పని లేని పెండ్లాము బ్లాగు లాడిందని ....

ఏమండీ నే పోతా అన్నా. 

అసలు మడత కుర్చీ లో కూర్చున్న పెద్ద మహారాజు తలెత్తి చూస్తేనా ? అదేమీ హిందూ పేపరో మరి ? దాంట్లో వేరే ఏమి మజా యో తెలియదు కాని పెండ్లాము కన్నా అది గొప్ప మజా ఇచ్చు అయ్యవారికి.

మళ్ళీ గట్టి గా అన్నా ... నే పోతా అని.

ఈ మారు తలెత్తి చూసేరు అయ్యరు గారు.

హమ్మయ్య దిన పత్రిక నించి ముందర ఉన్న పత్ని వైపు చూసేరు అదే పది వేలు కదా అనుకుని 'ఇదిగో ఇట్లా పెండ్లాము చెప్పింది ఏమీ వినకుంటే ఎట్లా ?' అన్నా ఉపోద్ఘాతం గా.

'ఏమిటోయ్ నీ బాధ ? అన్నట్టు చూసేరు అయ్యరు వాళ్ .

అబ్బో, ఏమి వీరి టెక్కు ? అసలు పెండ్లి ఎందుకు చేసుకుంటారో ఈ మగ మహాపుంగవులు  మరి !

పక్కనున్న పెండ్లాము కన్నా అట్లా పేపరో, కాకుంటే లాపు టాపో  పెట్టేసుకుని, ఆ హా దేశం లో మేమొక్కరమే చేతి నిండా పని పడిన వారమని చెప్పు కోటానికి కాకుంటేను మరి ?

అదే మాట చెప్పా.

ఏమోయ్, నీ వ్యాపకం నీకు ఎట్లాను ఉంది .  నా దగ్గర కొంత సేపు హస్కు కొట్టి తెల్లారి గట్లా అట్లా ఆ బ్లాగుల్లో 'బరహ బరహ' అంటూ ఏదో గీకుతావు వాటికి వచ్చిన కామెంటు మెతుకుల్ని చూసి వావ్ అని మురిసిపోతావు ఆపై నా మీద చెణుకులు కూడానూ ...

అసలు ఇంట్లో ఒక మగ మారాజు ఉన్నాడన్న విషయం నీ ' కేటలాగు' లో ఎట్లాగూ లేదాయే ! మరి నన్ను నా మానాన  వదిలేసి నువ్వట్లా బ్లాగు లాడు తొంటే నాకూ ఏమీ తోచక ఇదిగో ఇట్లా పేపరు పెట్టు కుంటాను ...  నే పేపరు చేత పట్టినప్పుడే నీకు నాతొ మాట్లాడా లని పిస్తుంది మరి ! ఏం , నేను తీరిగ్గా ఉన్నప్పుడు, నువ్వు ఆ బ్లాగో 'టం' టం' మూత బెట్టి నాతో మాట్లాడ వచ్చుగా ? అని ఇంత ఎత్తుకు ఎగిరేరు.

వామ్మో, సుడి గాలి మన వైపు తిరుగుతోందే , దీన్ని వెంట నే అరి కట్టాలి అనుకొని ... ' ఆ, ఈ లాపుటాపు, ఈ బ్లాగు లగురించి  చెప్పినదెవరు ? మీ మనవడే గా ... వాడిదే తప్పంతా ' చెప్పా.. నా తప్పు ఇందులో ఏమీ లేదు సుమీ అన్నట్టు చూసా .

అంటే ? వాడేదో చెప్పె. అందుకని అట్లా పొద్దస్తమానం బ్లాగు లోకం లో తలమునకలై అసలు భరించు వాడు భర్త అన్న మానవుడు అసలు ఉన్నాడన్న తలంపు కూడా లేకుండా ఉంటే ఎట్లా మరి ?

అదేం ? మేము బ్లాగు లు రాయ కూడదా ? మా గురించి ఆంధ్ర జ్యోతి లో కూడా బాలా బాలా గు అని చెప్పేరు సుమీ ' చెప్పా.

చెప్పారనుకో, కాదంటా నా ? అందుకని నేను పేపరు చదివే టప్పుడే నీకు నాతొ మాట్లాడాలని అనిపిస్తే ఎట్లా చెప్పు మరి ' అన్నారు ఈ మారు కొంత శాంతం గా.

హమ్మయ్య, మన దారికి మానవుడు వచ్చేసేడు అనుకుని, అట్లా కాదండీ ఆ పేపరు చదివి ఏమి సాధిస్తారని ? కూసింత ఇంటి పని , వంట పని చూడాకూడదూ ... మురిపెం గా అడిగా .

'చస్తే కుదరదు మరి ! ఆ పనంతా నా నెత్తి కి నెట్టి మళ్ళీ ఆ బ్లాగు లోకం లోనే సెటిల్ అయి పోదామనే ! ఆశ దోస, అప్పడం వడ ' మళ్ళీ పేపర్లో తల దూర్చేరు అయ్యరు గారు.

హబ్బా, ఈ 'మొగోండ్లు '  ఇట్లా పెండ్లాముల మాటలు వినకుండా ఇట్లా చెడి పొతే గెట్లా అని నిట్టూర్చి సరే ఎట్లాగూ ఇవ్వాళ పని ఏమీ లేదు కాబట్టి కూసింత బ్లాగు లాడు తామని .....

శుభోదయం !
చీర్స్
జిలేబి !

నెనరస్య నెనరః జిలేబి నామ్యా కవితా వనచారిణహ !

శ్రీ కంది వారి శంకరాభరణం తేజోమయం గా ఉన్నది.

అందులో అప్పుడప్పుడు మనకు తోచింది రాసుకోవడం

(వారేదో చందో బద్ధం గా రాయమని సమస్య ఇస్తే, నేనేదో నాకు తెలిసిన నాలుగు తెలుగు పదాల్ని ఉపయోగించి , ఓ వాక్యాన్ని నాలుగు లైన్లు (రెండు పదాలు ) గా విభజిస్తే, శబాష్ ! కవిత్వం రాసినట్టే అనుకుని - 'జిలేబి' చందస్సు లో రాయడం కద్దు- సరిగ్గా చెప్పాలంటే నేనేదో రాస్తూంటాను, దాని కి ఆ కవులు పెట్టిన ముద్దు పేరు 'జిలేబి' చందస్సు అని చెప్పాలి!)

శంకరాభరణం సభా పండితులు ఓపిగ్గా, జిలేబి చందస్సు ని అప్పుడప్పుడు సరిదిద్ది (నమోవాకములు!) వారి అత్యద్భుత పద ప్రహెళీ లో 'సుందర' తెలుంగు' లో పద్యాల్ని ఇచ్చేవారు!

క్రితం వారం వారు ఇచ్చిన సమస్య -

తిని భజించిన ముక్తి ప్రాప్తించు ననఘ !

ఆహా, ఇది మనబోటి 'తను', తిను, 'తాను' మానవుల కి సంబంధించిది సుమ్మీ అనుకుని ,

సరే అని దానికి రాద్దామని కూర్చుంటే, ఋగ్వేదం లో ఆనోభద్రా సూక్తం గుర్తుకొచ్చింది. అందులో రమణీయ మైన సూక్తి 'భద్రం కర్ణేభి శృణుయామ దేవా ' అన్నది !

సరే అని ఇట్లా రాయడం జరిగినది.

విని ఆలోచింప ముక్తి ప్రాప్తించు ననఘ
కని శోధింప ముక్తి ప్రాప్తించు ననఘ
అవని లో అన్నియు తానైన ఆ భగవ
తిని భజియింప ముక్తి ప్రాప్తించు ననఘ!


దానికి శ్రీ శ్యామలీయం వారు మెరుగులు దిద్ది మరో స్థాయి కి తీసుకెళ్ళి పోయేరు!

శ్యామలీయం చెప్పారు...

జిలేబీగారి పద్యం బాగుంది. దానికి లక్షణశుధ్ధి చేస్తే ఇలా గవుతుందని అనుకుంటున్నాను

జిలేబిగారు చెప్పిన పద్యం:
విని ఆలోచింప ముక్తి ప్రాప్తించు ననఘ
కని శోధింప ముక్తి ప్రాప్తించు ననఘ
అవని లో అన్నియు తానైన ఆ భగవ
తిని భజియింప ముక్తి ప్రాప్తించు ననఘ!

పరిష్కృతపద్యం:

విని వివేచించ ముక్తి ప్రాప్తించు ననఘ
కని విమర్శించగా ముక్తి కలుగు ననఘ
అవని నన్నియు తానైన యట్టి భగవ
తిని భజించిన ముక్తి ప్రాప్తించు ననఘ!

భావం: సద్విషయములను విని వాటిలోని పారమార్థిక తత్వమును చక్కగా నిత్యమూ వివేచన చేయుచున్న వానికి ముక్తి కలుగును. ప్రకృతియొక్క వికారములను చక్కగా అవలోకనము చేసి దాని తత్త్వమును చక్కగా విమర్శనము చేయుచున్న వానికి దాని నుండి విముక్తి కలుగును. కాని పూర్ణవైరాగ్యసంసిథ్థి లేని వారికి యీ రెండు విధము లయిన మార్గములునూ దుష్కరములు. కాని ఒక మంచి ఉపాయ మున్నది. అందరకునూ‌ అన్నిటికీ‌ భగవతి నిత్యమూ అండగా నున్నది. కాబట్టి విచారపడక అమ్మవారిని నమ్ముకొని ఉపాసించినచో తప్పక ముక్తి కలుగును. చాలా లోతైన ,రమ్యమైన భావము.

 

ఆ పై కంది వారు వావ్ అనిపించారు !

 

కంది శంకరయ్య చెప్పారు...

*
జిలేబీ గారూ,
మంచి భావాన్ని ఇచ్చారు. అభినందనలు. మీ భావానికి నేనిచ్చిన పద్యరూపం...

విని వితర్కించి ముక్తి ప్రాప్తించు తెరువుఁ
గనఁగ శోధించుటే మానవునకు నొప్పు
నవనిలో నన్ని తానైనయట్టి భగవ
తిని భజించిన ముక్తి ప్రాప్తించు ననఘ.

 

ఆ పై శ్రీ తోపెల్ల బాలసుబ్రహ్మణ్య శర్మ గారు మరో స్థాయి కి గొంపోయేరు !

Tbs Sarma చెప్పారు...

జిలేబి వారి భావానికి శ్రీశ్యామలరావుగారి పూరణాంచిత వివరణ శ్రీ శంకరార్యుల పూరణ అద్భుతము. అందరికి అభినందనలు.
చిన్ని సవరణతో జిలేబి గారి చలువతో (భగవతి పదం వారిదే)

అతుల మహానుభావుడని హరుని మనంబున తలచి
పతిగ పొంది తపము జేసి పార్వతి, రతిపతి వలన,
సుతుగనె తారకాంతకుని సురలందరంత మెచ్చ భగ
వతిని భజించిన ముక్తి ప్రాప్తించు ననఘ! నిజముగ.

 

 

ఆహా జన్మ ధన్య మాయెనే అనుకున్నా!.

 

కవులందరికీ ధన్యవాదములతో !

 

నెనరస్య నెనరః

జిలేబి నామ్యా

కవితా వనచారిణహ !

బాంక్ ఆఫ్ 'ఇందిర ' (అన్) లిమిటెడ్ ! - జిలేబీయం!

ఏమోయ్ జిలేబీ, పట్టు బట్టి,  పంచ కట్టిన శెట్టి గారి చే  జిలేబీ ల కోసం బాంకు పెట్టించే సే వన్న మాట !'

మారేమం డోయ్  అన్నా .

అవునోయ్ మీరు చాలా మారు తున్నారు సుమీ !

బాంకు వచ్చేక ఏమి ప్రణాళిక ?

అందరి ఇంట్లోనూ వంటిల్లు బందు చెయ్యమని అంటాం !

అంటే ?

దేశం అభివృద్ధి కి వంటిల్లె నిరోధకం గా ఉంది చెప్పా.

ఎట్లా ? అన్నారు మా అయ్యరు గారు హాశ్చర్య పోయి !

అవునండీ, వంటిల్లు బందు చేస్తే, దేశం లో అదో పెద్ద మల్టీ బిలియన్ బిజినెస్స్ గా మారుతుంది .  ప్రతి వేళా జనావళీ బయటే హోటల్ కెళ్ళి  తింటే, ఎంత బిజినెస్స్ వస్తుందో చూడండీ మరి. ఎంతో  మంది జనావళీ కి ఉద్యోగం చిక్కుతుంది కూడా ను. 

'హోటలు బిజినెస్ వాణ్ని 'సిరిరా' వద్దం టా నా ! ముసి ముసి నవ్వులు నవ్వేరు మా అయ్యరు  గారు.

'మా జిలేబీ బాంక్ లో స్వస్వహాయక భామా గ్రూప్ లకి హోటల్లు పెట్ట దానికి దండి గా లోన్లు ఇచ్చే మను కొండీ - ఆ పై ఆ ఇంట్లో చేసే వడ్డ నల్నే వాళ్ళు హోటల్ లో తయారు చేస్తే ఇక వాటి కి వేల్యూ ఆడిషన్ వచ్చి మార్కెట్ వేల్యూ పెరుగు తుంది'  ' చెప్పా గర్వం గా.

