ని తోలుకు రమ్మన్నారు !

'అమ్మణ్ణి వచ్చింది, మొత్తం తెలుపే తెలు పు ఐన నిగ నిగ లాడే చీరలో.

కూతురిని జూసి తండ్రి ఆనంద పడేడు ! ఎట్టకేలకు కూతురు దక్కింది అని. మూడు లక్షల పై మరో లక్ష కానుక గా చెల్లించు కున్నాడు !

ఇట్లా స్వామీ యోగీ మహారాజ్ వారు ఆధ్యాత్మిక ప్రశ్నలకి సమాధానం ఇవ్వడం అలా భక్త పరమాణువులు ఆ హా ఒహో అని వంత పాడడం మొత్తం మీద అవ్వాల్టి సభ ముగిసింది.

'స్వామీ వారు రేపే స్విట్జేర్లాండు వెళుతున్నారు. కావున వారితో బాటు వెళ్లాలనుకునే వారు ఆశ్రమ ఆఫీసు ని సంప్రదించండి '  అని మరో కుర్ర సన్యాసి నోటేస్సు చెప్పేడు.

పోలో మని జన సందోహం ఆశ్రం ఆఫీసు మీద పడ్డది.

ఇంతటి తో కథ జెనీవా కి ! మనం యధా ప్రకారం మన గూటికి !!


చీర్స్

జిలేబి.
(స్విస్సులో ఓ స్వామీ వారిని కలిసిన శుభ సందర్భాన!)

ఇచ్చట 'బ్లాగు వైద్యం ' చెయ్య బడును

బ్లాగ్ శిఖా 'నాని' బ్లాగ్ జిలేబీ అమ్మ వారు తీరిగ్గా లాఫ్ టాప్ ముందు కూర్చుని తన 'రచనా విరహ తాపాన్ని ' చల్లార్చుకుంటూ ఆన్ లైన్ 'చేట' లో రాళ్లేరుకుంటూ, కామెంట్లలో గోళ్ళు గిల్లు కుంటూ కాలం వెళ్ళ బుచ్చు తోంది.

ఆ దారి వెంబడే వెళ్ళే ఓ అమరికను కన్సల్టంటు జిలేబీ బ్లాగ్ పైత్యాన్ని గమనించి,

'జిలేబమ్మా, జిలేబమ్మా' నీకు ఓ ఐడియా ఇస్తాను దాంతో నీ బ్లాగ్ లోక దురద తో బాటు పైసలూ రాలుతాయి' అన్నాడు.

డబ్బెవరకి చేదు అన్న చందాన జిలేబీ ఆశ పడింది.

'ఏమిటోయ్ ' అంది.

'చూడూ, ఆన్ లైన్ చేట లో రాళ్ళేరు కుంటూ వుంటావు గా, దాంతో బాటు, నీకు తెలిసిన బ్లాగ్ గురించి చేట లో రాళ్ళేస్తూ చెప్పు. ఐడియా కి ఓ డాలరు అను నీకు పైసలు రాల్తాయి'

'నిజంగా నే అంటా వా ?'

'అవ్ మల్ల' అమెరికన్ ఎక్సంట్ నించి ఈ మారు ఆ తెలుగోడు ఆదరబాదర ఎక్సంట్ కి వచ్చాడు !

సరే అని జిలేబీ ఆన్ లైన్ చేట లో 'బ్లాగ్ వైద్యులమ్మ జిలేబమ్మ ' మీ సర్వ రోగముల నివారణ కు ఇచ్చట ఉపాయం చెప్ప బడును ' అని బోర్డు బెట్టు కుని నాలుగు రాళ్ళూ వెనకేసుకుంది !

చదువరులారా ! మీకు ఏమైన్నా రోగము ఉందా ! ఆ రోగము తీరి పోవుటకు వెంటనే చక్కని బ్లాగ్ లింకు తెలుప బడును ఇచ్చట ! మీ రోగం హుష్ కాకి! వెంటనే ఓ డాలరు కామెంటు కొట్టుడు ! మీకు వైద్య సలహా ఇవ్వబడును !