మొత్తం మీద నా కొంపకే ఎసరు పెడతావా జిలేబీ అన్నారు మా అయ్యరు గారు.

ఆయ్ , మీరు హోటల్ బిజీ మీదే నండీ . మా హోటలు మాదే నండీ !ఇక మీదట మేమూ  పెడతాం మాతా అన్నపూరణీ హోటలు కూడాను !

భారద్దేశం లో సరికొత్త పంధా మహిళా బాంకు తెస్తుందని ఆశిస్తూ
సరియైన మార్గం లో women empowerment పయనిస్తుందని ఆశిస్తో...

చీర్సు సహిత
జిలేబీ బాంక్ అన్ లిమిటెడ్ !

విప్రలంభ శృంగార యోగి !

విప్రలంభ శృంగార యోగి !

***photo courtesy googlaaya namah***

 

"మన దగ్గిర చుట్టమైన రాముడు

మహావీరుడూ ,

ప్రకృతి సౌందర్య పిపాసీ ,

దుష్టశిక్షకుడూ ,

శిష్టరక్షకుడూ,

ముఖ్యం గా విప్రలంభ శృంగార యోగిన్నీ !"

 

(వాల్మీకి మహర్షి విరచితం రామాయణం మూడో సంపుటం అరణ్య కాండ వాడుక భాషలో శ్రీ శ్రీపాద సుబ్రహ్మణ్య శాస్త్రి

వచనానువాదం - పబ్లిషర్స్  అద్దేపల్లి అండ్ కో - సరస్వతి పవర్ ప్రెస్ -రాజమహేంద్ర వరము - మొదటి కూర్పు 1956- 'సూచన' -ముందు మాట నించి )  

 

జిలేబి
 

పద్మావతీ టైమెంత ?

స్వామి వారడిగేరు - దేవీ పద్మావతీ టైమెంత ?

అమ్మవారు అలవోకగా చేతి గడియారం వైపు చూసింది.

రిస్ట్ వాచు లో స్వామి వారు జగజ్జేగీయ మానం గా కనబడ్డారు.

అబ్బా, వీరి సొబగే  సొబగు! ప్చ్! స్వామి వారిని మాత్రం ఆ స్విస్సు వాడు గడియారం లో పెట్టేడు. తన్నో, మంగ తాయారు నో కూడా చేర్చి ఉండ వచ్చుగా ? ఊహూ !

'ఎందుకో' ఎప్పుడూ టైమెంత అనని అయ్యవారు ఇట్లా ఈ వాచీ వచ్చినప్పటి నించి గంట కో మారు టైమెంత అనడం మొదలెట్టేరు !

'ఊరికే నే లే .  టైం ఎంతో తెలుసు కుందా మని . అంతే మరే ప్రత్యేకతా లేదు ' చెప్పేరు స్వామి వారు.

అబ్బబ్బా, ఏమి బడాయి ఈ స్వామీ వారిది ? ఆ గడియారం కంపెనీ వాడు, స్వామి వారికి ఓ గడియారం బహుమానం క్రింద ఇస్తే, స్వామీ వారు తన చేతికి కట్టి పద్మా బాగుందా అన్నాడు.

స్వామి వారి ముఖ వర్చస్సు అందులో చూసి 'ఆహా' అని అనుకో కుండా ఉండ లేక పోయింది పద్మావతీ దేవి.

చదువరీ, ఇంతకీ ఇట్లా స్వామి వారు ప్రతి గంట కీ అమ్మవారి ని టైమెంత అని ఎందుకు అడిగినట్టు ?


చీర్స్
జిలేబి. 

కొండ దేవర స్విస్సు అకౌంటు కోసం పోనాడు !

స్విట్జర్ లాండు.

అతి పాపులర్ ఐన స్విస్సు బాంకు ముందు నిలబడ్డాడు  కొండ దేవర.

అక్కడ అటూ ఇటూ పోయే జనావళీ టై సరి జేసు కోవటం జూసి తానూ తన మెడలోని పూమాలని సరి జేసు కుని బాంకు లోకి అడుగు పెట్టాడు సామి.

'ఎస్ హౌ కేన్ ఐ హెల్ప్ యు సర్' అన్నది కౌంటరు దగ్గిర ఉన్న స్విస్సు భామామణి .

ఆవిడకి తెలుసు ఈ లాగా గెట్ అప్ లో వచ్చిన వాళ్ళు ఖచ్చితం గా 'భారద్దేశం' అనబడే దేశం నించి వచ్చే ఉంటారని, వీళ్ళకి అంగ్రేజీ తప్పించి లోకల్ భాష ఐన స్విస్ జర్మన్ తెలీదనీను. అందుకే ఆంగ్లం లో సంభోదించింది.

స్వామి కొద్దిగా జంకి 'దీర్ఘాయుష్మాన్ భవ ' అన్నాడు.

కౌంటర్ అమ్మాయి అర్థం కాకుండా నవ్వుతూ 'ఎస్ సర్' అంది.

కొద్దిగా ముందుకి వంగుతూ స్వామి చెప్పాడు, 'నాకో స్విస్సు అకౌంటు ఓపెన్ చెయ్యాలి - సీక్రెట్'!

ఎస్ సర్, మెజారిటీ ఆఫ్ అవర్ అకౌంట్ హోల్డర్స్ ఆర్ ఫ్రం యువర్ కంట్రీ సర్ - ఉయ్ గివ్ బెస్ట్ సర్వీస్'

'మా 'దివాణం' వాళ్ళు మీ ఊరి గడియారం లో నా ఫోటో పెట్టడానికి కమీషన్ నాకిస్తా మన్నారు.' చెప్పాడు స్వామి. కానీ ఆ కమీషన్ మా దేశం లో ఇవ్వడం కుదరదట నాకు, ఇక్కడే ఇస్తారట, అందుకే ... నాకిక్కడే అకౌంట్ కావాలి'

ఎస్ సర్ నో ప్రాబ్లెమ్ !

స్వామి ఈ మారు మళ్ళీ మెడలోని పూమాలని సర్దుకుని, 'ధన్యవాద్' చెప్పాడు .

ఆ అమ్మాయి కూడా ధన్యవాద్' అంది .

ఆ బ్యాంకు వాళ్ళు ఇట్లాంటి చిన్ని చిన్ని హిందీ పదాల్నీ , మరిన్ని చైనీసు పదాల్నీ పదాల్ని కౌంటర్ అమ్మాయిలికి చెప్పి పెట్టేరు వచ్చిన కష్ట మరలని సంతోష పెట్ట డానికి ~

స్వామీ సంతృప్తి గా తలూపి అక్కణ్ణించి ఓ SMS - కొట్టాడు - డీల్ డన్ -స్టార్ట్ ఫండ్స్ ట్రాన్స్ఫర్ - అని !


(మా స్వామి ఇంకా ఏ ఏ ఊళ్ళో అకౌంట్లు తెరవబోతాడో మరి !-

కొన్ని రోజులు పోతే నాయుడు హాల్ వాళ్ళు వచ్చి మా ప్రాడెక్ట్  మీద స్వామీ వారి బొమ్మేట్టేసు కుంటాం కూసింత కమీషను మీకూ ఇస్తాం అంటారేమో మరి !)

జిలేబి. 

స'రస' సాహిత్యపు "జిలేబి" సరస నుండు!

రామ రామ ! - కంది వారు 'తెలుగు పద్యం చచ్చిందా అంటే , అయ్యో రామా , తెలుగు పద్యం జీవ మున్న పద్యము, దానికి చావులేదు అంటున్నారు తోపెల్ల  బాలసుబ్రహ్మణ్య శర్మ గారు !

మధ్య లో సరస సాహిత్యపు "జిలేబి" సరస నుండు అని జిలేబీ ని అక్కుజేర్చు కునేసారు!

ధన్యవాదాలండీ తోపెల్ల  వారు !
మహాభాగ్యం!

సరస సాహిత్యపు "జిలేబి" సరస నుండు

“కంది శంకరార్య” బ్లాగు కాంచు చుండ
పండితార్య” శ్రీనేమాని” పద్యధార
ముదము నిచ్చుచు”నేల్చూరి” మేథ తెలియు
“విష్ణు నందను” డనువైద్య విభుని జూడ
“మన తెలుగు చంద్ర శేఖరు” మహిమ గనుము
“గన్నవరపు” మెరపులుండు ఘనము గాను
“గోలి” వారి సద్యస్ఫూర్తి గ్రోలు చుండ
అన్న” మిస్సన్న” ధీశక్తి హాస్య రక్తి
జిగియు బిగియు జూడ దగును “జిగురు” వారి
కనుము”గండూరి” పద్యమ్ము గంగ యనగ
కవన వన “కమనీయము” నవవిధముల
“సంపతకుమార” పాండిత్య సహజ రీతి
సహజ పద్యంపు” సహదేవ” శక్తి జూడ
“నాగరాజు” నుడువ భవ్య నవ్య కవిత
“లక్కరాజు” వారిచ్చెడి లాస్య కవిత
“పోచిరాజం”త కవితల ప్రోది చేయ

నిత్యము “వసంత కోకిల” నిండు దనము
“మూర్తి” ముత్యాల పద్యాల మురిపెమివ్వ
“ఊక దంపుడు” కబ్బమ్ము నూదు వెండి
రాణ కెక్కిన “రాంభట్ల” రచన చదువ
“వామనకుమారు” ధారగ వర్ష మిడగ

సరస సాహిత్యపు "జిలేబి" సరస నుండు
అక్క” రాజేశ్వరి” కవిత లెక్క పెట్ట
వీణ మీటు “లక్ష్మీదేవి” వాణి యెపుడు
ప్రభల రామలక్ష్మి కవితా ప్రభల వెలుగ
అరస విరస సరసమ్ము లణగద్రొక్క
తెలుగు పద్యమెటుల చచ్చు? తెరచిచూడ
జీవి నిర్జీవి యగుచుండు జీవ గతిని
జీవ మున్న పద్యమునకు చావులేదు!

 

***తోపెల్ల  బాలసుబ్రహ్మణ్య శర్మ***

 

చీర్స్ 

జిలేబి 



కృష్ణమ్మ వాకిట్లో కర్వేపాకు చెట్టు!

 

కృష్ణమ్మ వాకిట్లో కర్వేపాకు చెట్టు!

సరికొత్త తెలుగు చిత్రం 

 

టైటిల్ క్రెడిట్ - జిలేబి

కథ కాన్సెప్ట్ - కృష్ణ ప్రియ 

*ఫోటో క్రెడిట్ 'గూగ్లాయనామః'* 

 

ఈ మధ్య మా సీతమ్మ తల్లి మరీ మరీ పాపులర్ అయిపోనాది !

సీతమ్మ వాకిట్లో సిరి మల్లె చెట్టు ఓ చిత్ర రాజం !

సీతమ్మ తలలో పేలు ! - ఓ పేరొందిన బ్లాగర్ గారి టపా !

సీతమ్మ అగ్ని ప్రవేశం చేసి సాధించినది ఏమిటి ? మరో రౌడీ రాణి ప్రశ్న !

రామా, చట్  మ (ర) లా నీ (పై) కంప్లైంట్ ! ఓ జిలేబీ టపా !

ఆ పై ప్రతి ఒక్కరూ సీతమ్మ వాకిట్లో సిరి మల్లె చెట్టు మీద టపా సినిమా రెవ్యూ రాసి పడెయ్యడం !

ఈ మధ్య యు ట్యూబ్ చూస్తే, మంగమ్మ వాకిట్లో మందార చెట్టు ! అన్న మరో 'మినీ సినిమా' కనబడ్డది!

వావ్ అనుకుంటే, కృష్ణ ప్రియ 'బ్లాగిణి'  గారు కృష్ణమ్మ వాకిట్లో కర్వేపాకు చెట్టు కి కథ చెప్పెసేరు !

టూకీ గా 'కృష్ణమ్మ వాకిట్లో కర్వేపాకు చెట్టు ' కథ కమామీషు!

కృష్ణమ్మ వాకిట్లో కర్వేపాకు చెట్టు.. కాన్సెప్ట్

 

(గమనిక ఈ సినిమా టైటిలు కథ పేటెంటు రైటులు

సర్వం జిలేబీ &  కృష్ణ ప్రియ గారివి!

 

All right reserved!)

అక్కా చెల్లెళ్లు చెగోడీలు, పాలకాయలూ, అరటి పండ్లూ, చెరుకు గడలుతింటూ, తగువులాడుకుంటూ,..సద్దుకుపోతూ, ఊరెంబడ తిరుగుతూ, ఉంటారు

వెంట బడిన అబ్బాయిలని ‘పిలకెక్కడ రా నీకూ :) ‘ అనుకుంటూ వారి భరతం పడుతూ ఉంటారు !

అప్పుడేమో, ఆఅ ఊళ్ళోకి మన హీరో వస్తాడన్న మాట.

హీరో కి కర్వేపాకు అంటే మరీ మోపెడంత గంపెడంత ప్రియం.

ఏ  ఇంట్లో కర్వేపాకు చెట్టు ఉందో ఆ ఇంటి అమ్మాయినే మను వాడ తా నని ఘోరాతి ఘోరం గా తన బామ్మ  జిలేబీ దగ్గిర మన హీరో శపథం పట్టి ఆ ఊరు వచ్చాడన్న మాట !
అప్పుడేమో, హీరో బామ్మ జిలేబీ కర్వేపాకు గురించి ఒక ఫ్లాష్ బ్యాక్ చెబ్తుం దన్న మాట !
ఫ్లాష్ బ్యాక్ ఏమో ఆఖరి దాకా డైరెక్టరు ప్రేక్షకులకి చెప్పడన్న మాట.

హీరొయిన్ ఎవరు సినిమా లో ?
బులుసు గారి ఫేవరైట్ సినీ తార ఇలియానా అన్న మాట.

హీరో ఎవరు మరి ?
పనిలేక రమణ గారి ఫేవరైట్ సినీ తారడు  అన్న మాట !

అప్పుడేమయ్యిం దంటే ....

ఎవరండీ అక్కడ ! కథ పొడిగించండి మరి !
 

ఎక్కడండీ రాజ్ కుమార్  & బులుసు గారలు ?
 కామెడీ ట్రెక్ రాయడానికి త్వరపడండి మరి !

కథా చిత్రానువాదానికి S. చందూ గారు
ఎక్కడున్నా వెంటనే రావలెను !

 

చిత్రం డైరెక్టు టు హొమ్ టెలికాస్ట్ చెయ్య బడును!

 

తలా ఓ వెయ్యి రూపాయలు చందా కట్టి

మీ ఒన్స్ ఇన్ లైఫ్ టైం మూవీ ప్రీమియర్  అడ్వాన్సు బుకింగ్ కి వేగిర పడండి !

 

చీర్స్

జిలేబి.

మనకు జ్యోతిష్యం మీద ఎందుకు ఎందుకు నమ్మకం తక్కువ ?

'ఏమోయ్ జిలేబీ మళ్ళీ జ్యోతిష్యం మీద పడ్డావు ?' అడిగారు మా అయ్యరు గారు.

ఏమని చెప్పనండీ ? అన్నా.

'అది కాదు, మళ్ళీ జ్యోతిష్యం పుస్తకాలు, వారఫలాలు గట్రా ముందర పెట్టుకుని అట్లా తీక్షణం గా చూస్తుంటే ను... '
మా అయ్యరు గారు మధ్యలో ఆపేరు.

'మనకు జ్యోతిష్యం మీద ఎందుకు నమ్మకం తక్కువ ? అ న్నదాని గురించి ఆఅలొచిస్తా ఉన్నా.

ఓహో అన్నారు మా వారు.

అవును మన జమానాకి జ్యోతిష్యం మీద నమ్మకం ఎందుకు తక్కువ?'

అసలు ఈ 'నమ్మకం' జ్యోతిష్యం ఒక్కదాని మీదేనా  తగ్గింది ?  కాదను కుంటా. స్వతహా గా,చాలా వాటి మీదా కూసింత నమ్మకం తక్కువై పోతూనే ఉంది అను కుంటా, అంటే మన ముందటి తరం వారికిన్నూ, మనకున్నూ బేరీజు వేసుకుంటే వారి కున్న నమ్మకాలు వాటి మోతాదు మనకు తక్కువే అయి పోయి ఉంటాయే మో ?

నమ్మకానికి, తర్కానికి చుక్కెదు రేమో ఎప్పుడూను ! అంటే జ్యోతిష్యం లో తార్కిక ఆలోచన లేదా? ఎందుకు లేదు ? జ్యోతిష్యం లో  -' If , Iff, Else' - అదిన్నూ, mind boggling  logical ఆలోచనా పరిధి కూడా విస్తారం గా ఉన్నది.

అయినా జ్యోతిష్యం ఎందుకు నమ్మకాన్ని కోల్పోతోంది అదిన్నూ, మన దేశం లో - ఈ దేశం లో ఈ విషయం పై రాయ బడ్డ గ్రంథాలు ఎన్నో ఉన్నాయి. అయినా ఎందుకు ఈ 'సాయిన్సు' దెబ్బ తిం టోంది ?

లాప్ టాప్ ల పై weather apps ని పెట్టుకుని మనం  అంతర్జాలం ద్వారా ఇవ్వాళ వర్షం వస్తుందని గొడుగు తీసుకెళ్ళే కాలం లో ఉన్నాం. అంటే, weather apps లో దాని లాజికల్ మ్యాప్ కి తగిన weather data ఉండ బట్టి.

Weather apps ఒక్క వాతావరణం మీదే తన పాండిత్యాన్ని క్రోడీ కరిస్తుంది.

జ్యోతిష్యం అట్లా కాదు.

దునియా లో ఉన్న అన్ని విషయాల మీద 'కామెంటరీ' ఇవ్వ గలదు !

అంటే, జాక్ ఆఫ్ ఆల్ అన్న మాటా ?

ఇట్లా పరి పరి విధాలా తనవి కాని సబ్జెక్ట్ కూడా జ్యోతిష్యం తన లో కలుపు కొని అట్లా మానవ సంబంధాల మీదా , ఇట్లా , వెదర్ ఫోర్ కాస్ట్ ల మీదా, 'ఇందు గల దందు లేదని సందేహం వలదు, ఎందెందు వెతికినా జ్యోతిష్య స్వరూపమే అని విశ్వ జనాంతికం గా అన్నిటి మీదా సర్వ హక్కులూ నాకున్నవి అని జ్యోతిష్యం గొప్పలు చెప్పు కోవడం వల్లా ?

కాకుంటే ఇప్పటి సాయిన్సు కున్న   supportive empirical data , జ్యోతిష్య శాస్త్రానికి తక్కువ గా ఉండడం వల్లా ?

అబ్బా ఈ సబ్జెక్ట్ గురించి ఆలోచిస్తే అసలు ప్రశ్నలే ప్రశ్నలు మరి

ఏమంటారు మీరు ?

జిలేబి.
(ఫెబ్రవరీ సెకండ్ హాల్ఫ్ లో జ్యోతిష్యం మీద ఎక్కువ చర్చలు జరుగుతాయని జ్యోతిష్య శాస్త్రం చెబుతుంది)
 

ఇచ్చట ఫ్యామలీ అద్దెకు ఇవ్వబడును !

'ఇచ్చట ఫ్యామిలీ అద్దెకు ఇవ్వబడును ' అన్న బోర్డు చూసి ఆ నాజూకు అమ్మాయి లోపలికి వచ్చింది.

'ఎస్ మేడం , హౌ కేన్ ఐ హెల్ప్ యు ' అంది అక్కడ కూర్చున్న కోమలాంగి.

'నాకో ఫ్యామలీ అద్దెకు కావాలి' చాలా క్యాషువల్ గా చెప్పింది నాజూకు అమ్మాయి.

కోమలాంగి తన దగ్గరున్న ఫ్యామలీ ఆల్బమ్స్ చూపించింది.

'ఎన్ని రోజులకి కావాలండీ అద్దెకు?'

జస్ట్ ఫార్ వీక్ ఎండ్

వీక్ ఎండ్ చాలా ఎక్స్పెంసివ్ వీక్ డేస్ అయితే కాస్తా చవక' చెప్పింది కోమలాంగి.

ఓ ఐసీ. నో ప్రాబ్లెమ్. నాకు వీక్ ఎండ్ కే  కావాలి

ఓకే. స్పెసిఫికేషన్ చెప్పండి. ఫ్యామలీ లో ఎంత మంది ఉండాలి ?

నాజూకు అమ్మాయి చెప్పడం మొదలెట్టింది.

వీక్ ఎండ్ రెండు రోజులకి కావాలి. ఫ్యామలీ లో పేరెంట్స్, గ్రేండ్ పేరెంట్స్, మావయ్యల ఫ్యామలీ రెండు, అత్తయ్య ఫ్యామలీ ఒకటి, అక్కయ్యా వాళ్ళు నలుగురు, అన్నయ్యా వదినలు ఇద్దరు'

హబ్బీ ఏమైనా..... ??? కోమలాంగి ప్రశ్నార్థకం గా ఆగింది.' హబ్బీ ఎమన్నా కావాలా? అడుగుదాని అనుకుని.

'నో నో ... నో హబ్బీ. .. ఐ యాం డేటింగ్... కాబోయే అతని కోసం ఫ్యామలీ పరిచయం చేద్దామని అంతే !' చెప్పింది కోమలాంగి.

ఓహ్... నో ప్రాబ్లం... ఇది మా బిల్లు పూర్తి రొక్కం కట్టి వెళ్ళండి. మీరు చెప్పిన అడ్రెస్స్లో మీ ఫ్యామలీ మీరు చెప్పిన డేట్స్ కి వచ్చేస్తారు' చెప్పింది కోమలాంగి.

వాళ్లకి ఏమైనా టిప్స్ వగైరా...?

నో మేడం ! ఆల్ సర్విస్ చార్జెస్ కలిపే మా సర్విస్' చెప్పింది కోమలాంగి.

నాజూకు అమ్మాయి  తృప్తి గా తలపంకించి షాప్ నించి బయటకు పడి కారు ఎక్కింది. !

కొంత సేపట్లో నే మరో యువకుడు వచ్చి, 'హల్లో - నాకో ఫ్యామలీ అద్దెకు కావాలి!' చెప్పాడు. యు నో ఐ యాం డేటింగ్ ఏ గర్ల్'

ఎస్ సర్... మీ ఫ్యామలీ సైజు వగైరా చెప్పండి' ఈ లిస్టు చూడండి ఉజ్జాయింపుకి - జస్ట్ ఇప్పుడే కస్టమైజ్ చేసాం మరో కస్టమర్ కి... మీకు సూట్ అయితే అట్లాగే తీసేసు కోవచ్చు. అఫ్కోర్స్ మీరు మీ చాయిస్ ఇంకా మార్చు కోవచ్చు కూడా' చెప్పింది నాజూకు అమ్మాయి..

ఆ వీక్ ఎండ్ లో....

నాజూకు అమ్మాయి, ఆ యువకుడు కలిసి తమ తమ ఫ్యామలీ తో ఫోటో లో దిగ బడ్డారు!...

'డార్లింగ్... we can get married... we have established our family!' చెప్పాడా అబ్బాయి.

ఎస్. సంతృప్తి గా చెప్పింది అమ్మాయి కూడా...


చీర్స్
జిలేబి.

సన్నాసి బుట్టలో పడ్డాడు ( వాలం 'టీనో ' పాఖ్యానం!)

కాలా కాలం గా సన్నాసులు బుట్టలో పడటాన్ని కొనియాడే శుభ దినం సందర్భాన ఇవ్వాళ సన్నాసుల వారి కథా, బుట్ట బొమ్మ కథా తెలుసు కుందాం !

 

జిలేబీ పెళ్లి రోజు .

 

బుట్ట లో జిలేబీ ని పెట్టుకుని వస్తూంటే , బుట్ట బొమ్మ లాంటి అమ్మాయి నాకు కాబోయే అర్ధాంగీ అని మురిసి పోయిన జంబు నాధన్ కృష్ణ స్వామీ అయ్యరు గారికి అవ్వాళ తెలిసి రాలే, బుట్టలో బొమ్మ పుత్తడి బొమ్మ కాదని, పేరు మాత్రమె జిలేబీ అని, తానె బుట్టలో బోల్తా పడ్డాడనీ నూ.

 

ఆ పై మూడు రాత్రుళ్ళు (ఈ మూడు రాత్రుళ్ళ ముచ్చట గురించి నేను చెప్పను బాబు మరీ సిగ్గు !) కానించిన తరువాయి శ్రీ అయ్యరు వారు 'జిలేబీ, మాంచి ఫిల్టరు కాఫీ ఒక్కటి పట్టుకు రావోయ్ " అంటే జిలేబీ బిక్క మొగం బెట్టి,

"అయ్యరు గారు, మీకు వంట బాగా వచ్చనే బామ్మ నాకు చెప్పి నన్ను మిమ్మల్ని కట్టు కొమన్నారు " అని బిక్క మొగం పెడితే, వంశ పారంపర్యం గా వచ్చే అయ్యరు హోటలు వృత్తి ఇంట్లో కూడా వంట గాడేనా, గాదేనా నా గతీ , రాధా, నా జిలేబీ ఇది నీకు తగునా సుమీ అని మా అయ్యరు వారు ఉసూరు మన్నారు !

 

ఈ మా పెళ్ళి ఈ సో కాల్డ్ యాదృచ్చికమో, కాక 'తాళీ' బలీయమో జంబూ వారికే తెలియాలి !

ఈ సన్యాసి బుట్టలో పడే కార్యక్రమము నే పెళ్లి దినాన అబ్బాయి వారి 'కాశీ యాత్ర ' గా పరిగణించడం బట్టి తెలియ వస్తున్నది ఏమనగా, ఈ వాలం టీను దినం మన పూర్వ ప్రాచీన సాంప్రదాయ పద్ధతే అని, దీనిని కాపీ క్యాటూ చేసి కాపీ లెఫ్టు చేసి సంతు వాలం టీను దినము గా మార్చి వేసి నారని మనము విశ్వసించ వలె.