ఇట్లు
బ్లాగ్ వైద్యులమ్మ
జిలేబమ్మ !
(దీనికి స్ఫూర్తి చెప్పాలంటారా! ఈ టపా వారికే అంకితం!)

భామనే 'నిత్య' భామనే !

భామనే 'నిత్య' భామనే !

మన ముంబై మరదల్ని పలకరించి చాలా రోజులయ్యిందని శ్రీ శర్మ గారు  రాసినప్పటి నించి కొంత ఈ ముంబై మరదల్ని ఓ కన్నేసి చూద్దామని ఓ రెండు వారాలు గా టంచను గా ముంబై మరదలు వారి తెల్లారి సోకు మధ్యాహ్నం 'బాకు' గమకాన్ని, నాట్య విలాసాన్ని గమనించడం మొదలెట్టాను !

ఆ హా ఏమి ఆ నాట్యం !

నాట్య కళా మణులు ఈ ముంబై మరదలు నాట్య కళా నైపుణ్యం  చూసి నేర్చుకోవటానికి ఎన్నో పాయింట్లు ఉన్నాయి సుమా అని పించింది.

ఒకటి జనావళి కి ఓ కిక్కు ఇచ్చి, 'ఇండియా జూమింగ్' అన్న 'బ్రాందీ' భ్రాంతి ని కలిగించి 'శభాష్ ! భువి మండలం లో భారద్దేశమంత మహామహిమాన్విత దేశం మరెక్కడా లేదు సుమీ ' అని పించడం ! ( మధ్య లో నిఫ్టీ ఐదు వేల నాలుగు వందల చిలుకుకి వెళ్ళడం జరిగింది )

రెండు, సాయంత్రం వేళ 'మోహిని ఆట్టం' ! అంటే , జుమ్మంది నాదం , నిప్పు కుంపటి లో నీళ్ళు చల్లితే, 'సోయ్యన్నట్టు ' నీరసం గా ఊగి పోవటం !

మూడు మళ్ళీ పోద్దవగానే, ముంబై మరదలు రాత్రి ప్రియుని చిలిపి చేష్టల సిగ్గు  దొంతరలతో మళ్ళీ ముస్తాబు !

ఈ సరసమైన కేళీ విలాసం లో ముంబై మహానగరం లో ఉండడం అక్కడి జన సందోహాన్ని గమనించడం జరిగింది.

ఈ ముంబై నగర వాసుల వేగాన్ని వర్ణించడం అంత సులభమైన విషయం కాదు సుమీ అని కూడా అనిపించింది

అసలు ఈ నగరం నిద్ర పోతుందా ? లేదనే అనుకుంటాను.

మొత్తం మీద బృహన్ ముంబై మహా నగరం జయహో ! ముంబై మరదలు జయహో !

'భామనే నిత్య భామనే ' అన్న తీరులో ఉన్న వీరి అందం చందం భారద్దేశ జనావళి కి , భారద్దేశ ఎకానమీ దీపానికి ఓ నిత్య నూతన రమణీ నాట్య నటరాజ పాద సుమాంజలి !

చీర్స్
జిలేబి.

విడాకుల పర్వం లో పిడకల వేట !

పిడకలు అగ్గి పెట్టడానికి బాగా పనికి వస్తాయి.

అవీ, మా బాగా ఈ ఎండా కాలం లో ఎండిన పిడకలైతే, మరీ బాగు ! సర్రుమని రాజు కుంటాయి. కొంత నిప్పెడితే చాలు.

పూర్వ కాలం లో (హమ్మో అంత లోపలే పూర్వ కాలం అయిపోయే!) పిడకలతో అగ్గి బెట్టి, వంట కి , వేన్నీళ్ళు కాచుకోవడానికి చేసుకునేవారు (ట) !

మా బామ్మ కి పెళ్ళయ్యే నాటికి , పదేళ్ళు లోపు.

మా అమ్మగారి కాలానికి పదిహేను.

మా కాలానికి ముచ్చట గా, స్వీట్ సిక్స్టీన్ కాక పోయినా, గవర్నమెంటు వారి లెక్కల ప్రకారం పద్దెనిమిది దాటేక !