 

 

అయ్యలారా, అమ్మలారా , ఇవ్వాళ సంక్తు వాలం 'టీన్' జరుపు కొనుడు అబ్బాయి లారా, అమ్మాయి లారా మీకందరికీ ఇదే శుభ కామనలు !

 

మీరు జంబూ అయితే, మీకు జిలేబీ ఖచ్చితం గా లభ్యమవు గాక!

 

తప్పి మీరు జిలేబీ అయితే, తప్పక ఎవడో ఓ సన్యాసి మీ బుట్టలో పడడం ఖాయం!

 

ఇంతటి తో ఈ సన్యాసి బుట్టలో పడ్డాడు అనబడు బుట్టో పాఖ్యానం పరి సమాప్తము !

 

ఇది చదివిన వారికి, వినిన వారికి చదివి వినిపించిన వారికందరికీ ఆ పద్మావతీ అలమేలు మంగా సమేత మా ఏడు కొండల పెరుమాళ్ళు(ఈయన రెండు మారులు బుట్టలో పడినట్టు ఉన్నాడు సుమీ !) సకల మంగళములు కలుగ జేయు గాక!

 

చీర్స్

ఫక్తు, జిలేబీ డే!

అజ్ఞాతలు అందరూ మేధావులే - అన్నా నీ మనసు తెలీక తప్పిదమై పోయే!

ఈ బ్లాగ్ లోకం లో అజ్ఞాతల కి అసలు విలువ లేకుండా పోతోంది!

అజ్ఞాతల్ అనగా ఎవరు ! జ్ఞాతుడు కాని వాడు. అనగా 'జ్ఞాతత్వములకు ' అతీతుడై న వాడు! అటువంటి అతిధి మన మీద ఎప్పుడూ కినుక వహించి కామెంటు చెళ్ళు మని కొట్టును! అది అజ్ఞాత జన్మ హక్కు !

ఈ జన్మ హక్కును పరి పరివిధాల మనం తెగ్గోస్తున్నాం. ఇది చాలా బాధా కరమైన, చింతించ వలసిన విషయం మరి!

ఆయ్ జిలేబి, మా టపా మా బలాగు, మా ఇష్టం. అజ్నాతలు అల్లా టప్పా కామెంటులు కొట్టే రంటే 'ఖబడ్దార్' జాన్తా నహీ ! సవాలే సవాల్ ! వాళ్ళని చీల్చి చెండా డు తాం అంటారా ? బలాగు అయ్యలారా, అమ్మ లారా మరో  మారు సావకాశం గా ఆలోచించండి!

మన బలాగు లోకం లో అన్నీ తెలిసిన వాళ్ళు మన టపా లని చదివి ము ము నగవు లేకుంటే వః వహ అనుకుని అట్లే వెళ్లి పోతారు. వాళ్ళు మన టపా చదివేరా, లేకుంటే వారికి నచ్చిందా (ofcourse, you know I write for my satisfaction, yet you know.... I like to know if you liked you know...!) అన్న విషయం మనకు తెలీకుండా పోయి మనం ప్చ్, మన టపా కి ఇంతే రెస్పాన్స్ అనుకుంటాం.

అప్పుడు తటాల్మని విద్యుల్లత లా , ఆకాశం లో మెరిసే తారలా ఓ అజ్ఞాత వచ్చి ఓ కామెంటు కొట్టి వెళ్లి పోతాడు.

మనం ఆ కామెంటు చదివి తలా తోకా అర్థం కాకుండా, ఓరీ వీడి బండ బడ, మనం అంత కనా కష్ట పడి  ఓ టపా రాస్తే, ఈ అజ్ఞాత 'ముకడా' వాడు ఇట్లా రాసి పోతా డా అని వాపోయి, 'ఏయ్ , అజ్ఞాతా - దమ్ముంటే నీ నిజ మైన పేరుతో రా... మొనగాడి వైతే, సత్తా ఉన్న వాడి వైతే నీ ముకడా తెరూ అంటాం!

జవాబు ఉండదు. సైలెంట్! మనం రేయనక పగలనక పది నిమిషాలకో మారు మన టపా చూస్తాం. వచ్చాడా వచ్చాడా ఆ అజ్ఞాత ముకడా వాడు ? ఎక్కడి వాడు ? ఏమి రాసాడు రిప్లై ? ప్చ్ జవాబు ఉండదు.

ఆ అజ్ఞాత ముకడా వాడు మరో టపా కి వెళ్లి అక్కడో కామెంటు కొట్టి వెళ్లి పోయుంటాడు ఈ మధ్య లో.

ఇక చూడండి, 'వ్యాఖ్యల పేచీ యే  మరి తండో ప తండం గా! హారం లో రంజు గా అజ్ఞాతల కామెంటు వరదలు పొంగి పొరలును!

ఈ అనా నీ మస్సు  ల కి అందుకే మనం సరిఅయిన విలువ ఇచ్చి గౌరవం ఇచ్చి వాళ్ళని మన అక్కున జేర్చుకుని వాడి కోసం కాకుంటే ఆవిడ కోసం నేను ఒక టపా అంకితం ఇచ్చి వాళ్ళని 'నైసు ' చేసుకో దలచుకున్నా !

'అన్నా' నీ మనసు తెలీక తప్పిదములు చేయుచున్నాము !
నీవు జ్ఞాత తత్వములకు అతీతుడవు !
నీవు ఇందు గలడందు లేవని లేదు !
ఎందెందు వెతికినా నువ్వు గలవు.
పూర్వ కాలం లో నిన్ను 'ఆకాశ రామన్న' అనెడి  వారు.
ఈ కాలం లో నువ్వు 'అనానీ' మస్ వాడి వై పోయేవు.
అన్నా , నీ మనసు తెలీక నిన్ను గౌరవించాలని తెలీని వాళ్ళం.
కరుణించు దేవా ఆకాశ రామన్న!



చీర్స్
జిలేబి.

మనలో పరమాత్మ ఎక్కడున్నాడు - భాగం రెండు

శ్రీ కాలక్షేపం కబుర్లు శర్మ గారు విస్తారంగా మనలో పరమాత్మ ఎక్కడున్నాడు - అన్న టపా ని రాసేరు.

చాలా విపులం గా  చెప్పేరు.

నారాయణ సూక్తం లో కవి చమత్కృతి యా అన్నట్టు ఒక వాక్యం వస్తుంది - అథొ  నిష్ట్యా వితస్త్యాన్తే ' అన్నది అది.

ఈ పదబంధాన్ని మొదటి మారు చదివినప్పుడు అస్సలు అర్థం కాలేదు.

అథో  నిష్ట్యా - నిష్ట్యా అంటే ఏమిటి ?

వితస్త్యాన్తే - వితస్తి   అంటే ఏమిటి ?

అన్నదాని గురించి అట్లా ఇట్లా లాగించి గూగిలించి, సంస్కృత భాషా ప్రవీణు లైన కొందరిని అడిగి తెలుసుకున్నదాన్ని ఇక్కడ పొందు పరుస్తున్నాను. మీలో మరింత ఉత్సుకత కలిగిస్తుందని ఆశిస్తాను !

ఈ టపా చదివే ముందు శర్మ గారి పై న పేర్కొనబడ్డ టపా మొదట చదివితే కొంత సందర్భం అవగతం !

సో, ఇది భాగం రెండు అన్న మాట-

నిష్ట్యా అంటే, మన కంఠాన్ని తడిమి చూస్తే ఒక ఎముక తగులుతుంది చూడండి అదన్న మాట ఆంగ్లం లో దీన్ని 'Adam's apple' అంటా రను కుంటా.

వితస్తి అన్నది ఒక కొలబద్ద. అంటే మన హస్తాన్ని సాగ దీస్తే, బొటన వేలికిన్ను చిటికిన వేలికిన్ను మధ్య ఉన్న దూరం. సుమారు పన్నెండు అంగుళాలు.

ఇప్పుడు ఆ కంఠ ఎముక (ఇది దుష్ట సమాసమెమో మరి - శ్యామలీయం వారు చెప్పాలి!) నించి మీ చేతిని అట్లా విస్తరించి కొలత బెట్టండి ఏమి తగులు తుంది ?

హృదయం కదూ ? సో, అథొ నిష్ట్యా వితస్త్యాంతే - ఆ పన్నెండు అంగుళాల దూరం లో ఉండే హృదయం లో అన్న మాట.  హృదయం నాభ్యం ఉపరి ఉన్నది కదూ.

ఇంత కష్ట పడి  హృదయాన్ని కవి వివరించా లా ? చెప్పాలా? చమత్కృతి కాకుంటే ? 'సులభం గా 'హృదయేషు లక్ష్మీ' అని చెబ్తే సరి పోదూ?

ఈ ఆలోచన రాక పోదు మనకి. ఈ సందేహాన్ని నివారించ డా నికి మరో నారాయణ సూక్త పంధా(వైష్ణవ సాంప్రదాయంలో )  (version?) లో సులభం గా హృదయోర్మధ్యే అని చెప్పేశారు.

సరే, సర్వాంతర్యామి. భగవంతుడు అన్ని చోట్లా ఉంటా రంటారు కదా.. మరి ఇట్లా, ఒక స్థలం లో ఆయన్ని 'localization' చేయ్యటం ఏమిటంటారా ? 'If you cannot find Him in you, so far as you are concerned, He is nowhere for you'  అని మరో కవి ఉవాచ !

సో, అదన్న మాట విషయం. కొంత ఆలోచించి చూడండి కవి చమత్కృతి కాదూ  ఇది మరి ?

ఇట్లాంటి చమత్కారాలు వేదంలో  చాలా ఉన్నవి- ఆ మధ్య ఎపుడో ఒకసారి రాసాను కూడా... పురాణీ దేవీ యువతిహి ' అని ఉషస్సు గురించి చెబ్తాడు కవి. (Old Woman, but young girl - అంటే జిలేబీ లా అన్నమాట !)


చీర్స్
జిలేబి.

జిలేబి టపా సక్సెస్ మీట్ !

ఈ మధ్య సినీ మా లోకం వరుస చూస్తుంటే ప్రతి దానికి ఓ మీట్, ఓ లాంచ్ పెట్టేస్తున్నారు!

మొట్ట మొదట ఆడియో లాంచ్ అంటూ ఓ తతంగం !

ఆ పై సినిమా విడుదల అయ్యాక సక్సెస్ మీట్ అంటూ మరో ప్రహసనం !

అట్లా నేను కూడా ఇక మీదట ప్రతి టపా కి ఓ సక్సెస్ మీట్ పెట్టాలని ఆలోచిస్తున్నా !

అంటే ఇప్పుడు ఓ టపా కొట్ట బోతున్నా ననుకోండి, ముందస్తే, 'ఫ్లాష్ ఫ్లాష్ ! రాబోతోంది జిలేబీ టపా- ఓ ఫన్ ఆర్ట్ విత్ బాపు జిలేబీయం' ! అని ఊదర గొట్టి సేల్ఫు డబ్బా వాయించడ మన్న మాట !

ఆ పై ఆ టపా పేలి వరస బెట్టి కామెంటు పరంపరలు వస్తే, వాటి కన్నింటికి జవాబు కామెంటు లు ఇస్తూ మళ్ళీ ఓ సత సహస్ర వందనాలు అర్పించు కోవటం -'  కర్మాణాం  సుకర్మః కామెంటు జవాబుహు ' అన్న చందం లో సుకర్మల ని చేసుకుంటూ బతికేయ్యడం అన్న మాట!

ఆ పై మరో సరి కొత్త పంధా మొదలెట్టాలన్న నా ఉద్దేశ్యమే ఈ 'జిలేబీ టపా సక్సెస్ మీట్' అన్న టపా అన్న మాట !

అంటే, వరస బెట్టి మనకు కామెంటిన వాళ్ళలో కొంత మద్ది పెద్ద వాళ్ళని పిలిచి, వాళ్ళ చేత ఆ హా ఓ హో అని పించి ఈ బలాగు టపా రాజ్యం లో జిలేబీ ఓ మకుటం లేని మహా వృద్ధ నారి లాంటి మెప్పులు కొట్టేసి, ఆ పై 'modesty is my best policy you know!'  అన్నట్టు ముము నగవులు చిందించి అందరికీ తలో శాలువా, దుపట్టా కప్పేసి సక్సెస్ మీట్ లో మన ప్రొడ్యూసర్ అయిన గూగులో న్నీ నూ కాస్త పొగిడేసి, ఆ పై కళ్ళలో అనాధ భాష్పాలు రాల్చేసి !....

అబ్బబ్బా, జిలేబీ టపా సక్సెస్ మీట్ కి మరో సక్సెస్ మీట్ టపా రాయాలండోయ్ !


చీర్స్
జిలేబి.

రాబోయే జన్మలో నేనెవర్ని?

రాబోయే జన్మలో నేనెవర్ని అన్న ఈ ప్రశ్న కి జవాబు మనకు తెలియడానికి ఆస్కారం ఉన్నదా ?

నువ్వు పూర్వ జన్మలో ఇట్లాగ ఉండే దానివోయ్, అట్లాగ జీవితం గడిపేవు  ... లాంటి 'జాతక' ఫలా ల ఖబుర్లు చెప్పే వాళ్ళు ఉన్నారు.

మనకు ఈ జన్మలో రాబోయే కాలం లో ఏమగునో ఎట్లా ఉంటుందో  లాంటి వి తెలుసు కోవటానికి చాలా కుతూహలం ఉంటుంది . మళ్ళీ ఎ మహార్జ్యోతిష్య శర్మ గారో చెప్పే దానికి ఉన్నారు కూడాను.

అయితే, ఏకంగా మనం రాబోయే జన్మ లో ఎట్లా ఉంటామో, ఎక్కడ జన్మిస్తామో మనకు తెలిస్తే ?

వాహ్ , వాహ్  జిలేబీ ఇట్లాంటి ఆలోచనలు నీకెట్లా వస్తాయి సుమీ అని హాశ్చర్య పడి  పోతున్నారు కదూ మీరు ?

ఈ ప్రశ్న ఎందుకు వేసా నంటే, అట్లాంటి వి తెలియ డానికి  అసలు ఆస్కారం ఉన్నదా అన్న పాయింటు కోసమే మరి.

అంటే మనం చేసే కర్మలు కర్మ సిద్దాంతం ప్రకారం, మన కర్మలు చేతలు ఎక్కువయ్యే కొద్దీ, మన రాబోయే కాలం కూడా ever dynamic state లో ఉంటుంది కదా మరి  , నిర్ధారణ గా, మనం ఇలా ఉంటాం రాబోయే కాలం లో అని తెలియడం, నిర్దుష్టం గా తెలియడం అన్నది కాని పని అవుతుం దేమో  కదా మరి ?

అంటే, అది నిర్ధారణ కావడానికి మానవుడు బాల్చీ తన్నేక, బాలన్సు షీటు ఖరారు అయ్యి, ఆ పై ఆతని రాబోయే కాలపు జీవనం నిర్ధారణం అవుతుందా మరి ?

సో, మన బాలన్సు షీటు నిర్ధారణ  మనం బాల్చీ తన్నితే కాని తెలీని పరిస్థితి లో ఉన్నా మన్న మాట మనం !

మరి ఈ కంపనీలు, బిజినెస్సు వాళ్ళు మాత్రం ప్రతి సంవత్సరం బాలన్సు షీటు రాసి పడేస్తారు ! ఆ పాటి సులువు మనకు లేకుండా పోయెనే మరి !

ఏమంటారు ?

జిలేబి.

ఓ ఫన్ ఆర్ట్ విత్ బాపు జిలేబీయం ! - బాపు దస్తూరి తో టపా

బాపూ దస్తూరి తో ఎలా రాయడం ?
బాపూ దస్తూరి తో ఇలా రాస్తారండీ !
మీరూ రాయాలనుకుంటున్నారా ?
అయితే ఈ టపా చదవండి ! అందులో ఉంది కిటుకు !

మొదట మీ కంప్యూటర్ లో సుగుణ ఫాంట్ డౌన్లోడ్ చేసుకోవాలి. ఆ పై జిలేబీ బ్లాగు మీకు బాపు దస్తూరి తో కనిపించును !

సుగుణ ఫాంట్ ఎక్కడ లభ్యము ?

http://wiki.etelugu.org/Telugu_Fonts

బాపు ఫాంట్ అన్న పేరుతో ఉన్నదానిని డౌన్లోడ్ చేసుకోవాలి.

ఈ ఫాంట్ డౌన్లోడ్ చేసుకుని దాన్ని కాపీ చేసి C > Windows > Fonts లో పేస్ట్ చేస్తే జిలేబీ టపాలు బాపు ఫాంట్ లో కనిపిస్తాయి.

చీర్స్
జిలేబి.
 

చదువా ధనమా వీరమా ?

చదువరీ !

నీకు ఇదే పరీక్ష! చదువా ధనమా వీరమా ? ఈ మూడింటి లో ఏది గొప్ప తెలుపుడూ !

'చదువెందు కు.... ' అన్న సామెత ఉన్నది.

అట్లాగే న చోర  హార్యం న చ రాజ్య భోజ్యం ... అన్న సూక్తమూ ఉన్నది.

ఇవి రాసిన వాళ్ళంత తలపండి న వాళ్ళు. అంటే జీవితం లో డక్కా మొక్కీ లు తిని మొదటి సామెత చెప్పిన వాళ్లై  ఉంటారు.

రెండో కేట గిరీ అందని ద్రాక్ష పళ్ళు తీయన అన్నట్టు, మనకొచ్చింది చదువు కాబట్టి, దాన్నే కాస్త గొప్ప గా చెబ్దామని సూక్తం చెప్పేసి ఉంటా రను కుంటా !

ధనం మూలం ఇదం జగత్ అని మేధావి చెబ్తాడు.

ఆయ్ , వీరుడు దేశాన్ని కాపాడ క పోతే నీ చదువూ, నీ ధనం  అంతా పరగతం . కాబట్టి వీరుడు లేకుంటే, దేశం లో శాంతి లేదు. శాంతి లేకుంటే చదువూ సంధ్యా లేదు. ఆ పై వ్యాపారమూ గట్రా నూ  లేవు. సో , ధనమూ ధమాల్ !

ఇట్లా ప్రతి దానికీ తమ తమ గోప్పల్ని చెప్పి డబ్బా వాయించి  చెప్పొచ్చు.

ఇంతకీ మీ ఉద్దేశ్యం ఏమంటారు ఈ విషయం పై ?


జిలేబి.

నేను పుట్టాను ఈ దేశం 'ఆధార్' లేదన్నది !

బిడ్డ కెవ్వు మన్నాడు.

 

అయ్య కన్నీళ్లు పెట్టు కున్నాడు.

 

మళ్ళీ ఆధార్  కోసం క్యూ కట్టాలా ?

 

బిడ్డా, నీకు  రాబోయే కాలం ఆధార్   'కాళమా'  ?

 

తాత బాల్చీ తన్నేడు.

 

కాటి కాపరి 'ఆధార్' ఎక్కడ అన్నాడు.

 

ప్చ్, తాత ఆధార్ కోసం క్యూ లో నిలబడే 

 

బాల్చీ తన్నేడు అంటే నమ్మడే మరి ?

 

ఆధార్  తీస్కురా కాల్చా లంటే అంటాడు మరి ?

 

పుట్టినా గిట్టినా 'ఆధారే' మరి !

 

భారత మాతా ఎప్పటికి ఈ దేశపు నాయకులకు 

 

ప్రజ అంటే గౌరవం వచ్చును?

 

 

నో చీర్స్ 

జిలేబి.

ఇక మీదట సీరియస్ టపాలు రాయ దలచుకున్నా !

అయ్యరు  గారు, ' ఇక మీదట సీరియస్ టపాలు రాయ దలచుకున్నా  నా బ్లాగు లో' చెప్పా మా జంబునాధన్ కృష్ణస్వామి అయ్యరు గారితో.

అయ్యరు  గారు ఫక్కున నవ్వారు.

ఏమోయ్ జిలేబీ, నీకు సీరియస్సు కి చుక్కెదురే ? ఎట్లా 'సీరియస్' టపాలు రాస్తావ్ ?' అన్నట్టు చూసేరు.

'జాన్తా నాయ్ , ఎట్లైనా క్రిందా మీదా పడి , అట్లా ఇట్లా పొర్లి అయినా సీరియస్ టపాలు రాయ దలచు కున్నా.

'జిలేబీ ఎందుకు నీ కిట్లాంటి ఐడియా వచ్చే?' అడిగేరు మా అయ్యరు  గారు.

కాదండీ, బ్లాగుల్లో చాలా మంది మరీ సీరియస్ టపాలు, రాస్తూం టారు . అట్లాంటి వి చదివినప్పుడు అబ్బా, మన మిట్లా రాయక పోతే గెట్లా  అని 'ప్చ్' అని పెదవి విరుస్తా. అప్పుడు అనిపించి, అట్లా అది 'వటుడింతై' అన్నట్టు సీరియస్ టపా రాద్దారి అని పించడం దాకా వచ్చిం దన్న మాట' చెప్పా.

ఓ, అయితే, ఇది నీ సొంత బుర్ర ఐడియా కాదన్న మాట. పులిని  చూసి... సామెత ఎందుకు లే' అని మధ్య లో ఆపేరు అయ్యరు  గారు.

ఏమిటి మీ అర్థం అంటే నేను....' అన బోయి, అబ్బే, మన గురించి మనమే ఇట్లా 'ట్యూబులో' గాలి పీకేసు కుంటే బాగోదు అనుకుని ఆగి పోయా!

సో, చదువరులారా, ఇక మీదట  మీరు నా బలాగు లో మరీ సీరియస్ టపాలు చదివే 'ఆస్కార్లు' ఉన్నవి. కాబట్టి 'బీ తయ్యార్'!

(ఈ టపా చదివేక మీ అభిప్రాయములను మాకు తెలియ జేయ గలరు. ఇది సీరియస్ టపా కింద వచ్చునా? జిలేబీ సీరియస్ టపా రాయగలదా ? అన్న విషయం గురించి తెలుపుడూ!)


చీర్స్
జిలేబి.

జిలేబి ఎచట ఉండును ?

 

జిలేబి 

 

ఎక్కువగా 

 

చదివిన 

 

టపాల  లో 

 

ఉండును!

 

జిలేబి

(గెల్లి గారు ఆ మధ్య

కాలక్షేపం కబుర్లు శర్మ గారి ని-

జిలేబి ఎచట ఉండును 

అని అడిగారు 

దానికై  ఒన్స్ అగైన్!)

 

Modern Mystic of Madanapalle

Modern Mystic of Madanapalle Sri M

 

Full length at:

http://www.cultureunplugged.com/documentary/watch-online/play/8173/The-Modern-Mystic--Sri-M-of-Madnapalle

చీర్స్ 

జిలేబి.

 

(మా జిల్లా కతల్ వెతల్ !)

'బ్లాగ్ రత్న' ఫార్ జిలేబి!

రాబోయే కాలం లో బ్లాగ్ 'రత్తాలు', బ్లాగ్ 'v' భో షా ణా లు , బ్లాగ్ భో షా ణా లు, బ్లాగ్ శ్రీ లు రావచ్చు.

ఆ కాలం లో పొస్తమస్ గా నా కేవ్వరైనా బ్లాగ్ శ్రీ లాంటివి, బ్లాగ్ 'భో షా ణం '  ఇస్తే బ్లాగ్ లోకం లో అప్పుడున్న బ్లాగ్ మణులు, మాన్యులు 'జిలేబీ నీకు శ్రీ తగదు, 'భో షా ణం ' తక్కువ అని టపాలు కట్టి, జిలేబీ ని వాయ గొట్ట వచ్చు!

అప్పుడు నాకు వారికి సై అనడా నీకో, వారి మన్ననలు పొంద డానికో అవకాశం ఉండదు కదా!

పై నించి చూసి, మా నాన్నే, మా బంగారమే, నేను బ్లాగులు రాస్తున్న సమయం లో మీరంతా 'బుడతలు', బుడ్డీ లు రా ! నా గురించి ఇంత గా మీరు కొట్లా డొ ద్దు! ఏమి మీ అపార ప్రేమ జిలేబీ మీద అని 'అనాధ' భాష్పాలు చిందించి నా వారికి తెలిసే అవకాశం లేదు గా మరి.

అంతే గాక, ఆ రాబోవు కాలం లో మీరు నాకు 'భోషాణం' ఇచ్చి, ఛ ,ఛ , నా కిది వద్దు పో ఇది చాలా తక్కువ అని జెప్పలేను కూడా .

పోస్తు మస్సు గా ఇస్తే, భోషాణం వద్దంటుంది ఈ జిలేబీ అని మీరు ఆవేశ పడి పోయి మళ్ళీ మరో వంద టపాలు టప టప  లాడిస్తారు . ఎందుకు ఇన్ని భేషజాలు చెప్పండి?

అందుకే, ఇప్పుడే మీ కందరికీ చెబ్తా ఉండా , జిలేబీ కి 'బలాగు' రత్తాలు' మాత్రమే  సుమీ ! కాబట్టి ఇప్పటికిప్పుడే నాకు నేనే 'బలాగు' రత్నం అని ప్రకటించు కుంటూం డా !

ఓ మారు జిలేబీ 'బాలా' గు బ్లాగ్ 'రత్తాలు' కి జే  జే కొట్టుడీ మరి ! జై ;బాలా, (గు) రత్నా ! జిలేబీ !


ఇట్లు
బలాగు రత్నం
'సహీ' రత్న'
జిలేబి.

'బామ్మ' ఒళ్లో అ ఆ ఇ ఈ నేర్చు కున్నా !

బలపం పట్టి భామ వొళ్ళో అ ఆ ఇ ఈ నేర్చు కున్నా అని కవి (కని పించక పోయినా, వినిపిస్తున్న వాడు కవి- కొత్త నిర్వచనం!)  'ఆడలేడీసు ' మహాత్మ్యాన్ని చాటేడు .

ఇంత కథ ఉందన్న మాట ఈ అ ఆ ఇ ఈ ల కి.

అంటే, అమ్మ, ఆవు ఇల్లు ఈగ అని చిన్నప్పుడు చదువు కున్నాం చూడం డీ దాని గురించి చెబ్తున్నా.