మా తరం తరువాయి 'ఇప్పత్తైదు' !

ఇప్పుడు థ్రిల్లింగ్ థర్టీ ప్లస్ !

ఇంకా కొంత ముందు కెడితే, మా బామ్మ , బామ్మ అయిన నాటికి, అమ్మాయి పెళ్లీడు కొచ్చును !

సో, ఈ మారుతున్న కాలం లో లేటు 'మ్యారేజీలు ' విడాకుల కి మూల కారణాలా ?

రెండు, మా బామ్మ చదివింది లేదు.

మా అమ్మ మూడో ఫారం .

మా తరం డిగ్రీ (కాఫీ!)

ఈ తరం హాయ్ టెక్ చదువులు !

రాబోయే తరం హాయ్ హాయ్ టెక్ చదువులు

పెరిగిన చదువులకి , విడాకుల సంఖ్యా జోరు కి 'అణు' బాంధవ్యం  ఏమిటే ?

మూడు,

మా బామ్మ 'ఫైనాన్సియల్' జీరో.

మా అమ్మగారి 'ఫైనాన్సు' అయ్య గారి బొక్కసం మేనేజ్ మెంటు మాత్రమె

మా కాలానికి, చేతుల్లో డబ్బులు ! (జాకెట్లలో పర్సులు అని చెప్పాలి కామోసు !)

ఈ కాలానికి, వానిటీ డెబిట్ కార్డులు, క్రెడిట్ కార్డులు 'హాయ్ టేక్' ఉద్యోగాలు !

రాబోయే కాలానికి మరీ జూమింగ్ ఫైనాన్షియల్ ఫ్రీడం !


సో, ఈ మారుతున్న కాలం లో 'లేటు మ్యారేజీలు ' విడాకుల కి మూల కారణాలా ?

పెరిగిన చదువులకి , విడాకుల సంఖ్యా జోరు కి 'అణు' బాంధవ్యం  ఏమిటే ?

పెరిగిన సో కాల్డ్, 'ఫ్రీడం' కి , విడాకుల సంఖ్యా జోరు కి 'అనుమాన' బాంధవ్యం  ఏమిటే ?


మూడు ప్రశ్నలతో పిడకల వేట మొదలు !


జిలేబి.

అమ్మాయి పెళ్లి

ప్రియమైన చెల్లెలు వరూధిని కి -

అక్కయ్య ఆశీర్వదించి వ్రాయునది. ఉభయ కుశలోపరి. 

అమ్మాయి  సౌమ్య పెళ్లి విషయమై మై బామ్మ కాబినెట్ మీటింగ్ ఇవ్వాళ పెట్టింది.

మన ఇంటి పెద్ద మంత్రులు ఐన అన్నయ్యలు హాజారైనారు మీటింగుకి. 

మీ  బావగారు జంబూ వారు నిమిత్త మాత్రులు కాబట్టి బామ్మే మీటింగుని ఖరారు చేసి ఉచిత పీఠాన్ని అలంకరించింది.

మూడోతరం మంత్రులు అంటే చిన్న చితకా కుర్రకారు అందరు క్వాలిటి కంట్రోల్ ప్రోగ్రాం కోసం దేశాల మీద ఉన్నారు కాబట్టి (నిన్నూ చేర్చి) వాళ్ళంతా గైరు హాజారు మీటింగుకి.

దరిమిలా బామ్మ నీ పెళ్లి ఖాతా వెతికి దాని ప్రకారం అమ్మాయి సౌమ్య పెళ్లికి బడ్జెట్ తయారుచేసింది. ఆ లెక్కల  ప్రకారం పెళ్లి ఖర్చులు వెరసి పది రెట్లు ఎక్కువై పోయినాయి.