ఇప్పటి కి మా మనవడి కాలం కూడా దాటి పోయింది కాబట్టి, 'ఇస్కూలు' వాళ్ళు అ ఆ ఇ ఈ ఇంకా నేర్పిస్తున్నారా అన్నది తెలీదు. నేర్పించినా, అదే అమ్మ ఆవు ఇల్లూ ఈగా అని చెబ్తున్నారా అదీ ను తెలీదు.

ఈ విషయం కూడా తెలీకుండా ఇట్లా టప్పు టప్పు లాడిస్తే ఎట్లా జిలేబీ అంటా రా?

మరి, టప్పు టప్పు లాడించే టప్పుడు మరి ఏ సబ్జెక్టు లేకుండా ఎట్లా టపు టపు లాడించ వలె అని జిలేబీ చాలా కాలం మునుపే టపాయించిందాయె మరి.!

ఇక అ ఆ ఇ ఈ ల విషయానికి వస్తే, ఈ నాలుగు అక్షరాలలో భువి దివి ఆ మాట కొస్తే 'విశ్వం' మొత్తం ఇమిడి ఉందని పిస్తుంది.

అందమైన ఆకాశాన్ని అలా చూస్తూ ఉంటే ఏమని పిస్తుంది మీకు? ఓ పది నిమిషాలు అట్లా తదేకం గా చూడండి, మీ ఆలోచనలన్నీ మటు మాయ మై పోతాయి. ఓ లాంటి బ్లాంక్ నెస్ వస్తుంది.

(సైడు కథ, ఇది జిడ్డు వారిది-  అట్లా ఆకాశాన్ని చూస్తూ నడిచే వారట, క్రిందా, ముందూ ఏముందో కూడా చూడ కుండా నది వెంబడి అట్లా నడిచే వారట)

ఇక ఈ e-లోకం చూడండీ. ఇందులో తల పెడితే ఇక బయటకు వచ్చే సమస్యే లేదు.

ఎంతో మంది ఈ e-లోకం లో నే జీవితం గడి పే స్తున్నా రాయే!

సో, అందమైన ఆకాశం ప్రకృతి లో మమేకం. ఈ  e-లోకం లో మనం మమేకం.

వెరసి 'ఏది' అదో అది' (తత్వమసి!) లో   మమేకం కాకుంటే మనమే ఏకం!

 'మమ ' ఏకమా  ? కాకుంటే మమేకమా అన్నది మన చేతల బట్టి ఉంటుందన్న మాట.

(పద్మ కోశ ప్రతీకాశమ్ హృదయం చా ప్యధొ ముఖం!- తిరగ బడ్డ పద్మం లా హృదయం లో ఉంటుం దట , ఏమిటది? btw, ఊర్ధ్వ మూలం అధః శాఖమ్ , అధొ ముఖ పద్మ కోశం ?)

సో, ఇవ్వాళ్టి కి మీరు, కూడా చెప్పొచ్చు- ఈ టపా చదివాక ! బామ్మ ఒళ్లో అ ఆ ఇ ఈ నేర్చుకున్నా అని !

శుభోదయం!

చీర్స్
జిలేబి.

బాడ్, మా సిరి !

బాడ్, మా సిరి

 

(పద్మశ్రీ!)

 

మన తక్దీర్ బాగో కుంటే వేరే వాళ్ళని అని ఏమి ప్రయోజనం ?

 

అరవ పోడు  చెళ్ళు మని పించాడు మరో మారు

 

మన సిరి ని మనం ఎప్పుడూ గుర్తించం.

 

బాడ్, మా సిరి.

 

అంతే అనుకోవాలిస్మీ 

 

(జీ, లే)

జిలేబి.

(మత్తు వదలరా, నిద్దుర మత్తు వదలరా)

ఐటము సాంగ్సు - జిలేబీ ల జన్మ రహస్యం

ఇంద్ర సభకు అర్జునుడు వచ్చాడు.

ఇంద్రునికి కొంత బెరుకు పుట్టుకుంది. తన పదవి డాం అని పోతుందేమో అని.

వెంటనే రంభా ఊర్వశీ తిలోత్తమా అంటూ ఇంద్రుడు వాళ్ళని పిలిచి అర్జునిని 'ఎంటర్ టైన్ మెంట్ ' చెయ్య మన్నాడు.

అర్జునుడు తక్కువైన వాడా?  ఎంటర్ టైన్ మెంట్ తనకు కావలసింది ఏమిటో ఇంద్రునికి చెప్పి డిమాండు చేసాడు.

ఇట్లాంటి ఫెసిలిటీ యమధర్మ రాజుకి ఏమీ లేకుండా పోయింది. పాపం.

చిత్రగుప్తుడు బుర్ర పెట్టాడు.

'స్వామీ' భారతావని లో సినీమా లోకం ఒకటి ఉంది. మనలోకాని కొచ్చే జనాభా లో చాలా మంది ఆ అవని నించే వచ్చే వాళ్ళు ఎక్కువ. ప్చ్ ఇక్కడి కొచ్చాక వాళ్లకి మనం ఎట్లాంటి ఎంటర్ టైన్ మెంటు ఇవ్వలేక పోతున్నాం.

అదే, ఇంద్రుల వారి సభ చూడండీ, 'సకల'కళా పర్వం గా ఉన్నది.

యముండ అన్నాడు యముడు. 'ఎం చేద్దా మంటావ్ గుప్తా' అన్నాడు. మన లోకం లోకి వచ్చే వాళ్లకి కూడా ఇట్లాంటి ఫీచర్ పెట్టాలి ఇక్కడ పెట్టక పోయినా, ఇక్కడి కి రాక మునుపే వాళ్లకి మస్తుగా ఇట్లాంటి ఫీచర్ , సౌకర్యం కలగాలి.

యముడు ఆర్డర్ వేసాడు.

రంభ, ఊర్వశీ, తిలొత్తమ  ల తో గుప్తా రహస్య ఒడంబడిక కుదుర్చుకున్నాడు.

వారి అంశ ల తో ఐటం సాంగ్స్ లో రాణిం చ డానికి  పోలో మని జిలేబీ లు హాట్ హాట్ రా రావటం మొదలెట్టేరు, భారతావని లో.

దానికి పూర్వాపరం గా, సైట్  విజిట్ కి రామారావు యమ గోల మొదలెట్టేడు.

ఆ పై అంతా జిలేబీ ల ఐటం సాంగ్స్ మయమే!

(ఈ మధ్య ఏదో ఒక సినిమా లో ఇద్దరు హీరో లట , కాబట్టి మినిమమ్ రెండు ఐటం సాంగ్స్ ఉంటా యని 'సాంగో పాంగం' గా ఎవరో . Modesty is by far my best Quality అని అంటేను ... !)


చీర్స్
జిలేబి
 

ఆకసాన మేఘం

అదివో అల్లదివో ఆకసాన మేఘం 

 

పు న్నమి రాబోతున్నది 

అయినా ఎందుకో కటిక చీకటి 

హృదయాం త రాలలో భయం 

 

అదివో అల్లదివో ఆకసాన మేఘం 

 

పున్నమి వచ్చినా

చీకటి పోతుందో తెలీదు

అసలు చీకటి ఉందా?

ఇది మనో వైకల్యమా ?

 

అదివో అల్లదివో ఆకసాన మేఘం 

 

పున్నమి రేయి రావోయి 

కటిక చేకటి అనుకున్న నన్ను

చేర దీయ వోయి

చెర విడిపించ వోయి

 

 

జిలేబి.

 

సీతమ్మ అగ్ని ప్రవేశం చేసి సాధించినది ఏమిటి ?

"సీతమ్మ అగ్ని ప్రవేశం చేసి సాధించినది ఏమిటి ? ఒక్క పదం  లో చెప్పా లంటే సింపతీ. తల్లి ఏట్లో దూకుంటే సంద్రం లో దూకుంటే ఆత్మ హత్య అనేవారు. అగ్ని ప్రవేశం చేసి సింపతీ కొట్టేసింది." అన్నా మా అయ్యరు  గారితో.

మా అయ్యరు  గారు సీరియస్ గా లుక్కి చ్చేరు  ఇదేదో విపరీతం ముంచు కోస్తోందేమో అనుకుంటూ.

మిమ్మల్ని ఏమీ అనటం లేదండీ అన్నా. 'మిమ్మల్ని అని నొక్కి చెప్పడం లో 'మీ 'మగోళ్ళ ని ' అని అర్థం ధ్వనిం చేలా.

హమ్మయ్య అనుకుంటూ కొంత సేద బడ్డారు అయ్యరు గారు.

ఇంతకీ ఏమం టావ్ ? అన్నట్టు చూసేరు.

ఏమీ లేదండీ శంకరా భరణం లో ఓ కామెంటు కొట్టేను ఎప్పట్లా.  చెప్పా.

ఏమని కొట్టా వేమిటి అడిగారు మా అయ్యరు గారు సీరియస్ గా.

"ఏ కాలమైనా తన కాలం కాని స్త్రీ
నాడు రామాయణం లో అగ్ని ప్రవేశం
మొన్న ఇంద్రప్రస్థం లో అగ్గి బరాటా
రేపు మరి ఎక్కడో ఈ ప్రకృతి కి బుగ్గి ?" 

అట్లా ఎందుకు రాసావ్ జిలేబీ అన్నారు.

ఆ ఏముందీ, శ్యామలీయం వారి మస్కా శ్యామరామీయం రామప్రభో పాహిమాం పాహిమాం చదివా. ఆ పై కంది వారి టపా లో ఓ ఫోటో పెట్టి పద్యం కొట్టండి అంటే, ఫోటో చూస్తే అందులో ఒకావిడ అగ్ని వైపు వెళ్తోంది. మరో ఇద్దరు చూస్తున్నారు.

మనకి సింబాలిక్ గా, అగ్గి, స్త్రీ కనిపిస్తే తటాలు మని తట్టేది ఏమిటి? సీతమ్మ వారి అగ్ని ప్రవేశ ఘట్టమే కదా ? అంటే, అమ్మ వారి అగ్ని ప్రవేశానికి అంత మహత్వం ఉన్న దన్న మాట. కాదామరి ఇది 'సింపతీ వేవ్'? అన్నా.

ఈ మారు అయ్యరు  గారు ఏమీ చెప్పక ఏ వైపు చెబ్తే ఏమి తంటా వచ్చునో అని ఊరుకున్నారు.

అబ్బా, ఎంతైనా లేడీస్ తెలివి వీళ్ళకు వచ్చునా అని మురిసి పోయా.

ఆల్వేస్ జిలేబీస్ ఆర్ గ్రేట్. జాంగ్రీ స్ ఆర్ నెక్స్ట్ ఓన్లీ  టు జిలేబీస్ యు నో?

చీర్స్
జిలేబి.

 

రండి, తెలుగలో ముచ్చట్లాడు కుందాం !

హాయ్ మమ్మీ!

 

బుజ్జి కన్నా హోవార్యు రా !

 

యు నో, నాకు ఫస్ట్ ప్రైజ్ వచ్చిందోచ్ !

 

డాడీ, ఐస్క్రీం.

 

నో నో.

 

ఏమిబా ఉండావా , పూడ్సినావా ?

 

చమడా వోలిచేస్తా, ఏమ్దిబే గట్లా  కిరికిరీలు చేస్తా గుండావు ?

 

తెలుగు పదాలు ... Rubbish?

 

నాయక్ చిత్రం లో టెల్గూ దనం !

 

జిలేబీ ఈ పేరు టెల్గూ నా?

 

నాకూ టెల్గూ కొంచెం, కొంచెం 'ఆటా' హాయ్!

 

హే రాజన్! వీళ్ళు 'తానా' అంటే, 'ఆటా' అంటున్నారు !

 

This is telugu blog!

 

రండి,  తెలుగులో ముచ్చట్లా డు కుందాం!

 

జీవనది లో అన్నీ మమేకం!

మమేకం కాకుంటే అది తాలాబ్!

 

చీర్స్

(మళ్ళీ టెల్గూ !)

జిలేబి

(మళ్ళీ మళ్ళీ టెల్గూ )

 

Forum is open to all! వెల్కం 'తో '

శుభోదయం (గుడ్ మార్నింగ్!)

 

 

కామెంటు కొట్టుటకు సరికొత్త 'కామెంటు'దారులు కావలయును !

 

ప్రకటన!

 

మా బ్లాగుకు కామెంటు కొట్టుటకు సరికొత్త 

 

'కామెంటు' దారులు కావలెను.

 

ఆలశించిన ఆశా భంగం.

 

త్వర పడండి ! వేగిర పడండి !

 

కామెంటు కో కాణీ మీకు ఇనాము !

 

భలే మంచి చౌక బేరము !

 

పది కామెంటు కొట్టు వారలకు ఒక కొత్త టపా ఉచితం!

 

కామెంటు దారుల పేరుతొ 'బ్లాగు' దేవునికి లక్షార్చన !

 

(ఇది కొత్త కామెంటు దారలకు జిలేబీ అందించు సరికొత్త జాయినెర్స్ ఫ్రీబీ!)

 

 

ఈ సదుపాయము  జిలేబీ టపా లకు కామెంటు కొట్టిన వాళ్ళకు మాత్రమే !