బడ్జెట్ బ్రతుకులు కాబట్టి బామ్మ బుగ్గలు  నొక్కేసుకుని బావ గారి వైపు చూసింది -

మీ బావగారు ఎలాంటి ఫీలింగు లేకుండా నా వైపు చూడడం నేను ఏమి చెయ్యాలో పాలుపోకుండా మన ఇంటి పెద్ద మంత్రులు వైపు చూడడం వాళ్లు ఏమి చెయ్యాలో తెలియకుండా బామ్మ వైపు చూడడం,

బామ్మ తీక్షణ ద్రిష్టి తో మమ్మల్ని వీక్షించి "ఒరేయి బడుద్దాయిలు - మీరేమి చేస్తారో నా కవసరం. ఎట్లా చేస్తారో నాకనవసరం. అమ్మాయి పెళ్లి మూడు నెలల్లో ఖరారు అయిపోవాలి " అని అల్టిమేటం జారి చేసింది.

ఈ తంతు తో ఇవ్వాల్టి కాబినెట్ మీటింగ్కి బామ్మ వీడుకోలు చెప్పి అందర్నీ పని మీదికి అంటే అమ్మాయి సౌమ్య పెళ్లి పని మీద  పురమాయ్యించడం తో నా మనసు కొంత కుదుట పడింది.

ఈ మీటింగు తరువాయి మీ బావగారు యథా ప్రకారం దిన పత్రిక పడక కుర్చీలో కూర్చుని తిరగేయ్యటం మొదలెట్టేరు !

ఏమి చేతును నా చిట్టి చెల్లీ?

ఇదీ కథ!

బావగారికి నా నమస్సులు. !

ఇట్లు
నీ పెద్ద అక్కయ్య
జిలేబీ.

నాడు-నేడు ఫ్యామలీ జస్టిస్ !

నాడు

ఏనాటిదో మన బంధం

ఎరుగరాని అనుబంధం

ఎన్ని యుగాలైనా

ఇది ఇగిరిపోని గంధం

నేడు

ఏనాటి దో మన బాండూ

ఎరుక వచ్చేను అణు బాంబూ !

ఈ యుగములోనే

ఇంకి పోయేను బంధం !

***

ఫ్యామలీ కోర్టు లో జస్టిస్ !

'ఇదిగో రాంబాబు , గీత పై చెయ్యేసి చెప్పు, అంతా సత్యమే చెబుతానని '

'అయ్యా జడ్జీ వారు, నా పెండ్లాము గీత పై ఒక్క సారి చెయ్యేసి నందుకే ఇప్పుడు ఈ బోనులో నిలబడ్డా. మళ్ళీ మరో మారు వెయ్య మంటారా !చస్తే కుదర దండి !'

***

ఆంధ్ర లోకం లో కలకలమైన కేసు !

నాలుగో మొగుడితో మూడో పెళ్ళాం తలాక్ !

***

రూపాయ్ మొగుడు డాలరు పెళ్ళాం

సంచలనాత్మక చిత్రం

నేడే చూడండి

మీ అభిమాన ధియేటర్ లో

డైవోర్స్ సౌండ్ ఎఫ్ఫెక్ట్స్ స్పెషల్ !

చీర్స్

జిలేబి. 

'వి' డాకినీ మారాజు పర్వం !

సుప్రీం కోర్టు చీఫ్ జస్టిస్ జమ్బునాధన్ కృష్ణ స్వామీ అయ్యరు వారికి చిరాకు పుట్టు కొచ్చింది.

చ, చ, ఈ మధ్య ప్రతి రోజూ కేసులలో ఒకటి 'విడాకినీ' విడాకుల కేసు చూడాల్సి వస్తోంది.  వీళ్ళ పిండా కూడు దేశం ముందుకు పోతోందా లేక వెనక్కి పోతోందా తెలియక పోయే వారికి !

ఇంటికి విసురుగా వచ్చి, జిలేబీ అని కేక బెట్టి ఉసూరు మని సోఫా లో కుదేలు మన్నారు జంబూ వారు.

'ఏమిటండీ' అంటూ వినయంగా మంచి నీళ్ళ గలాసు వారికి అందించింది జిలేబీ, వీరు ఇంత విసురుగా వచ్చే రంటే ఏదో విపరీత్యం వచ్చినట్టే సుమీ అని అనుకుంటూ. 

మంచి నీళ్ళని కోకో కోలా లా చప్పరిస్తూ, నిట్టూర్చి 'జిలేబీ, మనం పెళ్లి అయి ఎన్ని రోజుల, ఎన్ని సంవత్సరాల బట్టి ఆలూ మగలం గా ఉన్నాం' అన్నారు అయ్యరు వారు.

జిలేబీ కి తన పెళ్లి రోజులు గుర్తుకొచ్చి వెంటనే సిగ్గు వచ్చేసింది.

'చ చ, ఈ ఆడాళ్ళకి పెళ్లి మాట ఎత్తితేనే మరీ సిగ్గు వచ్చేస్తోంది. నేనడుగు తున్నది సూటి ప్రశ్న మాత్రమె కదా ' చెప్పారు జంబూ వారు.

'మన పెళ్లి అయిన సంవత్సరం లో నె కదండీ  , చాచా వారు బాల్చీ తన్నేసింది ?'

'మరి ఇన్నేళ్ళ బట్టి మనం కలిసే ఉన్నామా?'

'కాదుటండీ మరి? వద్దని వెళ్లి నేనెక్కడి కి పోయే దండీ ?'

'మరి ఈ కాలం కుర్ర కుంకలు అలా పెళ్లి అయిందో లేదో, ఇలా కోర్టు లో కోచ్చేస్తారు , విడాకులు కావాలని'

'మరి ఇవ్వక పోయారు ?'

విడాకులంటే అదేమన్నా విస్తరాకులా ?'

'మరి?'

మొద్దు మొహమా, డైవోర్స్ '

'ఓహ్, డై వార్నీషా, , పోదురు లెండి, లేటు మేరేజీ ఏమో, డై ' వేసుకోవాలను కుంటున్నారేమో, వేసుకోమని ఆర్డరు వెయ్య కూడదు?'

'జిలేబీ నువ్వు ఐదో క్లాసు ప్యాసు అయ్యవన్న మాట తోనే మా బామ్మ ఆ కాలం లో నిన్ను కట్ట బెట్టింది నాకు. నీకు తెలుగూ రాదు, అంగ్రేజీ రాదు' విసుక్కున్నారు జంబూ వారు. ' మొద్దు, వాళ్ళిద్దరూ, వేరే కుంపటి పెట్టుకోవాలని ఉబలాట పడుతున్నారోయ్'

'ఓహ్, 'విడాకినీ' పర్వమా ?'

'అవ్'

'పోదురు లెండి, కుర్ర కుంకలు ముచ్చట పడుతున్నారు గదా, వేరే కుంపటి కి , చెరో కొత్త కుంపటి కొనుక్కొమ్మని చెప్పండి '

ఈ మారు జంబూ వారు విశదీకరించారు పూర్తి గా, విడాకుల గురించి.

జంబూ వారు చెప్పింది విని జిలేబీ ఆలోచన లో పడింది.

'అయ్యరు వారు నేనో ఉచిత సలహా ఇస్తాను వింటారా?' జిలేబీ అన్నది.

'ఏమిటోయ్'

మన మన మొహనుల వారి తో చెప్పి కొత్త చట్టం తెప్పించండి '

'ఏమనోయ్'

'పెళ్లి కి ముందే విడాకులు తీసుకుని వారు విడిగా వేరు కుంపటి తో కొన్ని సంవత్సరాలు ఉండాలని. ఆ తర్వాత కూడా, ఇద్దరికీ పెళ్లి చేసుకోవాలని పిస్తే, మ్యారాజు చేసుకోవచ్చు అని'

'జిలేబీ మరి ఆల్రెడి పెళ్లి అయిన వాళ్ళ మాటేమిటీ?'

అదేంటో, మీ భాష లో 'సబ్బాటికల్' లీవు అంటారు గదా ? అట్లా, 'సబ్బాటికల్' వేరు కుంపటి ....!!"


చీర్స్
జిలేబి.

నందనోత్సాహం !

నందనోత్సాహం !

అందరికీ

శ్రీ నందన నామ సంవత్సర

ఉగాది శుభాకాంక్షలు !