 

 

(అబ్బా అన్నీ కొత్తవి వచ్చేసాయి, ఈ కామెంటు దారులు మాత్రం పాతవారేనా మరి?)

 

ఇంతకు మునుపు టపా కి కామెంటు కొట్టినవాళ్ళు కొత్తగా కామెంటు కొడితే,

 

వారికి కామెంటు కు పది కాణీ లు బకాయ్!

 

(ఇది పాత కామెంటు దారులకు జిలేబీ'స్ స్పెషల్ లాయల్టీ ప్రోగ్రాం!)

 

చీర్స్ 

జిలేబి.

కుమారీ!సు'కు'మారీ !

 

కుమారీ!సు'కు'మారీ !

 

అక్కు న చేర్చు అమ్మ 

ఉరుక్కు హిరణ్యమయి 

రుక్కు 'కృష్ణ' ప్రేమీయం 

 

గక్కున ముక్కులెగురు 

చక్కు చెక్కు చిక్కు చమక్కు 

టకు టకు టెక్కు 

 

ఫక్కు   న నగవు 

భక్కు న మండు 

మక్కున పండు 

 

రక్కున నవ్య రసిక 

లక్కు దేవుడిచ్చిన వరం 

వెక్కు  అకారణం 

 

సెగగక్కు అప్రియం 

హక్కు న మోర్చా 

చమక్కుల జిలేబి!

 

 

అమెరికా బుజ్జిపండు - ఆంధ్రా బుడుగు - భాగం 2

అమెరికా బుజ్జిపండూ - ఆంధ్రా బుడుగు - భాగం 1

(తరువాయి)

ఆ గుడారాల వైపు వెళుతున్న బుజ్జి పండుకి తన వెనుకే ఎవరో వస్తున్నట్టై అనిపించి తటాల్మని నిలిచాడు.

వెనుక వస్తున్న అడుగుల సవ్వడి కూడా ఆగి పోయింది.

కొంత సేపాగి మళ్ళీ నడక మొదలెట్టాడు బుజ్జి పండు. మళ్ళీ నడక సవ్వడి వెనుక నించి వినపడ్డది.

ఈమారు భయం పట్టుకుంది బుజ్జి పండుకి.
తన వెనుకే ఎవరో వస్తున్నారు.
తాను ఒంటరి గా ఉన్నాడు.
గుక్క పట్టి ఏడుపుని దిగ మింగు కుంటూ మళ్ళీ నిలబడ్డాడు.
అడుగుల సవ్వడి మళ్ళీ  మాయం..

ఈ మారు ఏడుపుని దిగ మింగు కుని వెనుక ఎవరోస్తున్నారో చూద్దామని తల కొద్దిగా తిప్పి చూసాడు.

గోచీ పెట్టుకుని తన ఈడు వాడె ఎవడో తన వెనుక ఉన్నాడు!

బుజ్జి పండు కి ఊరట కలిగి ధైర్యం వచ్చింది.  'whats your name? I am buzzi' చెప్పాడు బుజ్జి పండు ఈ మారు బ్రేవ్ గా.

ఆ వెనుక వస్తున్న గోచీ పెట్టిన బుడతడు అయోమయం గా చూసేడు. అర్థం కాలేదు బుజ్జి పండు ఏమన్నాడో అన్నట్టు నిలబడ్డాడు.

బుజ్జి పండు ఈ మారు తెలుగులో చెప్పాడు ' నీ పేరేంటి?'

ఈ మారు ఆ బుడతడు సన్నగా నవ్వి, 'నా పేరు 'అప్పల్సామీ' అన్నాడు.

'హి హి అని నవ్వ బోయి, నవ్వితే బాగోదనుకుని బుజ్జి పండు 'హాయ్ అప్పల్సామీ ' అన్నాడు చేయి చాపి.

అప్పల్సామీ నవ్వాడు స్నేహ పూర్వకం గా. 'ఎక్కడి కి పయనం? అడిగాడు

బుజ్జి పండు ఈ మారు విచారం గా ముఖం పెట్టేడు. 'నాది అమెరికా. నేనెట్లా ఇక్కడున్నానో నాకే తెలీలేదు'

'అమెరికా?  అదెక్కడ ఉందీ?' తెలీనట్టు అడిగాడు అప్పల్సామి వచ్చే నవ్వుని దాచుకుంటూ. బుజ్జి పండు అమెరికా అని సాగ దీసి చెప్పటం మరీ అతనికి నవ్వు తెప్పించింది.

బుజ్జి పండు ఈ మారు అప్పల్సామిని ఆశ్చర్యం గా చూసాడు. 'అమెరికా తీలిని వాళ్ళు కూడా ఉంటారా ' అన్నట్టు ముఖం పెట్టి,

'అమెరికా తెలీదా! నేనక్కడే ఉంటా చెప్పాడు బుజ్జిపండు.

అప్పల్సామీ తెలీనట్టు తలూపాడు అడ్డంగా.

'నేనెక్కడ ఉంటానో అదీ అమెరికా అన్న మాట. చెప్పాడు బుజ్జి పండు.'

'నువ్విప్పుడు ఇక్కడ ఉన్నావు. ఇది అమెరకా కాదే మరి ? అడిగాడు అప్పల్సామి.

 ' ప్చ్. కానీ నేనిప్పుడు ఎక్కడున్నానో నాకే తెలీటం లేదు. ఇంతకీ నేనెక్కడున్నానో మరి ' అప్పల్సామీ అన్న మాటలు అర్థం కాక చెప్పాడు బుజ్జి పండు.

'ఓ' చెప్పాడు అప్పల్సామి.

కొంత దూరం నడిచాక, మళ్ళీ అడిగాడు బుజ్జి పండు 'అప్పల్స్' అన్నాడు 'ఇదేమి సిటీ?'

'అప్పల్స్' ఎవరూ? అడిగాడు అప్పల్సామి.

'ఓ, మా ఊళ్ళో అందర్నీ 'షార్ట్' నేమ్తో పిలుస్తాం. అట్లా నిన్ను పిలిచా, అప్పల్స్ అని ' చెప్పాడు బుజ్జి పండు.

అప్పల్సామి నవ్వాడు 'అప్పల్స్! బాగుందే పేరు ' అనుకుని , అప్పల్స్, అప్పల్స్ అని నాలుగైదు మార్లు అనుకున్నాడు. 

'మీ ఊరి పేరేమిటి ? అడిగాడు బుజ్జి పండు ఈ మారు, సిటీ అంటే ఈ అప్పల్స్ కి తెలీదేమో అనుకుంటూ. అమ్మ చెప్పిందిగా చాలా మందికి తమ ఊరు తప్పించి వేరే ఏదీ తెలీదని అనుకుంటూ.

ఈ ఊరి పేరా ? అని ఒక్క నిమిషం ఆలోచించి చెప్పాడు అప్పల్సామి 'సత్పురం'

'సత్పురం! అబ్బా ఊరి పేర్లు ఇట్లా గూడా ఉంటాయా? మా ఊరి పేరేంటో తెలుసా ? టెక్సాస్ చెప్పాడు బుజ్జి పండు.

అప్పల్సామి చిన్నగా నవ్వి ఊరుకున్నాడు , తెలీదన్నట్టు తలూపుతూ.

ఈ అప్పల్సామి కి ఏమీ తెలీదు. ఏదడిగినా తెలీదంటాడు మరి.' అని బుజ్జి పండు నిట్టూర్చి 'ప్చ్, అప్పల్సామి అమెరికా లో ఉంటే అసలు ఎట్లా బతుకు తాడో సుమీ? అమెరికా లో అందరికీ అన్ని తెల్సు మరి ' అని బాధ పడి పోయాడు.

'మరి ఆ గుడారాలేమిటీ?' దూరం గా కనిపించే గుడారాలని చూపిస్తూ అప్పల్సామిని అడిగాడు బుజ్జి పండు.

'ఆ గుడారాలా? అక్కడో స్వామీ వారు బెంగాల్ నించి వచ్చి ఉన్నారు. స్వామీ వివేకానందా అని ' చెప్పాడు అప్పల్సామి.

'ఓ, నాకు తెలుసు. మా అమ్మ చెప్పింది. స్వామీ వివేకానందా మా చికాగోలో ప్రపంచ సభ లో మాట్లాడారు కదా , వారి మాటలు మొత్తం నాకు కంటస్థం వచ్చు తెలుసా ?'  చెప్పాడు గర్వం గా బుజ్జి పండు.

ఫక్కున నవ్వాడు అప్పల్సామి. 'చికాగో నా అదేక్కడుందీ?'

'అప్పల్స్, నీకు చికాగో తెలీదా, పద, స్వామీ వారి తో నే చెప్పిస్తా నీకు చికాగో ఎక్కడోఅన్నాడు'

ఎక్కడుందో చికాగో మరి ? సీకాకులాన్ని చికాగో అంటున్నావా ?  అడిగాడు అప్పల్సామి నవ్వుతూ.

అంతట్లో వారి మాటల్లోనే ఆ గుడారాల దగ్గిరికి వాళ్ళు వచ్చేరు.

అప్పల్సామి బుజ్జి పండు ని స్వామీ వివేకానందా వారి ముందుకు తీసుకెళ్ళి, 'స్వామీ' ఈ అబ్బాయేదో అంటున్నాడు చూడండి మరి' అన్నాడు నమస్కరిస్తూ.

బుజ్జి పండు స్వామీ వారిని చూసేడు. అబ్బ ఆ ఫోటో లో చూసినట్టే ఉన్నాడు సుమా. నిండుగా ఉన్నాడు కూడాను అనుకున్నాడు.

స్వామీ వారు బుజ్జి పండు ని అప్పల్సామి ని మందస్మిత వదనార విందులై చూసారు.

ఆ క్షణం స్వామీ వారికి గాని, బుజ్జి పండు కి గాని తెలియని ఒక అపూర్వ క్షణం.

రాబోయే కొన్ని నెలల్లో స్వామీ వారు చికాగో కి వెళ్తారని అక్కడ వారి సంభాషణ కి మూలం ఈ 'ఫ్యూచర్ జనరేషన్' నించి కాల వాహిని లో పయనించి వచ్చిన బుజ్జి పండు కారణభూతుడు అవుతాడు అని వారికి తెలియని, ఒక్క అప్పల్సామి కి మాత్రమే తెలిసిన విషయం.

అప్పల్సామి నవ్వుతూ నిలబడ్డాడు.

స్వామీ వారి వెనుక గూడారం గోడకి ఓ కాలెండరు వేలాడు తోంది.

తారీకు అందులో 'January 12, 1893' అని  కనిపిస్తోంది.

(సశేషం)
జిలేబి.

అమెరికా బుజ్జి పండు - ఆంధ్రా బుడుగు

అమెరికా బుజ్జి పండు, అక్కయ్య అమ్మా నాన్నలతో గుడికెళ్ళి పులిహోర కానిచ్చాక ఎందుకో అట్లా తల తిప్పి చూసాడు.

అంతా కొత్తగా కనిపించింది గుడి.

అబ్బా తెల్లారి వచ్చినప్పుడు వేరేలా గుడి ఉండిందే? ఇప్పుడు వేరేలా ఉందేమి చెప్మా అని చెంపకు చెయ్యి ఆనించి చూసాడు.

తెల్లారి పైజమా లాల్చీ తో కదా, ఇప్పుడేమో, అర నిజారు పొట్టి చేతుల చొక్కాతో ఉన్నానేమిటి అని ఆశ్చర్య పోయాడు తన్ను తాను చూసుకుని.

ఏమయ్యిందో ఆతనికి అస్సలు అర్థం కాలేదు.

అమ్మా నాన్నలు తన ప్రక్కనే గదా ఉండాలి అని కలయ తిరిగి చూస్తే, అసలు వాళ్ళిద్దరూ కనిపించలే.

కొద్ది దూరం లో అక్కయ్య లా ఓ అమ్మాయి కనిపించింది. అచ్చు అక్క పోలికలో నే ఉంది. అయినా ఎందుకో సందేహం వచ్చింది అమ్మాయి తన అక్కయ్య కాదేమో అని. తెల్లారి పట్టు పరికిణీ లో ఉండింది
మరి ఇప్పుడేమో అదేదో గొట్టం ప్యాంటూ, పై తన లాల్చీ లా ఉన్న చొక్కాయి, ఆ పై ఓ దుపట్టా - అబ్బా, ఇట్లా అప్పుడప్పుడు అమ్మే కదా వేసుకునేది, ఇట్లా అక్క ఎందుకు వేసుకుని ఉంది అని

'అక్కా అని పిలిచాడు.

ఆ అమ్మాయి తిరిగి చూళ్ళేదు.

మరో మారు అక్కా అన్నాడు.

ఊహూ , జవాబు లేదు

వేరే ఎవరైనా ఏమో అనుకుని మళ్ళీ గుడి వైపు చూసాడు.

గుడి మరీ పాత కాలం గుడి లా ఉంది.

అబ్బే, తెల్లారి గుడి అంత శుభ్రం గా, మంచి కళ తో, కొత్తగా వెల్ల వేయబడి ఉండిందే మరి ? ఇప్పుడేమి ఇట్లా వెల వెల బోతోందీ  అని అనుకున్నాడు.

అసలే అమ్మా నాన్నలేక్కడా కనిపించడం లేదాయే. మరి అక్కయ్య లా ఉన్న అమ్మాయి కూడా అసలు తన వైపు చూడ్డం లేదు. తను పలకరిస్తే అసలు జవాబు ఇవ్వడం లేదు.

బుజ్జి పండు కి మొట్ట మొదటి సారి భయం వేసింది.

గుళ్ళో ఉన్న దేముడి వైపు చూసేడు. తెల్లారి కనిపించిన దేవుడిలా నే ఉన్నాడు (అమ్మ చెప్పింది గా ఉన్నాడు అని చెప్పొచ్చని , నా ఈడు వాడే అని ) ఈ మారు ధైర్యం గా అనుకున్నాడు, మరి ఈ దేవుడు ఇక్కడ ఇలా గోచీ తో ఉన్నాడే మిటి మరి? తెల్లారి ఎంత మా గొప్పగా అలంకారం తో ఉన్నాడే మరి ఇప్పుడెందుకు ఇలా పప్పీ షేం లా ఉన్నాడు చెప్మా అని మళ్ళీ చెంపకు చేయ్యేసు కున్నాడు.

బుజ్జి పండు గుళ్ళో నించి కాలు బయటకు పెట్టాడు.

తారు రోడ్డు కనిపించడం లేదు. చుట్టూతా మట్టి దారి. కొంత దూరం లో పచ్చిక బయలు. ఆ పై దూరం గా విసిరేసి నట్టున్న గుడారాల్లా  ఉన్నాయి. ఏమిటబ్బా అవి అనుకుని ఆ వైపు వెళ్ళాడు బుజ్జి పండు.

గుళ్ళో ని దేవుడు ముసి ముసి నవ్వు చిందించాడు.

నిశ్శబ్దం గా ఆ అబ్బాయి వెంబడే మరో చిన్న పిల్లవాడిలా మారి బయటకు కాలు పెట్టేడు దేముడు కూడా.



(సశేషం)

జిలేబి.

జాజి మల్లి సౌరభాలు వీస్తున్నాయి ! మరి తేనెటీగలు ఎక్కడో?

జాజి మల్లి సౌరభాలు వీస్తున్నాయి !

 

మరి తేనెటీగలు ఎక్కడో?

 

ఆ పూదోటలో జాజిమల్లుల

సౌరభాలు మకరందాలు గుభాళిస్తున్నాయి.

 

మరి తేనెటీగలు ఎక్కడ ?

 

ఏమి చేస్తున్నాయో పాపం!

 

An active bee alone creates Honey

అని ఓ జిలేబీ సామెత.

 

బ్లాగ్ లోకపు ఆక్టివ్ బీస్ ఎక్కడో మరి?

 

బ్లాగ్ లోకాయ సుప్రజా రామా, సంధ్యా పూర్వా ప్రవర్తయే !

ఉత్తిష్ఠ 'బ్లాగ్'శార్దూలా కర్తవ్యమ్ 'ఏక' మాహ్నికమ్!

 

 

చీర్స్ 

జిలేబి.

మౌస్ కిచ్చే పాటి మర్యాద స్పౌస్ కి లేదా ?

బ్యాక్ ప్యాక్ బకరా బాబు ఉస్సూరు మని కూలబడ్డాడు ఇంటికి వస్తూ రాకనే.

 

వాడి పెండ్లాము బక్రీ బేబీ ఇంకా 'ఓఫీసు' నిండి ఇంటికి రాలే.

 

ఏమిరా ఈ లైఫు అని ఆలోచిద్దా మనుకుని ,

అబ్బే ఇట్లాంటి సెంటిమెంటు ఫిలోసోఫీ లో కి వెళ్తే

మరీ 'బేజారే' సుమీ అని సోఫాలో పడి గురక పెట్టి నిద్దుర పోయేడు.

 

అపరాత్రి తలుపు కిర్రుమంది.

 

బక్రీ బేబీ మరో కీ తో తలుపు తెరుచుకుని ఇంట్లో కి వచ్చింది.

 

బకరా బాబు సోఫాలో అడ్డంగా పడి నిదురోతున్నాడు.

 

చేతిలో లాపు టాపూ అట్లాగే 'ఆన్' లో ఉంది.మరో చేతిలో మౌసు !

 

చ, స్పౌసు కౌగిట్లో నిద్దుర పోవాల్సిన మానవుడు ఇట్లా మౌసు కౌగిట్లో నిద్దుర పోతున్నాడే

అని ఆలోచిద్దా మనుకుని ,

అబ్బే, ఇట్లాంటి సెంటిమెంటు ఫిలోసోఫీ కి వెళ్తే మరీ బెజారే సుమీ

అని మరో సోఫాలో పడి బక్రీ బేబీ కూడా నిదుర పోయింది.

 

కథ స్వప్న లోకానికి, మనం మళ్ళీ మరో రోజుకి !

 

శుభోదయం.

 

జిలేబి 

(బక్రీ  Musings)
(My wife dresses to kill. She cooks the same way!).

అయ్యరు గారితో మిథునం!

ఏమండీ అయ్యరు వాళ్ , మిథునం అని మాంచి చిత్రం వెళ్దామా? అన్నా మా జంబునాధన్ కృష్ణ స్వామి అయ్యరు గారితో.

ఇంతకు ముందే చూసేసా నోయ్ మలయాళం పిక్చరే గా ? మోహన్ లాల్ మా బాగా ఏక్ట్ చేసాడు.

'ఆడ మలయాళం కాదు స్వామీ, ఇది ఈడ తెలుగు మిథునం ' చెప్పా 'అబ్బా ఈ అరవం వోళ్ళ కి అరవం, మలయాళం తప్పించి వేరే ఏదీ పట్టదు సుమీ' అనుకుంటూ.

తెలుగు మితునమా ?

మితునం కాదు స్వామీ, మిథునం చికాకుగా అన్నా, ఈ అరవం మరీను, త,థ ,ద ధ  అన్నీ ఒక్కటే ఆయే మరి. మధ్య లో గుండు సున్నా కూడా ఉంది, చెప్పా.

అచ్చ తెనుగు చిత్రం కొంత గొప్పగా చెప్పా. 'తనికెళ్ళ భరణి అని మా గొప్ప మడిసి అచ్చ తెనుగు లో తీసేడు'

తెలుగు 'పురియాదె' ఎట్లా మరి ? అన్నారు

అబ్బా ఇంకేట్లా వీరిని లాక్కె ళ్ళేది మరి ?

'అమ్మా నాన్నల ప్రేమ కథ అయ్యరు వాళ్ ' ఈ మారు కొంత ఆశ పెట్టా.

అమ్మా నాన్నల ప్రేమకథ మనమెందుకు చూడడ మే ? మన కథే ఇట్లా తెలవారి పోతోంది కదా మరి ? మళ్ళీ ఓ రిటార్టు.

అబ్బా, ఎట్లా వీరిని లాక్కెళ్ళడం?

'బాలూ లేడు ? అదే నండీ శ్రీ పండితారాధ్యుల వారి గారబ్బాయి , మా బ్రహ్మాండం గా నటించాడంట ' ఈ మారు దీనికైనా బోల్తా పడతాడేమో అని చూసా.

'బాలూనా  మా బాగా పాడతాడు, ఇప్పుడు నటించడం కూడా మొదలెట్టేడు?'

అబ్బా, ఈ పాత కాలం వారికి మతిమరుపు చాలా ఎక్కువే మరీ ను.

'బాలూ ఎప్పుడో చిన్నప్పటి నించి అడపా దడపా సినిమాల్లో నటిస్తున్నాడు కదండీ , ఆ మధ్య ఒక అరవం సినిమాలో గుక్క తిప్పు కోకుండా పాడాడు కదా మరి ?'

అవును కదా ? మర్చి పోయా. చెప్పేరు అయ్యరు గారు.

అయితే వెళ్దామా?

వద్దు లేవే ! అచ్చ తెనుగు అంటావ్, అర్థమయి చావదె మరి'

ఈ మారు ఫైనల్ బాణం వేసా.

లక్ష్మి కూడా ఉందండీ '

ఎవరూ, లక్ష్మే ? రుక్మిణి అమ్మాయే? యారగుడిపాటి వారే కదా,నుంగంబాక్కం జానకి మనవరాలే కదా?'

అబ్బా, ఈ పాతకాలపు జ్ఞాపకాలు మాత్రం ఎట్లా గుర్తుంటాయో వీరికి మరి?

వెళ్దామా అయితే?

అబ్బా, ఇంకా ఎవరెవరొయ్ ఎక్టర్లు?

మండి పోయి, 'వాళ్లిద్దరే! ఇంకా ఎంత మంది కావాలేంటి ?' అన్నా కస్సు మని బస్సు మని.

ఇద్దరే నా ? హాశ్చర్య పోయారు అయ్యరు గారు.

అవును.

ఇద్దరేనా మళ్ళీ నోరు వెళ్ళ బెట్టేరు.

అవును.

అయితే చూడాల్సిందే మరి ! ఇద్దర్ని పెట్టి ఎట్లా చిత్రం తీసారబ్బా?

అన్నిటికీ ఎట్లా ఎట్లా అంటే ఎలా మరి? చూసి వస్తే కాని తెలీదు కదా మరి ? చెప్పా.

'కారులో షికారు కెళ్ళి ఆ పై వెళ్దామోయ్

అబ్బా, ఒక్క చిత్రం చూడ్డానికి ఎన్ని అవస్తలో మరి.

ఈ అయ్యరు లేజీ బీ తో ఈ జిలేబీ మిథునం అన్నీ మా బామ్మ తెచ్చిన ఒక్క ఫోటో వల్లే కదా మరి, అని మురిసి పోయా. ఎంతైనా మా అయ్యరు గారే కదా మరి.


చీర్స్
జిలేబి.
'sevenhills musings'

శభాష్ ఆంధ్రజ్యోతీ!

తెలుగు ప్రపంచ మహా సభల పుణ్యమా అని

మా ఆంధ్రజ్యోతి వారు మొట్ట మొదటి మారు

నవ్య ని ఆంధ్ర పత్రిక లా తీర్చిదిద్దారు. !

శభాష్ ఆంధ్రజ్యోతీ!

జిలేబి
 

Source:

http://www.navyaweekly.com/

బావిలో చెందురూడు

 

వెన్నెల పిచ్చ కాసింది..

 

హాలికుడు బావి దగ్గరికి వెళ్ళేడు  నీళ్ళ కోసం.

 

బావి లో చెందురూడు కనబడ్దేడు .

 

అయ్యో చెందురూడు బావిలో పడ్డేడే !

 

చేంతాడు కొక్కీ తెచ్చి చెందురూణ్ణి లాగాడు 

 

చేంతాడు కొక్కీ బావిలో రాయి కి తగులుకుంది 

 

ఎంత లాగినా చెందురూడు రాలే.

 

గట్టిగా పట్టి లాగాడు హాలికుడు.

 

చేంతాడు పుటుక్కుమని తెగి ఊరుకుంది 

 

హాలికుడు వెల్లకిలా పడ్డాడు దబ్బున 

 

కొంత సేపటికి తేరుకుని చూస్తే ఆకసం లో చెందురూడు !

 

అబ్బా నేను పడ్డా ఫర్లేదు గాని,చెందురూణ్ణి  రక్షించా

 

హాలికుడు సంతోష పడ్డాడు!

 

 

 

జిలేబి.

జిలేబీ డైరెక్ట్ టు హోమ్ !

జిలేబీ డైరెక్ట్ టు హోమ్ !

చాలా డబ్బులు ఖర్చు పెట్టి (ఆంగ్లంలో Time is Money అన్నారు మరి!) అంటే వంద కోట్ల మిల్లీ సెకన్ల పై పెట్టు బడి పెట్టి టపాలు రాస్తున్నా,

అమ్మలారా, అయ్యలరా, మీరు వెంటనే జిలేబీ టపాలను మీ మీ గృహ వాటికలో డైరెక్ట్ టు హోమ్  ద్వారా టపాలు వేగిరమే చదివి చదివినడానికి ఓ పాతికో పరకో అమెరికన్ డాలర్లు కొట్టండి జిలేబీ టపా లకి.

లేకుంటే నేను దిక్కు దివాణం లేకుండా పోయే దానికి, ఆస్కార్లు లేకుండా కూడా పోయే దానికి సూచనలు కని పిస్తున్నాయి.

కావున అమ్మలారా, చెల్లెల్లారా, అయ్యలారా, తమ్ముల్లారా , నా మీద దయ పెట్టి డైరెక్ట్ టు హోమ్ కి పైసలు పడెయ్యండి!


చీర్స్
జిలేబి.

రెండు + సున్నా + ఒకటి = మూడు = 2013 శుభోదయం !

రెండు + సున్నా + ఒకటి  = మూడు = 2013 శుభోదయం !

 

రెండు + సున్నా + ఒకటి = మూడు

అన్నంత సాఫీ గా 

అందరికీ 2013

మరింత శుభములు

కలుగ జేయాలని ఆశిస్తూ

 

అందరికీ నూతన సంవత్సర

శుభాకాంక్షలతో

శుభోదయం 

 

 

చీర్స్ 

జిలేబి