సంవత్సరోవా అపామాయతనం ఆయతనవాన్ భవతి

యః సంవత్సరస్యాయతనం వేద ఆయతనవాన్ భవతి

ఆపోవై  సంవత్సరస్యాయతనం ఆయతనవాన్ భవతి

య ఏవం వేద యో ఆప్సునావం ప్రతిష్ఠితాం వేద ప్రత్యేవ తిష్ఠతి 

జిలేబి  

నీ కడుపు చల్లగా పసి పాపను కని పెంచ వమ్మా !

నీ కడుపు చల్లగా పసి పాపను కని పెంచ వమ్మా !
సర్వభూతాలను ఇముడ్చుకుని
సర్వ వనరులను తనలోనే పెంపొందించి
గిరి పర్వతాలకు ఆలవాలమై వెలుగొందే భూమాత లా

సర్వ జంతు జాలాలకు జగన్మాత వై న పుడమి తల్లి లా

నీ కడుపు చల్లగా -

పసి పాపను కని, పెంచ వమ్మా !


శుభ కామనలతో
జిలేబి
(ఆధారం - అధర్వ వేదం - ఆరవ కాండం , పదిహేడవ సూక్తం - భావానువాదం - టూకీ గా - ఈ సూక్తం - గర్భిణి స్త్రీ కి ఆశీర్వచన సూక్తం )

అధర్వ వేదం - ఆరవ కాండం - 17 వ సూక్తం

యథేయం పృథ్వీ మహీ భూతానాం గర్భ మాద్ధే

ఏవా తే ద్రియతాం గర్భో అను సూతుం  సవితరే

యధేయం పృథ్వీ మహీ దా ధార ఇమాన్ వనస్పతీన్

ఏవా తే ద్రియతాం గర్భో అను సూతుం  సవితరే

యధేయం పృథ్వీ మహీ దా ధార పర్వతాన్ గిరీన్

ఏవా తే ద్రియతాం గర్భో అను సూతుం సవితరే

యధేయం పృథ్వీ మహీ దా ధార విష్టితం జగత్
ఏవా తే ద్రియతాం గర్భో అను సూతుం సవితరే 

బులుసు గారు ఎక్కడ చెప్మా?

ఈ మధ్య బులుసు గారు బ్లాగ్ లోకం లో కనిపించడం లేదేమిటి చెప్మా?

ఎవరికైనా తెలుసా ?

బులుసు గారు మీరీ మధ్య అసలు టపా రాయటం లేదేమిటి ?

మధ్య మధ్య లో కామెంట్లలో కనబడే వారు.

అదీ ఈ మధ్య కనిపించడం లేదు.

బ్లాగ్ భాంధవుల్లారా , మీ కేమైనా తెలు సా?

ఒక మారు శ్రీ బులుసు వారికి జే కొట్టి వారు వెంటనే సరి కొత్త టపా రాయవలె ని  జిలేబీ విన్నపాలు !


(విన్నపాలు వినవలెను వింత వింతలు !)

చీర్స్
జిలేబి.

Taking a Break !

I also wish to take a break ! (చందూ ఎస్ గారి Take a Break చదివాక !)

ఆహా వీళ్ళెంత అదృష్ట వంతులు.!

They are able to take a break from blogging ! And they have profession to continue !

ప్చ్. మనవల్ల అవటం లేదే మరి !

ఉద్యోగానికి బ్రేక్ - విరమణ ఇచ్చేసారని ఫుల్ టైం పాస్ కి బ్లాగ్ కి వచ్చే !

ఇక్కడ బ్రేక్ తీసుకుంటే మళ్ళీ ఉద్యోగం చేయాలే మరి !

ఎట్లా ? ఎవరిస్తారు ఉద్యోగం ? సద్యోగం ?

ఏమి చేద్దాం ?

రేపటి దాకా బ్రేక్ ! అంతే

ఆ పై మళ్ళీ మరో సూర్యోదయం .

సూరీడు కి నో బ్రేక్ !

సో, గో ఆహేడ్, జిలేబి, యు ఆర్ అల్లోడ్ టు హేవ్ బ్రేక్ టిల్ మారో !!



చీర్స్
జిలేబి
(అబ్బా, జిలేబి బ్రేక్ అంటే ఎంత సంతోష పడిపోయాం, ప్చ్ వదలదే మనల్ని బ్లాగు టపా రాయకుండా !)